يا اخوانا
انا خلصت شهر التدريب و قالولى مقبول يا ولدى ... مقبول ... مقبول
بس ... خد بالك
فى شغلانة فى اسكندرية حتاخد يومين و ترجع علطول
قلت ماشى ...رجعت بعد خمس ايام
تانى يوم رجوعى
قالولى فى شغلانة فى بنى سويف حتاخد يومين و ترجع علطول
قلت ماشى
بعد تلات ايام اتصلوا بى و قالولى
حاجة خطف كده فى المنيا ... ساعة بالكتير و ترجع علطول
قلت ماشى
بعد يومين و انا فى المنيا ...اتصلوا بى و قالولى
حاجة تنقنق فيها فى سوهاج .... خطف بسرعة كده و ترجع علطول
.............
يا اخوانا انا فى اسوان
و رايح بكرة حلايب و شلاتين
الحقووووووووووونى
.......
المهم
انا جالى تليفون انهاردة الصبح و قالولى
حاجة سوفيفة فى الواحات
بعد حلايب و شلاتين
و ترجع علطول
.....
يا اخوانا
ان شاء الله
على حساباتهم
السريعة و الخطف و النقنقة و السوفيف
قدامى كده بتاع 4 ساعات و ارجع القاهرة
انتظرونى رونى رونى
....................
ملحوظة
فى بتاع فطير جامد موت فى اسوان
اسمه
بيتزا و فطير ... بيتى
بلو ستون هى الى دلتنى عليه
شكرا ... ليها
لو رحتوا اسوان فى حاجة خطف كده بسرعة
لازم تزوروه
5 comments:
ايه الاستجابة السريعة دى
هو انا اقوللك انت فين تيجى على طول كده
ومن أسوان كمان
حمدلله على السلامة مقدما
أيه يا عم؟
هي وظيفه ولا كعب داير والعياذ بالله
عموما كفاره يا وحش
وترجع لنا بالسلامه
يا عم إنت المرة الجاية رايح أم درمان
الناس دي بتعمل فيك كده ليه
صباح النور،
أنا تشرفت فعلا اليوم بزيارة مدونتك و قراءة ما تكتبه خصوصا القصص القصيرة، فعلا اسلوب جميل و خفيف.
سعيد جدا بمعرفتك.
تحياتي
زكرياء
يا سبحان الله ..
سوفيف ايه يا راجل بس ..
انت بتشتغلنا ..
تدريب وبعد التدريب كام ساعه ويومين ومش عارف ايه ..
سؤال بالظبط ..
هو انت محكوم عليك بقد ايه ؟
الكعب داير هرب يارجالة
Post a Comment