Wednesday, February 07, 2007

خالتى و خالتك اتفرقوا

1-
كمين
الاسبوع الماضى ... عيد ميلاد صديقى ال29
اتصلت بى خطيبته ..لأعداد كمين له
طلبت منى كل ارقام تليفونات اصدقائه لدعوتهم
عندها بالمنزل ...كانت تعد له
Surprise party
لم يكن يعلم اننا قادمون ... اقنعته بأنهما سيمرا على البيت
لتغيير ملابسها و ليسلم على اهلها يوم عيد ميلاده
و انهم سيخرجا سويا ...بمفردهما
كانت المفاجاة مدهشة ... لم يتوقعها
اسعدتنى المفاجأة ...
تتمتع خطيبته بذكاء اجتماعى تحسد عليه
اسعدتنى ليس فقط لأننى شاركت فى هذا الكمين
و لكن لأن المفاجأة كانت على المستوى الانسانى
و ليس فقط على المستوى المادى
جمعت له كل اصدقائه حتى الذين لم يقابلهم منذ فترة
الجمته المفاجأة .... لم ينبس ببنت شفة من فرط دهشته
نظرات الوفاء و السعادة المرسومة على وجهه
اضفت بهجة على الجميع ... كأنه عرفان بالجميل
دفء العلاقات ... حتى مع الذين لم يقابلهم منذ مدة
اضفى روح حميمية على جو الاحتفال
كل سنة و انت طيب يا صديقى العزيز
2-
حلقة نقاش
افكر فى انشاء حلقة نقاش او جلسة
لمناقشة كتاب جديد ... تكون اسبوعية
انشر الفكرة بين اصدقائى ...لا اجد لها صدى
الكل مشغول فى عمله ...ابحث عن من يتبنى معى الفكرة
اعرضها عليكم ...علها تجد صدى و تكون فرصة
تجمع و التعرف على افراد جدد
كل ما نحتاجه ..كتاب نتفق عليه
و مكان نتقابل به ... للنقاش
ارجو ان اجد رجع صدى ... هذه المرة
3-
قراءات
سألنى احدهم عن الكتب التى اشتريها
هل اقراها فعلا ... ام اقتنيها فقط
اركنها بمعنى دقيق
طبعا يا سيدى ... اقراها كلها طبعا
صحيح ..ان نتاج المطابع و المؤلفات
اسرع من قدرتى على المتابعة
لكن انا على اى حال ... اسعى قدر استطاعتى
لتغطيتها
هل تعلم يا عزيزى
بعد كل ما اشتريته من معرض الكتاب
نسيت كتابين هامين جدا
تاكسى ...لخالد الخميسى
شىء من هذا القبيل ...لأبراهيم اصلان
4-
انهيت ثلاث
التلصص ... لصنع الله ابراهيم
و عاكف على كتابة نقد لها
ارجو ان يحوز اعجابكم
صعلوك ... رامى يحيى
شعر بالعامية ... جميل ...يستحق القراءة
نادى القتال ... تشاك بولانيك
تنويعة قديمة ...لمن يقرأ ما وراء الطبيعة
او من قرأ ...ان تكون عباس العبد لأحمد العايدى
نادى القتال ترجمة ...د/ احمد خالد توفيق
5-
المرض ينتصر على
يلزمنى الفراش ...لمدة يومين
اسنانى ...اعلنت التمرد و العصيان المدنى
رفضت الانصياع لأوامرى ... و لجهازى العصبى
بحجة الام اللثة ...لم اطاوعها فى البداية
لكن مع انتفاخ وجنتى اليمنى لدرجة انى لم اتعرف
على وجهى الكريم فى المراة ...عرفت انه حادث جلل
عمتى طبيبة الاسنان ...نصحتنى بمضاد حيوى
اثبت فاعليته ... فأنتفخت وجنتى اليسرى ايضا
و اصبحت مثل الرجل الفيل ... منفوخ الوجه
احدى العالمين ببواطن الامور ...اعلن بكل وضوح
انه " ابو اللوكيم " ... و اى حركة سيصاحبها عقم فورى
