Saturday, May 10, 2008

تناكُح








لبنان يتناكح فى سبيل المجد

---


12 comments:

Unknown said...

:عزيزى رامز

مش فاهم قوى..ياريت توضح اكتر
وعندى سؤال : هل ترتيب الصور بهذه الكيفية مقصود ولهدف معين أم أنها الصدفة?

.:.-=- ELGaZaLy-=-.:. said...

رامز العزيز ...مش عارف اقولك اية انا بقالى يمكن نص ساعة بقلب فى مدونتك ...

ومش عارف اقولك اية على البوستات الى فاتت بس ...بجد انت فنان ....


حقيقى...وبالنسبة للبوس الى فات فبلا وكسة...وبلا قرف برضة فى نفس الوقت

تحياتى

محمد المصري said...
This comment has been removed by the author.
محمد المصري said...

هتشتمني لو قلتلك إني لسه لحد دلوقتي مع حزب الله وحسن نصر الله ؟
بشكل فيه بعض العاطفية والسذاجة بس أنا فعلاً لسه معاه

وشايف إنه مش منطقي أبداً يتحط وسط العالم ولاد ال***** اللي انتَ حاطط صورهم دول ، أيًّ كان هو مش جنبلاط ومش الحريري

شفت تلفزيون المستقبل إمبارح ؟؟
وبعدين لما يقفلوه النهاردة يطلع واحد بياخد فيها يقولك ده انقلاب على الشرعية

وبعدين انتَ مش حاطط صورة السنيورة ليه ؟

واضح إنك مش معترف بالشرعية

أنا زي ما قلت موقفي فيه بعض العاطفية الشديدة والسذاجة مش هنكر ، بس وحياة اللي جابوك بلاش كلام من عينة انقلاب على الشرعية ولبنان الخضرا وحزب الله يعبث في شوارع بيروت عشان أنا داخل على امتحانات والكلام ده بيجيب لي الضغط ، خصوصاً أي كلام عن الشرعية

سلملي يا رامز ع الشرعية

أبوفارس said...

مراسل البى بى سى..قال: أيه لبنان هى بارومتر المنطقه كلها...ورغم صغر البلد تغير موازين القوى فيها يدل على تغير موازين القوى ف المنطقه كلها..والله أعلم

^ H@fSS@^ said...

انض اتنين في الصور اللي فوق هما ميشيل عون و حسن نصر الله


الباقي ينضموا لشلة الداعر المهني بتاع البوست اللي فات و هما ساكتين خالص
و بالذات جنبلاط
و ممكن تضمني في شتيمتك لمحمد المصري

عباس العبد said...

م5م
أيه يا عم انت من بتوع نظرية المؤامرة و لا أيه ؟ بتوع النص المراوغ و النص المركب و نظريات التفكيك و إعادة التجميع ؟ و دريدا و المسيرى و الحركات دى ؟ أنا مليش فيها يا عم و لا بحبها و لا أقصد أى حاجة . كل الى أقصده ان الفصائل اللبنانية بيغتصبوا بعض " مشيها بيغتصبوا علشان مقدرش أقول التانية " و كل واحد فاكر انه كده بيعمل من أجل المجد اللبنانى . بسخر منهم مش أكتر , و لا حتى الصور ليها ترتيب معين . أنت حتقلقنى منك ليه ؟ مليش انا فى الشغل بتاع النصوص المركبة الى ظاهرها غير باطنها .
---------
الغزالى
انا متشكر لزيارتك و الله يخليك و يكرمك على الأطراء الجميل ده , انا اجى فين انا ؟ . متشكر جداً . البوست الى فات ده حاجة كده مش طبيعية بالمرة , ملهاش قياس .
---------
محمد المصرى
شرعية أيه و نيلة أيه ؟ أحنا حنهرج على الصبح و لا أيه ؟ حسن نصرالله و كله بيهرج , أزاى تتعاطف مع أى حد ؟ تجاوزا ممكن تقدر موقفه لكن تعاطف .... و عواطف و عطيات و عنايات و الكلام ده , مليش فيه . أخفهم دم و بيضحكنى موت الى أسمه " وليد جنبلاط " ده . وليد جنبلاط ده وجوده فى المعادلة اللبنانية أكبر دليل على ان فى حالة تخلف عقلى محكم فى السياسية اللبنانية , لو انت عامل فيها محلل سياسى محترف , ممكن تقولى الخطاب و التصريح الى قالهم لحد دلوقتى معناهم أيه ؟ انت فهمت من كلامه حاجة , حتى كلمة واحدة من الى قالها ؟ عوضنا على الله فى نافوخنا . انا حضرتله خطابه كنت حموت من كتر الضحك . عرفت ليه أنا قلت أنى تجاوزاً مقدر موقف حزب الله . علشان أرحمهم و لأنه وسط متخلفين عقلياً و ان كان خطاب نصرالله خطاب تهريج برضه و رد السنيورة على خطابه أكثر تهريجاً , الى دمه تقيل و مش عارف يهرج كويس , لسه ظهورات فى التهريج , سعد الصغير بن سعد الكبير , الحريرى .
---------
أبو فارس
ليك رد قديم عندى
لما علقت للمرة التانية فى البوست الى فات , وجهة نظرك وصلتنى تماماً , و فهمتها , و متفق معاها تماماً .
بالنسبة للبوست ده
ممكن لأن لو فرضنا أن حزب الله له توجه " أيرانى " ( حلوة لو فرضنا دى قال يعنى مش عارفين توجهه ) المهم , لو فرضنا كده , و فرضنا أن بقية القوى بتمثل " فرنسا و أمريكا " ( حلوة برضه ) , لو فرضنا كده يبقى كلامه صح , لأن الدور الأيرانى فى صعود مستمر . ممكن
---------
حفصة
خشى فى الصف ورا محمد المصرى .
حاذى , حاذى يا به

