Saturday, July 21, 2007

العايدى ... يضرب من جديد

8 comments:

Alexandrian far away said...

أه صحيح دى تعليقات التدوينه دى هنا
لامؤاخذه العتب ع النظر
مين بقى الشجاع الأقرع ألى فقع ....اني ده وطلع ...أهلي؟
مين ده يا عباس؟
وبيهبب أيه؟
ومش تحط يافطة تحذير ع المدونه طالما فيها أخطار بيولوجيه
حرام عليك

عباس العبد said...

لاول مرة اختلف معاك يا اسكندرانى
ده احمد العايدى
مؤلف ان تكون عباس العبد
اشهر رواية منذ 3 سنوات فى مصر
و افضل مبيعات
و صاحب مدرسة جديدة فى الكتابة
فتحت البوابة لكتاب تلوه بعد ذلك
و اسمى فى المدونة
انا مقتبسه من اسم الرواية
انا ادعوك لقرائتها
و ربنا يوفقك
روق نفسك
لكن معجبش ليه بقى مقلتليش

Anonymous said...

مش تكتب أن القراءة دي كانت في مشاركة احمد العايدي في معرض الكتاب بالمغرب في فبراير اللي فات وأن الورشة كانت بعنوان ( الكتابة الجديدة ) ومش برضه كنت تقول أن أحمد كان وعدك في تسجيلك ليه أنه هينزل التسجيل ده على مدونته ولما ما حصلش ووقف المدونة أصبح حقك أن تدونلودها في مدونتك ، مش كل ده كلام مهم الناس تعرفه والا أيه :)
ألا صحيح العايدي أخباره أيه دلوقت ؟
:D

Alexandrian far away said...

أوك يا عباس
ولو أنه مبدئيا اسم الرواية هو أقتباس من أسم فيلم ( أن تكون جون مالكوفيتش)
وهي بداية غير مبشرة، طبعا هو القائه الصراحه مش ممتع ومما سمعت لم يعجبني مزجه للعامية بالفصحى
حسيت كأنه المقابل الأدبي لمقالات جريدة الدستور
عموما سأحصل على الرواية هذا الأسبوع ولو لن تعجبني أقسم بالهة وادي النيل جميعا أن اشرشحه وفي مطبوعة وبأسمي الحقيقي
تحياتي

Anonymous said...

"الاسكندرانى البعيد".. مبسوط من ردك وبأيدك تماماً واضح طبعاً:
1- عندك حاجات بتتفقع
2- دمك خفيف بشكل يشل..لا مش هزار والله انت مضحك زى الشلل الرعاش وأدوية البروستاتاانت عارف ان دمك خفيف، -أخطار بيلوجيه؟- انا عارف ان دمك خفيف، زمايلك عارفين ان دمك خفيف
دبى كلها عارفه ان دمك خفيف
الأطفال فى المنازل عارفه ان دمك خفيف
قولوا ورايا فى نفس واحد "الاسكندرانى البعيد" ابو دم خفيف
"الشجاع الأقرع؟" طبعاً بما ان فى صله نسب بينك وبين براد بيت عليه الصلاه والسلام ابتديت اطبع صورتك من مدونتك بطبعها تي شيرتات عما الشباشب تيجى من بايس، عشان الدماغ اللى مدفوسة في الطين اللي هيا شعارك مبهدله الحريم فى اسكندريه
حلوة افيهات فقه السنه دى؟
3- "مبدئياً اسم الروايه هو اقتباس من اسم فيلم ( أن تكون جون مالكوفيتش)"
لا يا راجل؟ طب احلف.. احلف كده.. قول وحياه الهه وادى النيل وكتاب الموتى.. طب قول كده اقسم انى ما لوثت النهر..
4- الحقيقة ان القراية زبالة أو أكتر ويمكن الروايه أزبل ،معرفش ،بس ردك المليان خفه دم خلى الزباله سندوتشات شيش طاووك بالماشروم بالنسبه لحد واضح انه فى الحياة العاديه واخد ف جسمه خنجر وداير ينزف دمه الشريف بإسمه المستعار
قولتلى "البعيد" منين؟
آه صح نسيت.. عندك "مطبوعه بتكتب فيها "بأسمك" الحقيقى
مش الدستور؟ يا ترى ايه؟ ام درمان توداي؟

عباس العبد said...

عزيزى الاسكندرانى
انا بحب العايدى جدا
و بحب رائعته
انا تكون عباس العبد
الى هى ممكن نقول متاخده من
fight club
باعترافه فى مقدمة الرواية

الاخ انونيموس
لو سمحت هنا مش مجال للسجال ببنك و بين الاسكندرانى
فلو سمحتولى
لو اتكرر الموضوع تانى
حقفل التعليق على التدوينة دى

ملحوظة
العايدى برنس فى قراءته لسلفيا
و عاجبنى جدا
و دى اذواق
و سيلفيا مكتوبة بنفس طريقة ان تكون عباس العبد
و انا بحب الطريقة دى فى الكتابة
و ربنا يهدى النفوس

صافى said...

يا رامز ، كلامك مش دقيق
الإهداء في اول الرواية لأساتذته ومنهم شاك بولنك -مؤلف نادى القتال- وصنع الله ابراهيم واحمد خالد توفيق مش مكتوب خالص اى اشارة لنادى القتال
والا بالمعنى دا كنا نقول انه مقبسها بالمرة من ماوراء الطبيعة وأمريكانلى او ذات
لكن لو ده رأيك بجد انصحك تغير اسمك لأى حاجة تانية
المنملزم دى مدرسة عالمية منها مؤلف الرواية -فايت كلب- دى واحمد -زى ما قال فى كذا حوار- بيعتبر نفسه تلميذ فى المدرسة دى ، مخترعهاش ولا حاجة
كمان تيمة الاسكزوفرنيا ودى اللى بتخلى الناس اللى مسمعوش عنها وميعرفوش ان احد اعراضها ان المصاب بيه بيضرب اللى حواليه وبيضرب نفسه!
ودا اللى بيخلى اللى ما قروش التيمة دى فى مليون رواية تانية قبل كدا يقولو انهم شبه بعض مع انو على حد علمى الفصام مش اختراع حد ولا متسجل بأسم بني آدم
ولو تحتمل رأيى، جميل انك شايف ان فى كاتب كويس من وجهة نظرك لكن المبالغة فى الحب اسوأ من المبالغة فى الكره

سلام

عباس العبد said...

صافى
انا اكيد محبش ابقى الدب الى قتل صاحبه
لكن الرواية قد تكون متشابهة
و انا اعتذر لعدم دقتى
او انى موضحتش قصدى مظبوط
بس كده
الله
الله
الله
ده العايدى يا جماعة