Monday, June 02, 2008

تعاطفاً مع القتلة و الحرامية

-1-

عايز أموت مقتول , حقى يا ناس .

الصراحة الأحداث الأخيرة المتلاحقة الى مرت بها مصر و كانت " بالصدفة " – حتى الأن – ضحاياها جميعاً أقباط , دفعتنى للتعاطف و بشدة مع " قتالين القتلة و الحرامية " . لو ركزت فى الموضوع و تابعته بحيادية و بعين مجردة و بشوية تأمل ل- "  أحداث الزيتون , و سرقة محل الأسكندرية , و الخلاف على ملكية و حيازة الأرض بين عرب قصر هور و دير أبو فانا "  . حتفهم قصدى .

انا متعاطف الصراحة مع الحرامية و قتالين القتلة , حظهم العاثر و النحس هو الى وقّعهم مع " مسيحيين " . ولاد الفقرية ملقيوش غير مسيحيين الى يسرقوهم و يضربوا عليهم نار و يقتلوهم . و لبسوا هم يا عينى شبهة فتنة طائفية بنحس امهم ده . و كأن مش من حق الحرامى أنه يسرق مسيحى و مش من حق القاتل يقتل مسيحى . و كأن المسيحى مش من حقه يتسرق و لا يتضرب عليه نار و لا يموت مقتول , ايه القرف ده ؟ . يعنى ما ينفعش واحد يقتحم بيتى و يحاول يسرقنى و لو قاومته يروح ضاربنى مطواة فى بطنى و لا حاجة و يسيبنى اموت و يسرق هو , الصراحة ده ميرضيش حد . أفرضوا مثلاً واحد مسيحى عايز مقتول و لا حاجة !! نحرمه منها ؟ , ده حتى يبقى اضطهاد !!! .

ما هو طبيعى يحصل كده , لازم يكون فى حرامية , من حق المواطن المصرى انه يبقى حرامى زى أى دولة متقدمة فيها حرامية , و من حق المواطن المسيحى و المواطن المسلم أنه يضرب عيارين فى نافوخه او بالسكينة فى بطنه و يموت مقتول .

لكن لأجل النحس بتاع العيال الحرامية دول أنهم فى مصر , يطلعلك مسيحيين ابو لمس يقولك لأ , احنا منموتش مقتولين و لا حد يسرقنا . جم يسرقوا لبسوا فتنة طائفية , معلش يا ولاد تتعوض فى السرقة الجاية . " دا انتم حيطلع ميتين أبوكم اونطة --- ههههههه  
---

---

-2-

القتل بال" ريكسونا "

يعنى تفتكروا مثلاً عرب بدو فى الصعيد بيتخانقوا على حيازة أرض مع أى حد و معاهم سلاح , اكيد حيستخدموه , و لما يضربوا نار على الرهبان , حيضربوهم بأيه ؟ حيضربوهم ب " wipes " مثلاً و لا مناديل " كلينكس " , ما لازم يضربوهم بالرصاص .

او عصابة " سطو مسلح "  – لا حول الله يا رب – داخله تسرق محل ذهب , جه صاحب المحل قاومهم , حيضربوه بأيه ؟ بستيك شوكولاته و لا حيرشوا وشه علشان الريحة ب" ريكسونا مزيل العرق " , ما لازم حيضربوه بالنار , ده شىء طبيعى .

او عصابة " سرقة بالاكراه " – اللهم صلى على النبى -   يخشوا المحل و هوب , يطلع صاحب المحل مسيحى و يقول للحرامى " حاسب , انا مسيحى " . فجأة , يروح المحل مليان نور و يلاقوا القديسين بيلفوا حوالين الحرامى و ماسورة المسدس تتنى لتحت و يصرخ الحرامى و هو بيتألم " شُلت يداى " و يسمع صوت عظيم بيقوله : " بتعمل كده ليه يا واد يا مسلم أنت ؟ ... أختشى ... عيب " . يروح المسلم معيط و يقول لصاحب المحل " لقد أمنت بدين أبائكم و دين امكم أيضاً " . و هكذا يا اخوانى تنتصر المسيحية و تُرفع راياتها عالية خفاقة .

---

-3-

فى نقطتين مهمين عايز أقولهم

-1-

تسفيه الاحداث

بيقولك يا سيدى :

واحد راح مع صحابه المصيف و نزل الميه و بعد ما نزل بشويه قعد يصرخ " الحقونى بغرق , الحقونى بغرق " راح زمايله نزلوا وراه لقوه بيضحك و بيقولهم عليكم واحد . و بعديها بشوية راح عامل نفس الحركة , راح صحابه نازلين تانى وراه , لاقوه برضه بيضحك و بيقولهم عليكم اتنين , فضل على الحكاية دى تلات اربع أيام ورا بعض , لغاية ما جه فى يوم و كان فعلاً بيغرق و قعد يصرخ بجد "  الحقونى بغرق ,  الحقونى بغرق " و صحابو محدش سئل فيه و سابوه و قالوا لبعضيهم " اكيد بيهرج زى كل مرة " .

المسيحيين فى مصر بيعملوا كده , اول ما تحصل مصيبة , كبيرة او صغيرة , يروحوا مصرخين , و أقباط المهجر يتشقلبوا على الحيطان , و الجماعات المسيحيية تتنطط على دماغها ... و يقولوا " فتنة , فتنة , المسلمين بيموتوا المسيحيين " و بعدين يطلع الحدث عادى و لا فيه أى مشكلة و تطلع الجماعات دى تقول " يلا حصل خير , ربنا ستر  , أهم حاجة الوحدة الوطنية " .

كده أحنا بنسفّه الموضوع و بنحوّله لصريخ عيال صغيرة , لازم قبل ما نصدر أى تصريح يمس موضوع الفتنة , نشوف الحدث رايح فين و جى منين , ما هو مش كل مصيبة ضحيتها مسيحى , تبقى أضطهاد .  لأن لو فضلنا على كده ,يوم ما تحصل فتنة بجد , محدش حيسئل فينا و محدش حيعبرنا و محدش حيبصلها على انها فتنة و محدش حيصدقنا و محدش حيحترمنا و حتتعامل زى أى حاجة تانية . و ده يقودنا للنقطة التانية

-2-

كله محصل بعضه

لما نزن كده على كل حاجة و نكبر كل حاجة و احنا مش عارفين حاجة و احنا مش فاهمين حاجة , الناس حيبوصلنا بطريقة مش ولابد و كله حيقول :

 " دول مخهم على قدهم " , " دول أبو لَمَس " , " تفكيرهم ضيق " .

 و يعاملونا بطريقة :

 " خدوهم على قد عقلهم " , " دى فتنة يابابا "  , " خلاص متزعلش يا كوكو " , " ياختشى قطة حنعملك الى أنتى عايزاه "  , " ياختشى بطة متعيطيش بقى "  .

 و ده الى بيحصل معانا , بيراضونا و خلاص . لدرجة ان محدش بقى فاهم حاجة , القيادة الكنسية عملت , القيادة الكنسية سوّت , القيادة الكنسية راحت , القيادة الكنسية جت . و الشعب أهبل و الحمد لله و مش فاهم حاجة , انا عن نفسى مخنوق من الموضوع ده .

---

-4-

ويل لمن تأتى منه العثرات

أنجيل متى 18 : 6-7

"  6  و من أعثر احد هؤلاء الصغار المؤمنين بي فخير له ان يعلق في عنقه حجر الرحى ويغرق في لجة البحر.7 ويل للعالم من العثرات.فلا بد ان تأتي العثرات ولكن ويل لذلك الانسان الذي به تأتي العثرة. "

--

أنجيل لوقا 17 : 1-4

"   1 وقال لتلاميذه لا يمكن الا ان تأتي العثرات.ولكن ويل للذي تأتي بواسطته. 2 خير له لو طوق عنقه بحجر رحى وطرح في البحر من ان يعثر احد هؤلاء الصغار. 3 احترزوا لانفسكم.وان اخطأ اليك اخوك فوبخه.وان تاب فاغفر له. 4 وان اخطأ اليك سبع مرات في اليوم ورجع اليك سبع مرات في اليوم قائلا انا تائب فاغفر له. "

--

الفتنة نائمة , لعن الله من أيقظها .

---

-5-

هل فى مصر فتنة طائفية ؟

نبقى كدابين لو قلنا مفيش متطرفين مسيحيين , و نبقى كدابين لو قلنا مفيش متطرفين مسلمين . و أكيد فى مسيحيين بيكرهوا مسلمين , و مسلمين بيكرهوا مسيحيين . ( طبعاً حيخش واحد يفتى و يقولك أكيد أن عدد المسيحيين الّى بيكرهوا المسلمين أكتر , كأنه ماشى بمقياس للكراهية و اول ما يعدى جنب جامع يدى شرطتين حُمر , و لما يعدى جنب كنيسة يدى 7 شُرط حُمر و يصفّر كمان - ناقصاهم أصله  ) و اكيد بتحصل فتن و خناقات و مصايب و بلاوى سودة , لكن القضية هى القياس . نقيس ازاى ؟ و نتصرف ازاى ؟ .

اكيد ما ينفعش نساوى مابين حادث السرقة بتاع الأسكندرية , و حادث الزيتون الى نفذه محترفين , و حادث الأعتداء و التدمير و الخطف العلنى و الواضح بتاع دير ابو فانا .

-

حادث الزيتون , بكل بساطة منعرفش عنه حاجة و منقدرش نتكلم عنه و لا حتى توصيفه , لأن الأمن مقلش كلمته .

-

حادث الأسكندرية , طلع حادث سرقة بكل بساطة .

-

أبو فانا , عايز شرح شوية :

دى مش اول مرة العرب يهاجموا الدير و كل الناس عارفه كده ,بقاله خمس سنين بالظبط ,  لكن البدو و العرب , ما بيشوفوش العملية كده . نرجع للتاريخ بسرعة ...

أيام الأضطهاد و بكل بساطة كان فى نوعين من الهجمات على الاديرة , النوع الأول و هو الأضطهاد المنظم من قبل الدولة الرومانية و هدفه أضطهاد المسيحيين , و كان فى نوع تانى و هو هجوم البربر علشان مخازن الأكل و كان كُتّاب تاريخ الكنيسة واعيين للموضوع ده , فكان بيسموا الأولى أضطهاد رومانى , و التانى هجوم البربر .

نرجع للعرب البدو , دى خناقة على حيازة و حصل فيها هجوم , و ضرب نار , ده شىء طبيعى من العرب . واحد قريبنا كان عندنا مزرعة و كان جنب المزرعة دى , واحد صديقه عنده قطعة ارض , جت هيئة المساحة بنفسها سلمته الحيازة , جم البدو و راحوا عاملين " وضع يد على الأرض " . راح أشتكى , قالوله " لازم تدفعلهم " . و نتيجة انه بلغ الأمن فضل البدو ساكتين و أنتقموا منه , قبل الحصاد عملوا حاجة بسيطة , سيّبوا الخرفان و المعيز و أكلوا المحصول بتاع الراجل . و لما معجبهوش ضربوا عليه نار . و فى الأخر دفع للبدو . يعنى البدو طلعوا لسانهم للجميع !!!! .

يعنى حتى الأن و بكل بساطة  , دى ازمة بدو و عرب مع حيازة و ملكية و وضع يد , لكن فى حدث مهم , خطف الرهبان و ضربهم , و أعادتهم بواسطة الأمن مكسورى الأرجل , هو ده الى لازم يتشرح . هل هو اضطهاد عملوه البدو بالمرة كده على الماشى , و لا دى طبيعة تصرفاتهم فى المنطقة دى  ؟ متنسوش ان الرهبان بلغوا الأمن ضد العرب , و بالتالى ممكن يكون العرب ضربوهم " علشان يعلموهم الأدب " و ما يعملوهاش تانى , زى ما عمل البدو مع الأرض الزراعية و خلّوا الخرفان تاكل المحصول , كل ده وارد . ( أنا شخصياً متوقع انه البدو العرب حيردوا و مش حيسكتوا و حيرنّوا " الدير " علقة شديدة تانية , ده مش تهريج . لازم يعملوا حاجة , سور , حراسة , أى حاجة , البدو العرب مش بيهرجوا , و مش حيسكتوا لأن الرهبان بلغوا الأمن , البدو على فكرة بيحلوا مشاكلهم ب" قعدة العرب " و الى يخالف الموضوع ده " بيظبطوه "  بجد  و أسئلوا عن عاداتهم و تقاليدهم , يعنى فى الغالب الرهبان حيترنّوا علقة تانى ... )

---

-6-

محدش فاهم حاجة

مفيش مشكلة لو حادث واحد من التلاتة طلع للأسف " فتنة " , بس يقولوا لأن الأعتراف فضيلة , و لأن الموضوع لا يعيب المسلمين طبعاً . لازم حيكون فيهم مجانين و طبعاً إحنا عندنا مجانين . " ألا لو المسلمين معترفين بكل بساطة انهم بيضطهدوا المسيحيين رجولة و جدعنة منهم  " . و ده مش صحيح طبعاً . و بالتالى أى حادث فتنة لازم نقول و بكل بساطة انه فتنة و تتحل على أنها فتنة , لكل كله كده و محدش فاهم حاجة على رأى اللمبى , هى دى المشكلة . و ربنا يستر علينا .

---

-7-

حوار

فى مناقشة على موقع " معاً امام الله " بعنوان " ماذا حدث ... دعوة للمصارحة بدون خطوط حمراء "

يا ريت تشاركونا .

---

51 comments:

بنت القمر said...

