تصدقوا انا مكنتش واخد بالى خالص
ان محمود صاحب دار سوسن للنشر عمل واجب معايا و انا كنت نسيت رغم انه قالى قبل كده و طلب منى رأى فى صورة الغلاف
محمود مشكورا نشر مجموتى القصصية ( الى تجاوزا نسميها مجموعة و قصصية كمان ) . متشكر جدا يا محمود و كمان شكرا لدار سوسن على الواجب الجامد ده
انا لسه واخد بالى من انها اتنشرت انهاردة على الرغم من انها منشورة من فترة
..........
اليكم رائعة رامز شرقاوى الى هو انا
تحفتى الخالدة
الله يخرب بيتك يا هيكل
..........
الصراحة انا سعيد جدا
سعيد جدا جدا جدا
....
متنسوش تقروا اصدارات دار سوسن التانية
فى حاجات احلى بكتير من الى انا كاتبه
اقروا كل حاجة
ولا يا رامز !! ايه الحلاوه دي
ReplyDeleteانت موهوب يا ابني
الله يخرب بيتك يا هيكل
القصة نفسها مسخرة
دمها خفيف اوي
المجموعة القصصية كلها حلوة جدا
ايه يا بني ده
انت ليه مابتفكرش في النشر الورقي !!
لازم تفكر في الموضوع ده طبعا !
الف مبروك يا قداستك
ReplyDeleteلسه مقريتش بس حبيت اهنيك الاول قبل ما امخمخ
تحياتشي
ألف مبروك يا عبس
ReplyDelete:)
لسه مقريتش بس حبيت اهنيك الاول قبل ما امخمخ
وانا كمان
الف مبروووووووووووك
ReplyDeleteمن زمان قلنا انك موهوب و ما صدقتش
الف مبروك و ان شاء الله مناقشة المجموعة دى الواجب بتاعى
و لو اى ندوة انا يشرفنى اديرهالك
الف مبروك
صباح النور،
ReplyDeleteالف مبروك و عقبال ما تفرحنا بخراب بيوت ناس اكتر :)
لا تتخيل كمية الضحك التي اثارتها كتاباتك هذه و انا داخل محاضرة جد مملة...الف شكر
تحياتي و متمنياتي بالمزيد من النجاح
المتتبع الجديد
زكرياء
العزيز رامز
ReplyDeleteحبيت اكلم قداستك اهنيك على المجموعة و ارتب معاك لحفل توقيعها و مناقشتها بس الغريب ان رقمك مش عندى و ده له سبب منطقى ان موبايلى جاله فيروس و شال كل النمر
ارجو الاتصال بر لترتيب ذلك
نهى حماد
الاغاني اللي بتحطها ...فضيــــــــــــحة
ReplyDelete:))
لاز اقفل الصوت كل مرة قبل ما اخش عندك
:)))
طبعا براحتك تماما
هو سؤال...قصة هيكل دي حقيقة
وبتعبر عن تجربة شخصية
؟؟؟؟
انا ..مع تصنيفي كمتطرف متعصب ارهابي وهابي سلفي....اجد ده جنون حتى وان كنت على مثال بطل الصة...اخش اجيب كتاب فقهي او تاريخ اسلامي واسيب البنية اللي نازلة معايا-بس هتكون نازلة بمحرم ساعتها - واصرف فلوس هديتها
؟؟؟؟؟؟؟؟؟؟؟؟
الف مبروك...وربنا يهديك يا رامز
:))
ىه القصة الوحيدة اللي قرأتها حتى الان هي قصة هيكل
ReplyDeleteيعني.....الله اعلم القصص التانية فيها ايه
:(
J'ai adoré le style.Félécitations.
