الساعة الثالثة صباحاً
راجع من الشغل فى العربية , سايقها عم علام و معايا الأتنين الفنيين , لقينا الشارع واقف و العربيات ماشية بطىء , افتكرنا لجنة , رحنا شَدين الحزام و طافيين السجاير , لغاية ما وصلنا للمشكلة اللى موقفة الطريق .
عربية " بى ام دبليو ثرى سيريز " واقفة بالعرض على اليمين متخرشمة خالص , عاملة حادثة منيلة بنيلة , و جنبها واقفة عربية " مرسيدس إس 240 " , و فى عربية ونش بتسحب ال" بى ام " من على الأرض , و أحنا معديين من جنبهم , لقينا راجل كبير واقف جنب شاب صغير , و الراجل الكبير وشه احمر و عمال يشخط للشاب و عمال يشاور بايده على العربيات المعدية من جنبه , بيزعق للشاب و بيقوله :
" انت قليل الأدب , أنت عديم الاحساس , انت عديم المسئولية , و معندكش دم , منزلنى من البيت علشان عملت حدثة ... انا معرفتش أربيك , بس أرجع و أقول أنا الغلطان , أنت متستحقش النضافة , ما هو انا لو كنت جبتلك " كورولا و لا ميتسوبيشى" زى بتاعة الغلابة و العالم المعفنة ديه , كنت أتربيت و عرفت الصح من الغلط .. !!! " .
عم علام قاعد جنبى سايق , الدم ضرب فى نافوخه و قال لى : " يعنى أنزل أخد الراجل الكبير ده قلمين على وشه و لا أعمل أيه بالظبط ؟ "
ضحكت و قلتله : " ما تسيبه يا عم علام يربى أبنه ... سيبه يعلمه الصح من الغلط "
---
آه ... أسف نسيت أقولكم حاجة
عربية الشغل الى راجعين فيها , عربية دايو موديل 2006 , يعنى أقل من بتاعة العالم المعفنة !!!!!
ههههههههههههههه
ReplyDeleteطب اذا كانت الكورولا والميتسوبيشى بتاعة العالم المعفنة
و الدايو موديل 2006 أقل من بتاعة العالم المعفنة
يبقى اللى بيركب بسكلتة ايه ظروفه؟
و اللى بيركب ميكروباصات اى تصنيفه
:D
الموقف ده شوفته بحذافيره من كام سنة, بس العربية اللي خدت الشتيمة كانت الفيات 128. دلوقتى حتى الكورولا بقت مش عاجبة. الدنيا جرى فيها ايه يا ناس؟
ReplyDeleteصح
ReplyDeleteهو كده صح
لازم يربي ابنه
ومن هنا ورايح مافيش غير الميتسوبيشي يا كلب
هههههههههههههه
ReplyDeleteوالعالم اللى بتركب رجليها دي مش محسوبة اصلا وماحدش شايفها
حلوة قوي دي
اليومين الجايين المرسيدس ح تبقى بتاعة الناس المعفنة
خلاص بقى الطيارات الخاصة هي ح تبقى وسيلة المواصلات الاكثر انتشارا
هههههههههههههههههههه
ههههههههههههههههههههههه
ReplyDeleteاه يا كليبه عقدتوني طيب انا عربيتى تبقى مش مصنفه حتى من المعفنين اروح اعمل فيها ايه بقى حرام عليك على الصبح
فكرتنى بصديق ليه يقولى انا عاوز واحده تجيب ليه سي كلاس وانا اتخطب لها على طول
بس أنا لو كنت سمعته بيقول علي أصحاب الكورولا ناس معفنة ما كنتش هاسكت .. كنت هازعل أوي
ReplyDeleteأصل دي التارجت العائلي في الخطة العشرينية الجاية
طيب اللي معاه فيات سيينا ممكن يبقي معفن ولاّ زبالة؟
ReplyDeleteانا باسوق الميتسوبيشي بتاع ماما...يعني أنا وامي متربيين جاهزين وعارفين الصح من الغلط...بغض النظر عن مقطع "العالم المعفنة"
ReplyDeleteLOOOOOOOOOOOOOOOOOOOOOOOOOL
طب تخيل انا سمعت عن نفس الموقف ده , بس الأب قال لابنه "انت مالكش غير شيروكي زي الرعاع"
ReplyDeleteبغض النظر عن النكته صديقه انتيم جايه من الخليج دايما احكي لها عن الغلاء وازمه العيش والكلام ده بتقولي العربيات الماتريكس زي الرز في البلددي بقت زي العربيه ال128 زمان
ReplyDeleteوالشقق اللي بمليون الناس بتسكنها قبل ركوب الاسانسيرات وانتهاء التشطيب طب ما الناس معاها فلوس اهي!!