عباس العبد
===========
كل بيت مسيحي ها يقول شوف ولاد الكلب بيقتلونا بيموتونا في وسط النهار بيضطهدونا دمنا ساح من الصعيد للاسكندريه
كل بيت مسلم ها يقول دولوقتي يقولوا فتنه ما يسدقوا يتسلبطوا دلوقت يروحوا يصفروا لامريكا والصيع بتوع المهجر بتوعهم ولاد الكلب بيستقووا علينا بالامريكان عاوزين بخربوها ويقعدوا علي تلها زي العراق
ما احنا بنتسرق ليل ونهار وبنتقتل
اشمعني هما؟؟!!
عارف كل المشكله ايه؟؟ لان ده الكلام اللي قلته الصبح مع بلو
انه مفيش حقيقه
الراجل المسيحي بتاع الزيتون في كلام انه علي خلاف مع اخر مسلم علي قطعه ارض
وممكن يكون مات طائفي وممكن يكون
تاجر سلاح
ارض الديربتاعه مين بجد ومين اللي ضرب الاول ونتيجه ده ايه؟؟
مين اتقبض عليه
البدو معاهم سلاح ليه
ومرخص ولا لإ
الدير معاهم سلاح ليه ومرخص ولا لأ
يطلع بيان من وزارة الداخليه والوزير يزور المصابين ويقبض علي الجناه
من هنا وهنا
..لو الحكومه تقول للشعب كده وتحترمه بجد نتيجه التحقيقات
الفتنه ها تتوأد في مهدها ولو صايغ الزيتون انقتل طائفي عادي مفيش مشكله.. امريكا نفسها ام الديموقراطيه اتقتل فيها رودي مش فاكرة اسمه الزنجي الي اتقتل ومن ظباط شرطه!! عنصري لمجرد انه اسود..
بتحصل لازم الحكومه تقبض علي القتله وتحاكمهم عشان كل اللي عاوز يولع في البلد يتهد
حتي لو عنصري وانا لو كنت مسيحيه احس ان ليا حكومه بتحميني
؟لكن الحكومه فهمت مين ؟ولا احترمت مين ولا خدت حق مين الالف اللي ماتوا في العبارة
مسلمين خدت حقهم
الطيارة المصريه اللي مات فيها 44 ضابط قدام امريكا فهمتنا حاجه ولا خدت حقهم
سعاد حسني... اشرف مروان بجلاله قدرة
فهمنا حاجه
مش معقوله الحكومه بتعاملنا زي الاطفال مش لازم يعرفوا كلام الكبار
وهي تتحمل الحقيقه المؤلمة لوحدها في نبل
او في وساخة..ساعتها الناس ترتاح ولا المسلم يتخنق من المسيحي الزنان ولا المسيحي يحقد علي المسلم البلطجي
=======
بالنسبه للمنتدي فكرت من الضهر في الموضوع بعد ما دعيت لوضع اللينك
مش قادرة الاقي فايده لفتح الحوار
في ظل غياب المعلومه الحقيقيه
وعدم معرفتنا لسير التحقيقات
كل واحد ها يشطح بتفاصيل غير حقيقيه تعضد وجهه نظرة
والتاني مش ها يسكت وبعديييييين
بعد ما الناس تفش غلها في بعض!!احتقان اكتر وخنقه اكتر الناس كفايه عليهم الغلا والفساد بجد كفايه كده

^ H@fSS@^ said...
This comment has been removed by the author.
Unknown said...

بعيداً عن العهر الحكومي الذي يقف بين جميع انواع المتخاصمين في المجتمع وعلى رأسهم المسيحيون والمسلمون

هل سيتفق المتخاصمون على ان يتفقوا؟
وذلك ينسحب على كل اشكال الخصام الديني والسياسي والفكري في مجتمعاتنا العربية
اعتقد ان الاجابة بالمطلق هي لا

قبل عودتي الى فلسطين بسنوات
وفي يوم من الايام في مدرستي الابتدائية بعين شمس كان يجلس بجانبي صديقي المسيحي فوزي راغب
وقد ابتلاه الله في نطقه
فلا تجد حرفاً يخرج سليماً من فمه
فالجيم دال
والشين سين
والكثير من العثرات والتأتئات
دخلنا سويا في جدل ديني غاية في البساطة والسذاجة
وقد سئلته
اذا وجدت صفحة من القرآن الكريم ملقية على الارض ماذا تفعل بها؟

فأجابني فوزي وبكل برائة
احطها على دمب
دمب=جمب
اي انه سوف يضعها على جمب
حفاظاً عليها
ولكن اللغة دوما كانت تخذل فوزي
فسمعتها انا منه
هحط عليها دم
بما انو دمب قريبة من دم

فما كان مني الا اني فجعت بهذا الفعل الشنيع الموحي بطقوس دينية موغلة في الخقد الديني والتطرف

فتقاتلنا وضربنا بعضنا البعض
وفي غمار الخناقة كان فوزي دائماً يتسائل
بتضربني ليه؟؟
بقلك هحطها على دمب
على دمب
في غمار الخناقة افقت،وفهمت
وتذكرت حروف فوزي الضاربة شمال
ثم اعتذرت لفوزي
لاني لم اسمعه جيدا
ولان اذني كانت متحفزة لسماع الاجابة التي اريد ان اسمعها
كي ابدو مناضلا دينيا يقف في اقصى اليمين دفاعا عن عقيدته وفكرته


يقول المثل
If you want to be understod listen

حداويت said...

يا ترى صحيح إشمعنى أول الخبر اتذاع بتاع السطو
الاعلام كله " المسموع و المقروء و المتشاف" على إن المجني عليهم مسيحين
.. مع إن الجريمة دي أصلاً مش حاجة معتادة .. السطو المسلح يعني.. يعني المفروض التركيز كان يكون على نوع الجريمة و توقيتها و كده .. حاجة غريبة و الا بيتهيأ لي ؟

eshrakatt said...

المشكله مش فتنه بالمعنى المتداول
المشكله الحقيقيه هى وجود حزازيات تسببت بها بعض الاحداث ارتكبها حمقى ممزوجه بشوية تفكير دينى متخلف وارد الخارج احنا طول عمرنا عيشين مع بعض عمرنا ما حسينا فرق ولا عمرنا كان فيه بنا اختلاف فى اى شيئ انا افتكر ان كانت اقرب صديقه لجدتى مسيحسه وجدى كان شيخ ازهرى وكان بنهم عشرة عمر ودلوقتى اقرب الاصدقاء ليه ولزوجى مسيحيين عمرنا ما فكرنا مسلم ومسيحى انا بدات اسمع الكلام ده من كام سنه ايه هى المشكله لازم نحط ايدنا عليها مش المشكله فى الاحداث اللي بتتكرر المشكله ان فيه حلقه مفقوده هى دى الى سببت الحزازيات الموجوده المفروض ندور عليها ومن غير ما ندفن رؤسنا فى الرمر لازم مواجهه حوار مع الاخر مواجهه صريحه جدا لازم تختفى كل الحزازيات لانها بتكون هى سبب الفتنه انا اصلا مش فاهمه يعنى ايه مسلم ومسيحى ولا مسيحى ومسلم اعرف ان هناك معاقون ذهنيا يتشدقون باسم الدين والدين بريئ منهم خلقو جو من الفرقه بس لازم المواجهه والتصارح عجبتى اوى صفحة معا اما الله بلاش نخليها صفحه نخليها سلوك تعالو نتصارح فى كل وقت واى وقت بدون اى حزازيات ولا حدود كل واحد يقبل الاخر حتى لو اختلف معاه

bluestone said...

مع كامل اعتراضي على حاجات كتير في البوست عبرت عنها لرامز شخصيا

حبيت بس اقول حاجة مهمة جدا اشير ليها من تعليقات الناس
تعليق احمد ثروت مهم جدا .....
ليه الاعلام ركز على ان الضحايا مسيحيين مع ان الجديد في الموضوع السطو المسلح ..
التغطية الاعلامية للحادث مريبة جدا

الله ينور عليك
وكمان التعليق التاني لاشراقات تعليق فيه كلام حقيقي جدا

واحب احييهم هما الاتنين بعد اذن رامز

karakib said...

رامز .. انت بتتكلم و كأنه المفروض الحكومة مالهاش اي دور في الحياة
و كأنه العرب هم الجكومة
انا عارف انه ده حقيقي بس مش طبيعي و مينفعش يكون امر مسلم به انه العرب عاملين حكومات جوا الحكومات
و انه الامن سايبهم يمرعوا و يضربوا نار علي خلق الله و يخطفوهم
-----------
تاني حاجة الحادثة الاولي و التانية للصياغ ما تنساش انه ده حصل قبل كده و كان لتمويل الارهاب ... و ما تنساش انه في عدد كبير تم الافراج عنه قريب زي ما مكتوب عند لاست نايت ( بعت لك اللينك) يعني ممكن و ممكن
بلاش نقول انها طائفية لأنه مفيش دليل واضح علي انها كده ... مجرد سرقة عادية
ليست لها ابعاد طائفية
---------------
انما ضرب نار علي الدير .. و خطف رهبان و جلدهم ده بقي مينفعش
ليه؟
لو حتة الارض بتاعة جامع و انضرب نار علي جامع يبقي ايه الوضع ؟؟ و لا هي علشان كنيسة و دير يبقي عادي ؟؟ لو مكانش ضرب نار علي بيت عبادة ايا كان السبب
و باكرر ايا كان السبب حتة ارض حتة بسبوسة حتة اي حاجة
يقابل برفض من كل الناس يبقي في حاجة غلط
ما هو مش عادي ابدا البدو يضربوا نار علي الدير مرة و اتنين و تلاته و الحكومة بتتفرج !!

تــسنيـم said...

لأ أزعل منك يا رمز وأنا الل بقول عليك تفهمها وهيا طايرة


هي مش حكاية مسلم والا مسيحي هو علاشن انتو ظلمة وافتريتوا على الحكومة لما مدت قانون الطوارئ قام إيييه هوبا حصلت حادثة بشعة زي دي وفيها نفسنة وفتنة طائفية وكده قووم إييه الحكومة ترفع إيديها وتقول أهو ربنا عادل وبينصف المظلوم وأحنا مجيبناش حاجة من عندنا طب لو مكانش القانون اتمد كنتوا هتعملوا اييييييه يا شعب ضلالي مش عارف قيمة النعمة؟

فسيبك بقى من فتنة ومفتناش

ربنا ينصر الحكومة على مين يعاديها

هااااااي هيييييييييييه

Hypatia said...

ممممممم
والله يا رامز عندك حق حوادث السرقه والسطو الحراميه مش بينقو فيها حيسرقو مسلم ولا مسيحي
بس ده ميمنعش ان حادث الدير وتبادل اطلاق نار ده مصيبه فعلا
بيقولو واحد مات وواحد اى كان دينه بقي ديه حاجه كبيره اوى
المره الجايه حيفتحو النار على بعض ويموت بالعشرات
ولو حتى طرف واحد بس اللى معاه سلاح-العرب-برضه لسه الكارثه قائمه
واللى خلاهم يخطفو الرهبان ويضربوهم يخلوهم يقتلوهم المره الجايه
وساعتها الاقباط مش حيسكتو لو سكتو على انتهاك حرمه الكنيسه مش حيسكتو على دم الرهبان
ربنا يستر بس الامور ماشيه فى اتجاه مش مطمئن خالص

Alkomi said...

و الله انا قريت البوست و مش عارف انت مسلم ولا مسيحي

بس فعلا بوست يمكن من احلى ماقريت عن الحوادث التلاتة

وجهة نظري انها حوادث مدبرة من الحكومة لتبليع فضيحة الطوارئ للشعب

بنت القمر said...

رامز
====
منطقه الاعتدال اللي بتنطلق منها او بتحاول.. سواء بجد او بسخريه مش ها تنفعك
انت كده كده مش ها ترضي حد ومش مهم
:)
=======
الله يكرمكوا اللي يخش يقول الفكر الوافد والجايين من الخليج وبطيخ ووهبنه وسلفنه
ارحمونا بقا
هما البدو دول يعرفوا الكلام ده ولا طلعوا برا ارضهم مش ممكن بقا التسطيح العجيب وكلام الفيس بؤ اللي الكل حافظه وبيدلقه في ودان بعضه ده
ايه علاقه البدو بالفكر المتطرف
دول لا بيقروا ولا بيكتبوا
المهم
السلاح ...سؤال استفهامي وليس استنكاري
الدير معاهم سلاح ليه؟؟ بجد
ج_عشان يحموا نفسهم ويحموا الدير
س_ ليه ومن ايه
ج- من العرب
س_ لو انا عندي فيلا وكل شويه ينط حراميه مين مفروض يحميني الحكومه ولا كل واحد يشيل سلاح وهوبا يلا
ولو الحكومه لو ادتهم تراخيص سلاح
وانا مش عارفه هم سلاحهم مرخص ولا لأ كأنهابتقول للناس روحوا موتوا بعض
ولو عارفه ان اهل الدير والعرب بيتخانقوا علي الارض ليه مش بتسّورها وبتحط عليها حراسه
عشان تحقن الدماء وتسحب السلاح من دول ودول
نرجع تاني لسياده القانون
اللي تريح الكل
=======
هاني
========
الحكومه في حاله ضعف وتراخي عام مش موجه ضد المسيحيين تحديدا
الحكومه مخدتش حق بتوع العبارة ولا حق اشرف مروان ولا حق موتي بني مزار
متاخدش اي شيئ بشكل طائفي
؟؟ ولا ايه
تحياتي للجميع

karakib said...

بنت القمر
موافقك طبعا علي حالة التراخي دي
و لكن ده مينفعش يكون شيء طبيعي و عادي
لأنه المره دي انضرب نار علي دير
هو عادي انه ينضرب نار علي كنيسة ايا كان السبب !؟ بالنسبة للعبارة و بني مزار فدي حوادث عادية زيها زي الاتنين صياغ اللي اتشرقوا و واحد منهم اتقتل ... حادث التهمه فيه جنائية
اما ضرب نار علي كنيسة فمش عادي
مش عادي ابدا
ده هبل
لما يضربوا مرة و اتنين و في التالته يخطفوا رهبان يبقي في حاجة غلط
ازاي مفيش حراسه
طب يعتبروه حتي زي الاماكن السياحيه
انما سايبين البدو رايحين جايين يضربوا نار علي الدير !! مش مفهوم و مش مقبول ابدا

Samir Saad said...

