Friday, May 16, 2008

هو نور للأمم

-----------------

فى ذكرى قيام دولة أسرائيل

وعد الله لأبراهيم

سفر التكوين

الأصحاح 13

14 وقال الرب لابرام بعد اعتزال لوط عنه.ارفع عينيك وانظر من الموضع الذي انت فيه شمالا وجنوبا وشرقا وغربا. 15 لان جميع الارض التي انت ترى لك اعطيها ولنسلك الى الابد. 16 واجعل نسلك كتراب الارض.حتى اذا استطاع احد ان يعد تراب الارض فنسلك ايضا يعدّ. 17 قم امش في الارض طولها وعرضها.لاني لك اعطيها. 18 فنقل ابرام خيامه واتى واقام عند بلوطات ممرا التي في حبرون.بنى هناك مذبحا للرب

----

أفكار أقتصادية

" جميع صادرتنا الى الخارج ., و جميع واردتنا من الخارج "

مقولة أقتصادية عظيمة من أقوال حفظه الله بوش غيرت نظريات الأقتصاد العالمى من أيام آدم سميث حتى الأن .

---

فى ذكرى أنهيار دولة فلسطين

وعد الله لأبراهيم

سفر التكوين

الأصحاح 17

1 ولما كان ابرام ابن تسع وتسعين سنة ظهر الرب لابرام وقال له انا الله القدير.سر امامي وكن كاملا. 2 فاجعل عهدي بيني وبينك واكثرك كثيرا جدا. 3 فسقط ابرام على وجهه.وتكلم الله معه قائلا. 4 اما انا فهوذا عهدي معك وتكون ابا لجمهور من الامم. 5فلا يدعى اسمك بعد ابرام بل يكون اسمك ابراهيم.لاني اجعلك ابا لجمهور من الامم. 6وأثمرك كثيرا جدا واجعلك امما.وملوك منك يخرجون. 7 واقيم عهدي بيني وبينك وبين نسلك من بعدك في اجيالهم عهدا ابديا.لاكون الها لك ولنسلك من بعدك. 8واعطي لك ولنسلك من بعدك ارض غربتك كل ارض كنعان ملكا ابديا.واكون الههم

----

" جيل بوش "

الصراحة لازم نعترف أن بوش دمه خفيف و لذيذ و حبوب و كوتى كوتى خالص . لما قريت الخطاب بتاعه اكتشفت كده . الراجل ظريف و مثقف و فاهم فى السياسة الخارجية و الداخلية . و فاهم التيتة و الانه و كافة شىء بالصلاة عالنبى .

لكن النقطة الغير مفهومة هى تحامل جيلنا عليه . لازم نعترف بتواضع و محبة قلبية اننا جيل بوش الذى تربى على قيمه النبيلة . راجع التواريخ معايا ثوانى .

بوش مسك الحكم فى الوليات المتحدة من 8 سنين . يعنى شباب العرب الى فى الفئة العمرية الأن من 22 سنة الى 30 سنة ممكن نقول عليهم و انا من ضمنهم نحن " جيل بوش " . أيون متستغربش و تقلبلى وشك و تستنكر و تشجب و ترفض و تمارس كل القيم الصوتية العربية الخاصة بالتعجب و الغضب . احنا أتربينا على أيدين بوش و عمايل بوش و حلاوة بوش و جمال بوش و أيمان و محبة بوش .... يا حبيبى على بوش . فى حد فى ذاكرته فى ال8 سنين الى فاتوا غير " بوش " اطال الله فى عمره و أعماركم

بوش ده حبيبى و شريانى ... اهدانى بطاقة شخصية

مع الأعتذار لمحمد منير .

يعنى كل شباب التيارات من أقصى اليسار الى أقصى اليمين ( حتى اليمين المتطرف ) تربوا على " ايدى بوش الطاهرة النقية "

هلليلويا ... فلنفرح و لنبتهج و لنتهلل به ... و ليكن أسم " بوش " مباركاً الى الأبد .

----

هي نور للامم

بوش يصف " أسرائيل " فى خطابه امام الكنيست .

----

خطاب

الصراحة خطاب بوش امام الكنيست خطاب حونين يستحق القراءة . أقرأ الخطاب بالعنجليزى و لو كنت نتاج التعليم المصرى الحكومى يعنى العنجليزى بتاعك زى بتاع مرسى فى مدرسة المشاغبين . ممكن تقرأ الترجمة عند نوارة ( بس خد بالك ... نوارة أرتكبت خطأ لا يغتفر بأنها كانت بتحط تعليقاتها وسط الترجمة و ده ممكن يأثر عليك .... كان لازم تترجم بحيادية علشان نستمتع بالقراءة المباركة لخطاب المحرر بن المحرر بوش )  .

