Wednesday, February 13, 2008

اغتصاب سيجمون فروته

التدوينة دى رجالى جدا

انا حذرت و مليش دعوة

...................

هو القبطان

كما يحب ان يطلق على نفسه

شاب قوى

و كما يقال طويل , عريض المنكعين , شنكول الحركات , شلولخ

و هو صراحة يتمتع بكثير من هذا الشلولخ

يؤمن بان كل شىء يبدأ من عنده و ينتهى عنده , يخرج منه و يعود اليه .

و ان كل شىء صالح و مفيد فى المتعة

او كما يقول

كل حاجة .... تنفع فى الجنس

كل شىء صنع من اجله و من اجل رغباته و من اجل امتاعه

انا الوحش , لو نمت مع واحدة ليلة واحدة حغير ملامحها

مش حخليها تنفع تانى , حتصحى تبص فى المرايا مش حتعرف نفسها

كل شىء

عارف افلام السبعينات دى يا برنس , الى فيها النسوان عريانة و بوس و مليطة ؟

ايوه يا قبطان

كانوا بيعملوها علشانى

ازاى و انت مكنتش لسه اتولدت ؟

ايوا , اتعملت علشانى , كانوا " بيهيجوا الناس " علشان لما اتولد انا , اكيفهم صح .

كانوا بيجهزوهم لمجىء القبطان , الى لما تشوفوا واحدة , مسام جسمها تصرخ عايزاه

.....

لغة القبطان و كلماته , مختلفة تماما , لا علاقة لها بحروفنا الابجدية

فحروفه كما يقول ... حروف جنسية ملزقة و مندية , طويلة و منتصبة فى النطق

لا يخاطب الا اقرب الاقربين بكلماتهم

كلمة واحدة تفى بالغرض كما يقول

كارفه ,,, الكلمة هى كارفه

عندى " كارفه " بكره الصبح .... معناها فى شغل

عندى " كارفه " مع حرمه بالليل .... واضحة طبعا

اشوف اى " كارفه " اكلها ....... واضحة برضه

اما من لا يعرفهم و خصوصا البنات , فلكل واحدة يقابلها فى الشارع او تمر بجواره , فلها لقبها , خطابه مباشر و فى وضح النهار و بدون اى خجل او شعور بالاهانة او المهانة , شجاع , جرىء ,

ايه الحلاوة دى يا م...

ايه الجسم ده يا ش...

ايه ال.... دى يا بنت بنت الك...

فشتائم القبطان مركبة , لا يشتم احد بامه

انما بجدته

فهو لا يقول يا ابن الكلب , انما يا ابن بنت الكلب

لحكمة لا يعلمها الا هو

كل شىء صنع من اجله و صنع منه .

عارف حبة الفراجرا دى ؟ عارفها

خدوا عينة منه , و حللولها و حقنوها فى القرص و عبوها فى بلاستيك و باعوها للناس

المفروض يسموها حبوب القبطان .

..............

المشكلة الحقيقية تكمن فى يده

فهو ذواقة , يقدر الجمال و ينجذب له , و يشجعه بنفسه ,

فهو ان راى مؤخرة اعجبته و هو راكب سيارة , بجوار السائق

لا يجد اى حرج ابدا فى ان يخرج يده و يربط عليها مشجعا صاحبتها للمحافظة عليها

حتى و هو يجيب على فتاته

حتة الانوثة الى مرافقها ... كما يسميها

الو ... ايوة يا دجاجة ... كما يجيبها فى التليفون

انت عارف ليه انا ماشى مع البنت دى .... دى هضبة , جبل , وحش الحموكشات

هى الوحيدة الى بتستحمل معايا للتاسع و العاشر

تاسع و عاشر !!!!!!!!!!؟

انتم تعبانين ... اخركم التانى و التالت , انما القبطان , يخرق الجبل و ينفده للناحية التانية

الحضور يا عمنا الحضور , انت بتتكلم مع القبطان .

.........

ايوة يا قبطان , حنتقابل انهاردة الساعة 9 فى التحرير عندنا شغل

يعنى فى "كارفه" انهاردة . كويس . ماشى يا هندسة . حتلاقينى هناك من 8 و لا حاجة , حدور على " كارفه " و لا اتنين , اغتصبهم ولا حاجة لغاية ما تيجوا , اسلى نفسى

...........

