Tuesday, March 13, 2007

ضريبة الحيض

بعد ما حدث للفراخ والعصافير و الحمام
بعد ما اصبحت سيرتها على كل لسان
و خاصة بعد المرض الوحش الذى اصابها
اصبحت التحولات الكبرى فى مصائر الشعوب
هى ترموتر و مؤشر لأرتفاع ضغط الدم
و خاصة بعد وصول صقر العرب
و معالجات الضعف الجنسى و ادوية الانتصاب
و نظارات الرؤية الليلية و الحرب الوشيكة على ايران
و مأساة الحلاج و حفل الاوسكار و رواية زقاق المدق
للمغفور له نجيب محفوظ النوبلى
تجتمع كل العناصر الثورية فى تشكيلات وطنية
تهدف الى دفع عجلة التنمية و عجلة اللبن و دفع
اقساط الجميعة و شراء نصف كيلو من اللحم البقرى
و بهذا تكتمل مأساة الشعوب
فمع ارتفاع سعر الكافيار و السيليكون اللازم
لعمليات نفخ الصدر و ادوية التخسيس
اصبح لزاما على المواطن ان يعيش عصر الحريات
ليتمتع بديموقراطية الاولاد والبنات و شراء الملبس
و البياضات و ملاءات السرير لليلة الدخلة
ليفرح العريس بالادوية سالفة الذكر و تتمتع العروس
برؤية دمائها المسالة على تلك الملاءات دليل الشرف
او دليل نجاح عملية الترقيع التى اجراها الدكتور
صديق العائلة الذى يتولى تلك العمليات لبنات العائلة
1-
ان الوطن هو تلك الشوارع و البيوت و الكنائس
و الجوامع والفتن الطائفية و ضرب المتظاهرين
و كشف ملابسهم الداخلية المستوردة
و انتهاك حقوق الانسان باسم
الفكر الجديد و سوق العبور و سوق التلات
نعم ... فمع التغيرات التى تعد الان فى الدستور
و المناقشات التى تجرى الان فى مجلس الشعب
الذى لا غبار على اعضاءه و خاصة بعض خروج
ملوثى اكياس الدم و طويلى اللسان
فان العالمين ببواطن الامور و ظواهرها
و بعد وشوشة الودع و فتح المندل و البحث عن الشائب
فى الكوتشينة و سرقة الاحماض الامينية و نجاة
مجدى مهنا و التبرع له بفص من الكبد و جزء من الاونصة
اصبح لزاما عليهم ان يصدروا تلك التعديلات الثورية
فى بطء الفيل و سرعة النحلة و تكاسل الطماندوة
و قوة الاسد و اقتناص الفهد و روح الموز يا مضروب
2-
تلك التعديلات المزمع طرحها للاستفتاء العام
4 ابريل القادم
حيث سيستغرق مجلس الشورى 3 ايام لمناقشتها
ثم اعادتها الى اللجنة التشريعية بمجلس الشعب
ثم يعقد مجلس الشعب جلساته المفتوحة لمناقشة
التعديلات لمدة 3 ايام حيث يستعرض المواد
ثم يتم اقرارها بالتصويت ليتم رفعها لرئيس الجمهورية
ثم يتم عليها استفتاء شعبى يوم 4 ابريل المقبل
فى نفس لجان عمليات الاستفتاء السابقة
3-
ان الثورات التى تنجح و يتذكرها التاريخ
تكتب بدماء الشعوب و حبر المؤلفين و عرق
الفلاحين و ماء النهر و المياه الغازية الفاتحة
لمخلفات الاستعمار
نعم فهناك ما يسمى ... ضريبة الدم التى تدفعها الشعوب
هى ضريبة يدفعها الشعب عن طيب خاطر
عكس بقية الضرائب التى تدفع مجانا بلا مقابل
فالقضاء على الامية و شراء الادوية و منتجات ايفون
و اوريفلام و الكمبيوتر و اللاب توب و القفز فوق الاشواك
و الدورة الافريقية و زيارة حديقة الحيوان و قراءة الاهرام
و تذاكر السينما و ثورة الكبارى و الانفاق و المجارى
و كيس المكرونة ... هى مسئولية دول الجوار و دول المنطقة
و دولا مين و دولا مين ... دولا عساكر مصريين
ماتوا فى سبيل تحرير سعر العملة و شراء الكيتشن ماشين
و السيليكون و الدى فى دى و صدر هيفاء وهبى
4-
بعد انفجارات بغداد و تراجع الدور المصرى فى المنطقة
و التحالف السعودى الايرانى ... و تقرير بيكر هاميلتون
و تراجع حزب الله و نجاح سعد الحريرى فى ان يكون
عمر الحريرى فى الف ليلة و ليلة و غباء بوش المقدس
و الاوامر الالهية التى ينفذها بن لادن
من المفروض ان نفهم الاتى فى ظل كل تلك الظروف
و خاصة مع قرب الاستفتاء على التعديلات الدستورية
التى عدلت من قبل
5-
التعديلات الدستورية استغرقت 3 اشهر لأعدادها
ثم شهر مناقشات بين الاعضاء
و العرض على مجلسى الشعب والشورى ثم رفعها
الى رئيس الجمهورية ثم فى النهاية اى بعد ما لا يقل
عن اربعة اشهر ستعرض فى يوم واحد للشعب
الذى ستطبق عليه تلك التعديلات للاستفتاء و معنى ذلك
شىء واحد مقسوم الى شيئين
6-
اما ان الشعب المصرى اللهم صلى على النبى
يفهم التعديل من دول فى ثوانى و هو طاير
و ان الدستور ده لعبته و مش محتاج اكتر من نص ساعة
علشان يعرف الغث من السمين فى تلك المواد المعدلة
اما ان القائمين على تلك التعديلات من الغباء
حيث احتاجوا ثلاث اشهر لأستيعابها
و هو امر غير منطقى تماما لأنهم من خيرة
شباب بنى عبس و بنى قريش فى القانون و الدستور
و كافة قبائل منطقة الجزيرة الوسطى و العليا
و اصحاب الرؤى الاستراتيجية المستقبلية
و الجر الخلفى و الجر الامامى و الفور باى فور
و السوست والمساعدين و الكبالن لعربة الوطن
وسكك حديدها و عبارتها و قصور ثقافتها
نعم ... احب ان اكون على خلق
تحب ؟ يبقى انت مش على خلق يا استاذ

