انا مش عارفنى
انا تهت منى
انا مش أنا
لادى ملامحى و لا الشكل شكلى
و لا ده أنا
--
ابص لروحى فجاة لقيتنى
لقيتنى كبرت فجأة كبرت
تعبت من المفاجأة و نزلت دمعتى
قوليلى أيه يا مرايتى
قوليلى أيه حكايتى
تكونش دى نهايتى و اخر قصتى
--
يا دنيا طفيتى شمعى
يا ناس كترتوا دمعى
و العمر راح منى
كتبت الأه بقلمى
كسرتوا سن قلمى
و برضه بقول قدرى
حزين من صغر سنى
و مين على الأه يعنى
مودانى الخطاوى لسكة تايهة منى
--
يا ليل , الجرح قاللى
معايا زى ضلى مئانس وحدتى
سرقت عمرى كله
خلاص مبقاش فاضلى
غير جرحى و دمعتى
جريح و ده مش بيدى
مخدتش بس بدى
زرعت يا ناس ورودى
جنيت الشوك لوحدى
-
عبد الباسط حمودة
===========
سؤال من مواطنة مصرية جاهلة بأحكام الغناء الحديث
ReplyDeleteليه كل ما بروح في حتة بسمع البني آدم ده بيغني بعلو حسه؟
أسافر في السوبر جيت الاقيه مشغله
أرجع بنفس أم السوبر جيت مع سواق تاني برضو الاقيه مشغله
الجيران اللي تحتنا واللي قدامنا مشغلينه ليل ونهار
سواق ميني باص 136 الجيزة-زهراء الحي العاشر مشغل نفس أم الشريط
وكل شوية أسمع حتة من " أنااااااااااا" أو حتة من "كسر رجليه وكمان ايديه وقال انا خدت حقي خلاص"
لييييييييييييييييييييييه؟؟
ده انا قربت أفتح الميكرويف(معلش احنا برجوازيين في الحتة دي) ألاقيه بيسمعني حتة من موال" أنا ملاك بجناحات والباقيين ولاد كلب كفرة"؟!!!
يادى النيلة هو فى الشارع وفى المواصلات وهنا كمان
ReplyDeleteايه يا باشا انت كدة هتخللى الناس تهج منك :))
تحياتى :)
الاغنية دى مش عارف علقت معايا ليه بجد
ReplyDeleteياساتر يارب دا اغنيه كئيبه كئاااااابه ولا البنى ادم اللى المفروض انه بيغنى دا صوته اعوذ بالله السميع العليم والمصيبه مش عارفه ليه كل الناس مشغلاها فى كل حته اروحها ومش عارفه ايه اللى بيبص فجاه فالمرايه سبحان الله لقاه كبر وخلاص بيودع (قولو ان شاء الله) ونهايته قربت
ReplyDeleteملكة
ReplyDeleteالأغنية دى من كتر ما حولت حياتى لجحيم , كل الناس مشغلاها
تخيلى راكب مع بنت صديقتى قالتلى حسمعك اغنية اوريونتال
و شغلتها من ال-أى بود
i-pod
تخيلى عبد الباسط حمودة , متسجل على أى-بود
يا فرحته انه وصل لل-أى بود
===
فوكسولوجى
الأغنية فى كل حتة
مش حتبقى ليه على المدونات؟
===
مدحت
منورنى
علقت معاك ؟؟؟
===
سمر الشافعى
ان شالله
انا عاجبني اوي كلمات الاغنية دي و سيبك من انه عبد الباسط هو اللي مغنيها لكن فعلا كلماتها حلوه لو سمعتها و ركزت فيها
ReplyDeleteالاغنية دي حلوة .. اغنية شعبية بجد .. عبد الباسط بقى خبرة برضه..
ReplyDeleteزي سعيد صالح لما كان بيقول انا كان معايا ورنيت الجرس ودرستلي
ReplyDelete:)
بس أغنية كئيبة
محمود الليثي أحسن
على فكرة بقى الاغنية دي خرة و زفت و طين
ReplyDeleteو كمان العبد و الشيطان
ايه القرف ده يا رامز
الناس دي من غلبها و قلة حياتها الفنية بتجيب كلام الحكم و المواعظ اللي مافيهوش مناقشة و تغنيه
انا كنت كاتب موضوع عندي اسمه البيسو كنّي عن الناس اللي بتسمع الموسيقى و الاغاني من النوعية دي
ابقى شوفه كدة
حسبى اللة ونعم الوكيل فى الاغنية دى
ReplyDeleteفى كل حتة وتخرج من ميكروباص تلاقى التاكسى مشغلها ويا سلام على الموتوسيكلات الصينى
مسستمة على الاغنية دى
علشان الهارمونى
والموبيلات الصينى
تقريبا عبد الباسط اصلة صينى صينى يعنى ما بيكسرش
انا متهيقلى لو فتحت بيبسى هلاقى عبد
الباسط جوة بيفور دمها
وفى المدونات كمان
دة سرة باتع بقى
وواصل اوى
تقبل مرورى الاول
انا باستغرب فعلا علي انتشارها الشديد جدا
ReplyDeleteحتي بياعين الجيلاتي في الشارع علي العربيات الجر مشغلينها ليل نهار
و بياعين الاشرطه الغنائيه
مبقاش فاضل في مصر حد غير السلافيين بياعين شرائط الدروس و الخطب هما بس اللي مباعوهاش بس اكيد سمعوها
انت فين ايها الابن البار؟
ReplyDeleteوفين البار؟
حطيت مكانه بيبسي؟
الاغنية دي احد الحاجات اللي بتثبت ان فيلم الكيف فيلم عبقري بجد
ReplyDeleteشوف من كام سنه ربط بين لمخدرات والاغاني اللي مالهاش هدف
فاكر سواق التاكس في اول الفيلم وهو بيرد على يحي الفخراني تعليقا على اغنيه بيقولوا
انا كان راي كده برضه اول ما سمعتها بس بعد كام مره اتعودت عليها وكييفتني
سترك يا رب
This comment has been removed by the author.
ReplyDeleteالحقيقة انا مش فى ام الدنيا ومسمعتش حد مشغل الاغنية فى الاتوبيس ولا فى القهوة و لا فى سوق الخضار , بس لما شفت فيلم الفرح سمعت الاغنية فى مشهد فى الفيلم و عجبتنى جدا خصوصا انها كانت ماشية مع نسق الفيلم و قصته, بعدين الناس فيما يعشقون مذاهب , اكيد اذواق الناس مختلفة بس ده ميعنيش ان اللى يختلف معايا فى التذوق يبقى حمار بديل و انا بس اللى احتكر التذوق كله لنفسى, و شكرا على كلمات الاغنية المعبرة
ReplyDeleteانا شايف فى الاغنية دى هم وجودى شبيه بهم جان بول سارتر بس بكلمات شعبية غاية فى القسوة مع ودا فى رايى نقلة نوعية فى كلمات الاغنية الشعبية وعليك من كمية الكابة الى موجودة فى الاغنية المغنى ما بيشتكيش من فقر ولا قلة حيلة هو بس مصدوم من الشخص الى واقف قدامه فى المراية
ReplyDelete