Sunday, October 07, 2007

هو فى كده ؟


اه ... يا جماله .... هو فى كده ؟

انا فى اجازة ... مستحقة

3 شهور من العمل المتواصل

ايه الحلاوة دى

اكل و شرب و نوم

قاعد فى الاوضة .... مرحرح بأقل ملابس ممكنة

فى الهواء المنعش

بأكل و اشرب و انام و قاعد اقرأ من الصبح

ايييييييه ده ....

اشاهد سخافات المسلسلات

احشو رأسى بتافاهات البرامج و الافلام

عملية تفريغ تمام .... راحة و دعة

امى التى لم اراها منذ شهرين مدلعانى على الاخر

بتعملى كل ساعة تقريبا كوب تانج برتقال

يعقبه اخر تانج مانجو ثم اخيرا كوب خوخ و مشمش

مع طبق من قطع التفاح

الاف من الاكواب منذ الصباح و ملايين من قطع التفاح

اكلتى المفضلة اشتم رائحتها من الان

رز و ملوخية و فراخ و ورق عنب و بتجان مخلل و سلطة ترنشات

و ازازة لتر سفن بعد الاكل

ثم 3 موزات مغربى

يا لهوووووووووووووى

لم اصدع دماغى بجرائد اليوم فهم قد احتجبوا

ريحوا و وفروا و كده كده مفيش جديد

مفيش مانع من منظر كده و لا كده من اعلانات الشبكة العنكبوتية

اشاهد قنوات الاغانى و فتياتها الموزز ... حاجة تمام

اقلب الى قنوات الافلام

الرقيب مرسى بيموت فى العملية بتاعة الطريق الى ايلات

مش مشكلة .... المهم ان العملية نجحت

سيجارة سوداء محلاة ... بعد الاكل ... كله كده فى التمام

اتمطع على الاخر ... استمتع على الاخر

يا سلااااااااااااااااام

فاضل حاجة واحدة بس مش حقولها علشان مبحبش قلة الادب

يا خراااااااااشى

اااااااه

فاضل ايه تانى

قولولى قبل ما اليوم يخلص

..........

بكرة شغل

الله يخرب بيوتهم

1 comment:

هبه الاسكندرانيه said...

عقبال الاجازه الجيه يا سيدى
مفيش احلى من الانتخه بعد كل الشقا ده ربنا يقويك