في منتهي الزهو الانساني..عربيتي سوزوكي ماروتي.. تقريبا مصنفه زباله ورابيش كمان.. بس ها اغيرها وانتقل الي مرحلة العفانه قول يا رب
بنت القمر
ReplyDeleteلاااااااا اخص عليكى الماروتى رابش كده صنفتينى عااااااااا
ما انا كمان بس 2006 طيب مينفعش تطلب لها الرافه هههههههههه
مفيش حد يسلفنى ان شالله عجلة
ReplyDeleteممكن يا جماعة حد يساعدنياجيب حاجة معفنة تيوتا كرولا ولا حتى ميتسوبيشي لا نسر وانا هجي على نفسي واركبها
ReplyDeleteوقال أنا ياخويا ساعة ما جبت التويوتا كنت فاكر انى اتنطقت...عفانة مرة واحدة؟
ReplyDeleteطب المهم هو كان مين فيهم البى ام ولا المرسيدس؟
بالنسبة ل اتوبيس 244 في اسكندرية ايه موقعه من الادب هنا
ReplyDeleteانا خجلان من نفسي بجد
ReplyDeleteبجد مش طايق نفسي
ركب هيونداي اكسنت يا بشر
دة انا كدة مش من طائفة المخلوقات المتطورة
هاهاها
ReplyDeleteيخرب عقلك يا رامز، ضحكتني علي الصبح
الناس دي لازم تتعدم في ميدان عام علشان يكونوا عبرة
و بعدين بقه
ReplyDeleteدايو 2006؟؟
يعنى انا اروح انتحر انا و البعكوكه بتاعتى؟؟؟؟
هشام
ReplyDeleteشوف يا سيدى , الى بيركب ميكروباص و بيركب بسكلتة
دول مازالوا فى العصور الوسطى , يعنى خارج الزمن
و الله المستعان
===
اوكسديد بيف
أيه الأسم ده ؟
المهم , عارف لو الى بتتشتم العربيات ال28 , مفيش مشكلة , هى أساساً صناعة مصرى , و فى ناس ما بتحبش الصناعة المصرى , لكن الكورولا , أعوذ بالله
===
جبهة
شفتى بقى التربية , هى دى التريبة الصحيحة , الكلب ده لازم يركب ميتسوبيشى علشان يتأدب
===
بيلا
لأ , طبعاً الى بيمشوا على رجليهم محترمين , لأنهم ما بيركبوش عربيات معفنة , و بعدين فعلاً كلامك صح , حيجى اليوم و المرسيدس تبقى معفنة , و الدليل انتشار الهامر و البويك تانى
===
آبى
ReplyDeleteفين الخوخ ؟
يا ريت تكون ليها أخت , بس تجيبلى أودى , و أنا أتخطب لها علطول
===
بثينة
لأ , غير التارجت , و ربنا يستر , احسن تجيبوا بورا و لا باسات , تطلع معفنة و لا حاجة
===
مختار باشا
بدل الفيات السيينا , بتاعة سعادتك , تبقى مرسيدس يا باشا , مرشيدس , بالشين
و منورنى يا برنس
===
الى معملش حاجة
و نعم التربية فعلاً , و نعم التربية
===
نهال
ReplyDeleteما هى درجات , المعفنة للتويوتا , الشيروكى للرعاع
===
بنت القمر
يا رب يا أختى يا رب
===
ميرو
ربنا يعوض عليك
===
مصطفى
كان غيرك أشطر
===
م5م
هو كان المرسيدس , الله يخرب بيته
===
محمد الكومى
ReplyDeleteده أساسى , خارج اللعبة أساساً
===
سمير
انت كده كائن فضائى
===
عم مينا
فعلاص انا معاك , لازم الناس المعفنة تتعدم فى ميدان عام
ههههه
===
مهرا
طيب انت عندك بعكوكة , انا كله , موتورجل
أعمل انا إيه بقى ؟
طيب و اللي معاه بي ام بس موديل قبل كام سنة ..شو موقعه من الاعراب ؟ أكيد بيكون من الناس المعفنة بس عامل نفسه بني اّدم زي الباشا اللي بيربي ابنه ..
