يوحنا المعمدان

فان هيرودس كان قد امسك يوحنا واوثقه وطرحه في سجن من اجل هيروديا امرأة فيلبس اخيه.
4 لان يوحنا كان يقول له لا يحل ان تكون لك.
5 ولما اراد ان يقتله خاف من الشعب.لانه كان عندهم مثل نبي.
6 ثم لما صار مولد هيرودس رقصت ابنة هيروديا في الوسط فسرّت هيرودس.
7 من ثم وعد بقسم انه مهما طلبت يعطيها.
8 فهي اذ كانت قد تلقنت من امها قالت أعطيني ههنا على طبق راس يوحنا المعمدان.
9 فاغتم الملك.ولكن من اجل الاقسام والمتكئين معه أمر ان يعطى.
10 فارسل وقطع راس يوحنا في السجن.
11 فأحضر رأسه على طبق ودفع الى الصبية.فجاءت به الى امها.

.....

انجيل متى
اصحاح 14
3- 11

هى فوضى

الى مالوش خير فى حاتم
ملوش خير فى مصر

........

مبروك يا نوارة

اتهدى بقى
يوسف شاهين عمل فيلم علشانك مخصوص
كل حاجة قلتيها فى المدونة
عملهالك فى فيلم

التعذيب و الضرب و الاعتقال

فساد و حزب وطنى

ثورة الشعب و خروجه على الظلم

وقوفه فى وجه الفساد و الاستبداد

حتى الخرافات و الفوضى الدينية
كل حاجة انتى ناقشتيها
حطهالك فى شريط سينما
لما تشوفى الفيلم
بجد حتبقى سعيدة جدا

....

الفيلم حلو فى اطار افلام يوسف شاهين
نفس الاسلوب ... اللغة ... طريقة التصوير
طبعا انا مستنى محمد المصرى
لما ينقد الفيلم
شغلته بقى

بس الفيلم حلو

الاستعارة تحولت من مكنية

الى

استعارة تصريحية

فى الغالب يوسف شاهين زهق

لأنه قالها صراحة على لسان هالة صدقى

زهقتونا

قاعدين على قلبنا 24 سنة

............

شوفوا الفيلم

نفسيا حتستريحوا شوية

annapolis

انا – بوليس

نوارة

الى مش حتتهد ابدا

انا - حرامى

ركز فى الصورة كويس
و انت حتفهم كل حاجة
بص كويس
شوف كل واحد باصص و عامل ايه
ركز
...
ايهود اولمرت
مركز فى وش ابو مازن
ماسك ايده كويس و محاوطه بالايد التانية و شادد على دراعه
مركز فى عنين عباس --- عارف هو عايز ايه
قوة --- معرفة --- تركيز
...
عباس ابو مازن
باصص للصحافة و التصوير و بيضحك
و لا هو هنا
و كله فى التراوة
...
بوش
باشا
قاعد على الكرسى
رجل على رجل
فى الخلفية صورة لخريطة العالم
سيد هذا العالم
برنس يا ولدى
برنس
...........
الله يخرب بيوتهم

قسم

مجانية

ازيك عامل ايه ؟
الحمد لله
المدير اتصل بى و قال مفيش شغل انهاردة
بجد ... ماشى .... مفيش مشكلة .... مين الى قالك ؟
المدير !!!!... قلتلك
اه ... ليه هو اتصل ؟
...........
زميلى الجديد فى تيم العمل ... مهندس
بيسئل فى شغل انهاردة ولا لأ
..............
الله يخرب بيت مجانية التعليم
الله يسامحك يا طه حسين

سى احمد الصعيدى

اعانى من حالة اكتئاب منذ حوالى اسبوع

و هى حالة شبه متكررة

اعانى منها كل فترة

اليوم كانت نهاية تلك الحالة

نزلت لأشترى جرائد اليوم

فوجدت العنوان الرئيسى لجريدة الدستور

بالبنط الاحمر فى صدر الصفحة الاولى

( مش بهرج و انزلوا اشتروا الجريدة )

ما ان قرأته حتى اصابتنى حالة من هستيريا الضحك

هى كانت السبب فى خروجى من تلك الحالة

...............

كان العنوان كالتالى

الجماعة الاسلامية تعلن تأييدها لأستقالة شاهينازالنجار

من البرلمان و تفرغها لرعاية زوجها احمد عز

الخبر

اعلنت الجماعة الاسلامية تأييدها لشاهيناز النجار

النائبة السابقة عن المنيل فى استقالتها من مجلس الشعب

و البقاء فى البيت لرعاية زوجها

النائب احمد عز امين التظيم بالحزب الوطنى

....

