عيد الميلاد تانى

يحتفل مسيحيو مصر و الشرق او الطائفة الارثوذكسية بعيد الميلاد اليوم
و بما انى انا عيدت و فطرت و اكلت اللحمة بعد طول صيام
و خصوصا انى بعيد 25 ديسمبر اى مع الغرب و ده لانى كاثوليكى
و بما ان اى واحد بيعيد مع الغرب و الامريكان الناس بتفهم علطول معناها انه بيقبض من السفارة
و واجبه يعمل فتنة طائفية بين المسيحيين فى مصر و بما انى مخرب محترف تخصص فتنة
فاحب اقول لمن لا يعلم سبب فرق التوقيت فى الاحتفال بعيد الميلاد
بدأ الاحتفال بعيد الميلاد رسميا فى الغرب سنة يوم 25 ديسمبر 336
ثم انتقل الى الاسكندرية و بدأ الاحتفال به سنة 430 ايضا يوم 25 ديسمبر
و هو ما يعادل يوم 29 كيهك بالتقويم المصرى
و لما قام بابا روما البابا غريغوريوس باحداث التغيير المعروف بأسمه
التغيير الغريغورى سنة 1852
تمسكت الكنيسة المصرية او للدقة كرسى الاسكندرية او مدرسة الاسكدنرية
بيوم 29 كيهك الذى اصبح يوافق وقتها 4 يناير

و صار يتقدم فى كل حقبة زمنية يوم

حتى اصبح 7 يناير

و اتسع الفارق بين التقويمين الى 13 يوما
و يسمى التقويم المصرى تقويم الشهداء
و نتيجة التمسك هذا او مسببه هو انفصال كرسى الاسكندرية عن الكرسى البطرسى بروما
الحمد الله

الان عرف الجميع السبب علشان يبطل العجب
و كل سنة و انتم طيبين
على العموم ان عيدت خلاص ... بس مش مشكلة
كل عيد ميلاد و انتم طيبين
الصراحة انا بستغل الفرصة دى او الفترة دى بمجموعة قوية من الكتب بعيد قرأتها مرة كل سنة
فى الفترة من 20 ديسمبر الى 10 يناير او موسم الكريسماس
و مجموعة الكتب هى
انطلاق الروح / البابا شنودة
فرح الايمان - بهجة الحياة / الاب فرنسوا فاريون اليسوعى
الهى لا نفع له – مديح المجانية / الاب شارل دليه اليسوعى
الوطنية المصرية / الدكتور احمد عبد الله رزة
سفر عاموس / نبى العدالة الاجتماعية - العهد القديم
انجيل يوحنا / القديس يوحنا - العهد الجديد
لاهوت التحرير / الاب وليم سيدهم
سلام

و كل سنة و انتم طيبين
تانى

فى عيد الميلاد

تانى