اهو ده عيبه said...

المواطن العربى محتاج دكتوراه علشان يقدر بفهم الوضع السياسى فى لبنان

احييك على المدونة وعلى موضوعاتك

محمد المصري said...

يا ابني ده لو سيما مينفعش يبقى كلهم تبع العصابة ، لازم واحد يبقى كويس !

ركّز معايا يا رامز والنبي وياريت نفهم بعض بسرعة عشان امتحاني بكرة وواضح إنه هيتخرب بيت أبويا

المعادلة اللي أنا كتبت على أساسها الكومينت اللي فات كانت في أكتر الصور بساطة - عشان كده وصفتها بالعاطفية والسذاجة - ، معادلة من طرفين .. طرف فيه ولاد ال***** من عينة جنبلاط والحريري والسنيورة وجعجع .. والطرف التاني فيه نصر الله وكل المتخالفين مع حزب الله ، وبشكل أكثر تهذباً وأكثر سياسية كمان طرف فيه الخونة وطرف فيه المقاومة

بس لو عايز نتكلم بشكل جدي بعيداً عن العاطفية تعالى نتكلم بشكل جدي

أكيد مش بعيد عليك الضغوطات الداخلية اللي مورست على حزب الله بعد حرب تموز وتحول الحرب من عسكرية أعداءها واضحين من الخارج .. لحرب سياسية أعداءها من الداخل ، وأكيد مش بعيد عليك العلاقات المؤكده بين وليد جنبلاط والمخابرات الإسرائيلية .. وبين سعد الحريري والسنيورة وبين أمريكا وفرنسا والسعودية .. إلخ

لما بعد شهرين بس من أغتيال عماد معنية ونتيجة لضغوط من إسرائيل وأمريكا يطلع ولاد ال**** يقولولك هنلغي شبكة الاتصال الخاصة بحزب الله

يبقى انتَ يا رامز بتحور في إيه ؟
وعلى أي أساس بتحطهم كلهم في سلة واحدة ؟

هي شبكة الاتصالات بتاعة حزب الله اتعملت النهاردة الصبح مثلاً فلما - النبي حارسه وصاينه - السنيورة عرف بيها بعد الضهر قرر الغاءها ؟؟

ده استعباط واستفزاز إلى أقصى حد ، أنا بقولك بشكل مباشر هشيل الغطاء اللي خلاك متتقتلش خلال السنتين اللي فاتوا وهخلي موقعك واضح قدام الإسرائيلين يعملوا في أهلك اللي هما عايزينه

المفروض رد فعل حزب الله يكون إيه ؟؟

بص أنا قلت بشكل غير مباشر في الكومينت اللي فات إني مش موافق على كل توجهات حزب الله في المشكلة الأخيرة ، بس بشكل أو بآخر مكنش فيه اختيار تاني يا رامز ، نصر الله لحد دلوقتي ورغم كل ال***** اللي بيعمله وليد جنبلاط والاستفزاز المباشر ومحاولة تحويل الموضوع لشكل ديني وطوايف بتتصارع على كعكة ، رغم كل ده نصر الله بيدير الموضوع بشكل هادئ وواضح وبيحاول يحيَّد موقف الجيش وعدم الانجرار لقتل المدنيين أو حتى ميليشيات المستقبل

