جاءت المشكلة الحالية من ذيل المشكلة التى سبقتها
فالمشاكل لا تأتى مرة واحدة
من رحم واحدة تولد اخرى
فمصر - كما تعلمون - ولادة
........
انتهيت من قراءة كتاب مهم
عن ازمة سوست البنطلونات
و كيفية التفريق بين البنطلون ذى السوستة
و اخيه ذى الازرار
فخلعت قميصى و نزلت لشراء خمس ارغفة
عدت حاملا الفطير و الجبنة البيضاء و العسل
و الدوار و المصطبة لزوم الافطار
حتى اتصلت بى احدى صديقاتى
لتخبرنى ان افتح التلفزيون كى اشاهد حلقة
العاشرة مساءا
مستعينا بالله و بقوات الضفادع البشرية
اغلقت نور الغرفة و اطلقت سبة
تتعلق بأم احداهم ....
ادرت التلفزيون و شاهدت حلقة من الف ليلة و ليلة
...........
طفلين اسمهما اندرو و ماريو
يعانوا من هلاوس سمعية و بصرية
تهييء لهم .... لا حول و لاقوة الا بالله
انهم مسيحيان و ان ابوهم اليهودى قد تنصر
و ان امهم بوذية الاصل قد صارت بهائية
لا اعلم هل هذا نتيجة ارتفاع سعر الذهب ام
ان الخلافات بين روزاليوسف و صلاح دياب
و وزارة المياه لها تأثير دولى مباشر
فبرميل النفط و حمادة هلال و ازمة سوستة البنطلون
قد جعلونى استلقى من كثرة الضحك
لا محيص يا بنى ... لا محيص
ادخل عند القهوة العالية
و انت حتتنيل تفهم كل حاجة
...........
لا اعلم
بصراحة
هل مصر ولادة
ام ان العقم قد اصاب نسائها
فأصبحت مسئولية البرادعى ان يجىء
لمصر لكى يفتش عن مفاعلاتنا و يبحث عن
تخصيب عقولنا و قلوبنا و قبولنا للأنسان ... الاخر
........
انا قمت بأكثر من مليون تعليق عند بلو
فلن اعيد ما كتبته هناك ... هنا
............
ملحوظة
اغنية هشام عباس الجديدة مش حلوة قوى
و يمكن ده السبب الرئيسى فى موضوع
الولدين ... و خاصة ان صدمتهم فى شريط
عمرو دياب كانت كبيرة ... جايز برضه
............
محدش فاهم حاجة
محدش حيتعلم هنا
فيلم الناظر
4 comments:
انتَ مضَّايق .. صح ؟؟
أصل أنا كمان مضايق
والمجمل هنقول نفس الكلام وكل فريق هيقسَّم نفسه التقسيمة بتاعة كل مرة .. ده متطرف هيقول يفضلوا والجزمة فوق رقبتهم .. وده متفتح هيقول الديانة لا تُوَرَّث وده هيدخل يسأل أسئلة فلسفية على طريقة فين السند الديني لتوريث الديانة ..
بس كل ده مش المشكلة
المشكلة إن الناس نفسها بتغلي من جوا وعندها كلام كتير يتقال ولازم يتسمع بعيداً عن إن البابا ياخد شيخ الأزهر بالحضن ويتغدوا في الكنيسة أو يتعشُّوا في الجامع ..
قلقان لمعالجة كل أزمة بمُسَكَّن رخيص يأدي لانفجار مش عارف هيوصلنا لفين أبعد من كده !!
ويحك هل صبأت يا رجل
لا اشم لك رائحة
اذن فهي الحرب
نعم نعم للدستور
اندرو وماريو يغور يغور
وهي مؤامرة بالاتفاق مع وليد جنبلاط وسمير جعجع والوليد بن طلال ال سعود
حاجة تقرففففففف
مع إني مش فاهمك قوي اليومين دول بس ردودك في القهوة العالية عجبتني ,, إيدي بتاكلني علشان اكتب عن الموضوع ده ,, احفظنا من الغواية يا رب
محمد المصرى
انا مضايق ؟ .... تبقى لحد دلوقتى متعرفنيش
فاكر لما سألتنى انت ازاى بتقرأ لعبد الله كمال و تفهمه
فاكر ردى .... قلتلك ايه
اهو انا حاسس نفس الاحساس ده
انا اتخنقنت ... يا محمد ... اتخنقت
تهييس
يا مفجرة الموضوع
با يتاعة الستينات انتى
يا مخربشة
شكرا لمرورك
و عايز اقولك ان الكلام ده يخلى اجدع
واحد يصبأ عن دين اباه و دين امه
ساندريل
ايه هو الى مش فاهمه
و بعدين انا كنت مستنى كلامك انت بالذات
اكتب يا راجل اكتب
و لتنغمس فى الغواية الى الابد
Post a Comment