Saturday, May 24, 2008

حناكة المحتاجة

فى حاجة غلط بجد . جايز انا مش قادر ادركها بعقلى الضعيف بس بتؤثر بالسلب على أعصابى .فعلاً فى حاجة غلط .

عن المسخرة الكونية أحدثكم .

=========

ثقافة رخيصة

مصر فيها مسخرة غريبة . و المسخرة المصرية دى ليها أبعاد أسطورية و أذا كان الزمالك هو البعد الكروى ليها , فان التدوين أصبح هو البعد الثقافى للمسخرة دى .

---

ذهبت الى حفل توقيع " مدونات مصرية للجيب " الى كان فى " عمر بووك ستورز"  لمدة خمس دقايق و مستحملتش أكتر من كده . الجو كان حر موت و الريحة " معفنة " بمعنى الكلمة و بدون أى مبالغة . أشتريت نسختين من الكتاب و مشيت علطول . لما روحت فوجئت بالخناقة العظيمة عند هرطقة و كراكيب . و أنا رايح كنت منشغل بأنى ممكن أقابل " احمد مهنى " , بس و انا راجع نسيت خالص موضوع " احمد مهنى " و فكرت فى حاجة شغلتنى لدرجة ان سواق التاكس قالى " انت بتكلم نفسك يا أستاذ " ... كنت مشغول بالكتاب " مدونات مصرية للجيب " 270 صفحة من القطع أقل من المتوسط و أكبر من الصغير و ب4 جنيه !!!!!!! يعنى رجل المستحيل أغلى منه !!!

اساساً , مشكلة مصر هى الثقافة " الرخيصة " , الناس بتقرا الكتب الى على الرصيف و الى بتتوزع فى الأوتوبيسات و القنوات الفضائية من الى بتجيى على الوصلة علشان " رخيصة " رغم انها لا تمثل أى ثقافة فعلية من نوعية " فضائح الفنانات " , " أنحرافات صلاح نصر " , " التاريخ السرى لعبد الناصر " , غير الكتب الدينية و القنوات الى بتقدم ثقافة غريبة . فييجى المدونين الى هم " مدونين " ينزلوا كتاب يدخل فى بند الثقافة الرخيصة .

-1-

تدوينة منشورة من مدونة قصاقيص ورق أسمها " عن فلسطين أتحدث " 1 و 2 .... للمدون "شمعى أسعد " و دى أقدر أنقدها لأنى أعرف شمعى و أتكلمنا مع بعض قبل كده و مش حيزعل . التدوينة مبتقولش أى حاجة و لا بتقدم أى حاجة , كنت كلمت شمعى فى الموضوع ده قبل كده . التدوينة منزوعة من سياقها و من طريقة كتابات شمعى و مبتقدمش أى حاجة . و بالتالى الى حيقراها مش حيستفيد أى حاجة .

-2-

و تدوينة تانية للأستاذ " احمد شقير "  حكاوى اخر الليل , الى أعرفه شخصياً و قابلته و مش حيزعل منى لأنه حيفهم قصدى . منشور له تدوينة اسمها " أستغر الله العظيم " , ملقيتش اللينك بتاعها للأسف , لكن مبتقولش أى حاجة , لأن الى يعرف احمد شقير و يعرف كتاباته " مش حيستفيد أى حاجة " من التدوينة المنشورة فى الكتاب لأنها مش بتقدم احمد شقير و لا فكر أحمد شقير و لا حتى هو عايز يقول أيه .

دول الى أنا أقدر اتكلم عليهم و مش حيزعلوا منى .

تخيل كده جابوا تدوينة من نائل و بيسو و جبهة و مختار و بلو و بنت القمر و أبو فارس و الصارم الحاسم و أسكندرانى كل تدوينة شكل و حطيناهم فى كتاب , حيبقى خربوطلى خالص و الناس حتقول عليهم مجانين و مش بيفهموا حاجة .

يعنى لا الكتاب غالى علشان الدار تكسب , و لا بيقدم نص ادبى متماسك متكامل زى غادة " عايز أتجوز " أو رحاب بسام  علشان نقول انه لازم يبقى رخيص علشان ينتشر , و لا حتى نصوص عن قضية معينة تهدف الى تعريف الرأى العام برأى المدونين فيها ....... مفيش أى سبب يخليك تفهم أى حاجة .

و بالتالى , للأسف الكتاب يخش فى بند الثقافة الرخيصة . مرة " عندما أسمع كلمة مدونات " و مرة " مدونات مصرية للجيب " و ان شاء الله قريب و على أيدين الناس دى حنوصل زى ما قال جيمى-هوود " ل " مشروع مدونات روزاليوسف " !!!

دار " أكتب " ليها أصدارات فى القصة و الرواية والشعر محترمة فعلاً .... لكن الكتاب ده ..... ؟؟؟؟؟؟؟

=========

الأنسان و الحمار

من المعروف ان نهيق الحمار أعلى من صوت الأنسان و دى حاجة طبيعية . لا تعيب الأنسان ان صوته ضعيف و لا تميز الحمار أن نهيقه عالى . لكن تبقى انسان مش صوتك واطى بس لأ و عبيط كمان لو رحت زعقت للحمار و قلتله وطى نهيقك شوية .

---

حناكة المحتاجة

الصراحة لما بتخنق قوى بروح لعكاشة صديقى , اخد الحكمة منه و أروح البيت مستريح نفسياً . رحتله أخر مرة قاللى حكمة العدد

قاللى : عارف حوكة بن حناكة ؟

قلتله : لأ .

قالى : كويس ... امه حناكة بقى .... طلعت " محتاجة "

قلتله : مش واضح .

قاللى : بالظبط .... كده انت فهمت كل حاجة . ممكن تروح دلوقتى

قلتله : ازاى ؟

قاللى : حناكة المحتاجة . تلخص الوضع كله فى مصر , محدش عارف مين حناكة و لا هى محتاجة أيه  ؟  و لا أى حاجة , حتى أبنها حوكة , مش معروف , فهمت ؟ بس لازم كمواطن مصرى سعيد و محترم أنك تلبى الى هى عايزاه , عارف ليه لازم تلبى الى هى عايزاه ؟

قلتله : لأ

قاللى : علشان حناكة محتاجة . فهمت  ؟

قلت : أزاى , مش فاهم ؟

قاللى : تمام , كده ممكن تروح و انا مطمن عليك .

---

قانون المخابرات العامة المصرية لحقوق و واجبات المدونين .

السيد أحمد شقير عايز يخلص على بواقى مخى , بس هو يشكر على انه عرفنى على جمعية " ام ترتر " للمدونين المحنكين . جمعية أم ترتر دى ليها رؤية لا يمكن أدراكها بالعقل البشرى , النص التالى ده من أهم النصوص الكونية الى قريتها فى حياتى :

إلتزام المدونين بحماية الأمن القومي المصري و العربي. وفقا  للقوانين التالية:

1-

القانون رقم 121 لسنة 1975 الخاص بحظر استعمال أو نشر الوثائق الرسمية.

2-

 القانون رقم 35 لسنة 1960 بشأن الإحصاء والتعداد .

3-

 القانون رقم 313 لسنة 1956 المعدل بالقانون 14 لسنة 1967 بحظر نشر أية أخبار عن القوات المسلحة .

شوف بقى البند الى جى ده ......

4-

 قانون المخابرات العامة رقم 100 لسنة 1971

---

النص السابق ده منقول من تدوينة بعنوان  " حقوق و واجبات المدونين " تبع أم ترتر برضه. الواد عكاشة ده دماغه متكلفة , فعلاً حناكة طلعت محتاجة . الناس دى بتروح بالليل و بتنام الضهر و بتتغدى الفجر و بتشرب بعد ما تنام . و لما بتصحى بالليل بتكتشف أنها لسه مرجعتش من هناك . لأ و ليهم رئيس و كافة شىء يرضى رب كريم . فى حلاوة اكتر من كده

شوف النص الحنكولولى ده :

أتــــحــاد الــمـدونـيــن الــمــصـريـيـــن ( تحت التأسيس):
اتحاد يضم كل المدونيين المصريين من مختلف المواقع التدوينية ويعمل على حماية المدونيين وحفظ حقوقهم والعمل على تطوير العملية التدوينية وتبادل الخبرات فيما بين المدونيين و ندعوا الى مراعاة الله عز وجل فى كل كلمة نكتبها او ننطق بها فسوف نحاسب على ذلك ان شاء الله .

--

واحد بيقولك " تطوير العملية التدوينية " و " مراعاة الله عز وجل " ..... يبقى انت اكيد مش حتعرف ترد , الراجل حيطورك و كمان بيجهزك " ليوم الحساب " علشات تبقى صاخ سليم .

تخيلوا كده لما بلو ستون المعروفة بكامل لياقتها فى التدوين تخرج عن شعورها و تكتب " احيه يا سوسو أحيه " يبقى اكيد الناس دى جامدة و احنا مش واخدين بالنا .

الجمال بقى و الى جى من الشمخ الجوانى و طالع لجواب جواب السيكا حاجة من الأصلى فعلاً , الجواب الى جالهم ... أقرأ الجواب و أدعى على أم ترتر

=========

حرام

كان فى موضوع مثار عن الأخت الفاضلة دينا راقصتى المفضلة و هى انها رقصت فى حفل تخرج طلاب احدى المدارس الثانوية . و بعدين عرفت من مارفل انها دى لاسال , أى انها مدرستى الكريمة و هى مش مدرسة ثانوى زى ما كتب الفلاحين , دى مدرسة تخشها من اولى حضانة لغاية ما تخلص ثانوى . و كل سنة بيعملوا حفلة البروم أى حفلة التخرج مش منتشرة زى ما بيقولوا الفلاحين من سنتين بس . فى كل المدارس و الجامعات الأجنبية و المحترمة بيعملوا حفلة تخرج و أسمها بالأنجليش و الفرنسيه " بروم " انا الى مخلص مدرسة من 13 سنة عملولى حفلة بروم .

طبعاً الخلاف اخلاقى , ازاى رقاصة ترقص فى حفلة تخرج طلبة سنهم أقل من 17 سنة و كمان تجيبها مدرسة عريقة ؟ حاجة غريبة و مستفزة فعلاً و تحرق الدم , ولاد اللذينا البعدا , حاجة مترضيش حد , مفيش لا حزم و لا ربط و لا ثبات على موقف , و فعلا ضايقتنى شخصياً لأنها تخص سمعة دفعتنا . حفينا علشان نقنعهم أنهم يجيبوها فى حفلة تخرجنا احنا من 13 سنة و مرضيوش .....  دلوقتى جابوها ! فين الثبات على الموقف ؟ , و كمان معزمونيش ! فين كرم الأخلاق ؟, يا ولاد اللذين هو ده الى بتعلموه للولاد فى المدرسة ؟ لا أخلاق كريمة و لا ثبات على موقف ؟ , دينا حبيتى ترقص فى حفلة تخرج  و بملابس خليعة و كمان مشوفهاش  , يعنى المصايب لما تهل تهل بالجملة . رقصت فى حفلة تخرج مدرستى و كمان بملابس خليعة و مروحش  أحضر الحفلة , حرام . أيه النحس ده ؟ دى ملابس خليعة يا جدعان , ملابس خليعة , مش أى كلام .

=========

دعاء

يا رب , خللى بابا يوافق أروح السينما مع بلبل يوم عيد ميلادى .

يارب , ممكن أروح السينما و أشوف المنتقم و دستة أشرار , و كل فيلم حشوفه حصلّيلك قصاده عشر مرات .

---

نعيم

فيلم بحب السيما

 

 

55 comments:

جبهة التهييس الشعبية said...

والله انا كان ليا رأي في موضوع الكتب ده يا رامز بس ما رضتش اتكلم عشان ما ازعلش حد مني، الناس تجيب اللي على الكتاب تحطه على النت عشان يبقى مقروء اكتر وببلاش مش تجيب اللي مقروء اكتر وببلاش وتحطه في كتاب بفلوس مهما وزع مش ح يبقى زي رواج المدونات

بس سكت انا مالي

جبهة التهييس الشعبية said...

ههههههههههههههههه
هذه المدونة ترحب بالبلاك ليبول
طب تواضع يا اخي خليها بيرة روم انشالله فودكا حتى
اديني امارة للالاطة دي ياعم

karakib said...

علي فكرة يا رامز
الرقص كان في فندق مش في المدرسة
و لو كان في المدرسة هما مالهم
خلاص مشاكل البلد اتحلت
دي حاجة تقرف
اما عن تدوينة الخناقة فمن الواضح انه في ناس بدأت تزعل مني بالرغم من اني كاتب الموضوع كخبر و ما قلتش حتي رأيي في اللي حصل
و كأنه المفروض ما اجبش سيرة الخناقة و انه ده اغرب حفل توقيع حضرته

Hypatia said...

