Saturday, May 03, 2008

مصر رجالتها بخير

الصراحة , قد تكون هذه التدوينة هى اخر ما أكتبه , قد تكون اخر تدوينة .

و الأسباب فى كده كتير و لكن اهمها :

-1-

أنى خالفت مبدأ شخصى و هو انى لا اهاجم شخص و لكنى أختلف فقط – ولا أهاجم -  مع أفكاره و أراءه , و لكنى فى هذه التدوينة أهاجم شخص بعينه لفعله المتنافى مع اى أنسانية او رجولة .

-2-

انى خالفت مبدأ أخر و هو انى لا أهين أحد او " أشتم " أو " استعمل الفاظ خارجة " و لكنى فى هذا البوست قد يفلت منى أو من اى شخص اخر لفظ خارج .

-3-

ان البعض مِن مَن يبحثون تماماً عن أشعال الحرائق , سيحولون هذا البوست - و أنا مش عارف أزاى بس هم شطار فى الموضوع ده – سيحولونه الى خلاف دينى . و متسئلنيش ازاى ؟ هم عارفين سكتهم .

و لكن من قبل ما تقرأ البوست و مش تهريج الى حقوله ....

الى ضغطه عالى أو عنده السكر او سريع الغضب أو لسانه فالت , ميردش علطول .... يهدأ شوية و بعد كده يكتب الى هو عايزه . لأن الى حتقروه يحرق الدم بجد ...!

=========

يقول الشاعر ( و هى مهنته كما يقول ) صاحب هذه المدونة أنه أثناء عودته الى منزله و كان مشغل الموبايل على سورة ال- عمران , وجد فتاة مغتصبة . و لما طلبت الفتاة المغتصبة منه المساعدة رفض و الحت البنت عليه و كانت كما يقول بنت ناس متبهدله خالص وشها بينزف و شفتها وارمة و بتتكلم بصعوبة و لما ألحت عليه تانى رفض و قالها مينفعش يمسك أيديها و طبعاً لأن الموبايل كان شغال على سورة ال- عمران – الى بتتكلم عن العذراء مريم و حملها الأعجازى و الى البنت دى كانت زيها عذراء قبل مما يغتصبوها – مهنش عليه يوقف القراءة و يتصل لا بالبوليس و لا حتى بالأسعاف , و وقف يتخيل منظر الشباب و هم بيغتصبوها و قام بعملية تنظير سريعة كده عن انها ضحية نظام فاسد و سابها و مشى . و لأنه شاعر مرهف الحس , روح البيت و جلس بكل هدوء الرجال و الشباب الملىء بالنخوة يكتب تدوينة فكرية تنظيرية أيديولوجية يحمل فيها الفتاة و المرأة  عامة مسئوليتها عن الأغتصاب لأنها مخدوعة بما اطلقوا عليه الحرية و انها لابد من دافعة للثمن لخروجها الى سوق العمل .

و لان هذا الشاب هو من النوع المملوء بالرجولة و النخوة و من النوع الى بيقول وا-أقصاه , و مستعد يستشهد فى سبيل تحرير القدس و يعشق الجهاد فى سبيل تحرير الأراضى العربية من المستعمر الأمريكى- الصهيونى , لكنه ميقدرش يمسك أيدها لشدة ورعه ,  فأقدر أقول و بكل هدوء أن : مصر رجالتها بخير ...!!!

------

اليكم تدوينة الرجولة و النخوة و الشهامة و الكرامة

اليكم تدوينة الشعر و الادب و النثر

اليكم تدوينة المحبة و السلام و السماحة

اليكم تدوينة الأيديولوجيا و التنظير و الفكر و التفكير

التدوينة التى ستعيد الى الشباب العربى امجاد الماضى و حضارة المستقبل

التدوينة بعنوان : عفواً سيدتى .

=========

طبعاً علشان مظلمش حد , فى ناس كتير ردت عليه و ناقشته و هاجمته و كتبت الى ما يتكتبش هجوما و تجريحاً و توضيحا و غضباً و أنفعالاًً , و لانه بيعانى من رجولة مفرطة مسح جميع التعليقات زى ما حضرتك قريت فى اخر البوست و كتب بوست تانى يتهم فيه الناس بالجهل و السلبية , شفت الحلاوة , بيتهم الناس بالسلبية و بيقول فى هذه التدوينة الى بترد على تعليقات الجهلاء و السلبيين من امثالنا : اعتقد ان كلامى لا يوجد به خطأ و لما الكلام معجبش الناس ردوا عليه تانى برضه فراح ماسح التعليقات تانى . و ادى كلامه الجميل الى بيقول على المعلقين أنهم بقوا سلبيين فى المجتمع , احنا و الحمد لله سلبيين و سبنالك الأيجابية و الرجولة كلها . البوست التانى .

=========

و لما لقى الناس فى كامل غبائها و محدش مقدر رجولته المفرطة و تنظيره المتين و فكره المستنير و لان الناس ولاد كلب جهلاء و بهايم و حمير و محدش فيهم يرتقى لمستواه كتب الجملة الى بتدل على انه مظلوم من شوية رعاع حيوانات , كتب تدوبنة بيقول فيها :

لو جادلنى مئة عالم لغلبتهم ولو جادلنى جاهل واحد لغلبنى
مقولة لعمر بن الخطاب

----

على أساس اننا جهلاء و لاد كلب و هو من العلماء

شوفوا الحلاوة

هو من العلماء و احنا بهايم
----

التدوينة التالتة

.

.

.

.

.

============

 لما كتبت قبل كده فى تدوينة سابقة " فى التعليق رقم أربعة فى ترتيب التعليقات ":

----

" اما المشهد الى انا خايف منه 
انك تطلع الاوتوبيس و انت لابس الكوفية الفلسطينى و تى-شيرت مكتوب عليه غزة فى القلب , تلاقى الناس واقفين صفوف بيهتفوا بسقوط اسرائيل و على الكنبة فى اخر الاوتوبيس واحد بيغتصب واحدة و هى عمالة تستنجد و الناس يبوصولها و يقولوا لبعض " ايه الى ركبها فى عز الزحمة , هى الغلطانة " و بعدين يدوروا و يكملوا هتاف بسقوط اسرائيل 
و بعض ما تشوف المنظر ده الدم يغلى فى نافوخك فتسب للناس و تختلف معاهم ايديولوجيا و تهب لنجدة الفتاة بأنك تسيبها و تنزل الشارع و تدعو لمظاهرة مناهضة لزحمة الاوتوبيس الى اوصلنا الى هذه الدرجة و تهتف بسقوط الاوتوبيس 
هو ده التجديد الثورى الى بيدور عليه المثقفين . "

----

كنت فاكر ان المشهد ده مستقبلى ممكن يحصل كمان 50 أو 100 سنة , واضح انى كنت ساذج لأنه اهه بيحصل و بكل فخر , واحد ساب البنت و كاتب تدوينة " ذات رؤية تهتف مجازاً بسقوط الاوتوبيس " .  شخص بيكتب و زعلان قوى أن محدش مقدر مجهوده العظيم و بيهتف ضد " سلبية المجتمع " . تخيلوا لما واحد يكتب كده و يتهمنا أحنا بالسلبية و يتهم الفتاة بأنها مسئولة عن أغتصابها , ده يبقى أسمه أيه ؟ .

الناس الى هاجمتنى فى البوست السابق و قالت عمر الى أنت بتقوله ده ما حيحصل .

و اهه حصل , رأيكم أيه بقى ؟ .

=========

أسف لحرق دمكم .

انا مسافر انهاردة عندى " أمتحان " فى أحدى المواقع يتوقف عليه الكثير , صلولى .

الصراحة انا مش عارف أركز و حاجة مقرفة جداً و الله يسامحه الى كان السبب . و يمكن أتغيب أربع او خمس أيام سفر , علشان محدش يفتكر أنه هروب ولا حاجة .

أسيبكم فى سلام , و أشوف وشكم بخير .

سامحونى من ألأسلوب ,,,, أنا فعلاً قرفان و بشدة من أنى اكون مدون او حتى مصرى , زى زى البنى ادم العالم الأيجابى المنظر العظيم ده .

--------

 

93 comments:

Anonymous said...

ماهما قتلوا 15 بنت في مدرسة بنات محروقين في السعوديه لنفس السبب ,والبنات كانوا مسلمات على فكرة.
الموضوع بسيط دول عالم وسخه بنت دين كلب

Bella said...

انا اول واخدة اخدت البوست الاول في وشها
وعلقت فيه 3 تعليقات
وبصيت لقيته كاتب فلا نامت أعين الجبناء اعتراضا على ردودنا واننا مافهمنش والكلام الفارغ ده

بس ماكنتش متصورة انه ح يشيل التعليقات

منتهي

ولا بلاش

اصلا كنت بافكر اعمل تدوينة عن موضوعه ده بس مافضتش

افضي نفسي بقى واكتب له رد على القرف ده

Hypatia said...

انا مش مصدقه
والله انا عيطت وانا باتخيل البنت
لا لا ده صعب اوى اللى حصل ده
انا حأهدي وبعدين حأرد بالتفصيل هنا لانى لو رديت عليه عنده حيمسح طبعا التعليق واضح انه أبو الرجاله يعني

أبو عمر - الصارم الحاسم said...

ده التعليق اللي كتبته عنده منذ دقائق على آخر موضوع عنده... وما استحملوش ومسحه مباشرة

*****************************

انت يا بني بتكتب بكامل قواك العقلية

يعني انت بني آدم سوي وعاقل ...زي البشر


وقبل ما تتكلم عن المجتمع فاقد الدين والأخلاق يبقى خد لفة عندي في المدونة


ياريت تبقى تبعت للشيخ محمد حسان ومحمد حسين يعقوب وابو اسحق الحويني وتسألهم عن رأيهم في "المصيبة" اللي انت عملتها مع الفتاة المغتصبة يا متخلف عقليا

يعني غير كلامك وانها ضحية او غير ضحية...حتى ما تساعدهاش..آل ايه ما ينفعش تمسك ايديها
؟؟؟


انت عبيط يا بني
؟؟؟؟

ربنا يشفيك ويهديك


************************

ما تاخدش في بالك من الاشكال دي والحمد لله هي قليلة

شوف انا قلت لك عندي في المدونة ان انا كنت في عمرة

واشهد الله ان المطوعين هناك في قلب الحرم المكي والمدني - قمة السلفية يعني اللي ممكن تجدها في اي مكان - كان فكرهم عالي جدا جدا وفقههم عالي جدا جدا ...الا نادرا جدا جدا...وتجد فيهم أدب+علم+دين+بل ولغات متعددة وطريقة ممتازة للنصح ...والافكار الغبية دي لشخص مثل هذا لم تكن عندهم باي حال

جبهة التهييس الشعبية said...

انت كداب
انت بتضحك عليا
انت بتستغل سذاجتي وبراءتي وقلة خبرتي واني باحب صورتك وانت صغير عشان تضحك عليا
لا لا لا لا لا لا لا لا
لالا لا لا لا لا لا لا لا
انت بتضحك عليا
اصل ما تقولش اصل
بس ما تقولش بس
مش ما تقولش مش ما تقولش مش ما تقولش مش
لا لا لا لا
آه آه كوعي كوعي كوعي
آآآآآآآآآآآآآآآآآآه

جبهة التهييس الشعبية said...

انا قريت التدوينة
لا يا شيخ لا
هو بيهزر يعني اكيد مش صحيح
يمكن حدوتة من خياله زي الحدوتة بتاعة الغول بتاعتي
يعني هو فيه غول بجد
ده انت غريب قوي يا اخي
كل حاجة تصدقها كده
لامش ممكن
مش ممكن
مش ممكن
مش ممكن

جبهة التهييس الشعبية said...

انا بصيت على بقية المدونة

الله ده حلو قوي
انا ح اخده على الريدر العب بيه

Anonymous said...

هو في حد كده فعلا

Anonymous said...

قريت التدوينات
ده طلع فعلا فيه حد بالصورة دي

Unknown said...

اذا كان هالاشكال هي المنادية والمهللة والهاتفة بسقوط اسرائيل
وبتحرير فلسطين

فلتحيا اسرائيل
وتسقط فلسطين

وطول ما هالاشكال مالية الوطن العربي
من المحيط للخليج

هتسقط فلسطين
وتحيا اسرائيل

الامضاء:فلسطيني

أبو عمر - الصارم الحاسم said...

معلش يا رامز

ده الايمل اللي وصلني منه


--------------------------------------------------------------------------------
Date: Sat, 3 May 2008 06:24:55 -0700
From: mahana_fnan@yahoo.com
Subject: من مدونة مزاج
To: alsarem_alhasem@hotmail.com


هل تعتقد ان اسلوبك فى انتقادى كان اسلوب قويم
ام انه فقط اسلوب مستفذ
هل تعتقد انى سأفكر حقا فى الاخذ بنصيحتك بعد ان شتمتنى واذهب لأسأل الشيخ حسان او ابو اسحاق
البنت كانت فى محطة مترو امام مرأى ومسمع من الجميع طلبت من بنات كتير يساعدوها رفضوا
قلت للعساكر بتوع المحطه فى بنت هنا تقريبا هى مغتصبه
ربما كانت ادعت اننى الفاعل ولا اعلم ماذا كان سيحدث
فى كل الاحوال انا كنت مندهش ومصدوم ومتأثر للغايه
عموما
اشكر لك اخلاقك وذوقك

*******************************************************





وده ردي عليه



لأ تستاهل كل اللي اتقال لك مني ومن غيري ....الاسلوب اللي انت كاتب بيه التدوينة ينرفز ومستفز وخاطئ الى اقصى حد........ويسئ للمسلمين جدا جدا جدا خاصة الملتزمين منهم



انت شفت زميل مدون نصراني وهو معتدل كان رد فعله ايه على كلامك



انت فاهم انت عملت ايه كده



كنت تقول البقين دول وتوضح في التدوينة ذاتها وماكانش لها اي لازمة انك تقول ما ينفعش تمسك ايديها..لا يا حبيبي ينفع واسأل الشيوخ اللي قلت لك عليهم...لو كنتوا لوحدكم ومافيش غيرك يساعدها ينفع

صحيح العادي والطبيعي انه ما ينفعش وتتقطع ايدك قبل ما تمسك ايديها ...لكن الضررررررررررروروة.....الضررررروووررررة



وبعدين انت متعلم كويس وفاهم انه دلوقت فيه دي ان ايه ...يعني حتى لو اتبلت عليك وادعت كما تقول...فيه تحاليل هتثبت انه مش انت وساعتها يا اخي شهر بيها وقاضيها كما تريد



زائد ان التفكير ده..اصل يمكن..واصل ..وفصل...واحتمال ....ده من مداخل الشيطان عشان كل واحد يبقى سلبي كده ويتصرف تصرفات غلط ومصائب



زائد ان كان فيه شهود زي ما انت بتقول



بكل الجوانب انت اخطات...اخطات بكتابة التدوينة هكذا ...واخطات ان كنت بتفكر زي ما كتبت التدوينة وكما فهمها الناس



ياريت بجدددددددد تقول البقين دول اللي انت قلت هم لي الان في تدوينة منفصلة




وبما انك شخص ملتزم ومتقي فالمفروض مايفرقش معاك اسلب النصيحة طالما جاية من اخ مفترض انه زيك والله اعلم وحريص على المصلحة العامة....زائد انك الصراحة تستاهل على الكلام اللي كتبته ده



انا هانشر ايميلك ده وردي عليه في مدونة عباس العبد اللي عرفنا بك....ولكن يجب عليك نشره انت ايضا في ندونتك...لان كلامك صورة سيئة جدا للمتزمين والمسلمين





السلام عليكم

Bella said...

للصارم الحاسم

على فكرة كل الردود اللى ردت عليه كانت محترمة جدا وماحدش قال له اي كلمة غير لائقة

ماكان منه الا انه اختفى ولم يرد وبعدين كتب تحديث قال فيه اننا ماقريناش كلامه ومامعناه اننا فهمنا حاجة تانية خالص غير اللى هو يقصدها وردينا على نقاط مش هي اللى عايز يقولها وكمان قال انه ضحك جدا على الردود اللى اكدت له ان نظرته في المجتمع كله سليمة

وختم كلامه بجملة

فلانامت أعين الجبناء

تفتكر يعني ده اسلوب شخص عايز يناقش او عايز يرد
ولا اسلوب شخص عايز يتكلم والناس تدخل ترد عليه وتقول له لافض فوك اخي الكريم
سلمت يمينك
وباقي الاسطوانات اياها

والغريب بعد كده لما كتب التدوينة التانية الى قريتها على الريدر

وصراحة كان اسلوبها اكثر من استفزازي

الغريب انه مسح التعليقات على التدوينتين ومنع التعليق اصلا فيهم

حاجة غريبة جدا

أبو عمر - الصارم الحاسم said...

الأخت بيلا

الصراحة لم اعرف بهذه التدوينة الا من هنا ولم اقرأ تعليقات الناس عليها....ولو الناس كانت شتمته كان يبقى عندها حق لانها حاجة وكلام يحرق الدم


عموما الله اعلم...لكن اظن الفكرة وصلت له جيدا وللجميع

Bella said...