ملحوظة بقلة أدب :

الى حيقولى انه تفاجأ بالكلام الوارد و الأفكار المطروحة فى الخطاب , حقوله امك فى العشة و لا طارت . اصلها مش ناقصة هبل ... كلنا كنا عارفين أنه حيقول كده . دا انا كنت خايف يزود و يقول " الزغلول الكبير " بس ربنا ستر . محدش يقولى أنه أتصدم علشان مقبحش . و محدش يقولى كُشفت نواياه اخيراً زى ما نكون مكناش نعرفها قبل كده و عرفناها من الخطاب ده علشان مقولوش الكلمة الكبيرة فى وشه و أشتمه .

---

فى ذكرى المناخوليا العربية

فى حاجة فى الخطاب مش عارف حد حياخد باله منها و لا لأ  ( نوارة مخدتش بالها حتى فى الترجمة ) . الخطاب موجه باللغة الأنجليزية يعنى شعوب العالم كله حتفهمه ما عدا أحنا طبعاً . بوش قال جملة هى دى الى وقفتنى بجد .

بوش قال بالنص :

Sixty years ago, on the eve of Israel's independence

الى ترجمتها الحرفية

ستون عاماً مضت , على عشية أستقلال " اسرائيل " .

بس . مش حقول أكتر من كده

حسبى الله و نعم الوكيل . أستقلال ؟؟؟؟؟؟؟؟؟؟ هى كانت محتلة ؟؟؟؟؟؟؟؟ و الهى يا أبنى ما كنت عارف . كل شىء جايز . بس خدوا بالكم الخطاب ده موجه للخارج و للأجيال الجديدة فى أمريكا و أوروبا و العالم الخارجى و حيترسخ فى الوجدان أن أسرائيل كانت محتلة , و اخدت أستقلالها من 60 سنة . كل الشباب الى طالع فى أوروبا و أمريكا دلوقتى و سمع الخطاب حيعرف انها كانت " محتلة " و اخدت أستقلالها . فهمتوا حاجة؟ ........... مش بقولكم أحنا جيل بوش !!

-----

شالوم يا خواجة  

---

 

 

10 comments:

Samir said...

يا عم فلسطين ايه وإسرائيل ايه

فلقتونا بقى

60 سنة هم وقرف خليهم يولعوا في بعض ويحلوا عن سمانا

Nsreen Bsunee said...

شالوم يا خبيبي

أبوفارس said...

أيوه أستقلال..مش حاجه تانيه..والعمليات اﻷرهابيه اللى عملتها أراجون وغيرها ضد اﻷنجليز على فكره..أسمها حرب اﻷستقلال..ثم ضد العرب ..هكذا يبيعون العمليه كلها للعالم..وأسرائيلين كتيييير جدا فاهمينها كده..حرب أستقلال ضد اﻷنجليز زيهم زى أى دوله مستعمره زى الجزائر أو كينيا..وموضوع العرب جه ف النص بالصدفه والتداعى المنطقى للأحداث..ماتنساش أن العرب وبالذات مفتى القدس الحسينى كان متحالف مع ألمانيا النازيه..وأثناء حرب ٤٨ اﻷنجليز كانوا ميالين للعرب..أمريكا واﻷتحاد السوفيتى أنحازوا أنحياز كامل ﻷسرائيل..لم يحدث فى أسرائيل أى تحدى لهذه الحدوته ألاأبتداء من التمانينيات من خلال مايسمى بالمؤرخين الجدد...لاأظن أنى أقول لك أنت بالذات معلومه جديده...
أما حكاوى العهد القديم فمثلها مثل كل ميثولوجيات اﻷديان حلوه قوى تقراها وتؤمن بها أو لاتؤمن ولكنها كارثه حين تتحول الى برنامج سياسى..وأكرر كل المثولوجيات الدينيه..كووول..تحياتى ومودتى...خالد

المنفي said...

لما قريت البوست عند نوارة ما عجبني كتير كمية سب الدين الي في البوست،وذلك بسبب ما قلته يا رامز
كان شي متوقع ما سيقوله بوش

حينما سُئلت ام بوش عن ابنها
قالت انها سعيدة جداً بما وصل اليه بوش اكثر من اي ابن اخر لها لانه كان اقل اولادي ذكائاً

ورغم ان بوش صحيح كتير غبي واهتم في الكلام
بس بعتقد انو مثلو مثل اي رجل في تكساس
بس الفرق انو مشهور

واذا كان نبي اسرائيل الجديد هو بوش
فهادا شي يبسط ما بيزعل،اذا واحد بهالغباوة هو نبي اسرائيل الجديد
مبروك عليهم

واخيرا يا سمير يا حبيبي
محدش طلب منك تعمل شي عشان هالمخابيل اليهود والفلسطينية الي بيتقاتلو على ارض صغيرة سينا اكبر منها 3 مرات

بس ياريت تفهم انو من الارض الصغيرة هاي تم احتلال سينا،وسفك دم مصري طاهر على ارضها

يعني لازم تفهم
ولا نجيبلك فهامة

على باب الله said...