و قال الشيخ اسامة حافظ القيادى فى تنظيم الجماعة الاسلامية

فى كلمته التى نشرتها له الجماعة على موقعها بشبكة الانترنت

ان المنظمات النسائية و مؤيديها من الرجال الذين يروجون للأفكار الغربية

صبوا جام غضبهم على النائبة المستقلة شاهيناز النجار

بسبب قراراها للتفرغ لبيتها و زوجها

قطب امانة السياسات و امين التنظيم بالحزب الوطنى

....

و حيا الشيخ اسامة حافظ السيدة شاهيناز النجار

التى ضحت بكل البهرجة و الاضواء

و فضلت التفرغ لبيتها و وزوجها و اولادها

..............................

بالمختصر احمد عز طلع صعيدى و قعد مراته فى البيت

ده ملخص الخبر

........................

جريدة الدستور

لقد ابهجتينى و صنعتى يومى

دعك طبعا من ان الخبر ساذج لأقصى حد

لا يستحق النشر و لا تعليق الشيخ اسامة حافظ

فهى خصوصيات لا معنى للتعليق عليها

من قبل شيخ فى الجماعة الاسلامية

( الا بقى لو كانت دى ثمرة المراجعات للجماعة الاسلامية السابقة

على مراجعات الجهاد الاسلامى الحالية )

كل ما اضحكنى هو ان الصحافة و الفكر الصحفى المصرى

وصل لهذه المسخرة

حالة خاصة جدا بين رجل و زوجته

مهما كانت شهرتهما ... لا معنى لأى تدخل من اى نوع و من اى شخص

تصنع منها الصحافة عنوان الجريدة الرئيسة

لأ و ايه .... تعليق من قيادى بالجماعة الاسلامية

اى تفاهة بشرية

اى حماقة

اى تخلف عقلى يحكم المشتغلين بعالم الصحافة

و اى منطق ساذج يقود هذا القيادى بتلك الجماعة

جريدة الدستور بالنسبة لى

اصبح مجلة كاريكاتور الجديدة

شكرا لقد اضحكتمونى

و اخرجتمونى من حالة الاكتئاب

.................

شاهيناز

ايوة يا سى احمد

انا معنديش ستات تشتغل

حاضر يا سي احمد

حتسيبى البرلمان و تقعدى فى البيت

عينى يا سى احمد

انا عايزك تهتمى بالاولاد و الطبيخ و البيت

انت تأمر يا سى احمد .... انا عايزاك تكون راضى عنى يا سى احمد

...........

طبعا مردتش احط صورة لشاهيناز

علشان عيب ... دى ست حتقعد فى البيت

و جوزها صعيدى ميرداش ان نحط صور زوجته

..............

انا فطست على روحى من الضحك

يخرب بيت الصحافة المصرية على الجماعة الاسلامية

على بتوع ماليزيا

مسخرة .... خالص

يا ولاد الفقرية

ابهجتمونى

ولاد فقرية

.....................

هذه الحملة وجدتها
فى المدونات و على الميل
و هى ترد على تصريحات ساويروس
بخصوص الحجاب و التحول الايرانى للشارع المصرى

..........

انا انضميت الى الحملة
و حغير خط الموبايل
و مش حروح الجونة
مش حشرب بيرة
مش حتكلم من القلب
و لا حبقى من اجدع ناس
.........

انا مكنتش اعرف انه كافر و الهى
هم الى قالولى
الله ينور طريقكم
ربنا يهديكم
ربنا يجعل بيت المحسنين عمار
الحمد لله
الذى انقذ عبده من الضلال
و اهدانى الطريق القويم
.......

شارك معايا فى الحملة
يمكن نخرب بيته

.............

يا ولاد الفقرية
هههههههههههههههههههه
غلبونى فى البانرات
و
الحملات
ولاد فقرية صحيح

lions for lambs

السياسيون لا يقولون شيئا
و مع ذلك لا يكفون عن الكلام
............

شاهدت فيلم
lions for lambs


..............

روما تحترق
و نحن مشغولون بالهروب من الحريق
بدلا من مواجهته

...............

الفيلم يناقش العلاقة بين السلطة و الصحافة و المثقف
و تاثيرهم على الرؤية الانسانية للمواطن الامريكى
و المفروض من هذا الفيلم
ان تخرج و انت متضامن مع
المواطن الامريكى
و الاعلام الامريكى المأخوذ و المغيب بحبه لوطنه
و المثقف الامريكى الذى يعى انه لا طائل من تلك الحرب
بل و يساعد فى توعية الدماء الجديدة - الشباب
بان تخاذلهم و صمتهم و سلبيتهم هى ما يستغله السياسيون لصنع مجدهم الفاسد
و انهم بهذا الصمت يخونون الوطن
و ان من يدفع الثمن هم الشباب الذين يحبون وطنهم

............