حلو حكايه حناكه المحتاجه ديه
مقنعه

بالنسبه لموضوع المدرسه فا انا مش شايفه فين المشكله مش قادره افهم بصراحه ايه الازمه فى ان مدرسه او طلبه يعملو بروم ويجيبو حد يغني وواحده ترقص

موضوع اتحاد المدونين ده قريته عندك وعند شقير وفى القهوه العاليه فيه حاجه واحده بس نفسي اعرفها لو سمحت يا رامز
فيه اى مدون نعرفه ولا اى حد يعرفه مشترك ولا عضو ولا اى نيله فى الاتحاد ده؟؟؟؟؟؟؟؟

بلاش ديه انت او نواره او هانى او حفصه او بيسو او اى مدون اتوجهله اى دعوه للانضمام للاتحاد ده؟؟؟؟؟؟؟؟

اكتر حاجه مضيقاني فى موضوع حفل اصدار كتاب المدونين هو ان حد زى دكتور ماجد فرج يكون اتعرض لاي اهانه من اى عيل ندل متخلف
:((
حاجه تضايق جدا

عباس العبد said...

ملحوظة مبدئية
حفلات البروم او التخرج الى بتعملها المدارس بتبقى فى المدارس و بينظمها مجموعة من الطلبة من كبار الدفعة , بيحجزوا قاعة فى فندق و يتفقوا مع المغنيين أو المطربين أو أى حد عايزينه يجيبوه و بيحضر الحفلة دى , الأهالى و اولياء الأمور و أصدقاء الطلبة , كل الى بيحصل أنهم على مدخل القاعة بيحطوا يافتة عليها أسم المدرسة و رقم الدفعة
فى حالة مدرستى , كانوا عاملين يافتة فى الفندق
حفلة تخرج مدرسة دى لاسال
دفعة 2008
لا ألمدرسة جابت رقاصة و لا حتجيب و لا الرقص تم فى المدرسة , أنا كنت بسخر فقط من الى رافعين قضية , شوية الفلاحين الى ميعرفوش يعنى أيه بروم أساساً زى ما مكتوب فى العربية, ممكن تقروا تغطية كاملة عند كراكيب لأنه خريج نفس مدرستى .
---

عباس العبد said...

جبهة التهييس
أنتى خفتى تزعلى الناس ؟ , أنا بقى طوب الأرض زعلان منى . بس ده رأى , مينفعش ابداً ان الحاجة الوحيدة الى بتكتب بحرية فى سياق متصل أروح قاطع منها و انشر و يا ريت حتى ليها اطار عام , الكلام مش راكب على بعضه , المدونين لو الكتاب ده أنتشر حيبقوا مسخرة المجتمع , أكتر ما المجتمع بقى بيسخر منهم .
---
ثانيا ً
الروم و الفودكا لو أستيراد مش بتوع اورفانيدس حيبقوا أغلى من البلاك ليبل , ف-البلاك ليبل أرحم و أرخص و بعدين مناسبة للصيف أكتر , الروم و الفودكا بيدوا حرارة جامدة , يعنى كأس فى الصيف و تركب الصاروخ و تروح المولد .
هههههههه
--------
كراكيب
عارف يا هانى , انت مقرتش ردى عندك و لا أيه ؟
و العموم انا وضحت فى بداية التعليقات , تجنباً للصيد فى الميه العكرة , انت عارف فى أساتذة فى الموضوع ده .
---
نسرين
دعوة أيه . دول لو بعتوا دعوة لواحد زى بيسو , حيقولهم امكم فى العيشة و لا طارت غير الأصوات الأنفية و الغير أنفية و الحنجرية و الغير حنجرية الى كان حيعملها .
بالنوسبة لد. ماجد
انا محضرتش للاسف الخناقة لا الأولى و الأخيرة , و بعد ما عرفت بموضوع الخناقة من هانى و بعدها من تدوينة هرطقة ... لى موقف مختلف معاهم شوية فى الموضوع ده , لى بعض التحفظات .
الصراحة ريحة المكان كانت فعلاً معفنة بطريقة بشعة . أنتى مش متخيلة تقفى فى حتة ريحة عرق البنى ادمين , تدمرلك معدتك . فكان لازم أمشى بسرعة غير انى كنت جى من شغل و طالع على شغل , غير انى متشرفتش بمعرفة د. ماجد , معرفوش شخصياً .

Esmeralda said...

عزيزي رامز
بص يا معلم , انا حاقول رايي بصراحه فى موضوع الكتب ده و عارفه اني ممكن اروح فيها
تفتكر لو غاده و غاده و رحاب مكنوش مدونين و كتبوا اللى كتبوه من غير ما حد يقرا لهم و لا عدد الزوار كان بالالفات و بعدين قوم ايه راحوا لدار الشروق و النبي ممكن تنشروا الكتاب ده, كان الاستجابه حتبقي سريعه كده لا و يبقي فيه بروباجندا و الكلام ده كله؟؟
الاجابه عندك اكيد
موضوع النشر ده اكيد فيه جزء تجاري, الجزء ده بقي كبير صغنن الله اعلم
يا عم على حسب ماسمع فيه ناس موهوبه بجد بتحفي عشان تشوف حاجه منشوره لها
انا من الناس اللى نزلت لهم تدوينه فى كتاب , و لا تتخيل اني مبسوطه اد ايه بجد مبسوطه بعبط
لا تتخيله, واحده لا بيها و لا عليها كتبت تدوينه و هى متغاظه و التدوينه نزلت فى كتاب , تخيل الوضع :), بس ده مش معناه اني اعيش دورالكاتبه العظيمه اللى مجاش زييها , فى الحفلة قلت الكلمه ديه للمرة مش عارفه كام , انا بادون لمجرد التدوين , مش فاهمه ايه اللى حيفيد الناس من مواقف اتعرضت لها و باحكيها, مش معنى كده انى عامله فيها شريفه و ان لو حد قالي تعالي يا قطه ننشرلك كتاب فانا حارد بمنتهي الاباء انه تؤ تؤ تؤ انا ادون للتدوين
لا حاوافق و حافرح برضه دانا ابقي هابله لو رفضت
مش عارفه ليه الناس واخدين موضوع التدوين ده على اعصابهم كده , الموضوع سهل و بسيط مش ناقصين كلكعه و التزامات
بس مش حابص للموضوع على انه عمل ادبي لان ببساطه شديده انا عار عالادب المصري
و بعدين بقي صدقني الموضوع شويه كده و حيبقي عادي, و بعدين بالنسبه لموضوع اني اشتري حاجه نازله عالنت فده يرجع ان الناس لسه مش فاهمين ايه هو التدوين ده و بعديا عن التدوين فيه كتب بتبقي نازله عالنت باشتريها لسبب ان مش حاشيل الكمبيوتر على قلبي فى كل حته عشان اقري و بعدين عشان النظر برضه اللى قرب يخلص , عينيا باظت من الكمبيوتر , متقوليش هاتي لاب توب
تقدر تقول هوجه فى الموجه

الموضوع كله معتمد عالشباب , فهو من الشباب و الى الشباب و اللي يحب النبى يزق
انا مرحتش مدونات الجيب بس رحت بتاع دار العين , كان نفسي بجد اتعرف عليك
يلا تتعوض : )

لو تحب ممكن ارغي كمان بس كفايه بقي وجعني
:)

عباس العبد said...

ازميرالدا
ازميرالدا بتعلق عندى , ده فخر كبير
شكراً ليكى
حقولك حاجة
عارفة المدون مختار العزيزى طبعاً
لما كتب عن المدونات التلاتة و كتبهم المنشورة
غادة و رحاب و غادة
كان ردى عنده بالنص
أنى أشتريت الكتاب علشان خاطر انهم مدونين و ان الشروق نشرت لهم علشان هم مدونين معروفين و لما أشتريت الكتاب حسيت بحاجة غلط , لما قعدت أقراه حسيت بحاجة غلط و معجبنيش , قلت كده
و لما شفت غادة " عايزة أتجوز " قلتلها نفس الكلام انى أشتريت الكتاب علشان أنتى مدونة لكن الكتاب لما قريته فى البيت بره المدونة معجبنيش
ده رأى و أنا ثابت عليه
و مع ذلك رحت أشتريت الكتاب " مدونات مصرية للجيب " زى ما قريتى فى اول التدوينة
ده التزام شخصى ناحية المدونين او جنون او سذاجة
بس أشتريته
و بعدين انا معترضتش على النشر للمدونين
أنا حددت تلات حاجات ممكن أفكر فى القيمة ساعتها لو نُشر للمدونين بسببهم" بتكلم عن نفسى طبعا" ,,, ايه هم التلات حاجات
الأولى
دار عايزه تحقق مكسب سريع فمش حتبيعه ب4 جنيه طبعاً
التانية
انه يكون نص أدبى متكامل و متماسك
علشان الأدباء الى مش واخدين فرصتهم زى ما قلتى يتنشرلهم و ده حصل فى حالة غادة و رحاب و غادة محمود الى أتظلمت كتير وسطهم
غادة الى كتبت " أما هذه فرقصتى أنا " أتظلمت وسط غادة و رحاب
و التالتة
ان فى قضية مهمة عايزين يوصلوا للناس فيها رأى المدونين
يعنى لو عملوا كتاب عن الواقع السياسى المصرى و نشروا فيه للمدونين
أقولك ماشى
رأى المدونين عايزنه يوصل للناس
موافق
و انا كتبت كده :
" يعنى لا الكتاب غالى علشان الدار تكسب , و لا بيقدم نص ادبى متماسك متكامل زى غادة " عايز أتجوز " أو رحاب بسام علشان نقول انه لازم يبقى رخيص علشان ينتشر , و لا حتى نصوص عن قضية معينة تهدف الى تعريف الرأى العام برأى المدونين فيها "
---
ده كلامى الى منشور فى التدوينة
لكن
بغض النظر عن أى حاجة
بصى للكتاب و لترتيب البوستات و متعالجة أزاى
يا ستى ده من كتر التهريج
ناشرين تعليقات الناس على بعض البوستات
فى حد يعمل كده ؟
انشرلك بوست بتعليقاته
انا مش عايز أبوظ عليكى فرحتك
لأنه لو أنا أتنشرلى حبقى فرحان طبعاً و خصوصاً لو فى كتاب مع ناس بكتب و بتكلم معاهم
لكن لو كان أتنشرلى فى الكتاب ده
كنت ححس أن فى حاجة غلط
----
متزعليش منى
ده رأى و مش حقدر أغيره

Esmeralda said...

يا بني و الله مانا متضايقه منك
انا كتبت رايي فى الموضوع ككل مش ردا على كلامك و مبسوطه ان حد شايف الموضوع كده
بس المشكله قبل كده مرضتش اقول رايي ده بصراحه , انا قريت بوست مختار فعلا و عجبني جداااااااا و متبعاك برضه بس باقرا فى صمت و باعلق عشان اقول حاجه مش عشان اقول نا اهه و قريت الله يخرب بيتك يا هيكل و عجبتني موووووووز
اللى عايز ينشر لحد ينشر له لان اللى كتبه ليه قيمه مش عشان معروف وسط مجموعه من الشباب بيقروا المدونات
لازم اللى يتنشر ده يكون ليه قيمه و يستحق
مش نجاح مبني على نجاح ده لو اعتبرنا ان فيه نجاح و فشل فى المدونات اصلا يعني ,
و الا حنبقي زي كركر و عندليب الدقى و دانا دوندون
و صدقني اكيد يوما ما حنسمع كلمه
الكتابه الهابطه
او الكتابه الشبابيه
و انا اهه و انت اهه و الزمان ااهو بينا اهه
و الله تلاته موضوع الكتاب ده و لا فى بالي
محمد كمال يشكر فعلا بس لازال التدوين للتدوين

بنت القمر said...