7-
ضريبة الدم المدفوعة مقدما هى ضريبة التغيير
ارتضاها الشعب فى السبيل الانفتاح و عام الرخاء
و مصانع الحديد و الصلب و الفراء و الغراء
و الدهانات و الاخشاب و منازل الزلزال و السقوط
فى بالوعات المجارى و بئر الشحاتة و سرقة الكابلات
و تسمم السندوتشات و انتحار المشير
و استعراضات الاخوان و المحاكمة العسكرية
و عبد الكريم سليمان و الرشاوى و الرية الصيفية
و السدة الشتوية و السد العالى
8-
نعم ايها الشعب
فانت انت و لا انتش دارى
انت ... المفروض ان تفهم التعديلات و تستوعبها
و تعرف الصالح والطالح منها فى يوم
يوم واحد
لأن الحكومة تعرف انك شعب فهلوى يفهمها
و هى طايرة ...
شعب عارف ان البلد دى مش بلده
و عارف الأنه و الفولة و تبيع الميه فى حارة السقايين
و مش باقى على حاجة ... ضاعت منه
الحكومة عارفه كده
و نحن نعرف ايضا يا حكومة
و عارفين الى فيها
و مبروم على مبروم ما يرولش
لكن احنا حنعديها بمزاجنا ... فى سبيل رغيف العيش
و بالخمسين قرش فول و طبق الكشرى و شوية الطعمية
و الباذنجان المقلى و شوية البطاطس و برتقالة
و يوستفندياية و شوية موز لزوم الفخفاخينا
و سبيرو سباتس و زجاجة 84
و كل عام و انتم بخير و كل تعديل و انتم طيبين
و اللهم دمها تعديلات و احفظها من الزوال
يا ستار يا كريم
و لا بلاش كريم دى ... لانه ملحد و معتقل
و احنا شعب مؤمن استفتى قلبه فى التعديلات
فافتاه ... بأن سيرى يا نورماندى
سيرى ...
بعد ان دفعتى الضريبة
ضريبة الدم الفاسد
ضريبة عدم الحمل
ضريبة الحيض
مع الاعتذار لكافة النساء اللائى وصلن لسن اليأس







6 comments:

توتة توتة said...

بوست بحيك عليه

david santos said...

Hello!
This work is very good, thank you
have nice week

كراكيب نـهـى مـحمود said...

يعني ايه الطماندوة

عباس العبد said...

توتة توتة
شكرا لمرورك و شكرا لأن التدوينة عجبتك
david santos
thank you and i hope to be good friends
write and ask about any thing you want to know about egypt and i will try to help you

كراكيب
الطماندوة هو حيوان يعيش على اكل النمل
و بعدين فين الى طلبته منك
كده تطلعينى صغير قدام احمد العايدى

Anonymous said...

Post hayel hayel hayel,
we alf mabrook 3aleky ya masr el ta3deelat.

3ala fekra, men demn el ta3deelat el destoria,
en ta7yet el 3eed badal

3eed mobarak

hateb2a

ya gamal el 3eed

كراكيب نـهـى مـحمود said...

يا سلاام انا كنت موجوده وشفتك وانت قاعد جنبه ودخلت كده سلمت على باسم وانا قاعده على الكرسي اللي جنبه زي البرتقانه من غير سلام ولا كلام
جيت الندوة متاخر انت
وبعدين بصراحه معرفتش افتح برنامج تحميل اللي طلبته مني في الشغل قعدت طول اليوم احاول وفي الاخر جيت الندوة زي التلميذ الخايب سامحني معلش معملتش الواجب تحياتي