لا فائدة من هولاء السياسين
لابد من صنع اخرين يعرفون فائدة العلم و المعرفة و يؤمنون بالوطن
و انت منهم
.................

الفيلم عبارة عن حوارات طويلة متقاطعة و متشابكة
الحوارات ثقيلة و لكنها مصنوعة بحرفية
لا تشعر معها بالملل
ثلاث حوارات
عن العراق و افغانستان و السلبية الشعبية و الهروب من خدمة الوطن
و التقهقر فى التعليم و دور المواطن
الاول بين الصحفية و السياسى
و الثانى بين دكتور الجامعة و احدى الطلاب النابغين
و الاخر بين الطلبة انفسهم
المقتنعين بان يفعلوا شيئا لوطنهم
و ان يخرجوا من حالة اللامبالاة و السلبية
لأن
و ان هناك كثيرون حول العالم يحاربون لجعل الحياة افضل
و يجب ان نتضامن معهم
...............

نحن و انتم عضوان فى فريق واحد
نحن اعلنا الحرب و انتم روجتم لها
لكن نحنا فعلناها لأننا نحب بلدنا
اذا عليكم بالترويج للحرب الاستراتيجية الجديدة
فالجمهور سينسى الماضى و اخطاء الماضى اذا ما اعطيناه نصر جديد

.............
المفروض ان تخرج من الفيلم و انت متضامن مع المواطن الامريكى
و الاعلام الامريكى و المثقف الامريكى
و انك تتوف على السياسى الامريكى
لكن للأسف
انا لا بحب لا السياسة الامريكية و لا المواطن الامريكى
حتى العربيات الامريكانى مبحبهاش
فبلم جميل و قوى
و مؤثر كما رأيت من انطباعات المتفرجين من حولى
الذين تأثروا و تضامنوا مع الامريكان
بس
ممكن يجيب تأثير مع حد غيرى
انا مبحبهمش

.....................

فى احدى مشاهد النهاية
يقف فردان فى الجيش الامريكى و هما الطالبان
الذين قاما بالالتحاق بالجيش لأنهم يؤمنان بالتغيير من الداخل
ثم العودة الى الحياة السياسية ليغيرا ما يستطيعانه
يقف الطالبان المجندان فى مواجهة قوة من طالبان فوق جبال افغانستان
حيث تحاصرهما قوات طالبان
واحد للاخر : ستتأخر المساعدة
انها النهاية
و لكن لست و انا منبطح .. لا و انا مستلقى على الارض
الاخر : ساعدنى على النهوض
يقف الاثنان و يستقبلا رصاص الارهابيين فى شجاعة الابطال المجاهدين

.........

ده عند امه
عشان اتعاطف معاهم
.................