رامز
هو بالنسبه لموضوع مدونات الجيب انا اول ما عرفته كان من مدونه عاوزة اتكلم بتاعه ايناس لطفي وقلت لبلو تقول لهاني كراكيب عليه لانه ولد موهوب ويستحق ياخد فرصه
وبعت لهم برضه حاجات بتاعتي انا بحبها واعتبر انها بتعبر عني وردت عليا ايناس ان اللي بعته مستواه جميل ولو ملحقش الطبعه الاولي يبقا التانيه
طبعا حصل قصه مهني ونفسي اتسدت من كل حاجه ونسيت الموضوع
دلوقت بقا تقريبا في اكتر من جهه بتنشر كتابات المدونين
وبيشتموا في بعض علي الفيس بوك
انا اصلا مش متمكنه اوي علي الفيس بوك ولسه جديده بس فهمت بالوايم كده
انهم ها ينسقوا مع بعض لكيان مشترك
الحته اللي انت بتقولها بتاعه لو جابوا تدوينه من نائل وبيسو وبلو والصارم
مش فاهماها؟؟
يعني ايه لو جابوا هو بمزاجهم
مش المفروض علي ما فهمت اني انا اللي بقدم التدوينات اللي احب انها تتنشر
ولا ايه
انا في كتابه لي بحبها وكتابه لا
وكتابه اقدر اقول انها بتعبر عني او مش بتعبر بالدرجه الكافيه
يعني في الاخر المدون حر يبعت ويرافق علي نشر اللي هو شخصيا مرتاح له
ولا انا فاهمه غلط
بغض النظر عن رأي الناس
يعني انا شايفه االموضوع زي حق الملكيه الفكريه كده
مش اللي عاوز يعبيّ ويشيل وهنا ها ندخل في اشكاليه تانيه
هما مالهم ومال التعليقات؟؟!!
التعليق ملكيه مناصفه بيني وبين المعلق
يعني مش معني اني علقت هنا اني احب ان حد ياخد كلامي{تعليقي} وينشره... يتاجر فيه
عشان انا اتلخبطت
وكده لو شقير وافق علي نشر حاجه يبقا هو موافق ضمنيا كده ان ده افضل ما كتب وبيعبر عنه
ولا الحكايه ماشيه ازاي؟؟
**********
نقطه ام ترتر
ما تحرقش بنزين كتير في النقطه دي
عاوزين شهرة وتلفزيانات براحتهم
نوبروبليم
انا ممكن ادايق اكتر لو حد سرق كلامي او شوهه او نسبه لحد تاني
اكتر
وبعدين التدوين بقا بالنسبه لي طاقه وشباك بتنفس منه اكتر ما يكون جمعيه اشترك فيها او لا
تحياتي

Anonymous said...

بالنسبة لموضوع الكتاب
مش ح اقدر اعلق حاليا لاني لا حضرت حفل التوقيع ولا جبت الكتابين اللي نزلوا
واحترم طبعا وجهة نظرك ورأيك
:)

بس انا بقي سبوني علي موضوع الاتحاد ام ترتر ده
اولا موضوع العملية التدونية والتطور الطبيعي للحاجة ساقعة ده جامد جدا

مين دول
انا شفت ليست الاعضاء المنشورة
مين برضه؟
يعني ماشي براحتهم عايزين يجتمعوا يتقابلوا بس هو لازم يعني الاسماء الرنانة
اتحااااااااد المدونيييييييييين المصرييييييييييين
وبنود وصور ولقاءات واجتماعات
ولوائح وحركات
وهو ايه بقي اهداف التدوين العظمي اللي لازم نقسم عليها
يبقي فيه بقي قسم البلوجسبوت الاعظم

ده انا فتحت الموقع بتاع بلوجسبوت
تدوينة نعي
والتانية تهنئة بالزفاف
!!!!!!!

يعني علي كدة بقي نعمل كارنيه ونشترك قبل ما الاشتراك يغلي
وشباب المدونين ممكن يحجزوا شقة بقي في مشروع اسكان التدوين المباركي

ولينا رحلات بقي ومعاشات ولو حد عيي الاتحاد يبعت وفد يزوره
ويبقالنا فريق الاتحاد التدويني لكرة القدم يمثلنا في الدوري المصري وينافس ع الكاس

يا حلاوة يا ولاد

كوميديا اوي الموضوع ده

ومعلهش لو طولت
:)

شمعى أسعد said...

يابنى طب اصبر لما نفرح بالكتاب الاول
ايه البواخة دى
وبعدين انا كنت ناوى ابيع البوست ده لوحده باربعة جنيه
تقوم انت تعمل دعاية سيئة كده
:)
عارف احساسك لما تمسك كتاب فيه اسمك
عارفة اللحظة دى
مش هاقولك فودافون مابتفوتش لحظة
بس هقولك بتبقى ساعتها عامل بجد زى الطفل فرحان وخلاص

ومش هاعرف ساعتها اعيش دور الناقد

نقطة تانية
انا مش هازعل من رأيك لانه فى النهاية رأى ومن حقك تقوله

لكن عندى عليك انك قريت بانحياز مسبق لتسفيه الفكرة
لدرجة انك منتظرتش لما تقرا باقى الكتاب واكتفيت بموضوعات الناس اللى تعرفهم

ممكن يكون اللى اختار مخترش كل حاجة بعناية لكنهم اجتهدوا من وجهة نظرهم
ويبقى فى النهاية ان الكتاب طالما انه عن المدونات فطبيعى انه يكون فيه نفس التنوع اللى فى المدونات
مابين الغث والسمين
واذا كانت مقالتى هى الغث
فمش مشكلة تتعوض

اما عن مقالتى نفسها فانا كنت افضل ان تنشر لى قصيدة وليس مقالا
حيث ان الشعر يعيش اطول
بينما المقالة تقرأ مرة واحدة
لكن انا سبتلهم حرية التصرف والاختيار

نقطة اخيرة يا رامز
انا اتكلمت مع احمد مهنا كتير
بعد اللقاء فى البورصة

وبصراحة لقيته متراجع ونادم وده يحسب له
يعنى لو طلعنا من الموضوع ده بان احمد قناعاته اتغيرت فده كويس

متنساش ان فيه ناس تانية بتعمل العن من كده وموقفهم من الاقباط بيوصل لاستباحة دمهم وانا شفت ده بنفسى
وطبعا مكنش فيه فرصة تحاورهم ولا توصلهم وجهة نظرك اصلا

يبقى لما احمد يشعر بالندم ويعتذر
يبقى
فتيلة مدخنة لا تطفئ


وعموما هو عايز يقعد معاك ووسطنى فى الحكاية دى
ها ماشى؟

hartaka said...

ازيك يا رامز

بالنسبة لموضوع حفلة التوقيع
انت كان عندك حق على موضوع الريحة الى قلبتلك معدتك دى
ومشيت بسببها
:)
انا الى مستغربلة فعلا
ان المفترض المفروض يعنى بنقول
ان دى حفلة توقيع ومثقفين وكتب وكلام من دة
والأجواء دى عمرها مبيكون فيها ريحة وحشة ودة الى جنننى , كنت حاسس انى فى اتوبيس نقل عام

الموقف الى حصل دة كان لازم يحصل علشان
الناس تفوق شوية بجد من طريقة التفكير الغريبة دى
وحفلة التوقيع مش مجرد إمضائات ووجوة بتضحك وبس
لا لازم يبقى فيها نقاش ونقد
أنا حسيت أنى فى حفلة مدرسية وكل أم جاية تفرح بأبنها

انا مشترتش الكتاب
بس انا أتصفحتة وكان باين علية فعلا انة أدبياً مش فى مستوى المدونات الثلاث
زى مبتقول


حناكة المحتاجة دى
انت جبت الخلاصة
:)

Anonymous said...

مش عارفة ليه حاسة بريحة مش حلوة برضه فى الكلام مش فى حفل التوقيع
وهى ريحة غيرة مستخبية عند بعض الناس
تفتكروا لو كنتم اتنشرلكم فى الكتاب كنتم حتبقوا بنفس الانطباع
كنتم هتشموا بنفس الأنف نفس الريحة
ولا هتكون اخف كتير ومرجوعها للحر هيبررهالكم
فى رأيى الكتاب ظريف جداً
وبيعبر عن فكر مجموعة متنوعة من الشباب فى مواقف مختلفة
لا هو ثقافة أساساً ولا تجارى
أعتقد أنه يُغرى الناس اللى ملهاش فى النت أنها تقرا العالم اللى كتير بيتكلموا عنه

mohra said...

احب اعلق هنا على نقطه "مشكلتنا فى مصر الثقافه الرخيصه" اظن انها نتيجه لمشاكل اخرى و ليست سبب...يعنى اساسا نسبه الاميين مهوله فى مصر و المتعلم نادرا ما يقرأ خارج اطار الدراسه ان قرأ الكتب الدراسيه اساسا...اما القله المندسه التى تحاول القراءه فان الكثير منهم يقفوا عاجزين امام اسعار الكتب المبالغ فيها ..مثلا اهم دار نشر الآن دار الشروق تبيع اى كتاب باكثر من ضعفى ثمنه فى دار النشر الاصليه ..دعك من الكتب الغير مصريه سواء عربيه او اجنبيه
اما عن تأثير الكتب التى ذكرتها على الفكر فانا اوافقك تماما..و لا يمكنى ان اتكلم عن مدونات مصريه للجيب لانى لم اقرأها

^ H@fSS@^ said...

والنبي انا بحب عكاشة ده لله في الله و في الانسانية برضو
سلم لي عليه كتير و ان شاء الله لازمن اشوفه لو نزلت مصر تاني
:D

عباس العبد said...

مدخل عام
لما كتاب بيعجبنى بكتب عنه علطول . كتبت عن كتب كتير , لكن مش معنى كده أن بقية الى قريته وحش , انا بكتب بس عن الى عجبنى و بشدة و بكتب عن رأيى . فى أوقات كتيرة جداً بيبقى رأيى مختلف عن ذوق ناس تانية و ده شىء طبيعى . لكن مبكتبش عن الكتب الحلوة أو النص نص او العادية أو السيئة . لازم اكون شايف الكتاب جامد موت علشان أكتب عنه .
انا عاشق شخصى لدار ميريت, و أى حاجة بتصدرها ميريت و أى حد بيكتب فى ميرت و بينشر فى ميريت و بعدّى كل فترة اجيب كل الجديد بتاع ميريت , و مع ذلك مش كل أصدارات ميريت بكتب عنها
كتبت عن كيرياليسون و تغريدة البجعة و 123 و كل واحدة فيهم دار نشر مختلفة . الكتاب السيىء مش بقول عنه حاجة و مليش دعوة , لكن فى نقطة مهمة جداً فى الموضوع ده
مدونات مصرية للجيب من السوء لدرجة أنى مقدرتش أسكت و كتبت عنه ,
انا أعرف شخصياً شمعى أسعد و عميد المدونين احمد شقير و عيشنا مع بعض فى المؤتمر الى كنا حاضرينه و أكلت معاهم عيش و ملح , و مع ذلك لم أتردد لحظة واحدة فى انى أنقد الكتاب و أكتب عن تدويناتهم الى أتنشرت فى الكتاب . فتخيلوا الكتاب سىء جداً قد أيه !!! .
---
مدخل خاص 1
صراحة , انا مش فاهم ليه الكلام دائماً بيتاخد على انه مؤامرة و انى بسعى لتدمير مستقبل " المدونين المصريين " و أنى حاقد على دور النشر المصرية و أنى بهاجمها و " أبتزها " علشان تنشر " عبقرياتى " و الدار الى مش حتنشر اهاجمها . ده على أساس انى " عباس محمود العقاد " زمانى و أن مدونتى دى هى الرافد الرئيسى " لأخبار الأدب " و من غيرها كُتّاب اخبار الأدب مش حيعرفوا يعيشوا و لا يكتبوا و لا كلمة .
---
مدخل خاص 2
مختار العزيزى كتب تدوينتين
الأولى أسمها : المدونات و النشر الورقى , و ده الرابط بتاعها
http://unbrainwasher.blogspirit.com/archive/2008/02/15/blogeresses-el-shoroq.html#comments
و التانية أسمها : أرز بلبن لشخصين – قراءة , و ده الرابط بتاعها
http://unbrainwasher.blogspirit.com/archive/2008/02/19/rehab-s-book.html#comments
يا ريت تقروهم و تقروا ردودى علشان تعرفوا رأيى حتى لما النشر كان صادر من دار الشروق و تقروا رأى مختار العزيزى , الى هو أفضل منى أكيد فى النقد و رأى محمد المصرى .
---
ملحوظة 1 :
المدونين و الناس الى مش عاجبهم كلامى هم أحرار و ده رأيهم , بس أكيد هم قروا كتب و عارفين الكتاب الجيد من الكتاب السىء . بس يا ريت يقارنوه بأى حاجة تانى عجبتهم .
ملحوظة 2 :
أنا مقريتش الكتاب التانى لسه " عندما أسمع كلمة مدونة " أول ما أقراه حقول علطول .
ملحوظة 3 :
دار أكتب بعتتلى ميل و طلبت منى زى زى أى مدون تانى , انى ابعتلهم تدوينة صالحة للنشر و عندى الميل ده لحد دلوقتى و كمان عندى الرسالة على الفيس-بووك و انا الى مردتش لأنى مش عايز و مش عارف أبعت أيه ميبقاش منزوع السياق من الخط العام للمدونة

عباس العبد said...

