Thursday, September 20, 2007

كلنا ليلى vs سى السيد


خرجت بعض المدونات علينا فى الفترة الاخيرة

بحملة جديدة قديمة ....

اقرأ هنا

بالاحرى هى تكرار ملل لحملة سابقة لم تلق صدى

فى الاوساط الجماهيرية

و ها هن الان يسعين الى اضافة بعض البريق لفكرتهن تلك

بتجديد تلك الحملة لعل احد ينصت اليهن

اسم الحملة على ما اذكر

مع لولو ,,, مع ليلا .... مع لالا

اه تذكرت

حملة اسمها

كلنا ليلى .... اقرأ عنها هنا

كلنا ليلى

..........

تسعى حملتى الضخمة المتواضعة الى تذكير الرجل

بدوره الاساسى .... سى السيد

فهو الرجل و عليه ان يتذكر ذلك

............

و انا اكتب هذه الكلمات ارجو من كل من شارك

من الذكور فى حملة... كلنا لولو... على ما اذكر

ان يفيق من ضغط الانثى على عقله

..............

تنسى المرأة دائما انها مراة

خلقت من اجل اسعاد الرجل

من اجل امتاعه و انها هى

الحتة الطرية فى حياته

و وصلت الجرأة ببعضهن

ان يكتبن بانهن يرفضن ان يكونوا قطعة لحم

اقرأ هنا

شاهد قطعة اللحم و هى تقوم بأسعاد سى السيد

و لا تتنازل عن حقك فى واحدة منهن





ادينى عقلك انت بعد الموزز دى كلها و المتعة دى كلها

مين فى دماغ يقعد يسمع كلمات من نوع الحرية و المجتمع

و النظرة الاجتماعية و المكونات و التنشئة

ايهما افضل .... انا راضى ذمتكم

راجع من شغلك تعبان ... تتروق من القطة ؟

و لا تقعد تناقش مع واحدة الابعاد الايديولوجية و نظرية

انقسام المجتمع الطبقى ؟؟؟!!!!!!

........

للاسف انجرف البعض وراء الحملة بحسن نية

متعاونا بدون قصد

اندفاعا ليبراليا حقوقيا ...... من الجانب الانسانى

اقرأ هنا

لكن للاسف

تم استغلاله من جانب فتيات لولو

فى ان الرجل متضامن معهن فى تلك الحملة

و هن على ذلك فى خطأ

انه نوع من انواع الشفقة الرجولية على ضعفكم الانثوى

.....

الهدف من هذه الحملة هو تذكيرهن بادوارهن الطبيعية

المطبخ

تربية الاولاد

اسعاد الزوج و امتاعه

اما عن الحقوق

فلهن كما نعرف جميعا ثلاث حقوق لا رابع لهم

الوجبات الثلاث

كسوة العيد

العصا لمن عصا

..........

سى السيد عاد بعد ان انفلت العيار

بعد ان تركن تفعلن ما تردن

و لكنه ذو بأس شديد

ذو صبر يحسده عليه ايوب

الا ان صبره المحسود عليه قد نفذ

الكرباج يا عبد الصمد

........

الى كل نساء و فتيات حملة

كلنا لالا

سى السيد قرر ان يضرب من جديد

سيترك لكم الخيار

و سيترك لكم الطماطم ايضا فالمطبخ مسئوليتكم

اما ان تعلن ان حملة كلنا لالا قد انتهت

و انكم تطالبوا بحقوقكم الامينية

نسبة الى امينة زوجة سى السيد

التى دهستها السوارس عندما خرجت من وراء سى السيد و بدون اذنه

امامكم مهلة قصيرة

ليتغير شعاركم

من

كلنا لولا

الى

كلنا امينة

......

شدوا حيلكم

امضاء


Friday, September 14, 2007

ابو الرخريخ و الصحافة المصرية

هذه التدوينة اهداء الى تهييس و مراقب

لعلهما يتعلما كيف تكون الكتابة الصحفية

على المتغطى

يا لئيم

...........

فى فيلم جرى الوحوش

يقف ابو الدهب – نور الشريف و يطلب من خولى المزرعة ابو الرخريخ

شد حيلك معايا يا ابو الرخيخ

متقلقش يا سعادة البيه انا حجيبلك لورى محمل تيران بشرية

و عدساية الواحد فيهم تملا العين

.............

يعانى ابو الدهب من العقم و مستعد تمام الاستعداد للتضحية

بكل شىء للانجاب

يعود الدكتور نبيه – حسين فهمى من الخارج و معه كشف علمى

جديد يمكن العقيم من الانجاب و ذلك بأن يقوم بزرع قطعة

قد العدساية من تورلوب واحد بيخلف لتورلوب واحد مبيخلفش

.............