ReplyDeleteاولا
ReplyDeleteفى اربعة لازم اشكرهم
اتنين شجعونى و قالولى لازم تنشر الى انت كاتبه ده رغم انى مش مقتنع بأنه صالح
و الاتنين هم
نهى حماد ( ماما نونو ) و محمد المصرى صديقى العزيز
واما التالت فمدام اكرام الى ساعدتنى فى قصة منهم
و اخيرا محمود فوزى الى بعتلى رسالة و قالى لو احب انشر ده فى دار سوسن للنشر البلوجى
شكرا ليهم كلهم
==========
كراكيب
انت عارف يا هانى
محمد الشرقاوى صاحب دار ملامح لما قابلته فى معرض الكتاب , كلمنى و ادانى الكارت و قالى لازم اتصل علشان نشوف مع بعض ممكن نعمل ايه ؟ الراجل مشكور كان مهتم جدا
بس انا الى متردد جداجدا
=======
حفصة
عايز رأى واضح و صريح و بلاش مجاملات
و لو زفت
قولى زفت
======
زمان الوصل
لو زفت برضه
قولى زفت
==========
ماما نونو
مشكر جدا على دعمك
انا معايا نمرة التليفون و حكلمك
الفكرة ان دار سوسن دار للنشر على النت بس مش دار لأصدار كتب
يعنى مفيش حفل توقيع و لا اى حاجة من دى
يعنى تعملى داونلود و بس
لو كويسة ممكن انشر ورقى بس انا لسه متردد كتير
بس اكيد لو حصل و نشرت ,انتى الى حتديرى الندوة و تعملى الشغل كله
=========
زكرياء
انا سعيد انها عجبتك
و سعيد اكتر انك بقيت قارىء للمدونة
========
الصارم الحاسم
متشكر على دعوتك لى بالهداية
ربنا يهدى الجميع
مش عارف اقولك ايه ؟
هى اكيد حصلت و اكيد محصلتش
يعنى هى مواقف حصلت بس ملهاش علاقة ببعض
انا لا كنت خاطب و لا عندى عربية
بس
بالنسبة لموضوع الاغانى
فده فولكلور
==========
sonrisa
merci beaucoup
انا سعيد انها عجبتك
و عجبك اسلوب الكتابة
انتى من المغرب و لا الجزائر و لا تونس
مش نتعرف؟
بجد وبحق وبدون أى مجامله جميله جدا يارامز..ولازم تنشر ورقيا..بعضها قرأته فى مدونتك ومنتدى أخر كنا فيه سويا..ولكن وبجد أنا سعيد بك..
ReplyDeleteوبناء عليه لك عندى عزومه محترمه..
سأكون فى القاهره النصف اﻷول من أغسطس..
ياااااه اللى يعيش..
لكن فعلا أحب أتعرف بك شخصيا أنت ومحمد المصرى وهانى كراكيب..
والعزومه عليا
..أياك تكسف عمك أبو فارس أنا شرقاوى وأزعل قوى..تحياتى ياولدى وخالص مودتى...خالد
ألف مبروك يا رامز
ReplyDeleteومن أيام المندرة وانت تستحق كل حب وتقدير وإحترام
وبخصوص ذكرك لموضوع تشجيع إكرام يوسف لك فده يدل على شيء واحد وهو انك - بجد - أصيل أصيل أصيل
ربنا يكرمك ويوفقك
ونشوف حاجاتك منشورة فى مجموعة قصصية كبيرة زى حمار من الشرق
ربنا يقدرك على النجاح أكثر وأكثر
هو مش زفت ابدا بس ينفع اقولك الله يخرب بيتك انت مش هيكل؟
ReplyDeleteايه ده يا عباس
ايه الجمال ده
كلهم حلوين
يمكن واحدة بس اللي مدخلتش الطاسة
بس الباقي ايه
ده و قال ايه كنت متردد؟؟؟
ليه يعني؟
ترفعا علينا و حرمانا من القراءة الشيقة دي
يا رامز المفروض انك عرفت او حسيت اني بقرا كتب كتير و صدقني صدقني صدقني
الفترة اللي فاتت دي شفت بلاوي
و صدقني انه من فترة طويلة جدا جدا ملقيتش حد يقدر يشدني بالشكل ده من زماااااااااااااان
طبعا بتاعت هيكل مسخرة و اسلوبك في الرومانسية فكرني بأخويا و ناس شباب قرايبي
