Wednesday, August 29, 2007

النطة

وصلت القاهرة الخامسة صباحا ... اليوم

دخلت منزلنا السعيد السادسة صباحا

.........

اتصل بى مديرى الذى لم يره احد الساعة 10 صباحا

حمد الله على السلامة

الله يسلمك

عامل ايه ؟

بعد شرح تفاصيل العمل بالفترة السابقة

تمام ... بقولك

اتفضل يا هندسة

انا عارف انك تعبان فانا حسيبك تريح انهاردة

لغاية 10 بالليل يا عم و حبعتلك السواق على

حداشر كده ... فى مشكلة فى اسكندرية و لازم تروح حالا

حاضر يا هندسة

لما تخلص كلمنى ضرورى ... اصل فى مشكلة فى العين السخنة

و لو ملقيتش حد حتروح بسرعة و تيجى ... خلاص اوكى

حاضر يا هندسة ... و حرجع على القاهرة ؟

ايوة ... طبعا .... بس بعد ما تخلص مشكلة مرسى مطروح ... سلام

.......................

كنا فى المنيا

و ما ادراك ما المنيا

تتكون الشائعات فى العقلية المصرية و تتحول الى ثوابت

تترسب فى الوجدان فتتحول الى حقائق ...

من يخالفها يتهم بانه غير سوى

من اهم تلك الثوابت هو ان بنات المنصورة اجمل بنات مصر

للأسف تلك ... اشاعة

مفادها ... ان بالمنصورة " نطة " فرنساوى ... فبالتالى

هناك عرق فرنسى انتج جمال بنات المنصورة

و النطة لفظ صعيدى ... معناه... ان هناك تداخل فى الاعراق

او بالعامية المباشرة ... معاشرة الرجل لزوجته ... تسمى نطة

اشاعة و كدب ... و الهى

بنات المنيا ... ببساطة التعبير .... قمرات

كأنك ذهبت الى صابر

و طلبت طبق رز بلبن بالقشطة و العسل و المكسرات

فقدمه لك فى صورة انثى تترجرج امامك و قال لك انها من المنيا

من الاخر ... بنات المنيا ... صواريخ ... موزز

البنت من دول مليانة و مدملكة و شديدة

و هى ماشية بتترجرج قدامك كده ...

فترج كل ما يمكن رجه فى جسدك البشري

الملىء بالضعفات الانسانية

مليش دعوة انا عايز بنت من المنيا

......................

الساعة 11 مساءا

ننزل الى السيارة

انا و بقية الفنيين و السائق

نحن فى المنيا و الموقع الذى سنتوجه اليه فى طريق

المنيا – بنى سويف اسمه الحتاحتة

كنا لا نعرف الطريق

اركب بجوار عم علام سائق السيارة

و هو يعرف نفسه بانه

انا علام الى مبيوصلش حد

سأروي لكم قصته فيما بعد

المهم

كنا نبحث عن الطريق

فتوقفت بجوار بائع فاكهة

فتحت زجاج السيارة و اخرجت رأسى

سلام عليكم

و عليكم السلام و رحمة الله و بركاته ... اأمر يا بيه

الامر لله ... و حياتك يا حج ... الحتاحتة منين ؟

اخر الطريق ده ... فى اول شم

بتر كلمته و صمت قليلا ... هرش ذقنه و اكمل

... بس دى بعيدة يا بيه لازم تركبلها

لازم اركبلها ؟!!!!!!!!!!!!!!!!!!!!!

ايوة يا بيه

اغلقت زجاج السيارة و امرت علام بالانطلاق

فانطلق بالسيارة فى عصبية واضحة

سبة صغيرة انطلقت من فمى

ابن الغبية ...

نظر الى علام و صرخ فى وجهى كعادته معى

حنعمل ايه دلوقتى ... حرام عليك

عايز ايه يا علام ؟

معندكوش احساس بالمسئولية ... حنوصل ازاى دلوقتى ؟

عايز ايه يا علام ؟

مش تسأله ... نركبلها منين ؟؟؟؟؟؟؟

...................................


5 comments:

karakib said...
This comment has been removed by the author.
karakib said...

اكيد كان في مكان تركب منه و انت اللي مدورتش كويس !!

Mirage said...

ههههههههههههههههههههههههه

انا معاك ان بنات المنيا دول جامدين آخر حاجة

كانوا معايا فى الكلية وكانوا تحف فنية كلهم


بس انت صحيح مسمعتش كلامه ودورت على حاجة تركبها بدل مانت قاعد فى العربية مش بتعمل حاجة كده

nourita said...

مش تسأله ... نركبلها منين

:)

كراكيب نـهـى مـحمود said...

رامز ازيك لك وحشة يا عم انت دخلت الجيش تاني ايه الشغلانه المتعبه دي
يا عم اقعد في البيت وشوف لك عروسة تستتك من بنات اليومين دول
مكملتش الحكاية وركبتوولها منين على كده