قول يا رب

Mohamed Shedou محمد شدو said...

اسمه عيد الاستقلال على طول هم بيسموه كده
يعني لما قال كلمة استقلال ما كانتش حاجة جديدة

ذو النون المصري said...

اسرائيل للاسف استغلت علم اللغه و مضامين الالفاظ و اختلاف معانيها لدي الشعوب بمهاره فائقه تمكنت من خلالها من زرع الافكار التي تريدها في عقول الراي العام العالمي
و للاسف علوم اللغه الحديثه انكرناها لاسباب ربما دينيه اعتقادا منا ان اللغويات الحديثه ارسلها لنا الغرب كي يدمر تراثنا لانه بلا تراث
و كان تراثنا نافعنا او ناصرنا

samir said...

عزيزي المنفي

انت ما طلبتش مني، بس كل يوم تفلقونا وتطلبوا النصرة من شعوب العالمين العربي والإسلامي.. انت عندكم مخابيل كفاية في بلدنا عشان يطلبوا بالنيابة عنكم

أنا مش ضد نضالكم يا سيدي ولا مش متعاطف معاكم. كل الموضوع ان شايف الموضوع overplayed حبتين

يعني أنا باناصرك يا سيدي زي ما باناصر رهبان التبت في كفاحهم ضد الصين والنظام العسكري في بورما، مش أكتر من كده بفلس

والابتزاز باسم القضية المركزية والحصار والمعاناة ما ياكلش معايا

نقطة تانية. صحيح اليهود خرجوا من الأرض اللي جنبنا واحتلوا غزة، بس ده كان في 1967، ومن نفس الحدود خرج ناس في 2008 مسلحين وبجرافات واحتلوا سينا برضه

أنا أكيد عندي مشكلة مع إسرائيل لأنها دولة عنصرية دينية بتنتهك حقوق مواطنيها والمناطق اللي واقعة تحت احتلالها مش عشان أي أسباب تانية إطلاقا

جبهة التهييس الشعبية said...

اه كانت محتلة يا رامز
بالاحتلال الانجليزي

لهو انت مش عارف ان امريكا واسرائيل لما بيكتبوا تاريخ اسرائيل بيقولوا ان حرب "التحرير" هم مسمينها كده
حرب التحرير كانت بين المناضلين الصهاينة والقوات الانجليزية وبعض البدو
على جنب كده احنا شوية براغيت يعني
العيب مش عليهم

عباس العبد said...

جبهة
شوفى يا ستى , انا عندى مشكلة فى المصطلح و مشكلة اكبر فى الألفاظ و دلالتها . طبعاً انا مش بعيب على أسرائيل أستخدامها للمصطلح الى هى عايزاه . هى حرة و تعمل الى هى عايزاه لكن بعيب علينا أحنا , زى ثنائية القد س \ أورشليم , لاحظيها كده , الخطاب العربى و بالأخص الأسلامى بيقول أسترجاع القدس لأنها عربية لكن لما الخطاب العربى بيترجم و يخاطب الغرب بيترجم كلمة القدس لأورشليم , بيقول jerusalem , عمرك سمعتك كلمة أورشليم عربية , انا سمعتها فى احدى خطب الزعماء العرب فى الأمم المتحدة , اورشليم عربية !!!! , اذا كان لفظ أورشليم نفسه لفظ عبرى و يعنى مدينة السلام , ده أسمه تهريج , أزاى أترجم خطاب عربى بمفردات " يهودية " لفظ أورشليم لفظ " يهودى " مش اسرائيلى . دى مشكلتى .
فهمتى قصدى ؟
----
سمير
انا معندي مشكلة أن الفلسطينيين و الأسرائيليين يولعوا فى بعض هم الأتنين و يخلصوا على بعض برضه , ده لو فرضنا أنى ممكن أن معنديش دم و م بتأثر بالظلم و العدوان . لو دى حاجة تسعدهم معنديش مشكلة , بس ده لما يكونوا هناك عند الحاجة زهرة أو فى امريكا اللاتينية أو فى وسط أفريقيا أو بعيد فى أسيا , لكن فى الشارع الى ورانا , سامحنى . لازم يبقالى موقف و منحاز , ان شالله يكون موقفك منحاز لأسرائيل , بس يكونلك موقف . و خلاص .
انما الأبتزاز و الحركات دى , فده عيب فى أى شعب , متفتكرش المصريين شرفا أوى , دا أحنا عندنا أنطاع كتير برضه و بيكسبوا من الهوا
---
أبو فارس و شدو
انا عارف انهم بيسموه كده
بس م المفروض أقبل و أبقى مستريح , هم بيسموه كده هم حريين , انما مقول خطابى بكلماتهم زى ما بيقول ذو النون المصرى .