يبحث ابو الدهب و الدكتور نبيه على شخص يريد التبرع بقطعة من التورلوب

قد العدساية مقابل مبلغ من المال

فيجدوا عبد القوى شديد – محمود عبد العزيز ... منجد

قام ابوه بتنجيد و عزق جهاز بنت مأمور قسم الشرابية سنة 60

..........

يشاهد عبد القوى شديد القردين العليل و السليم فى الاقفاص

و يشاهد القرد و هو بيتنطط

فيطمئن قلبه

الا ان عبد الحكيم – حسين الشربينى يرفض تلك العملية

لأنه يرى بان ارادة الله فوق كل شىء و ان العقيم سيظل عقيما

و لا يمكن للعلم ان يغير ارادة الله

الا ان امام اصرار عبد القوى على الحصول على المال

و اصرار ابو الدهب على الانجاب

تتم العملية و تثبت التحاليل ان صحة عبد القوى و ابو الدهب سليمة تماما

.................

و لكى تكتمل المؤامرة

فان زوجة ابو الدهب – هدى رمزى من قلة الانجاب اصيبت بحالة

امينوروهيا واضحة --- مش حتخلف يعنى

و اصبح عبد القوى شديد كما يقول انا مش انا يا دكتور

و خاصة ان نواشى --- نورا زوجته ترى انه لم يعد كما السابق

و انه بنات بلاد بره ريحوه عن زمان

...........

كثرة الدواء تدمر جهاز المناعة لدى ابو الدهب فيصاب بشلل

و كثرة المال و قلة العمل تصيب عبد القوى بالجنون

.....

بينما يقبع ابو الدهب على سرير المرض فى لحظاته الاخيرة

يطلب من الدكتور نبيه

انا عايز اشوف القرد ... انا عايز اشوفه ... عايز اطمن عليه

عايز اعرف .... القرد لسه بيتنطط و لا بطل تنطيط

القرد لسه بيتنطط و لا بطل تنطيط

.............

و هكذا تنتصر ارادة الله على رغبات البشر

فأرادة الله بان يظل القرد بيتنطط و ابو الدهب عقيما

قد اصبحت واضحة

بجنون عبد القوى شديد و شلل ابو الدهب و امينوروهيا زوجته

و طلاق نواشى

التى ترى كما قالت انه

يالهوى يا لهوى ... و الخيبة طرحت من سهوى

و انها لابد ان

اعلى و اعلى و اعلى ... لحد المستور ما يدلى

و خاصة ان كل ذلك حدث

بسبب ان ام سبروت سرقت الغويشة الدهب و ابدلتها باخرى نحاس

............

و هكذا نتعلم انه لابد للصحفى قبل ان يكتب عن اى شىء

و خاصة رؤساء التحرير قبل ان يكتبوا شيئا

عليهم ان يتأكدوا ان

القرد لسه بيتنطط و لا بطل تنطيط

القرد لسه بيتنطط و لا بطل تنطيط

لأنه فى حالة انه لسه بيتنطط

يبقى ممكن تتطلب من ابو الرخريخ ... لورى محمل تيران بشرية

و عدسايتهم تملا العين

فقد رأت نواشى ان جوزها افسدته بنات بلاد بره و انه لم يعد كما كان

انا مش انا يا دكتور

انت سليم يا عبد القوى و التحاليل بتقول كده

صدق العليل و لا تصدق التحاليل يا بغددة

.........

و بما ان ارادة الله ان يظل ابو الدهب عقيما

فقد تكون ارادة الله ان يسجن بعض كتاب الرأى و الصحفيين

اى انهم محتاجون الى نقل

تورلوب كاتب قومى الى تورلوب كاتب خاص

............

لكن سيظل السؤال الى الابد

هل

القرد لسه بيتنطط و لا بطل تنطيط ؟

.................

على جبهة التهييس و مراقب

ان يجيبا .......

القرد لسه بيتنطط و لا بطل تنطيط ؟

Thursday, September 13, 2007

امينة

انا عملت حادثة يا اخوانا

......

الصراحة انا سعيد جدا بالموضوع ده

اول مرة تحصلى حادثة

دائما الحاجات الجديدة بيكون ليها فرحة

و متتصوروش انا فرحان قد ايه

............

