حسنا .... لقد نجحتم
و اسمحوا لى ان انحنى لكم
فأنتصاركم هو جل ما ابغيه
كل ما اريده الان
ان اضع سبورة سوداء على صدرى
و الف حبلها جيدا حول عنقى
و اكتب عليها
كل ما اطلبه منكم بعد اذنكم
هو ثلاث وجبات من الطعام يوميا
و امرأة اضاجعها مرة كل خميس
سأسير عاريا صيفا
و استلم كل شتاء بطانية
و اردها مع نهايته
و اعدكم بأنى
لن اطلب شيئا اخر
.............
تركت منزلى و خلعت ثيابى
و نزلت عاريا لأنام على الرصيف كما وعدتكم
و بحثت و بحثت
و لكنى لم اجد سبورة
لأكتب عليها
او حتى طباشير لأكتب به
ايه الطمع ده
ReplyDeleteبني ادم طماع بجد
تلات وجبات في اليوم
ومضاجعة كل خميس
عشان كدة عمرك ما هتلاقي السبورة
يا طماع
رامز بيه
ReplyDeleteكل ده من تحت راس البصل الخزين ، اشتريت بكل فلوسك بصل ومستنى سعره يعلى وبعدين تطلع لنا لسانك
صح؟
بس مين دى اللى ترضى لامؤاخذه ( ---) على الرصيف وانت ريحة بقك بصل؟
كل سنة وانت طيب
و حتى اذا ارتديت السبورة و كتبت مطالبك المشروعة فلن تجد من يقراها لان الناس نوعين
ReplyDeleteاما ان كل شئ متوافر له فلن يضيع وقته قراءة معاناتك
و اما مثلك تماما يبحث عما لا تجدوه نحن في انتظار ملاك او حتى شيطان المهم هو الخلاص
تحياتي
يعني لازم تلات وجبات مش اتنين ولادي لكل خميس بس
ReplyDeleteاصعب الاحلام ياعزيزي ابسطها طيب والست مش ها تقولك انت واخدني من بيت ناس شوف لنا خيمه ايجار جديد الناس بتبص علينا
وكمان تلات وجبات هي كمان ولا انت ها تاكل وهي تفضل علي لحم بطنها وبعدين ها تقعد بوزك في بوزها السهره كلها ها تقولك زهقت شفلنا تلفزيون صغنن ووصله دش من الخيمه المجاوره اقصد البتاع الوصلات المجاور
عاوزة اشوف الفيلم يا عبس
او عاوزة اشوف ميلودي
تقوم تتخانق معاها عشان مش عاجباك ميلودي تقوم تجيب كمبيوتر صغنن ووصله نت تطمن علينا وتطمنا عليك منها
لحد ما تخلص هي فرجه
ووبعد ما تنصب الخيمه تيجي البلديه تعملك غرامه اشغال طريق
ههههههههه
وتضطر تطلب واسطه عشان البوكس ما يشيلش الخيمه
وطبعا وبعد 9 شهور يشرف عبس صغير يجيله التهاب رئوي من برد الشارع وعاوز مضاد حيوي ودكتور اطفال وتطعيم ولازم يروح حضانه عشان يبقا اجتماعي ولا هتشرد ابنك
يا لهووووي
وعلي ايه الصداع ده ارجع بيت اهلك وهات لهم العيش
جنه بابا ولا نار الرصيف
تحياتي
بجد تداعي الافكر ضحكني جدا
و لا الهوا
ReplyDeleteهي وجبه واحده في اليوم
يوم زيتون اخضر
و يو زيتون اسود
علشان ما تزهقش
و مافيش بطانيه
اتحرك و انت ما تبردش
يا رامز يا حبيبي
اذا اردت ان تطاع
فاقعد ساكت و ما تطلبش حاجه خالص