ورغم إن كل الوساخات اللي موجودة في العالم - داخلياً وخارجياً - متحالفه ضده وضد حزبه .. مع ذلك موقفه أقوى وأنضف والدليل على كده الكسكسة المتتالية من الثلاثي المرح اللي حصلت خلال اليومين اللي فاتوا ، يبقى لما أقول متعاطف معاه أو في صفة أو حليف ومؤيد ليه - اختار الكلمة اللي تعجبك - يبقى ده مفهوم تماماً

أخيراً جنبلاط بيلعب .. أنا مبضحكش وأنا بتفرج عليه ، ببقى عايز أرجَّع ، والحريري دايماً بحس إنه مش مظبوط وإنه لابس تحت البدلة قميص نوم وده بيقلب معايا باشمئزاز وقرف ، اللي بيضحكني فعلاً فؤاد السنيورة .. راجل دماغ فعلاً ، كان عايز يكسكس وفي نفس الوقت يستعدي الجيش ضد حزب الله .. فطلع قالك إن القرارين لم يصدروا بس أنا بحث الجيش على تنفيذهم .. فلما الناس قالوله منين لم يصدروا ومنين عايز الجيش ينفذهم طلع قالك إن صيغة القرارين كانت غلط وفُهِمَت بشكل خاطئ ، ده على أساس إن عم أحمد البقال اللي فاتح كشك تحت القصر الوزاري هو اللي كان كاتب القرار وكل الناس غبية وفهمته غلط ، السنيورة راجل دماغ وزي العسل فعلاً

بس ماله بقى خطاب حسن نصر الله ؟؟ وإيه هي ملامح التهريجية اللي كانت فيه ؟ ، يا ريت توضح لي فعلاً عشان مش فاهم

عموماً أنا حالياً ابتديت أتفاءل شوية بعد الإحباط اللي كان في أول يوم ، آخر حاجة أعرفها إن جنبلاط طلب من طلال آرسلان تسليم أسلحته للجيش وده معناه إن القوى الخارجية اللي بتشكل ثقله الأساسي مش بتدعمه حالياً بالقدر الكافي ، وفي المقابل حزب الله معندوش رغبة في التصعيد بأي شكل رغم ميل موازين القوى لحد دلوقتي ليه بشكل واضح ، ويمكن أهم حاجة إنه مخسرش شعبيته ومسمحش بتحويل الموضوع لشيعة وسنة مثلاً - رغم استفزازات جنبلاط الرهيبة عشان يجبره على ده - ، أطروحته دايماً كانت مقاومة قصاد خونة .. وأنا مصدقه ومعاه

Unknown said...

ياعم رامز بالراحة عليا ده أنا غلبان..وبعدين انت مالكش فى الشغل ده؟ ده انت أستاذ
.
.
.
خللينا فى الجد
بص..أنا مش عايز أمارس المراهقة السياسية و أهيم عشقا بالسيد حسن نصر الله فى الفاضية والمليانة....أكيد الراجل بيتحرك بأجندة معينة ( وده حقه)..سواء بقى الأجندة دى حددها هو أو رسمتها له سوريا أو ايران..لكن لابد أن نحترم مقاوما له أجندة وناجح فى تنفيذها...وزى محمد المصرى ماقال ان كان لابد من الانحياز الى جهة : اما ولاد الذين واما حسن نصر الله..فليكن اذا حسن

لكن بدون ضغوط المقارنة و الوقوع فى كاريزما الرجل الزعامية الساحرة..لابد أن أعترف أن لدى العديد من علامات الاستفهام حول تحركات حزب الله الأخيرة ولا تقنعنى تماما حدوتة شبكة الاتصالات هذه
.
.
.
نلتقى بعد الفاصل

عباس العبد said...

