Sunday, December 03, 2006

قصر ذيل

1-
قلب نظام الحكم
تهمة توجه لبعض المعتقلين
نظرة واحدة الى حال البلد
تؤكد ان النظام الحكم مقلوب اساسا
و هم فقط يبحثون عن
من يشيل الليلة
2-
اثارة و تهييج الرأى العام
تهمة توجه ايضا للبعض
هل تذكر احداث وسط البلد
يبدو ان من اثار و اهاج الرأى العام
قد نجح تماما
3-
اذهب الى مكتبة ديوان مرة كل 15 يوم
يقوم صديقى بتوصيلى
يتركنى امام الباب ... ادخل
فأشاهدها ... تجلس على نفس الطاولة
كل مرة اشاهدها ...حتى تكونت بيننا
تلك الرابطة
ابتسامة ... متبادلة ... صغيرة
هزة رأس
انتهى من جولتى و بيدى ما اخترت ... امر من امامها
هزة رأس اخيرة ... ابتسامة ..متبادلة
و انصرف متشوقا
منتظرا ... اللقاء القادم
4-
اركب تاكسى تاركا قلبى فى مكتبة ديوان
من الزمالك متوجها الى وسط البلد ... دار ميريت
محمد هاشم ... يستفزنى
حقيقة لا اعلم ماذا يريد منى
كل مرة اذهب الى الدار لأرى ما الجديد
اسأل عن كتاب احمد النجار " الانهيار الاقتصادى
كل مرة يجيبنى ... لسه الفصلين الزيادة مخلصوش
كل يوم بتصل بالمؤلف ...يقولى قربت
اهه الكتاب بقاله شهرين فى المطبعة ...مستنى القصلين دول
كل مرة يردد نفس الكلمات بنفس التعاقب
منذ 5 اشهر ...مرة كل اسبوعين
اسمع نفس الكلمات
كل مرة نفس الشهرين ...و الكتاب الذى هو فى المطبعة
امرر عينى على الرفوف ... اسحب المؤلفات الجديدة
ادفع حسابى و انصرف بعد سؤالى
اجى امتى تانى ؟ ...الاجابة منذ 5 شهور هى
بعد اسبوعين ... و ربنا يسهل
5-
ان الحكمة تستقر فى العقول
تنشىء علما و فكرا و ثقافة
من اهم سماتها التخطيط
و من ثمارها التقدم و النمو
و لكن لا اعلم بالضبط
فى وطننا العربى
اين تستقر – لامؤاخذة – الحكمة
6-
ما هى الفكرة من وجود حسن ؟... لا اعلم
حسن ..هو المسئول عن محطة معالجة الصرف
صرف المصنع ... مخلفات صناعية و المخلفات البشرية
هو المسئول عن تظيف فلاتر المحطة اذا سدت
و اضافة المواد الكيماوية لأذابة المخلفات البشرية
لا تتحمل العبور بجواره ... فيكفى رائحة المخلفات الصناعية
و ما ادراك ما المخلفات
ابنه مات نتيجة مرض لم تنجح العرافة فى تشخيصه
امرأته اصيبت بمرض غامض ... وهو... لا اعلم هل تحركه و كلامه معنا
دليل على انه حى
حاولت ان اجمع التبرعات من اجله و من اجل علاج ابنه حتى ننقذه
الا انه بعد ان اعلن عن احتياجه للمال ... ليعطيه للعرافة
و ان ما قدم اليه من مال قبلا ... اشترى به قطعة حشيش نموذجية
صرفت نظرى ... عن فكرة جمع التبرعات
لأن موت ابنه كما قال
مقدر و مكتوب ... و ان الحى ابقى من الميت
و لا حاجة الى التدخل فى ارادة الله ...بالذهاب الى الطبيب
ما هى الحكمة من وجود حسن ؟ ... لا اعلم
اذا كانت الحكمة هى كتابة هذه التدوينة
فقد انتهك دورك يا حسن
من الممكن ان تذهب الان ... فقد اديت دورك بسلام
7-
بداية
لابد ان نعترف ... لا يوجد فى مصر
من يعرف معنى الديموقراطية
لم يمارسها احد من قبل
من اصغر مولود فى هذه اللحظات
الى اكبر الرجال سنا ... لم يمارس احد الديموقراطية
فاخر مرة تمت انتخابات بدون بلطجية
او على الاطلاق تم انتخابات حزبية
كان سنة 52 ...من 54 عاما
اى من يكلمنا عن تجربة ديموقراطية انتخابية شخصية
لابد ان يتعدى عمره ال75 عاما و اذا كلمك عنها و نادى بها
فاعلم تماما و انت مستريح الضمير انه هجاص
اين كان ال50 سنة الماضية
اعتى عتاة الليبرالية او النيو –ليبرالز
من امثال جهاد عودة لم يختبروا فى حياتهم الديموقراطية
فكيف ينادى بها فى مجتمعنا
8-
لبنان
اعتصام المعارضة فى وسط بيروت
قدر عددهم بمئات الالاف
لا اشتباكات ...لا بلطجة ...لا اعتداءات... لا شغب
الجيش و الشرطة تحميهم
مجرد اعتصام سلمى
اتصال من وزير المواصلات لنبيه برى ليفسح احدى الطرق
المؤدية الى مقر الحكومة ...فينجح فى مسعاه
هل هذه هى الديموقراطية ؟
اذا كانت هذه هى الديموقراطية ... فماذا نطلق على ما يحدث فى بلدنا مصر
لا اعلم
و لكن احداث لبنان ... هى نموذج و سبة
نموذج لما ينبغى ان تكون عليه الديموقراطية
و سبة لأننا لا نمارس ادنى قدر من ال
self-respect ya walad el---
9-
لم اعد اشعر بالملل
من كثرة الملل
فقضاء 9 او 10 ساعات دون ان تفعل شيئا
لم يعد يمثل لى شيئا مملا
اذا كنت قضيت 28 عاما على وجه الكرة الارضية
لم تفعل شيئا ... فلن يضيرك 9 او 10 ساعات
تعيشهم فى ملل