راجعين على الصحراوى

و انا قاعد قدام جنب السواق و حاطط السماعات فى ودانى

و لقينا مقطورة بيسوقها شخص ظريف

هو نتاج القومية العربية و وحدة الصف و الحزب الوطنى

عمال رايح جى بالمقطورة شمال و يمين

و راح مطلع دماغه و بدون اى مناسبة

عمل حركة بأيده و صوابعه للسواق و قاله

انا حلبسك فى شجرة

..............

و راح سبقنا و طوح المقطورة

فراح سواق العربية مهدى و سابه

سواق المقطورة صعبت عليه نفسه و راح

مفرمل و هو بيجيب شمال و يمين

فاضطر سواقنا يفاديه

من الخضة ... فلتت العرية من ايده

حاجة ظريفة جدا الموضوع ده

و اتزحلقت على الاسفلت

نص لفة ... و هوب

خرجنا من الرصيف ... و دب ... فى شجرة يا معلمين

بس الرملة شالت بلاوى

فيدوبك الاكصدام لزق خفيف فى الشجرة

........

طبعا انا قاعد قدام

رجلى اتدغدغت و دماغى فى الازاز

..........

صاحب المقطورة مش يقف و يلحقنا

لأ

وقف و قال

مش قلتلكم حلبسكم فى شجرة

شكرا ... للفكر الجديد و العبور للمستقبل

......

انا سعيد جدا

اول مرة تحصلى حادثة

لحظات ما قبل الارتطام و العريبة بتلف و تدور

و السواق بيصرخ

و الفنيين بيقولوا الشهادتين

و انا كالعادة بضحك

كانت جديدة على

اول مرة تحصلى

ظريف جدا

لحظات بنت لذينه

استمتعت بيها جدا

.......

شكرا للسيد المهندس سائق الشاحنة

و شكر خاص لقطعة الافيون الى كانت تحت لسانه

............

بعد كده و احنا راجعين

لقيت يافتة مكتوب عليها

مع منصور

انت فى ايد أمينة

.....

شكرا ل..أمينة

رمضان كريم




كل سنة و انتم طيبين

رمضان كريم

Saturday, September 08, 2007

معاه شهادة

امر على المدونات كل فترة

اتابع الجرائد بلا انتظام نتيجة كثرة سفرى

لذا فأن اعوضها بقليل من المدونات

.....

تفجرت منذ قريب قضية تعذيب مصريين فى دولة تدعى الكويت

فى منطقة تاريخية تسمى الخليج العربى

قرأت ما حدث و توابعه و التعليقات

............

فى واحد ظريف جدا اسمه فؤاد الهاشم

كتب مقالا اسمها لا تعايرنى و لا اعايرك

على اساس انه كاتب و بيفهم و بيصحى الصبح و بينام بالليل

اقرأ المقال

و لو كنت من النوع الى بيشمت و قريب لخالتى شماتة

اقرأ عند زنوبيا و تهييس و اشمت فيهم وهم دمهم محروق

و احرق دمك بالمرة

...........

الفكرة كلها فى المقال

ان الدشداشة بتقول نقوم الدنيا و نقعدها ليه

علشان مصرى تم تعذيبه ؟

على الاقل تم تعذيبه فى دولة بتديله فلوس

مش اتعذب فى دولة مش لاقية تأكله

و كمان الجلابية بتقول

ان تمن المصرى بيساوى فى مصر

تمن غسالة كورى من السوق الحرة

حاجة ظريفة جدا الكلام ده

قوم ايه ... زنوبيا و تهييس يعايروه بأن احنا الى عملناهم اساسا

شفت حرق الدم بقى

.............

طبعا العيب من اهل العيب ميبقاش عيب

دى حاجة مفروغ منها

الصندل فاكر انه بدل زيتنا فى دقيقنا

و اننا بدل فى ازهى عصور الوحدة العربية

يبقى تعذيب مصرى فى مصر او فى الكويت واحد

يعنى كله فى بيتها على الاقل فى الكويت بيتعذب فى التكييف

و بادوات مستوردة مش فى مصر بحاجات صينى يمكن تتعبه

و هو بيتعذب علشان مش اصلى

و كمان العقال بيقول انهم بيدونا معونات و فلوس و حاربوا معانا

فى 67 و 73

( انا عرفت دلوقتى سبب النكسة و الثغرة ... مش تقولوا انهم حاربوا معانا )

الغريب اننا مسمعناش عنهم و هو بيدافعوا عن بلدهم فى

عملية فتح الكويت و قفلها بواسطة الاخوة الامريكان

دول جم يعيطوا فى مصر و فى واحد جببلنا وش

كويتى هو من كتر ما غنا

و سكتنا و محدش حدف لا بيض و لا طماطم

و قلنا معلش العراقيين قلعوهم مالط و احنا كمصريين

لازم نستر على ولايانا ... جمع ولية

.............