القبطان

يعمل معنا فى نفس القسم

فنى تركيبات مع مهندس زميل , هو من حكى لى كل ماسبق و هو يبكى

فالمهندس زميلنا , متدين جدا , ملتزم , و مش عارف يتصرف معاه

" الحقنى , انتى ليك فى الصنف ده و تعرف تروضه

انت عارف انا مليش فى السكة دى و مش عارف اشتكيه لان شغله ممتاز و مبيغلطش خالص فى اى حد و ملتزم فى مواعيده و فى الشغل مبيفتحش بقه , بيشتغل بس و هو ساكت , بس لسانه علطول فى العربية فى الكلام عن الستات و البنات و الشتيمة و كمان ايده بتتمد على اى واحدة . صحيح مبيعملهاش قدامى , بس بيعملها , و للاسف شغله مغطى على سمعته "

الاسبوع الى فات لقيناه واقف مستنينا و هو بيوضب هدومه

فى ايه يا قبطان ؟

ابدا , عيل سيس , كان لازم اغتصبه , مش عاجبه انى قيمت البت الى ماشية معاه , معجبوش

عاكستها ليه يا قبطان و هى مع راجل ؟

انا ما عكستهاش و لا فتحت بقى , ابن بنت الم... بيتبلى على , انا متكلمتش ولا كلمة , كل الى حصل انى لقيت جسمها مربرب و شديد كده , قلت امسكه و اقلب فيه , اشوفه بلاستيك عمليات و لا اصلى , علشان لو مغشوش بلاستيك , انبه الواد الى معاها , و لو اصلى يبقى اطمنت على خير بلدنا

...............

خلاص ماشى

" بجد ممكن نبدل ؟ , تاخده معاك فى التيم و انا اخد اى تكنيشن ان شالله حتى يكون جديد و اعلمه "

مفيش مشكلة , احنا نخدم بعض عادى يعنى و لا يهمك

" تعال معايا , هو فى الكافيتريا , مستنيين الوورك اوردر و حنمشى علطول "

ذهبت مع زميلى حيث يجلس مع باقى الفنين و انا اعرف تماما هذا الصنف و اعلم كيف اروضه ,

انا استاذ يا استاذ مع الاصناف دى , حخليهولك يلم نفسه خالص و يبطل الكلام الى بيقوله , انا مدرسة مع الاشكال دى , خبرتى كبيرة معاهم .

طمئنت صديقى ان محنته اوشكت على الانتهاء

صباح الخير يا قبطان

صباح الخير يا هندسة

ظللنا نتكلم فى العمل حتى دخلت سكرتيرة المدير , ممتلئة هى .

نظر اليها نظرة غريبة , و بدأ يتكلم عن ان فى جبال حتتهد و ان الوحش لو خرج من القفص حيزلزل الارض و الى مهديه بس ان له حبايبه زينا كده و هو خايف علينا لأنه لو عملها , المبنى حيغرق و ارواح حتروح و ناس حتفطس .

ازاى يعنى ؟

انا بحر , طوفان , خرطوم المطافى بالنسبالى خلة سنان

بدا يشرح لى ان كل حاجة علشان الجنس و ان الستات عاملة كده فى نفسيها و ملغوطة و ملغوصة اللاغاويص علشان القبطان , كل نساء العالم عايزين القبطان "مسام جسمها بتصرخ عايزة القبطان يروقها " و ان التاريخ كله بسبب النسوان و الجنس و انه هو من اغتصب التاريخ و مفرتكه و مخرمه و مغربله

اتكئت كالحكيم و بدأت فى اعطائه درس لن ينساه . قلت له :

انت عارف يا قبطان , فى واحد اسمه سيجموند فرويد , دكتور نفسانى هو , قال نفس الكلام ده و هو مقتنع بان كل حاجة بتتأثر و بتتفاعل و بيتم تفسيرها من منطلق جنسى و من رؤية جنسية , بيقول زيك بالظبط كده , بس بعد كده علم النفس غلطه و طلع كلامه غلط و مفيش حاجة اسمها الجنس محرك للتاريخ زى ما انت بتقول و لا الكلام الفارغ ده .

..........

ما ان سمع كلمتى سيجموند فرويد و دكتور نفسى حتى احمر وجهه و ما ان انتهيت من كلامى حتى نهض من مكانه و بدأ فى تحريك يديه الاثنين جيئة و ذهابا فى اشارة واضحة و معنى مفهوم

انت عارف سوجمون فروته ده لو عايش كنت عملت فيه ايه ؟

انا كنت اغتصبته و وريته يعنى ايه جنس من اول و جديد , كنت بوظته و غيرت ملامحه

كنت فرتكتلك نافوخه و خرمتهوله خالص , الحضور يا عمنا الحضور , انت قاعد مع القبطان .

....

ضحك الجميع

حتى انا لم اتمالك نفسى و أبتسمت

نهضت متثاقلا و خرجت لأشعل سيجارة فخرج زميلى المهندس و سئلنى

" ها , حتاخده معاك فى التيم ؟ "

فأجبته :

اخد مين يا عم , ده اذا كان حيغتصب سيجموند فروته نفسه . امال حيعمل فينا ايه ؟ , الحضور يا عمنا الحضور , انت بتتكلم عن القبطان . سلام يا هندسة , علشان عندى " كارفه " . عربية الشغل بره و مش عايز اتاخر , سلام .

