Tuesday, October 09, 2007

هامديلله الا السلاماه

عصام العريان

خرج عصام العريان من السجن

اقرأ عن عبد المنعم محمود

مدونة انا اخوان

.......

انقل لكم جزء مهم من التدوينة

مهم فى نظرى

" وحول رأيه في إغفال البرنامج لرأي واضح في مسألة ولاية الأقباط والمرأة لرئاسة الجمهورية قال أن ساد رأي ألا يتطرق إلي هذه النقاط ويترك التعامل معها للقواعد العرفية في الدستور والتي قد لا تكون مكتوبة لكنها أقوي بكثير في التطبيق من النصوص المكتوبة وضرب مثالا بأمريكا فلا يمكن أن يحكمها رئيس كاثوليكي وهذا طبقا للقواعد العرفية في الدستور الأمريكي والمرة الوحيدة الذي جاء كاثوليكي لحكم أمريكا هو كنيدي والذي قتل بعد عام ونصف من رئاسته للولايات المتحدة

ومع ذلك العريان وافق علي تصريحات قيادات الجماعة المتداولة في وسائل الإعلام بعدم جواز ولاية الأقباط والمرأة لرئاسة الجمهورية وعبر أن هذا ليس معناه كفرا بفكرة المواطنة فالمواطنة مشروطة بضوابط عامة لا يجب تجاوزها فمثلا رئيس الجمهورية لابد أن يكون سنة أربعين سنة وقال المواطنة معناه المساواة بين الأفراد أمام القانون والدستور و في الشئون العامة

وأكد العريان حسب نص قوله : "أما فكرة أن واحد يبقي رئيس جمهورية أو واحدة تبقي رئيسة جمهورية أنها لا تخدش فكرة المواطنة وهو تزيد في الموضوع "

وسألته بوضوح هل معني ذلك أن المواطنين المصريين المسيحيين لا يحق لهم الترشح لرئاسة الجمهورية

فأجاب : " أه زي ناس كثيرة بلاد كثيرة جدا عندهم نصوص بتمنع ذلك مثل ماليزيا فيها دستور بينظم ذلك أن الملايو لهم حقوق والباقي لهم حقوق أخري "

................

انا مش عارف ايه حكاية ماليزيا معاهم

مرة المرشد العام السيد مهدى عاكف يستشهد بيها

و ادى السيد عصام العريان كمان بيستشهد بيها

لو عجباهم اوى يروحوا يقعدوا فيها و يروقوا نفسيهم

يستريحوا و يريحوا

بدل ما هم حارقين دمهم كده

و ماليزيا راحت ... ماليزيا قالت ... ماليزيا عملت

يشوفوا مهاتير و ربنا يوفقهم

.............

على العموم بعض الكلمتين دول

حمد الله على السلامة يا اخ عصام

حمد الله على السلامة

..........

بلدى و مقدرش ابقى فيها اى حاجة

علشان بتوع ماليزيا ممكن يقولوا ان

كده خرجنا عن قانون ماليزيا ولا حاجة

ممنوع مسيحى يوصل لأى ولاية علشان عصام العريان

خرج من السجن و معجب بماليزيا البلد

........

و بعدبن حتى لو وصلنا .... كبرنا اوى سنة و نص و حنتقتل

زى ما حصل مع كنيدى ( مش هو الى استشهد بالحادثة دى )

الحدق يفهم قصده ايه

..........

المشكلة انى ضد سجن اى حد

و طبعا سجنه ميعجبنيش حتى لو انا مختلف معاه

بس مش عارف اقول ايه

..........

حمد الله على سلامتك يا سيدى

حمد الله على سلامتك

.............

عبد المنعم محمود بجوار
عصام العريان ماسكا تليفون ماليزى
يتحدث مع الناس بتوع ماليزيا
الذين يهنئونه بالخروج من السجن
( هامديلله الا السلاماه ) الى هى حمد الله على السلامة بالماليزى


8 comments:

nourita said...

:-)

I 've a question:

Is Egypt an Islamic republic? What does the constitution says abt that?

Mico Mark said...