نفس الغباء
مسلم يشتبك بمسيحي في مصر يبقى اضطهاد وفتنة.
حكومة علمانية "كافرة" تمنع زي له مرجعية دينية يبقى حرب على الدين ولازم نجاهد. احنا شعوب عندها هسس ديني. وديني وما اعبد - اللي هما اغلى حاجتين عندي - طوبى لمن يسحب الدين من مجتمعاتنا. كفاية تخدير.

Layla said...

التغطية الاعلامية غريبة جدا.. دبل ما يسلطوا الضوء على انتشار جرائم السطو المسلح قلبوها فتنة طائفية

لو بلطجي سرق واحد في الشارع غالبا هيطلع اللي اتثبت ده مسلم.. ولو سرق محل دهب غالبا هيطلع صاحب المحل مسيحي

الموضوع مالوش علاقة بالعقائد اكتر منها نسبة و تناسب

اللي المفروض نهتم به فعلا هو انتشار السطو المسلح وانتقاله من الهجوم على الافراد في الشوارع الى الهجوم على المحلات التجارية

موضوع الدير معرفش عنه حاجة..لكن توضيحك للموضوع يؤكد انها نفس السياسة الاعلامية اللي بتتعامل مع اي حدث احد اطرافه مسيحي على انه فتنة طائفية

انا معاك جدا ان لازم يكون في عقل نوزن به الامور عشان لما تحصل فتنة بجد الناس تسمع لنا

محمود المصرى said...

بسم الله الرحمن الرحيم

كلامك حلو وجميل يا باشمهندس , وطبعا انا بقول كده مش علشان هو كده لكن علشان ان شايف انه كده , بس فى ملاحظة بسيطة ان الضحايا مش كلهم مسيحيين , امام الدير قتل واحد مسلم بطلقات نارية .
تعرف يا باشمهندس ايه اكتر حاجة بتشعل الطائفية ؟ هى الحديث عن الطائفية , الناس مابتحبش الشكاء البكاء , عارف انت لما تلاقى عيل صغير عمال يعيط على الفاضى والمليان ؟ طبيعى بعد فترة هاتتغاظ منه وهاتضربه , دا بالظبط اللى ممكن يحصل , كل شوية فتنة اضطهاد شيوخ البترول التكفيريين المتطرفين لغاية ما دماغنا ورمت , الاستاذ اللى بيقول ان الضرب على الكنيسة مش عادى , ايوة مش عادى ومش صح , لكن مين قالك ان حرمات الكنائس بس هى اللى بتنتهك علشان تحاول تلمح ان الحكومة متآمرة على المسيحية ؟ احب اعرفك ان انتهاك المساجد يجرى على قدم وساق فى مصر , حتى المساجد فى الجامعات , من اقل من سنة تقريبا بتوع امن الدولة وحرس الجامعة اقتحموا المسجد المقام داخل المدينة الجامعية لطلبة عين شمس بالاحذية , والظابط قعد يشرب سجاير هو واللى معاه شوية , قلبوا فيها كل حاجة كتب ومصاحف واوراق طلبة ومطويات ومشيوا واثار الاحذية واعقاب السجاير فى المسجد , هذا اضافة الى اعتقال ائمة المساجد والدعاة وتعذيبهم وغير دا كتير , لكن طبعا المساجد والمسلمين لا بواكى لهم .
انا بعت تعليق على الرابط اللى انت حاطه تعرف لو ماتنشرش ؟ هاتكون انت سبب الفتنة الطائفية فى مصر بصحيح .
تحياتى

همس said...

فعلا حظهم نحس

بس ما مش مصدقه انهم افراد يعنى تلاقيها الحكومة

علشان تطلع تقول اهو احنا كملنا بقانون الطوارئ

علشان الحركات دى

عالم غبية وحولا

م said...

انا مش متأكد ان كان كلامك فى البوست ده رأيك فعلا ولا على سبيل السخريه
بس أيا كان انا متفق مع معظم اللى قلته,والبوست عجبنى فعلا
وانا كنت كتبت بخصوص نفس الموضوع ده فى مدونتى وتقريبا متفق مع كلامك بنسبه كبيره
تحياتى

م said...

ده اللى كتبته فى نفس الموضوع
*****************************


اعتداء مسلح على محل للذهب فى حى الزيتون يملكه أقباط


كانت تلك هى صيغة الخبر فى اغلب وسائل الإعلام ,بعد وقوع الحادث بدقائق قليله,لاحظ التركيز على جملة يملكه أقباط(مسيحيون)
أول ما تبادر الى ذهنى وقتها هو تخيل حدوث اعتداء مماثل على محل للذهب فى الزيتون أيضاً يملكه مسلمون(بما انه بات من الطبيعى جدا أن نتكلم عن المواطن المصرى اما باعتباره مسلما او اعتباره مسيحيا) هل كان الخبر سيقال هكذا:اعتداء مسلح على محل للذهب فى حى الزيتون يملكه مسلمون؟
أعتقد ان الاجابه هى لا,والسؤال التالى سيكون ولماذا؟ بمعنى ولماذا أصبحنا مهيئين تلقائياً لاعتبار هذا الاعتداء موجهاً ضد المسيحيين؟ لماذا لم نفكر ولو للحظه انه اعتداء اجرامى قام به بعض اللصوص ضد محل للذهب؟ , وأغلبنا يعرف أن تجارة الذهب من ضمن صناعات اخرى كثيره يكاد يغلب عليها الطابع المسيحى ربما بحكم توريث المهنه, أى أننا لو افترضنا أن عصابات السطو المسلح قامت بعشر عمليات سطو على محال للذهب ربما يتصادف أن يكون أغلبها أو حتى كلها ملكاً لمسيحيين؟
البعض يحاول أن يبدو معتدلاً ولا يصرح باعتقاده أن الاعتداء موجه ضد المسيحيين ويكتفى بالقول لننتظر التحقيقات قبل أن نطلق أحكاما جزافيه,وفى رأيى أن مجرد وجود تلك الفكره فى العقل الجمعى المصرى يعتبر كارثه بكل المقاييس, فكرة أن المسيحيين لا يمكن أبداً أن يكونوا طرفاً فى أى نزاع, او ضحايا لعمليات ارهابيه أو اجراميه, ولا أعرف لماذا,ألا يبلغ عدد المسيحيين فى مصر حوالى ستة ملايين وربما يزيدون؟ ألا يتواجدون فى كافة مدن مصر ويعيشون كمواطنين عاديين لا تضمهم أحياء منفصله خاصه بهم؟ ألا يجعل ذلك كونهم طرفاً فى المشاكل الحياتيه أيا كانت بشاعتها امراً متوقعا كونهم مواطنين يعيشون بتلك الدوله كغيرهم من سكانها؟ ألا يمكن ان يتبين بعد ذلك أن الجناه مسيحييون أيضاً(بالصدفه يعنى), ألا تذكرون معى مذبحة بنى مزار بالمنيا, كان الضحايا كلهم من المسلمين فاعتبرت جريمه قتل عاديه(وهى كذلك فعلا) تخيلوا معى لو كان الضحايا مسيحيين,ولم تتوصل الشرطه للجناه الحقيقيين كما حدث فعلاً,بالتأكيد لم يكن الأمر ليخلو من تلميحات بالطائفيه, واتهامات للشرطه بالتهاون مع الجناه كما أشيع فى حادثة الدير ونشرته المصرى اليوم فى تغطيتها للحادث , وكنا سندخل فى دائره مفرغه من التعصب الكريه نحن فى غنى عنها.
لماذا يعانى المسيحيون من تلك الحساسيه المفرطه؟ من المسئول الأول عن حالة الاحتقان التى تسود الآن؟فى الواقع لدىّ إجابه على السؤال الخير أفضل الاحتفاظ بها لنفسى, لماذا لا نتذكر أن أرشيف المحاكم يحتوى ملايين القضايا التى يختصم وربما يقتل فيها مسلمٌ مسلما آخر, او مسيحى يقتل مسيحياً آخر,لماذا سيطرت علينا فكرة أن المسيحى لن يكون ضحيه لأى اعتداء الا بسبب كونه مسيحياً؟
فى سياق تغطيتها لحادث الزيتون,تشير الصحف باستمرار إلى أن الكنيسه ستصبر ولن تتعجل الحكم على الحادث,وأن البابا يتابع الحادث من أمريكا,يعلنون ذلك من باب الحكمه أو التروى, وأنا أرى أصلا أن مجرد دخول الكنيسه طرفاً فى هذه الحوادث يعد أمراً خطيراً جدا,ما دخل الكنيسه بحادث سرقه حتى وان كان الضحيه مسيحيا؟ هل الكنيسه جهه قضائيه؟ هل هى مخوله قضائيا أو دستوريا بالتحدث باسم المسيحيين؟,هل الكنيسه دوله داخل الدوله, أم هى سفاره مهتمه بمصالح رعاياها وحقوقهم؟ان كانت كذلك فلتعلن ذلك رسمياً حتى تصير الأمور أوضح.
(هصلى هصلى..مهما حصلى..,سنقف فى وجه الارهاب ) شعاران من ضمن ما رفعه المتظاهرون فى الدير بالمنيا بعد الحادث الأخير
البعض استنكر على استحياء تلك المظاهرات وحاول ايجاد العذر لهؤلاء باعتبارهم غاضبين, وأنا لا أراهم الا مجموعه من لغوغاء, وان أردت التسامح أكثر سأصفهم بالحمقى والمغرر بهم, ما دخل نزاع على أرض لا يملكها أى من الطرفين بصلاة المسيحيين؟ ان كان الدير يملك ما يثبت ملكيته للأرض فلماذا لم يرفع دعوى قضائيه لاثبات حقه مع أن الأمر قديم والنزاع متجدد؟
وان كان الفلاحون يملكون وثائق تثبت ملكيتهم للأرض فلماذا لم يقوموا بذلك؟ الأمر فى رأيى يمكن ان نلخصه بجمله واحده(غيبة القانون وتراخى هيبة الدوله) لا علاقة له بصلاة المسيحيين حتى يصرخوا هصلى هصلى مهما حصلى, ومن منعك من الصلاة أيها الغاضب المضطهد؟هل قام الفلاحون(المسلمون او العرب كما تصفهم المواقع المسيحيه على النت) بما قاموا به بنية منع المسيحيين من الصلاه فى الدير أم بنية استرجاع الأرض كى يزرعوها؟ ان كانوا مخطئين فسيحكم القضاء بذلك, وسيعلن القضاء أيضا عن قاتل الفلاح(المسلم) وفى جواز حمل الرهبان للأسلحه فى مكان يفترض انه للعباده.

bluestone said...

فيه نقطة مهمة مش عارفة ازاي وقعت من عباس العبد ومن محمود المصري كمان
وانا من عندي هخليهم نقطتين

اولا يا محمود انت اتكلمت كتير عن اقتحام المساجد او ملاحقة السلطة للاسلاميين او اصحاب التوجه الديني اللي ربما خوفا من طموحاتهم السياسية اللي هي مشروعة حتى وان لم نتفق معها
لكن هل ده يدي الحق لبعض الاسلاميين (بشكل عام مش في الحادثين الاخيرين) انهم يضربوا الاقباط بحجة ان الحكومة بتضربهم !!!!

وبعدين عيل مين ده اللي عمال يعيط يا عم محمود ؟؟؟؟ ومين العيل اللي هتضربه عشان زهقت ؟؟؟؟؟؟؟ اظن عيب

لو كان فيه مسلمين زي حضرتك بيتعاملوا مع شركائهم في الوطن على انهم عيل عمال يعيط ..يبقى فيه حاجة غلط في عقل البلد دي وضميرها .. اكيد فيه مشكلة في التربية .. احساس الاستعلاء الواضح في المثال غير مقبول شكلا وموضوعا

فيه حاجة كمان اشرت ليها انت وعباس العبد وهو ان الاعلام غطى الحادثين على انهم طائفية ..
طيب يا اخي ان كان الاعلام عمل كده
الاقباط مالهم ؟؟؟

انا الحقيقة معرفش ان كان الاقباط مسيطرين على الاعلام بالشكل الفظيع ده لدرجة انهم مسيطيرين على الاخبار والاهرام والمصري اليوم والفضائيات .. يا حلاوة

انا بشتغل في الاعلام بقالي قد ايه .. ومعرفش ‬ان الاقباط مسيطرين كده على الاعلام .. عايزينها طائفية .. تاني يوم الجرايد والفضائيات تهرينا طائفية .. طيب كويس ان بطرس مردوخ عامل شغل

الكنيسة قالت مالناش دعوة بالزيتون ده جناية وده شغل النيابة
اقباط المهجر 99 في المية منهم ماتكلموش عن حادثة الزيتون اكتر من اللي انكتب في الاخبار والمصري اليوم

حادثة الدير الكنيسة قالت احنا مستنيين التحقيقات وكلمة القانون وبنتابع بما ان الدير تابع للكنيسة

اقباط المهجر تعاملوا مع حادث الدير على انه طائفي لانه ببساطة شديدة جدا الاعلام المصري مقدرش يفرق بين الفلاحين من سكان المنطقة وقبايل العرب يبقى اللي عايشين بره هيفرقوا

الجرايد كلها قالت ان القتيل الوحيد في الواقعة وهو مسلم كان من العرب
وده مش صحيح .. الولد كان فلاح بيشتغل في قرية مجاورة للدير واهله بنفسهم قالوا انه اصيب برصاص طايش من اسلحة العرب ..

