Sunday, May 24, 2009

عام الخنزير


يذكر لنا التاريخ أن بوذا رأى إعادة تنظيم الصين في قديم الزمان فاستدعى بمناسبة رأس السنة جميع حيوانات المملكة لكن لم يلب دعوته سوى اثني عشر حيوانا وهم  :
الفأر .. الثور ..  النمر ..  الأرنب .. التنين ..  الأفعى .. الحصان ..  الخروف .. القرد .. الديك .. الكلب .. الخنزير .
وفي مؤتمر القمة هذا ، كرّم بوذا ضيوفه – بحسب ترتيب وصولهم – فمنح لكل منهم سنة تسمى باسمه وهكذا وجدت الروزمانية الصينية التي تحمل طابع الحيوان والتي تنتمي إلى اسمه . والصينيون يؤمنون بأن أفضل السنوات وأرغدها في العيش هي عام الخنزير ..

يرمز الخنزير إلى الثّروة والعائلة والرخاء والسعادة والحظّ. يعد الخنزير جوهرة الأبراج الصينية؛ لأنه أمين ومستقيم. إذا وضعت ثقتك به لن يخذلك أبدًا. يحب عمل كل شيء بشكل صحيح. الخنزير مولود ليعطي، ليهب وليخدم الآخرين. لا يتحدث كثيرًا، ولكن عندما يقرر التحدث لا شيء يمكن أن يوقفه قبل الانتهاء من حديثه.

و تحسب الأبراج الصينية بالأعوام أى كل 12 عام يتم تكرار البرج . و بالحساب نستطيع أن نعلن ان عام 2009 هو عام برج " الثور \ البقرة " ...

و كل عام و انتم بخير و بعودة الأيام .

9 comments:

جبهة التهييس الشعبية said...

قصدك ايه؟
الخنزير ما بيحسش وده كلام علمي
الخنزير ديوث ولا يغار على انثاه
(قال يعني فيه حيوان تاني في الدنيا دي كلها النتاية لها دكر واحد بس)
الخنزير بياكل الروث بتاعه وده كلام علمي علمك

اما انت راجل منعدم العملية صحيح

^ H@fSS@^ said...

ما هي عشان سنة الثور الله يكرمك
فقام نطحوا فيها زي البهايم
من غير ما يعرفوا حقل البرسيم فين بالظبط
و النتيجة
هلاك قطشيع الخنازير عن بكرة ابيه في الوبا مع هنادي

احب اضيفلك معلومة بقى عن الخنزير مش كتير يعرفوها يمكن
هو انه تاني حيوان بعد الدولفين اللي بيوصل لمرحلة نشوة بعد معاشرته لانثاه
و بيستمتع بيها كمان
:D

على باب الله said...

شكراً على المعلومات

Alkomi said...

هي وصلت للابراج عشان تدعم قضية الخنازير

انت مستواك نزل على فكرة

:))

انا مواليد عام الخنزير 1983 و متخفي سيادتك دلوقتي عشان انت عارف الحكومة تعسفية عندنا

لا و ايه مقضيها تريقة على اخواتي في الكوكب " الخنازير " عشان ماحدش يشك فيا

بس خللي بالك بوذا ده كان مسيحي متخفي في شكل حكيم فيلسوف و عمل المغرز ده عشان يعنييدعم الخنازير

كان ابن لذينا بوذا

المنفي said...

على فكرة

حتى عنا بمسيحي غزة الكاثوليك شائع جدا عندهم انو المسيحي الي بياكل لحم الخنزير بيكون ديوث وما بيغير على حريمو
لذلك تلاقي نادر جدا تلاقي حد مسيحي عنا ياكل لحم خنزير

وبعيدا عن كل ده يا استاذ رامز
ازيك كده؟

Desert cat said...

انا خايفه احسن حد من المسؤلين يقرأ نهاية البوست ويوشف الثور والبقرة يقوم يشتغل دبح وقتل فى كل الثيران والبقر اللى فى البلد

عباس العبد said...

نوارة
دى ابراج صينية و انا مالى
اما حكاية ان الخنزير ديوث لا يغار على انثاه فدى مش فاهمها .. ما الجاموس بيعشر 3 و اربعة و ذكور الكلاب بتمارس مع انثى واحدة و القطط بيتنط عليها من كذا ذكر و كان فى 2 مدرسين بنى ادمين بيعملوا سوينجرز ( تبادل زوجات ) .. و بعدين هو اكل اللحمة يعدى ؟ يعنى لو واحد بياكل لحم جاموس كتير يبقى علطول بيرايل زى الجاموس ؟
هههههههههههه
دى ابراج صينية يا ستى و انا مالى
ههههههههههههه
===
حفصت
خنزير صاحب مزاج صحيح
هههههههههه
===
على باب الله
أى خدمة

عباس العبد said...

الكومى
انا كنت شاكك فى بوذا ده من الأول
ههههههههههه
===
المنفى
انا حكاية أن الخنزير ديوث دى اول مرة اعرفها اليومين دول
بس هو عامة الشرقيين مش بياكلوا الخنزير كتير لأنه بيدى طاقة حرارية زيادة جداً و ما ينفعش يتاكل فى الصيف ممكن اللى بياكله يفطس من الحر
===
قطة الصحراء
ربنا يستر من دماغ المسئولين

جبهة التهييس الشعبية said...

رامز

هو انت ما تعرفش ان المعلومات العلمية القيمة دي منتشرة كالنار في الهشيم؟ بالذات موضوع ديوث
طب هو ماله اذا كانت الولية عينها زايغة
وبعدين اذا كان على الديوث ده الاسد اكبر ديوث في تاريخ الحيوانية
هو بس عشان عامل شعره مزنبليط والخنزير ياعيني اقرع

ندهن له زيت خروع؟