روق يا عم وما تحرقش في دمك
الاخ الدكتور العريان لسه طالع من الحبس عايزه يقول ايه .. يعني يقول ان الاقباط (المشركين او الكفرة على حسب)ولا النسوان (ناقصات العقل والدين)ينفع يتولوا الامر ويتشرشحوا للرئاسة دا كلام !!! ثم ايه الحقد دا كله على الدولة العظمى ماليزيا .. مالها ماليزيا .. دي دولة شقيقة صديقة ومعروف ان ماليزيا ست اخواتها !!! ومن الطبيعي ان اغلب قيادات الاخوان الماليزيين - المسلمين احيانا - يستشهدوا بيها
واتمنى من الله - كمواطن اتمتع بكل حكوك المواطنة - ان يحكم مصر بلدنا - سابقا - احد قيادات الجماعة الماليزية سواء كان العريان او المرشد الماليزي العام
ولو لم اكن ماليزيا لوددت ان اكون ماليزيا
واخيرا ... والمرضى الذين فى شعبك يا رب لا تشفيهم

لو لم ا

heba said...

يعنى خرج من السجن , دخل السجن مش مشكله
هو اصلا حابس عقله فى سجن,ضلمه , مليان عفاريت , عفريت اسمه المسيحين , وعفريت اسمه الستات, , ربنا يفك سجنك, ويسترك يا عاريان.

Anonymous said...

السيد عبس
بعد التحيه
بجد انت نفسك تبقي رئيس جمهوريه شايف انه لايوجد ما يمنع ذلك ومالو يا عباس باشا لما امريكا يحكمها زنجي ولو فرنسا حكمها مسلم ولو اسرائيل حكمها مسيحي تبقي سيادتك او احد الاخوه الاقباط يتفضل
مش الديموقراطيه هي حكم الاغلبيه ولا ايه؟؟
وبعدين لما مصر يحكمها الاقباط وفي يوم بلا شمس تقريبا لما نبقا تحت حكم الرئيس بولس ولا لمعي ويبقي وزرائنا جرجس ومايكل وفي يوم عظيم زي دا ممكن نعرف برنامجكم الانتخابي ايه بقا؟
اعتقد ان اقباط مصر بين لوبي متامر ومتامرك ولائه لماما امريكا واخر متفرنس ولائه لماما فرنسا واغلبيه غلبانه مش ها يعترضوا علي برنامج حكم واحد واللي ها تحطه سيادتك
لا يخرج عن منع ماده الدين الاسلامي في المدارس ونقل القداسات والصلوات بثا حيا من الكنائس يوميا والسماح بكنيسه لكل مواطن وطبعا التوليع في المحجبات واصحاب اللحي وكل ما هو اسلامي بلاش ارف بقاخلي البلد تفوق وتنضف بقا بالاضافه الي عمل مسابقه اسبوعيه علي مستوي الدوله لحفظ الانجيل علي غرار مسابقات حفظ القران
ها وايه كمان فكرني ببرنامجك الانتخابي مش هي دي مطالبكم اللي صدعتونا بيهاوطبعا الوزارات كلها تبقا معاكو شرطه وجيش بقا وتعليم وخارجيه ما انتو الحكومه بقا واحنا نطول يا اخي قول بس واحنا وراك ولا هي فنجره بق وخلاص؟؟
سيبك من الدكتور العريان دا اصلا من مخلفات العهد البائد قول بس انتو ها تعملو ايه في البلد؟؟ما تقلقش جايلكم جايلكم مساله وقت بس وتخلصوا من المسلمين الرمم دول
طبعاولا يهمك بقا لا صحه ولا تعليم ولا ديون ولا تنميه المهم تاخدو البلد وبعدين ربنا يحلها وعندنا اصدقائكم اعضاء الكونجرس الافاضل حاضرين للمساعدهوكمان فلوس المعونه اللي بقت جا يالكم عدل الله اشمعني المسلمين كفايه عليهم بقا
تهييس بتهييس
هاهاها
هلال العيد

coffee break said...