والله يااخي انا اصلا كنت مسجلة التدوينة بتاعته عندي وكانت بتوصلني ع الميل كل الردود
ولحسن الحظ الرسالة دي عندي
مافيهاش اي كلم خارج

اغلب اللى ردوا ومختلفين معاه في وجهة نظره كانوا مهذبين لاقصى درجة

وعلشان كده كانت مفاجاة بالنسبة لي التحديث اللى كتبه
وكمان حذف الردود

الحقيقة عمري ماشفت حد يتعامل بالطريقة دي مع اللى بيردوا عليه

حتى لو معندوش كلام يرد بيه السكوت افضل

لكن يرد بالطريقة دي كانت سخافة غير عادية صراحة

أبو عمر - الصارم الحاسم said...

أكيد حضرتك عندك حق...لكن بقول حتى ولو شتموه فلهم عذرهم

ربنا يشفيه ويهديه

abderrahman said...

رامز، تصدق انا كنت حاسس انك متنكد انهارده وانا بكلمك، حتى استغربت، بس معلش انا كنت بره ولسه مقرتش الموضوع هنا
الموضوع ده انا مأخدتش بالي منه، حتى لما قالتلي عليه صديقة مدونة امبارح خليته اقراه بعدين عشان مفهمتش حاجة
تقريبا الحاجات دي من خيال المؤلف، وان كانت بتعبر عن تفكير مش سليم، وبعدين يمكن كان عايز زوار للمدونة بالطريقة دي، يمكن يعني :)
المهم انت روق يا عم، وان شاء الله ربنا هيوفقك عشان انت انسان محترم وتستاهل
وسيبك من حكاية آخر بوست دي أرجوك ولا وانت هتمشيها ليثي يعني اعوم أنا تغطسوا أغطس تعوموا انتوا
:))
ان شاء الله اشوفك قريب على خير

Unknown said...

:رامز

عقبال ماقريت تدوينتك وبافتح عليه لقيته مسح أول تدوينة اللى فيها قصة البنت وكتب مكانها :

................................
اكتشفت ان هناك مدونون مسيحيون ومسلمون
ينتهزون الفرص
يبدلوا الحقائق
ليثيروا الفتن
ربما بعضهم كان حسن النيه ولكن خانه التفكير
ربما اكون انا اخطأت من البدايه
اسف
لكنى لا اريد اثارة فتنه بسببى
الموضوع منتهى ومغلق للصالح العام
حتى لو سيهاجمنى الجميع فكل ما يهمنى الان الا تثار فتنه بسببى
فهل هناك اكثر من الاسف يمكن تقديمه
................................
أكيد يقصدك..ويمكن ايميل الصارم الحاسم نبهه فجرى مسح الموضوع

الملاحظ انه بيدعى انه بيمسح الموضوع للصالح العام ولعدم الفتنة...فتنة ايه الحمار ده؟ هو متخيل ان فيه بنى أدم مسلم أو مسيحى ممكن يدافع عنه؟

.
.
.

انت بقى عايز تبطل التدوين عشان "شىء" زى ده؟
انت رومانسى قوى يارامز

وشايف انك كده شتمته؟
صحيح انت أخلاقك عالية

روق ياراجل ربنا يرجعك بالسلامة..عارف..أنا حاسس انه بيألف زى ما قال بعض المعلقين

بنت القمر said...

اولا تروح وترجع بالسلامه والتوفيق
تانيا كمان صديقه قالتلي
علي الموضوع ده
:))))))
وعلي فكرة انا مش مستغربهخالص انا طول النهار امبارح اقرا في ردوده
وهي انه مش معترض علي عمل المرأه لو اضطرارري بس تستحمل بقا
!!!!!!!!
او انه عاوز يجوز واحدة منتقبه عشان محدش يكون لمسها قبله
وكلام عجيب
والحقيقه اني نصحت الصديقه انها متردش
************************
شوف يا رامز الدين بره الموضوع خالص
لان اي دين حتي لو بيعبد رجل الكنبه
ها يقوله انصر الضعيف وغيث الملهوف
بس عشان الواحد بيشوف من ده كتير
المجتمع بقا عدواني جداااااااااااااااا
جداااااااااااا
جداااااااااااااااااااا
تجاه المرأه بجد محجبه منقبه ماشيه بميني جيب
والاخ بيقولك اهي جابته لروحها
يعني زي انت ماقلت قبل كده في كل يصلي ليلاه تستاهل
وده قمه العدوانيه تجاه المرأه
هو ما ساعدهاش عشان بيتشفي فيها
انها بتخرج تمشي في الشارع ولما يجوز ها ياخد واحده محدش لمسها قبله ويحبسها في البيت ولو ابنها سخن وهو في الشغل ها يقولها سيبيه يموت متوديهوش للدكتور وما تنزليش الشارع من غير اذني ولوحدك
:(
ده بيحصل يا رامز
مش مش بيحصل
ما تلموش بقا اللي لابسين حجاب ايراني ولا اللي سابوا عملهن وقاعدين في البيت
او اللي يئسن او اكتأبن
:((
في ظل هذا العدوان علي اي ست
والتشفي والغل
لينا ربنا
وده من علامات انهيار وفساد منظومه القيم
اللي لازم تكون ضحيتها الاطراف الاضعف
واولهم الست
اللي الكل بيستاسد عليها
تحياتي وترجع بالسلامه

sandrill said...

يا عم خضتني و حبطل تدوين و حعمل فتنة و حقول كلام قبيح .. و في يطلع الموضوع بخصوص واحد منهم

أولاً : ده ابن وسخة كداب و مفيش حاجة من دي حصلت

ثانياً : أنا بدأت أشك إن النوع ده حقيقي فعلاً .. لأنهم طلعوا مع بعض مرة واحدة و لأنهم مش معقولين بجد .. أنا بروح مستشفى المجانين من وقت للتاني و مشوفتش هناك كده برضه

لو عندك ذرة شك أن الناس دي حقيقية فعلاً شوف آخر نخعات أختك مايسة و قول لي رأيك إيه

www.Keptiamuslema.blogspot.com

^ H@fSS@^ said...

يا جماعة الموضوع بسيط جدا
احنا لو كنا انتبهنا للاخ الشاعر(اشك ان عندع جهاز عصبي) ده من الاول كنا فهمنا هو قصده ايه

لانه و في تدوينه له على هذا المحك
http://mazaag.blogspot.com/2008/04/blog-post_23.html

قالها و بكل صراحة
انا من ساعة ما بدة مشروع مدونات مصرية للجيب لا انام و بخاف من الشهرة و عاوز اتجوز
بس خلاص
حد يجبلنا عرورة والنبي
الواد هرموناته متفشكلة في بعضها و حالة منيلة بنيلة
طبيعي خاف يلمس ايد بنت في قمة الانهيار النفسي و الجسماني
لانه ممكن يكون افتكرها بتعمل كده مخصوص علشان تغويه و بعد ما يلمس ايدها حتطلع الساحرةالشريرة و تحوله فرقاطة عسكرية عربية لاامل في قذفها لاي صاروخ

الله
لازم الايمكوا على الفولة
اوعوا بئى يا كماحة
بس انا مقدرتش و رحت سلمت عليه هناك
و عبال ما خلصت السلام المربع كان اتفطن بسلامته و حط موديريشن
ياااااي

Hypatia said...

عفوا سيدتى

انهارده انا قابلت بنت مغتصبه ... تقريبا تم اغتصابها امبارح بالليل وهى راجعه من رحلة لشم النسيم .. هى بنت مسيحيه
وانا ماشى ومشغل الموبايل على سورة ال عمران لقيت حد بيشاورلى كانت باين عليها الارهاق الشديد والضعف طلبت منى ان امسكها واساعدها فى انها تمشى مسافة وتركب فى الحقيقه انا رفضت ... الحت عليا واضح اوى انها بنت ناس بس متبهدله خالص وشها بينزف شفتها وارمه وبتتكلم بصعوبه مدت ايديها اكتر .. الحت عليا طلبت منى اساعدها قولتلها مينفعش امسك ايدك.. ايديها كانت بتترعش انا اخدت موقف سلبى وابتعدت عنها طلبت من بعض البنات اللى شايفينها انهم يساعدوها .. رفضن ابتعدت وفضلت ابص عليها من بعيد .. المنظر كان مؤلم للغايه .. انا فضلت ادعى ربنا ان اللى اغتصبوها ميكونوش مسلمين ... فى كل الاحوال البنت دى ضحيه .. ضحيه لنظام فاشل ومجتمع مغيب وحالة من العهر والانفجار الجنسى والسعار اللا اخلاقى ... سواء كانت الضحيه دى مسلمه او مسيحيه او كافره ففى النهاية المنظر كان صعب ... اكاد أتخيل المشهد امام عينى ربما كانوا اربع شباب بالتأكيد غير متزوجين ربما يكونوا تقدموا لأكثر من فتاه ولكنهم فوجئوا بتكاليف الزواج والطلبات التى لن يستطيعوا تحقيقها اكاد اراهم ينظروا اليها وهى عائده من احدى رحلات شم النسيم ... اكاد اراهم يحاوطونها احدهم مسك زراعيها والاخران كل منهم مسك قدم وبدأوا يجذبوها والرابع بدأ فى تقطيع ملابسها واستباح جسدها
فى المشهد المقابل امامى مازلت اراها تحاول النهوض ولا تستطيع .. يداها ترتجفان من شدة الضعف والوهن .. قدماها متباعدتان .. لازالت تحتفظ بساعة يدها وشنطه جينز فى كتفها متمسكه بها وكأنها تتشبث بأى شئ يبدو ان الشباب كان كل همهم افراغ شهوتهم الكامنه وحسب حتى انهم لم يفكروا فى سرقة الساعه والحلق والشنطه .. مازالت تستجدى المساعده بنظراتها وتتألم ... ترتدى بنطال ابيض غالى الثمن عليه اثار نعال احذيه وقطرات دماء متناثرة فى معظمه وتيشيرت اسود داكن ممزق تماما تعلوه كسوه متعددة الالوان
ربما ان الباشا الكبير الحكمدار المسؤل عن امن وتأمين المنطقه اللى تم فيها الجريمه كان فى الفراش مع زوجته فى نفس اللحظه وفى اتنين عساكر تحت البيت عنده بيحرسوه وبياخدوا مرتبهم من الضرايب اللى بيدفعها ابو البنت دى ...حاجه تقرف
---------------------------
كل يوم فى المواصلات .. فى الميكروباصات .. فى المترو .. وانا فى طريقى اشاهد العديد من النساء والفتيات بيقفوا فى الميكروباص وظهرهم معوج عشان يلحقوا الشغل وفى المترو بلاقى البنات معصورة بين الرجال والاقيهم بيبصوا وبيتأففوا فى الحقيقه لا اعلم ما الذى دفع تلك المرأه الى الدخول فى معترك البحث عن بضعة جنيهات لتشارك الرجال يوميا حياة قاسية تضيف اليها حالة من التقشف والخشونه والذكورة لا يصلح معها اى نوع من انواع الكريمات والمرطبات
ان المرأة التى خرجت الى معترك الحياة لتثبت ذاتها وتحقق نفسها واخذت مكان الشباب فى العمل فى كل مكان فعليها ان تعانى هى وذاتها من بردوة مضجعها ومن الم العنوسه ذلك المرض الذى يتفشى بين الفتيات كالسرطان
- المرأه التى طالبت بحريتها فخلطت بين الحرية والتحرر فلم تعى ما تفعل فعليها ان تعانى يوميا هى وحريتها المزعومه .. عليها ان تعانى من نظرات الرجال ومن ملامسة جسدها واحتكاكه بجسد الرجال فى وسائل المواصلات وعليبها ان تفقد يوميا عذرية بشرتها وعليها الا تتأفف والا تسال الرجل بأن يقوم لها فى مقعد المترو الا اذا كانت مسنه او حامل او تحمل طفل او مريضه
- المرأة التى ضيقت على نفسها بحجج واهيه ورفضت الزواج من شاب فى مقتبل العمر له نفس المستوى التعليمى والثقافى ورفضته لأنه يعمل سائق تاكسى او بياع فى محل .. فعليها ان تعانى مرارة الشعور بالترقب ومحاولات الاغتصاب
سيدتى انا لا ادافع عن حالة الهياج التى تعترى كل الشباب بلا استثناء متدينهم وملحدهم ولا اسحب منك حقك فى العمل فأنا مازلت احتاج لامى وزوجتى طبيبه واحتاج لأبنتى مدرسه ولكن لا احتاج الى كمية النساء الاتى تملأ الشارع بحثا عن سد الفراغ الذى يهربن منه بسبب العنوسه وتأخر سن الزواج فالاولى بها ان تتعلم شئ ينفعها وتترك مكان العمل لشاب سيعمل ويتزوجها
عفوا سيدتى ولكن للاسف انت مضحوك عليك بكل الاتجاهات
ضحكوا عليك بدعوى الحريه وبدعوى المجتمع الذكورى وبدعوى ان تطالبى بحقك فى تولى القضاء وان تكونى رئيسة جمهوريه رفعوك لأعلى المناصب ونزعوا منك الانوثه ونزعوا منك كل استمتاعك بحياتك
قارنى بين متعتك فى تحقيق ذاتك فى العمل وبين متعتك عندما يعود لك ابنك وهو الاول على مدرسته ويبتسم لك زوجك ويطبطب عليك ويقول نعم الزوج انت
بكلالاحوال انت خاسرة لا محاله
عفوا سيدتى .... كلامى لن يلقى هوى فى نفسك لأنك مازلت مخدوعه
فقولى ما شئت ولكن استحضرى صورة الفتاه المغتصبه امام عينك

Hypatia said...

الفوق ده البوست اللى رامز بيتكلم عليه عشان اللى ملحقش يقراه قبل ما ابو الرجاله يمسحه

____________________


لغايه دلوقتى انا عاجزه عن انى اقول اى تعليق يار ارمز يعني اقول ان الكائن ده المفروض يخصوه مثلا او انه من الاسباب اللى خلتني افكر مرجعش البلد ديه غير على دفنتى مادام ممكن اتنهش واتبهدل ومفيش حد حيمدللى ايده باعتبار ايدي عوره يبقي خلاص بقي خلينا متغربين كده لاخر العمر مادام ممكن ابقي مرميه فى الشارع بدمي وواحد ابن كلب سافل ناقص حيوان منحط معندهوش نخوه او كرامه يستخسر حتى يتصل بالاسعاف من موبايله
مادام خلاص انا لما اختار انى اشتغل واخرج والبس على مزاجي يبقي لازم اسيب الرجاله يغتصبوني ومأشتكيش واستحمل لان اختياري للشغل والخروج بقي اعتراف ضمنى منى انى موافقه ان انا استباح جسدا وروحا

المشكله انه بيأكد فى اميله للصارم الحاسم ان اللى حصل ده حصل فعلا وكان كمان قريب من محطه المترو يعني القصه اللى هى لو قصه حتبقي مصيبه برضه لأمش مجرد قصه ديه حقيقه وقعت وحصلت فعلا

انا عاوزه اعرف بيغمضله جفن ازاى بيبص فى المرايه ازاى وبياكل ويشرب وطايق نفسه الدنيئه ديه ازاى

الحاجه الوحيده المنطقيه هى ردود افعاله على التعليقات وبعد كده مسحه ومنعه للتعليقات ومسحه للبوست نفسه
شئ منطقي جدا بيكمل الخط المريض لشخصيته

:(

عندي قرف من امبارح

بنت القمر said...

الصارم الحاسم
يا نهار اسود...انا بقرا التعليقات تاني لقيت الايميل بتاعك ورده
يعني هو فاكر ان البنت ها تتبلي عليه
يعني ها تصحي من مصيبتها
تلقح نفسها عليه
وهو يعيييييط علي راي عادل امام
لانه طبعا في القسم ها يغصبوه يجوزها
وهو طبعا قرفااان ونفسه مااااااااايعه
ومش عاوز يجوز
:((
عشان هوراجل حر
وها ياخد واحده من الحضانه وينقبها
عشان ميكونش حد لمسها
علي فكرة يا ريت تقوله انه بقا في تحرش بالاطفال صبيان وبنات في الحضانه
انا رأيي يا خد واحدة بترضع
اول ماتبقا 12 سنه يكتب عليها
يا لهوي يانا ايه ده
يعني انا عندي بنتين
اربيهم ازاي في ام المجتمع المريض ده
حاجه تحسر بجد
علي فكرة ممكن تكون البنت دي مسلمه ومش محجبه عشان كده افترض انها مسيحيه
عادشي عادشي
وفي كلتا الاحوال تستحق اللي جرالها السافله
وياريت تقوله بجد
فعلا
فلا نامت اعين الجبناء

زمان الوصل said...

يبهرنى كثيرا التسطيح الذى يمارسه البعض فينسبون كل الكوارث للمرأه و لخروجها للعمل !! وكنت أرجو طالما المرأه بهذه القوه الخارقه أن يتنحّى هؤلاء عن الحياه العامّه و يتركوا زمام الأمور للمرأه بقى طالما هى قادره بكل بساطه على كل هذه الهوايل !!