انه الفراش ... لم اتزوج بعد ... و فكرة العقم
لا تبدو ظريفة الان ...
طبعا ... انتهت القضية بالنسبة لى
الفراش ... فالفراش ... ثم الفراش
صحيح ... فى النهاية اتضح انه ... مجرد خراج
و لكنه من النوع المحترم جدا الذى تعف نفسه و تترفع
عن ان يعالج بمضاد حيوى مثل بقية الخراجات ...
اصدقائى الاعزاء ...انا مقبل على عملية جراحية فى الفم
شكرا لسؤالكم على ...
6-
اغانى
اغنية حسين الجسمى الجدية
بحبك وحشتينى ... من فيلم الرهينة
جميلة جدا ... تستحق الاستماع
و خاصة انها عن مصر
و لكن مشكلتى معها ...انى اتقبلها بصعوبة
من مغنى خليجى
7-
استمعت الى اغنية غريبة و تصويرها اغرب
بعنوان ...اهلا ازيك
بها كلمات من نوع ... خالتى و خالتك اتفرقوا
اتفرقوا الخالتين
اما تصويرها ... فهو عن بوش و كونداليزا و رمسفيلد
تطور الاغنية المصرية ... اصبح غريب فعلا
فتاة تتحدث مع بوش و الخلفية مشاهد من حروب
و تقول له ... خالتى و خالتك اتفرقوا
مش عارف اقول ايه
استمع الى الاغنية او قم بتنزيلها ... هنا
8-
الاخ ساويروس
لابد ان نعترف انه ظريف جدا ... يمتلك روح دعابة قوية
دمه خفيف ...لم يكتفى بسحب فلوس المصريين على هيئة
فاتورة او كارت
اقتطع جزء من دخلهم ... لصالحه
و حوله الى ثابت مقدس شهرى كصلاة الجمعة او قداس الاحد
لم يكتفى بهذا ...بل دخل مجال الاعلام بقناة اسمها
O.TV
يبدو انه لم يكتفى بلحس جيوب الناس
بل ينوى لحس مخهم ايضا ...
و ادينا بندردش ورانا ايه ...ورانا ايه
9-
كتبت قصة قصيرة منذ فترة
ابان الاجتياح الاسرائيلى لجنوب لبنان
السنة الماضية ...اضحت كالنبوءة
لما يحدث الان ... من سجال بين قواه السياسية
اسمها القصة " ... ! " ... ثلاث نقاط و علامة تعجب
اهديتها الى لبنان ... مع حقدى
لتنزيل القصة ...اضغط هنا
10 –
باريس هيلتون
ابنة العم هيلتون موحد الفندقين
و هو صاحب سلسلة فنادق تحمل اسمه
فنادق هيلتون
لا تعليق على جمالها او جسدها او الحاجات المادية
الصغيرة اللذيذة ... دى
دع الخلق للخالق
المهم فى الموضوع ... ان سلسلة هيلتون للفنادق
هى باسم شخص ...عادى
بعبارة اخرى
هل ممكن سيادتك تبات فى اوتيل اسمه متولى
متولى اسم مصرى مثلما هيلتون اسم امريكى
هل سنجد يوما ما سلسلة فنادق شهيرة تحمل اسم
AB-SHAKOUR HOTELS AND RESORTS
سلسلة فنادق و منتجعات عبد الشكور
ام انها عقدة الخواجة
هل تعلم ايضا انك تشترى كمبيوترات باسم شخص
اسمه
DELL
نعم .. ف" دل " اسمى فتى لم يكمل الاربعين بدأ حياته الكمبيوترية
بتجميع اجهزة كمبيوتر اى.بى .ام ... و ابل ... التى هى تفاحة
او اسم نوكيا ... و هو اسم شخص سويدى
مثل الاخ بتاع البرنترز
HEWLETT - PACKARD
يعنى ممكن نسمع عن اجهزة تين شوكى المصرية
او ان تشترى جهاز اوريجينال اسمه عباس العبد
اسف
IT IS NAMED
ABBAS-ELABD
INDUSTRIES FOR MAIN-BOARDS
AND MICRO-SHIPS CONTROLLERS

