Thursday, September 20, 2007

كلنا ليلى vs سى السيد


خرجت بعض المدونات علينا فى الفترة الاخيرة

بحملة جديدة قديمة ....

اقرأ هنا

بالاحرى هى تكرار ملل لحملة سابقة لم تلق صدى

فى الاوساط الجماهيرية

و ها هن الان يسعين الى اضافة بعض البريق لفكرتهن تلك

بتجديد تلك الحملة لعل احد ينصت اليهن

اسم الحملة على ما اذكر

مع لولو ,,, مع ليلا .... مع لالا

اه تذكرت

حملة اسمها

كلنا ليلى .... اقرأ عنها هنا

كلنا ليلى

..........

تسعى حملتى الضخمة المتواضعة الى تذكير الرجل

بدوره الاساسى .... سى السيد

فهو الرجل و عليه ان يتذكر ذلك

............

و انا اكتب هذه الكلمات ارجو من كل من شارك

من الذكور فى حملة... كلنا لولو... على ما اذكر

ان يفيق من ضغط الانثى على عقله

..............

تنسى المرأة دائما انها مراة

خلقت من اجل اسعاد الرجل

من اجل امتاعه و انها هى

الحتة الطرية فى حياته

و وصلت الجرأة ببعضهن

ان يكتبن بانهن يرفضن ان يكونوا قطعة لحم

اقرأ هنا

شاهد قطعة اللحم و هى تقوم بأسعاد سى السيد

و لا تتنازل عن حقك فى واحدة منهن





ادينى عقلك انت بعد الموزز دى كلها و المتعة دى كلها

مين فى دماغ يقعد يسمع كلمات من نوع الحرية و المجتمع

و النظرة الاجتماعية و المكونات و التنشئة

ايهما افضل .... انا راضى ذمتكم

راجع من شغلك تعبان ... تتروق من القطة ؟

و لا تقعد تناقش مع واحدة الابعاد الايديولوجية و نظرية

انقسام المجتمع الطبقى ؟؟؟!!!!!!

........

للاسف انجرف البعض وراء الحملة بحسن نية

متعاونا بدون قصد

اندفاعا ليبراليا حقوقيا ...... من الجانب الانسانى

اقرأ هنا

لكن للاسف

تم استغلاله من جانب فتيات لولو

فى ان الرجل متضامن معهن فى تلك الحملة

و هن على ذلك فى خطأ

انه نوع من انواع الشفقة الرجولية على ضعفكم الانثوى

.....

الهدف من هذه الحملة هو تذكيرهن بادوارهن الطبيعية

المطبخ

تربية الاولاد

اسعاد الزوج و امتاعه

اما عن الحقوق

فلهن كما نعرف جميعا ثلاث حقوق لا رابع لهم

الوجبات الثلاث

كسوة العيد

العصا لمن عصا

..........

سى السيد عاد بعد ان انفلت العيار

بعد ان تركن تفعلن ما تردن

و لكنه ذو بأس شديد

ذو صبر يحسده عليه ايوب

الا ان صبره المحسود عليه قد نفذ

الكرباج يا عبد الصمد

........

الى كل نساء و فتيات حملة

كلنا لالا

سى السيد قرر ان يضرب من جديد

سيترك لكم الخيار

و سيترك لكم الطماطم ايضا فالمطبخ مسئوليتكم

اما ان تعلن ان حملة كلنا لالا قد انتهت

و انكم تطالبوا بحقوقكم الامينية

نسبة الى امينة زوجة سى السيد

التى دهستها السوارس عندما خرجت من وراء سى السيد و بدون اذنه

امامكم مهلة قصيرة

ليتغير شعاركم

من

كلنا لولا

الى

كلنا امينة

......

شدوا حيلكم

امضاء


19 comments:

bluestone said...

يظهر كلامك هيطلع صحيح ..
هيهيهيهيهي

human said...

لولو وليلى ولالا
مين كل دول
ممكن تسميهم
حزب الهاربات من سى السيد

nourita said...

but sisayed was a kind of Schizophrenic : believing in sth and doing sth else :)

besides after a long tiring working day... it not towards Amina the he sought refuge but somewhere else :)
Is that what you 're preaching?

Bella said...