سألنى واحد .... تفتكر ايه السبب فى الى حصل ؟

اى بنى ادم حيرد و يقول ان الحكومة المصرية هى الى

فرطتت فى حق المواطن المصرى جوه بلده و بره بلده

علشان كده بقينا نتهان فى كل حتة

انا بؤيد الرأى ده و بضيف

انا بقول انها فرطت فى حق المواطن المصرى

لما قالت نعمل وحدة مع الى يسوى و الى ما يسواش

........

لكن النقطة الاساسية الى نسيها اى حد و هو بيرد

هم مين دول ؟

ادينى تاريخ

ادينى جغرافيا

ادينى امارة

ادينى حتى السبعة الكومى

اى حاجة تقول انك موجود و حى ترزق

..................

انا عارف انها قامت على كتاف المصريين

لكن نتيجة فرق التوقيت التاريخى بينا و بينهم

هم افتكروا بما ان فى حاجات مشتركة بينا و بينهم

زى اللغة و الدين فقال اكيد كمان المشترك البنى ادم

زى ما اخوتنا الاشقاء المصريين بيعذبوا مصريين

احنا كمان بحق الدم نعذب برضه مصريين

مشكلة فهم و استيعاب

شوف الزمن الاسود

..............

الى يغيظك فى الموضوع انه بيتكلم زى ما يكون

بيتكلم جد ... تخيل

كأنه زينا ... بياكل و بيشرب و بيصحا الصبح و ينام بالليل

كأنه بيمشى و بيقعد و لما يكون مستعجل بيمد

حاجة ظريفة جدا يعنى

قايل انه كاتب صحفى ... لأ و بيكتب فى جريدة

شوف الزمن العجيب

ناسى انه يا عينى عربى من الصحراء

و الى اداهم فلوس الامريكان و الانجليز لما لقوا بترول

صحيح ... يدى الحلق للى بلا ودان

انا مش قادر افهم

له فى خلقه شئون

........

اما بقى قمة المسخرة

فهى حكاية تقديمه للمحاكمة

حتقدموه بصفة ايه ؟

كاتب ... لا سمح الله

صحفى ... لا قدر الله

يا اخوان ده عربى

عارفين يعنى ايه عربى ؟

يعنى

ربنا لا تواخذنا على ما كتب العرب منا

اصل ربنا حيعمل فيه ايه اكتر من كده

ربنا سخطه عربى

مفيش عربى يؤاخذ على تصرفاته

ده معاه شهادة

و شهادة كبيرة كمان

مكتوب فيها

يعامل معاملة العرب

Friday, September 07, 2007

اين هى عدالة الله

اين هى عدالة الله ؟

اين عدل الله من مولود طفل يرث من والديه امراضا خطيرة ؟

اين عناية الله من مئات الالوف ممن تشردوا فى فيضانات و حرائق و كوارث ؟

اين حكم و رحمة الله من اناس يعانون من الام رهيبة بسبب مرض ما كالسرطان ؟

لماذا لم ينزع الله الشر عن العالم ليعيش الكل فى جو هادىء و صحى ؟

.............

قد تبدو هذه الاسئلة كأنها محاولة لهدم اركان الايمان

و لكن

كيف تفكر فيها فى ضوء ايمانك و قضية الخير و الشر

............

......

الاسئلة السابقة كانت هى محور لندوة دينية للشباب المسيحى

و كانت كالتالى

تم توزيع ورقة مكتوب عليها الاسئلة لكل شخص

و فترة تامل فى الجمل مدتها نصف ساعة لكتابة ملاحظاتك

ثم مناقشة مفتوحة بين الراهبة و الكاهن ... و الشباب

من منطلق الملاحظات المكتوبة و افكار كل شخص

.............

طبعا انا مش حقول عن افكارى لسبب انهم شبه طردونى وقتها من الندوة

و انا مش عارف ليه لحد دلوقتى

كل الى حصل انى رفعت ايدى و قلت انها مش غلطة ربنا

ده خطا ادارى و اسماء الناس المنكوبة لسه ما رحتلوش و ان فى ناس بتخبى عليه الى بيحصل فى العالم .... بس اول ما الاسماء توصل حيبعت ملايكة تخلص فى المواضيع دى

طبعا الناس ضحكت

الراهبة اعتبرتنى بهرج و كانت عايزة تطردنى

الكاهن قلها سيبيه انا عارفه من ايام المعهد و عارف علاجه

و طول الندوة فضلوا متجاهلنى عقابا لى رغم انى كنت رافع ايدى

رحت قلت ليهم فى الاخر بصوت عالى

اين هى عدالة الله من انى ارفع ايدى و محدش يرد على ؟

................

