Wednesday, August 29, 2007

النطة

وصلت القاهرة الخامسة صباحا ... اليوم

دخلت منزلنا السعيد السادسة صباحا

.........

اتصل بى مديرى الذى لم يره احد الساعة 10 صباحا

حمد الله على السلامة

الله يسلمك

عامل ايه ؟

بعد شرح تفاصيل العمل بالفترة السابقة

تمام ... بقولك

اتفضل يا هندسة

انا عارف انك تعبان فانا حسيبك تريح انهاردة

لغاية 10 بالليل يا عم و حبعتلك السواق على

حداشر كده ... فى مشكلة فى اسكندرية و لازم تروح حالا

حاضر يا هندسة

لما تخلص كلمنى ضرورى ... اصل فى مشكلة فى العين السخنة

و لو ملقيتش حد حتروح بسرعة و تيجى ... خلاص اوكى

حاضر يا هندسة ... و حرجع على القاهرة ؟

ايوة ... طبعا .... بس بعد ما تخلص مشكلة مرسى مطروح ... سلام

.......................

كنا فى المنيا

و ما ادراك ما المنيا

تتكون الشائعات فى العقلية المصرية و تتحول الى ثوابت

تترسب فى الوجدان فتتحول الى حقائق ...

من يخالفها يتهم بانه غير سوى

من اهم تلك الثوابت هو ان بنات المنصورة اجمل بنات مصر

للأسف تلك ... اشاعة

مفادها ... ان بالمنصورة " نطة " فرنساوى ... فبالتالى

هناك عرق فرنسى انتج جمال بنات المنصورة

و النطة لفظ صعيدى ... معناه... ان هناك تداخل فى الاعراق

او بالعامية المباشرة ... معاشرة الرجل لزوجته ... تسمى نطة

اشاعة و كدب ... و الهى

بنات المنيا ... ببساطة التعبير .... قمرات

كأنك ذهبت الى صابر

و طلبت طبق رز بلبن بالقشطة و العسل و المكسرات

فقدمه لك فى صورة انثى تترجرج امامك و قال لك انها من المنيا

من الاخر ... بنات المنيا ... صواريخ ... موزز

البنت من دول مليانة و مدملكة و شديدة

و هى ماشية بتترجرج قدامك كده ...

فترج كل ما يمكن رجه فى جسدك البشري

الملىء بالضعفات الانسانية

مليش دعوة انا عايز بنت من المنيا

......................

الساعة 11 مساءا

ننزل الى السيارة

انا و بقية الفنيين و السائق

نحن فى المنيا و الموقع الذى سنتوجه اليه فى طريق

المنيا – بنى سويف اسمه الحتاحتة

كنا لا نعرف الطريق

اركب بجوار عم علام سائق السيارة

و هو يعرف نفسه بانه

انا علام الى مبيوصلش حد

سأروي لكم قصته فيما بعد

المهم

كنا نبحث عن الطريق

فتوقفت بجوار بائع فاكهة

فتحت زجاج السيارة و اخرجت رأسى

سلام عليكم

و عليكم السلام و رحمة الله و بركاته ... اأمر يا بيه

الامر لله ... و حياتك يا حج ... الحتاحتة منين ؟

اخر الطريق ده ... فى اول شم

بتر كلمته و صمت قليلا ... هرش ذقنه و اكمل

... بس دى بعيدة يا بيه لازم تركبلها

لازم اركبلها ؟!!!!!!!!!!!!!!!!!!!!!

ايوة يا بيه

اغلقت زجاج السيارة و امرت علام بالانطلاق

فانطلق بالسيارة فى عصبية واضحة

سبة صغيرة انطلقت من فمى

ابن الغبية ...

نظر الى علام و صرخ فى وجهى كعادته معى

حنعمل ايه دلوقتى ... حرام عليك

عايز ايه يا علام ؟

معندكوش احساس بالمسئولية ... حنوصل ازاى دلوقتى ؟

عايز ايه يا علام ؟

مش تسأله ... نركبلها منين ؟؟؟؟؟؟؟

...................................


