Thursday, January 10, 2008

صراع

لا داعى لذكر الاحداث و تفاصيلها

فالجميع يعلم

سواء كان اكاديمى متخصص او طفل رضيع

فالمنطقة التى نعيش فيها

اسمها – لامؤاخذة فى الكلمة يعنى – المنطقة العربية

و الجميع يعلم و هو شىء غريب بالفعل

ان هناك صراعا فى هذه المنطقة

طبعا و من غير غباوة

صراع عربى فى منطقه عربية لازم يكون اطرافه عربية

طبيعى جدا

و الاطراف العربية هى كما يعلم الجميع

الولايات المتحدة الامريكية و بريطانيا و فرنسا

و اسرائيل و ايران و تركيا و باكستان و افغانستان

لازم طبعا و زى ما قلت بالظبط و كما هو واضح

صراع عربى فى منطقه عربية لازم يكون اطرافه عربية

مش محتاجة ذكاء

...

صحيح على رأى عادل ادهم

- فى ناس و لاد ناس و ناس و لاد كلب ... يا قطة

- و شكرى عبد الحميد ؟

- ابن ستين كلب

....

اه يا اطراف الصراع يا ولاد الكلب

5 comments:

Cognition-sense said...

مش هما اللي ولاد كلب بس..
إحنا كمان ولاد ستين كلب
إحنا مابنفهمش بصراحة

تحياتي

Nsreen Bsunee said...

لو عادل ادهم عايش دلوقتى كان قالها كده

فى ناس ولاد كلب وفى ناس ولاد كلب يا كلاب

تحياتى يا رامز

HafSSa said...

خخخخخخخخخخخخخخخخ
فطست من الضحك يخرب بيت كده
بس زي ما انت عارف ان البلاد العربية كانت مهد الديانات التلاتة فلازم نكون مهد الصراعات برضو و اللي انت قلت عليه ده صراع عربي لا جدال فيه يا ولدي
كان فيه كاريكاتور بيوصف نفس اللي قلته ده لو لقيته حبقى اسيبلك لنكه
تحياتي

DantY ElMasrY said...

تعرف ان فى مشروع بيقترح دخول اسرائيل الجامعة العربية
نفسى انسى انى عربى
اعمل ايه معندكش وصفة ولا عمل سفلى للحالة دى

عباس العبد said...

cognition
احنا فعلا مبنفهمش
بس مش علشان حاجة
علشان احنا مستمتعين
يعنى ده فعل ارادة مش جبرى
شوفى مثلا الانتخابات فى لبنان حاجة بسيطة
هاتوا واحد مسيحى و اتنيلوا على عنيكم و اخلصوا
لكن ليه نقعد نأجل و نهبل و نعارض و نعبط و هو كده كده المسيحى الى حيجى ملهوش فأى تدخل فى موضوع السياسة
بالنوسبة للكليبات انا كل الى بعمله برصد انهيار مستوى الكليبات الى عمال بينزل اداء و كلمات
الى انا عارضه ده
اسوأ واحد شفته لحد دلوقتى
و لو حنشر واحد تانى
حيبقى انيل و اسخم
....
نسرين
عادل ادهم ده برنس
و كلامك صح
...
حفصة
كويس انك ضحكتى
لأنها حاجة تموت من الضحك ولاد الفقرية
انا حطيتلك لينك لمحمود عبد العزيز
....
دانتى
عندى حل ليك و قوى جدا
و هو حل على رأى واحد صاحبنا
مزيد من الديموقراطية
هههههههه