Sunday, June 17, 2007

رجاء خنقة

بعد الانتشار القوى

لمدونى الاخوان

الى غرق النت و الحركية التدوينية الوطنية

رجاء من كل مدون اخوانى

يعنى احنا عارفين ان منعم كان معتقل

و هو مدون اخوانى شقيق ليكم

و مع ذلك و على رغم الاختلافات الايديولوجية

بينكم و بين بقية المدونين

لكن مع ذلك قمنا بالواجب ... ظبطنا معاكم

و عملنا حملات تضامن

و وقفنا وقفة رجالة معاكم

لأن احنا ضد الاعتقال و مع الحرية

و ربنا يكون فى عونكم و خصوصا

انكم من الشغل للمعتقل و من المعتقل للشغل

يعنى احنا عدانا العيب و ازح

فياريت ياريت

زى كده ما عملنا الصح

ترحمونا شوية و تبطلوا حكاية

اللهم انصر حماس

علشان دى حكاية سخيفة قوى

و رخمة و ملهاش معنى

و بعدين احنا شيلناكم فى حاجة

فردوا الجميل و بطلوا حكاية انصر حماس

علشان انا اتخنقت منها

حرام عليكم

انتم ايه .... هو كله ضرب ضرب كده

الى يشوف كده يقول انهم بيضربوا فى اسرائيل

مفيش عقل ابدا

لازم قتل و موت و تفجير علشان نفسيتكم تستريح

و مصيبة لتكونوا عايزين كده فى مصر كمان

ربنا يهديكم .... يا ولاد

ربنا يهديكم

و يهدى سركم

حد يكبر فى ودانهم يا جماعة

ايوة كده

ابعد يا شيطان

امشى يا حفريت

امشى

و المرضى الذين فى شعبك ... يا رب اشفيهم

8 comments:

Ahmed Shokeir said...

كلمتين فيهم المفيد كنت عايز اقولهم

Mirage said...

عينى عليك باردة

زى الفل

ينصر دينك ياأستاذ خليـــــــــــــــــفة

وبرضه مبروك على الشغل الجديد

Anonymous said...

بتقول زى إنتم ما نصرتوا منعم

إنتوا مين؟

واللى يفهم اى حد بيفهم ان موضوع حماس اما يهمك فتعلق الجملة الماثورة او ما يهمكش فتطلع من دماغ دين ابونا ومتعملش فيها عم المستنكف

هى دى مش حريه ياحمار
:)

Anonymous said...

تسقط فتح تسقط حماس يعيش الشعب الفلسطيني

كلامك فيه المفيد

nael eltoukhy said...

شفت يا ولا بتوع حماس بيعملوا ايه في اخواتهم وابنائ شعبهم، امال لو كانوا واجهوا اعداءهم بقى؟ كانوا قرقشوهم قرقشة

انت فاكر ان دي حرب اهلية من غير هدف وكدا؟ لا يا عم انت طيب ولا ايه!؟ دي كلها رسالة بتبعتها حماس لاسرائيل. بروفة على اللي هيحصل لها. وعندما ينتهي شعب فلسطين كله بامر من حماس، هيكون البرهان الاعظم لاولمرت انه خلاص فاضل لكو زلطة وتطلعوا برة يا حلو، وخيبر خيبر يا يهود جيش محمد سوف يعود

من هنا، ومن هذا المنطلق بالتحديد، اجد نفسي ملزما بالدعوة مع اخوانا في الله الاخوان المسلمين
اللهم انصر حماس على الشعب الفلسطيني، اللهم ايد احبابك واقذف الرعب في اعدائهم من شعب فلسطين، اللهم بدد شمل الفلسطينيين ورمل نساءهم ويتم اطفالهم ولا تحص منهم عددا ولا تبق عليهم بددا، اللهم انتقم لأحبابك الحمساويين، اللهم انتقم لاتباع ابو السبح وهنية وانصرهم على سكان الارض اجمعي
امين

bluestone said...

كلمتين كانوا واقفين في زوري ..
الله يرضى عليك يا ابني ..

ماقلتهمش طبعا عشان انا ماوجبتش ما عبمنعم .. مش لاني مع اعتقاله .. انا ضد اي اعتقال لاي بني آدم لانه بيتكلم .. المفروض ان الكلام ما يوديش السجن .. بس موجبتش معاه لانه لم يعتقل لانه مدون .. بل اعتقل لانه اخوان .. والاخوان اعتقد انهم في حالة استعداد دائم لهذه المسألة في صراعهم مع السلطة .. ربنا يعينهم .. على السلطة

المشكلة في مدونات الاخوان انها كلها أو اغلبها (لنبتعد عن التعميم الأعمى) شبه بعضها .. كأنه درس وبينبدر في المدونات بطرق مختلفة .. فالواحد بيزهق بصراحة ..

اما الاشاوس ابطال القضية فالله يحرقهم بقى .. الغريبة يا أخي ان لما فتح وحماس مسكوا في بعض الغل زاد قوي .. وبقوا اسود والسلاح طلع والرجالة بانوا وسيطروا على الشوارع ..
أمال لما بيحاربوا اسرائيل بيعملوا فراخ ليه؟؟؟
ويصدروا العيال الصغيرين الغلابة ...

دول مثلوا بجثث بعض ورموا بعض من فوق المباني .. دخلوا اوضة نوم عباس ولا مؤاخذة حمامه كمان .. وصورهم تشرح القلب .. سيطروا على الشوارع في ساعات .. قفلوا معبر رفح .. وبعد يومين كان 70 واحد قتل منهم ستات واطفال ...

تــسنيـم said...

عارف يت عباس كنت ناوية أعمل بوست أحط فيه صورة الأخوة الأعداء وكلمتين تحتهم

أمجاد ياعرب أمجاد في بلادنا كرام أسياد


جتنا ستين خيبة.. غطينا يا عروبة وصوتي

عباس العبد said...

احمد شقير
شكرا لمروك
و كويس انى قلت الى انت عايز تقوله
كده فى حد حاسس بحد

ياد يا ميراج
ملكش عندى كلام غير لما تقولى مين الى قالك

مصرى
يعيش الشعب الفلسطيني

نائل
تفسيراتك الما وراء الفهم البشرى
اصبحت تكنيك معمول به حتى فى التصرفات الانسانية المجردة
زى ما سعادتك بتكتب تفسيرات كابوسية فرويدية للواقع العربى المهجص
اصبحت الافعال نفسها غير مفهومة
العرب مخهم ضرب

بلوستون
المشكلة مش فى عبد المنعم
و احنا اتكلمنا فى الموضوع ده
و قلنا انه اخوانى و عارف انه حيعتقل
فالقضية بالنسبه له منتهية
لكن القضية فى انهم فرحانين
كانه نصر الهى