Sunday, April 11, 2010

عكاشيات 1



" شوف يا معلم , بدل وجع الدماغ ده و الشحططة و قفل الشوارع و لخبطة المرور و العطلة اللى بيعملوها, و بدل كده كده عددهم قليل و حيتقبض عليهم و يترحلوا و البوليس يعتقلهم , انا شايف ان المتظاهرين يتفقوا مع الشرطة أنهم ينزلوا من بيوتهم على المعتقل علطول و يريحونا و يريحوا دماغهم... بدل القصة قصة اعتقال, يبقى يخلصوها من بره بره. يعتقلوهم, دول ينبسطوا و دول يزقططوا.. و علشان نريحهم خالص و يبقى مالهمش حجة, نبقى نتفق لهم مع أى جرنال ينشر اسمائهم و خلاص !!!. ".

---

هكذا تكلم عكاشة 

2 comments:

زمان الوصل said...

و يشوفوا مركز من بتوع خدمات رجال الأعمال يبعتوا له لستة الأسماء و يتفقوا على شكل شهادات التكريم اللىّ هيوزّعوها على المعتقلين بعد الإفراج عنهم و هيتكتب فيها إيه و تتكتب بأى بنط .. أو لو الفلوس مقصّره معاهم ممكن خطّاط كويّس يعمل لهم الشغلانه دى و مايطلبش مبلغ كبير يعنى ..

بنت القمر said...

لسه كنت بقول لمني ده بيعتبر علامة كويسة اوي في الكارييير السياسي
اه والنعمة
اتقالت كده بالنص
الاعتقال حلو للكاريير السياسي... واحب اضيف كمان زمان الوصل بتتكلم جد مش بتهزر بخصوص شهادات التكريم
وزعها ايمن نور افندي علي معتقلي 6 ابريل
غالبا ها يتم توثيق كام قلم وشلوت في الشهادة
ويمكن تتختم كمان لزوم الانضمام لجمعيات دعم المرشحين الرئاسيين او الانضمام اللي سبوبات رجال الاعمال ومنظمات حقوق الانسان اللي في انتظار اي تمويل ولو من جزر في الكاريبي