او
KAMAR EL-DINE FOR COMPUTERS
او
FAKIHA FOR MOBILES AND I-PODS
او
HAMADA PRINTERS
لا اعلم
ربنا يكرم
اخ
SORRY
IN SHAA ALLAH





7 comments:

Anonymous said...

HEWLETT - PACKARD is actually two people, not one. Amerger between the companies of those two persons.

halwasa-masrya said...

انت بتكتب حلو اوى بجد .. انا اتشديت اوى لكتاباتك .. ربنا يوفقك وعلى فكرة اكيد بكرة هيعمله جهاز هيسموه جهاز الحرنكش الدولى .. خللى عندك امل فى ربنا

bluestone said...

الذكاء الاجتماعي
مهارة يصعب على الكثيرين اكتسابها هذه الايام .. بينما لا يعبأ الاغلب في اكتسابها
اعتقد ان من الحب ما يمنح صاحبه تلك المهارة بتلقائية عجيبة
لا اعرف لماذا لم يحلل العلماء تلك الظاهرة العجيبة المسماة بالحب بشكل عام
فالتغييرات التي تحدثها على حياة الانسان قوية جدا وغريبة جدا
وليست دائما إيجابية

تلك الخطيبة لا تتمتع فقط بذكاء اجتماعي ولكن بحس انساني قوي جدا
--
حلقة نقاش
فكرة رائعة
كثيرا ما يضطر دودة القراءة من امثالي ان يكلموا انفسهم بعد قراء اي كتاب خاصة لو كان كتابا جيدا
فلا يمكنك ان تذهب إلى صديق لا يقرأ اصلا وتبدأ في مناقشته في رواية ان تكون عباس العبد مثلا
او شيكاغو
او الدافنشي
او كتابات مستغانمي
او غيرهم ....
فتضطر ان تبحث عن صديق قارئ او ان تدون ملاحظاتك وانطباعك الشخصي مكتوب دون رد فعل مباشر او استفادة متبادلة من الاخرين
اعتقد ان حلقة نقاش فكرة ممتازة جدا
في حال امكانية تطبيقها عمليا
---------------

اما بالنسبة لاغنية حسين الجسمي
مش عارفة ليه ماقدرتش احسها ابدا
ولا حبيتها
يمكن لان المطرب خليجي
والكلمات مصرية صميمة اوالحالة نفسها مغرقة في المصرية ولا يمكن لاحد فهمها بسهولة
حالة
I LOVE YOU-I HATE YOU
معرفش
محبيتش الاغنية وخلاص
---
على فكرة اغنية (خالتي وخالتك) دي الكائنة اللي بتؤديها (ولا اقول مطربة ولا حتى مغنية ابدا)
اسمها شمس وهي كويتية او سعودية وليست مصرية
الاغنية من اسوأ واردأ واتفه ما رأيت من محتوى على شاشة فضائية
كم من السخافة والاستظراف واستغلال بايخ للاحداث العامة بمنتهى الضحالة والتخلف

معلش سوري على كم الالفاظ الانفعالية بس فعلا الحاجة دي من اكثر الامور اللي اثارت غيظي في الفترة اللي فاتت
----

------------------------
مش شايفة مشكلة قوي في القناة بتاعة ساويرس .. اعتقد انها جاءت رد على الحكومة التي رفضت ولمدة 6 سنوات طلبه بإنشاء محطة إذاعية على غرار نجوم إف إم
فكان رده بإنشاء محطة فضائية مجانية (حتى الان) وسحب اعلاناته من التلفزيون المصري ونقلها للمحطة

المحطة خفيفة جدا ومحتواها عادي حتى الان
ولكنه يقدم بشكل محترف نوعا ما وبفكر دعائي اعلاني كامل
ومن المعروف ان موبينيل لديها عتاولة الاعلان في مصر ويمكن المنطقة

من اكتر الحاجات اللي عجبتني هي نشرة الاخبار التي تقدم باللغة العامية
اعتقد انها ممكن تساهم في زيادة وعي رجل الشارع البسيط جدا بقليل مما يحدث في العالم.
-------------------

karakib said...

انا احد المتحمسين لهذه الحلقه انا الاخر

bluestone said...

يا عم عباس
كان ممكن ترد على ردي على البوست في مكانه
واذا كان رد بسيط في بوست بيعملك الاحباط ده كله يبقى مش هتعمل حاجة خالص
طبعا انا اصلا وضحت في الرد اني فعلا مهتمة جدا بمسألة فكرة حلقة النقاش ولكن لاني كان لي محاولات لتنفيذها بطريقة مختلفة ووجدنا بعض الصعوبات علشان كده قلت لك لو امكانية انشاءها كانت عملية
من اهم المعوقات مثلا ان المجموعة اللي هتكون اعضاء في الحلقة دي لازم يكونوا من الاصدقاء المقربين ليسهل اجتماعهم مثلا
ان يكونوا من اصحاب الميول القريبة لتسهيل اختيار الكتب
كما ان الكتب المختارة موضوع للقراءة لازم تكون متوفرة وحديثة واسعارها مناسبة

والشروط دي في الايام العادية بعيد عن معرض الكتاب هتخلي الكتب المتاحة عددها مش كبير قوي
حاول بعض الاصدقاء تكوين فكرة مشابهة وكان هدفهم تشجيع القراءة وزيادة الاستفادة وقوبلوا بهذه المعوقات وغيرها
وعشان كده قلت لك في حال امكانية تطبيقها عمليا

يعني ان الناس المهتمة تتجمع في مكان ما وتتعرف على بعضها (وده بياخد وقت لوحده) ثم عملية اختيار الكتب اللي تناسب اهتمامات اغلب المجموعة ثم البحث عنها وشراءها وتحديد المدة المفروض الانتهاء من الكتاب خلالها ثم تحديد موعد يناسب الجميع للمناقشة ...

ومعلش يا سيدي اذا كان كلامي احبطك

Anonymous said...

سلامت سنانك يا عبس و يابخت صاحبك بخطيبته عقبالك لما ربنا يكرمك بخطيبه حلوه من دول

هبه السيد

Anonymous said...

Hindawy is a large publishing house, and it is of course Egyptian :)

http://www.hindawi.com/

Regards,
Masry