يخرب عقلك

هههههههههههههههههههه

بس والله حملة جت في وقتها

عايزين نفك النشا ياسي عباس
قصدي ياسي السيد

المهم يعني ان سي السيد يطلع سي السيد صحيح مش تايواني

مش يعني يبقى سي السيد في الاستفادة من وجود الست امينة ووقت الجد ينسى واجباته وان سي السيد كان هو اللى بيجيب لست امينة من اول الابرة للصاروخ

يعني مايجيش سي سيد تايواني يطلب من ست امينة تساعده في تأثيث عش الزوجية ويلحس كل الكلام ويفتكر بس ان امسنة لازم تقف جنب سي السيد وتساعده لغاية مايقف على رجليه
وبعدين تلاقيه نفذ الجزء التاني الخاص بسي السيد بتاع العوامات والست السلطانة والخبص واللبص

ههههههههههههههههههه

بنت القمر said...

هههههههههههههههه
بغض النظر عن البوست المضاد الساخر المسخره فعلا انا عاجبني حته حلوووة اوي قلتها ان الحياه لا تحتاج كل التعقيدات دي
وخصوصا ان اسئله الحمله السنه دى كانت تقيله طحن وزى ما قلت لهن تنظيريه نظام ندوات اكتر لكن الفكره الغائبه ان علاقه الراجل والمراة علاقه انسانيه تكامليه تحتاج الي موده ورحمه
واحترام واحتواء اكتر من الكلكعه دي كلها
تحياتى لحضرتك

طهقانة said...

ما ينفعش يبقى فيه أمينة لأن ما عادش فيه سي السيد ، أفهم بقى ، صنف السيد ده انقرض ، الموديل ده بقى موضة قديمة طحن حاجة كدة زي العربيات الكاديلاك ، وبعدين سي السيد أيه الراجل المهياص المنافق اللي عامل فيهاحمش وهو بتاع هلس ومسخرة والنبي بطلوا ازدواجية وفنجرة فاضية ، واحمدوا ربنا اننا مستحملين حالكم المايل على كده
طهقانة

جوستيـن said...

hehehehe

wnaby eeh?

zenzana said...

ههههههههههههه
والله انت سكر وعثل ياسي رامز
رغم أني محسوبة أونطة علي التيار بتاع
حقوق المرأة بس الحملة ما نزلتليش من زور حستها مكلكعة ووارمة وحمضانة كمان وبالظبط زي التين البرشومي لما تنساه ف كيس بلاستيك ف عز اغسطس م الاخر ممششة
بس بعيد عن الحملة الشيطان واللهم ما اخزيك يا شوشو كان بيتنطط كدا قدامي زي القرد وبيقول هو ينفع يبقي في دلوقتي سي السيد؟
بصراحة سي السيد صعبان عليا جدا وبفكر اعمله حملة اسميها كلنا أبو وائل او ابو هاني مش مهم
سي السيد كان راجل روقان يخرج الصبح ومينة ماسكة البخور خايفة عليه م الحسد يروح عند الدكان ويقعد ع الكرسي يبص ع الرايحة والجاية وست سلطانة تيجي تعبي بضايع الدكان وتختمه علي قفاه وتمشي وبالليل يروح عنده يعمل دماغ شاملة من كله
ولما يروح بيتهم مينساش الست امينة لازم ينوبها م الحب جانب يعني كان راجل غضنفر ملو عبايته وطربوشه

اما دلوقتي حال ابو وائل يصعب ع الكافر مع احترامي لكل الكفرة
ابو وائل يصحي الصبح يبص جنبه ام وائل حاطة ف شعرها مشابك الغسيل والرولو والمنبه يضرب هوب تلاقيها عملت قفزة بهلوانية من ع السرير
وتصرخ العيال المدرسة الاتوبيس عشان الشغل مفيش بخور مفيش فطار
جري يروح الشغل ويخرج م الشغلةالاولانية ع التانية والتالتة يعني مبقاش ابو وائل بقي تور ف ساقية مفيش دكان مفيش عوامة ولا حتي سلطانة
اما بالليل انت عارف باقي القصة
بيتخانقوا مين اللي يلحق المخدة عشان ينام الاول .
انا بقترح حملة مضادة سميها تضامنوا مع ابو وائل عشان خاطر ليلي
الا بالحق مين ليلي دي؟

Bella said...

انت فين ياسي عباس

من دلوقتي ورايح مافيش غير سي عباس

انت رميت الموضوع واختفيت فين ؟؟

دشنت الحملة وسبتها لوحدها ليه؟؟

عباس العبد said...