م5م
أستاذ أيه يا عم ؟ أنت عايز تلبسنى تهمة
أنا متفق معاك فى النقطة
حقولك حاجة يمكن تؤكد كلامنا أحنا الأتنين قصاد تيار محمد المصرى
لو الأحداث دى حصلت فى مصر , ضرب و قتل و خناق و قفل شوراع
كان حيبقى فى مؤيد و معارض و مصر بتولع ؟
لبنان ممكن تتحرق و محمد بينظر للواقع الأستراتيجى و تحليل الموزاييك السياسى للمشهد اللبنانى
----
محمد المصرى
أنا ما أنكرتش أنهم بيستفزوا حسن نصرالله و خصوصاً شبكة الأتصالات الى أكتشفوها أمبارح بعد الضهر و السنيورة الى قال أنه حيرجع فى القرارات بس فى نقطة أنت مش واخد بالك منها
حسن نصرالله قال أنه مش حيوجه سلاح المقاومة للداخل حتى لو أستفزوه غير أنه حول خطابه ال" عنترى " للداخل و خصوصاً بعد موضوع مغنية الى بيقال أنه مات أثناء تلغيمه سياره و أرسالها للبنان , , هو بيلغم السيارة أنفجرت فيه
و كان حسن نصر الله قال بقين خوفوا أسرائيل نفسها
حسن نصر الله مقاوم من الدرجة الأولى ؟
أيون مقاوم من الدرجة الأولى
بس .... بس
بان أوى أن فى إنه مش مفهومة و التهريج فى الداخل غير التهريج فى الداخل
الداخل حرب أهلية تدمر دولة و التهريج فى الخارج مقاومة او على الأقل خطاب عنترى دمه خفيف
وليد جنبلاط دمه خفيف موت
لازم يشتغل ممثل هزلى كوميدى حناكة و محتاجة

محمد المصري said...

يا رامز مع احترامي لكل اللي انتَ بتقوله بس فكرة تكوين وجهه نظرك بجملة واحدة زي ( نصرالله بيجر لبنان لحرب أهلية ) أشبة باللي بيعمله كتاب الحكومة لما بيهاجموا حزب الله على طريقة ( ولا تقوبوا الصلاة )

أصلاً مختلفتش معاك ولا مع إم 5 إم ، ولو قريت الكومينت بتاعي كويس هتلاقيني بقول إن ليَّ اعتراضات على توجهات معينة في مواقف حزب الله الأخيرة من بداية الأزمة ، بس أيَّ كان حجم الاعتراضات دي فأولاً وأخيراً المعادلة اللي بتطرح نفسها هي مقاومة .. قدام مجموعة من الخونة بينفذوا مخططات لدول ليها مصالح جوا لبنان ..

وبعدين فين التنظير في اللي أنا قلته ؟؟

بلاش دي ، انتَ كنت شايف إيه الحل اللي ممكن يتخذه حزب الله في إدارة الأزمة أحسن من اللي تم فعلاً ؟؟

كان فيه سيناريوهين مطروحين قدام سعد الحريري وباقي العصابة وعلى أساسهم تم اتخاذ القرارين :
1- قبول حزب الله بيهم وفي الحالة دي هيكون سهل جداً ضرب المقاومة واغتيال نصر الله نفسه
2- وهو الاحتمال اللي كان أغلب وهو تورط حزب الله في رد فعل عنيف جداً يهيَّج عليه الدول ويسمح بتدخل أمريكي مباشر في أمور بيروت خصوصاً مع اغتيال بعض الأسر الشيعية بداخل لبنان ليُحَوَّل الموضوع لحرب طوايف دينية قصاد بعض

حضرتك كنت عايز إيه اللي يحصل ، ده ولا ده ؟؟ ، كنت عايز إيه فيهم عشان لبنان متولَّعش ومتتحرقش ؟؟

السيناريو التالت اللي حصل فعلاً ومكنش مطروح هو إدارة الأزمة بالشكل اللي حصل - رغم حدَّة الخطاب - واعلانها بشكل واضح إن سلاح حزب الله لن يوجه للداخل ولكن سيوجه لأي يد تقترب من هذا السلاح ، والسيطرة على بيروت مش لأجل الوصول للحكم - وقوة حزب الله بداخل لبنان تسمح له بده طبعاً - ولكن لمنع مخطط التفكيك ولإعادة وفيق شقير لمنصبه

يبقى برضه انتَ بتحوَّر في إيه ؟ ومين اللي بيجر لبنان لحرب أهلية أو لتدخل دولي ؟؟

أخيراً لو قريت كلامي كويس هتلاقي إن فيه نقط كتير متفقين فيها ، انتَ بس اللي طلعت عاطفي وشايف الموضوع بقلبك زيادة حتى عن اللي العاطفية اللي كنت بتكلم بيها في أول كومنت :) ، أنا بتكلم من ناحية الواقع السياسي اللي كان حاصل .. وانتَ بتتكلم عن دولة عربية خايف عليها - مُزَّة العرب ، ومش فاكر انتَ ولا الواد أحمد اللي قلتوا التعبير ده - :) ، بس مجملاً الاختلاف بينا مش كبير للدرجة ..