عمر طاهر صاحب كتاب "شكلها باظت" له وياللعجب رأى ثريب نوعا ما من هذا الرأى !! بيقول لك -فى فقرة كلام جرايد فى برنامج مساءك سكّر زياده- إن طالما الست خرجت للعمل طبيعى لا تتوقّع أن يقف لها الرجل فى الأتوبيس أو المترو لتجلس مكانه !! و أن عليها أن تتقبّل البذاءات و التحرّشات فى الشارع عشان ده قانون الشارع !! طبعا أنا رغم استظرافى لما يطرحه من تعليقات و أفكار ضغط دمّى ارتفع من هذا الربط !! لأن السلبيه و اللا مبالاه لا تقع نتائجها على النساء وحدهنّ !! الشاب الذى لا يقف لامرأه فى المترو هو نفسه الذى سيتجاهل الرجل المسنّ ولن يمدّ له يد المساعده !! هو نفسه الذى سيقف متفرّجا على انتهاك عرض طفل أو صفع مواطن على قفاه من رجل شرطه !! و إذا كنّا سنربط بين خروج المرأه للعمل و إصابة الرجل بالتناحه و السلبيه يبقى مش من حق عمر أو غيره أن ينتقدوا ما يجرى فى البلد أو يشيروا من قريب أو بعيد لسلبية المواطن إزاء حقوقه و حقوق غيره و يرضوا بما انتهينا إليه و يحمدوا ربنا على الشمّاعه التى توصّلوا إليها أخيرا لتعليق كل الكوارث عليها ..

Hypatia said...

يا بنت القمر ازاى تخللفي بنات انتى اتجننتى واكيد طبعا عندهم ايد ممكن تتمسك وتضيع شباب الامه وتفتنهم واكيد طبعا انتى وابوهم بتخرجوهم وبتفسحوهم وشكلك كمان اتجننتى وودتيهم مدارس

ودتيهم مدارس ليه يا بنت القمر اكيد ناويه والله اعلم تنسي نفسك وتنسي انهم بنات وفتنه وعاوزاهم يشتغلو ويبقو دكاتره ولا مهندسين

طيب يا حلوه بقي اعمللى حسابك على اى حاجه مش انتى اللى خلفتي بنات وكمان بتعلميهم وكمان بتعلميهم لغات يعني رجس من عمل الشيطان ولازم الشباب يستبيحهم ديه الضريبه اللى لازم تدفعيها انتى وبناتك

والمفروض تنقبيهم وتقعديهم فى اوضه ضلمه ميتكشفوش على حد ولا يتفرجو على تلفزيون ولا يشوفو كمبيوتر لاحسن عنيهم تقع على رشدي اباظه ولا عمر الشريف ويفتنو بيهم ويبقو بنات منحله وامثال الشاب المحترم اللى حرقلنا دمنا من امبارح ميرضاش يتجوز واحده من بناتك ومستقبلها يضيع

:(

عباس العبد said...

انا بعتذر جداً انى مش حلحق أرد على الناس كلها
انا لسه راجع من الأمتحان و مسافر 5 أيام , حرجع الجمعة أو السبت ان شاء الله .
اول ما أرجع و أكون هديت شوية , حرد على الجميع .
بس لما روحت لقيت الأستاذ الشاعر باعتلى ميل علشان يغيظنى .
و بشكر نسرين على نشرها التدوينة الفلللى الى كتبها الشاعر المشرف على مجموعة " تدوينات مصرية للجيب " . شكراً نسرين .

عباس العبد said...

نص الرسالة
----
انا الشاعر صاحب مدونة مزاج اللى حضرتك شتمتنى فى مدونتك
انت ظلمتنى بكل المقاييس
حتى انك مكنتش من الناس اللى علقوا عندى
عندنا فى دين الاسلام فى حاجه اسمها الرياء اعتقد انها موجوده فى كل الاديان والرياء دا امر قبيح .. ومعناه انك تجهر بافعال الخير عشان الناس تقول عنك انك شخص محترم او بطل او كريم الخ
عشان كده انا محبتش اقول انا ساعدت البنت ازاى
لأن دا عمل بينى وبين ربى انا فعلا وقفت بعيد عنها شويه وطلبت من بعض البنات انهم يساعدوها وبعدين رفضوا لكنى متركتهاش .. طلبت من الشرطه انهم يساعدوها
المهم دا مش موضوعنا
واضح جدا انك مقرأتش التدوينه التانيه
ولا الاولى
اللى كنت بقول فيها ان البنت دى ضحيه بكل المقاييس حتى لو كانت مسيحيه
مقرأتش انى مبحبش مشاعر العنف بين المسلمين والمسيحين
انا لى اصدقاء كتير مسيحين بحبهم وباكل من اكلهم وبنخرج ونروح من الشغل سوا وبنشيت على النت سوا وبسألهم عن حاجات فى دينهم لما اكون عايز اعرفها وبيسألونى عن حاجات فى دينا
انت مقرأتش التدوينه التانيه
مقرأتش كلامى عن فادى صديقى اللى كنت لسه بهنيه بالعيد الصبح ومتصل بيه قبلها بيوم مهنيه هو واسرته
ياما دخلت كنايس احضر افراح لمسيحين
وانا فى الفتره الحاليه اقوم بنشر كتاب للمدونين يكتب فيه مسلمون ومسيحيون
كونى مسلم متدين لا يمنعنى من التعامل مع اخوانى
لأن القرأن امرنى بذلك
انا لا اطلب منك انك تشيل التدوينه اللى بتشتمنى فيها ولا اطلب منك انك تغير كلامك فيها
لكن بجد بترجاك متسيبش التدوين بسببى
ميهمنيش الانطباع اللى انت واخده عنى ايه لكن يهمنى انك تعرف انك ظلمتنى .. وكلامى عن المرأه كان عن المرأه ككل مفرقتش بين مرأه مسلمه ومرأه مسيحيه
اعتقد ان نخوة الرجوله فيك ستدفعك انك ترفض ان والدتك او اختك يتبهدلوا ويتلزقوا بين اجسمة الرجال فى المواصلات
نخوة الرجوله التى تحدثت عنها لم تكن متعلقه بدين
والاولى انى لو كان فى قلبى اى شئ غير سوى انى مكنتش كتبت الموضوع اصلا لكنى تعاطفا مع البنت المسيحيه كتبت عنها لكل الناس
كتبت عنها لكل زوار مدونتى عشان يتعاطفوا مع البنت وعشان لو حد منهم فى قلبه حاجه تجاه المسيحين يعرف انه غلطان
قلت نصاً فى كلامى ان الوطن دا لازم يجمعنا كلنا
انت ظلمتنى وكلامك دا غير ناضج
لأن كل المسيحين اللى هيقرأوه هيكرهوا المسلمين وهيفتكروا انى كنت بشمت فى البنت ولا فرحان
اناشدك بسيدنا عيسى لو كنت تحبه بصدق الا تثير فتنه بين ابناء شعب واحد
انا لا يهمنى شخصى ولن ارد لك اسائتك
ولكن يهمنى الحق
والسلام عليكم ورحمة الله وبركاته
-------

عباس العبد said...

ملحوظة : كل الكلام الى جى ده شاهدة عليه بيلا لأنها كانت بترد هناك و كويس انها موجودة هنا علشات تقولى لو قلت حاجة غلط ....
المفروض انى حرد على سعادتك على كل المستويات
طبعاً مسحك للثلاث تدوينات يدل على قوة فكرية متناهية و بما ان " السفيه يشتم الباشا " و انك أعتبرتنا جهلاء و انت من العلماء , فأسمحلى أتكلم كلام جهلاء و انك مضطر تعتبرنى – غصب عنك معهلش أضغط على نفسك و أعصر لمونتين – سفيه . انا عندى صورة print screen للتدوينة و للمدونة لأنى كنت عارف انك حتشلهم , بس انا مش بتاع " بروباجندا " علشان انشر صور للتدوينات . فخد كلامى على انى سفيه و كلامى غير الناضج زى ما أنت وصفتنى :
-1-
مبدئيا انت الى فاهمنى غلط , انا ميهمنيش نظرتك للمرأة و لا فارق معايا نظرتك للمرأة و لا كتبت التدوينة هجوماً على نظرتك فى المرأة , تقول ان المرأة تمشى مالط فى الشارع , تقعد فى البيت , تتنقب , تتنطط على دماغها و لا حتى تزحف على الأرض او حتى تنادى بوأد البنات , انت حر . انا مبتكلمش على الموضوع ده , ده رأيك و انت حر فيه .
-2-
أتكلوا على الله و اغتصبوها يلا
انا اول مرة أشوف واحد يعمل تصنيف للاغتصاب و دى حاجة تدل على فكر تقدمى ثورى عالى جداً , حضرتك قلت : انك بتتمنى و بتدعو ان الى يكونوا أغتصبوها مش مسلمين , يعنى مسيحيين . يعنى انت شايف انه من الوحدة الوطنية و المحافظة على الروح المصرية ان الى يغتصب مسيحية مسيحيين و الى يغتصب مسلمة مسلمين علشان متحصلش فتنة . يعنى لو جماعة نازلة تغتصب واحدة , يوقفوها الاول و يسئلوها على البطاقة لو طلعت من نفس دينهم , يتكلوا على الله و يغتصبوها , لو من دين مختلف يرجعولها البطاقة و تعدى علشان ميحصلش مشاكل .
-3-
انت كفرتنى
انا لا اؤمن ب "الوجوبية الدينية " و اعتقد ان مفيش مسلم بيؤمن بيها . و الوجوبية الدينية بتقول ان ساعات و فى حالات معينة بيكون الأنسان ارحم من الله لأن اوامر الله " واجبة " و مفهاش أستثناءات من أى نوع , لا أستثناء و لا ضرورة و لا اى حاجة . متلمسهاش يعنى متلمسهاش , مغتصبة زى ماشية عادى .
لكن لأنى أؤمن تماماً ان الله أكيد و بلا تفكير ارحم من الأنسان , فأكيد نظرية مينفعش تمسك أيدها متطبقبش فى حالة وجود واحدة مغتصبة . و بما انك ممسكتش ايدها و رفضت على اساس خلفية دينية . ففهمنى القصة و أيه الحكم الى على اساسه اتخذت القرار ده ؟ و أعتقدت و بسهولة انى ممكن اسئل مليون شخص مسلم . يعنى من الاخر انا مينفعش اؤمن بمن تؤمن به . يعنى انتى كفرتنى . طبعاً مش حقولك عن سيدنا عمر بن الخطاب لما اوقف العمل بحد السرقة علشان حتقولى " و أنت مالك بعمر بن الخطاب" .
اكيد حد السرقة فى نظرك اقل اهمية من لمس امرأة . يا راجل ده القتال فى الأسلام به قواعد تدخل فى بند الرحمة , لا تقتل شيخاً و لا طفلاً و لا امرأة و لا تقلع زرعاً و لا تقطع شجرة .
بلاش مناخوليا بقى .
-4-
شوف المعضلة الى جاية دى
لو سعادتك قررت انك لا تساعد الفتاة لانها فتاة و مينفعش تلمسها بغض النظر عن دينها سواء مسيحية او مسلمة , فديه مش عارف اسمها أيه .... !!!
اما لو سعادتك قررت انك متساعدهاش علشان هى مسيحية فدى ......... ايوة زى ما انت فهمت .
ده تصنيفك انت , اختار , و انا مش مسئول عن راى الناس فيك .

عباس العبد said...

-5-
رياء
اما الحكاية الرياء و انك مردتش تقول الى عملته علشان تنقذ البنت و انك كلمت الاتنين العساكر الى قدام المترو , علشان دى حاجة بينك و بين ربنا و مش عايز تضيع ثوابك طبعاً فالكلام ده ميخشش ذمتى بنكلة . احنا حنهرج و لا حنستخف دمنا ؟.
الطبيعى انى اصدقك لأنى معرفكش , لكن انسى , خش ياد فى عبى خش , خش ياد فى عبى . حنهرج ؟, انت عملت ايه علشان تخبى و تدارى على أفعالك الأنسانية العظيمة ؟. كنت ممكن تقول :
قابلتها و طلبت منى المساعدة خفت لتلبسنى تهمة و لا اى مصيبة على نافوخك , فناديت العساكر الواقفين حراسة قريب و سيبتها لما لقيتهم اهتموا بيها و ده اضعف الأيمان . انما حتعملى خضرة الشريفة و الى بيخبى علشان الثواب . احنا حنهرج و لا شايفنى داقق عصافير ؟ . ثواب أيه يا أبو ثواب ؟ حتعملى دلوقتى شهيد و مظلوم و انى مفترى و بفترى عليك . لو سمحت متخشش تعلق عندى و لا تبعتلى ميل . مش طالبه وجع دماغ . ده أبسط حاجة تقولها للبنت : أتصلك بمين ييجى من اهلك يلحقك ؟ . أى حاجة تعاملها بيها كبنى ادمة
يعنى لو كانت بنت مسلمة و انا شفتها و سيبتها و عملت زى ما انت عملت , و جيت بكل بجاحة و كتبت انى لما عرفت انها مسلمة قلت يا ريت الى كانوا اغتصبوها ميبقوش مسيحيين و سيبتها و مشيت و مردتش اقول انى ساعدتها علشان الثواب , عارف كان حيتقال على ايه ؟ عارف و لا مش عارف ؟
لو أنت المسئول عن كتاب دون " تدوينات مصرية للجيب " فأعتبر انى انا ضده من دلوقتى .
-6-
لو سمحت فى حاجات مبقبلهاش و متعمليش يا عينى مظلوم .
لا تحلفنى بسيدنا عيسى و لا بأى نبى . انا مش عايز أستهبال دينى على المسا و الصباح . أيه الى جاب سيرة الدين فى الموضوع ؟ , انت مش فاهم و لا مع نفسك كده ؟ , ايه الى دخل فادى و الكنيسة و المسيحيين و الأفراح فى أنك شفت واحدة مسيحيية و لا بوذية حتى و سيبتها و مشيت و انك مش عايز يكون الى اغتصبوها مسلمين ؟ ايه الى دخل الدين فى الموضوع ؟ انت عارف احنا بنتكلم فى أيه ؟ و لا انت مش مركز معايا . احنا بنتكلم انك " استندلت " مع بنت و خلاص . مسيحية , مسلمة , بوذية , بهائية , اجنبية تؤمن بخشبة , عفريت ازرق , انا مالى بدينها . انتى عارف انت بتقول أيه و لا عايز تدخل كله فى بعضه .
مناخوليا اللعب بالدين و الحاجات دى مفهاش تهريج , قال " اناشدك بسيدنا عيسى لو بتحبه " .
طيب مبحبوش و تقعد ساكت , انت حتستخف دمك معايا و لا أيه ؟
قال أناشدك قال
-7-
أيه حكاية الجهلاء و العلماء الى انت بتتكلم عليهم دول ؟ و مين قالك ان انت من العلماء ؟ و ازاى تستشهد بأية من القرآن ؟ بتخوف الناس علشان محدش يرد عليك ؟ ايه الأسلوب ده و احنا جهلاء ماشى يا عم , أستحمل بقى انى اطلع جهلى و هبلى و سفهى عليك . مش انت الى حكمت بكده ؟.
و شعر أيه و زفت أيه ؟ شاعر يعنى مرهف الأحاسيس اخدناها كده فى المدرسة . الا ما فى دموع و لا بكى و لا أى مظهر من مظاهر التأثر , دا انت وقفت تتخيل مشهد اغتصابها , ايه العسل ده ؟
بقولك أيه ؟ بما أنك شاعر عظيم , فياريت تكتب لنا قصيدة توصف لنا فيها اهمية ان الى يغتصب مسيحية يكون مسيحى و الى يغتصب مسلمة يكون مسلم , قصيدة تكون على ذوقك, حاجة شقط كده . ماشى يا عم المزاج يا صاحب المزاج .
-8-
مرة تكلم فى الدين و مرة تقول لأ مش بتكلم فى الدين , مرة قصدك التعاطف و مرة قصدك تنظير للمرأة , مرة كوكو كوكو و مرة تربتاتى , أمشى و سيبنى , و كله فى الأمان يا لالالى .
الله يخرب بيت جوجل على بيت البلوج سبوت على بيت الميل على بيت التدوين يا شيخ . الله يخرب بيتى أنا علشان قريت تدوينتك .
-9-
انت أيه نظامك فى نافوخك ؟ الجزء الى فوق ده شغال و لا أيه ؟ هم مين دول يا كابتن الى بيقلبوا الحقايق . و بعد ما سعادتك شيلت التدوينات التلاتة , كاتب بتقول مسيحيين و مسلميين ينتهزوا الفرص و يبدلوا الحقائق ليثيروا الفتن . مسيحيين و مسلمين ايه ؟. انت بتروش علينا ؟ فتن أيه يا ابو فتن , انت حتعمل مجنون و لا شهيد ؟ ما تكلم عدل . يا أبنى أنت هزئت الرجالة كلهم ,
انت عارف انت أيه ؟ انت واحد " أستندل " مع بنت , انت " ندل " و عايز تقنعنا انك " ندل " بامر ألهى و انك مظلوم و متغصب و انه لولا ربنا و كلام ربنا كنت ساعدتها و انك يا عينى كنت حونين و قلبك روهيف و طيوب جداً لدرجة انك اتاثرت بس طبعاً و لانك مؤمن بالله و باوامره فمنفعش تمسك ايدها . يعنى من الاخر عايز تقولنا دى غلطة ربنا . صح و لا انا غلطان , انت حتهبل معانا ؟ و انت بتكلم مجانين و لا أيه ؟ .
" ندل " برخصة الهية ... ظريف جداً الموضوع ده . و يا ترى الرخصة ملاكى و لا أجرة ؟

Bella said...