بعد انتهائى من الغدا التى حضرته امى
و قامت اختى برفع بقاياه من على السفرة بعد ان غسلت لى يدى
دخلت الى الغرفة اراجع الحملة
تحضر لى اختى كوباية تانج ما بعد الغدا
بينما تعد لى امى نسكافيهى الخاص
حتى اسطتيع الكتابة بهدوء
...........
بلو ستون
طلعت توقعاتك غلط
شايفة التفاعل
الى الامام
انا وضعت لينكات لكتاباتكم فى التدوينة
هل تجرؤ ليلى واحدة منكم على وضع لينك لهذه التوينة
جاوبتى على الاسئلة الى الكل اجمع على صعوبتها
ربنا يعوض علينا
i dare u
........
هيومان
دول الحتت الطراى الى فى حياتى
اختار واحدة و استمتع
روق نفسك
..........
نوريتا
صديقتى العزيزة
كلنا هذا الرجل
.......
بيلا
انا مهربتش و لا حاجة
و بعدين اقعدوا فى البيت و ملكوش دعوة
احنا حنعمل كل حاجة
......
بنت القمر
تعترف بصعوبة الاسئلة على عقل المرأة الضئيل
الاسئلة كانت من نوع
اين تقع اهرامات الجيزة ؟
يا لصعوبة الاسئلة على العقل النسوى
الحمد لله ان الرجل ما زال موجود ليجيب الاسئلة
تقع اهرامات الجيزة فى القللى
.........
طهقانة
احنا مش فنجرية بق و لا حالنا مايل
الفكرة كلها فى ان الرزق يحب الخفية
و الراجل ميعيبوش الا جيبه
و احنا الحمد لله زكايب فلوس
ايوة انا حلاوة العنتبلى
مين الى عايزنه ؟
مليونجى
...........
جوستين
نورتى المدونة
خلصتى طاجن البامية ولا لسه
انا جعان
..........
زنزانة
انتى بتغازلينى
بترمى هلب على
براحتك انتى حرة
انا البرنس
........
برجاء وضع لينكات للحملة فى مدوناتكم
اذا كنتم تتكلمون عن العدل و المساواة
و التكافىء
i dare u

Alexandrian far away said...

الصراحه يا عبس
أنا مش فاهم حملة ليلى دي اصلا
بجد توهت
هو ايه الموضوع بالظبط؟
لكن موضوع سي السيد ده شائك قوي
هو أنت ما تعرفش أن علم النفس بيقول أن شخصيات سي السيد بيبقى عندها مشاكل في الفراش ولا ايه؟
:-)
تحياتي يا وحش
شد حيلك

Bella said...

بالهنا والشفا ياسي عباس

طيب وايه اللى يضمن اننا لما نقعد في البيت ماتبيعوش وتشتروا فينا

اصل عقدة سي السيد وامثاله ان الست استقلت ماديا واصبح لها دخل تعتمد عليه من غدر الزمان
واخد لي بالك من غدر الزمان دي

ثم عايز تضحك علينا
هو علشان حطيت لينك مدونة ليلى عايز كلنا نعمل لك دعاية في مدوناتنا كلنا

طيب قول حطوا اعلان عن التدوينة دي في مدونة ليلى
مش مدوناتنا كلنا

ههههههههههه

ثم انا بالمناسبة حاطة لينك لتدوينة في مستوى الطالب المتوسط عندي في مدونة التعليم تهذيب واصلاح

amro said...

انا بقرالك من زمان بس دى اول مرة اعلق، الحقيقة لما وصلت حتة التوقيع لقيت نفسى بضحك بجد من اعماقى
انا من انصار حقو ق المراءة بس مش من انصار حرب الرجل والمراءة
وبعتقد ان عصر امينه وسى السيد انتهى من غير رجعة
رغم انو كان زمن جميييل
لكن الظروف بتحكم
تحياتى

بنت القمر said...

ماشي ياعم عباس
الاسئله ما كانتش صعبه وبقول رخمه وتنظيريه من نوع ليلي ونقد الذات وليلي والاعلام وكدا ودي مش اسئله صعبه دى اسئله ندوات
وبما انى جالي اكتر من طلب اشارك ومكنتش مدونه ايام ليلي 1 ومرضتش اكسف ليلي شاركت علي طريقتى وعمومااذا كان عقل ليلي ضئيل وعقل سي السيد كبير وشايف ان الاهرامات في القللي
هههههه
ودا اكيد بعد ما رقص طبله وطار مع الست سلطانه وشرب البوظه في العوامه يبقا هو اكيد ادري ومقبوله برضه منك
وتحياتى
ياباشا

bluestone said...