رامز انت بتقول انك ضد سجن اى حد
انا متفقة معاك
عصام العريان و اخوانه مفروض يتم نفيهم من البلد على ماليزيا على طول

الأستاذ مجهول
كنت هرد عليك بس كسلت

sandrill said...

أنا بعترف خلاص بأني عاجز عن فهم ذوقك العجيب في الكتب و المزيكا ,, إيه يا ابني الأغنية اللي انت حاططها دي ؟

بعدين أنا مش فاهم انت ليه غاوي حرق دم ,, إيه اللي كنت منتظره من الإخوان يعني ,, و زعلان من ماليزيا ,, ده احنا كده اتطورنا قوي ,, زمان المثل كان السعودية ,, و قريب كان فيه حوار صحفي مع عضو في مكتب الإرشاد استشهد فيه بالفاتيكان و إسرائيل ,, ارضى بماليزيا بقى لتزول من وشك

عباس العبد said...

نوريتا
كل سنة و انت طيبة اولا
انا مش فاهم يا نو
انتى بتسألينى سؤال و لا ده استفهام ؟
لو سؤال ... اجابته مصر مش دولة اسلامية
بالمفهوم الشمولى للدول الاسلامية
اما لو استفهام عن الدستور
فنعم مصر دولة
دين معظم مواطنيها الاسلام

ميكو مارك
شكرا للزيارة
الناس بتوع ماليزيا دول جابولى وش
بيقولك بتوع الملايو ليهم حق
ملايو مين و الناس نايمين ... يا عم
هلاوس غريبة

هبة
كل سنة و انتى طيبة
و ربنا يفك سجنه فعلا
بس من ناحية نافوخه

انونيموس ... حبيب قلبى و شاغل روحى
مبنامش الليل .... ودى حقيقة علمية على فكرة
انا مش فاهم ولا كلمة من الى انت قلته
انت عايز تقول انى علشان اوصل للرئاسة
لازم ابقى زنجى مثلا
الديموقراطية حكم الاغلبية ... صح
بس مش على اساس دينى
و لا احنا نروح نجيب تعريف مدنى لنظام حكم
و نحطه على قالب دينى
تطلع حلاوة بالشيكولاتة
او على رأى اللمبى
كنافة محشية طرشى
و لا هو نظام ضرب و خلاص ؟
" لا يخرج عن منع ماده الدين الاسلامي في المدارس ونقل القداسات والصلوات بثا حيا من الكنائس يوميا والسماح بكنيسه لكل مواطن وطبعا التوليع في المحجبات واصحاب اللحي وكل ما هو اسلامي بلاش ارف بقاخلي البلد تفوق وتنضف بقا بالاضافه الي عمل مسابقه اسبوعيه علي مستوي الدوله لحفظ الانجيل علي غرار مسابقات حفظ القران
ها وايه كمان فكرني ببرنامجك الانتخابي مش هي دي مطالبكم اللي صدعتونا بيهاوطبعا الوزارات كلها تبقا معاكو شرطه وجيش بقا وتعليم وخارجيه ما انتو الحكومه بقا واحنا نطول يا اخي قول بس واحنا وراك ولا هي فنجره بق وخلاص؟؟ "
هو انت شايف ان الاسلام بوز مصر لما منع التعليم المسيحى
و حط مسابقة عالمية لحفظ القرأن و سيطر على الوزارات
و كل الحاجات الى انت ذكرتها
فخايف لما ييجى واحد مسيحى و يقلدها
تبوز البلد برضه و لا ايه النظام فى النافوخ ؟

كوفى بريك
كل سنة و انت طيبة
سيبك انتى المهم السعادة
و ربنا يشفى الجميع
شكرا للزيارة

ساندريل
لما يكون فى افطار تانى
يا ريت متتصلش بى .... علشان باينك نحس
انا قفلت معاك و مفيش ساعة سافرت القناة
و لسه راجع ....الله يسامحك
و بعدين
ملكش دعوة بذوقى فى الاغانى و الكتب
قدامك 100 سنة عقبال ما تستوعبهم
و كل سنة و انت طيب
و بلاش كتر كلام

Mirage said...

جامدة جدا يارامز التدوينة دى

يخرب بيت سنينك