صراحة مش عارفة اقول ايه

اولا لما الاخ صاحب الموضوع اياه بيعرف يرد لماذا لم يتنازل ويتواضع ويرد على العامة والدهماء امثالنا ويوضح لهم وجهة نظره وخصوصا ان الكلام اللى كان مكتوب مفهوم لاي حد بيفهم لغة عربية ولم يكن فيه لبس او غموض وبناء عليه تم الرد على الكلام المكتوب
ومش مطلوب من اي حد بيقرا كلام مكتوب انه يبحث وراء نية اللى كاتبه ويستشعر اذا كان بيقصد بكلامه ينافق ويكون مراءي ولا انسان سلبي

اول مرة اصلا اعرف انك طلبت من البوليس يساعدها

طيب لما هي الحكاية كده ماافحمتش الظلمة المفتريين اللى اتكلموا عن سلبيتك ليه

وبعدين انا بداية ردي عليك كانت عن عمل المرأة وفيه ناس تانية ردت عليك وانت لم تكلف نفسك عناء الرد بل دخلت وكتبت تحديث للموضوع نفسه وقلت ان اللى بيعلقوا ماقروش اللى انت كاتبه والمدونة ادبية وشوية كلام كتير كده وختمته بأن الردود بتثبت وجهة نظرك في المجتمع وانك فاهم الناس صح وان لو ناقشك الف مااعرفش ايه فكلامهم مردود عليه

وفي الآخر اتهمتنا كلنا بالجبن وقلت فلا نامت أعين الجبناء

وانا عندي الميل اللى فيه ردودي وردود اللى ردوا عليك كلهم لاني كنت مسجلة التدوينة لمتابعة الردود

واستغربت جدا من انك مسحت كل التعليقات ترفعا منك للرد على الدهماء والغوغاء اللى ردوا عليك

هي دي اصول النقاش

ثم ان رامز اصلا لم يشتمك وماقالش في حقك اي كلمة

ولا اي حد من اللى ردوا عندك

انا مستغربة قوي من منطقك الغريب ده في النقاش

ثم بدل ماتعلموا الرجالة سلوكيات محترمة لركوب المواصلات مطلوب من الستات تتحبس في البيوت وتموت من الجوع علشان الرجالة فيه منهم مرضى نفسيين ومعدومي نخوة وضمير وممكن يتحرشوا بيهم في المواصلات

ايه المنطق الاعوج ده

نفس منطق السعوديين في منع قيادة المرأة للسيارة حتى لاتفتن الرجال

بدلا من تربية الرجال ومنعهم من التحرش بالنساء تتسجن النساء

حاجة تقرف بجد

لو عايزين الميل اللى فيه الردود ممكن اجيبهولكم

بس عرفوني ابعته لكم ازاي

تحياتي

Unknown said...

:نسرين بسيونى
ربنا يسامحك يا شيخة..بقى أنا باقول انك صاحبتى تقومى نعملى فيا كده؟ تنشرى ليه زبالة الحيوان ده بعد ما مسحها؟ ده من لطف ربنا بينا انه مسحها.....بس ياللا معلش....قصدك شريف برضه
..............................
لفت نظرى 5 حاجات مهمة

أولا : الجدع ده عرف منين ان البنت مسيحية أساسا؟ ماهو مش ممكن يكون مجنون قوى لدرجة انه يعتبر الغير محجبة مسيحية زى ما بنت القمر قالت

ثانيا : انه يتمنى اللى اغتصبوا البنت يكونوا مسيحيين..يانهار أسود؟ طب ولو مسلمة كان حايتمنى ان اللى اغتصبوها مسلمين برضه؟ طب سنة ولا شيعة؟ ولو البنت ملحدة يبقى مين بقى يغتصبها؟ لازم تحدد عشان الطوابير واقفة..ندخل الطابور اليمين ولا الشمال؟
ومن هنا يا اخوانى تظهر فايدة عظيمة لوجود خانة الديانة فى البطاقة الشخصية وهى تحديد نوع المغتصب...وعلى السادة المقيمين خارجها مراعاة فروق الأديان

ثالثا : ان الجدع ياولداه مامسكش ايدها عشان حرام ( كنتى سيبيه يمسكها يافوزية)..بس وقف بعيد يبص على بنطلونها وبلوزتها ويتخيل مشهد اغتصابها..والله أعلم هل وصل الى الذروة أم لا..بس حرام نطلب منه يساعدها بعد كده لأنه أكيد جرى ع البيت يدور على حاجة تساعده وبعدها استحمى وصلى -الهى يصلوا عليه قريب- يبقى ليه بقى نفترى ع الراجل؟

رابعا : الأخ بيعتبر فى ايميله لرامز انه عمل خير يستحق الستر عليه و المواربة بأنه نده عسكرى ومشى..بينما فات عليه انه شرح لنا الخير الأكبر اللى عمله لما ساب البنت معرضة للموت ووقف يستمنى على منظرها....ضيعت ثوابك يا شيخ

أخيرا : مين فى الدنيا يخللى مجنون زى ده مسئول عن كتاب أو عن أى شىء فى الدنيا..ده فاقد لكل قوى البنى أدم العقلية والنفسية أساسا

...........................

: رامز

ردك عليه فى الجون..ولو انه مايستاهلش....وعجبنى قوى تعبيرك ندل برخصة...ولو انه مايستاهلوش...لأن اللى زى ده كلب بدون رخصة

Pink Unicorn said...

يا جماعة المخلوق ده مسئول عن تجمع كبير للمدونين
اعتقد انه لازم يتكشف قدامهم على حقيقته

ياريت تنضموا لينا على الجروب اللى عامله على الفيس بوك باسم مدونات مصرية للجيب وتساعدونا ان الناس هناك تفهم الشئ ده صح

ده لينك التوبيك اللى بنناقش فيه البوست اياه

http://www.facebook.com/topic.php?uid=13820826455&topic=4462

وشكرا ليكم كلكم و بالذات ليك يا رامز

رحاب احمد

مُزمُز said...

أححححة
يعني وانا بقرا تدوينتك بجد أعصابي اتنسفت
مش ممكن فعلا
أحة هنا لا تفيد في شئ
مش ممكن بجد
يا رب أموت حالا أحسن

وبعدين وأنا بقرأ تدوينة ابن الوسخة ده
لقيته بيتكلم بهدوء ابن ميتين كلب
أحة
وبينط من القصة بتاعت البنت
لشوية استطرادات فلسفية بروح أمه
كإنه بيحكي عن فرخة
أحة
وبعدين يرجع يحكي التفاصيل المفجعة
والدم والألم كأنه بيقرا رواية
أحة
ويقوللك يا رب ميكونوش مسلمين
أحححححححححة
أحة
أحة
وبعدين في رد سيادة جناب عظمة وساخته
بيتكلم عن المسلمين والمسيحيين
أحة
العرص بيحصر الموضوع في إنه مكانش بيميزها عشان مسيحية لا ده بيأكد مبدأه مرة تانية انه هيعمل كده مع كل البنات اللي في وضع زي ده
أحة
أحة
ده يا جدعان مش فاهم انتوا بتكلموا ف ايه
ده بيفكر في وادي تاني
أحة
ده صفاته الإنسانية كلها اضمحلت وتلاشت
لدرجة انه مش مقدر خطورة كلام كسمه
أحة
ده دماغه عليها صديد
أحة
وهو انت كده هزقته يا رامز؟
كده شتمته؟
انت شايف ان هو كده اتهان
أحة
فينك يا إبليس تطلع دين أمه
أحة

Hypatia said...

about a second ago
اعتقد خلاص مفيش مجال لأى مناقشه من اى نوع كل تبريرات اللى كتب البوست سواء اللى قالها فى مدونته او اللى بعتها لبعض الاصدقاء على الاميل تبريرات من نوع فقع المراره بيفقع مرارتنا حضرته وفاكرنا داقين عصافير او لسه عيال صغيرين وحذفه للبوستات وردوده وكل حاجه بتدل قد ايه هو شخص مريض
اعتقد ان اللى يشرف على مشروع زى مشروع دون المفروض يكون انسان متفتح عقلا وروحا وجرئ ويقدر يستوعب ويناقش اى حد فى اى موضوع يكون انسان روحه نضيفه يقدر يحترم كل الاراء ويفهم كل الاتجاهات وكل الناس الشاعر اثبت ان عكس كل ده هو حتى محصلش اى سلفي متعفن متشدد بيحتقر اللى حواليه وكل اللى يخالفوه ويطالب الناس بكلمه آمين على طول الخط الشاعر المزعوم اللى مش بينشر فى مدونته غير تعليقات من نوع هايل وممتاز وفظيع ورهيب ومشوفتش زيك يا فنان الشاعر المزعوم بيحتقر النساء وبيعلن بكل فخر انه لن يتزوج الا من منقبه لم يمسسها بشر فى اشاره فجه الى ان غير المنقبه اللى بتخرج للعمل او غيره ما هى الا مجرد مومس مستباحه يجب ان تترك كرامتها وخصوصيتها فى المنزل قبل الخروج للعمل ويجب-والكلام مقتبس منه-ان تعاني بروده مضجعها والعنوسه لانها بخروجها وعملها وعدم ارتدائها النقاب لن تحظي بشرف ان تكون من حريم جلاالته ولا تستحق ان تكون زوجه لاى كان لذلك واستنتاجا واضح لكلامه انها لازم تبوس ايديها وش وضهر ان في حد حيقبل يغتصبها فى الاخر بس اهم شئ حتى لا يغضب الشاعر المزعوم او تثور بداخله النخوه والرجوله ان يكون المغتصب من نفس دين المغتصبه فلا يتجرأ مسلم على اغتصاب مسيحيه او العكس لازم العمليه تبقي فى بيتها وبلاش عك ونحط ابو قرش مع ابو قرشين
قرفاااااااااااااااااااانه بسببه ومكتئبه منه لله
________________________

ده ردي على التوبيك اللى فى الجروب بتاع الباشا

والله العظيم عندي اكتئاب

Hypatia said...

رامز

ربنا معاك اليومين الجايين وترجع بالسلامه وربنا يوفقك يارب

ردودك فى الجون كالعاده وكالعاده برضه عندك ذوق وصبر وبتنقي الفاظك

____________

محمد m5m

انا اسفه يا محمد والله بس حركه حذفه للبوست حتديه مجال لانه يستعبط ويستهبل ويقول كلام مقالهوش وينفي كلام قاله وأديك شايف فى اميلاته للصارم او لرامز بيستهبل ويستعبط ازاى وفاكرنا عيال صغيره حناكل من العبط اللى هو عمال يغرفلنا منه ده

والنبي يا محمد روح شوف بعد ما عمل موديريشن بينشر اى نوع من التعليقات عنده

ضحكتني وانا ماليش نفس

طب سنة ولا شيعة؟ ولو البنت ملحدة يبقى مين بقى يغتصبها؟ لازم تحدد عشان الطوابير واقفة..ندخل الطابور اليمين ولا الشمال؟
ومن هنا يا اخوانى تظهر فايدة عظيمة لوجود خانة الديانة فى البطاقة الشخصية وهى تحديد نوع المغتصب...وعلى السادة المقيمين خارجها مراعاة فروق الأديان""

بالزمه ده سؤال يا محمد البنت الملحده يغتصبها ملحد طبعا ايه الاسئله الساذجه ديه انت شكلك معندكش ثقافه الاغتصاب

____________
مزمز

يسلم فمك

بنت القمر said...

احمد مهني
اذا حضرت هنا
واكيد انت حاضر
شوف يا استاذ انا من تلات ايام اهو بفكر في الحكايه دي
وحاجه من تلاته
يا اما انت كذاب مع احترامي وعدم قصد الاهانه
وانت مجرد عاوز توصل فكرة جواك عن عمل الست ونظرتك ليها
وعقدك تجاهها
)))))))))))))))
يا اما الموضوع ده حصل فعلا2_
وانا مش هقول عليك ندل
عارف ليه لان الندل بيداري
اللي بيعمل غلط بيداري عليه ويقاوح وينكر ويقول مش انا
لكن انت طلعت بكل قدارة تقول انا عمات كده وسبت البت في الشارع
******************
يا اما انت شخص سيكوباتي مريض وده حصل فعلا وانت مش مكسوف من عملتك
وانت كنت بتتشفي في البت دي من اي واحده تانيه في حياتك وفرغت فيها عقدك تجاه كل الستات
انا مكش عاوزة اظلمك لكن انا اميل الي التالت
****************
احمد
بص انت بتقول البت كانت جايه من شم النسيم بتتفسح يعني حتي مكنتش بتشتغل
طب افرض البنت دي لو سلمنا ان عمل الست بهدله ومرمطه البت دي بتتفسح
انت عاوز تسجنها
طيب واحده اتخرجت وحظ امها الاسود انها متخطبتش _وقعدت في البيت
}و لحد التلاتين وبقت عانس {علي توصيفك ومضجعها بارد تعمل ايه في روحها
متخرجش ما تتهواش تموت
عشان رفضت واستجرت ترفض عروض جواز هزيله
ولو اني فوق التلاتين يا ابني ولكن صاحباتي كتير قدي وانسات يروحوا ينتحروا يعني عشان نصيبهم مجاش
طب سيبك من البنات اللي بتغالي والكلام ده كله عشان دول يستاهلو الحرق
طب لو هي مجوززززززة
وحصل لها كده يبقا ايه واهي ها تكون وافقت علي واحد واجوزت وما بتشتغلش
لاحظ انك بتلتمس للولاد عذر لانهم مش عارفين يجوزا
وبتحملها زنب انها بتتواجد في الشارع
مش الحل ان الست تتخفي وتتوؤد يا ابني الرسول قال ومن لم يستطع منكم الباءه فليصم
يعني اللي مش قادر ومش عارف يجووز يصوم
عشان يتحكم في شهوته ويروضها
نرجع تاني لو مجوزة
وحصل لها كده وبيحصل
انت تعرف مقدار الالم والاهانه هايكون ايه؟؟
؟؟عارف العذاب ولا لأ
ومش معني ان واحده احلت نفسها لواحد وبقت{عارفه} انها مفيش عندها او سهل عليها ان اربعه غيره يمضغوها ويتفوها
بل بالعكس ولانها عارف
بتكون اشد ذعرا وخوفا وخجلا
من اللي {مش عارفه}واسألهم كده عندكوفي البيت
يقولولك
تبقي برضه غلطانه انها بتخرج؟؟
شوف انا مش عاوزاك ترد ولا تقول البق بتاع الفتنه وبطفي الفتنه
بجد انا ها انصحك نصيحه
لازم
لازم
لازم
قبل ما تجوز تروح لطبيب نفسي
وده مش عيب اعتبرني اختك في الانسانيه وبتنصحك
انت يا ابني عندك مشاكل كتير وهلاوس وهواجس
واختلاط رؤي... وسيكوباتيه
عارف ايه يعني السيكوباتيه\
انك ترتكب جريمه عدوانيه وتبررها لنفسك بدون ضميرك ما ينقح عليك ترتكبها بكل برود
وهدوء وانت اللي عملته جريمه ادعوك ان تستغفر الله منها كثيرا
وتبكي بدل الدموع دم
وخلي بالك لاعملك يقعد لك
ادعي ربنا انه ده مل يحصلش مع اختك او امك او مرات اخوك اوي اي ست من قاريبك ممكن تكون في الشارع دلوقت وتستنجد ميسمعش ندها حد!!!!يا رب

Desert cat said...

انا طول عمرى مقتنعة بحاجه واحدة بس
ان اللى يعاكس بنت او يتحرش بيها او يغتصبها ربنا يبتليه باعز الناس عنده علشان يجرب الشعور والاحساس بيكون ازاى
انما اللى يشوف واحدة فى منظر زى ده ويمشى بحجه انه ميصحش يمسك ايديها
اعتقد ان ده مش بنى ادم
دى الحيوانات بتحمى بعضها
وبتساعد بعضها
انما شخص اتنزعت من قلبه الرحمة
مش لاقيه له اى مسمى
وعقبال ما يجرب احساسها فى الوقت ده ومحدض ينقذه
اه ما هو دلوقتى الاغتصاب بقى للرجالة برضه
فى رجالة خولات بيغتصبوا بعض

أبو عمر - الصارم الحاسم said...

هأزود على كلام بنت القمر حاجة

ان فعلا احيانا الانسان من المفاجأة يتجمد .....يتشل....يفكر تفكير غير سليم


ممكن المؤمن يبقى جبان....غبي....مخطئ


بتحصل

لكن كونه يصر على الخطأ......وانه صح...وانه بيفهم عن الباقين....والباقي فسقة وكفرة وظلمة لا يستحقون لا سماع لهم - اللي هو احنا - ولا شفقة ولا رحمة - اللي هما البنات

ده يبقى مريض نفسي حقيقي


ادعي كده زي ما قالت لك بنت القمر


لعل الله يغفر لك الخطا والاصرار عليه

كون ان المرأة بتتبهدل حاليا او بتبهدل نفسها وراء سراب...ده فعلا بيحصل حاليا وبنسبة لا تقل عن 50 في المائة

لكن ليس كلهن...فيه مضطرات...وفيه من يجرين وراء سراب ووهم وضلال ايضا


في ظروف تانية كان ممكن نناقش الكلام بتاعك...بتاع بهدلة المرأة

اما اللي انت عملته والأكادة اصرارك عليه


فده حاجة تقعد كده وتستغفر ربنا وتطلب منه الهداية

Fantasia said...

قمة العبثية أن يبرر المجرم جريمته

ولكن يفوق عليها إصراره أن الجريمة ليست بجريمة, وأن المتعاطف مع الضحية هو المجرم

أما أن يدعي أن هذه هي إرادة الله, فهذا هو تعريف الجنون

Anonymous said...

