Sunday, May 27, 2007

سؤال ابيح

من المعروف ان هناك اسئلة اباحية فى الحياة

تتطلب الاجابة عليها بعض الجرأة

السؤال كالأتى

عبد الوهاب المسيرى

منسق عام حركة كفاية

اليس هو فرد فى حركة كفاية ؟

----------

سؤال الى كل الكفاياوية

لماذا لا يتولى الدكتور ممول الحركة

و المنسق السابق دفع المبلغ

الذى لا يتعدى على كلام المسيرى

رقم 300 الف جنيه

لعلاج الدكتور

ام ان التمويل الوحيد المقبول

هو شراء اجهزة اللابتوب

و الرحلات الى الخارج

و العشاء الفاخر ؟؟؟ ... فقط

-------

شكرا

انتظر للاجابة

8 comments:

Mirage said...

ماليش فيه

Mirage said...

بس الحق يتقال اللون الجديد بتاعك اشيك وانضف كتير من اللون اللى قابله اللى هو انا اصلا مش عارف انت كنت مختاره ازاى

باقى تغير الخط بس وتبقى البلوج اللوك بتاعها بروفيشنال فعلا

Alexandrian far away said...

عيب الأسئله دى يا عباس
ما يحش
عيييييييييييييب
شششششششششش
صمت

مختار العزيزي said...

ليس عليك في الأباحة حرج - أكمل يا مولانا.
أبّح أبّح خلينا نفكر ونتعلم التفكير

العميد ميت said...

إجابه أبيحه
ياعمنا لأن 300 ألف كتير قوي
واحد زي هاني عنان يدفعهم ، لأنه مش فاضي لواحد محترم زي المسيري
بس علي العموم هاني عنان ماكنشي بيمول كفايه ، عنان كان بيمول حفنه من الشباب لجعلهم تحت أمرته لتنفيذ مخطاطاته الخاصه

دكتور عبد الوهاب المسيري إن شاء الله سوف يدفع له شرفاء الوطن ثمن العلاج حتي لو إستمر حتي نهايه عمره وليس أسبوع

وبعدين عايزين نشوفك هناك ، بطل غياب بقي

جبهة التهييس الشعبية said...

يسلم بقك يسلم بقك يسلم بقك

ويسلم مخك وكي بوردك ومدونتك يا شيييييييييييخ

يا شيييييييييييييخ

والله العظيم ده انت لو ما كتبتش غير التدوينة دي يبقى كفاية عليك في عمرك

حاجة تفرس
حاجة تشل
حاجة تبضن
والواحد ماسك لسانه عشان قال ايه
ما تشوهوش رموز المعارضة

يا اخي.....وللا بلاش

محمد المصري said...

سؤال الى كل الكفاياوية
====


هوَّ ليه انتَ طارح السؤال بصيغة محسساني إنك من كفار قريش ؟

هوَّ عموماً أنا ممكن أجاوبك بس بلاش نتذاكى على بعض وتحسسني إني قلت حاجة جديدة أو إنك اتفجأت ..

أعتقد إن السبب الحقيقي مش بس لإن الفلوس عموماً كانت بتوجه للتلميع الإعلامي لأفراد معينين في الحركة أو لاستمالة شباب يكونوا تحت أمر نفس الأفراد ، لكن السبب الأهم هو شعور الناس دي إن الحركة اتسرقت منهم وهما مخدوش غير الشتيمة والمشاكل .. ومش بس اتسرقت منهم ده أصبح المنسق العام بتاعها رجل ذو توجة إسلامي جه بغير إرادتهم زي المسيري ..
ممكن تتخيلوا المشهد مثلاً لو أحمد بهاء الدين - اللي أنا وكلنا تقريباً بنحترمه كل الاحترام - كان في مكان المسيري أكيد تفاصيل كتير هتتغير ..

بس والنبي بلاش نتكلم ونرد على بعض ونحس إننا اتفاجأنا من إن ده حصل أو إن الأمور ماشية كده ، لإن حضرتك وأنا وكل حمار مهتم بشأن كفاية عارف من بدري جداً إن الليلة ماشية كده ..

عباس العبد said...

مختار العزيزى
شرفت المدونة و نورتها كمان

العميد ميت
صدقنى انا عايز ارجع المندرة تانى
بس المشوار بقى صعب و طويل على

جبهة التهييس الشعبية
منورة المندرة
و متشكر قوى

محمد المصرى
اولا انا من كفار قريش
الى بقى اسمهم دلوقتى كفار العياط
ثانيا
السؤال ابيح يعنى لازم تكون اجابتك
ابيحة
انت الى بتتذاكى مش انا
تانى حاجة انت الى جبت سيرة التوجه الاسلامى مش انا
انا مش ناقص فتن يا عم