ثالثا ولا رابعا
الارض ملكية للرهبان بورق رسمي من الدولة
لكن قبائل العرب لا تعترف بالقانون الرسمي للدولةوليها قانونها الخاص
ودي مشكلة الدولة ومشكلة سيادة القانون

بالعقل كده يا جماعة
لو كان الرهبان معاهم سلاح كانوا قتلوا 20 واحد من المهاجمين على الاقل تخيلوا معايا 300 ولا 400 راهب متحصنيين في مباني ومعاهم سلاح
بيضربوا نار على ناس واقفة في الصحرا
يبقى على الاقل هيموتوا 20 ولا 30 واحد

عباس العبد said...

بنت القمر
انا مقلتش كلام غير الى انتى بتقوليه . انا قلت مفيش مشكلة لو " طائفية " بس يقولوا , و تتحل على انها طائفية و الغلطان ياخد بالجزمة فوق دماغه علشان ده أمن بلد و شعب , لازم يكون فى أمانة و شفافية فى معالجة الامور . علشان بجد أتخنقنا .
و بعدين انا مقلتش انى وسطى و لا معتدل و و مين قالك انى بحاول ارضى حد , ان شالله ما عن حد رضى , انا زعلان طبعاً و مضايق جداً للى حصل للرهبان بس بحاول احلل و بكل عقلانية الحادث , لأنى مخنوق من نظرية الفتنة الى طلعت مع حادث الزيتون , يرضى مين ان حادث جنائى كل مشكلته انه منظم , يبقى فتنة ؟ .
---
حفصت
مسحتى الكلام ليه يا حفصة ؟
---
منفى
هى دى فعلاً المشكلة , كل واحد فينا عايز يسمع صوت دماغه , حتى لو الى قدامك قال الكلام الصح و السليم و الى يرضيك , برضه مش حيرضيك لأن انت عايز تضربه و عايز تكرهه .
انا حقولك حاجة بسيطة جداً , الكلام فى التدوينة دى , قد يبدو محايداً بعض الشىء و فيه حل واضح و هو معالجة الأمور بشفافية لأنه أكيد حيحصل فتن و بلاوى و كوارث , ده شىء طبيعى , ده رأيى , تخيل حضرتك حصل أيه ؟ واحد مسلم بعتلى ميل ( مرداش حتى يخش المدونة يعلق ) بيقول فيه :
" انى منافق و كداب و مفيش مسيحيين فى مصر بيفكروا كده و أنى جزء من العملية , ناس تشد و ناس ترخى . " تخيل !!!
حتى و انا بقول رأى محايد , يطلعلك واحد مش عايز يسمع غير صوت نفسه .
كلامك سليم فعلاً

عباس العبد said...

أحمد ثروت
أقولك انا ليه . لو ركزت فى البوست حتلاقى قلت حاجة مهمة جداً و الحاجة دى انا مقلتهاش , لانها مهمة جداً . انا قلت بدو رايحيين و رهبان جايين , سطو مسلح و سرقة بالأكراه و واحد عايز يموت مقتول , و حظ نحس و حرامية و قتالين قتلة و حاجة أخر سداح مداح , و مقلتش فين الأمن ؟ فين الأمن ؟ ايدى فاضية ... فين السنيورة ؟ .
الأمن فى حالة غياب تام . ناس بتسرق و ناس بتقتل و ناس بتتنكر و ناس بتموت و كله بزرميط و بما ان الجريمة فى الغالب و زى ما قال بعض المحللين مش حتحلل لانها منظمة و نفذها محترفين زى موضوع " بنى مزار ", فالأمن مش عايز فضايح , ركز يا أبنى على أنها " مش طائفية " . و انت عارف ان نفى النفى أثبات , هم حيقولوا بدل الأمن أنكر انها " طائفية " تبقى أكيد " طائفية " . و نريح نفسينا و تخلص و تنتهى .
الدير فى المشكلة دى من 5 سنين و اخر محضر تم تحريره كان فى شهر يناير الى فات ضد البدو , و قطعوا عن الدير الميه فى شهر أبريل قبل العيد , و محدش أتحرك , عرفت ليه التركيز على الطائفية و لا نقول كمان ؟
---
أشراقات
منورة المدونة , انتى رديتى عندى فى كذا بوست قبل كده و انا مقصر و بشدة فى انى أرد على حضرتك , بس الموضوع ده جه شغلنى , بعتذر جداً .
عندك حق فى موضوع الحزازيات ده , و لازم يتحل , عمرنا ما سمعنا مسلم و لا مسيحى دى الا من فترة قريبة فعلاً , حتى امى و أبويا بيقولوا كده , مكنش فى الكلام ده , بجد فعلاً حاجة غريبة , و اهلاً و سهلاً بيكى و فى أى وقت فى منتدى " معاً امام الله " , بيتك يا فندم .
---
بلو
أعترضى براحتك , و كمان تحيى الناس فى بيتى و مدونتى !! هو مفيش أمن و لا أيه ؟ هههههههه , واخده بالك من مفيش امن دى ؟

عباس العبد said...

هانى
حنرغى احنا شوية مع بعض
فين الحكومة ؟ هل سؤالك ده سؤال أستفهامى و لا أستنكارى ؟ و لا أستهبالى علشان أنت عارف فين الحكومة ؟ و لا سؤال فلسفى ؟ انا أعتقد لانى أعرفك انه سؤال فلسفى و بالتالى حرد عليك بمنطقية اكتر , نجيب من الأول خالص ,
الوعى المسيحى
3 حوادث فى 3 ايام ورا بعض و هم بالترتيب كالأتى :
أغتيال منظم لأربع أفراد يعملون فى مجال الذهب , الحكومة انكرت أن الحادث طائفى " مع أن القيادة الكنسية و أقباط المهجر الى بيزيطوا فى كل صغيرة و كبيرة " مطلعوش بيان واحد ان الحادث طائفى , لكن الخوف من الشعب المسيحى , و مع ذلك لم يتحرك الشعب المسيحى نتيجة " .... " ؟ . ممكن تقول وعى , خضة , خوف , كتمة , الى انت عايزه .
حادث سرقة بالأكراه لمحل ذهب , تانى يوم , صدفة , منهم واحد كان متنكر فى زى منقبة " تشويه لرمز دينى " , نفى شبهة الطائفية لنفس الأسباب , الشعب متحركش .
حادث أعتداء على دير أبو فانا , القيادة الكنسية أتحركت , الشعب المسيحى أتحرك , مظاهرات خرجت تندد بتخاذل الأمن مش بكون الحادث فتنة طائفية , واخد بالك ( الشعب متحركش على أساس انها فتنة ) , دول بقالهم اكتر من 5 سنين فى المشكلة دى و الحوادث دى و الأمن مبيتحركش , و الشعب مش بيطلع مظاهرات , فى وعى , ممكن , لأن طول الخبرة خلا المسيحيين يبتدوا يدركوا ما هو فتنة حقيقة و ما هو " فتنة مصطنعة " بيتم التسخين فيها .
فهمت حاجة ؟
-
واخد بالك من غياب الأمن فى البوست و فى التحليل السابق , ده يوصلنا لنتيجتين
الأولى : اما أن الأمن مشغول تماماً بالأمن السياسى للبلد و للحزب و بالتالى أرتفاع نسبة الجريمة العادية و المنظمة ده نتيجة انشغال الأمن و ده يقع على الطرفين " مسلمين و مسيحيين " , يعنى المتضرر فى الأخر الشعب المصرى كله مش المسيحيين فى الحوادث دى بس . زى ما قلت بنت القمر , ضحايا العبارة و ضحايا القطارات و ال44 ظابط فى حادثة الطيران , و بالتالى الباب أتفتح لأى شخص بيعانى من حزازيات تجاه الأخر زى ما قالت أشراقات , أنه يطلع غضبه على الأخر , يعنى المسلمين يقولوا بدل ما نسرق مسلمين زيينا , يقولوا لأ , نسرق نصارى و خلاص . بدل السرقة بقت سهلة و محدش حيجيبنا ( مثلاً يعنى --- مثال غير واقعى طبعاً --- بقربلك الفكرة ) و غياب الأمن ده يصب فى مصلحة من يريد أشعال فتنة .
التانية : ان فى أضطهاد منظم من قبل الدولة ضد المسيحيين و بالتالى فى اوامر للامن بالتخاذل فى أى قضية تتعلق بالمسيحيين , سيبوا المتعصبين يخلصونا منهم .
اختار انت يا هانى و اختار الى يريح عقلك , لأنك مش حتختار الصح و الحقيقى و السليم , عارف ليه ؟
لان محدش حيعرف و لا حتتعرف الحقايق , و لا حد حيعرف الصح طول ما الأعلام بيعالج القضية بالطريقة دى . علشان كده بقولك اختار الى يريحك , لأنك مش حتعرف الصح علشان تختاره .
عارف ليه مش حتختار الصح
اقرأ روزا و الدستور و المصرى اليوم و البديل و الأخبار , يوم الأتنين و التلات , امبارح و أول امبارح , و قوللى بصراحة و جاوب على السؤال ده " هل فى رهبان أتخطفوا و أتعذبوا و الأمن رجعهم الدير ... ايوه و لا لأ ؟ "
عندك عشر أعداد لخمس جرايد من مختلف التوجهات , و لمدة يومين ورا بعض , و جاوب على السؤال الى فات .... لو لقيت جرنال بيؤكد كلام التانى , أو عدد لنفس الجرنال بيؤكد الكلام الى قاله العدد الى قبليه , ابقى تعالى قولى , انا بسحب الجرايد سكانر و حرفعها على المدونة , علشان الناس تشوف بعينيها .

عباس العبد said...

مين الى ضرب نار على الدير ؟
طبعاً , انت دلوقتى بتقول أنى مجنون , ده بوظ الحوادث خالص , و بتقولى فى سرك : امال مين يا فالح الى ضرب نار على الدير ؟
اقولك برضه
فى مجهول معلق على المنتدى و ترتيب تعليقه الخامس , بيوقل ببساطة على المسيحيين انهم خونة ولاد كلب و معندناش دم و بنشمت فى غيرنا و معندناش كرامة , لدرجة انه بيقول ربنا يستر علينا من الأقلية , و ان لو دخل الأمريكان مصر , المسيحيين حيفرحوا و لو فى ظابط فى الجيش مسيحى حيسيب سلاحه و اننا شمتانين فى الناس الى اتعذبوا فى ابو غريب فى العراق , يعنى من الأخر بيقول علينا " معر... " . طبعاً كنت ممكن اخش اقوله ان عمى مات فى حرب 73 و دى حقائق تاريخية , و أن الى شال أغلبية مصايب تعصب الجماعات الأسلامية هم المسيحيين من سرقة محلات و عمليات تكفير و دى حاجات حقيقة ممكن نختلف فى التفاصيل الجانبية لكن الخط العام معروف , و ان الى ماتوا فى حادثة القطر لما أتحرق مسلمين على مسيحيين و كلهم راحو فطيس , و ممكن أقوله ان فى مجلة أسمها " الوطن العربى " بتصدر من السعودية عملت تحليل من شهرين أن المصايب و القرف كله بتاع العراق الى شايله فوق دماغه كله هم " الكلدان المسيحيين " من صراعات ما بين الأمريكان و السنة و الشيعة و أعلى نسبة تهجير " مش هجرة " بتم فى صفوفهم حتى من قبل الأمريكان الى هم مسيحيين زيهم . ( انا لو غاوى تسخين كنت نشرت التقرير ده ساعة صدوره من شهرين وقت ما أتقتل المطران ) , أو ممكن أقوله كام واحد مسلم فرح لدخول الأمريكان العراق ( فى دولة مجاورة للعراق بكاملها فرحت لدخول الأمريكان – مش اقلية فى دولة ) لكن فكرت انا لو رديت عليه و على كلامه فى المنتدى , حبقى بهين عمى الى مات فى الحرب , لأنه لما يخش يقرا الرد عليه , اكيد حيشتم تانى , وانا معنديش أستعداد انى أهين عمى , علشان واحد زى ده , مفكرش فى عشر الكلام الى بيقوله .
عرفت مين الى ضرب نار على الدير ؟
المجهول الى علق ده بكل بساطة بيكرهنا , لدرجة أن أبسط الحقايق بينكرها و مش عايز يفكر فيها , لكن لأن كراهيته " للمسيحيين " دى ضد تعاليم دينه و ضد إيمانه و ضد أسلامه فميقدرش يخرج يقول انا بكره المسيحيين , فيحل المشكلة دى ازاى ؟ راح ملبس المسيحيين كل حاجة تبرر كراهيته دى ليهم . هو بيكرهنا و عايز سبب ميحرجوش قدام الناس , يبقى المسيحيين خونة و عملاء و شمتانين و كل شىء وسخ فيهم . هى دى المشكلة و هو ده الى ضرب نار بجد على الدير , مش البدو الى بيضربوا نار على أى حد يتعارضوا معاه .
البدو و هم بيهاجموا الرهبان , مكنوش بيحسبوها دينية , كان بيدوروا على مصلحتهم , لكن المجهول الى دخل شتم ده حسبها دينية تماماً لدرجة و بكل بساطة لو قريت تعليقه تانى مجبش سيرة ال3 قضايا الى بيتكلم عنهم المنتدى , مجبش سيرتهم لا بالحلو و لا بالوحش , حتى يخش يقول ان المسيحيين هم الغلطانين فى ال3 حوادث , ما ذكرهمش أصلاً , كأننا مبنتكلمش عليهم , لو طلعتلى كلمة واحدة عن الموضوع المفتوح فى المنتدى , موجود فى رده أبقى غلطان , الراجل دخل شتم و خرج و لا فكر لثانية أحنا بنتكلم فى أيه .
اذا كان البدو بيتحملو المسئولية الجنائية فى القضية زى اى قضية تانى ملهاش دعوة بالدين , فالمجهول ده هو الى بيتحمل مسئولية تحوليها لفتنة .
عرفت مين الى ضرب نار على الدير ؟
حقولك انا مين الى ضرب نار على الدير
فى واحد مسيحى كاتب فى رد على بوست معين مش عندى كاب التالى بالنص :
" أنا مسيحى و عايش بقاللى 32 سنه وسط المسلمين باكل و اشرب و احشش و اهلس مع اصحابى المسلمين و بابرطع على ارض مصر شمال و يمين لا حد عمره احتك بيا و لا حد بص لى بصه مش و لابد رغم الصليب اللى لابسه فى رقبتى و الصليب المدقوق على ايدى و الصليب المتعلق فى موبايلى
الصائغ اللى اتقتل فى الزيتون كان ابن حرام و مرابى و بيتاجر فى الاثار و سمعته زى خلقته
و الرهبان اللى اتخطفوا فى ملوى معروف عنهم اللبط و العوء من زمان و مش عايشين فى حالهم و المسلم اللى اتقتل هناك اكيد كان برضو لبط زيهم "
سمعت الحكمة , بيشرب و يهلس , هو ده معيار الوحدة الوطنية عنده , خد بالك " الرهبان بتوع ملوى معروف عنهم اللبط " , شفت الجمال , فى أنى دين سماوى و لا فى كتاب سماوى, بيقول ان الرهبان لبط ؟ حتى الراجل المزارع الغلبان الى مات فى الزيطة " مسلم " طلع لبط ...تفتكر البيه ده عمل أيه ؟ مضربش نار على الدير ؟ هو عايز يفهمنا ان الوحدة الوطنية متمش الا بين الحشاشين و الهلاسين , تفتكر هى دى الصورة الى المفروض تتنقل عن المسيحيين ؟ هو ده تحليل الأيمان المسيحى القويم للحادث ؟ .
تخيل انت بقى لما المجهول و الأخ اللبط ده , كل واحد فيهم يقرا تعليق التانى , لما واحد يكون معياره المسيحى هو التهليس و التحشيش , و التانى معياره الأسلامى التكفير و التخوين , يحصل أيه ؟ أقولك يحصل أيه ؟ مش سامعك ؟ اوعى تقولى صدام ؟ عرفت مين الى ضرب نار على الدير ؟؟