بنت القمر
حقولك يا قمر , شوفى يا ستى
حنطلب من كل واحد من الذى ذكر اسمائهم انه يبعت تدوينة مفضلة او افضل تدوينة عنده .
حضرتك حتبعتى تدوينة , و بيسو تدوينة , نائل تدوينة , و اسكندرانى تدوينة , الصارم تدوينة و بلو تدوينة , كل واحد يبعت الى عايزه و حننشرهم فى كتاب , أيه رأيك ؟
تخيلى أسكندرانى باعت تدوينة " لاتخف ... فلا أحد معك " و بيسو بعت " تدوينة من إياهم " و نائل بعت بتاعة " طلاق مراته " و بلو عن " الفتنة " و الصارم بعت " رؤية دينية " و أنتى بعتى تدوينة " رومانسية " و جبهة بعتت " تدوينة كلها سلخ " مثلاً و نشرناهم فى كتاب , ممكن تقوليلى لو مواطن عادى اشترى الكتاب ده لأنه رخيص ب2 جنيه مثلاً , حيقول على الناس الى كاتبه أيه ؟ حيقول على المدونين أيه ؟ و على الناشر أيه ؟ هو ده قصدى .
لكن لو نشرت مثلاً كتاب عن " الثقافة المصرية " و رأى المدونين فيها حبقى فاهم أنى بقرأ حاجة عارف قصدها . لكن الكتاب ده , مش فاهمله .
---
أبيتاف
منورة المدونة
ولا يهمك طولى زى ما انت عايزه
على كيفك و براحتك
انا معاكى انه كوميديا , أقرى بقى عند بلو ستون رد المدونة آبى . و انهم بيعملوا الحكاية دى علشان حيطلبوا معونة من الخارج و فلوس و دومارات و بلاوى سودة .
الفكرة الرئيسية فى الموضوع , ان التدوين الى هو متنفس لكافة الطبقات و الفئات و الشباب و الاطفال و الشيوخ و كافة بنى ادم , عايزين يحولوه لمسخ و لتخلف عقلى محكم , حلاوته انه " كده " سايب , فرط , حاجة ببلاش و مريحة نفسياً . يخرب بيت أبوهم , حتى دى عايزين يبوظوها .
---
هرطقة
منور المدونة .
أنا محضرتهاش فمش حقدر أحكم . بس عامة لازم الناس تفوق . لازم تفوق علشان بقى فى حاجات فوق المسخرة خالص
---
صابرين
ده رأيى حضرتك و ممكن تقرى تدوينات مختار .
انا مغيرتش رأيى .
---
مهرة
أهلا بيكى .
أنا معاكى فى كل كلمة و موافقك تماماً , أقرى المجموعة و أحب أعرف رأيك .
---
حفصة
يوصل يا فندم .

عباس العبد said...

شمعى
منور المدونة
دى اول زيارة ليك و معلش جت رخمة جداً . سامحنى .
انا قريت الكتاب كله لكن الى قدرت أتكلم عليهم هم تدوينتك و تدوينات عميد التدوين احمد شقير علشان انتم الأنتين الى أقدر أتكلم عليهم من غير ما يزعلوا علان حيفهموا كلامى صح . اما حكاية الغث و السمين فأنت و احمد شقير هم السمين الى فى الكتاب فتخيل لما يكون السمين مش بيقول حاجة .
حقولك فى كتاب أسمه " انحرافات صلاح نصر " كاتباه واحدة أسمها " اعتماد خورشيد " كاتبه كلام كبير و بلاوى سودة و سرد لأحداث تشوه قارة بحالها مش شخص واحد و معلومات تبان انها نووية لكن فى الأخر " مفيش " بمعنى كلمة مفيش , زى كتاب " التاريخ السرى لعبد الناصر " كتاب يخض بس مفيش , هو ده قصدى . أنت كاتب تدوينة مهمة عن فلسطين و أحمد شقير كاتب 2 واحدة " استغفر الله العظيم " و التانية " ايوة أحنا المصريين " . لما أقرا كل واحدة فى مدونة كل واحد حفهم و حنبسط لكن لما أقراهم فى كتاب بحس " مفيش " . مش عارف جايز أكون غلطان طبعاً , لكن ده رأى و ثابت عليه و أقرا حتى تعليقاتى عند مختار العزيزى و حتعرف أنهى ثابت عليه .
بالنسبة للنشر , انا معنديش مشكلة فى ان أى حد ينشر , ربنا يسهله بس فى أطار ثابت :
مجموعة قصصية , رواية , شعر , ان شاء الله يجمع اهم تدويناته و ينشرلها هو حر , و انا رأى حر فيه برضه . و ده كان رأيى فى التدوينة :
" عنى لا الكتاب غالى علشان الدار تكسب , و لا بيقدم نص ادبى متماسك متكامل زى غادة " عايز أتجوز " أو رحاب بسام علشان نقول انه لازم يبقى رخيص علشان ينتشر , و لا حتى نصوص عن قضية معينة تهدف الى تعريف الرأى العام برأى المدونين فيها " و بعدين أنت كنت حاضر لما قلت لغادة أن الكتاب معجبنيش , قراءته فى المدونة غير قراءته فى كتاب .
و بعدين الصح بتاعك , تنشر شعر . دى مصيبة لوحديها .
-
حاجة تانى , فى نقطة مفهومة غلط فى موضوع أحمد مهنى , انا مطلبتش منه أعتذار و لا حتى تغيير رأيه فى المرأة , و تكراره أنه أعتذر للناس دى مش مشكلتى لأنى مطلبتش أعتذار . فى نقطة هو مش فاهمها , الى عمله مصيبة على المستوى الأنسانى و خصوصاً تبريرها الدينى , يعنى ممكن تبقى كانت مصيبة أكبر , و كلامه يدى الحق مثلاً " لتخوين المسيحيين المصريين " , واحد يطلع يقولك " المسيحيين المصريين خونة " و يجيب لها تبرير دينى و لو حد عارضه يقولك رأى الشخصى , يعنى ممكن واحد يموتك و يقتلك و يقولك ده رأى الشخصى , هو ده الى انا هاجمته مش رأيه و طالبته بأعتذار !!!!
أما أنك جى تحرجنى فى بيتى و قدام الناس و تقولى أنه وسطك علشان يقابلنى , فمش عارف أرد عليك أقول أيه الصراحة ؟ مش عارف أوزنها , سيبنى أفكر و يمكن حد من المعلقين يفيدنى برضه و رأيك يفيدنى

Ahmed Al-Sabbagh said...

اه قول رأيك

بس ما تقولش ريحة معفنة

وثقافة رخيصة

انا مش هقول رأيى بصراحة

عشان انا ما اعرفكش

انا جيت هنا بالصدفة

سلام يا عزيزى

أبوفارس said...

إيه ده أنا أسمى مكتوب عندكم..طب وماله..
بصراحه يارامز أسلوبك الساخر ف الكتابه بعتنى ف البوست ده..أو يمكن أنا اللى دمى بقى تقيل..
ﻷن فعلا البوست واللينكات اللى فضلت متابعها شويتين حلوين أدونى أحساس أنى بأتفرج على فيلم لفللينى
..المشكله أنه بيحصل..
طب أتحاد المدونين ده يمكن تفسيره ببساطه أن بعض البشر عايزه تسترزق..لو حطيت ماكتبته نواره نجم عن الدعوه اﻷمريكاوى لدوره تدوينيه وفيها فلوس ومصاريف وبقشيش وشدوتشات لحوم بارده (حلال طبعا) ممكن نفهم الموضوع على أنه سبوبه رزق ودمتم والناس بتقلب رزقها.
.ده أحسن سيناريو..
ولكن ﻷن سؤ الظن من حسن الفطن..أعتقد الموضوع أعمق من كده..رغم البلاهات الواضحه فيم كٌتب..
سؤال..
هل تظن حكومتنا الغير رشيده سعيده بالمدونين ومن على الفيس بوك..ومايخرج منها من دعاوى ﻷضرابات وأعتصامات وخلافه..وﻷن أجدع وسيله لخنق أى فكره هى تحويلها لمؤسسه رسميه بها سعادة المدير والسيد نائبه يمكن كده فهم الموضوع...فاكر مسرحيه "أداره عموم الزير"أهى دى حاجه زى كده؟؟.
..نقطه أخرى تيار اﻷسلام السياسى بكل ألوانه وأشكاله..
هل تعتقده سعيد ومنشكح بوجود أصوات بجواره..
ألم يٌغرق اﻷخوان النت بعشرات المدونات
من باب الكتره تغلب الشجاعه
..الكتاب اللى حضرتك تفضلت بنقده واﻷستغراب من رخص سعره..
مين الناشر؟؟وليه..؟؟أنا شخصيا لم أستسغ على اﻷطلاق أن يكون مهنى هو المنسق أو المشرف أو ماأعرفش أيه بتاع الكتاب..ﻷنه مجروح كما يقال..وكتاب يحاول عرض كتابات المدونين اللى لكل واحد منهم عالمه يحتاج إلى منسق محايد كحياد سويسرا...والا أنا غلطان..آسف للأطاله تحياتى ومودتى..خالد

دنـيـا محيراني(ايناس لطفي said...

ازيك يا رامز مبدئيا كده انا بتابعك و بتابع كتابتك تعليقاتي قليله و يمكن مش موجوده تقصير مني
ثانيا اسمحلي انني من فريق هذا المتاب الذي لم يعجبك لن اناقشك بل ساعرض لك وجهه نظرك بس بداية كده ياريت مش كل شويه تاكيد للناس كلها انك لن تغير رايك لن يا صديقي الكلام لك و لي قبلك من يصر عن رايه حتي ان وجد كلام مقنع و لا يقتنع و لا يعترف فهو يغالط نفسه قبل ان يغالط الاخرين ده راي عام مش في موضوعنا ده انا عني نفسي اغير من راي عندما اقتنع بشيء و لا ابرر و لا اؤكد كل شويه ان راي ثابت ثبات الجبل لن ده افكار قابله للتغير و التعديل مش شسيء ثابت ده توضيح عام ندخل بقي في قلب الموضوع
انت وصفت الكتاب و الحفل بكلمات سئيه جدا و ان خابت تعبيراتك فاحساسك واضح وضوح الشمس كلمه كتاب رخيص اعتقد لو اي حد سمعها هايجي في باله افكاره سئئيه جدا و تقلل من شان الكتاب هو رخيص الثمن و ليس رخيص الافكار ثانيا الناس ماكنوش رائحته وحشه انت بس نسيت تقول ان الجو كان حر جدا وو المكان كان ضيق و الناس كانت كتير اعتقد ده جو طبيعي لو حضرتك شميت اي رائحه كريهه و انا كنت في وسطهم ولم اشم شيء تعبيراتك جراحه بشكل جامد يا رامز و الاستهزاء يملاء حروفها
رايك بقي للكتاب من حقق ان تنقده و من حقق تقول رايك و لن اناقشك فيه ولكني اطالبك ان تعرض لنا تصورك لهذه التجربه كيف تكتب لها النجاح ؟وماهي الصوره التي تراها ان تنجح من خلالها هي تجربه ملكنا جميعا من حقنا ان ننقدها و لكن بهدف ان ننجحها بهدف ان نجعلها لها اسم في الشارع الثقافي ليس الهدف هو تفريغ التدوين من هوايته الاساساسيه وهو الصدق و الارتجاليه الهدف ان نخرج بعالم التدوين للغير المدون الانسان العادي ليتعرف علي عقول و افكار هذا المجتمع الذي اعتبره في اغلبه يملك افضل العقول و الافكار نقدك لنا واجب عليك و لكن اتمني بجانب النقد ان تقدم اقتراحات ورؤيتك الشخصيه ليتحول هذا الكتاب لشيء قيم و ليس رخيص من وجهه نظرك فالسلسه في بدايه الطريق و تحتاج لافكار لتدعيمها و ليس لتسخيفها و ووضعها في وضع رخيص بكلماتك انا بعترف كاي تجربه في الدنيا تحمل اخطاء او شيء ارادنا به شيء كويس خرج بالعكس و لكن العقل يقول ان ننقد و نقدم اقتراحات و حلول اذاكان يهمني موضوع التدوين و كتاباته اسفه علي الاطاله مع تكراري احترامي الشديد لنقدك و ان كان يحمل استهزاء و تقليل من المجهود المبذول
شكرا لك
تحياتي

دنـيـا محيراني(ايناس لطفي said...

الاخت نفين نقلت ساحه الحوار علي الفيس بوك اتمني ان تشركنا برايك هناك ايضاء ان احببت طبعا
العنوان اهو
http://www.facebook.com/topic.php?topic=4588&post=16983&uid=13820826455#post16983

عباس العبد said...

توضيح اخير
الريحة المعفنة ملهاش دعوة بالبشر اكيد مش محتاجة تفسير , العدد كان كبير جداً و المكان كان زحمة و ضيق , أكيد طبعاً أنى مش بشتم الناس مش محتاجة تفكير .
المقصود بالثقافة الرخيصة ,فى النص ده , هى انها رخيصة ب4 جنيه , رخص الفلوس قصدى .
رأى الى متغيرش واضح من اول ما علقت عند مختار العزيزى و لحد ما قابلت غادة و قلتلها , مش فاهم أيه المشكلة ؟
ده رأيى فيها أيه لما يبقالى رأى ؟ , حرام يبقالى رأى ؟ , رأيى يا بشر رأيى .
---
اخبار الأدب
فى مقال فى أخبار الأدب لجمال الغيطانى الأسبوع ده أسمه :
ادب الكلينكس و ده الرابط بتاعه :
http://www.akhbarelyom.org.eg/adab/issues/776/1100.html
و ادى النص بتاعه و طبعاً أكيد انا مش متفق مع جمال الغيطانى اننا ننشر فى نفس التوقيت
النص اهه و ممكن تتأكده من الرابط أنى مش مغير كلامه لمصلحتى :

عباس العبد said...