أنا مذهول تماما ..و ليتني لم أقرأ..
مع أنه لدي ثقة كبيرة أن هذا الشاب لم ير شيئا ..إنما أراد أن يجرّب طريقا للبطولة الدينية لا أكثر ..خصوصا أنه افتتح مدخلاً جانبيا لعبور البطولة إلى عقول السذّج بإشارته أن الفتاة ( مسيحية ) ..ونسي أن يقول كيف علم أنها مسيحية ..طبعا بمقدوره الان أن يقول أنها كانت لابسة صليب في رقبتها لكن هو في الحقيقة أشار إلى انها مسيحية كي تكتمل الرواية و تأخذ البعد الذي رسمه في خياله ....الشاب اعتمد أغبى طريقة ممكن أن يتخيلها عاقل .
في إيصال فكرة تديّنه و فهمه للدين .
و لأني أشك أن الأمر كله من وحي خياله ..إلا أني مذهول من الفكرة ..
بشكل جعلني و بكل صراحة لا استطيع إكمال نصّه الذي نقلته الزميلة الكريمة هنا في التعليقات .
لقد عجزت عن ذلك بصراحة .
الكارثة أن فكرته هذه التي ترتجف لها العظام هي فكرة معمول بها عند البعض كما أشار الأخ مالك صاحب أول تعليق فالحادثة التي أشار إليها صحيحة مائة بالمئة و معروفة و ضجّت بها الدنيا .
ـ لا أستطيع تخيّل الطريقة التي يفكر بها هذا الشاب و أمثاله ..أنا مشفق علينا جميعا لأنه لازال بيننا أناس مثل هؤلاء في القرن الواحد و العشرين ..لا يمكن لأمة على وجه الأرض أن تتقدم خطوة للأمام و لا زال فيها عقول كثيرة كهذه ..و الكارثة أنه يدوّن أيضا ..و يجد طريقة لإيصال أفكاره ..من واجب كل صاحب عقل و ضمير ..الوقوف في وجه هؤلاء ..لأن هذه الشعوب إن أرادت الخير لنفسها ..يجب أن تعامل هؤلاء كما تتعامل مع المحتل ..لأن خطر هؤلاء يوازي أو يزيد عن حطر المحتل ..لأنهم الدودة التي تنخر من الداخل و تمنع أي فرصة للنمو و النهوض .
هذا الشاب أساء لدينه الحنيف جدا جدا من حيث لم يكن يدري ربما..لكن ..إن كنت لا تدري فتلك مصيبة ..و إن كنت تدري فالمصيبة أعظم
ـ رفعت ضغطي عالصبح
وحاولت قدر الامكان أكتب بهدوء

جو غانم

أبوفارس said...

أيه ياباشمهندس..؟؟ أيه الدوشه اللى أنت عاملها دى..؟؟واﻷصدقاء اللى أنصدموا وأنذهلوا مما حدث..؟؟أنتوا بتتكلموا جد..فعلا أنذهلتم وبجد أنصدمتم..ليه مش عايشين معانا ف الدنيا ولا مابتسمعوش أخبار..؟؟ فنتازيا ماسمعتيش بيحصل أيه للنساء ف العراق..ألم تسمعى عن فرق الموت التى تذبح النساء ف البصره ﻷنهن عاهرات..وكل تهمتهم أنهن يخرجن للعمل ﻷطعام أطفالهن بعد موت أزواجهم..بلاش ماسمعتوش أشاوس اﻷسلامو-دموين عملوا أيه فى تلميذات المدارس ف الجزائر ؟؟؟مش كانوا بيدبحوهم دبحا من الوريد الى الوريد..مش عملوها ف جنوب الفلبين..هوووووه أصحوا..مالك قالكم فى أول تعليق عن المطوعين ومافعلوه ف مكه حين منعوا البنات من الخروج وتركوهم يحترقوا داخل المدرسه...صح النوم يابشر...بلاش ماسمعتوش عن فتوى التمترس..أسألوا عمرو عزت صاحب مدونه مابدالى..يفيدكم أكتر منى..وهى ببساطه فتوى تتيح ﻷشاوس المقاومه اﻷسلاميه قتل المدنين فى جهادهم..يعنى لوعاوز يقتل أمريكانى ف سوق مليان بشر ونساء وأطفال حلال بلال ولامناحه ولاأثم على المقاوم البطل قتل ١٠-١٢ من المدنين بتفجير نفسه أو سياره مفخخه وسطهم..والله سألت أحد القائلين بذلك طب ياعم واﻷطفال..قاللى دول شهداء..بقينا نستشهد غصب عن اللى خلفونا..طب لو شيعه قاللى ﻷ دول رافضه حلال فيهم القتل..فاكر ياباشمهندس التى شرت اللى كان بيلبسها المارينز ف فيتنام
Kill'em all and let GOD sort 'em
هو ده شعار المرحله...روق كده وأشرب سطل خروب الدنيا حر...تحياتى وصادق مودتى...خالد

ReceptiveGuy said...

انا عارف بالموضوع ده من قريب جدا
بس انا معترض على حاجه بسيطة جدا
انا مؤمن بالحريه لحدود ما تتصوروهاش وبالتالي شايف انه حر
يعمل اللي هوه عاوزه ويقتنع باللي هوه عاوزه ويدافع عن اللي هوه عاوزه
ده مش جديد تقريبا كلنا متفقين على ده
لكن اخيرا هوه حر برضه في مرجعيته وطريقة تفكيره
ما حدش نصب حد ملك الحساب ولا قاضي المشاعر الانسانيه ولا شيخ الحاره عشان تقولوا هوه غلطان ولا لا
انا مش متابع كل الحوارات في الموضوع ده
بس مش قادر اقف في صفه ولا اقف ضده
مش بس من منظور وانا مالي
بس انا مش عارف ان كنت مؤهل اصلا اني احكم على حد بطريقة ممكن تخليه يبقى منبؤذ من مجتمع مترامي الاطراف زي المدونات
احترامي

^ H@fSS@^ said...

الاخ ريسبيكتف
حرية ايه اللي انت بتتكلم عليهاهو مساعدة المحتاج فيها حرية شخصيةو لا هي اصلا ضرورة اخلاقية انسانية بحتة ؟؟
انت مرجعيتك ايه بالظبط؟؟ الشيطان و لا مين بالظبط؟؟ ده حتى الشيطان لو كان عدى ولقاها كده كان ساعدها
انت بتتكلم من انهي منطق؟؟ هو كل واحد لازم يخش يعملي فيها بتاع حرية و احنا يعني اللي بنحجر عليها
لا بقى
احيييه
حرية مين
شئ لله يا حرية
الشخص اياه
ده داعر و قحبة و يستحق اللقب عن جدير الاستحقاق
و هو لو كانت نيته سليمة واحنا اللي اساءنا فهمه كان راح نشر تعليقي او رد على حد و مكنش مسح التدوينة
حريات؟؟
حريات مين يا فندم
فوق بقى والنبي
شلتولي اعضائي
قال حرية قال
عيب
عييييييييييييييييييييييييييييييب
عيييييييييييييييييييييييييييب
اللي انت بتقوله ده عهر اخلاقي
انه يلاقي واحد مغتصبة و ميساعدهاش
عييييييييب عليك انك انت تبررله موقفه و تقلي انه ده من منطلق الحرية الشخصية
و يا ترى حضرتك لو كنت مغتصب و عرضك منتهك برضو و مش لاقي حد يساعدك و عدى شخص داعر زي ده و رفض يساعدك لاي سببب
كنت حتقولي معلش حريته الشخصية؟؟
ولا حتقولي المسامح كريم و لا حتعمل ايه يعني؟؟
حرية مين الشخصية سيادتك
والله انا خايفة تقلي ان اغتصاب البنت من قبل اللي اعتدوا عليها كان يعتبر من باب الحرية الشخصية
خلاص ما هي ظاتت بقى و مبقاش لها اي معنى
و بكرة حروح ادي بكوسات للناس و اديها مسمى الحرية الشخصية

احييييييييييييييييييييييييييييه
احيييييييييييييييييييييييييييييييه
حد يشخر بالاسكندراني يا ناس


عباس
امسح تعليقي زي ما نت عاوز بس لاني مستحملتش مردش على مفهوم الحرية الجديد و ابقى لطشني بعدين

ReceptiveGuy said...

انا مش قصدي حاجه وما قلتش اني بدافع عنه
بس انتوا واخدين الموضوع
too personal
انا ما اعرفوش
ولو اعرف حد من المدونين بحكم متابعتي الصامته فمعرفش حد غير من قراءاتي له
don't judge
u jus don't know
او بقى لو انتي عارفه فانتي حره انتي كمان انك تحكمي وتقولي رايك وتعلقي
بس تجريح شخصي كده الموضوع هيتحول لصراع اشخاص مش صراع اراء
وهيفقد اي موضوعيه
من حقك ان تدخن ومن حقي ان استنشق هواءا نقيا
من حقك انك تعلقي وتشجبي وتستنكري ومن حقه انه ما يتهنش
لاي سبب

أبو عمر - الصارم الحاسم said...

فيه اكتر من معلق دخلوا وقالوا عن حادثة في السيعودية ترك فيها المطوعين البنات يحترقن في مدرسة ما

ياريت اي حد مش ضروري هم يوثق الموضوع ويجيب روابطه لان ده كلام مرسل ويتعارض مع فكر المطوعة اساسا..وشكله كده كلام عنعنات





الاستاذ المحترم


ولا احنا نعرفه واغلبنا اول مرة يتعرف على سيادته والحمد لله


المشكلة بس مش في تصرفه

الأنكى هو اصراره عليه واستعلاؤه على الآخرين في نصحهم له

ربنا يهديك ويهدي كل حر زي سعادتك ..ويهديه هو كمان

ReceptiveGuy said...

يا افندم انا ممكن انصحك انك تبطل تدوين لاي سبب وممكن انصحك تبطل تدخين
بس مش من حقي ابدا احجر عليك واقولك ان رايي هوه الصح وما فيش غيره ولو ما سمعتش نصيحتي تبقى كااااااااااااااااافر
انا حمدت ربنا اني جيت في الاخر وهقول تعليق وامشي
انا مش بجادل مش بدافع عنه
تعليقي بس على بعض التخطيات
انت تنصحه وبس
والله اقتنع ما اقتنعش
انت عملت اللي عليك
زي ما قلت انتوا واخدين الموضوع too personal
هوه لما ما ردش عليكوا زعلتوا
لما رد عيكوا زعلتوا
لما ساب التدوينة زعلتوا
لما مسحها زعلتوا
في اي منتدى اللي بيحصل الموضوع بيغلق او بيتقفل خلاص كله بينسى وبيشوف اموره
لكن لا
ازاي
هوه احنا في منتدى
لازم نفضحه ونجرسه ونقوله انت غلط واحنا بس الصح ونشتمه ونسبه ونلعته ونجرح فيه
انا ما اعرفش قضائيا هتوصل لكده ولا لا
بس بيتهيا لي هوه قانونا كده ممكن يرفع عليكوا قضية سب وقذف
وبالتالي يبقى انت حطيت نفسك في موضع انت مش اهله
مش عليكم كلكم بعضكم تطاول بالفعل
ما علينا
انا افتكرت دلوقتي انا ليه كنت بحب اقرا المدونات من غير تعليق
احترامي

أبو عمر - الصارم الحاسم said...

لأ هو واضح ان انت وهو وجهان لعملة واحدة


اصرا واستكبار على الخطأ ومش عارف حجم المصيبة اللي بتتكلم عليها

يا بني آدم

يا بنيييييييييييييييي آآآآآآآآآآآآآآدم

فيه حدود للنيلة اللي معششة في نافوخكم واسمها حرية


اما واح يحط في مدونة وعارف انها بتتقري من اي شخص كلام زي كده ويرى انها الحقيقة المطلقة مع مصيبة زي دي

يبقى مرييييييييييض نفسي

واما ما يسمعش....يبقى مجنون

وطبيعي ان المجنووووون مش عايز يتعالج


حرية ايه وهباااااااااب ايه

Samir Saad said...

انظر إلى ما يحدث حولي واجدني أرى المسافة الفاصلة بين التدين والتدني أقصر بكثير من مجرد إبدال حرفين

تحياتي

ReceptiveGuy said...

عارف
انا بضيع وقتي وبقل من قمتي لما برد عليك
لانك بتخبط من غير ما اوجهلك كلمه
بالاضافة انك مش بترد على كلامي ولا وجهة نظري
انت بتعمل بروباجاندا
كمان يا محترم هوه ما جابش سيرة الحرية انا بتكلم من منطلق تاني خالص
انا بقول هوه حر ينشر اللي ينشره وانت تنشر اللي تنشره
ما تقدرش تحجر عليه
بس هتغلط يبقى اسمك غلطت
فيه حاجات متفق عليها انها غلط
زي الرسوم الكاريكتير اللي رسموها بتوع الدنمارك
انت لما تغلط فيه يبقى انت اسمك غلطت
لكن هوه لما يعبر عن وجهة نظره في مسالة مختلف عليها يبقى ما غلطش
وايوة بكررها المسالة مختلف عليها
ما تقدرش بعد كل المجادلات ديه والكلام ده تقولي انها متفق عليها 100%
ده انتوا بقولكوا اسبوعين ما بتعملوش غير انكوا تشتموه ويا قاسي ويا قليل الاحساس
don't judge
الفاضي بيعمل قاضي
بالمناسبة الحرية ديه هي اللي مخلياني بكلمك دلوقتي واللي هستخدمها وابطل ارد عليك لان ردودك بتتجاوز معايا حدود الحوار المتحضر

أبو عمر - الصارم الحاسم said...

فاضي ايه وهباب ايه ولا قيمة ايه يا عم....كل الناس قالت لك هنا ان حتى "البهائم" ما بتفكرش زي ما انتم بتفكروا


انتوا لو عندكم ذرة احساس مش هتتكلموا كده لا انت ولا هو

سبنالكم التحضر...ياخي يخرب بيت ام التحضر وام الحرية اللي بالمنظر ده


لو بتشوف وبتعرف تقرا كنت لقيت ان فيه ناس حاولت تكلمه بالراحة وتفهمه غلطه ومع ذلك زيك تمام بيتكلم من منطق استعلائي وهو مش فاهم اي حاجة في اي حاجة



وايه اللي مش متفق عليها
؟؟؟؟؟؟؟

مفيش الا الشواذ ... حضرتك وحضرته بس في كل اللي اتكلموا هما اللي خالفوا الناس


ولعلمك لو ما كنتش عارف معظم اللي ردوا هنا مختلفين تماما في الاتجاهات الفكرية بل وقد تكون بين بعضهم خناقات شديدة ...لكن ما فيش بني آدم سوي عنده مخ اداه له ربنا الا وانتقد فعله


قلنا ان كل بني آدم نيلة ممكن يغلط....وممكن يتصدم وممكن يجبن حتى ...ويمكن هو حر يقول اللي هو عايزه


لكن اما يبرره ويشوف انه صح ويرفض انه يتناقش بـ "تحضر" مع الناس ويفهم غلطه زي اي بني آدم سوي يبقى يا مجنون يا اقل من البهائم


ربنا يخللي لك الحرية وتتربى في عزك ان شاء الله

ReceptiveGuy said...

انا مستعد اكمل النقاش بس باحترام
ومش هرد عليك

أبو عمر - الصارم الحاسم said...

انشالله عنك وانت فاكر اني باجري وراك على مناقشة

انتوا مش فاهمين ومش عايزين تفهموا انكم اساسا اما بتتكلموا كده يبقوا انتو شخصيات غير محترمة وغير سوية من الاساس

Anonymous said...

يخرب بيوتكوا ميت مرة يا سى جاى انت و الشاعر بتاعك

حتى الأنسان الشديد التدين كفرتوا سيئاته

عييييييييييييييييييب

نيفين

ReceptiveGuy said...

لا تجادل بليغاً ولا سفيهاً .. فالبليغ يغلبك والسفيه يؤذي

أبو عمر - الصارم الحاسم said...

والأحمق مستحيل ان يفهم

ReceptiveGuy said...

لو كنت تعلم ما اقول عذرتنى *****
أو كنت تعلم ما تقول عذلتك
لكن جهلت مقالتى فعذلتنى *****
وعلمت انك جاهل فعذرتك

Hypatia said...

الله يا ينور عليك يا صارم
اول مره تعجبني صرامتك
:)

Fantasia said...

المكان: مكة, المملكة العربية السعودية

الزمان: الاثنين, الموافق 11 مارس عام
2002

الكارثة الانسانية: احتراق 15 تلميذة في المرحلة الاعدادية وهن أحياء بسبب منع المطوعين لهن من مغادرة المبنى المشتعل ومنع قوات الانقاذ ورجال الاطفاء من الدخول لانتشالهم

المصادر:
جميع وكالات الأخبار العالمية والسعودية

جميع هيئات الدفاع عن حقوق الانسان

جميع منظمات الاغاثة الدولية

شهادة شهود الواقعة والعاملين بالمدرسة ورجال الاطفاء والمطوعين انفسهم

الخبر على موسوعة ويكيبيديا
http://en.wikipedia.org/wiki/March_11,_2002_Mecca_girl's_schools_fire

الخبر على وكالة انباء البي بي سي
http://news.bbc.co.uk/1/hi/world/middle_east/1874471.stm

ادانة الهيومن رايتس واتش للمأساة
http://hrw.org/english/docs/2002/03/15/saudia3801.htm

Fantasia said...