بمناسبة الانفجارات الى حصلت عند شهروزة و اسكندرانى

اهدى هذه الاسئلة لهم

لكل من كتب معلقا على تدويناتهم

اهديها

الى

شهروزة

بنت القمر

بلو ستون

هيومان

اسكندرانى

و طبعا الى عايز يجاوب

كتاب حياتى

يجيي الطبيب عندى احكيله

يقول سلامتك ... ادعيله

و لما اقوله ازى الحال

يخبى دمعه فى مندليه

........

كتاب حياتى

حسن الاسمر

Sunday, September 02, 2007

افكار جاك دريدا

امره غريب هذا الرجل

انها المرة الاولى التى افشل فيها

نقاش غريب لم اتخيل انى سادخله يوما

كنت متوقع ان يهاجمنى او يرفضنى

او حتى يهاجم ارائى

لكن ان يبتر الحديث من منبعه

كانت تلك هى المرة الاولى التى يحدث لى هذا الامر

............

جلست بجواره

هو صديق مشترك بينى و بين احدى معارفى

انها المرة الاولى التى اقابله فيها

عرفته بنفسى

فأجاب : مش مهم ... حعمل ايه بالاسماء

لما اعرف شخصيتك كويس ... ابقى اطلب معرفة اسمك

نظرت الى صديقنا المشترك فضحك و قال

ده البرنس ... دماغه مش معانا

نظر الى مرة اخرى و قال

حسألك سؤال فلسفى مهم جدا

اتفضل

هل يجوز سب الدين لشخص ملحد ؟

نعم ؟!!!!!!!

...............

حقولك حاجة فكر فيها كويس

اتفضل

اتنين ... ميعرفوش بعض

جه الاولانى بيقول للتانى ..... انا اكلت شيكولاته اسمها كورو و طعمها جميل جدا

و التانى مكلش شيكولاته فى حياته .... بدل ما يقوله دوقهانى ... تفتكر قاله ايه ؟

قاله .... مفيش حاجة اسمها شيكولاتة اصلا .... انت بتعبط .... فهمت الحكمة

انا مش فاهم حاجة ؟!!!

كده انا عرفتك كويس

...............

فى اللقاء الثانى كان الوضع تغير

فهو كما قال قد عرفنى جيدا

لذا لما مديت يدى بالتحية لم يقبلها

و اشاح بوجهه الناحية الاخرى

و لما لم اجد الا الكرسى المجاور له و جلست

وقف و ابتعد بكرسيه و نظر الى

انا حديك فرصة تانية يا .... مش مهم اسمك

عايز اعرف رأيك فى موضوع مهم

اتفض...

متقاطعنيش و ترد على قبل ما اقول السؤال

انا كنت بقو....

برضه ... بتقاطعنى

اسف

اسمع كويس

لو انت عيان و كاشف و الدكتور كاتبلك على نواشف

و بتقول يا رب عدلها و الى معاه ست يبدلها

تفتكر ممكن حد يحقق امنيتك فى الظروف دى ؟

نعم ؟!!!!

لأ .... دا انت حمار بقى

ثم نهض من مكانه

الشمس حارقة و هو يمشى ببطء

خطان رفيعان من العرق يسيلا على جانبي وجهه

حبات صغيرة من الملح تتكون خلف أذنيه

كان يفكر في السؤال الكوني الأزلي الأبدي

متأملا في الأفكار التي بدأها الإغريق

و كتب عنها ابن رشد و صرح بها فوكوياما

كما قال لصديقى بصوت عالى كانه يريدنى ان اسمع

انا حكمل الى مخلصوش دريدا

ظل يدور حولنا و قد تجاهلنى تماما

يمسح جبينه بالمنديل و ينظر إلي ساعته

و يعود إلي أفكاره غير مبالى تماما بالشمس

السؤال يرهقه و ينهك تفكيره

و هو يظل يدور و يدور

ساعات طويلة مضت و هو يدور حولنا

خائف انا منه .... فقد نعتنى بأنى حمار

رفع رأسه إلى أعلى و تمتم ناظرا إلى الشمس

و هو يضع يديه على جبينه

ثم استدار نحوى ... نظر الى صديقى و اشار الى

و قال و هو ينظر لى

كان السؤال موجه لى ما اخبرنى صديقى

لازم اجاوب لازم .... هكذا قلت لنفسى

نظر الى مليا ثم قال .... فكر معايا

هل يتأتى من الخيار آتا ؟