عباس العبد said...

تلخيص للمرة المليون
عارف أيه المشكلة ؟
حنعيدها للمرة المليون , المسلمين بكل بساطة مش عايزين يعترفوا أن فى بينهم متعصبين و بيكرهوا المسيحيين , زى ما المسيحيين بكل بساطة مش عايزين يعترفوا ان فى بينهم متعصبين و بيكرهوا المسلمين , علشان كده حيفضل كل جنب " مستغرب من التانى " , انا مش بهرج , كلمة مستغرب و متعجب دى حقيقية .
يخش واحد يقولك ازاى بتتكلم كده , دا كفاية زكريا بطرس الى عندكم و أقباط المهجر و الفيديوهات الى بتنادى بقتل المسلمين , زى ما يكون معندهمش هم كمان شيوخ بتهاجم المسيحية و فيديوهات بتنادى بقتل "المسيحيين "و كتب فى السبعينيات و الثمانينات و التسعينات خرجت بتكفر المسيحيين و بتتباع على الأرصفة , و كمان قنوات فضائية بتهاجم مباشرة المسيحيين .
واحد يقولك انا حجيبلك فيديو سمعته بودانى بيقولوا فيه انهم حيخلصوا على المسلمين فى المنطقة , حرد عليه أنا بكل بساطة و أقوله حجيبلك فيديو سمعته بودانى لشيخ مسلم عايش فى دولة مسيحية بتحميه من الحكومات العربية الى بتطالب برقبته و هو فى الجامع بيرفع السيف جوه الجامع و بينادى بقتل المسيحيين الكفار ( الفيديو ده اتنشر جزء منه فى فيلم " فتنة " ) .
فى ناس مش عايزه تعترف بكده من الجانبين , ثقافة الكراهية الهدم و النقض و النقد و الشتيمة سهلة جداً , حتجيبلى حاجة , حجيبلك حاجة , حتجيبلى حاجتين حاجيبلك تلاتة , حتشتم حضرب , حتمد أيدك حموتك , حتموتنى حولعها حرب , فى ناس عايزه كده , حتعملها أيه ؟
علشان كده " كل واحد حيفضل مستغرب و متعجب و كأنه - يا ولداه - فوجىء بأن الطرف التانى عنده متطرفين " ,
المسلمين و المسيحيين كل واحد فيهم بيقول للتانى : " ياى أنتم عندكم متطرفين و احنا لأ " ,
لا حول و لا قوة الا بالله , يعنى انت معندكش ؟ , احنا حنهرج و لا حنعمل مجانين و لا حنستهبل على بعض ؟ المسلمين فيهم متطرفين و المسيحيين فيهم متطرفين , و بلاش شغل جنان و حلبسة , ييجى هنا دور الناس الى بتقبل الأخر , فهمت حاجة ؟ .
يا اما خلاص محدش يهاجم التانى , المسلمين حلوين و المسيحيين حلوين , و كل واحد فيهم معندوش متطرفين و كلهم زى الفل و أحلى من السمن على العسل , و الى بيحصل ده نتيجة دخول لعب الأطفال الصينى مصر . ربنا يحمينا جميعاً .
حقولك حاجة اظرف , بدل ما تقعد تقرا الرغى ده كله , الرد بتاع " أشراقات " جاب من الأخر , اقراه و وفر على نفسك وجع الدماغ .

عباس العبد said...

تسنيم
ربنا يسمع من بقك
ربنا ينصر الحكومة على من يعاديها , يا قادر يا كريم
و بعدين مين قال فتنة ؟ انا مجبتش سيرة فتنة , و لا انتى تقصدى " فُتنة " , فُتنة دى حبيبتشى , من أيام الدامعة .
---
نسرين
الأمن يا نسرين
دى مش من امبارح و لا اول امبارح , دى بقالها خمس سنين فى محاضر بيحررها الرهبان و لا فى أى شىء , هى مش فتنة أكيد , بس فى حالة غريبة من وجع الدماغ , انا مش عارفها و مش فاهمها و محدش حيفهمها لأن محدش عارف الحقيقة و محدش حيقولها .
---
محمد الكومى
انا معترض على تبرير الحوادث لمد الطوارىء , لو تبرير لمد الطوارىء كانت الحوادث تحصل قبل ما يمدوا القانون , فيستغلوها و ياخدوا منها ذريعة لتمديده , مش بعدها , انا شايف ان فى حاجة فى قضية الامن الداخلى و تقدر تقول ده البطل الغائب فى البوست , انا مش بشكك فى الأمن لأن ضميرى و عقلى يرفض ده انى أشكك فى الأمن , لكن فى حاجة مش مظبوطة و انا مش عارفها , و معنديش تحليل ليها , علشان كده برضه و لنفس السبب مذكرتش الأمن فى البوست .

عباس العبد said...

البرىء
انا معاك ان عندنا هسس دينى و ممكن تقول كمان , أن الدين الى المفروض يكون وسيلة للرحمة و المحبة , جاب " تخلف عقلى " لناس كتير , بجد فى حاجة غلط , و محدش عارفها .
---
مارفل
دى مصيبة زى ما انت قلت , محدش حيسمعنا , حتحصل فتنة بجد , و محدش حيسئل فينا , محدش حيعبرنا , حتولع من الطرفين و حيزداد الاحتقان من الطرفين , و مش حنوصل لحل , و ساعتها لما تولع , لا فقه أسلامى و لا روحانيات مسيحية حتنفع حد , لأن محدش ساعتها حيسمع صوت الدين و لا حيسمع صوت العقل و لا حتى الضمير . ربنا يرحمنا جميعاً , يرحمنا كلنا مسلمين و مسيحيين و يحفظنا من الشر .
---
همس
مشكلة انك مش مصدقة انهم أفراد , المشكلة دى سببها الحكومة , محدش بقى يصدقها , ربنا يستر علينا .
---
محمد هنداوى
منور المدونة , و قريت البوست و ده رأيى و أكدت عليه فى التعليقات .

عباس العبد said...

محمود المصرى
أولاً :
المزارع الى مات , مات و هو شغال فى المزرعة ( المزارع مش من البدو - من منطقة عرب خالد و ليس من عرب قصر هور ) , لان لما البدو اقتحموا الدير و القلالى و المنطقة المجاورة و ضربوا نار على الكل و من ضمنها المنطقة الى فيها المزرعة , فجت رصاصات فى المزارع و مات و كان فى شهود الى هم العاملين معاه فى المزرعة , و هم الى قالوا كده و ده كلام اجمعت عليه الجرائد لحد دلوقتى ( ربنا يسهل و ميغيروش كلامهم , فى جريدة المفروض انها محترمة قالت تانى يوم ان فى جماعات جت من بره ضربوا نار و مشيوا تانى – على أساس انه فيلم كارتون , حاجة مسخرة الصراحة )
ثانياً :
اسمحلى حرد عليك بحدة جداً , لانى متضايق من تعليقك ده على البوست , انا مع اننا نوزن الامور بالعقل , و نفكر فيها , علشان نعرف نتخاطاها و نحلها , و هو ده الى انا عملته فى البوست , حاولت انى أحلل القضية بالراحة و بالعقل علشان نعرف حجمها الحقيقى ,,, لكن انا ضد تمييع و تسفيه القضايا .
حضرتك بتقول ان زى ما فى أنتهاك لحرمات الكنايس فى أنتهاك لحرمات المساجد , كأنك بتقول زى ما عندكم انتهاك احنا كمان عندنا أنتهاك , دى زى دى , دى قصاد دى و نبقى خالصين , لأ معلش انا برفض المنطق ده .
ازاى حضرتك كمسلم تطالبنى انا كمسيحى انى احترم دور العبادة الأسلامية , و أنت فى نفس الوقت بتطالبنى انى لا أحترم اماكنى المقدسة و دور عبادتى انا ؟ .
ايه المشكلة انى أبقى زعلان و غضبان و غيور على اماكن عبادتى ؟ ده حقى و أيمانى يجبرنى على كده و انا فخور بأيمانى و دى حاجة متزعلش حد .
أما لو حضرك شايف ان أنتهاك حرومات الكنايس و الجوامع ده شىء عادى , و المفروض ان المسيحيين ميزعلوش زى ما المسلمين مش زعلانين , فدى مشكلتك انت مش مشكلتى انا , انا مش شايف ان أنتهاك حرومات الجوامع و الكنايس او حتى المعابد اليهودية الى بيترفع فيها أسم ربنا حاجة عادية و المفروض يعنى نطنش و نصهين و نفوت , و نكبر دماغنا , لأ , انتهاك أى دور عبادة , سواء أسلامية او مسيحية أو حتى يهودية , حاجة مش عادية , حاجة مش عادية , حاجة مش عادية . دى مصيبة و مصيبة كبيرة .
مش معنى انى حللت الحادث من وجهة نظر جنائية بحتة ( لانه كده لحد دلوقتى ) يبقى مش فارق معايا أنتهاك الدير , لأ فارق معايا جداً و مضايق جداً و زعلان جداً , زى ما زعلت و أتضايقت من الموقف الى أنت قلته عن أنتهاك المسجد فى جامعة عين شمس ( أى حد لازم يتضايق ) بس انا مش بحلل المشكلة على المستوى القيمى و الدينى و الأخلاقى , انا بحللها جنائياً ( فتنة و لا لأ ؟ ) .
كلامك ده ميرضيش حد , لا مسلم و لا مسيحى .

أبوفارس said...

أعتقد الحلقه اﻷساسيه فى كثير من الظواهر اﻷجتماعيه "الطارئه" بما فيها "الفتنه الطائفيه"هى أختفاء الدوله كمفهوم وليس كتواجد..الدوله ف المجتمع المصرى مختلفه..من أيام الفرعون اﻵله واهب الحياه والفيضان..حتى عبد الناصر..مفهوم الدوله الرشيده -أو ممثلها-فى الضمير الجمعى المصرى هو العدل ولو من باب المساواه ف الظلم عدل..أنا بحكم السن أعرف هذا اﻷحساس ﻷنى عشت سنوات تحت حكم ناصر..من أول ما السادات قسم البلد..عثمان خد أسماعيليه ورشاد خد أسكندريه كما حكم المماليك..أختفت صوره الدوله الحاكمه وتحولت الى جماعات من المماليك المتنافسه..اﻷحتقان فى المجتمع سيعاود الظهور بمثل تلك الصور..مافيش دوله..الناس بتاخد حقها بدراعها..أو الكبير بيبلع الصغير..الصغير هنا ممكن تكون النساء اﻷقباط الطبقات اﻷفقر..القهر ضد الفقراء فى مصر يصل لحد الجريمه..سواء من التعامل اليومى من اﻷغنياء أو فى تعامل الفقراء مع الدوله ممثله فى جهازها اﻷمنى..الحل على المدى البعيد هو أعادة دور الدوله كمفهوم وليس فقط تواجد أمنى ف الشارع..خلق نظام حكم تحس الناس أنها تشارك فيه وليست مفعول به فقط..ويهتم بمصالحها وليس جهاز منفعه للكبار كما هو الحال اﻷن..اللف والدوران حول تلك المهمه اﻷساسيه هو تضيع للوقت وتصعيد لحدة التوترات ف المجتمع..تحياتى..خالد

محمود المصرى said...