العزيز أبو فارس

لي الحق أن أصدم وأن أشفق على مصر من السقوط في هذا المصير الاسود

دا رجالة مصر كانوا مشهورين قال إيه بالشهامة والجدعنة والوقوف مع أهلهم في الشدايد واللهفة على بعض.. طب بعد ما تروح النخوة كمان, هيفضلنا إيه؟

ابو احمد said...

كنت داخل انام وبعدين دخلت عندك
من عند ابننا زكريا
ودخلت على المدونه المذكوره فلم اجد المدونه بعد كده قريت التعليقات فلقيت المدونه
معلش ليا تعليق صغير
اد ايه الخوف والجهل والجهل فى الحاله دى اكبر بيسلب من الانسان انسانيته
مهما كان دينه الين يأتى بعد ان تتصف بالانسانيه
لان مفيش حيوان متدين الاول تبقى انسان وبعدين تبقى متدين او ملحد الس البدايه انك تنتسب للانسان
ياريت كل الناس تأكد على المعنى ده
هتعرف قد ايه الفعل كان سافل وحقير لأنه مش انسانى
فلبدأ من حيث الانسان المبدأ
ونعو الى الانسان لنبدأ
اول مره ادخل عندك تحياتى

بنت القمر said...

tooooooo personal
!!!!
يا ريت كل علامات التعجب اللي في العالم تكفي
*****************
الصارم
متجادلش عشان هو حر
وانت حر
واحنا احرار
ومهني حر
والمغتصبين احرار
انت ليه مش بتفهم يا صارم
كل واحد حر
ها تشتم ها يشتم
ها ترد كتب بوست بحاله يشتمك فيه
دعه يمر
يا صارم دعه يمر
الي الجحيم دعه يمر هو وحريته في ان معا
***************
نسرين بسيوني
انا مجتش هنا بقالي يومين اتابع ومتخيلتش ان الموضوع مازال شغال
هكذا تجري الامور
********************
ابو فارس المحترم
كون انه في تطرف وتخلف فكري في السعوديه او العراق او اي مكان مش معناه ان مصر بالتبعيه يكون ده منطقي فيها ولا ان التيارات دي بقت مقبوله في الشارع المصري
سواء كانت حكايه حريق البنات حصلت او محصلتش
ومش بشكك ابدا في انها حصلت
ده معناه ان مصر ادمغت بالطابع السعودي ولا ان جريمه حصلت في السعوديه ها تبرر لمنهج تفكير اجرامي زي القصه اللي احنا فيها
ومش ممكن اتصور ان حضرتك شايف او تعتقد انه اي دين واو لهم الاسلام
ممكن يحط غطاء لسفاله زي ديه باي صورة
لكن طريقه جديده او قديمه في التبرير وتحليل الاشياء ووضع غطاء من الشرعيه عليها
يحتكر اصحابها الحقيقه وصواب المنهج لانفسهم هو التبرير المنطقي
والدين منهم برئ
او يمكن حضرتك بتربط هذه الطريقه بتصرف الشخص المتحدث عنه؟؟
وهنا يبدو الحديث منطقيا
تحياتي واحترامي

أبوفارس said...

ولا حاجه ياعزيزتى فانتازيا ولاحاجه..
لن يبقى لنا شئ حين تضيع حتى النخوه والجدعنه...
ﻷنه لامال ولاجمال ولاعلم
..كل ماكان لدينا شويه خفه دم قضى عليها تجهم التدين البدوى وشويه جدعنه قضى عليها منحى فى التفكير أو
Pattern
كما يقال
ﻷنه أذا بدأت بالنظر للنساء أنهم ناقصات أو مواطنات درجه تانيه أو مزمار الشيطان سنصل الى هذا الوضع بالتداعى المنطقى..
.ولذلك كنت مستغرب جدا صدمه اﻷصدقاء وبالذات السيدات فى تعليقهم...كل واحده منكن ياسيداتى تتعرض يوميا لكم من السخافات وأنتهاك اﻷدميه باللفظ والفعل لاأدى كيف تتحملوه..
ضغط غير طبيعى
..معامله سخيفه من جار فى وسيله النقل العام
لهيل ف الشارع
لكم عنف فى العمل والمصالح الحكوميه
قرأت عنه فى مدوناتكن وسمعته من قريبات وصديقات وبنات عمومه فى سن بناتى
وكل هذا مبرر وحلال وصح نتيجه منحى فى التفكير غريب على مجتمعنا ودخيل عليه..باﻷضافه للأزمه الطاحنه على كل المستويات..وكرد فعل طبيعى ومنطقى يتم تفريغ شحنه الغضب واليأس والعجز التى يحسها "رجالة" المجتمع فى اﻷطراف اﻷضعف وهم هنا النساء واﻷقليات الدينيه والعرقيه..حصلت وبتحصل وحاتحصل..
.نعمل أيه والله مش عارف..
اللى عنده حل يقول..
تحياتى وصادق مودتى..خالد
**************
صديقى العزيز السارم الخازم
بصيت على اللينكات اللى حطيتها فانتازيا
..بالهنا والشفا يارروح قلبى
فكر المطاوعه..أقسم بالله ضحكت حتى شرقتفكر المطاوعه قال..هى المعيز بتفكر...جايز...تحياتى وبلح آمهاتى...خالد برضه

أبوفارس said...

سيدتى بنت القمر.
..الدين محايد
فكر محايد نحن الذين نأوله..ونعطيه مفاهيم مختلفه.. مايحدث من تحقير للمرآه لحد أنتهاكها هو أمتداد طبيعى ومنطقى لنوع محدد من الفكر الدينى..أو كما تفضلت الغطاء الدينى ولذلك كان الشخص ده عنده البجاحه أنه يطلع ف عنينا ويقول لنا ﻷ أنا صح
...طب أسمعى الحكايه دى
سنه ١٩٩١فى مترو باريس ..تحرش مجموعه من الشباب البض الفرنسيين براهبه فرنسيه بيضاء كاثوليكيه..تقوللى مين اللى تصدى لهم..المحطه مليانه ناس..وقفوا كلهم مبلمين..أنا شخصيا مافهمتش الموقف بسرعه وفضلت واقف..تصدى لهم رجل جزائرى أربعينى..وحده..ثم أنضم أليه شابان مغربيان..ثم العبدلله وصديق مصرى قبطى كان معى فى طريقه ﻷمريكا...شافونا كتير طلعوا جرى..ألتفت ألينا الرجل الجزائرى وقال بلكنه ثقيله بارك الله فيكم..فكرت شويه بعدها ف الموقف ووصلت لأستنتاج بسيط..هذا الرجل وقف يدافع عن أمرأه أخرى ﻷنه أولا مجدع وشهم وده مش غريب علينا..وﻷن الكلاب دى تحرشوا اليوم براهبه بكره يتحرشوا بفتاه محجبه ممكن تكون أبنته..ده منحى أيجابى ف التفكير نابع من أحترام المرأه وليس أدانتها...أرجو أن أكون أوضحت..تحياتى سيدتى وصادق مودتى..خالد

ReceptiveGuy said...

وكمان مطلوب مني اتشتم وما اردش
كل ده عشان قدرت ارفع صوتي ضد جهابذة العقول
محتكري الاحكام
صانعو القرار
طبعا بالنسبه لكوا
اللي مش عدو عدوي هوه عدوي انا
احترامي رغم كل شئ

بنت القمر said...

الاستاذ المحترم ابوفارس
***********
اتفق معاك كليا وجزئيا
انا مش مستغربه من القصه انا بس زي تعليقي التالت فقط مش مستغربه ان يكون هناك نداله لكن ان يكون هناك تبرير للنداله
وده كلامي
**************يا اما انت كذاب مع احترامي وعدم قصد الاهانه
وانت مجرد عاوز توصل فكرة جواك عن عمل الست ونظرتك ليها
وعقدك تجاهها
)))))))))))))))
يا اما الموضوع ده حصل فعلا2_
وانا مش هقول عليك ندل
عارف ليه لان الندل بيداري
اللي بيعمل غلط بيداري عليه ويقاوح وينكر ويقول مش انا
لكن انت طلعت بكل قدارة تقول انا عمات كده وسبت البت في الشارع
******************
يا اما انت شخص سيكوباتي مريض وده حصل فعلا وانت مش مكسوف من عملتك
************************
اما بخصوص ان الدين محايد
فاعتقد ان هذا اعتقادي يقينا وده جزء من تعليقي السابق علي الموضوع الذي يتفق مع تحليلك ان المجتمع بيطحن الرجل اللي بالتبعيه
بيفرغ عقده في الطرف الاضعف منه
************
شوف يا رامز الدين بره الموضوع خالص
لان اي دين حتي لو بيعبد رجل الكنبه
ها يقوله انصر الضعيف وغيث الملهوف
بس عشان الواحد بيشوف من ده كتير
المجتمع بقا عدواني جداااااااااااااااا
جداااااااااااا
جداااااااااااااااااااا
تجاه المرأه بجد محجبه منقبه ماشيه بميني جيب
والاخ بيقولك اهي جابته لروحها
يعني زي انت ماقلت قبل كده في كل يصلي ليلاه تستاهل
وده قمه العدوانيه تجاه المرأه
هو ما ساعدهاش عشان بيتشفي فيها
*****************
اعتقد اننا كده متفقين كليا وجزئيا
:)
ولك خالص تقديري واحترامي

بنت القمر said...
This comment has been removed by the author.
بنت القمر said...

...
طبعا بالنسبه لكوا
اللي مش عدو عدوي هوه عدوي انا
***************
هو مين عدوه اللي مش عدونا ولا تقصد اننا نعادي الصارم علي المطلق
انا عن نفسي لا اتفق معه علي المطلق ولا اختلف معه برضه لمجرد الاختلاف
**********
وبعدين مفيش اصلا مجال للعدواة يا عم يا بتاع الحريه انت يا حلو
عدواة ايه؟؟
دي طاوله نقاش مش اكتر ولا احنا بنلعب ماتش كورة؟؟
عداوة ليه؟ ولا تقصد
ان احنا اللي انت جمعتنا في سله واحده كده هيلا بيلا
ومفيش حد فينا اصلا شبه التاني
مفروض ناخد اي موقف موحد ضد اي شيئ انت مش بتحبه
لان الموقف الموحد مع او ضد اي شيئ لسه متوجدش علي الاطلاق
لكن في هذا الموقف قد يكون الموقف الموحد تجاهك انت شخصيا!!ا
يا باشا يا بتاع الحريات
***********************
تحيه واجبه جدا لتعليق الانونيموس الموقع باسم جو غانم صديقنا المدون اللبناني
متشكرين علي تحليلك يا جو

ReceptiveGuy said...

ان احنا اللي انت جمعتنا في سله واحده كده هيلا بيلا
عاوزاني اقولك ايه انتوا حطتوا نفسكوا في سله واحده؟

اولا واخدين موقف شخصي تجاه مهنا
مش موقف راي لا تحول بالكامل لموقف شخصي
والشخص الموضوعي عمره ما ياخد موقف شخصي
يعني لو خدتي موقف شخصي من شارون تبقي من ضمن الجماهير الغاضبة اللي مش فاهمة حاجة في التلاجة
انما لما تاخدش موقفك تجاه افعاله كده انتي في الاتجاه الصح
لما تاخدي موقف ضد كل اليهود ده غلط حتى الرسول ما عملش كده
ضد الاسرائيليين والاسرائيلين تحديدا والى ان يخرجوا من فلسطين مش لمجرد انهم اسرائيليين كده انت واخده موقف مش عداء شخصي
نسرين دخلت تايد الصارم وانا اشك انها زيك كده ما كنتش قرت اللي انا كاتبه
انتي كنتي كاتبه اني ماليش موقف تجاه حاجة من ساعة ما بدات وسحبتي الكلام ده لما عرفتي انه غلط
انتوا واخدين راي جماعي يكفر مخالفه كوني بس خالفت الراي وقلت رايي في موضع تاني خالص بقيت زنديق والخ الخ الخ
عارفه كان ممكن ببساطة جدا يقولي انت بتتناقش في نقطة تانية مش هي موضع نقاشنا بس لا ازاي
لازم يتشفى في اللي قدامه كانه بيثبت ولاء او ايا كان
طبعا انا كلامي مختلف عن النقطة الرئيسية او هكذا بدات
انا اعترضت انكوا واخدين موقف شخصي too personal
واعترضت انكم بتحكموا عليه وحكمتوا انه يستحق الشتيمة والفضيحة والخ الخ الخ وبداتوا بتنفيذ الحكم
حكم جماعي
كانكم الهة الاغريق او ما شابه
لمجرد اني اعترضت بس لقيت كل السيوف نحيتي وما كانش واضح ابدا انه عاوز يتحاور او يتكلم كان داخل يرمي كلمتين وخلاص
حتى ما ناقش نقطة واحده من اللي انا بقوله خالص
كان فيه حاجات تانيه هعلق عليها في تعليقك السابق بس اشهد ليكي بموقف محترم وسط كل هذه الفوضى انك عدلتي رايك لما تاكدتي انه غلط
وكلنا بنغلط لكن فيه ناس بدات تحتكر الصواب ومش عاوزه اي مناقشه في احكامها النهائية لان اللي بيخالفها يبقى بيخالف ارادة السماء والوحي المقدس

لان الموقف الموحد مع او ضد اي شيئ لسه متوجدش علي الاطلاق
لكن في هذا الموقف قد يكون الموقف الموحد تجاهك انت شخصيا!!ا

انا شايف اكتر من تناقش هنا
اولا الموقف الموحد موجود هنا وهو موقف شخصي مش فكري ضد احمد مهنى
ثانيا ررغم نفيك ان فيه حاجه اسمها موقف موحد من كل هذه التيارات
الا انك بتهدديني بان الموقف يتحول بدفته ان كل التيارات ديه تبقى بتهاجمني انا
وكمان يبقى موقف شخصي
ولا موضوعيه ولا حياديه ولا بحث عن الحقيقه
مجرد بس نفوس غضبانه لقت حاجه تنفس فيها غضبها فما صدقت
او الموقف التاني اللي مش عاوز اتطرقله خالص بس الموقف بقى شكله بايخ اصلا
اكتر من تعليق بيتجه بالاتهام ليه بصفته مسئول عن مشروع مدونات مصرية للجيب
انا مش هعلق ع النقطه ديه لانها واضحه ومش محتاجه تعليق

بالنسبه بقى لردودي على الصارم لما كان بيشتم كلها كانت اقتباسات وديه الحاجه الوحيدة اللي ما حدش يقدر يقول انها غلط
مش عشان حاجة بس لانها صاحبة فكر وراي مش بتتحيز لشخص

اخيرا لقيت حد عاوز يتناقش رغم لهجة الحده الواضحة في اسلوبك بس انا سعيد بالنقاش بدون تجريح طالما الهدف مش التنكيل بشخص ولا الاقصاء من اخر

طالما الهدف هو تبادل الاراء مش تبادل السباب

اخيرا وليس اخرا
للمرة المليون انا ما كنتش بوجه كلامي لحد خالص
انا كنت بقول تعليقي على اللي انتوا بتعملوه وانتوا رفضتوا رايي اجمالا وتفصيلا وما حدش كان بيناقشني في رايي
لو كنتوا ما علقتوش او علقتوا لتبادل وجهات النظر ما كناش وصلنا لان نطلق عليها انها بدات تتحول لعداوه شخصيه
انا ما كنتش كده من بدايتها من ساعة ما اعترضت على من لا يمكن الاعتراض عليهم
ملائكة السماء
احترامي

أبو عمر - الصارم الحاسم said...

انت بتعرف تقرا عربي

بتعرف تقرا اساسا

يعني غير كل ما قلته من قبل...بتعرف تبص على الشاشة وتقرا زي انا..زيم ما سألتك قبل كده انت بني آدم وبتحس زينا

اول كلامي معاك يا "شخص" كان ده

>>

ولا احنا نعرفه واغلبنا اول مرة يتعرف على سيادته والحمد لله


المشكلة بس مش في تصرفه

الأنكى هو اصراره عليه واستعلاؤه على الآخرين في نصحهم له

ربنا يهديك ويهدي كل حر زي سعادتك ..ويهديه هو كمان
<<


فين الهجوم هنا
؟؟؟؟

وده كان ردك يا متحضر

>>

يا افندم انا ممكن انصحك انك تبطل تدوين لاي سبب وممكن انصحك تبطل تدخين
بس مش من حقي ابدا احجر عليك واقولك ان رايي هوه الصح وما فيش غيره ولو ما سمعتش نصيحتي تبقى كااااااااااااااااافر
انا حمدت ربنا اني جيت في الاخر وهقول تعليق وامشي
انا مش بجادل مش بدافع عنه
تعليقي بس على بعض التخطيات
انت تنصحه وبس
والله اقتنع ما اقتنعش
انت عملت اللي عليك
زي ما قلت انتوا واخدين الموضوع too personal
هوه لما ما ردش عليكوا زعلتوا
لما رد عيكوا زعلتوا
لما ساب التدوينة زعلتوا
لما مسحها زعلتوا

.....الخ
>>

قارن ده باسلوبي معاك اول مرة



وبتكمل في الكلام الرنان بتاع ديباحات بتوع الحرية..انت ما بتقراش...ومابتقروش..وبتهاجموا وبس


غير انك بتناقض نفسك...انت مش عاجبك احساسنا كبشر وغضبنا كبني آدمين من غلطته + اصراره عليها


ربنا يمن عليك بنعمة الاحساس

وربنا يهديك ويخليك بني آدم فهو قادر
على كل شئ

وبمناسبة البوست اللي انت كاتبه...وندمك على المناقشة ....من وانا في حضانة وانا بعتبر كلمة من تكلم فيما لا يعنيه سمع ما لايرضيه هي كلكمة انسان جبيان مغرق في الجبن والانانية

كمالة صفاتك...بتناقش غلط وبتتكلم غلط ....وبتتكلم باستعلاء غبي

أبو عمر - الصارم الحاسم said...