و لسه مخطبوش و لا لاقيين لغاية دلوقتي
هما نفس سنك كده
الظاهر دي صفة عولمية
و قصة العبيط كانت ملعوبة
و اخر كام قصة كانت الشكل التقليدي المحبب الي نفسي لانه فيه بساطة السرد بكل تلقائية و عودة للقصص اللي هي بكل بساطة قصص، يعني حواديت اخر الليل يعني
مش لازم تكون تكعيبية الشكل او مفحمة المستوى او متغربلة المفاقيع
رامز
قداستك
شكرا
جدا
بسطتني و الحمدلله
يلا اكتب كتير اوي و طبعا مش محتاجة اقولك ابعتلي القصص اقراهم مجانا
هههههههههههههههه
الاستاذ رامز
ReplyDeleteحفظه الله ومع تصنيفي من الاديبات الشابات وعملت لكم سوبر بوست يا شعب ابوي
وها اطلع النجيله علي عنيكم.. احب واتشرف بشده اقرا انتاجك الادبي
بس حكايه التحميل دي صعبه شويه ريجسترايشين وبعدين ايه ؟؟يا ريت تكتب لي الخطوات عشان وقتي ضيق اشغل نفسي بالحاجات البسيطه دي يا دوب عليا اتابع انتاجكم واقيمه
واتحفكم.. ببقيه ابداعاتي
اللينك بتاع ديزني حطيته في البوست عندي
عملت اكاونت علي فور شاريد
ReplyDeleteوبعدين داون لود
نزل فايل يخرب بيتك يا هيكل عندي بس مش بيفتح
قالي نزلي بنامج adobe reader
كمان نزلته برضه الفايل مش بيفتح
اووووف
help me
انت رهيب جدا
ReplyDeleteو جميل جدا
و انا بعد ما حمّلت هيكل و بيته و اندمجت بالقراءة جدا جدا ..شفت انه من الواجب أتوقف شوية عن القراءة و اجي اشكرك و أشدّ على ايدك ..
أنا مبسوط جدا اني وصلت هنا و إنك اعطيتنا الفرصة نقرأ قصصك الجميلة .
ـ اّه ..نسيت أقلّك ..ما لكش دعوى بجمانة نمور ..ابعد عنها ..أحسن يصير بيننا مشاكل ..ههههه
ـ لك خالص أمنياتي بنجاح دائم و اتمنى أن تصل قصصك إلى أكبر نسبة من القرّاء لأنك موهوب جدا و تستاهل
جـو غانـم
لبنان
joe75.jeeran.com
مساء الخير
ReplyDeleteبصراحة لم أقرأباللغة العربية من مدة أتمنى أن تواصل فأسلوبك رائع
Sonrisa from Morocco
ابو فارس
ReplyDeleteانت تنور مصر الاول و بعدين نشوف موضوع العزومة دى بعد كده
=======
ما انت عايف
انا لسه فى الاول يا سيدى
لازم اشكر الناس و الحركات دى
لكن بعد ما اتشهر
انسى , حنفض لكله و حعمل انى مش واخد بالى من حد و انت عارف الحركات دى
و كده و بتاع
شهرة بقى
=======
حفصة
انا شاكر لرأيك جدا
و مش عارف اقول ايه
ربنا يستر متبقاش مجاملة اصحاب
=======
بنت القمر
ابعتيلى الميل و انا ابعتهملك عليه
انتى عارفة الميل بتاعى
ابعتيلى الميل بتاعك و فوريرة
========
جو غانم
جميل جدا
انى وصلت للعالمية انت من لبنان و سونريزا من المغرب و ابو فارس من كندا
ناقص اترشح للبليتزر و كده يبقى خلاص
نورت المدونة و انا سعيد بمعرفتك
==========
سونريزا
انا تحت الامر
اكتب تانى
انتى تعرفى نوريتا و لا ايه ؟
لولوللللللليي ي ي ي
ReplyDeleteدى زغروطه لمعاليك
الف مبروك يا فندم وبعد القرايه نبقي نكتبو التعليق النوهائي بس حبينا نباركولك بس
الله
ReplyDeleteليه كده يا عبس؟
واجاملك ليه بقى؟؟
لك عندي حاجة
انا اللي بيعجبني بقوله و اللي مش بيعجبني برضو
بقله
وعلى العموم انا فعلا استمتعت
تحياتي
يا رامز يا حبيبي