هل تريدون الفوز فى الحرب على الارهاب
نعم ام لا ؟

نداء هام

فى نقطة فى الموضوع مهمة جدا

و هى انى قربت اتحول

و ابقى مجنون

فى حاجة غلط و الانه اكبر من قدراتى العقلية

كريم بقردونى و سليمان فرنجية

و البنى ادم الى اسمه عون دول فى كفة

و الاستحقاق و اقليم التفاح و عام الرماد

و بتوع منظمة التحرير و مخيمات اللاجئين

دول فى كفة تانى

و مزز لبنان و قنوات ال ال .بى . سى

الفراغ و شو و نسم علينا و ابلج و بيير لجميل

و رئيس مارونى و سنى و شيعى و سوريا

و اخيرا ميشيل اده

و الواد غسان و البت بشرى عبد الصمد بتوع الجزيرة

و حروب عالمية على الاراضى اللبنانية

و ايران و امريكا و جنوب و شمال و الغربية و الشرقية

و هيفاء و هبى و البطريرك صفير و الجبل و صوت فيروز

و ثورة الارز و كوشنير و فرنسا

و توافق التوافق

و بتوع 14 و بتوع 8 و سمير جعجع

و جنبلاط

انا بقالى اسبوعين قاعد اقرأ اى حاجة مكتوب عليها

لبنان .... كتب و مجلات و جرائد و حتى مدونات

و كل قنوات لبنان على الدش مكنتش بتفرج غير عليها

ال . بى . سى و المنار

مش فاهم اى حاجة

دروز و شيعة و سنة و مارون و ارمن و ارتودوكس

و خمسين زائد واحد و التلتين

حتى اسرائيل معتقوهاش و ليها يد

مفيش حد غلطان و مفيش حد صح و حاجة اخر ضلال

دول عايشين ازاى

انا مش فاهم بالظبط دول بيفكروا ازاى ؟

عون كان مع دول بقى مع دوكهم و الى اسمه صفير

مقلش كلمة مفهومة فى الوعظة

و جعجع و جنبلاط سفاحين بيتكلموا على سلام لبنان

و سعودية و سعد و حريرى

حد من الاخوة .... ممكن يدلنى على مجموعة كتابات

اقراها تريحنى و تبتدى تحطينى على اول الطريق

فى المناخوليا اللبنانية

دول مجانين

مفيش معسكر تقدر تثبته

كلهم بيتنططوا ... مرة مع ده و مرة كدا و مرة دوكها

حد ممكن يفهمنى ؟

واحد صديقى من اهم 5 مثقفين فى مصر و الشرق الاوسط

قال لى حكمة

صديقى عكاشة قال لى

لا يمكن انك تفهم لبنان كويس

الا لو كنت

يا اما

مثقف لبنانى من الغطيس اللبنانى

يا اما

تكون مزة بتعرف تغنى و تقلع و ترقص

فى لبنان ... بيحبوا الحياة

بيغنوا و يرقصوا فى كل مناسبة

بيغنوا لكل حاجة و بيرقصوا على كل حاجة

و بيقروا فى كل حاجة و بيترجموا كل حاجة

لبنان .... هى مزة العرب و حرمة الحريم

و بدل ما العرب ما يحافظوا على حريمهم

حولوا مزتهم لواحدة ماشية فى الحرام

لست ملعب وشها ملطخ بالمكياج

بتبيع نفسها لأى حد و لأى حاجة

علشان تكسب اى حاجة

فاهم حاجة ؟

ناس و ناس

فى ناس ولاد ناس
و ناس ولاد كلب
- و شكرى عبد الحميد ؟
- ابن ستين كلب
...........
حوار بين
عادل ادهم و ميرفت امين
...........
حافية على جسر من الذهب

المجد للتوك توك

الصراحة انا مفقوع
من الحكومة
سيبوا التوك توك و دلوقتى عايزين يلموه
حاجة تعل


.......

اقرأ معالجة كاملة عند
مختار
........

شارك فى حملتى المتواضعة
اشمعنى انا معملش حملة
...............

حملة
المجد للتوك توك

...............

الصراحة التوك توك حل ازمة مواصلات جامدة
و خصوصا فى الارياف
للمناطق الى مبتخشهاش الميكروباصات و العربيات
و دى مهمة جدا
و فرقت جامد فى الصعيد
و وسيلة دمها خفيف و لذيذة للسياحة

.....................

فمفيش اى مبرر
للحكاية دى
غير حاجة من اتنين
يا اما مختار بيكدب
يا اما
الحكومة مخها ضرب
و بما ان الحكومة مخها ضارب اصلا
و مختار مبيكدبش

يبقى اللعنة
على الابراج
و
المجد كل المجد للتوك توك
.....................

طبعا
فى ناس احسن منى فى الحملات دى
و ممكن يعملوا تصميم احسن منى
فانا منتظر التصميم
علشان اغير الى انا عمله

sea of peace

نقلا عن مدونة امريكية بأسم
meryl yourish

و هى كما تقول عن نفسها

I am a Zionist. I am an avowed, unabashed, unashamed supporter of Israel and Zionism (the establishment and maintenance of a Jewish state) and an uncompromising foe of anti-Semitism. If you hate Israel and Jews, you’re going to have an unpleasant time on my weblog if you try to bash Israel and Jews. Do the smart thing: Leave now. And do let the door hit you in the ass on your way out.

....................

اقرأ التالى

Abbas offers Israel ’sea of peace’

Thats’ quoting Al-Jazeera:

“If peace comes and the occupation comes to an end, Israel will live in a sea of peace,” he said on Tuesday after meeting his Israeli counterpart, Shimon Peres, in the Turkish capital of Ankara.

I hope it is not the Mediterranean sea that he has in mind…

......................

هو مين الى يقلق من مين ؟
فى حالة مناخوليا متبادلة بين العرب
و الاخوة فى اسرائيل

مأساة

مأساة البشر الحقيقية
انهم ولاد كلب
............
حكمة سمعتها
و انا جالس على المقهى

عاش يا رجالة

...............................

حبابيبى التوانسة

عاش يا رجالة

........................