ادب الكلينكس
هذا النوع من الكتابة موجود باستمرار هناك وهنا، لكن لم يكن التعامل معه يجري كأدب رفيع، الآن يجري التدليل. علي قيمة العمل بأرقام البيع، وعندما تصبح أرقام البيع هدفا في حد ذاته فلنقل علي الأدب الجاد، الرفيع القيمة السلام.
يتعرض الأدب المصري خاصة والأدب العربي عامة لظاهرة خطيرة قد تقضي علي الأدب نفسه، ومنذ أسابيع قرأت كتابا للناقد بلغاري الأصل الذي يعيش في باريس تزفيتان تيودروف عنوانه 'الأدب في خطر' وقد ترجمته دار توبقال وعرضه الاستاذ أحمد الخميسي في عاموده الأسبوعي منذ أسابيع، الناقد الكبير يبدي تخوفه من تراجع التعليم، وانحسار القراءة، خاصة قراءة الأعمال الجادة، غير أنه لم يتوقف أمام ظاهرة أخطر بدأت بعد نشر الكتاب وقد وصلت إلينا بسرعة نتيجة سرعة انعكاس القيم الوافدة مع المجتمع الاستهلاكي والمتغيرات في مجتمعنا الذي يشهد انقساما طبقيا حادا. وظهور فئات جديدة لها ذائقة مغايرة لما تتقبله من نصوص يفضل أن تكون سهلة وغير مقلقة لا فكريا ولا مضمونا، تلك أمور كلها نرصدها بدقة ونري تأثراتها لكن يمنعنا الحرج وعدم تبلور الظواهر من الاقتراب منها. غير أن الأمر بدأ يتحول إلي مايشبه القاعدة التي تحدد اتجاهات القراءة، خاصة بعد دخول دور كبري رصينة في ترسيخ الظاهرة والقواعد الجديدة التي تحكم حركة النشر والقراءة والأدب، الظاهرة الأولي، هي دخول مبدأ الأكثر انتشارا (Best seller) في التقييم الأدبي. وظاهرة الأكثر انتشارا ليست جديدة علي الحياة الثقافية في مصر، فهي معروفة منذ دخول المطبعة، وأذكر في الخمسينيات أسماء ذاعت شهرتها مثل عزيز ارماني وميخائيل اسعد، وغيرهما كانت مؤلفاتهما توزع بعشرات الألوف من النسخ في وقت لم يكن للاعلام فيه سطوة دعم التوزيع وهذا موضوع آخر في حاجة إلي حديث منفصل، فما أكثر العوامل التي لا صلة مباشرة لها بالأدب وتتحكم الآن في انتشار الأدب، غير أن ظاهرة دخول عنصر الأكثر مبيعا في التقييم يمثل خللا خطيرا، فليس كل ما يحقق انتشارا واسعا يكون أدبا جيدا. ان رواية مثل (خذني بعاري) باعت في الخمسينيات عشرات الآلاف من النسخ لكنها لم تعامل جديا من النقد الأدبي، ولم يتوقف عندها أحد، بل إن بعض الروايات التي حققت صيتا ذائعا في العالم مثل 'شفرة دافنشي' لم يتعامل معها أحد علي أنها أدب رفيع، باستمرار كان هناك الأدب الذي يستهدف الاثارة أو تسلية القاريء، الأدب الذي يقرأه الراكب في القطار لقطع الوقت ثم يتركه فوق المقعد عند المغادرة. هذا النوع من الكتابة موجود باستمرار هناك وهنا، لكن لم يكن التعامل معه يجري كأدب رفيع، الآن يجري التدليل. علي قيمة العمل بأرقام البيع، وعندما تصبح أرقام البيع هدفا في حد ذاته فلنقل علي الأدب الجاد، الرفيع القيمة السلام، بل أن التجرؤ وصل إلي حد السخرية من القيم الأصيلة في الأدب، اقرأ بين الحين والآخر آراء تسخر من اللغة، مع ان الأدب في جوهره لغة، وثمة نصوص أدبية اسست للغات كبري، مثل الكوميديا الآلهية لدانتي، والشعر العربي القديم، وأعمال رابليه الفرنسية، إن التعامل مع الأدب الاستهلاكي باعتباره قيمة يوجد غطاء يشجع الأدباء علي الاحتذاء به، خاصة في غياب حركة نقدية جادة وصارمة ذات مصداقية تضع كلا في مكانه، لقد رأينا كتابا صحفيا جيدا يثير ضجة، ثم بعد أيام يوصف بأنه ابداع، ثم يوصف بأنه رواية، هكذا جري الأمر في أقل من شهر، ولم يدهش أحد، ولم يحتج أحد، لم تبد حتي ملاحظة. الان اصبح الحديث عن عناوين غريبة، تظهر وتنتشر بسرعة وتختفي ليحل غيرها، لا تخلف أثرا. ولاترتقي بذائقة. إنها أشبه بمناديل الكلينكس الورقية التي تستخدم مرة واحدة وتلقي في سلة المهملات، من المهم أن توجد المناديل الورقية، لكن المشكلة تبدأ عندما تجري محاولة ترويجها باعتبارها النماذج التي يجب أن تحتذي، هذا ما يجري في واقعنا الأدبي الآن، وكما ذكرت فإن الأكثر مبيعا ليس السبب الوحيد المؤدي إلي خلل يضرب جوهر الأدب في الصميم، هناك عناصر أخري وظواهر مستجدة علينا سأحاول التوقف أمامها.

عباس العبد said...

احمد الصباغ
حتى لو بالصدفة , منور برضه
---
أبو فارس
أبوسك يا كبيرنا ؟
أنت جى أمتى ؟ جى الساعة الستة ؟ حبيب قلبى
انا قاعد الف و ادور علان مقلش الكلمتين الى انت قلتهم علشان أنت فاهم .
انت جبت من الأخر , من اخر الأخر . صح كده , مش حيستريحوا غير لما يخربوها تماماً و يحولوها لمؤسسة قومية . ربنا يخليك لينا يا كبيرنا .
---
د. إيناس لطفى
حضرتك منورة من غير ما تعلقى , انا وضحت كلامى و قصدى لتانى مرة , لا أقصد بشر و لا أى إهانة لحد . تصورى قلته , تنشره للمدونين , شعر , ادب , رواية , قصة , قصص قصيرة , أى حاجة مفهومة و متماسكة . لكن من ده على ده , مش عاجبنى انا على الأقل .
عامة انا مش مخول من الله للدفاع عن الأخلاق و لا قلت ان المشروع نجس و مش عارف أزاى الأخت نفين عرفت كل أسرارى و أنى غنى و ممول من الخارج او من الداخل المهم فى تمويل و خلاص و أن ثقافتى عمياء ( الا أيه هى الثقافة العمياء دى – لا تكون ثقافة التحسيس , أعمى بقى و لازم يحسس ) .
و ده نص كلمتها , علشان هى طلبت نشرها و انا مقدر أرفضلها طلب : نص كلمة مدير المدرسة

عباس العبد said...

العنوان :
المدونين معفنين و مدونات مصرية مشروع نجس
النص :
الكلام دا مش كلامى انا
الكلام دا انا قريتوا فى مدونه بتاعة واحد بيدعى الطهر وانه مخول من قبل الله للدفاع عن الاخلاق والصراحه

دخلت مدونته لقيته بيقول انه جه حفلة توقيع مدونات مصرية للجيب وان لقى المدونين ريحتهم معفنه جدا لدرجة انه قرف من نفسه ومستحملش يا عينى يقعد خمس دقايق على بعض فخرج جرى تقريبا خاف ليغمى عليه من ريحة المدونين المعفنه على حد قوله وان كان المثل بيقول كن جميلا ترى الوجود جميلا فالمثل ايضا يقول كن معفن ترى الوجود معفن

وقال ايه المدون المخول من عند ربنا للتحدث الرسمى باسم الاعتدال والاخلاق والاحترام مشى فى الشارع وركب تاكسى ومن كتر ما الكتاب بتاع مدونات مصرية للجيب معجبوش هو قرف جدا لدرجة انه قعد يكلم نفسه من كتر ما هو متغاظ
وقال انكوا بتقدموا للمجتمع ثقافه رخيصه جدا وكان مستغرب جدا ازاى الكتاب يبقى من ورق نضيف وحجمه كبير وسعره اربعه جنيه وقال ان دا فى حد ذاته بيقول للمجتمع ان المدونين ثقافتهم رخيصه
معلش يا باشا احنا اسفين لحضرتك مكناش نعرف ان واحد غنى زى حضرتك بيستخدم عطور جياله مخصوص من فرنسا وبيركب تاكسى ومعاه فلوس كتير يشترى بيها كتب حتى لو سعر الكتاب خمسين جنيه
احنا اسفين مكناش نعرف ان ساعتك يا باشا يابن الباشا هتيجى وتتواضع وتشترى الكتاب الغلبان بتاعنا ابو اربعه جنيه
احنا اسفين واسفين للحكومه اللى بتغلى علينا الاسعار احنا غلطانين وكل الناس اللى اشتركت فى الاضراب عشان الغلاء عالم ولاد كلب حسب وجهة نظر حضرة الباشا الغنى اللى كان من وجهة نظره لازم الكتاب يبقى بعشرين جنيه عشان الثقافه تزدهر
انتوا حقتكوا الحكومه تدق دماغكوا بالجزمه عشان بتتبطروا على النعمه
انا حزينه انى مصريه ومعتقدش انى هفكر ارجع اعيش فى مصر تانى طول ما فيها ناس زى الباشا دا الباشا المثقف المنعزل عن الشعب وعن وجع الشعب الباشا اللى قتل فرحة كل الشباب الجميل دا اللى بالرغم من انى معنديش مدونه لكنى كنت بستمتع جدا بفرحتهم وفجأه طلعوا كلهم مش بيفهموا كلهم حيوانات ومعفنين جاين من الغابه ولأنهم عملوا كتاب نضيف بسعر رخيص واعتمدوا على نفسهم ومدوا ايديهم لبعض اصبحوا يستاهلوا ضرب الجزمه
الاستاذ المحترم كان نفسوا ان المشروع يبوظ معرفش بقى هو غنى ولا متمول ولا هى ثقافه عميا مبتفهمش
ودا لينك مدونته
http://charkawy.blogspot.com/2008/05/blog-post_24.html

يا ريت يا جماعه تدخلوا كلكوا تردوا عليه وتعرفوه انتم فعلا معفنين ولا هو اللى معفن ولو سمحتم يا ادمنز الجروب تبعتوا الرساله دى لكل الجروب وياريت بلاش تبخلوا على الناس وتحرموهم من انهم يعرفوا اللى شتموهم
الواد دا هدفه المشروع يبوظ وان معرفش ان فى ناس هتقفله وهتنفخه هيتمادى فيها
يا ريت يا جماعه كلنا نبعت رساله للدمنز نطلب منهم يردوا عليه ولو انى شايفه ان كلنا لازم نرد عليه فى بوستات وتعليقات لأن المشروع دا للمدونين كلهم وهو شتمهم كلهم
يا ريت يا ايناس لو سمحتى تبتعتى رسالتى للجروب كله وانا بحملك انت ذنب انك تخبى على الناس حاجه زى دى

karakib said...

ان ما عرفش ان في ناس هتقفله و هتنفخه هيتمادي فيها
-----
هههههههههههههههههههههه
هههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههههه
---------
مين الواد ده يا رامز ؟

عباس العبد said...

دى أخت فاضلة أسمها نيفين ناجى و ده الرابط
http://www.facebook.com/topic.php?topic=4588&post=16983&uid=13820826455#post16983

أقرا بنفسك
الناس دى فعلاً أنا مش فاهمها
نظرية المؤامرة لحست نافوخ الناس ( فاكر الراجل الى قال اننا عملاء للأمن و لجهات أجنبية مع بعض ) , علطول كلامى عن مدونات مصرية للجيب بقى مؤامرة صهيونية ممولة من الخارج لتدمير شباب المدونين
و لو مش متمول أبقى ثقافة عمياء
الا أيه هى الثقافة العمياء دى ؟
بص بقى دى جامدة موت قريتها برضه
---
" شوفى كلام الناس وفرحهم بالنجاح اد ايه
وانتى تعرفى ان الناس دول بيغلو من جوة وملاينين حقد من النجاح ومش لاقيين حاجة يعملوها "
قاسوها بكم المبيعات و كم الكتب الى أتباعت
جمال الغيطانى كاتب الأسبوع ده فى اخبار الأدب مقاله أسمها " ادب الكلينكس " بيسخر فيه من الى بيحسبوها بالمبيعات
أقراه فى أخبار الأدب و أنا ناقله فى التعليقات هنا
شفت نحس أكتر من كده , نحسهم طبعاً
حيهاجموا كمان جمال الغيطانى علشان بيقول كده
فى الغالب جمال الغيطانى بيتمول من نفس الجهة الى بتمولنى و ضحكك ده بيقول أنك بتقبض معايا من نفس الجهة
هههههههه

karakib said...