ReplyDeleteيا قداسة الملك النعمان
يا اقليمي
بطل خباثه يا ابني
فيه حد في الدنيا كلها بيبقى ناسي أن كتاب له بينطبع؟
يعني أيه؟
جلالتك مثلا كتبك مبوظه المطابع عشان شغاله ليل نهار تطبع في عشرات أو مئات العناوين الي قداستك أبدعتها؟
:-)
ألف مبروك يا جدع أنت
ألف مليون مبروك
صدقني عمرك ما حتنسى روعة أول مره تمسك فيها أول كتاب مطبوع ليك
أظنها شىء كده زي أحتضان أول طفل تخلفه
ليا عندك نسخه موقعه يا باشا لما اشوف في الأهره بتاعتكم
ويمكن أتفضل عليك بنسخه من ديواني الشعري
مبروك يا رامز ويتربى في عزك وتكتب عدد حروفه
أما عن المجموعه فحاقراها النهارده وأقول لك رأيي
تحياتي ومبروك كمان مره
اسكندرانى
ReplyDeleteانت داخل تانى تسخر منى و لا انت مقرتش ايه هى دار سوسن ظ
دار سوسن دى يا برنس
دار نشر على الانترنت
بتبعتلها اعمالك لو كويسة بتنشرها لى الدار على النت و بترشحك لكذا دار نشر لتحويل العمل الى ورقى
يعنى مجرد وسيط بينها و بين دور النشر
بس يا عم
و بما انى عارف انك اكيد قريت يبقى انت اكيد بتسخر منى ماشى يا عم
============
نسرين
ربنا يستر من نقدك
========
حفصة
لأ انا فهمت
من الميل
==========
أوووووووبس
ReplyDeleteمعلش يا رامز يا أبني
العتب على النظر
أنا كنت ناسي الدار دي
دي طلعت دار بلوجيه برضك
والنشر فيها افتراضي
معلش سامحني يا ابني
والمسامح كريم
عقبال ما اشوف مجموعتك منوره الورق يا رامز يا أبن حوا وأدم
تحياتي
لتل باتلكك عشان افرح و دى اجمل فرحة بالنسبة لى ان زميل ينشر كتاب
ReplyDeleteممكن نتقابل كلنا اعضاء البلوج بتاعك و نتعرف و نناقش المجموعة فى وقت لطيف نهرب بيه من التفاهات اللى حوالينا و العزومة على و ما تزعلش انا على كتب لكل اللى ها يجى تتوقع
و الف مبروك ثانى
نهى
وصلت فى القرايه لحد غضب
ReplyDeleteبجد حلوه اويييييييييييييييي
عقبال النشر الورقي
اسكندرانى
ReplyDeleteاظبط
ايون كده
بلاش حكاية حوا و ادم دى
علشان مثيرة للقلاقل
==========
ماما نونو
انتى مكبرة الموضوع جدا
و محسسانى انى بطل قومى
على العموم
انتى الى حتكلفى انا معنديش مشكلة
و بدل ما نوقع الكترونى
نوقع كتابك انتى
=======
ازميرالدا
انا مبسوط جدا من زيارتك
انا متابع جيد لمدونتك
و سعيد بتشريفك لى
و يا ريت تقوليلى رايك فى المجموعة
========
الله يا شرقاوي
ReplyDeleteانا إزاي ما خدتش بالي من الحكاية دي
ألف مبروك على المجموعة وعقبال النشر الورقي والكتب المحطمة لأرقام المبيعات
أنا لسه ما كملت قراية
بس حابعتلك ميل وأقلك رأيي في المجموعة بكل تواضع وبدون أدنى مجزرة وتشريح
:)
حمود عصام
انا باتكلم بجد و ياريت نتقابل كلنا
ReplyDeleteو انا مصرة
بالمناسبةيا رامز
ReplyDeleteكانوا كاتبين عنك فى الدستور
انا شلت لك المقالة
عصام حمود
ReplyDeleteانا فى انتظار نقدك
و متبقاش مجامل
========
ماما نونو
انا معنديش مشكلة نتقابل فى اى وقت
فرصة عظيمة نتعرف على بعض
و الدستور كان ناشر تدوينة عبدالرحمن الى اتكلم فيها عن مقابلته معانا فى معرض الكتاب
بس يا ستى
========
مبروك المجموعة يا رجل
ReplyDelete