هيه هيه هييييييييييه

الاهلى اتغلب امبارح

هييييييييه

النجم الساحلى ظبطه تمام

شايله الحطب و حطه فى الدفاية

اداله و الاهلى ناكر الجميل هو و جماهيره قال مخدتش

لبسه الزعبوط و قاله اعمل العجين

.............................

شكرا سيادة الرئيس على حضورك المباراة

...................

و الاهلى مش بيمثل مصر

الاهلى بيمثل نفسه

و انا فرحان مع جماهير الاسماعيلى

و عند فى محمد المصرى

هيييييييييييييييه

............

قال جانبهم التوفيق قال

دا توفيق نفسه اتخنق منهم

و من تلزيقهم لكل مصايبهم ليه

...............

حبابيبى التوانسة

عاش يا رجالة

............

مع تحياتى للنادى الاهلى

بلا احباب

سالى نجيم

لقطات

-1-

بلاش ليليان فريدمان

........

فرانكا تحذر ديفيد شارل سمحون

من ليليان فريدمان

لانها تعمل مع الموساد

و سارة و افرايم سولومون

يقابلون البرتو مادزينى فى القاهرة

ربنا يستر عليك يا

رافت الهجان

-2-

شغل كايرو

......

..........

من لم يقرأ خالدة احمد العايدى

ان تكون عباس العبد

لم يقرأ روايات بعد

و من لم يقرأ

شغل كايرو

لم يقرأ شعر بعد

انا لم اقابل محمود عزت و لا مرة

و لكن الديوان جامد جامد جامد

اتمنى فعلا اقابله و اهنئه بنفسى

و مش عايز طبعا و اكيد

يمضيلى على الديوان احسن نائل

بيقفش على الى بيوقعوا على كتبهم

-3-

دار ملامح

قرأت اربع اصدارات لها

روجرز --- احمد ناجى

النبى الافريقى --- مينا جرجس

اسباب وجيهة للفرح --- عمر مصطفى

عن الهمس الذى يشيح بوجهه --- سعيد ابو طالب

..........

دار ملامح

اعطتنا ملامح عن كتابة جديدة

اتمنى ان تدخل الى العمق

فى اصدارتها الجديدة

-4-

خش على ... كده بالرقة

و انت تملك قلبى

لكن تقسى ...هوءه يا نوءه

ابعد كده من جنبى

انا مش عايزه اقضى حياتى

و بقول يانا يا غلبى

....

اوف اه

اوف اه

و دى ناره بتحرقنى

........

غناء

قمر

-5-

ساندريل

يكتب تحفته الخالدة

عن مشاعره الحقيقية

ساندريل

يلقى بقنبلته الاخيرة

............

الأمر أشبه بحلقات كارتون الأطفال القديمة ,, من أول حلقة يرسل كوكب الأشرار وحوشاً فضائية لتدمير الأرض ينجح مازنجر ( فاكرينُه ؟ ) في صدها ,, بعد بضع عشرات من الحلقات تنتابنا اللهفة لرؤية النتيجة النهائية للصراع بانتصار سكان الأرض و تدمير كوكب الأعداء ,, و تظل الحلقات و الأجزاء تتوالى ,, لا مازنجر بيموت ولا الوحوش بتخلص ,, بعد عدة سنوات من توالي الأجزاء نكتشف أننا لم نعد نرغب في تدمير كوكب الأشرار بعد أن أدمنّا البقاء تحت التهديد ,, أذكر أن أحد أصدقاء الطفولة سأل عن ما يمكن أن يحدث في الحلقة الأخيرة من مازنجر فأجاب آخر بأن كوكب الأشرار سينفجر و سيموت أبو الغضب ( فاكرينه ده كمان ؟ ) بعد أن يخوض معركته الأخيرة ضد مازنجر ,, فما كان من الآخر إلا أن نظر إلى الأرض ثم سأل مجدداً : طب بعد كده مازنجر حيضرب مين ؟

............

اقرأ النص كاملا

اضغط هنا

تغريدة البجعة

تغريدة البجعة
رواية
لمكاوى سعيد
..........
............
اقرأ عنها هنا

دار الحياة

مجانين

.........

الرواية تباع فى مدبولى

السعر ... 25 جنيه

الرواية اكثر من رائعة

لازم تشتروها

لازم تقروها

جامدة جدا

.......

شكرا ل ...كراكيب نهى

فهى من دلتنى عليها

رحمة

الى ---- نائل

بمناسبة تلك التدوينة

اشهد ان لا اله الا انت مولانا

فارحمنا

و انصرنا على القوم الكافرين

.............

مجمود --- فنى تركيبات

بعد ان ارغمته على الصعود الى اعلى البرج

للمرة الثالثة