Saturday, August 18, 2007

مطر

بما انى انا قاعد فى الواحات دلوقتى
و دماغى طارت من الشمس
و المحلات و الشركات كله بيقفل اجبارى
من واحدة لستة مساءا
اجبارى و بأمر الحكومة
علشان درجة الحرارة بتعدى الخمسين
تخيلوا
فانا قلت شوية مطر برضه يطروا القاعدة
احسن اموت فطسان
مطر ... مطر ... مطر




track of the week

على حسين
حزين جدا سعيد



Friday, August 17, 2007

سفر الاغبياء

يصنع البعض غبائه على شكل بالونة تتمدد و تنتفخ

حتى تنفجر به و بالمحيطين به

يرتفع صوته بالبكاء على اللبن المسكوب

يصرخ فى وجه المحيطين به

يصلى من اجل والدته المتوفاه و يسب المحيطين به

يحرك يديه و رجليه بطريقة عشوائية فتبكى السماء

سخرية من غباءه

يلوح بيديه مودعا .... مسافرا الى الخارج

يترك غرفته و يبحث عن سيارة اجرة

يخلع ملابسه و يضعها قطعة قطعة فى السيارة

يسير عاريا

يصفق له الناس بشدة ... يستدير ... يعطيهم ظهره

و ينحنى ... يخرج ريحا عظيما تملأ الاجواء ضبابا

تبكى امه و زوجته ... يصفق له اطفاله

يستوقفه الشرطى و يعلق على صدره النياشين

يقف المارة يتاملونه و هم فرحون

يسيرون وراءه ... يخلعون ملابسهم

يسيرون جميعا عراة خلفه

يصفقون اثناء سيرهم

يغنون اثناء تصفيقهم

يرقصون اثناء غنائهم

و يقف هو وحيد منكس الرأس مرتديا ملابسه

يبكى .... يصرخ

يدعوا الناس لتخطى الازمة

و لكن غنائهم يغطى على صوته

يسمعه الشرطى .... فيجرى للقبض عليه

يضع حول رقبته المشنقة و يقدم طرف الحبل له

فيسحبه الرجل العارى و يعلن ان المشنوق

هو اخر الفشلة الاغبياء الذين يرتدون ملابسهم

يصلوا الى القصر

فيصعد العارى سلالمه و هو يهز مؤخرته

فتستقبله الجموع استقبال العاريين

ترتمى النساء عند قدميه

يمارس الجنس بشراهة

ينجب الالاف ... من الاولاد و البنات

يرفع رايته و يعلن بكل وضوح

ان اليوم يوم العيد .... فيهلل الواقفون

يصرخ المشنوق

فتهتز الارض و يعلن الملك انتصار العارى

فتنحنى الابراج و المنازل و البيوت

و تهرب السيارات من اماكنها

و تصرخ الامهات فيعلن الوحى انه قد مل

فتتوقف الرسالات

و تعود الديناصورات الى مجدها

فنزحف جميعا الى الداخل

نهرب من وجهها الكريم

امين

......

Sunday, August 12, 2007

حاجة فى السوفيف

يا اخوانا
انا خلصت شهر التدريب و قالولى مقبول يا ولدى ... مقبول ... مقبول
بس ... خد بالك
فى شغلانة فى اسكندرية حتاخد يومين و ترجع علطول
قلت ماشى ...رجعت بعد خمس ايام
تانى يوم رجوعى
قالولى فى شغلانة فى بنى سويف حتاخد يومين و ترجع علطول
قلت ماشى
بعد تلات ايام اتصلوا بى و قالولى
حاجة خطف كده فى المنيا ... ساعة بالكتير و ترجع علطول
قلت ماشى
بعد يومين و انا فى المنيا ...اتصلوا بى و قالولى
حاجة تنقنق فيها فى سوهاج .... خطف بسرعة كده و ترجع علطول
.............
يا اخوانا انا فى اسوان
و رايح بكرة حلايب و شلاتين
الحقووووووووووونى
.......
المهم
انا جالى تليفون انهاردة الصبح و قالولى
حاجة سوفيفة فى الواحات
بعد حلايب و شلاتين
و ترجع علطول
.....
يا اخوانا
ان شاء الله
على حساباتهم
السريعة و الخطف و النقنقة و السوفيف
قدامى كده بتاع 4 ساعات و ارجع القاهرة
انتظرونى رونى رونى
....................
ملحوظة
فى بتاع فطير جامد موت فى اسوان
اسمه
بيتزا و فطير ... بيتى
بلو ستون هى الى دلتنى عليه
شكرا ... ليها
لو رحتوا اسوان فى حاجة خطف كده بسرعة
لازم تزوروه