شكرا فانتازيا على الربط


هاشتم شوية بس عندي برضه كام تعليق في الآخر


سامحوا لي الشتايم


يالااااااااااهوي


احححححححححححححححححححححححححححا


يعني فعلا انا كرهت نفسي من كتر البذاءة في الفترة الاخيرة

لكن المرة دي مش طالبة


ان كان حد فارك اني هدافع دفاع غير موضوعي يبقى واهم


انا اعرف فعلا ان عندنا اغبيا ومتخلفين عقليا ومدعي تدين وسلفية

لكن توصل لكده

اححححححححححححححححا


احححححححححححححححححا


عمري ما شفت الحادثة دي قبل كده وعمري ما سمعت عنها...اواول ما شفت الرابط ادورت على زميلي اللي جنبي في المكتب وسألته عنها لقيته عارف
!!!!!!

ايه ده

ايه ده
!!!!!!!!


انا كنت كاتب بوست ومسحته كذا مرة عن مواقف مع بعض المتسلفيين في مكة لكن شلته لاني اعتبرته شخصي اوي


لكن شكلي هأرجعه وكان عندي حق بقى اما كنت هأستخدم ايدي معاهم


انا هنا لا ادافع عن الاسلام لان الاسلام فعلا لا يحتاج من يدافع عنه وانا مؤمن جدا باحكامه وحدوده كلها وشرائعه...لكن تصرفات البشر الغبية شئ آخر


وليس على وزن كل متهتك عايز يدور ويعيش على حل شعره بدعوى ان ده مش من الدين على مزاجه ولا يعترف بذنبه ولكن يبرره ويحلله لنفسه ولغيره

البنات دول لوكانوا قالعين مللللللللللللللط مللللللللللللللط كان عتالوة وجهابذة ومتخلفي المطوعين اولى انهم يقلعوا هدومهم زي الشطار ويلبسوهم ويخرجوهمك

بعدها عايزين يطبقوا عليهم التعزير - الجلد او اي شئ .....وقتها يبقى فيه كلام

لكن حرمة النفس ومساعدة المحتاج

ده لو كانوا قالعين ملللللللللط


وارجع واقول الناس والاهل

الناس والاهل كان المفروض لا يستجيبوا لكلام المتخلفين دول ويقسموا نفسهم...مجموعة تشتبك مع المطوعين حتى لو ادى الموضوع لقتلى - من المطوعين....ومجموعة تكسر الابواب وتنقذ البنات


لكن الخنوع اللي اتربينا عليه في كل قطر عربي

فعلا قال الصبي للحمار يا حمار...قال الحمار للصبي يا عربي


يعني انا اما قريت الكلام ده تخيلت نفسي من باب الصحابي اللي تمنى جبل احد ذهب ...تخيلت نفسي ولي الامر هاهنا

كنت بلا تردد مكنت اهالي الضحايا من القصاص من هؤلاء المطوعين...قصاص كامل..اما اعدام ....او دية ان تنازلوا هم - الاهل - وعفوا بكامل ارادتهم


وكل الكلام ده له اصل شرعي انا ما باخترعش ولا بألف وادور الكلام واظبط النصوص على المواقف..اللي عاجبه الدين كده عاجبه.... اللي مش عاجبه انشالله عنه ما عجبه


يعني اللي بيثبتوا الزنا مثلا...مش بيشوفوا اللي بيزني وبتزني وهما في وضع الزنا كاملا حتى الايلاج لكي تثبت التهمة وتوجب الحد


اجمع كل الفقهاء ان الطبيب وان كان كافرا له ان يرى اي شئ من جسد اي امراة مسلمة طالما لا يوجد غيره لكي يداويها

يعني الضرورة وحرمة النفس هنا هي اللي حكمت

النبي صلى الله عليه وسلم كانت الجارية تأخذ بيده امام الناس اجمعين لكي تسأله ويقف معها حتى تقضي امرها

الصحابيات كن يداوين الصحابة ممن اصيبوا في الغزوات وفي قلب المسجد النبوي

قصة سيدنا موسى مع بنتي نبي الله شعيب اللي اوردتها في مدونتي



وتاني انا ما بدافعش عن الاسلام....ولا مذعور مثلا من ان حد ينتقد الاسلام....كل الناس عارفة في قرارة نفسها الصح من الغلط لكنه الكبر...ومن شاء فليؤمن ومن شاء فليكفر




***************************



طبعا "الشخص المحترم" هيخش ويقول لي دلوقت انت كده بتتعدى على حرية المطوعين في تنفيذ اراؤهم



ابوفارس جايلك ياروح قلبي



عالسريع كده..وحاجة كمان بخصوص الراجل الجزائري والراهبة الكاثوليكية

لان دينه يامره بالأمر بالمعروف والنهي عن المنكر طالما استطاعه وقدر عليه ...وان يجير من يلزمه الاجارة وان كان مشركا او كافرا

السبب كان ديني بحت ثم بالاضافة اليه التفكير الايجابي اللي اوردته

راجع تاني اقول كلام موضوعي شوية بخصوص حادثة البنات

اححححححححححححححا

أبو عمر - الصارم الحاسم said...

الاستاذة نسرين البسيوني

اشكرك ....لكن ده عموما العادي في تفكيري يمكن محصلش كلام في نقاط زي كده قبل كده

ده الاسلام الذي اؤمن به على الرغم مما ترينه "صرامة" هو رحمة للعالمين ...قوته قوة منضبطة ....وحدوده وشرائعه وتعاليمه هدفها هو هداية البشر اولا وحفظ حقوقهم وارواحهم واعراضهم مسلمين مؤمنين كانوا ام لا...لكن دون اتباع لاهواء النفس ايضا او تبرير لاخطائهم بانكار الحق


احنا مش زي اليهود...عايزين نقود العالم ونصلح هفأ وركوب على ظهر البشر...يا اما نقدر نحميهم ايا من كانوا ونحافظ عليهم...يا اما يبتلينا الله ويقصمنا

ده اللي افهمه واراه من سنة النبي وصحابته

ابوفارس

اراه طبيعيا ان احد احفاد او من هم على نهج عبدالله بن ابي بن سلول يفرح بهكذا حادثة

في حين ان القرآن يقول عن عبدالله بن ابي وفرقته

وَإِذَا جَاءهُمْ أَمْرٌ مِّنَ الأَمْنِ أَوِ الْخَوْفِ أَذَاعُواْ بِهِ وَلَوْ رَدُّوهُ إِلَى الرَّسُولِ وَإِلَى أُوْلِي الأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ وَلَوْلاَ فَضْلُ اللّهِ عَلَيْكُمْ وَرَحْمَتُهُ لاَتَّبَعْتُمُ الشَّيْطَانَ إِلاَّ قَلِيلاً


اخطا المطاوعة في هذه الحادثة --> اخطاوا خطا فادح

لكن

اولا الحادثة قديمة وكتير من المفاهيم تتغير في خلال ست سنوات

قد يخطئ البعض يوما لكن المهم هو عدم الاصرار عليه

ثانيا

شوية وارجع اقول باذن الله لحد سادسا

ReceptiveGuy said...

اول رد انت رديته عليا كان بدعوه للهدايه وعدتهاسواء على ان تفكيري غلط او اني مجنون او لا قدر الله كفرت
بحاول ما ادقش

اول رد ليا عليك يعني تاني بوست ليا ما غلطتش فيك خالص

تاني رد ليك عليا

لأ هو واضح ان انت وهو وجهان لعملة واحدة
*************
اصرا واستكبار على الخطأ ومش عارف حجم المصيبة اللي بتتكلم عليها
*************
فيه حدود للنيلة اللي معششة في نافوخكم واسمها حرية
*************
حرية ايه وهباااااااااب ايه
*************
بيتهيا لي اسلوبك ده هوه اللي كنت منتظره

بالمناسبه بما انك تعرفني لدرجة انك قلت ان انا وهو واحد
تقدر تقولي بقى انا كنت هتصرف ازاي في موقف زي ده؟



بتعرف تقرا اساسا

يعني غير كل ما قلته من قبل...بتعرف تبص على الشاشة وتقرا زي انا..زيم ما سألتك قبل كده انت بني آدم وبتحس زينا

اول كلامي معاك يا "شخص" كان ده

انا افخر بكوني نكره ما دمت نكره محترمه وما بتاذيش حد
لكني لا اقبل انك تكلمني بصيغة النكرة الا لو كنت مصمم انك تثبت مدى تحضر الحوار بتاعك

وبتكمل في الكلام الرنان بتاع ديباحات بتوع الحرية..انت ما بتقراش...ومابتقروش..وبتهاجموا وبس

شكلها اتحولت لقضية وموضوع وهنطلب شهاده الاستاذه المحترمه اللي شهدتلها بردة فعلها اللي عجبتني
انا قريت البوست قبل ما يتمسح
بيدل بالكامل انها ما قرتش اللي انا كاتبه
وبتهاجم


غير انك بتناقض نفسك...

رجعنا للبروبجاندا
قولي انا بناقض نفسي لما بقول كذا وبغالط نفسي بكذا
بلاش الكلام العايم ده اي حد بيعرف يقوله

انت مش عاجبك احساسنا كبشر وغضبنا كبني آدمين من غلطته + اصراره عليها

القاضي بشر بس بيحكم بالحق
لو حبيتوا تنصبوا نفسكوا قاضي يبقى تتخلقوا باخلاق القضاة
and this is wht it all abt

ربنا يمن عليك بنعمة الاحساس
ميرسي
بقولك ايه ما دمت خايف عليا كده وبتدعيلي
بس بجد مش سخرية
انا عندي امتحان تحديد مستوى انجليزي يوم السبت
ادعيلي ربنا يخليك

وربنا يهديك ويخليك بني آدم فهو قادر
على كل شئ

هوه انا في الواقع مش بني ادم
انا ما اقدرش اكون بني ادم كلهم
انا ابن ادم واحد
لو بتشك في نفسك ده موضوع تاني
watch ur mouth

وبمناسبة البوست اللي انت كاتبه...وندمك على المناقشة ....من وانا في حضانة وانا بعتبر كلمة من تكلم فيما لا يعنيه سمع ما لايرضيه هي كلكمة انسان جبيان مغرق في الجبن والانانية

كلامي معاك انت قلت بنفسك انك مش فارقه معاك اكمل مناقشه ولا لا
ولما ناقشتك في البداية اتلسعت
دخلت انسان بكرامته وبدور عليها وانا خارج لقتها مجروح من واحد ........

كمالة صفاتك...بتناقش غلط وبتتكلم غلط ....وبتتكلم باستعلاء غب

مش شايف عندك غير الشتايم والسباب
والبروبجاندا
بعد ما كتبت البوست ده افتكرت بس انا ليه قلت مش هرد عليك
انا ردي لو وصل ميتين صفحه عشان اعرض وجهة نظري بكتبه وانا مستمتع
انا مرارتي مفقوعة وانا بحاول اقنع انسان زيك اني شخص طبيعي بس لو انت شايف حاجه تانيه فديه مشكلتك مش مشكلتي من دلوقتي

ما ننساش تدعيلي عشان مستوايا بقى يقل في الانجليزي من ساعة ما بدات اهتم بتوافه العربي

أبو عمر - الصارم الحاسم said...

مفيش جديد في اللي انت كاتبه بس سؤال

انت فعلا 17 سنة
؟

ReceptiveGuy said...

ردي الجديد فيه بيقولك ان ردودك ما اتغيرتش وبنفس الاسلوب بدون الدخول في الموضوع اصلا
كانك مثلا بتخوفني او بتبعدني عن الموضوع لكن ما حدش قدر يناقشني ويقولي اني غلط وما حدش قادر يطلع يعترف انكوا غلطتوا في حقه برغم كل شئ

ايه صغير؟
:)
ايوه يا عم الدماغ الناشفه اللي بتحب كل الورق يبقى مكشوف ما عندهاش غير 17 سنة

أبو عمر - الصارم الحاسم said...

ياواد يا جامد يا بتاع الدماغ الناشفة

كل ده وماحدش قالك انك غلط

ربنا يوفقك في الانجليزي يمكن يعوضك عن العربي

ReceptiveGuy said...

ايوة ما حدش قالي انا غلطان في ايه بالظبط
عشان ما وقفتش معاكوا 100%
ولا عشان قلت رايي؟

أبو عمر - الصارم الحاسم said...

لأ عشان مش عايز "تحس" بالموضوع اللي بنتكلم فيه وان قواعد الحرية اللي انت مؤمن بيها اوي كده وواخداك في سكتها ماتنفعش هنا

ومش عايز تسمع للناس...زي من تدافع عن حريته تمام

ReceptiveGuy said...

ما انكرش انا ما حاولتش اطلاقا اتكلم من منطلق اللي انا حاسه
بس كان فيه حد قال انتوا غضبانين جدا
ففرغتوا غضبكوا عليه
انا بس حبيت اطلع اقول ان موقفكوا منه لو شخصي يبقى انتوا ما حكمتوش عليه
وهوه بطريقة تنفيس الغضب شخصي بالدرجة الاولى
لو موقفكوا شخصي تفقدوا الموضوعية والحيادية
انا كنت بنبهكوا خايف على شكلكوا مش عشانه
:D
موقف زي ده يخلي كل المشاركين يسقطوا من نظري
لما حتى المدونين عاوزين خناقة يشبعوا فيها لطم امال تبادل الاراء هيبقى فين؟

عارف المثل اللي بيقول العجل لما يقع بتكتر سكاكينه
القاصي والداني جاي بس يسب في الراجل
انا متاكد ان المغتصب او حسني او نظيف او اولمرت او شارون ما خدوش القدر ده في بوست واحد

احترامي

أبو عمر - الصارم الحاسم said...

كلام داخل في بعضه واعادة لما فات

ولو رديت هيبقى اعادة لما فات


انت وهو سقطتوا من نظر الجميع من زمان...اما اصريتم على خطأكم


مفيش فايدة

ReceptiveGuy said...

انا ما حاولتش اخسر الجميع ولا حاولت اكسبهم
هما حرين
مش هيبقى بعيد عن توقعي لو كان الكل متابع
بالاضافة انك ما عندكش جديد تضيفه ولا عارف ترد فبلاش بروبجاندا لو انت حابب تبصلي من فوق بمناسبة فرق السن يبقى لازم تثبتلي انك قد المكانة اللي بتبصلي منها
النظريات بتقول ان المستمع والمستقبل دايما على حق
يعني لو انت مش فاهم تبقى غلطتي
بس اعتقد ان ديه حالة استثناء لانك مش عاوز تبص للموضوع غير من زاوية واحده
احترامي

أبو عمر - الصارم الحاسم said...

يخرب بيت ام الغبا

!!!!!!!!!!!!!!!



عمال اقفل مع غباء شكلك الكلام ومش عايز اكمل معاك قلت عيل صغير ومابيفهمش وانت مفيش فايدة مصر تستعرض غباوتك وهبلك وسذاجتك


اي اثبات يا متخلف ..... انت يابني لسه ما وصلتش لسن القارية


انت غبي بجد وعبيط

اي جديد يا اهطل...واحد اطرش ما بيسمعش ولا بيحس ولا بيشزف زيك هاعمل مع غباء شكله ده ايه

اظن هترجع وتقول رجعت اهاجمك واشتمك لان معنديش حجة


نوعية غريبة من اشباه البشر اللي زيك
!!


يخرب بيت الهبل على الاغبيا

!

ReceptiveGuy said...

كنت هصون كرامتي لو ما كنتش رديت عليك
وبرضه ما عندكش حجة
ما عندكش منطق
وما بتعرفش تعمل حاجة غير انك تسب وتشتم
على فكرة سهلة جدا انا حتى لو ما كتبتهاش ممكن اخدها كوبي وبيست
بس انا مش هزفر لساني مع واحد زيك

عباس العبد said...

الصراحة , أنا مكنتش متوقع أبداً أن الموضوع حيكبر كده , و الناس تتدخل الى هذه الدرجة . لكن بجد حاجة تحسسك أننا لسه بخير . الصراحة طبعاً أنا لن أستطيع ان اجيب و أعلق على كل التعليقات و على كل الناس لأن التعليقات تعدت السبعين غير أن فى خناقة على الجنب كده بين شخصين . و كمان سعيد بأن فى ناس جديدة تعرفت عليها من تعليقاتها . شكراً للجميع .
لكن فى بعض التعليقات العامة المهمة و حوجها بالأسم الى أصحابها , فياريت محدش يفهم انى بتجاهل الباقيين لانى فعلاً لا أقصد .
---------
أبو فارس
لو متصدمتش مبقاش بنى ادم . دى حاجة مش طبيعية , و لا يوجد منطق فى الدنيا يقول أن الأشياء الغير طبيعية لما تتكرر كتير تتحول " لطبيعية " , الكذب كذب و غلط ... و لو العالم كله بقى يكدب كل يوم الف مرة حيفضل الكدب غلط برضه .
---------

عباس العبد said...