13 comments:

Alexandrian far away said...

هاهاهاهاهاهاهاهاها
صباح الفل يا رامز
جاااااااامده
شخصيه تجنن
بس عارف أيه الي يكمل الموضوع؟
أنه يطلع يعاني من عنه كامل
أو من سرعة قذف صاروخيه
أو تقزم في حجم العضو

تبقى مسخره
هاهاهاهاهاهاهاهاها

sandrill said...

I have a very good experience with such creatures In Egypt , Gulf and also in Europe .. have no doupt .. those who are talking and acting too much are doing almost nothing

أنونيمس said...

والنعمة تلاقي الراجل دهع مفهوش غير بق

وكل اللي بيقوله .. طق حنك وامنياااات

وفروته كان عاوز واحد زي اخينا ده يعدله دماغه
:)

بس اسلوب الحكايه جميل جداً
تحياتي يا هندزه
:)

وجهة نظري said...

وهوا دي ممكن يكون بني أدم والا شاف تربية أصلان؟؟ لا بجد مش عارف واحد زي ال... عايش ازاي، والا مبسوط من نفسة والا اية؟؟ المهم ان اللي بيقولوا كدة أو بيعملوا كدة لازم بيكون عندهم نقص في حياتهم بيداروه بالخيبة دي.

اسلوبك في السرد لطيف

أحمد منتصر said...

اخد مين يا عم , ده اذا كان حيغتصب سيجموند فروته نفسه . امال حيعمل فينا ايه ؟ , الحضور يا عمنا الحضور , انت بتتكلم عن القبطان . سلام يا هندسة , علشان عندى " كارفه " . عربية الشغل بره و مش عايز اتاخر , سلام .

أنا سخسخت م الحتة دية :)

karakib said...

:))) مسخرة

GEMYHOoOD said...

بلغ تحياتى للقبطان

Anonymous said...

انت بتجيب سيرتي بره الشغل ياهندسة
شكلك كارفتي النهاردة
حضر نفسك

nido said...

فهو ذواقة , يقدر الجمال و ينجذب له , و يشجعه بنفسه ,

فهو ان راى مؤخرة اعجبته و هو راكب سيارة , بجوار السائق

لا يجد اى حرج ابدا فى ان يخرج يده و يربط عليها مشجعا صاحبتها للمحافظة عليها

...

:)

نايس يامان

عباس العبد said...

اسكندرانى
يعنى صعب الواحد يتأكد من الموضوع ده الا لو حيضحى بنفسه
هههههههههه
......
ساندريل
جايز برضه
بس تتأكد ازاى ؟
هههه
======
انونيموس
منور يا برنس
=======
احمد منتصر
شرفتنا يا وحش
=======
وجهة نظرى
منور
===========
كراكيب
الحضور يا عمنا
=======
جيمى هوود
يوصل يا باشا
====
نيدو
بيس يا وحش

Marvel said...

هههههه

جامدة جدا جدا جدا لغاية بكرة الصبح

مالهاش حل بجد

:DDD

mohamed hesham said...

جامدة جدا ... مالهاش حل

ضحكتني وأنا لسة صاحي ...

.:.-=- ELGaZaLy-=-.:. said...

انت عارف يا قبطان , فى واحد اسمه سيجموند فرويد , دكتور نفسانى هو , قال نفس الكلام ده و هو مقتنع بان كل حاجة بتتأثر و بتتفاعل و بيتم تفسيرها من منطلق جنسى و من رؤية جنسية , بيقول زيك بالظبط كده , بس بعد كده علم النفس غلطه و طلع كلامه غلط و مفيش حاجة اسمها الجنس محرك للتاريخ زى ما انت بتقول و لا الكلام الفارغ ده
------------------------------
عارف يا رامز ...السلام عليكم الاول علشان اول زيارة وكدة,,,الحلات دى لما بتجيلنا العيادة قهرا يعنى بيبقى الحل معها اية..؟؟

انك تسمعها تسمعهات للاخر والحضور يا عمنا ...وبعد كدة تبدا...تروضة وغالبا بيبقى عايز علاج ابن طويل ومنيل بطول النيلة الكحلى...

بس عارف مش كل الناس غلطو فرويد ...فرويد كان مقسم الاشياء لحجاتين يا رامز غريزة الحب وغريزة الدمار...

وبس يا عم وبهدل الدنيا بقى فى اى حاجة متخرجش عن دول تلاميذة كلهم انشقو عنهم اى نعم بس الراجل اسس مدرسة من انجح المدراس انحج حتى من مدرسة الطبرى بتاعت الحجاز يعنى... بس الحالات دى بتبقى جميلة ومسلية جداا يعنى

وانت اسلوبك جميل اوى يا رامز...

الحضور يا عمنا الحضور...