بسم الله الرحمن الرحيم

بالنسبة للأنونيمس الاخير دا
ايوة البلد دى بلدى وبلد ابويا وابو ابويا لغاية الفين سنة لورا , اما موضوع محترم ومش محترم فدا انا مش منتظر شهادة من واحد جبان خايف يكشف عن شخصيته انى محترم او لا , وبعدين انا اكتب اللى انا عاوزه فى مدونتى هى كانت مدونة ابوك ؟

بلو ستون وعباس العبد
احب بس اوضح نقطة مهمة انا ماقلتش ماحدش يزعل لأنتهاك حرمة الكنائس , لكن قلت ببساطة ان تفسير كل انتهاك لكنيسة على انه حدث طائفى دا منطق مش مظبوط , لأن النظام بينتهك الكنائس والمساجد ايضا , يعنى النظام لا يتبع سياسة طائفية تجاه المسيحيين , النظام يتبع سياسة قمعية ضد المصريين كلهم , فهمت قصدى يا باشمهندس ؟ يعنى انا ببساطة بقول نفس الكلام اللى انت بتقوله , مش كل حاجة نفسرها انها حادثة طائفية .
بالنسبة للسيطرة على الاعلام اللى تكلمت عنها الاستاذة بلو ستون , انا لم ادعى ان الاعلام مسيطر عليه من قبل المسيحيين , لكن واحدة اعلامية زى حضرتك لما تكلمتى عن الموضوع كان بصياغة تحمل هذا البعد الطائفى , وبعدين الاعلام نفسه مش مبرأ من الخطأ يعنى , ولا هو نزيه حتى فى اكثر الديمقراطيات اطلاقا للحريات , وبعدين انا لم اتكلم عن الخطاب الاعلامى لكن تكلمت عن الخطاب المسيحى فى المجمل .
اما موضوع لهجة اقباط المهجر فأحيل حضرتك لهذه الروباط وحضرتك شوفى تتبنى بعد طائفى ولا لا؟ ام ان هذه الروابط كلها من فئة الواحد فى المية ؟
http://www.copts.com/arabic/index.php?option=com_content&task=view&id=2638&Itemid=1
http://www.free-christian-voice.net/
http://www.freecopts.net/arabic/arabic/content/view/3667/1/

بالنسبة للمسلم القتيل جريدة المصرى اليوم قالت نقلا عن شهود عيان ان الرصاص كان من الدير مش من العرب
http://www.almasry-alyoum.com/article2.aspx?ArticleID=107872
بالنسبة لموضوع العيل اللى بيعيط , انا ضربت مثل والمثل لا يؤخذ على لفظه لكن على معناه , يعنى مش بقول ان المسيحيين عيال لكن دا تشبيه تصويرى حضرتك درسناه كلنا فى سنة اولى سنوى فى البلاغة واكيد حضرتك ككاتبة عارفة انه من اساليب البيان .

bluestone said...

محمود:
هرد عليك ولو اني شاكة اساسا في جدوى الرد لاني قلت لك انت بتنطلق من مبدأ المعسكرين يبقى مش هنتفق
انا معسكري فيه محمد ومصطفى وشريف وعلي وفاطمة ومايكل وهاني إلخ

ثانيا:
ياريت نخلي النقاش في حتة واحدة عشان انا دوخت !!
يعني خلينا على المنتدى
او عندي في المدونة
او عند عباس العبد

وان كنت افضل المنتدى عشان يبقى مفتوح للجميع ومفيش رقابة على التعليقات ومابنقاش في بيت حد

انت قلت اني لما اتكلمت عن الموضوع اتكلمت عنه ب(صياغة تحمل البعد الطائفي)
ياريت ياشيخ وحياة الغاليين عليك تقوللي فين الصياغة ذات البعدا لطائفي دي عشان انا مش واخدة بالي منها

رابعا:
انا قلت الاعلام مبرأ ولا منيل
الاعلام سبب البلاوي اصلا
التغطية الاعلامية الغبية هي السبب في الحوار المتوتر اللي احنا فيه ده
انت مسلم بتقول مش طائفي
وانا مسيحية وبقول مش طائفي
يبقى الازمة فين ؟؟؟؟؟

الازمة في الفكر
سواء الحادث كان طائفي ولا لأ
فيه ناس فكرها طائفي بحت ..
انا قلت لك يا محمود قبل كده في اكتر من مكان انا بكره لعبة عندنا وعندكوا دي
واحنا وانتوا وبتاعتي ولا بتاعتك

وانا في خامسة ابتدائي كنت مش بحب العبها ومازلت

مشكلتك الحقيقية قلتهالك قبل كده انت بتحكم قبل ما تقرا

الخطاب الاعلامي حاجة
والخطاب المسيحي حاجة
والخطاب المسيحي الرسمي حاجة
والخطاب الاعلامي المسيحي حاجة تانية

تعالى اشرحلك شوية المصطلحات دي عشان اللبس بمناسبة اللينكات الحلوة دي

الخطاب الاعلامي :
يضم الاعلام الرسمي والاعلام المستقل والحزبي

الخطاب المسيحي :
الخطاب المستقل لا يتبع سوى اصحابه وارائهم فردية
يعني ما اكتبه على مدونتي في بعض القضايا ذات البعد الديني احيانا خطاب مسيحي مستقل
ما يقوله المسيحيون في الشوارع والكنائس والمكاتب هي ارائهم الشخصية ولا تعبر غير عن فكرهم الفردي

الخطاب الاعلامي المسيحي :
ما يكتبه اي جماعة او صحيفة او مؤسسة او منظمة او اي حاجة خطاب مسيحي مستقل لا يحمل سوى أراء اصحابه

الخطاب المسيحي الرسمي:
هو الخطاب الصادر عن الكنيسة والذي يعبر عن رأي المؤسسة الدينية الرسمية والذي بالضرورة قد لا يعني رأي عموم المسيحيين

خامسا :
ممكن تكون دي معلومة جديدة شوية عليك
اقباط المهجر ليسوا هم فقط منظمة اقباط الولايات المتحدة ولا كندا ولا المنظمات النشطة سياسيا
في ملايين الاقباط في المهجر مايعرفوش اصلا ايه هي المنظمة دي ولا سمعوا عنها قبل كده

خامسا:
بالنسبة لجريدة المخبر اليوم
قصدي المصري اليوم
ده تاني كلام تقوله يا محمود
الجريدة غيرت رأيها مرتين قبل كده
هنثق في كلامها ازاااااااااي؟؟؟؟

حتى المقالة دي مش منطقية بالمرة ومش مترابطة صحفيا على الاطلاق

وياريت ترجع لردي على المنتدى لاني شرحت فيه نظرية كنت بتناقش فيها مع صاحب المدونة ازاي الرهبان لو كانوا متحصنيين داخل الدير ومعاهم سلاح مفيش ولا واحد من البدو اصيب برصاصة حتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رغم ان فيه عدد من الرهبان اصيب برصاص ده غير اللي التلاتة اللي اتخطفوا واتعذبوا

سادسا:
التشبيه التصويري حضرتك كمان غير مقبول
لان العيل في التشبيه التصويري شخص غير كامل الاهلية ولا يؤخذ عليه
فبتطبيق التشبيه حضرتك اللي انا درسته في تانية اعدادي
الاقباط بحسب كلامك مش عيال لكن مثل الاطفال لا يؤخذ على كلامهم او حججهم

محمود المصرى said...

بسم الله الرحمن الرحيم

بالنسبة للمجهول اللى بيعلق فى نص جميل اوى ياريت تفتكره بيقولك ايه ( من ثمارهم تعرفونهم ) وثمارك اللفظية والكلامية موضحة لحقيقتك بجلاء , مش محتاج اعلق ولا ارد عليك .


بلو ستون
انا افضل نكمل هنا لأن المنتدى عندى فيه مشكلة مابيظهرش فيه الردود حتى ردى اللى بعته مكتوب عليه لم يتم التحقق , وبعدين عباس العبد راجل جدع ومحايد ولا من دينا ولا من دينكم ( الجملة الاخيرة دى هزار مش طائفية ولا حاجة وكمان اول مرة سمعتها كانت من المدير السابق بتاعى فى الشغل اللى هو مسيحى اورثوذكسى ) ولو المنتدى اتصلح عندى لا مشكلة لدى فى نقل الحوار له .
بالنسبة لما قصدته بخصوص الخطاب المسيحى فأنا اقصد الخطاب الاعلامى المسيحى الذى تمثله منابر اعلامية مستقلة زى منظمات اقباط المهجر اللى حطيت روابطهم , بالاضافة الى شخصيات داخل المؤسسة الكنسية اياض تنحو نفس النحو , وان كنت اعرف جيدا انها لا تمثل الخطاب الرسمى للكنيسة , الانبا بيشوى قال قبل كده ان لا احد يتكلم بأسم الكنيسة الا البابا , لكن لا يمكن ان ننكر ان هذا الخطاب يجد صدى لدى قطاع كبير من الاقباط المسيحيين والا كان اندثر من زمن , عموما مش هانختلف , بما اننا متفقين على ان تصوير كل حدث على انه عمل طائفى دا خطأ وكمان متفقين على ادانه كل فعل يضر بأى انسان مسلم كان او مسيحى وادانه انتهاك حرمات دور العبادة اسلامية كانت او مسيحية وايا كان مصدرها , فلا خلاف .
بالنسبة للتشبيه التصويرى حسبما اعلم يكون هناك مشبه ومشبه به ووجه شبه , ولا يكون هناك تطابق فى كل الاوجه بين المشبه والمشبه به , بل فى وجه واحد وهو المقصود بالتشبيه , واعتقد ان دا واضح ومعلوم عند حضرتك , فلا يمكن ان يحمل كلامى انى بقول ان المسيحيين عيال وقصر ومخهم صغير , زى بالظبط المثل بتاع الباشمهندس اللى هو بتاع الواد اللى كان بيعوم وكل شوية يكدب ويقول الحقونى , هل نفهم من المثل دا ان المسيحيين كدابين وانهم عيال وانهم كمان بيعوموا ؟ اكيد لا وكذلك لا يفهم من مثلى الا ما يفهم من مثل الباشمهندس .
تحياتى للجميع

karakib said...

اولا مينفعش ابدا تمحو الخلفية التاريخية .. خاصة اذا كانت قريبة من اعتداء الارهاب المسلح علي محلات الصياغ المسيحيين
بلاش لفظ اقباط لو سمحت علشان اقباط يعني مصريين خلينا واضحين في لغتنا ) و كان لتمويل عملياتهم الارهابيه
--------
----------------
مخزون الذاكرة الانفعالية بيقول انه اعتداء ورا التاني علي صياغ مسيحيين بيفكرنا باللي كان بيحصل من زمن مش بعيد
من وعي التاريخ في صدره اضاف اعمارا الي عمره
تاريخ مصر الحديث يبدأ منذ عهد محمد علي باشا
يعني من عشرين سنة ما يعتبرش تاريخ حديث ده يعتبر اول امبارح
كانت بعض التيارات المتطرفة بتسطوا علي محلات الصياغ المسيحيين علشان تمول عملياتها الارهابيه ... و طبعا زي ما سيادتك عارف في عائلات عايشة وسطنا حتي الأن و الصايغ غالبا عائلته كلها صياغ العائلات دي اتقتل منها ناس في الاحداث دي
يعني لديهم مبرر قوي للخوف
------------------
------------

اما عن اطلاق نار علي الدير فدي مصيبة تانيه لأنها مش اول و لا تاني مرة ... يعني في حالة تراخي فعلا زي ما بتقول
اظن انه من غير المقبول بأي شكل من الاشكال الاعتداء علي بيوت العبادة ايا كان السبب .. حتة ارض .. حتة بسبوسه ... حتة اي حاجة
و من قال لك انه الدير لا يملك عقود مسجلة للارض !؟ و نزاع قضائي علي ايه !؟ مفيش نزاع ده حق واضح
ده اعتداء علي حقوق و دول مش فلاحين دول بدو و البدو ما بيزرعوش ارض زي ما كل الناس عارفه
----------


لا البدوي بيزرع و لا بيمتلك ارض ده بيقول انها ملكه بوضع اليد .. الارض ارض الحكومة و البدو بعد ما الناس بتشتري من الحكومة الارض يرجعوا يقولوا لأ دي بتاعتنا مش بتاعة الحكومة يعني عايزين تمنها ... يعني اللي بيشتري .. بيشتري مرتين
و مش اول مرة يضربوا نار علي الدير ده

-----------
--------

مش عادي انه يبقي في واحد بيصلي جوا كنيسة و يلاقي بينضرب نار علي الكنيسة من برا و يقولوا له لأ ده نزاع علي حتة ارض ... كمل صلاة كمل ده رصاص و ضرب نار ... عادي خالص ... كمل صلاة انت بس
و برضه اللي مش عادي انه يبقي بيصلي في كنيسة و يلاقي واحد داخل بسكينة يضرب في اللي جوا الكنيسة (زي ما حصل في اسكندرية) و يقولوا له لأ عادي انت بس كمل صلاة ده مختل عقليا مفيش حاجه

-------------
--------

karakib said...

يا رامز

بالنسبة للجرايد و الاخبار الصح و الغلط .. فطول عمرها الجرايد كدابه و الصحفيين 90 فالميه منهم افاقين و منافقين و مطبلاتيه و بيقولوا اي كلام علشان يملوا الورق
بس الواحد يقدر يحلل و يفسر حادث ورا التاني في محلات صياغ يبقي الموضوع جنائي ... انما بقي تقول لي تبقي ظاهرة و تستمر و كل يوم نسمع عن صايغ اتقتل و اتسرق ... تبقي فيها حاجة مش مظبوطة و بتفكرنا باحداث مش قديمة اوي ... مش لازم اعرف ده من جرنال

--------------
سؤالي فين الامن و فين الحكومة سؤال جد الجد
هو لما يضربوا نار علي نفس المكان تلات مرات ... و الامن ما يتحركش
المفروض اني اقول عادي
مش مشكلة ... اصلهم مشغولين بمعرفش ايه
هو ده مش شغلهم اساسا يحموا الناس من الاعتداءات و لا انا جاي من كوكب تاني و لا شغلهم اتغير و لا ايه ؟؟
----------------

عباس العبد said...

