Monday, October 08, 2007

تواصل

-1-

مع

زنوبيا

" يا ريت تنشروا الموقع ده زى المواقع الدينية علشان الحقيقة علشان الاجيال الجديدة تعرف تاريخهاالحقيقى و ترفع راسها "

.......

حاضر يا زنوبيا

اقرأ التدوينة عند زنوبيا

اضغط هنا

الموقع الذى تريد زنوبيا نشره هو موقع يتكلم عن

حرب اكتوبر و اسم الموقع

يوم كيبور

ادخل الموقع و استمتع بأنك مصرى

-2-

مع

القهوة العالية

" وعلى هذا فانه يتعين على كل امرأة تخرج إلى الشارع ان تضع لافتة واضحة المعالم مقروءة تدل على الحالة الاصلية المميزة
طازة والمخابرة مع البائع
البضاعة المباعة لا ترد ولا تستبدل.. الطلاق بالنفقة
ممنوع لمس البضاعة منعا للاحراج
السعر لكيلو البلدي والختم ميري والشكك ممنووووووووووع "

...........

انا اعانى من فوبيا الحملات و هو ما حدث بعد قراءة التدوينة

لدى بلوستون

التدوينة بعنوان

قطعة لحم متعددة الاستخدامات-ليلي2 جايز برضه

كان المفروض ان اكتب وجهة نظرى و هى مؤيدة لتلك التدوينة

و ما انا اعدت قراءة التدوينة حتى يتسنى لى الكتابة عن النقاط

التى طرأت على تفكيرى اثناء القراءة الاولى

وجدت كلمة " ليلى 2 " .... بس كده

حلت اللعنة على نافوخى

و قررت مهاجمة التدوينة

حملة تانى ....... انا اعانى من ارتيكاريا الحملات

بس

لكن فى الحقيقة انا مؤيد لتحويل المرأة الى انسان كامل

له كل حقوقه و عليه واجباته

و ان كانت حقوقه و واجباته تختلف من كونه رجل او امرأة

و قد قالت لى احداهم و هى من المشاركات فى الحملة

فى نقاش طوبل

" انها لو شعرت بأنه لا يوجد توازن بين عملها و حياتها العملية

و تربية الاولاد .... ستختار الجلوس فى المنزل لتربية الاولاد

لسبب ان الله سيحاسبها على اولادها لا عملها ... كما هو مطلوب من امرأة "

طبعا

انا لا انظر الى المرأة جسديا

فكل من يعرفنى عن قرب

يعرف انى لا ارى الفتاة امامى جميلة ام قبيحة او ممتلئة او ممشوقة القوام

اذا طغى عقلها على جسدها

اما اذا ارتضت ان يطغى جسدها على عقلها

فنحن اذا امام فتاة عليها ان تكون مزة حتى نستطيع ان نقبلها

-3-

مع شهر رمضان

" الشعب المصرى يهنىء شهر رمضان الكريم لأن الرئيس مبارك سيصومه "