ReplyDeleteـ الناس اللي متل هالمخلوق الغريب ..هم أوسخ ناس على كوكب الارض ..بدون منازع ..لأنه هو شايف انه قيمته كبني اّدم و كإنسان ..تكمن في السيارة أو الفيلا أو حتى في الجزمة الإيطالية ..يعني هو حاجة بتلمع من برّا ..حاجة ..شيء ..و ليس إنسان..و ده حسب منطقه هو طبعا ..و لو انتفى وجود هذه الأشياء سيكون بنظر نفسه جزمة مش بتلمع ..جزمة قديمة ..
هو بيوقف في نص الشارع و بيقول : أنا جزمة جديدة ...بيركّز على ( جديدة ) و مش اّخد باله انه بيقول على نفسه جزمة ..و بالعربي المفشكل ..صرماية ..هو صرماية ..حتى لو ركب مركبة فضائية ..
و فعلا ..الناس دي لازم يشنقوها بميدان عام ..لأنها ضرر على البيئة قبل ما تكون ضرر عالانسان و الحضارة الانسانية .
هههههههههه
ReplyDeleteو الناس اللي عربياتها ماركة " باتا " أيه نظامها ؟
اشتم اشتم
ReplyDeleteيا محترم يا متربى
دى الى عملهولك فى المدرسه
تشتم
ال معفنه ال
ماشى ماشى
الشتيمه تلف نتلف وترجع لصحبها
قول مسكين
بعد البنزين ماغلى شحتين
لكن معفنين
ماشى ماشى
تحياتى
غريبة الدنيا دي والله
ReplyDelete.
.
دايما المنطق
والعقل
والصح
والغلط
والعيب
واللي مش عيب
حتي الحلال والحرام
.
.
بيختلفوا من بني ادم للتاني .. يمكن يكونوا ليهم نفس اللغة او نفس الدين .. او حتي عايشين في البلد
دا حتي ممكن يكونو اخوات
.
.
بس الفرق بينهم .. هو الماديات
.
.
هي اللي بتتحكم في ايه هو
المنطق
وايه هو العقل
وايه هو الصح
وايه هو الغلط
.
.
غريبة فعلا .. مش كدا ؟؟؟؟؟
الهيونداي الجيتز يعني تحت خط الفقر والادميه والعفانه يعني حتى محصلتش خط العفانه
ReplyDeleteيا حسره علينا حسره علينا
فى الخطه الخمسيه الجايه نيسان تيدا وبصراحه بقي بقي بقي انا شايفاها احلى من المرسيدس والبي ام :))
انا بقي شايفه بتوع المرسيدس والبي ام دول عالم معفنه وزباله انا حره بقي
الصفوه هما الفولكس "ماما" و الكامرى "بابا"
والقمه هما الاودي والميني كوبر
واحسن ناس الموتورجل والميكروباصات
:))
كانت معكم مراسلتكم من معرض سيارات الكويت نسرين بسيوني :)
هههههههههههه
ReplyDeleteلازم ابوه يربيه بعد كدة و مايجيبلهوش غير ميتسوبيشي معفنة
يا نهار اسود يا حدعان
ده الناس مش لاقية رغيف العيش و ده يقول له تتربي
هاتوا لي الراجل ده هاتووووووووه
جرررررررررررررررررررر
حنا السكران
ReplyDeleteاهو ده بقى كلام الناس الى بتحقد على الناس الأغنيا , انت من جواك بتغّل منهم , و حتموت يبقى عندك عربية بى أم , بس ده قدرك فى الدنيا .
احنا نتهمهم بانهم جزمة جدية , اشياء و هم يتهمونا بأننا : معفنين
حسبى الله و نعم الوكيل يا فخرى
===
على باب الله
لأ خليك كده على باب الله
ههههه
===
ممكن
ماشى يا عم المسكين
===
ادم المصرى
و لا غربية و لا حاجة
انما الدنيا مرسح كبير
===
نسرين
انا بحقد عليكى
هههههه
===
احمد
انا بقول كده برضه ... لازم يتربى .
لا الواد ده
ReplyDeleteسافل سافل سافل
اه يا بلللللد
بس والله ابوه ده راجل عسل
يعني ده لو عاوز ينتقم من ابنه يركبه 128
والواد لو ركب مواصلات ينتحر بقي