Recpectiveguy
الصراحة , انا معاك جداً فى تعليقك الأولانى , هو حر فى كل حاجة و فى كل رأيه لأن الحرية مطلقة . أنا معنديش مشكلة حتى فى انه يغتصبها , بدل حريته قالتله يغتصبها .
انا قلتله فى أول كلامى الى فى التعليق , انه رأيه فى المرأة ميهمنيش حتى لو نادى بوأد البنات , لو حضرتك تفتكر .
لكن ....
فى مشكلة كبيرة , الحرية مطلقة ؟ ايون طبعاً مطلقة لأنها عطية الهية و الله مطلق و بالتالى الحرية مطلقة . لكن المشكلة مش فى الحرية , المشكلة فى الأنسان , هو الى محدود . محدود زمنياً بعمره و محدود القدرة بجسده الفانى . يعنى ينفع مثلاً انسان قرفان يروح ينتحر خميس و جمعة و يرجع يقوم على التلات الأربع كده على أساس أنه نفسيته استريحت فى اليومين الى فاتوا ؟ مش هو حر و يعمل الى هو عايزه
حقولك امثلة جايز تبان ساذجة بس بتوضح كل شىء
لو واحد ملحد ... ملحد يعنى لا يؤمن و لا يعترف بالأديان , صح
ينفع " تسب الدين " لواحد ملحد .... تقول واحد لا يؤمن بالأديان أنه " أبن دين .... "
ملهاش معنى صح غير انه حيتقال على الى سب الدين متخلف عقلياً .
لو شخص فى شارع و راكب عربيته و وقف فى الطريق علشان وقف قدامه حمار , و راح نزل من عربيته و زعق فى الحمار و قعد يسب و يلعن فيه و يقوله خش يمين خش يمين , و الحمار بينهق فى وشه , فضل الشخص يزعق و الحمار ينهق لغاية ما الراجل فاته معاده و جالك و حكا لك الحكاية و قالك : شفت الحمار الغبى ده ؟ .... انت حتقول عليه ايه ؟
اقولك تانى ....
الانسان مكنش يعرف أى حاجة فى الكون و لا الطبيعة , تفتكر العيب فى مين ؟ فى الطبيعة والكون الى مريديوش يقولولوا على أسرارهم , و لا فى الأنسان الى مكنش يعرف ؟
حاجة أخيرة
الست الى بتبيع جسدها مقابل المال , انا معنديش مشكلة بدل هى حرة تبيعه , تتاجر فيه , تولع فيه , تعمل الى هى عايزاه . هى حرة , لكن ده مش حيمنع أى حد و لا حتى القاموس نفسه انه يسميها " عاهرة " ... هى عاهرة يعنى عاهرة , تبيع جسدها أسمه دعارة , فى الفكر الشعبى أسمها " شر .... " , فى الدين زانية . قدام القانون , هى خارجة عليه , فى الفكر المدنى البشرى الى ملوش علاقة بالأديان أسمها " مفسدة " .... فاهم قصدى .
هى حرة تبقى عاهرة , تتاجر بأعضائها , انا مالى , بس هى عاهرة
هتلر كان حر و بحريته تسبب فى موت 50 مليون بنى ادم , مفيش مشكلة بس اسمه نازى و سفاح و احمق و أبن كلب و اهبل و متخلف عقلياً .
هى دى القصة الى حضرتك مش فاهمها
هو حر فى انه يشوفها و يسيبها و يمشى , حتى هو حر فى انه يغتصبها , بدل عايز كده , حتى أنه هو حر يسمى فعلته دى " تدين و مدنية و حنية و طيبة قلب ... و كان قصده يدافع عنها " هو حر , انا معاك
بس ميمنعش انه " ندل ... مش راجل " , معندوش الى عندك " الشهامة و الرجولة " هو معترف ببساطة انه ندل و غير شهم و ... و ... و ..... , كل الصفات الى أنت تحطها , هو محروم منها .
مثال اخير
واحد قليل الأدب بيشتم علطول و بيبرر شتيمته انه سريع الغضب , لو شتمك حتسميها أيه ؟ بكل بساطة " شتيمة " . مش محتاجة فلسفة و تنظير و دماغ و الأفتكاسات الرؤيوية دى و الفكر العميق الى ملوش لازمة . واحد بيشتم يبقى قليل الأدب بيشتم , مفهاش أى حاجة تدل على أى حاجة , بكل بساطة " بيشتم " . فين العبقرية يعنى ؟
حضرتك بتقول فى نقطة تانى
يرد علينا مش عاجبنا
مايردش علينا مش عاجبنا برضه
لأ , طبعاً هو حر يرد و لا ميردش , لما بعتلى الميل انا نشرته لأن ده حقه فى نشر رأيه . حضرتك فرضت قضية غلط و عكس الحقيقة
الصارم نشر رده و انا نشرت ميله , لو سمحت متقولش كلام غلط و بعدين تتهمنا بيه . أنت مختر تهمة محصلتش و رحت ملبسهالنا و بعد ما لبستهالنا , بتتهمنا بيها . أزاى يعنى ؟
مينفعش تتهم الطبيعة بانها متأمرة علينا علشان مقلتش لنا كل اسرارها , انت ازاى مخدتش بالك انى ناشر ميله علشان حقه و الصارم فعل نفس الشىء , بل بالعكس الناس هى الى كانت بتطالبه بالرد و هو الى رفض يرد و قال انهم جهلاء و لا يرتقوا الى مستواه علشان يرد عليهم , تسميها أنت أيه دى ؟ حرية مطلقة ؟ ... هو حر يشوف نفسه عبقرى حتى , بس ده مش حيمنع أى حد من ال70 مليون أنهم يسموه " ....... " , مش سامعك ؟ بتقول أيه ؟ و خصوصاً أن دليل عبقريته أنه " ندل " مع أنثى .
تخيل دليل عبقرية شخص أنه " ندل " ... تخيل كده .

ReceptiveGuy said...

انا هعلق عشان اقول حاجة واحدة بس
عشان ابدي احترامي لتفهمك لوجهة نظري
واعجابي الشديد بمنطقك وهدوءك
واتمنى يكون الكل فهم زي ما وصل لحضرتك اني مش بدافع عنه
انا بس ما كنتش ضده
بس امنت بالله
والله انا ضده بالتلاته
مش عشان حاجه
بس عشان ما ينفعش افضل محايد على طول الخط
عجبتني اوي حتة الشتيمة والفلسفة
انا ممكن اشتم واتفلسف
بس هي في الاول وفي الاخر شتيمة
:D

boshra mohamed said...

والله ياجماعة انا شايف ان الموضوع اصلا مكانش مستاهل كل ده
ده واحد مختل بمعنى كلمة مختل وماينفعش غير تجاهله اساسا لانه معندوش استعداد انه يسمع غير الناس المعرصة اللى بترد عنده وتهلل على اى هبل يكتبه

أبوفارس said...

ياهندزه أنا ماقلتس أن ماحدث صح ولا طبيعى أنا قلت أنه أمتداد طبيعى -وهناك فرق- لفكر محدد وموقف محدد من المرأه...حاجه كده زى التأثير الجانبى للأدويه...تستطيع توقعه لو بتفهم فى الفارماكولوجى..يعنى لما أبنى ياخد بنسلين ويجيله حساسيه ده أمتداد طبيعى ومتٌوقع لفعل أعطاءه البنسلين ولكنه لايمنع أن أعالجه...ومايخدش بنسلين تانى..هناك فرق بين قدرتى كأنسان على توقع شئ نتيجه مقدمات منطقيه وبين قبولى به..أرجو أن كلامى يكون واضح...تحياتى يابطل..خالد
*******************
((ابوفارس

اراه طبيعيا ان احد احفاد او من هم على نهج عبدالله بن ابي بن سلول يفرح بهكذا حادثة )))
صديقى اللدود الصارم..مش قلت لك ف مدونه كامله أطلع من التوحد اللى أنت عايش فيه ده مع أشخاص وأحداث شبه أسطوريه وحصلت من عشرميت ألف سنه..سلول أيه بس ومبلول أيه ياسيدى الفاضل...ماشى أنا حفيد ين مبلول ده..وسعادتك حفيد مين ..؟؟بالقياس كده.. ياعمر بن الخطاب ياأبوبكر الصديق..مش كده!!؟؟والنبى فوق معانا كده وأنزل للأرض وبطل تحليق ف السما وخلينا نحاول نصل ولو ياأخى لنقطه أتفاق واحده..أبو أحمد قال كلمه صح..البدء أننا بشر مش بهايم..وهناك حد أدنى من اﻷنسانيه يجب ألا نختلف عليه وبالذات من يدعى أنه فاهم...ومطوعه أيه اللى فكرهم أختلف ف ٦ سنين بس ياصارم..ده فكر أزلى أبدى لايتحور ولايتطور ولايهتز...ياعم ماأنا شفتهم ف جده..وهم بيطاردوا الناس ف الشوارع وأشتبكوا مع المارينز اﻷمريكان ف سوق جده الدولى لما مطوع خطف سلسه بها صليب مردتيها أحد المارينز طوله مترين..وطبعا اﻷشتباك باﻷيدى مع مارينز ماكانش ف صالح اﻷخ المطوع المسلوع ولا من تشدد له..فسحبتهم الحكومه السعوديه الرشيده من جده كلها...مش حاأطول لسانى هنا عشان صاحب المطرح فأتلم بدل ماأسبخ لك...تحياتى وبلح أمهاتى..خالد برضك

bluestone said...

قريت طبعا التدوينة قبل كده
وبعت لها لاكتر من شخص عشان يمكن اكون فاهمة غلط او متوهمة
اول رد ليا او اول انطباع
كان كلمة ابيحة خالص

لكن قلت استهدي بالله واقري تاني وردي بهدوء .. بس معرفتش امسك اعصابي اكتر من كده وده كان ردي على الشاعر .. الراجل .. الدكر ..
يا خيبة رجالتك يا مصر لو كان نصهم بس من العينة دي .. وغطيني وصوتي يا صفية ..
-----------

مش عارفة الحقيقة ان كان القصة اللي اوردتها صحيحة ام انها مدخل خيالي لاثارة قضية معينة

بصراحة انفعلت بشدة .. ولاني شخص انفعالي بطبعي كنت هرد رد حاد جدا وقد يغضبك ولذلك فضلت الانتظار قليلا

مفيش اي سبب ولا رد فعل ولا تفسير ولا مبرر يخليني اقبل سلبيتك ورفضك مساعدة الفتاة المغتصبة .. ؟؟!!؟!؟!؟! مش قادرة اقبل اي تفسير .. وفضلت اسألك سؤال لو كانت (لا قدر لا قدر الله) تلك الفتاة اختك او قريبة لك لا قدر الله ألا تتمنى لو أوقع الله في طريقها رجلا شهما محترما رجلا بحق يساعدها لايصالها لبيت اهلها او حتى قسم الشرطة .. او مستشفى ؟؟؟؟ ألا تتمنى لو وقف في طريقها رجل ابن ناس لمساعدتها في محنتها ؟؟؟؟؟؟؟؟؟

بغض النظر عن كونها مسيحية او مسلمة او من اي دين .. غالبا الحيوان الذي يفكر في اغتصاب فتاة لا اعتقد انه يفكر كثيرا في دينها او ملتها

مفيش اي مبرر للحيوانات دي لان زي ما احد معلقيك الافاضل قال ان شارع الهرم مليان والاسعار في متناول الجميع .. مفيش اي مبرر لاي انسان ينتهك كرامة وجسد انسان آخر الا لو كان حيوان
تجرد من أي آدمية

اندهشت جدا واسمح لي .. من انتقادك لسلبية موقف الحكمدار والباشا المسؤول .. لاني اعتقد انك كنت في نفس سلبيته .. بل انك اكثر سلبية لان الضحية كانت امام عينيك وترددت بل ورفضت مساعدتها
لماذا نلوم المسؤولين ؟؟ الأولى نلوم انفسنا
==============================
كلامك عن المرأة وعملها ووصفك الجميل للستات في المواصلات .. ولومك على المرأة التي تقتحم معترك العمل يثبت لي يا عزيزي ان أمامك الكثير لتتعلمه
ألا تعلم ان هناك ملايين من النساء المصريات يعلن أسرهن يعني الام او البنت هي اللي بتصرف على بيتها واولادها واسرتها ؟؟؟؟

الا تعرف ان الكثير من الازواج يطالبون بعمل زوجاتهن لمساعدتهم في تحمل مشاق الحياة وتدبر نفقاتها معا لتربية اولادهم ... ؟؟؟؟؟؟؟؟
ما هو الست مش بتطحن في الشغل منظرة
وزي ما من حق الراجل يشتغل من حق الست كمان تشتغل

ما هو احنا مش هنيجي سنة 2008 نناقش حق المرأة في العمل .. مش ممكن .. احنا نتقدم ولا بنرجع لورا
بدل ما نقول للناس احترموا بعض واتعلموا احترام الآخر وحقوقه واتعلموا التحضر نقول للست تستاهلي انتي اللي بتطلعي في الشارع؟؟؟؟

برودة مضجع ايه يا عم انت ؟؟
الكلام ده خلص من سنة 1920

فهل تعتقد ان الست لابد وان تجلس في المنزل في انتظار الشاب العريس المأمول هدية السماء عطية الملائكة !!؟!؟!؟!؟!؟!؟!؟

لا تعليق ..
========================
وده كان ردي بعد التحديث بتاع ألا نامت أعين الجبناء وبتاع الجهلة وهو بروح مامته العالم
------------

التحديث ده بجد بجد اسوأ من البوست كله

بدلا من اتهام المعلقين انهم لم يقرأوا الموضوع .. ياريت ترجع للموضوع ربما لم تحسن انت التعبير ..
لما 30 واحد يجمعوا على اني على خطأ لابد وان اراجع نفسي او اناقشهم ..

انما الضحك دي جديدة ..

إذا كان اغلب ما جئنا به (نحن المعلقون) حجج واهية.. طيب .. ياريت تتفضل وتيجي على نفسك وترد عليها ..

اما الجملة دي فكانت أكثر ما ازعجني واسخف ما قرأت النهاردة بصراحة واعذرني

(وابتسمت وادركت انى غالبا ما اكون على صواب فى حكمى على المجتمع بفضل الله فلا نامت اعين الجبناء)

يعني ونعم النقاش والحوار البناء الايجابي ..

بنت القمر said...

بلو
تقصدي ايه بالتحديث اللي اسوأ من البوست؟؟؟
الحته بتاعه تزوير فكري؟؟
ولا حاجه تانيه؟؟
انا شايفه الراجل عامل موديريشين وكاتب قصه قصيرة...وحالق لنا جامد
:)))
وبعدين الراجل طلع حر واحنا اللي واخدين الحكايه
toooooooo personal
!!!

Anonymous said...

ولدى اليك بدل البالون ميت بالون
انفخ وطرقع فيه على كل لون
عساك تشوف بعنيك مصير الرجال
المنفوخين فى الستره والبنطلون
وعجبى
مقدرش اقول غير كده
ماتقرفش اوى كده دول كتير اوى
وحشتنا بقالك كتير مبتكتبش

eshrakatt said...

صباح الفل
الغريبه انك مستغرب ومنفعل سواء كانت هذه القصه حقيقية او من وحى خياله هى بتحمل نفس السلبيه ايه الجديد بصراحه كده هو دا غريب يعنى؟ كله بقى عادى تقبل يا صديقى
مالانثى عندهم عوره كلها عوره ازاى بقه البت العوره دى تنزل الشارع ولا تعرض نفسها للذئاب البشريه هى تستاهل والستات فى العراق تستاهل وفى فلسطين تستاهل طيب والنبى مش بتموت جوا نفسك الف مره لما تشوف جندى امريكى ولا اسرائيلى بيضرب ست ولا بنت ويدوس عليها برجله كلها انتهاكات مسمعتش عن الخال الى اغتصب بنت اخته عندها 9 سنين دا كان لسه من اسبوعين عادى كله عادى ولا تحس بالمرار ولا حاجه ولا تنفعل احنا بقينا فى زمن الصح فيه استثناءوقال الله وقال الرسول كله بيتكلم باسم الدين ولا حد فاهم اصلا ايه هو الدين بس عادى عادى جدا ياسيدى

eshrakatt said...

لا تصدق انا مكنتش قرات البوست بتاعه لا بجد تصدق تحس انك عايز تاخد جزمه ولا بلاش الموقف نفسه اسلوبه فى التعبير هذه السماجه بين حروفه لا والله عندك حق تتقرف لا اكتر ايه شكلها مسلم ولا مسيحى ايه الى اغتصبوها كفره ولا يهود ايه ياعم انت منين بالظبت هو انت من عندنا هنا لا يا راجل صحيح والله ودا مين بقه دا بيتكلم باسم الدين وكان بيسمع سورة اييه والنبى صحيح ياراجل الدين والصوره الى كنت بتسمعها بريئه منك انا الى مزعلنى اوى البرود الغريب والنظره التحليليه العميقه ميقه اوى دى الى بيتكلم بيها لا يا راجل قول كلام غير دا

د. محمد رضا said...

مع اني معارض ل 90 في الميه من افكارك

بس عندك حق في كل كلمه من البوست ده