بلال فضل .... الدستور

مبروك يا شهر رمضان

الف مبروك

-4-

مع

وسع خيالك

و

بهية

تم ترشيخ مدونتى " وسع خيالك " و " بهية " فى مسابقة البوبز

و من هنا و من هذه المدونة و من هذا المزنق

ادعو الجميع الى الدخول و التصويت لهم

فمن لم يقرأ " بيسو --- وسع خيالك " ... لم يقرأ مدونات بعد

اما " بهية " ---- فهى مدونة منغمسة فى التراب المصرى

ادخل الى البوبز و رشح المدونتين و اكتب عنهم

ترشيح وسح خيالك

ترشيح بهية

ملحوظة

فى حد رشح مدونتى المتواضعة

او فى حاجة غلط فى نافوخ الناس دى

بس على العموم

ترشيحى هنا

المهم ... سيبوكم من مدونتى

ركزوا بس مع

بهية

و

وسع خيالك

-5-

مع دقدق بتاع الكبدة

الله يخرب بيتك

انجو بأعجوبة من تسمم فى سوهاج

تقوم انت تجيبهولى فى القاهرة

ربنا ياخدك

انا بموت يا جدعان

-6-

مع الصحافة

شكرا لأحتجابكم اليوم

انا فعلا مكنش معايا الستة جنيه بتوع جرايد يوم الاحد

مبسوطين طبعا انتم دلوقتى

حاسس بأيه انت و هو دلوقتى ؟

و لا حاجة ... و برضه لو عايزيين يحبسوهم حيحبسوهم

ايه الهبل ده ؟

و المرضى الذين فى شعبك يا رب اشفيهم

انت ياد انت و هو .... تعالوا طقطقولى السمانة

-7-

مع الحزب الوطنى

صراحة ... لا اعلم لماذا يلجأ الحزب الوطنى الى التزوير فى الانتخابات

اسافر كثيرا للصعيد و من كثرة عشرتى بالصعايدة

يكفى ان اخبركم بمعلومة قد تكون قاسمة للمعارضة

و مثيرة للجدل ... تحتاج الى دراسة حقا

فالصعايدة يحبون الحزب الوطنى و الرئيس مبارك

و ركز جيدا فى ما سأقوله

الصعيدى لا يجد غضاضة او شىء غريب فى ان يأتى جمال مبارك

للحكم خلفا لوالده بل يتعجب و يتسائل فى استغراب

" امال مين الى يجى ؟ .... ما هو طبيعى ان ابنه هو الى يجى "

........

طبعا لم ادخل فى نقاش سياسى مباشر مع احداهم

و لكنها الاحاديث العادية

يكفى ان اروى .... حادثة واحدة

كنت جالس على القهوة اطالع المصرى اليوم و الدستور

و اذ بأحد الجالسين يقول لى

انت بتقرا القرف ده ازاى ؟

دول مبيفهموش .... هم بيتكلموا على الريس و الحزب كده ليه ؟

ما ييجوا يشوفوا عامل ايه فى الصعيد ... ده منوره

و بعدين عايزين مين يجى ؟

احنا عايزيين ابنه

................

صراحة

التنمية فى الصعيد تجرى على قدم و ساق

المنيا و اسيوط و سوهاج ... عرايس بجد

هم و القرى المجاورة

صحيح لم تصل التنمية بشكل كامل و كافى و لا الى القرى البعيدة

و لكنها تجرى على قدم و ساق

............

الصعيدى كما لاحظت

لا يشغل باله بتافاهات الديموقراطية و تداول السلطة و الكلام ده

لأنه كان محروم من حاجات كتير و ابتدت توصله

فيبدو انه شاكرا لمن قام بتوصيلها له

...............

الصعيدى لا يرفض و لا يمانع

يحب الحزب الوطنى و الرئيس مبارك

اذا قام الحزب الوطنى بتوجيه نشاطه الى الصعيد

سيكتسح مصر من شمالها الى جنوبها

و لو فكر الحزب فى ترشيح جمال مبارك خلفا لوالده

و تم ترشيحه فى انتخابات عامة و قام الحزب الوطنى بالتحرك فى الصعيد

سيكتسح الحزب الوطنى بمرشحه جمال مبارك الانتخابات دون الحاجة الى اى تزوير

و سلملى على احزاب المعارضة

فالصعيدى يؤمن بالتوريث كحالة مسلم بها

مبروك للحزب الوطنى الصعيد

اذا تحرك الحزب الوطنى جيدا فى الصعيد بكوادر واعية تعرف كيف تتحرك جماهيريا

انسى يا ولدى

سيبتلع الحزب العمل السياسى المصرى

مبروك مقدما

و سلملى على حركة كفاية و اعوانها و كل الحركات القرعة

قصدى حركات المعارضة

2 comments:

Mico Mark said...

اود التعليق على التواصل السابع تحديدا
اولا افتراضك ان كل الصعايدة يحبون الحزن الوطني ويعشقون حسني مبارك وخليفته في الارض طبعا هو تعميم خاطئ .. ولكن اوافقك انه هاك ناس طيبين جهلاء واصحاب مصالح وناس خايفة مرعوبة تقر الوضع الحالي وتوافق على التوريث والخلافة كمان .. اما عن لجوء الحزن للتزوير بالرغم من وجود نسبة كبيرة تحبه .. فهذا شأن مصري اصبح في حكم العرف ومأثور شعبي .. الانتخابات لازم ولابد من كل بد انها تتزور .. لان زي ما حضرتك عارف جواز عتريس من فؤاده .. بااااااااطل

واخيرا ..

الصعايدة يهنئون عيد الفطر المبارك لان السيد الرئيس المبارك وخليفته المحبوب سيعيدونه ... مبارك يا عيد الفطر المبارك

أحمد said...

مين اللى رشحنى للبوبز
ايه دا ؟