7 comments:

Anonymous said...

مش حقول غير "الله ينور "و بس

Anonymous said...

mr.abbas this post is terrific ...but I have a tough question for you(personal)...: you've read a lot of books, you have a lot of experience, you write very well, you're an activist,BUT the people who know about you and your talents are few...so do you think you'll make it to be a celebrity or a famous author or something?....I mean here you are with all what i have mentioned previously and very few people know about you while a 20 y.o. girl gets to be famous because she's beautiful...she doesnot have the talent or the brains just the looks....is it fair that you can be successful, well educated and cultured, activist and yet you're not a big shot...answer me...
el masry affendi

عباس العبد said...

so mr.elmasry affendi
how r u
مش عارف اقولك ايه بس يكفى ان شخص مهتم مثلك يقول الكلام
اما عن مقارنتى بموزة عندها عشرين سنة
فده شرف لى
هو فى مزز بجد دلوقتى ؟...هى تكسب طبعا
على رأى نجيب الريحانى ...انا راجل ...بررررب... بتاع كتب ...بتاع علم
انا مش عارف اقولك ايه ...حكاية الشهرة دى انا معرفش تتعمل ازاى ... انا بقرأ لكل الناس ...بعلق عند الى كتاباتهم عجبانى ...معروف لعدد قليل ...بس محترم جدا
يكفينى ان حضرتك متابعنى و مممكن تقول لأصدقائك و معارفك فخلال سنة ممكن نقول اصبح مشهور
ابقى كاتب جيد ... مش عارف برضه
اقرا قصصى القصيرة الى على جنب دى و انت قولى رأيك
انا بكتب علشان متجننش
صحيح الواحد بيفرح لما شخص زى حضرتك يقول الكلام ده حتى لو كان سخرية
لكن صدقنى موضوع الشهرة و الكلام الشديد ده ما ليش فيه
ثانيا
انى ابيع علشان اوصل زى البنت ما باعت علشان توصل
فده مش وارد
انت راجل داعبت خيال اى شاب نشط و متوقع مستقبل جيد فى عالم الكتابة
لكن انا اعتبرته اطراء شديد شوية
ثالثا
العملية ما تتقاسش كده
تتقاس
بمدى اعجابك
بالكتابة
شكرالأهتمامك

Anonymous said...

3-هو خلف بقى صديقك واللا ايه !!!
6- عظيم قوى حسن ده ... ده ضحكنى لغاية مادمعت.. ابقى هاته معاك كل مرة

كراكيب نـهـى مـحمود said...

جميل جدا جدا
اسلوبك جذاب وسلس وساخر درجة الجنون
تحياتي واحترامي الشديد

Anonymous said...

mr.abbas I thank you so much for your detailed answer....I wanna tell you I've read 2 or 3 from your short stories and I was fascinated...when I sent you this comment I was in one of these moments when you stop doing anything and ask yourself what do I wanna be?...what is the value of my life?...what is the meaning of being suuccesful?..lots of money? inner peace? nice wife and cute kids? or what...two days ago I found out some serious information about MYSELF:...1) I love this country..2)I don wanna leave it ..3)work is a very important value even if u don make a lot of money just going every day to your work place and doin what you do is an HONOUR...I wasn't sarcastic about your writing...thank you again for your reply..

tota said...

العزيز عباس
مقتطفات معبرة جميلة قرئتها واحببت ان اعبر عن اعجابى بها
ان تكون فى هوى الكلمات فانت عاشق لا تعيش نزوة مؤقتة
الكلمات ادمان من نوع خاص جدا ليس يسهل تخلص الجسد منه بسحب الكلمات تدريجيا من الدم
الكلمات تشكل شيئا ما يمر فى مسار الدم يغذى عقلك

فى اغلب ظنى انك كاتب ناجح لكن لست مدونا بعد
الكاتب يكتب بغض النظر عن القارىء وتعليقه
المدون ينشر ما كتب وينتظر رد الفعل متمثلا فى التعليق

اعتبرك كاتب ناجح وهذا هو الاهم لان ليس كل مدون كاتب ناجح

تحياتى