أبو فارس
الكبير كبير
مفيش دولة بالمفهوم الى انت ذكرته و مفيش مشروع وطنى
انا للأسف معرفش ما هو المشروع الوطنى بحكم انى جيل مولود بعد ما خلصوا كل المشاريع الوطنية , لكن هم بيقولوا كده
ما تكتب يا أستاذنا عن قيام و أنهيار المشاريع الوطنية الكبرى فى مصر زى ما كتبت عن أحداث يناير 77
توثيق لينا
---
المجهول
انا مختلف مع محمود و انت كمان مختلف عبر عن كده بس اكيد مش بالطريقة دى
معذرة يعنى
---
محمود المصرى
يعنى نقول تور يقولوا أحلبوه
يعنى ان مصمم تجيب لينكات و وصلات و مقتنع انها تعبر عن الفكر المسيحى الأصيل
انا ماعرفش أقول زى بلو بحكم انى مش أعلامى
لكن ببساطة
أعرف اجيب لينكات بتسخن المسلمين ضد المسيحيين
و أذا كنت انت مقتنع بأن اللينكات دى هى المسيحيية
انا حقتنع أن فيلم " فتنة " بيعبر عن الأسلام الحقيقى
ده كلامى و قلته رداً على هانى و بعيده تانى
" يخش واحد يقولك ازاى بتتكلم كده , دا كفاية زكريا بطرس الى عندكم و أقباط المهجر و الفيديوهات الى بتنادى بقتل المسلمين , زى ما يكون معندهمش هم كمان شيوخ بتهاجم المسيحية و فيديوهات بتنادى بقتل "المسيحيين "و كتب فى السبعينيات و الثمانينات و التسعينات خرجت بتكفر المسيحيين و بتتباع على الأرصفة , و كمان قنوات فضائية بتهاجم مباشرة المسيحيين .
واحد يقولك انا حجيبلك فيديو سمعته بودانى بيقولوا فيه انهم حيخلصوا على المسلمين فى المنطقة , حرد عليه أنا بكل بساطة و أقوله حجيبلك فيديو سمعته بودانى لشيخ مسلم عايش فى دولة مسيحية بتحميه من الحكومات العربية الى بتطالب برقبته و هو فى الجامع بيرفع السيف جوه الجامع و بينادى بقتل المسيحيين الكفار ( الفيديو ده اتنشر جزء منه فى فيلم " فتنة " ) .
فى ناس مش عايزه تعترف بكده من الجانبين , ثقافة الكراهية الهدم و النقض و النقد و الشتيمة سهلة جداً , حتجيبلى حاجة , حجيبلك حاجة , حتجيبلى حاجتين حاجيبلك تلاتة , حتشتم حضرب , حتمد أيدك حموتك , حتموتنى حولعها حرب , فى ناس عايزه كده , حتعملها أيه ؟
علشان كده " كل واحد حيفضل مستغرب و متعجب و كأنه - يا ولداه - فوجىء بأن الطرف التانى عنده متطرفين " ,
المسلمين و المسيحيين كل واحد فيهم بيقول للتانى : " ياى أنتم عندكم متطرفين و احنا لأ " ,
لا حول و لا قوة الا بالله , يعنى انت معندكش ؟ , احنا حنهرج و لا حنعمل مجانين و لا حنستهبل على بعض ؟ المسلمين فيهم متطرفين و المسيحيين فيهم متطرفين , و بلاش شغل جنان و حلبسة , ييجى هنا دور الناس الى بتقبل الأخر , فهمت حاجة ؟ .
يا اما خلاص محدش يهاجم التانى , المسلمين حلوين و المسيحيين حلوين , و كل واحد فيهم معندوش متطرفين و كلهم زى الفل و أحلى من السمن على العسل , و الى بيحصل ده نتيجة دخول لعب الأطفال الصينى مصر . ربنا يحمينا جميعاً .
"
بس مش حقول أكتر من كده
انت عارف ان دى أول مرة اشوف اللينكات دى
---
هانى
انا مش عارف أنت بترد على و لا بتشاركنى الرأى و لا كلامك ده موجه لحد غيرى
فمش حعرف أرد عليك

مَلَكة said...

الله يكرمك ياشيخ
مرتين
مرة عشان انت بني ادم بتفهم في وسط ناس كتير فقدوا القدرة على الفهم بسبب إن مبقاش فيه حاجة مؤكدة دلوقتي
ومرة عشان تحليلك للمواقف بطريقة منطقية و ضحكتني جدا في نفس الوقت :)

وربنا يخلي لنا قانون الطواريء اللي خلى الحكومة تعمل كلمة مسلم ومسيحي بفونت 48 وبولد كمان بعد التمديد بتاعه سنتين!

^ H@fSS@^ said...

تصدق ،انا فرحانة فيك!!!؟؟
لاني جيت علقت و بعدين قلت لا بلاش تعليقي يعمل مصيبة و يخش كلشنكان و يقولي اصلك و ماصلكيش و ابصر مش عارف ايه و الاقي نفسي دخلت في حوار صراعي مع بعض الاصوات التي تدعي التوسط و هما قمة التطرف و ضيق الافق
و حقلك ان الغلطة غلطتك انك مقطعتش عرق و سيحت دمه من الاول و كسرت رجلين المتنطعين و المرتزقة من مدعي التفكير و التحليل الجبار
و الحب في عدم الاعتراف باي غلطة كانت
لاننا ببساطة ملائكة اما انت فلا
شفت انا جبتهالك ازاي؟؟
قلتلك اللي بيدور في الصدور من غير ما تموتلي ديك او ندبح حاجة
اللهم ارواح بعضنا تكفيرا و اتهاما


فخمتوا خبيبي؟؟
ولا نجول تاني؟؟
و انا معنديش مانع تزعل مني
ما هو اصل لازم حد حيزعل مني و حد حينبسط مني
بس اني اراضي جميع الاطراف مينفعش
و لعلمك زعلك مني غالي و عزيز
بجد
ها يا قداستك؟
مش ليا حق افرح فيك؟؟

بنت القمر said...

:)))
كل علامات الذهول في العالم لا تكفي
!!!

.:.-=- ELGaZaLy-=-.:. said...

السلام عليكم ورحمة الله وبركاته

ازيك يا رامز يارب تكون بخير...

بص انا متابع بصمت من اول البوست يمكن كنت صابر شوية علشان اعلق لانى مكنتش مركز...اسمحلى اعلق... تعليق طويل حبتين يعنى سيبنى افصص البوست من وجة وارد علية ..

--------------------------------
1-ن لأجل النحس بتاع العيال الحرامية دول أنهم فى مصر , يطلعلك مسيحيين ابو لمس يقولك لأ , احنا منموتش مقتولين و لا حد يسرقنا . جم يسرقوا لبسوا فتنة طائفية , معلش يا ولاد تتعوض فى السرقة الجاية . " دا انتم حيطلع ميتين أبوكم اونطة --- ههههههه "
------------------------------
بص يا رامز البوست جميل يعنى بيعرض وجة نظر متعقلة بحق ...وطبعا اهل مكة ادرى بشعابها...

-------------------------------
, ما هو مش كل مصيبة ضحيتها مسيحى , تبقى أضطهاد . لأن لو فضلنا على كده ,يوم ما تحصل فتنة بجد , محدش حيسئل فينا و محدش حيعبرنا و محدش حيبصلها على انها فتنة و محدش حيصدقنا و محدش حيحترمنا و حتتعامل زى أى حاجة تانية -----------------------------
انت كدة جبت مربط الفرس يا رامز ببسطة بقى موضوع ممل ومكرر لو ولد مسلم عاكس بنت مسيحية مش بعيد يبقى من نسل اسامة بن لادن وعايز البنت تسلم ...لو جوز عيال لا عارفين حاجة لا فى الاسلام ولا فى المسيحية قلبو الديانة هوبا اقفش امسك المسلمين بيقتلونا تخيل انى قابلت مصرى فى فرنسا كان متاكد ان فى بنات بيتم اغتصابهم لانهم مسيحيات وبيكلمنى على اساس ان دة واقع وانى انا الى مش عارف حاجة عن مصر ...ياعم تحيا مصر بقى اى جوز عيال هايضبرو بعض فى الشارع الاعلام هايخليها فتنة طائفية ...طيب اية الحل بقى..؟؟ اننا نفصل دى منطقة المسيحيين ودى المسلمين ..الاعلام بجد زبالة

----------------------------------
خدوهم على قد عقلهم " , " دى فتنة يابابا " , " خلاص متزعلش يا كوكو " , " ياختشى قطة حنعملك الى أنتى عايزاه " , " ياختشى بطة متعيطيش بقى " .
--------------------------------
دة الى بيحصل ببساطة شدشدة من الشعب عموما او من الحكومة ونجحو ان يخلوها طائفتين اقباط عاديين واقباط ابو لمس
يبقى بحجة ابو لمس نمد قانون الطوارئ علشان نحميهم ..ومفيش مانع نقبض عليهم بعد كدة بحجة نفس القانون..
--------------------------------
بقى كدابين لو قلنا مفيش متطرفين مسيحيين , و نبقى كدابين لو قلنا مفيش متطرفين مسلمين . و أكيد فى مسيحيين بيكرهوا مسلمين , و مسلمين بيكرهوا مسيحيين . ( طبعاً حيخش واحد يفتى و يقولك أكيد أن عدد المسيحيين الّى بيكرهوا المسلمين أكتر , كأنه ماشى بمقياس للكراهية و اول ما يعدى جنب جامع يدى شرطتين حُمر , و لما يعدى جنب كنيسة يدى 7 شُرط حُمر و يصفّر كمان - ناقصاهم أصله )

--------------------------
بص يا رامز...فى مسلمين مش بيطيقو ياكلو فى طبق واحد مع مسيحين واعرف واحد صاحبى لما بيسلم على واحد مسيحى يبقى كانة اتنقع فى برميل جاز...وفى مسحيين مش بيطيقو الهو الى بيتنفسوة المسلمين ...بالحجة الغبية الغلط ..ان دى بلدهم وعمر ابن العاص الوحش هو الى خدها ولو مشينا بالمنظور بتاعهم دة يبقى لا مؤاخذة نعبد احمس ورع احسن لان الفراعنة اول ناس عبدو فى الارض دى..واليهود بقى يبقو اولى بصفتهم دين سماوى ...مش كدة برضة!!
دول كلهم تديهم مصاصة واقعد جمب الحيطة يا بابا سواء من الجنب دة او من دة
-------------------------

بص بقى ...انا من مصر الجديدة الزيتون جمبنا...الشارع الى فية محل الجواهرجى دة يا رامز مش ممكن باى طريقة من الطرق تخرج منة من كتر الزحمة الى فيه يا افندم
وبعدين لو جمعات اسلامية..فسابو الدهب لية عفة مثلا...لو جمعات كان المحل اتقشط ...نسائهم واموالهم حلال يا افندم...وبعدين فى كذا محل فى الشارع دة اشمعنى دة بلاش..
فى فى طومان باى ان كنت تعرف كنيسة السيدة العذراء..وجمبها مستشفى العذراء...قدامها يعنى والمكان هناك يعنى تقريبا طوال النهار واليل مليان زوار ..مكانو نفذو الموضوع بشكل ابشع حبتينى وخصوصا ان ناس بالتدريب دة مش ناقصها تحديد الاهداف مثلا
حادث الاسكندرية عادى يعنى ..

بالنسبة بقى للبدو عارف وادى النطرون يا رامز اية رايك يا افندم ان الفيلم الى حصل مع قريبك حصل مع واحد اعرفة ...ولولا المضووع خلص ودى كانو عادى هايقتلوة هو وعيلتة واى حد
والناس دى مش بيهمها تماما عالم ضايعة يعنى ...وعادى الى حصل هايتكرر ولو حتى الجيش نزل مش بيخلصو تقريبا...
وحلها الامن يتدخل ..فقعدة عرب زى ما انت اقترحت

بجد يا رامز عجبنى اوى البوست وحياديتك فى طرحة

بالنسبة للتعليقات اذا سمحتلى يا رامز

...فالكثير من بينها الثمين

عجبنى اوى تليق بنت القمر وموقف المنفى ...وتساؤل احمد ثروت

بنت القمر الامن ميقدرش يم الاسلحة من تجار اسلحة الى هما البدو ..
ولا اى حد يقدر لان الناس دى ليهم قانون خاص وملهمش اى اعتراف بالامن ...وغالبا بيبقى فى مصالح مشتركة بينهم وبين الامن
ليا عودة اذا سمحت لمناقشة بعض التعليقات..

ربنا لا تؤاخذنا بما فعل السفهاء منا

ابو احمد said...

