Wednesday, October 24, 2007

banners

الصراحة
انا لقيت ان اى مدونة اخشها
لازم الاقى بانر
banner
مؤيد لأى حاجة
و معارض لأى حاجة
و دى حاجة جميلة
بس الشىء الى يزيد عن حده
يخنق و بعيد عنكم يجيب المرض
و محسوبكم صاحب عيا
و مش حمل اى حاجة زيادة
...........
فى مدونين حطين بانرز
كتير جدا فى المدونة
و مدونين حاطين بانرز بس
من غير مدونة
................
و لما فكرت فى الموضوع
قلت لازم اشارك
فى موضوع البانرز ده
كواجب تدوينى نحو اشقائى المدونين
حاجة كده على ما قسم ... واجب مع الاخوة
و من قدم شىء بيداه التقاه
و هنيالك يا فاعل البانر
و ربنا يقدرنى
...........
مثلا
البانر التالى
ينفع اخوتنا المتضامنين مع ابراهيم عيسى

ربنا يوفقكم يا ولاد
و يكون البانر وش الخير عليكم و عليه
...................
البانر التالى مناسب جدا لموضوع حرية الصحافة


حاجة زى كده
تفتح النفس
و كلكم مفهومية
و رخيص مش غالى
حيوفر لكم تمن اربع جرايد
.............

اهدى هذا البانر لحركة كفاية
تعاونا و حبا
و شفقتن بيك يا رمضان

ربنا يوفقك
يا جورج
ربنا يوفقك
...................

اما اخوتنا بتوع الفتنة الطائفية
فانا منستهمش
فده املهم فى الحياة

ربنا يوفقكم
و تولعوا فيها

........
مقدرش انسى اخويا فى الايمان و صديقى من ايام الديزة
مينا .... مراقب مصرى
البانر ده علشانك يا مينا
و علشان يرصع مدونتك

............

اما نوارة حبيبة قلبى
انا عارف انها بتحبه
اهه ... يا ست نوارة
بيعترفلك بالى فى قلبه

................
طبعا مسك الختام
مقدرش انسى اخوتنا
علشان ميقولوش انى بتاع تفرقة و اكمنى مختلف معاهم
يقولوا انى نسيتهم
ابدا ........ انتم فى القلب
الى .... الاخوان المسلمين



ربنا يسعدكم و يوفقكم

...........
ربنا دايما يقدرنى على فعل الخير
و اى حد عايز اى بانر
انا فى الخدمة
...............
عندى حاجات كويسة جدا عن التحرش الجنسى
بس مش للنشر
علشان نشرها صعب شوية
ايون .... يا ليئيم
فهمتونى طبعا
..........
اتخنقت من البانرز
اتخنقت

12 comments:

Alexandrian far away said...

عبس
ما فاضلش معاك حته من الى أنت عامل بيه الدماغ الجامده دي بقالك بوستين تلاته؟
لفها لي في سيجاره وحياتك وحطها في الفريزر لحد ما أنزل مصر

Mirage said...

أكتر حاجة بتعجبنى فيك ان انت بتعرف كويس قوى إزاى يبقى دمك خفيف على حق ربنا ومختلف ومتميز عن الباقيين

بجد انت مدونتك دايما بيبقى ليها طعم تانى خالص غير أى مدونة تانية

بس انت فعلا زى ماقال الأسكندرانى البعيد بقيلاك بوستين تلاتة عامل فيهم دماغ جامدة كيييييييييييك

bluestone said...

اكتر بانر عجبني بتاع شكرا لثقتكم الغالية
على وشه تعبير فقري جدا

وفيه بانر تاني مش سخرية اكتر ما هو
غالبا حقيقة واقعة
:)

مريم said...

انا مش حاطة بانرز
بس ده عشان انا حمارة نت واصلا مبعرفش
بس لو بعرف كنت هحط بصراحة اهوتعبير
طق حنك

Desert cat said...

ده ايه البنرات النار اللى ولعت فى الدنيا وخلتها ولا جهنم الحمرا دى
الاقيش عندك بنر بيقول انا بحب اسرائيل واييييييييييييييه

Nani said...

السلام عليكم
معك حق
انا مبعرش احط بانرز ومش عايز اتعلم اصلا
:)

بنت القمر said...

كتر حط البانرز احيانا بيكون نوع من الادعاء تلاقي الواحد عاوز يقول انا حقوقي واخوانجي وعلماني ولا ديني ومبروك رمضان ولا للختان وحاجات كتير دوشه ومش لايقه علي بعض
كانه بيقول انا هنا او كانها بتقول انا بت بتاعه كله وليا في كله وعلي الساحه السياسيه والثقافيه
المهم انا عارفه ان البوست ساخر بس معلش فس سؤال واقف في زوري
البانر بتاع حسن نصر الله دا بتهزر فيه مع نواره ولا بجد رايك الخاص
اصل الهزار دا صدمني بجد تحياتي

ألِف said...

"فى مدونين حطين بانرز
كتير جدا فى المدونة
و مدونين حاطين بانرز بس
من غير مدونة"

هاهاه..صحيح :)

أنا شايف أن معدل الضوضاء إلى الإشارة - signal to noise يعني يا خواجة - زاد جدا.

Anonymous said...

إنت يا عم رامز فين بانر أيمن نور و خيرت الشاطر اللي قلت عليهم

ألف

signal to noise
شكلك كده مهندس يا معلم
بس برضه ال
noise figure
بيفرق من مدونة للتانية

عباس العبد said...

اسكندرانى
الحتة دى مكلفهت غالى
استيراد وارد الخارج
حتة مغبرة محبشة
فى الامان يا لالالى

ميراج
انت معذبنى معاك

بلوستون
مقلتيش ايه هو البانر الحقيقى ؟

مريم
هو تعبير فعلا
بس لما يكون عن توجه
انما فى ناس حتة بانرز
بطريقة تحسسك انه شمولى راجغى سلفى تقدمى يسارى ديموقراطى يمين دينى ذو توجه الحادى صاحب فكر رأسمالى شيوعى
و يفضل ان يكون اشتراكى
حاجة كده متفهميش منه هو عايز ايه ؟

ديزرت
عندى حاجة عن اسرائيل
شايلها للحبايب

نانى
اول مرة تشرفى المدونة
ميرسى للزيارة
و الف شكر


بنت القمر
انا اؤيدك تماما
و مش حرد على سؤالك
انا ايد بضحك مع نوارة
بس مش اكيد انه مش رأى
ممكن يكون رأيى
و ممكن يكون مش رأيى
مش حقولك

الف
منور
بس بلاش حكاية السيجنال و الكلام ده
علشان بتخنق
مش كفاية فى الشغل

يحيى
يا جامد
حتعدوا ملايين بعد كده
و الله انا ملقتش صور حلوة ليهم
اعرف اظبطها

karakib said...

رامز البني ممكن يخلص و لازم نعمل حسابنا من بدري

عين فى الجنة said...

رامز بك اسمك الحقيقى موش كده ؟ تشرفنا البوست ده جميل والاجمل اغنية
Alanis-Morisette
البت دى عسل
تعرف نورا جونز؟ دور عليها بتغنى حلو جدا
ولك التحية