طبعا بنتمول .. ده شيء اكيد
دولارات دولارات
ده غير الدينارات دينارات
و يوروهات يوروهات
-------
بالنسبة للثقافة العمياء زي ما انت بتقول تمام
الثقافة اللي بتستخدم اللغة اللي كل العالم بيفهمها ... الانجليزي و الامريكاني و الفرنساوي و العربي و الهندي و الاسيوي و الشرق اسيوي كلهم بيفهموا اللغة دي
التحسيس لغة عالمية
انت وصلت للعالمية يا رامز بتحسيسك ده
هههههههههههههههههههه

wanna b a bride said...

مساء الفل

أول تعليق بس طبعا مش أول زيارة

أولا أنا شخصيا فاهمه رأيك جدا و مقتنعه بيه و مازعلتش لما قلتهولي و لحد دلوقتي مقتنعة بإن المدونين او قراء المدونة اللي اشتروا الكتاب عملوا كده كحركة ذوقية منهم لدعمنا

ما هو ربنا عرفوه بالعقل ..الكلام موجود و هما قروه قبل كده ..يبقى ليه

لكن خطوة النشر فتحت لينا أفاق جديدة ..زي ماقلت قبل كده..أنا محلاوية ..كنت هاروح فين و آجي منين عشان يتنشرلي حاجة..بالنسبة لي السكة كانت مقفولة و المدونة و بعدها نشر الكتاب فتح طريق قدامي كان مقفول بالضبة و المفتاح عشان كده متفهمة قوي فكرة إنك تشوف إسمك على كتاب..لحظة تهز.. تفرح..ربنا يوفق الجميع

لكن
معاك في نقطة إن تجميع تدوينات كتير لناس كتير بتتكلم عن حاجات كتير مش بتعبر عن اللي كاتبها بشكل واضح هي فكرة مش صح مية في المية

أنا طبعا شهادتي مجروحة و بايظة و مضروبة بالرصاص لكن كنت أتمنى إن "مدونات مصرية للجيب" تدي فرصة لواحد واحد..كده التعرف على المدون كان يبقى أفضل و طرح افكاره أو كتاباته تتم بطريقة أوضح

النشر في حد ذاته ممكن يبقى خطوة أولى و نقطة نور لحد مش لاقي فرصة..لكن طريقة النشر في "مدونات مصرية" و في "عندما أسمع كلمة مدونة" مش هتوفر المناخ اللازم عشان تبقى فرصة لناس تستحقها

-------------------------------

إخواننا بتوع الإتحاد بأه

حاااجة تفقع و تعل

يعني بالذمة ..و الأخوة يا أخي..حد يعمل إتحاد و بانرات و استمارات و يكتب بلوجر بحرف جي واحد؟؟؟؟
blogers??

و الأعضاء اللي سنهم من 76 فما فوق

والا بلاش نبقى عنصريين و نقول السن

بس مين اللي في اللستة اللي ع الشمال دول؟؟

حد قبل كده سمع عن مدونة إسمها

"أم عمر شفاها الله و عافاها"؟

عباس العبد said...

عايزة أتجوز
العروسة منورانا . الف سلامة .
الله يخليكى , الله يباركلك , ربنا يسهلك طريقك , ربنا يسعدك , ربنا يرزقك بأبن الحلال الى يكون مدون و ناشر كتاب لوحده و نشتريه و نهاجمه برضه .
العروسة صاحبة مدونة عايز أتجوز و الى أتنشرلها من دار " الشروق " واخدلى بالك أنت و هو " دار الشروق " و كتابها عامل أعلى مبيعات فى ديوان و الشروق , واخدلى بالك برضه , قلتلها فى وشها مش بوست على المدونة أنه معجبنيش و خدوا بالكم هى بتقول أيه " أولا أنا شخصيا فاهمه رأيك جدا و مقتنعه بيه و مازعلتش لما قلتهولي " , الحمد لله , يعنى فى ناس بتفهم و تقدر أنه فى حاجة أسمها رأى مخالف " أنتى عملة نادرة يا عروسة " فى زمن سيطرت عليه العمالة الأجنبية و المؤامرات الصهيونية و التمويل الأجنبى . ليكون بيملوكى أنت كمان , أكيد فى ناس حتخش تقول أنك تمويل خارجى و انك بتقبضى معانا من السفارة بدل بتقولى انك متفهمة موقفى .
-
انا قلت كده :
" يعنى لا الكتاب غالى علشان الدار تكسب , و لا بيقدم نص ادبى متماسك متكامل زى غادة " عايز أتجوز " أو رحاب بسام علشان نقول انه لازم يبقى رخيص علشان ينتشر , و لا حتى نصوص عن قضية معينة تهدف الى تعريف الرأى العام برأى المدونين فيها "
يعنى انا مش معارض النشر و مش ضده , واضحة تماماً
و هى بتقول :
" لكن خطوة النشر فتحت لينا أفاق جديدة ..زي ماقلت قبل كده..أنا محلاوية ..كنت هاروح فين و آجي منين عشان يتنشرلي حاجة "
-
و ده رأيها النهائى فى الأخر
" معاك في نقطة إن تجميع تدوينات كتير لناس كتير بتتكلم عن حاجات كتير مش بتعبر عن اللي كاتبها بشكل واضح هي فكرة مش صح مية في المية ,
أنا طبعا شهادتي مجروحة و بايظة و مضروبة بالرصاص لكن كنت أتمنى إن "مدونات مصرية للجيب" تدي فرصة لواحد واحد..كده التعرف على المدون كان يبقى أفضل و طرح افكاره أو كتاباته تتم بطريقة أوضح
النشر في حد ذاته ممكن يبقى خطوة أولى و نقطة نور لحد مش لاقي فرصة..لكن طريقة النشر في "مدونات مصرية" و في "عندما أسمع كلمة مدونة" مش هتوفر المناخ اللازم عشان تبقى فرصة لناس تستحقها "
يعنى مختلفتش معايا فى الرأى , و كمان بتقول مش صح مية فى المية , يالهوى .
انا قلت يا الدار تنشر كل واحد لوحده , يا تنشر عن فكرة معينة , غريبة , دى متوافقة معايا فى الرأى . دى أكيد بتقبض معانا , بس العروسة اكيد بتقبض أكتر لأنها ناشرة كتاب من دار الشروق . بتقبضى كام يا عروسة ؟
-
ام عمر تعيش انت يا حج , والهى يا عروسة انا معنديش مشكلة ان واحد عنده 80 سنة يدون أو حتى واحد متوفى و روحه تدون برضه , مفيش مشكلة , انما أتحاد , نافوخنا بقى
حلاوة التدوين أنه فرط , سايب كده , فاهمه قصدى .

ابو احمد said...

انت غاوى معارك والا ايه يارامز
اسلوبك عجبنى بس المعارك الكتير اللى جوه المدونه ممكن تفقدك التركيز
والا الواحد اللى عجز وهو دا العادى بالنسبه للشباب
هو مينفعش الواحد يبقى مدون وبس والا لازم يبقى منتمى لشله
ماللى عاوز يعمل رابطه او حتى حزب يعمل ليه لازم كل المدونين يبقى ليهم كيان واحد مش فاهمها دى
احنا فينا الشامى على المغربى
كواحد بيدون ليه نظره وتوجه وفيه اللى بيكتب قصه او شعر او نقد
او تاريخ
ودى متعه المسأله

شمعى أسعد said...

بالنسبة لموضوع احمد مهنا

رغم انى دقيق جدا فى انتقاء الكلمات خصوصا وانا بكتب
ورغم ذلك شككتنى فى نفسى
وخلتنى ارجع للرد بتاعى وادور على كلمة اعتذار عندى

انا مقلتش يعتذر خالص
انا قلت انه متراجع
ودى تفرق كتير
المراجعات الفكرية مشروعة

الاعتذار لو كان الموضوع شخصى
هو مش شخصى خالص

انا بس بقول ان الحوار هايوصلنا
مش اكتر
انهى الاهم بالنسبالك
تثبت ان احمد ارتكب اكبر غلطة منذ بدء الخليقة
ولا ان احمد نفسه تفكيره يتغير

انا عايزك تقعد معاه مش عشان يعتذرلك
عشان يبقى فيه حوار
زى اللى كان عايز يعمله دكتور ماجد فرج
بس طبعا الجو ساعتها كان غير مهيأ تماما
لكن انا شخصيا كان نفسى فى الحوار ده

اعمله انت

وزى ماقلتلك احمد فعلا نادم على البوست ده
وده يحسب له



عموما رد الفعل العنيف ده على احمد ايجابى جدا

لسبب

انه فكرنى بصدمة المجتمع ايام احداث
فتاة العتبة

ورغم ان بعد كده حصلت حوادث اغتصاب كتير لكن المجتمع اتعود ومبقاش بيتصدم قوى يعنى

لكن اللى عاجبنى المرادى ان الموقف اللى حكاه احمد مع انه اصلا سببه حادث اغتصاب بس الجديد هنا
ان رد الفعل مكنش عشان الحادث الاصلى
كان عشان حسينا ان فيه قيم معينة بتضيع مننا

ده ايجابى وجديد
اننا نثور عشان قيمة او مبدأ اخلاقى

حاجة تانية ايجابية وبرده فرحتنى جدا

انى كقبطى يعنى
اول مرة الاقى حالة مؤازرة قوية كده

شاب مسلم رفض يساعد بنت مسيحية والمجتمع المسلم انتفض لكده
وهاجم الشاب ده بعنف
ده احساس جميل كنت محتاج احسه

شكرا لاحمد

^ H@fSS@^ said...

بص يا شمعي
لو احمد كتب بوست واحد فقط و قال فيه بصريح العبارة انه متاسف لانه مساعدش البنت مش لانه نشر البوست لان دي تفرق عن دي كتير
ساعتها حنعتبر الموضوع خلص
بس لو نشر بوست اعتذار عن نشره للبوست الاصلي
يبقى لسه في محله من الاعراب بالنسبة لي و اعتقد بالنسبة لناس تانيين كتار


في نقطة تانية احب اوضحها لاني كنت بفكر فيها
و هي مخصوصة بموضوع نشر التدوينات في كتب وبيعها
اولا احب اوضح اني لسه مقرتش كتاب مدونات مصرية للجيب
لكن لو زي ما سمعت من كذا مصدر انه تجميعات لتدوينات متفرقة فماشي
لكن هل فعلا وصلنا لشئ لما طبعناه؟؟
ده يفرق عندي عن كتب رحاب بسام و غادة عبدالعال و غادة التانية
مثلا انا تقريبا قريت اغلب تدوينات عايزة اتجوز بس لما تكون محطوطة بشكل متكامل حسيت منها فايدة
و الفايدة كمان حتنفع ناس قرايب ليه مالهومش في الكومبيوتر خالص
و ده اللي حصل بالفعل
الكتاب عجب واحدة قريبتي جدا جدا و مكنتش مصدقه انه نازل على انترنت و لانها شخصية مش بطيق النت خالص
فالكتاب بالنسبة لها كان كنز
لكن لما اكون بوستاية واحدة من غادة و ناشرها
اعتقد مش حتخليني افهم ايه بالظبط القصد من مجمل كلام غادة
ده على سبيل المثال
و يا غادة والله ما اشترينا الكتاب مجاملة
الكتاب فعلا حلو
انا قريتهم كلهم عندك بس برضو و هما متجمعين في الكتاب كوحدة كويس و جميل

اعتقد اننا افتكرنا ان اللي حيقرا هما بس مدونيين زينا و دي يمكن تكون جهة القصور في مشروع مدونات مصرية للجيب
و سبب نجاح كتب البنات التانيين مع دار الشروق
انهم تعاملوا معاهم كعمل من كذا عنصر و اهم عنصر فيه هو انه غير المدونيين حيقروا

ارجو ان كلامي يكون مفهوم
و تحياتي

عباس العبد said...

