Friday, November 17, 2006

مسألة امن قومى

لا كيف ابدأ الكلام
و لكن اقرأ
عن وجود شروخ فى سقف مترو الانفاق و هى كارثة
اذا صدق الخبر و كارثة اكبر اذا لم يكن صادقا
لا اعلم ماذا اقول و لكن فى حالة كذب الخبر
ارجو الوقوف و بشدة مع الجريدة و صاحب الخبر حتى لو وصل الامر لأغلاقها
لأن هذا يعد تلاعب بأمن الدولة القومى
اما اذا كان الخبر صحيح
فهذه المهزلة لابد من تدارجها بأسرع وقت
لأن انهيار مترو الانفاق لا يعنى فقط توقف مرفق او خسارة مالية
فنحن فى مصر
بمعنى انه سينهار على الركاب
و انهيار مبانى و طرق و وسائل الانتقال
عرفين يعنى ايه
يعنى كأنك شلت وسط البلد
يعنى قطعت مصر نصين
خراب مستعجل
مش تهريج يا جماعة
مش تهريج

8 comments:

كراكيب نـهـى مـحمود said...

غريب اوي خضتك دي كانك مش عارف بلدك ام الدنيا اللي مش بس بتتحرك لما الكارثة تقع لا حتى لما بتحصل المصيبه تقعد تفرك في عينها وتشرب الشاي وتعمل اصطباحة وبعدين تشوف ايه اللي حصل

asad said...

قشطة جدا

وإحنا عايزين إيه غير كدة ؟

تتهد على دماغنا ودماغهم يا رب

عباس العبد said...

الخضة دى مش مبالغ فيها
صدقونى يا جماعة
كأنك بالظبط شلت وسط البلد
فصلت مصر نصين
لا وسائل انتقال
انهيار مبانى و وزارات , انهيار مرافق
فوضى و فشل تام فى كل مناحى الحياة و احنا معندناش استعداد للخراب المستعجل ده
دى مصيبة مش حنقدر نقف قصادها
احنا اضعف من تحملها

karakib said...

علي فكره ليك حق الخبر مرعب ومش عارف ازاي مر مرور الكرام كده من غير ما حد يعلق عليه !!!
هي ناقصه كمان المترو يبقي فيه مشاكل !!
هاني جورج

Anonymous said...

من ساعة ما قريت الخبر
اول امبارح واتأكدت ان الكارثة اللي جاية .. ما احنا لازم نغير مرة عبارة ومرة قطر ومرة عمارات وحوادث طرق

الجديد بقى هو المترو

المشكلة دي هيتم التعتيم عليها لحد ما تبقى كارثة وبعدين هيشيلوها لاي حد

لو كنت قريت الاخبار قالت ايه في نفس اليوم عن نفس الموضوع كنت فهمت التعتيم اللي على اصوله

المصري اليوم قالت ان فيه مشكلة وان إدارة الصرف قطعت المياه عن المنطقة عشان يقفوا سقوط المياه على الركاب وأحد الخبراء قال انه إذا تم السكوت عليها هتكون كارثة

الاخبار بقى قالت ايه .. قالت ان المياه توقفت والمشكلة اتحلت
رغم طبعا ان المياه توقفت لانهم قطعوها مش لانهم سدوا الشروخ العميقة في السقف

معادش فاضل وقت طويل على الكارثة اللي جاية

Anonymous said...

mmm,...bema en mafish shafafeya fy masr aw mesdakeya le ay geha fa kol wa7ed beysada2 elly howa 3ayzo...!!!

bas el nas men kotr ma shafet masayeb be temshy be nafs el scinario ba2a fy kabeleya en nesada2 ay 7aga,....ya3ny dayman el mawdo3 be yebda2 be 7'abar wel nas yefdalo ye2olo ezaaaay,..mesh ma32ol,..wel mas2oleen sakteen la bey2akedo wala beyenfo,....we shwaya shwaya nekteshef el kessa fiha she2 men el se7a aw sa7i7a tamaman,...we te7sal el karsa fy wa2t mayenfa3sh fih tadarok el amr...!!!

Fadydodo2004 said...

يابنى لازم تقع على دماغهم بقى عشان يفوقوا شوية من المهزلة اللى هما عايشين فيها دى
سبها تقع عشان الشعب يحس على دمه بقى
احنا بقينا بنتمتع ببلادة غير عادية

Shamoussa said...

يوم ما قرأت الخبر ده افتكرت على طول Atlas Shrugged
هي كده آخرتها سوداء
المهم بقى إني كل يوم باروح بالمترو من التحرير