عباس :::
EEEEEEEE33333333333333
ده اولا .. :)
ثانيا
انا مش قلت لك قبل كده
سي السيد دي ما ينفعش ببلاش ..
ماينفعش تعمل سي السيد ببلاش ..
يعني الأول روح اشتري بيت من بابه تلات اربع ادوار ...
وافرشهم ..
واشتري عربية محترمة لسعادتك
وعربية للست أمينة (بسواقها)
وبعدين لازم يبقى عندك مرتب ضخم تصرف بيه على البيت الكبير ده
وتجيب اتنين شغالات (يفضل لو سريلانكية احسن)

وبعدييييييييييين
نبقى نشوف مسألة سي السيد دي
هي حاجة ببلاش كده ولا ايه؟؟

وبعدين ما احنا قلنا
شخصية سي السيد شخصية متناقضة مختلة نفسيا واجتماعيا
وبالتالي شخصية امينة ايضا
شخصية مختلة نفسيا واجتماعيا ..
وهي مش ناقصة أمراض

عباس العبد said...

قبل الردود
احب اوضح بعض النقاط
مقارنة بسيطة
تعال ننظر اى اجيال اخرجت الست امينة
الست امينة اخرجت سعد زغلول و جمال عبد الناصر و كل الاعلام
طه حسين ... العقاد
يوسف ادريس ... السباعى ... نجيب محفوظ و سيد درويش
و كل قادة الفكر التنويرى
تلك هى الاجيال التى خرجت من تربية الست امينة و العظيم فى الرجال سى السيد
..........
تعال ننظر اى اجيال اخرجتها جماعة ليلى رافضات الفكر الامينى نسبة الى امينة
اللمبى و كتكوت و عمرو دياب و جهاد عودة و بتوع الفكر الجديد
لعيبة الاهلى الفشلة
اى مقارنة تصنعوها
و لصالح من ؟
من يدفع لكم ؟
لتصنعوا اجيال ستؤدى الى انهيار عجلة التقدم ؟
ده اذا ما كنتش العجلة ضيعتوها اصلا
........
اسكندرانى
هو فعلا عنده مشاكل فى الفراش
60 حصان يا معلم
عنده فرق فى السرعات
ربنا يكون فى عونها
شد حيلك انت بس
........
بيلا
اقعدى انتى فى البيت بس
و شوفى حنكرمكم ازاى
.......
عمرو
نورت المدونة
و سعيد انك ضحت على حملة كلنا ليلى
و ان شاء الله يبقى فى زيارات متبادلة بين المدونتين
......
بنت القمر
كويس انك عارفة ان الراجل عارف كل حاجة
.....
بلوستون
ههههههه
ظريف قوى التعليق ده
معنى كده انك عندك استعداد داخلى لتكونى امينة
انا ححاول اغذى هذا الاستعداد
قولى ورايا
انا مش من بتوع ليلى
انا عايزة ابقى امينة
عشر مرات
و بعدين انا عندى دوار كامل بخدمه و بحشمه و بحريمه و عندى مجمع عربيات
انا اسمى عباس شيفروليه
و بعدين فى نقطة هامة
الست امينة اخرجت ام كلثوم
ام جيل اختنا فى الانسانية ليلى
اخرجت لنا
الست هيفاء وهبى
الله يحفظها لجماعة سى السيد
و بعدين متخافيش من الامراض
خشى انتى بس دوار سى السيد
و متخافيش حنعالجك من كل الامراض
متخافيش
......
روقوا نفسيكم

Anonymous said...

bira3'm man ani man gam3ia al mar2a al motwa7sha ,,,gidan,, bas mankirsh anak da7ktinii,,,da7ktinii bas,,ana 7atak fi al favourites 3andi ,,shoft mada al tanakod,,we matab3a all ur post ba2alii sana,,anta bigad lazim ta3mal kitab we aw3adak an dah 7ikon awal kitab ashtriih fi 7iatii,,,salam
metcy

menooooz111 said...

soooooo
what is da hell is goin on ppl are u mad
laila meeen w sayed meeeeen
wake up we are in 2007
wwwwwwwwwwwwwwaaaaaaaaaaaaaaaaaakkkkkkkkkeeeeeeee uuuuuupppppppppppppp

عاليا حليم said...

أنت مالك داخل شمال فينا كده ليه ؟ أختفيت أمتى أن شاء الله دا انت أنيابك مغروسة فى رقبينا كلنا رغم السنسن دى كلها ده انت روحك طويلة أوى يا شيخ .. أنت بأه بتضحك علينا و لا على نفسك ؟ و لا قررت تتجه للتمثيل فعايز تعيش شوية دور المظلوم :)))))))))))

أشكرك على زيا رتك الجميلة لمدونتى يا سيد حاف من غير سى :)))))))