كبيرنا أبو أحمد
منورنى و مشرف المدونة .
والله يا سعادة الباشا أنا لا غاوى معارك و لا حاجة . هى بتيجى معايا كده , بتنحس معايا مش عارف . و بينى و بينى الناس الى بيمولونى و بيدفعولى فلوس زى ما الأخت نيفين كشفتنى و عرفت أسرارى , الأخوة الممولين هم الى بيجبرونى على الصراعات دى , اكل عيشى بقى , امال حيدفعولى ليه ؟ لازم يدفعولى على صراعات بعملها . بقولك يا أستاذ أبو احمد , احنا عايزين واحد ينضم لينا فى التنظيم السرى يكون فى سن حضرتك و حندفعلك بالدولار , و لو عايز حقك ناشف من التمويل ممكن نديك حقك بضاعة , فكر و رد على .
انا معاك أن كل واحد لازم يبقى حر نفسه . معاك فى دى .
---
شمعى
قبطى ايه ؟ و مسلم أيه ؟ هى الحادثة الى حكاها دى يا شمعى فيها مسيحى و مسلم ؟ هى دى كانت محتاجة تحديد لهوية دينية علشان تاخد موقف , ده الطبيعى ان المسلمين يقفوا جنب البنت قبل المسيحيين . دى مفهاش مؤازرة و لا مش مؤازرة , هو أنت كنت شاكك ان ممكن فى مسلمين يقولوا احسن البنت تستاهل , ده و لا خطر على بالى , انا كنت متأكد ان المسلمين حيساندوا البنت أكتر من المسيحيين , انت عارف مين الى هاجمنى على الفيس بووك و قال أن البنت تستاهل و قالى أن المسيح برىء منى " واحدة مسيحيية " , انا لم أشك لحظة واحدة أن المسلمين حيقفوا معانا .
لو أنت قريت مقدمة البوست كنت حتعرف أنى قلت أنا خايف من جرجرة البوست للدين و الى جرجروه للأسف هم المسيحيين و انت بتجرجره لناحية الدين برضه أهه , شفت مأساة أكتر من كده . انا بقولها تانى :
لم أشك لحظة ان المسلميين حيقفوا مع البنت علشان هم حيقفوا مع الحق . نظرية الفتنة الى مسيطرة على الناس هى الى مواديانا فى مصايب , وهى دى الى بنى على أحمد مهنى تدوينته , هو الى قال " ياريت يكون الى أغتصبوها مسيحيين خوفاً من حدوث فتنة " هى دى المصيبة : نظرية الفتنة , كل حاجة فتنة فتنة أتخنقنا .
عايز نقعد معنديش مشكلة , بس الموضوع كده كبر و خد أكبر من حجمه جداً و انا قلت الى على و هو حر . بس كده الموضوع مسخ أوى .
---
حفصت
انتى مختلفة معايا و عجبك الكتاب و بتؤيدى غادة و بتخالفى نظريتى , يعنى المفروض امسح تعليقك . ايه ده انا سايبه لحد دلوقتى , انا مجنون و لا أيه ؟ لكون كمان قابل وجهة نظرك و مش حهاجمك و اقول عليكى الحاجات الكبيرة .
شكلك كده يا حفصت , بتقبضى من جماعة معادية للجماعة الى بقبض منها , كده حيبقى فى تضارب فى المصالح و الفلوس حتبقى زى الرز , اللهم زود فى التمويل الأجنبى .... أمين !

شمعى أسعد said...

من ناحية ان الموضوع بقى ماسخ
فهو اصلا ماسخ من الاول
زى كل مشاكل ومواضيع المرحلة
كلها ماسخة
دى طبيعة مرحلة يافندم

من ناحية جرجرة الموضوع للدين
انا معملتش كده
لانه متجرجر للدين من اغلب اللى اتكلمه فيه
وعلى الاساس ده اتكلمت

من ناحية انت متوقع ان كل المسلمين يدافعوا عن البنت
فده جميل
بس انا عندى صدمة سابقة مأثرة فيا لحد دلوقت
ان الراجل اللى دخل كنيسة وقتل واحد
لقى اللى يسانده من اول رجل الامن اللى رفض يقبض عليه لانه مسلم وميصحش ينصر مسيحى على اخيه المسلم
وده نص كلامه بالحرف
لحد الناس اللى رمت زبالة من البلكونات على الصندوق اللى فيه راجل ميت مقتول

انا من ساعتها وانا عندى صدمة حقيقية من المجتمع

الموقف الجديد ده اللى هو رد فعل على كلام احمد
مخلينى متفائل نسبيا


من ناحية عايز تقعد معاه او لا فد براحتك
ده مجرد عرض لفكرة
ولا حرج اطلاقا فى رفضها

بس ده اسلوبى فى حل المشاكل اللى من النوع ده

الحوار



حفصة
-----
اولا ازيك

ملحقتش اسلم عليكى واحنا ماشيين من الورشة
:)

انا لما اتكلمت مع احمد بشكل مباشر لقيته اسف على الموقف مش بس على البوست
وحاسس انه اتصرف غلط

ايه رأيكم
نعدمه ولا نسامحه

^ H@fSS@^ said...

اهلا يا شمعي
طبعا منعدمهوش
الرحمة واجبه
بس زي ما هو نشر البوست علني
و اساء لينا و اغضبنا علني يبقى ينشر اعتذاره علني و بلغة شديدة الوضوح و لا جدال فيها
و لن اقبل باقل من كده

و من دلوقتي بلغه لو في بينكوا اتصال
لو كلامه مش واضح فيه صريح لهجة الاعتذار فهو مرفوض
لو كلامه خالي من اعترافه انها كانت غلطة و شنيعة كمان
يبقى مرفوض
لو كلامه مافيشهو اي رجوع عن اللي هو عمله
يبقى مرفوض
عدا ذلك فانا موافقه على مسامحته حسب الشروط السابق ذكرها
و خليك انت حمامة السلام
بينا و بينه

wanna b a bride said...

ربنا يخليك يا فندم علىماسورة الدعاوي اللي ضربت في أول الكومنت دي

و بعدين أنا مش قلت لك قبل كده إنهم خلاص إكتشفوا إن تمويلي من كوريا الشمالية

---------
أنا متفقة معاكي يا حفصة على فكرة في نقطة إن الناس اللي قروا الكتاب و ماكانوش قروا المدونة عجبهم و حسوا بيه ..ده كان راجع لنقطة الخط الواحد اللي ماسكه من اوله لآخره ..و ده طبعا أفضل من نظرية من كل فيلم أغنيه

أنا كنت متفقة مع رامز في نقطة إن اللي قراه قبل كده كمدونة ممكن مايستمتعش بيه ككتاب

لكن الحمد لله إنه عجبك و ماطلعش الموضوع كله مجاملات
(كده يا رامز تزعزع ثقتي في الكتاب؟..إنت أكيد تمويل صيني)
----------------

بالنسبة لشمعي ..رأيك بالنسبة لي

أن أن أااااان

تصدق انا مافكرتش للحظة واحدة في موضوع مسلمه والا مسيحية ده..مش عارفة إنت ازاي فكرت بالطريقة دي

لسه ماوصلناش للدرجة دي يا صديقي

Bella said...

قلت اجي اعلق بقى بدل الفرجة ع الخناقة من بعيد لبعيد

وكمان علشان التعليقات توصلني البريد ومااتعبش واخد تاكسي رايح وتاكسي جاي ع المدونة بتاعتك ياسي رامز

المواصلات غليت والعملية مش ناقصة

بالنسبة لموضوع النشر عن نفسي باستمتع بالتعامل مع الكتب الورقية اكتر من الالكترونية

وده في اوقات كتيرة بيخليني اطبع بعض المكتوب على النت علشان اقراه بعيد عن الكمبيوتر

وده ح يرمي ناحسة كلام غادة وحكاية اننا اشترينا كتابها مجاملة

لا طبعا يافندم

عن نفسي كنت قريت اغلب تدويناتك على المدونة لكن قراءتها من الكتاب لها متعة مختلفة خاصة لمن يحب الورق بدلا من البحلقة في الكمبيوتر

يعني مبدأ النشر ممكن يكون ممتاز للوصول لشريحة اخرى من الناس لاتحب قراءة الكمبيوتر اصلا

ولكن يجب ان تكون هناك وحدة تجمع الموضوعات المنشورة

كأن يتم نشر قصص قصيرة مثلا عن الخوف كما فعل كتاب العربي

او نشر قصائد شعر يجمعها موضوع واحد

او نشر مجموعة تدوينات لنفس المدون وهذا في رايي يقدم المدون بشكل افضل من تقديمه مع مدونين آخرين خاصة لو كان هناك اختلاف في نوعيات التدوينات

يعني مثلا لو تدوينات لمدونين مختلفين ولكن يضمها خط معين واحد كأن تكون مدونات سياسية مثلا
او نجعل الامر اضيق ونجعلها مدونات سياسية تتناول قضية معينة مثلا

لكن جمع تدوينة من الشمال مع تدوينة من اليمين لن تاتي باثر جيد خاصة لم يتابع هؤلاء المدونين

لاأعرف بالنسبة للقارئ العادي كيف سينظر للموضوع

سأنزل وسط البلد في نهاية الاسبوع واشتري الكتابين حتى اعرف بعد القراءة

اعتقد فكرة نشر الدار لمدون واحد كل شهر كانت ستكون افضل من هذه التجميعات

اما باقي تدوينتك يارامز محتاجة قعدة طويلة وخصوصا حكاية اتحاد المدونين دي

هههههههههههه

التاكسي واقف على باب المدونة ولازم امشي

ههههههههههههه

عباس العبد said...

بيلا
أنتى بتعارضينى و بتختلفى معايا فى الرأى
أكيد بتقبضى من تنظيم تالت غير الى بقبض منه .. ربنا يسهلك
علشان كده جية بتاكسى و سايباه بره و مش فارق معاكى , فلوس التمويل بقى
-
صدقينى أنا قلت كده و قلتها فى أول التدوينة و عدتها عشر مرات فى التعليقات لكن البعدا الوطنيين الى مش بيقبضوا من تنظيمات معادية للمدونين المصريين
قل ما نصه :
"و لا بيقدم نص ادبى متماسك متكامل زى غادة " عايز أتجوز " أو رحاب بسام علشان نقول انه لازم يبقى رخيص علشان ينتشر , و لا حتى نصوص عن قضية معينة تهدف الى تعريف الرأى العام برأى المدونين فيها "
زى ما أنتى قلتى
-
و ده نص كلامك :
" ولكن يجب ان تكون هناك وحدة تجمع الموضوعات المنشورة
كأن يتم نشر قصص قصيرة مثلا عن الخوف كما فعل كتاب العربي
او نشر قصائد شعر يجمعها موضوع واحد
او نشر مجموعة تدوينات لنفس المدون وهذا في رايي يقدم المدون بشكل افضل من تقديمه مع مدونين آخرين خاصة لو كان هناك اختلاف في نوعيات التدوينات
يعني مثلا لو تدوينات لمدونين مختلفين ولكن يضمها خط معين واحد كأن تكون مدونات سياسية مثلا
او نجعل الامر اضيق ونجعلها مدونات سياسية تتناول قضية معينة مثلا
لكن جمع تدوينة من الشمال مع تدوينة من اليمين لن تاتي باثر جيد خاصة لم يتابع هؤلاء المدونين"
-
يعنى أغلبية الناس قالت كده , حتى غادة " عايزة أتجوز "كل الناس قالت كده
و هم مش عايزين يقتنعوا
طيب أعمل أنا أيه ؟
هم حريين و أنا برضه حر
سلام أنتى بقى علان التاكسى بيسحب من فلوس التمويل

ذو النون المصري said...

موضوعاتك كتيره جدا كان حد بيجري وراك او كان القيامه قامت و الفسيله في ايدك قمت غرستها كلها مره واحده
كان ممكن تخف الموضوع علي كذا بوست
بالنسبه لحكاية حناكه دي فهي لذيذه و ظريفه
الكتا ب التدويني اعتقد انه من الناحيه الثقافيه مش مفيد و الا كانت المدونات عموما مراكز بث ثقافي عريقه
و هي غير ذلك بالطبع و انا اوافق بنت القمر في احد بوستاتها انه لا يمكن الاعتماد علي المدونات في التثقيف
لكن الموضوع و ما فيه انه مجرد تشجيع
حاجه زي العلاوة التشجيعيه للموظف
او شهادة التقدير للتلميذ في المدرسه
بتنفع يعني
........................
المدرسه و الحفله
اعتقد ان كل شيء في مصر الان جايز
لاننا في مرحلة انهيار لكل القيم المعروفه
و الثوابت التي تعودنا عليها و هناك عملية تشكيل لقيم جديده يفرضهاالاثرياء الجدد
و ثقافه جديده هم مستهلكوها و منتجوها
لذلك لم استغرب
لكن ليه وصفت الجهله اللي قالوا عن الخبر انه في مدرسه ثانوي بالفلاحين؟؟؟؟؟
..............................
باقي الموضوعات مكش فاكرها لانها طويله

لكن عموما التدوينه جيده
تحياتي

Bella said...