بص ياعزيزي يارامز
انا كنت كتبت المدونه دى من شهور ولانك مزورتنيش خالص قلت بعد اذنك يعتى انا عملت منها نسخه فيها رأيي فى هذا الموضوع
دخلت النهارده على مدونه مابدا لعمروكانت تتحدث عن الاحتقان الطائفى كتبت هذا التعليق
كل التعليقات والمدونه نفسها لم تتطرق الى اسباب او السبب الرئيسى لهذا الاحتقان الطائفى. قبل ان اتطرق الى السبب من وجهه نظرى لى سؤال لماذا لم يكن هناك احتقان طائفى اثناء الاعداد لحرب اكتوبر واثناء المعركه؟ فى فتره ابعد شويه اثناء ثوره19 فى فتره اقرب منها فى56 اواثناء فتره الاحلام الكبرى اواخر الخمسينات واوائل الستينات من القرن الماضى؟انا رأيي ان المجتمعات الفتيه التى لها اجنده او خطط مستقبليه وفيها القانون فوق الاشخاص بل هو فوق السلطه نفسها هى مجتمعات لا يمكن ان ينشأ فيها احتقان طائفى فكل المواطنين تتمسك بانتمائها الوطنى الذى يسبق اى انتماءات اخرى. القانون فيها له السياده الكبري يطبق على الجميع بصرف النظر عن الانتماءات الاخرى فكونى كواطن مصرى يعطينى القانون نفس الحقوق ويلزمنى بنفس الواجبات مهما كان دينى او جنسي او لونى.فى حاله ضعف المجتمع كما هو الحادث عندنا القانون يأخذ اجازه اجباريه الاستبداد هو عدم احترام للقانون السلطه المنوط بها تنفيذ القانون هى اول من يخترقه القانون يطبق حسب الانتماء الطبقى او العرقي هنا يبدأ الشعور بالنتماء الوطنى يتراجع الدوله التى لاتوفر الحاجات الاساسيه لمواطنيها العمل والمسكن والحمايه الوله التى تحكمها سلطه مستبده لا تحترم القانون بل القوانين فيها تفصل حسب المزاج وتخترق ايضا حسب المزاج يفقد فيها القانون احترامه بل يفقد دوره كعامل اساسى لاستقرار وتقدم المجتمعمن هنا يتراجع الانتماء الوطنى ويتقدم الانتماءات الاخرى انتماء دينى انتماء للبلطجه انتماء عرقي تتقدم هذه الانتماءات تمهيدا لانفجار المجتمع كما حدث فى يوجوسلافيا ودول الاتاد السوفييتى السابق نلاحظ بالمقارنه ثبات الهند والصين برغم تعدد الاعراق والديانات ارجو الانتباه من كل المثقفين الى ان المجتمع يتآكل واليمقراطيه التى اول شئ فيها سياده القانون هى الحل
وحين قرأت التعليقات الاخرى كتبت هذا التعليق
الاخ او الابن صاحب المدونه حين كتبت تعليقى لم اكن قرات التعليقات الاخرى للاسف انت بتضيع وقتك فى النقاش مع اشخاص مش بتتناقش ده حوار طرشان آسف على التعبير لكن لم اجد اى تعبير آخر هذا مثل للاحتقان ولعدم الانتماء لتراب هذا الوطن نحن مصريون قبل ان نكون مسيحون اومسلمون اوحتى يهود نحن مصريون اولا نعيش معا ومعا نبنى هذا الوطن او ندمره اسرائيل حين ضربتنا طائراتها لم تفرق بين مسيحى ومسلم الانجليز حينما احتلونا احتلوا مصر واذلوا ونهبوا مصر بمسلميها ومسيحييهاانا تعبت من الكتابه شكرا
ارجو المعذره يارامز
لاقحام هذه المدونه عندك
تحياتى

^ H@fSS@^ said...

تخيل يا رامز
ان الناس جبانة و متحبش تقول رايها بصراحة!!؟؟
معلش
هو الظاهر مينفعش غير اسلوب بنات ثانوي

امتى قنبلتك الجديدة؟؟

Unknown said...

: عزيزى الحاج رامز

بعد فترة غياب عن مدونتك الحبيبة أعود للتعليق..رغم انى عارف انكم كنتم مستريحين منى..بس ياللا كفاية عليكم راحة:((
.
.
.
عاجبنى قوى عقلانيتك فى البوست ده يارامز و أقول لك الحق انى ماكنتش متوقع منك هذه النبرة الهادئة والمتعمقة فى تحليل هذا الموضوع بالذات ربما لحساسيته الدينية ولتعاقب الأحداث بشكل سريع ومتتالى

والصراحة ان أكتر نقط لفتت انتباهى كانت كالتالى :

أولا : التتابع الغريب للأحداث وترتيبها على نحو يوحى بوجود تدبير أو مخطط خارجى

ثانيا : ظهور لغة القوة والعنف المفرط فى الأحداث بشكل غير معتاد

ثالثا: جميع هذه الأحداث جاءت بعد يومين بالظبط من تمديد قانون الطوارىء..فهل هى صدفة أن يحدث بعد كل تمديد للطوارىء ما يجعل الصحف الرسمية تخرج بالمقالات الموجهة نحو أن لولا قانون الطوارىء ماكنا سنستطيع السيطرة بحسم و سرعة على مثل هذه الأحداث؟

رابعا : تأييدا لكلامك عن أبو لمس...وبدون حساسيات...هل ترى أن موقف الكنيسة فى التعامل مع الأحداث طبيعيا؟ ولو كان كذلك فهل الأزهر مقصر فى عدم السير على نفس الأسلوب؟


تحياتى

Shimaa Gamal said...

This is the best I read since the start of this series of unfortunate events. I have to admit that I got to the point where I lost my faith in this country. I am a bit romantic maybe, but I still believe in Egypt and the Egyptians. What you wrote made my day.

Thank you

LAMIA MAHMOUD said...

اول مرة اقرا حاجة بتناقش الحوار بموضوعية تامة
المشكلة ان فكرة مسيحي ومسلم دي مكانتش موجودة في مصر لحد قريب جدا لدرجة اني وانا صغيرة اصلا مكنتش اعرف الفرق اية .. المشكلة هنا انك مبقتش عارف مين بيقول اية ومين ليه مصلحة ان ده يحصل وليه الدنيا ماشية كده اصلا
فين فكرة الحوار وتقبل الطرف الاخر؟
عجبني تعليق بنت القمر لاني قبل ما اقراه كنت بفكر في حاجة شبيهة بكده من ناحية تاجر الزيتون
اكيد في حاجة مش معروفة وغالبا ملهاش علاقة بكونه مسيحي او مسلم او حتى علماني ليها علاقة بكون نفسه

رشا عبد الرازق said...

أول مره أعلق عندك يا رامز
واسمحلي مش هعلق بالمعنى المفهوم لاني بقالي بالضبط ساعه الا ربع بقرأ البوست بتعليقاته لما جالي صداع في عيني رغم استمتاعي الشديد
بس بشكل مبدئي .... انت انسان متحضر جدا في نقاشاتك وفكرك فعلا عالي ....وأغلب التعليقات كانت على نفس المستوى
ايه ؟ شكرا ؟ عارفه اني منورتش المحكمه بس ده حاليا اللي أقدر عليه الساعه 3 صباحا وفيه ميتنج الساعه 9 صباحا
تحياتي لك
ولنا لقاء في بوست ما :)

حـنــّا السكران said...

لا داعي للإستغراب ..و لا داعي أيضا أن نظل نختبئ خلف أصبعنا الصغير دائما ..
لو أن مسلماً قتل مسلما أو مسيحيا قتل مسيحياً سيمرّ الأمر مرور الكرام كأيّ قتل يوميّ اّخر ..لكن لو واحد مسيحي وواحد مسلم كان بيسكروا مع بعض وواحد منهم ضرب التاني بزجاجة الويسكي في لحظة تجلّ و قتله بالغلط ..سيكون هناك حكاية و رواية ..السبب بسيط ..نحن يرتاح ضميرنا أكثر عندما نعزو الأمر إلى الطائفية .. نحن هيك يا أخي ..
ـ أثق أن كل الأخوة الذين علّقوا هنا لا يريدون و لا يحبون أن يبدو الأمر بهذا الشكل المزعج ..لكن هناك في المجتمع من يريد بالفعل أن يجعل الأمر أكثر إزعاجاً لأنه مؤمن بذلك و ليس من باب التسلية ..و قد عوّدتنا الحروب الطائفية القديمة منها و الحديثة جدا أنه وقت الحزّة و اللّزة ..الجميع يعود إلى قواعده الطائفية و يتمترس و سيحلو له أن يعزو انحباس المطر مثلاً إلى وجود الطائفة الأخرى اللعينة على نفس الأرض ..الإعلام لا يعزف على وتر غير مضمون النتائج ..الإعلام دائما يعزف على لحن سترقص عليه الأغلبية بنشوة كبيرة ..كذلك الأنظمة السياسية العربية ..دائما لديها شمّاعة تـُعلّق عليها أقذر ثيابها ..و تستخدمها متى شاءت لنشر قذارتها ..لماذا ؟؟ لأنها تعرفنا جيداً ..تعرف أن النتيجة مضمونة ..

حـنــّا السكران said...

عذراً ..اسمح لي أن أعقـّب على كلام الأخت الكريمة لميا محمود :

فكرة مسلم و مسيحي كانت موجودة دائما ..تخبو أحياناً تحت الرماد و تعود لتشتعل حسب الظروف ..لم تكوني تسمعي بذلك لأنك كنت صغيرة و ربما لأن البيت الذي تربّيت فيه لم يكن في هذا الجوّ ..أنا شخصيا حين كنت تلميذا صغيرا لم أكن أعرف ماذا يعني مسلم و مسيحي و مالفرق بينهما و لم أكن أعرف مَن من زملائي في المدرسة مسلم و من مسيحي ..أيضاً لأن البيت الذي نشأت فيه كان حريصاً جدا على عندم نشر هذه الثقافة ..لكن الواقع أن حرباً طائفية كانت تجري في ذات اللحظة خارج نافذتي ..و كانت تحصد معها العشرات يوميـّاً ..
ـ أوافق أنه مرّت فترات طويلة في القرن العشرين كانت هذه المسألة غير ظاهرة بشكل كبير في معظم البلدان العربية و ليس كلها طبعاً ..نظراً لظروف سياسية و اجتماعية عديدة ..منها أن معظم البلدان العربية كانت في حالة مخاض أثناء السعي للتحرر من الإستعمار أو بعد التحرر ..مشغولة بتأسيس كياناتها ..لكن ما أن استقرت الأمور حتى عادت حليمة لعادتها القديمة .
و حليمة هذه لا تموت أبداً يا صديقتي ...تنام فقط أحياناً .

عباس العبد said...

ملكة
منورة المدونة
و الله يخليكى على الأطراء الجميل ده
---
الغزالى
منور المدونة و علق براحتك
و تعلق براحك
---
ابو احمد
انت مشرفنى و جميلك ده فوق دماغى
انك تنشر تدوينة عندى , دى حاجة كبيرة تشرفنى
---
م5م
لغة القوة و العنف دى مش اختراع جديد
الجريمة فى مصر بدأت تأخذ شكل منظم و أحترافى و بشكل عنيف و بأستهتار رهيب
, يكفى العبارة
و القطر
اما بالنسبة لموضوع الكنيسة
فالكنيسة لم تعلق الا على حادث الدير لأنه تابع ليها بشكل مباشر
و بعدين التدوينة لم تطرق لا للكنيسة و لا للأمن , خد بالك القضية جنائية
اما بخصوص موقف الأزهر
فمختلف تماماً
لأن فى فرق بين الكنيسة و الأزهر و دى حاجة يطول شرحها
----
شيماء
و شكرا ليكى انتى كمان
---
لمياء
هى مكنتش موجوده , لأنها اختراع حديث
حاجة كده زى ما بيقولوا من مقتضيات العصر
---
رشا
الله يكرمك و سلامة عنيكى
---
حنا السكران
صباحو فل
و مفيش كلمة تتقال بعد كلمتك و ان كان لى تعليق
بس حسيبه لأن فى فكرة مشتركة بين كلامك و البوست الجاى
فحسيب التعليق , لانه بقى بوست
مستنى رأيك فيه .

Unknown said...

نقدم لكم شركة مكافحة حشرات الشركة المتخصصة بكافة اعمال مكافحة الحشرات بالدمام بالخبر والتي تخصصت في مكافحة جميع أنواع الحشرات الطائرة والزاحفة بجميع أنواعها فمع شركة مكافحة حشرات بالدمام تستطيعون القضاء علي جميع أنواع الحشرات بأبسط الطرق الحديثة والأدوات المثالية وكذلك افضل المبيدات الفعالة في التخلص من جميع أنواع الحشرات حيث انها تعد افضل شركة مكافحة حشرات بالدمام كما يتوفر لدينا أيضا شركة مكافحة حشرات بالخبر والتي تعد افضل شركة مكافحة حشرات بالخبر لديها فريق متميز مجهز بأفضل الإمكانيات الحديثة والعمالة الماهرة والمبيدات المثالية للقضاء علي الحشرات التي تستخدم في مكافحة النمل الأبيض والنمل الأسود والبعوض والفئران والافاعي والثعابين وغيرها من الحشرات الأخرى
جوال 053026180

Unknown said...



شركة تنظيف منازل بالاحساء
شركة تنظيف بالجبيل
شركة تنظيف خزانات بالاحساء
شركة تنظيف مسابح بالاحساء
شركة تنظيف مسابح بالجبيل
شركة تنظيف بالاحساء
شركة تنظيف مجالس بالاحساء

rana said...

شركة تنظيف بالدمامتعتبر من اقوى الشركات الرائدة فى مجال النظافة حيث ان الشركة تستخدمة افضل مجموعه من المظفات المستوردة فهناك منها صناعة امريكية وصناعه المانية وصناعه سعودية على حسب رغبة العميل وان جميع منظفات الشركة حاصلة على موافقه زياره الصحة وذلك لانه منظفات الشركة ليس لها اضرار على الصحة وهذا ما يميز شركتنا عن باقى الشركات الاخرى فاذا كنتم تريدون الحصول على نظافة مثالية وفائقة فقط قوموا بالتواصل مع شركتنا وفروعها شركة تنظيف بالخبر وشركة تنظيف بالاحساء وان شركتنا لها فروع اخرى فى رش المبيدات ومكافحة الحشرات شركة مكافحة حشرات بالاحساء وشركة رش مبيدات بالاحساء
للتواصل وطلب الخدمة
جوال رقم 0536010460

شركة المثالي سوبر said...

شركة مكافحة حشرات بالخبر




شركة مكافحة حشرات بالجبيل
شركة مكافحة حشرات بالقطيف
شركة تسليك مجارى بالخبر