Sunday, May 11, 2008

نورماندى تو

و الأن , أيها الأخوان , المجتمعون فى هذا الصوان , من سالف العصر و الأوان , أهدى حسن أفندى القبطان و أبن حميدو أفندى القرصان المفتاح الذهبى للباخرة العظيمة ... نورماندى تو .. تو ... تو

---

عبد الفتاح القصرى

فيلم أبن حميدو

---

الأهداء

الى المعارضة و الموالاة فى لبنان

---


5 comments:

HafSSa said...

خطابك تحريضي ميه ميه و انا اشجبه بكل ما اوتيت من خطاب تفجيري
انتحاري

ها عندك اقوال اخرى؟؟؟

أبوفارس said...

هو فيه نقطه فى الموضوع الملعبك ده كله تستحق التوقف..وهى قدره النظام السورى الفائقه على المناوره...زماااان غسان سلامه قالك كلمه حكمه..حافظ اﻷسد داهيه الحكام العرب..دائما يسبق اﻷحداث بخطوه أو خطوتين..مره واحده ..صدفه!!.. مرتين.. حسن حظ؟؟ ولكن أن تكون تلك هى القاعده يبقى فيه حاجه صح..وتوقعت أن تنتهى تلك القدره الفائقه بعد موت اﻷسد اﻷب..ولكن ورغم تعقد المسائل بشكل غير مسبوق..لاحظ أسرائيل من ناحيه..وتركيا من ناحيه..والعراق بها ١٠٠ألف جندى أمريكى يعنى زنقه محترمه وبالرغم من ذلك يستطيع النظام السورى أن يناور وأن يحرز أهداف... وﻷنى زملكاوى عتيد فمايهمنيش الدورى المهم اللعبه الحلوه ...وبصراحه فيه حد فى مكان ما من دمشق دماغه متكلفه ألماظ..تٌرى أهذا نتيجه الغباره وارد بعلبك أم ماذا؟؟ تقوللى وأيه يعنى ..؟؟أقولك أنهيار النظام السورى كارثه على المنطقه كلها ﻷنه يقف حاجز مادى ومعنوى بين أيران وأسرائيل..أنهيار سوريا يعنى الجماعه دول بشكل غير مباشر ستكون لهم حدود مشتركه وياداهيه دقى..ده حزب الله فى هبشه واحده مع أسرائيل راح فيها يجى ألفين مدنى والبنيه التحتيه للبنان كلها..أمال لو أسرائيل وأيران سخنوا على بعض حايحصل أيه..!!؟؟ طب لو اﻷمور كده مش المفروض أن النظامان السعودى والمصرى تكون توجهاتهم أفضل من كده..نرجع للأدمغه اللى بتفكر...والغير متواجده فى حاله طويل العمر هذا وذاك..الغباره عندهم خراااا..وارد شوارع شيكاغو..!!!وماشيه معاهم بالتساهيل وباليوميه ولذلك لبسوا خزوق محترم اليومين اللى فاتوا دول...مناورات حافظ اﻷسد من أيام حرب لبنان اﻷهليه ف السبعينيات كان بصراحه بتدخل مزاجى جدا..وتلك هى النقطه الوحيده اللى تستاهل المناقشه ف البعككه دى كلها...تحياتى ومعلش عشان خاطرى خليها تنزل المره دى كمان..خالد

على باب الله said...

مش عايز هتاف خاص .. عايز هتاف عام

" يعيش البحر الأبيض المتوسط "

----

المنفي said...

No country for neutral men

ان تكون معرضاً فانت ايراني
ان تكون موالياً اكثرياً فأنت امريكي

ان تكون حمساوي كذلك انت ايراني
ان تكون فتحاوي فأنت امريكي

ان تكون حزب وطني انت امريكي
ان تكون اخوان فانت ايراني

يا اخي احااا
اذن فنحن نعيش في ساحات صراع دول اخرى
وليس اوطان

عباس العبد said...

حفصة
ده خطاب حناكشلى حنجورى من قواذف الهبل
=====
أبو فارس
شوف حضرتك حقولك كلمة واحدة تلخص الأصة كلها
الفلة فى الفانلة و الازازة فى البزازة و الحناكة محتاجة
زيها زى حرب لبنان
========
على باب
الراجل لازم يبقى عارف فى المعلومات العامة , مش كده يا ريس حنفى ؟
======
المنفى
انا كتبت تدوينة صغيرة قبل كده
قلت فيها نفس الكلام
نص التدوينة
---
لا داعى لذكر الاحداث و تفاصيلها

فالجميع يعلم

سواء كان اكاديمى متخصص او طفل رضيع

فالمنطقة التى نعيش فيها

اسمها – لامؤاخذة فى الكلمة يعنى – المنطقة العربية

و الجميع يعلم و هو شىء غريب بالفعل

ان هناك صراعا فى هذه المنطقة

طبعا و من غير غباوة

صراع عربى فى منطقه عربية لازم يكون اطرافه عربية

طبيعى جدا

و الاطراف العربية هى كما يعلم الجميع

الولايات المتحدة الامريكية و بريطانيا و فرنسا

و اسرائيل و ايران و تركيا و باكستان و افغانستان

لازم طبعا و زى ما قلت بالظبط و كما هو واضح

صراع عربى فى منطقه عربية لازم يكون اطرافه عربية

مش محتاجة ذكاء

----
عنوانها
صراع
http://charkawy.blogspot.com/2008/01/blog-post_10.html
و قلت زيك برضه عالم بنت كلب