ايه ياعم رامز

انت ناقص تجيب عيش وتحلف بيه وتقطعه على وشك انك قلت كده

ماانا قريت تدوينتك اصلا اول مانزلت ومتابعة الردود كلها من بدري

وحتى قريت الموضوع الموجود ع الفيس بوك ورديت فيه واخدت نصيبي من الهجوم كمان

حاجة صعبة قوي صراحة

انا طبعا ممولة بنزين 90
هههههههه

علشان كده رابطة التاكسي برة

هههههههههههههه

ماانت طلعت برجوازي ومتعلم في المدرسة اللى جابت دينا ترقص

هههههههههههههههههههه

ايوة ياعم

نرجع للتدوين

يعني عندك مثلا من اكثر الموضوعات النقدية اللى بتعجبني موضوعات مختار العزيزي لانه ناقد بالفطرة بالاضافة لانه يتحرى الموضوعية في نقده وهو المطلوب عند النقد

يعني انا لو قلت لبرايد مثلا ايه الحلاوة دي ايه الجمال ده
مافيش اي فايدة ح تعود عليها من رايي في كتابها

لكن لو مثلا قلت لها ياغادة لازم تهتمي بالشيئ الفلاني وتبعدي عن الشيئ العلاني ح تستفيد اكتر لو جت تكتب كتاب جديد

وهو ده المفروض يكون من الناقد ومن صاحب الموضوع محل النقد

يعني لايفرح بالمدح والهيصة والهليلة لانها لاتضيف له جديد
وبمرور الوقت سيصبح المدح مكرر

المهم ان النقد يكون موضوعي ويتقبله صاحب الموضوع بصدر رحب بهدف التعلم لاننا بنتعلم من بعض

وعن نفسي لاارى ان التدوين كتدوين يعني يحدث ثورة ثقافية ولا الكلام ده

الامر في النهاية راجع لطبيعة التدوينات التي يكتبها اصحابها ومدى التاثير الايجابي الذي تحدثه في نفس المتلقي

وحكاية اننا سنغير المجتمع بالتدوين سبقتها حكايات شبيهة في المنتديات واعتق البعض ان المشاركة في المنتديات ستغير وجه العالم وتصل بالمواطن العادي لعوالم لم يكن بالغها من قبل

وهذا طبعا تبسيط للامور لان التاثير محدود بمن يستخدم النت وبمن يدخل اصلا على المنتديات

وكذلك الحال بالنسبة للمدونات

ولولا حديث وسائل الاعلام عنها وقاتباس الجرائد منها لما سمع بها المواطن العادي

يعني

امشي بقى يارامز لان العداد شغال والتاكسي بيحرق بنزين

عارفة العالم الحاقدة اللى زيك كده تلاقيها شغالة قر ع التاكسي لما اروح الاقيه متاخد مخالفة ولا مسحوبة رخصه ومش بعيد الاقيه متكلبش

ادي اللى واخدينه من المناقشة عندكم

ياساتر

الواحد ييجي مشي اسهل

ياللا معلش يازهر

ههههههههههه

Hypatia said...

تؤ تؤ تؤ تؤ تؤ تؤ تؤ
اخس يا رامز عمرى ما كنت اظن فيك كده
بتركب تاكسي يا رامز
وبتحط بيرفيوم كمان
انا خفت اكمل التوبيك واكتشف انك بتاكل جاتوه كمان ومشروم

عباس العبد said...

ذو النون المصرى
أنا بشكرك مرتين , المرة الاولى علشان واحد زى حضرتك و بقامتك الثقافية و بمجموع قراءاتك و معارفك , شارك فى الجدل ده و شارك برأى شبه مؤيد لوجهة نظرى
و المرة التانية لأن مدونتك لوحدها دليل على أنى ضعيف الذاكرة و أنك أنت الوحيد الذى يصلح لأعطاء مثل حى على كيف يكون كتاب صادر عن المدونين
و بعتذر أنى لم أذكرها كمثال
-
انا كنت كتبت قبل كده عن ثقافة التدوين و لما كتبت بنت القمر عن نفس الموضوع وصلنا لنفس النقطة الى حضرتك أقرتها ان التدوين ليس مركز بث ثقافى لكن
فى نقطة واحدة مهمة تتعلق بمدونتك
حضرتك بتكتب ملخص لما تقرأه , فاكر طبعاً سلسلة كتابى كانت بتعمل نفس الحكاية
يعنى لو دار أكتب كانت تعاقدت مع حضرتك و نشرت ملخص الكتب الى أنت نشرتهم فى المدونة , حطيتهم هى فى كتاب و قالت أنه صادر من المدون فلان( المعروف بأسم ذو النون المصرى ) كان حيبيع كام ؟ و الناس كانت حتبص على المدونين ازاى ؟
لما يكون بين أيد المواطن كتاب رخيص الثمن " بيحتوى بين دفتيه ملخص لأربع أو خمس أو ست كتب "
تفتكر الفائدة الى حتقع على الارى , القارىء العادى , المواطن المصرى الى بأربعة جنيه كانه قرا 5 كتب , شوف حيدعى للمدونين و لدار النشر و حيقول والله الشباب دول تمام
انما من كل فيلم أغنية و محدش فاهم حاجة , ربنا يرحمنا
-
بالنوسبة لموضوع الفلاحين
انا صعيدى و انت عارف أن كلٍ من الفلاحين و الصعايدة كل واحد بيتهم التانى أنه أقل تحضراً و بما أن حفلات البروم حفلات " متحضرة "و أنا صعيدى و بينا و بين الفلاحين عداء تاريخى فكان لازم أقول انهم فلاحين عادة مش أكتر , تعود , لسان حال و طبيعة
زى ما تسمع كده حد من القاهرة بيتهم حد ساذج بأنه صعيدى اول ما أسمع كده أعرف أنه فلاح علطول
أنت عارف انا مبحبش النكت على الصعايدة و بتنرفز منها جداً
عادة بقى
شكراً لزيارتك و لأنك وضحتلى نقطة كانت غايبة عنى
مدونتك بالذات تعمل فرق

عباس العبد said...

بيلا
أحقد عليكى ليه ؟ ما انا بقبض زيك من تمويل خارجى
و بركب تاكسيات و بحط برفان
و متعلم فى مدارس أجنبية , كله من فلوس بره
-
عمال أيد و ازيد لان كل واحد يخش يقول كلام كأنى مقلتوش
معل فهمهم على قدهم و أنت عارفة انا بكررها علشان أيه ؟
أيون برافو عليكى
التكرار يعلم ال... قصدى التكرار يعلم الشطار
=========
نسرين
مبحبش المشروم أوى
بس طبقى المفضل
chicken Caesar salad
و بشرب معاها
tai mai ,
كده بس
حاجات خفيفة

شمعى أسعد said...

حفصة
--------
كده تمام

وانا طلبت من احمد نفس الطلب بالظبط
لما قابلته فى البورصة
ده حقنا كلنا وانا مجاملتوش لما كلمته بالعكس
قلتله كل اللى انتى شخصيا نفسك تقوليه

انا شعارى دائما
الصراحة راحة يا عينى




اللذيذة غادة
--------------

ادينا بنبعبع بكلمتين مع بعض

محصلش حاجة يا ستى

هو موضوع مسيحى ومسلم ده مش اختراعى صدقينى
ده اتقال كذا مرة
حتى فى الحفلة اتقالت قدام الكل
وحتى دكتور ماجد فرج
بنفسه سال احمد ايه الفرق بين ان تكون المغتصبة مسيحية او مسلمة

هو عشان رامز مقلهاش هنا تبقى متقالتش

انا يا غادة مش طائفى ولن اكون

بس بصراحة يعنى قلقان من المجتمع
وليا اسبابى



بس انتى اذيك كده
:)

عباس العبد said...

بيلا
لما قلتيلى أنك أخدتى نصيبك من الزعيق أنتى كمان
دخلت قريت على الفيس-بووك
ممكن سؤال لو ينفع تسئليه
هو مين الى متحيز ؟
ممكن تسئليهم , هم قروا الكتاب و رايهم فيه بالتفاصيل
علشان نعرف رأيهم " الأكاديمى " اما لو مكنوش قروه " فيبقى عرفنا من المتحيز مسبقاً و ضد مين

Bella said...

راي اكاديمي ايه بس يارامز ياخويا

ماتخلي الطابق مستور

اصلا انا لو قلت كلمة اكاديمي دي ح يتقال انها بتكلمنا بتعالي

وانا صراحة مش باحب الاسلوب ده في الحوار
وباتخنق بسرعة
ومش باحب اقعد اقدم تبريرات من اي نوع وانا باتكلم
او اقعد احط فلتر على كلامي لاني اصلا مش باحب اسلوب الكلام المنفلت ولا الاسلوب المستفز في الكلام
ولا احب الالفاظ غير المقبولة في الردود
واعتقد انا عارفني كويس

فصعب قوي ادخل في حوارات منمكن يكون فيه الفاظ مزعجة او كلام بيطرطش شمال ويمين

ثم احب لو لقيت رايي ح يقدم جديد اقوله
لو مالقيتش لكلامي ودان تسمعه يبقى قلته احسن

فممكن نشوف حكاية الاكاديمي دي
ان شاء الله اقرب وقت رجلي توصل وسط البلد اجيب الكتاب ده والتاني بتاع دار العين ونعمل عليهم هم عدة كتب دراسة نقدية ممكن تفيد لو حد عايز يستفيد

وممكن لو مختار العزيزي عنده وقت نشوف الموضوع ده معاه

المشكلة في ان الناس لاتتقبل النقد فعلا بصدر رحب
ودائما تعتبر الهدوم والنقد مرادفين

انا كنت بافكر اعمل موضوع عن الحكاية دي

ح اشوف مزاجي ويمكن اعمله

ربنا يسهل

Bella said...

خد ياعم رامز

شوف الغلبان ده فتح على نفسه فتحه

هههههههههههههه

http://alien-besho.blogspot.com/2008/05/blog-post_26.html

The Z. said...

اشكرك بشدة و ابوس يد فيلسوفنا عكاشة على نظرية ابن حناكة اللي امه محتاجة، نظريته ألمعية...و حكاية تنظيمات المدونين صارت كالبكتيريا تتكاثر في عبثية مقرفة، و الهدف طبعا في غالب الأحيان يا اما مادي يا اما الشهرة و العنطزة الفارغة، لا افهم فعلا لماذا يأخذ التدوين في عالمنا العربي كل هذا الزخم . اكيد انه لعب دورا في السنين الأخيرة لكن مع هذا لا اجد مبررا لكل هذا الكرنفال الذي يجمع كل يوم مصائب جديدة. في كل العالم هناك مدونات و تدوين و فاعل بشكل كبير و برغم ذلك لا وجود لهذه التراهات.

مساءك جميل
زكرياء

Unknown said...

دي ثقافة ياعام عباس - بالمناسبة رواية العبد ماعجبتنيش - اللي مضايقني مش القوانين اللي بتوضح إن البني آدم هنا بيدوَّر على حبال يتربط بيها ، لكن اللي حازز في نفسي إنهم مش بيعرفوا عربي .. حتى شوف

" كتبها لجنة الحريات ( اتحاد المدونيين المصريين ) "



أكيد بحب السيما ألذ أكتر

مَلَكة said...

سالخير

تعبت من كتر التعليقات دي كلها بس افتكر فيه حاجات كتير عندك حق فيها

على فكرة جامدة جدا حكاية الست حناكة دي
يارب الواحد يعتر على واحد زي عكاشة ده كل ما يتخنق يروح له!

ألا صحيح
إنت قلت ليه غادة محمود اتظلمت؟
عايزة اعرف خصوصا اني كنت حابة قوي فكرة نشر الشروق للتلات مدونات بتوع غادة وغادة ورحاب

سلام

عباس العبد said...

زكرياء
منور يا باشا , يوصل سلامك لعكاشة
التدوين دخل حيز المسخرة
نقطة و من أول السطر
أنا عاجبنى رأى أزميرالدا جداً و مقتنع بيه جداً
أنا بدون علشان أدون ,و خلصت القصة
مفهاش حاجة مش عيب
---
جابرى
انت شرفتنى اولاً
يعنى أيه معجبتكش ثانياً ؟ امسح تعليقك دلوقتى ؟ و لا انت تبع تنظيم مناهض و بتقبض منه ؟
لو تبع تنظيم مش مشكلة المهم تبقى زميل بتقبض من الخارج و خلاص
ملحوظة : انا مش احمد العايدى مؤلف الرواية دى الى انا بحبها موت
انا أسمى الحقيقى رامز
علشان ميحصلش غلط
أكيد طبعاً بحب السيما أحلى بكتير
---
ملكة
نورتي المدونة
و الله يخليكى على التوافق ده
غادة أتظلمت
أسئلى أى حد عن كتب المدونين حيقولك عايزة أتجوز و رز باللبن
غادة أتظلمت جامد
عايز أتجوز ساخرة جداً و رحاب اديبة محترفة
و غادة التالتة نصوص بسيطة و سهلة و لذيذة فمخدتش حقها كما ينبغى
رأى برضه

eshrakatt said...
This comment has been removed by the author.