Saturday, January 05, 2008

كتب فى مكتبة


بناء على طلب محمد المصرى

علشان يستريح

طلب منى يشوف المكتبة

قعدت افكر ايهما اوفر

اجيبه عندى يشوفها و اضطر اعزمه

و شاى و قهوة بقى و اكل و شرب و حاجة ساقعة

و لا اصورها بالكاميرا و اوريهاله

و نستهلك شوية من البطارية

لقيت استهلاك البطارية ارحم بكتير

....

بس فى الحالتين

اللهم لا حسد

يا ناس ياشر كفاية قر

متبصليش بعين ردية ... بص للى اندفع فى

....

صلى على رسول الله


اذكر الله

مجد سيدك



و كمان ابتدينا نفرش من اول الارض

علشان مفيش مكان على الحيطان

15 comments:

walaaz said...

لأ طبعا كفاية قر ازاى

انت عايزنا نشوف كــــــــل الكتب دى و ميبقاش فى شوية غل كدا على شوية يــا بختك ؟

طب مش كنت تصور شوية أغلفة وعناويين كتب عشان نعرف اللى فيها بالمرة, تستحق تتحسد ولا ايه النظام ؟ ;)

Anonymous said...

ربنا يزيدهم
:)

abderrahman said...

أولا الأغنية حلوة بتاعت عبده الاسكندراني
كمان فيه تجربة إن الواحد يعمل المكتبة بإيديه، هتكلفك تمن ألواح الخشب ويوم شغل من أوله لآخره ومساعدة من كام واحد، بس هتبقى حوالي 8 أرفف أنا عملت كده
ومع ذلك الظاهر إنه لازم يفضل فيه كتب على الأرض برضو.. من باب الفوضى بس
:)
تحياتي

Unknown said...

رامز:-

بالرغم من انك :-
1- كاثوليكى مش أرثوذكسى
2-زملكاوى مش أهلاوى
3-مطنشنى ومش بترد عليا فى بوستاتك

بالرغم من ده كله
..............................
كل سنة وانت طيب بمناسبة 7 يناير

nourita said...

yekherb bitak
kouli di koutob :)
:) :) :)

nourita said...

yekherb bitak
kouli di koutob :)
:) :) :)

عباس العبد said...

ولاز
شوفى يا ستى
الصورة الاولى
دى فيها كل الكتابات المتنوعة , مختلفة الانواع و الاحجام و الافكار
الصورة التانية
فيها كل الكتابات الشخصية و مجموعاتهم كاملة
الصف الاول
هيكل و صنع الله و اصلان و جبران و رفعت السعيد
الصف التانى
محمود السعدنى و دراسات و كتابات لاهوتية من المدرسة الجديدةو محمد مستجاب
الصف الثالث
نجيب محفوظ و السباعى و ادريس
الصف الرابع
تاريخ و تراجم و سير شخصية
دول الى عندى بس
....
يحيى
انا مبخفش غير من الى بيقول كلمتين
و يسكت
بيبقى اسود من جوه
اسفلت
ربنا يستر
...
ابو باشا
انا سعيد بتشريفك و سعيد جدا
انا متابع جيد لمدونتك
بس معلقتش قبل كده
مستنى فرصة
لو بصيت كويس فى الصورة
حتلاقى انى عامل المكتبة دى بأيدى
جبت الالواح من عندى فى الشغل و العليقات من البياع و شوية افزان و مسامير و عيشت مع نفسى
و كويس ان عبده الاسكندرانى عجبتك
...
م5م
انا مبتجاهلش حد صدقنى
بس فى كلام مش بعرف ارد عليه اقول ايه بس
و انا مش سبعاوى
خد بالك
...
نوريتا
ليه بقى كده ؟
و بيتى زنبه ايه ؟

DantY ElMasrY said...

صحيح انت اقلية من اقلية من أقلية
لكن احساس الواحد [انه من أقلية ممكن تلافيه او تجاهخله او حتى الغاؤه
يعنى متبصش لنفسك على انك زملكاوى ولا حتى اهلاوى
انت مشجع كورة
وخللى دا منهجك
انا بقول لنفسى قبل منك
كان نفسى تقول عناوين اكتر من مكتبتك لأنى محستش بالتنوع فى العناوين
مش كل سنة وانت طيب لأنك مش سبعاوى
بس كل سنة وانا طيب لأن عيد ميلادى أنا بعد يومين
تشرفنا بمقابلتك انت وسندريل ومحمد المصرى اللى فقع منى اماكن رقيقة لم تكن لتفقع لولا ثقتى فى مصطفيتش

Nani said...

السلام عليكم
ما شاء الله
هل الاستعارة امر ممكن؟
ماشاء الله
يا بختك

^ H@fSS@^ said...

يعني عاوز تفهمني انك قريت كل دول؟؟
لا طبعا غيرانه منك لاني ااقل منك بشوية
اما عن الكتب اللي على الارض
فحدث و لا حرج
ماما بتقولي انك خرجتي عن نطاق البنات
قال ايه عشان غرفة البنت لازم تكون متوضبة و نضيفة طيب اعمل ايه
على العموم ربنا يبارك لك و يزيد
اهو خمسة و خميسة في وشي
بس خد بالك في رف متني من النص يعني لو وقع متقولش حسدناك
هو متني خلقه من اول ما انت صورته
اشهدوا يا جدعان


اتشرفت بمقابلتك القصيرة انت و الباقي
تحياتي و ان شاء الله لينا قعدة مطولة مع بعض
نهري و ننكت فيها و نقطع في سيرة البشر
:D
سلام

karakib said...

رامز
هات شوية ! احنا مش خريجين مدرسة واحدة !؟
قين الصداقة يا اخي !؟ طيب هات كل شهر 6 كتب من الكبار دول اللي فوق الرف
ماشي اتنين قشطه اتفقنا
اجي امتي ؟ ها ؟؟

Unknown said...

لأ يارامز..طنشتنتى

واقرا أنا طلبت منك ايه فى التدوينة اللى فاتت وانت تعرف
..............................
عارف انك مش سبعاوى..مش دى أول حاجة أنا كاتبها؟

Anonymous said...

إنت جايب نسخة التجليات أم أربعين جنيه من الشروق
أنا جبتها من الهيئة المصرية للكتاب إيام التصفية التلات أسفار بتلاتة جنيه

sandrill said...

Heikal , Son3allah , Aslan , Gobran and Ref3at Elsa3eed !!!

Nefsi afhamak

عباس العبد said...

دانتى المصرى
انا سعيد بتشريفك المدونة
و انا مش محتاج انسى انى اقلية لأنى نسيتها
و مبرطع فى البلد
دى بتاعتى يا برنس
مصر دى حتة منى
انا ملك البلد دى
و على العموم كل سنة و انت طيب
...
نانى
للأسف انا مبسلفش كتب و لا بستلف كتب
حتى لما اشوف كتاب عند حد
بشتريه
...
حفصة
شوفى حنتقابل امتى
انا اموت اوى فى سيرة الناس
و يا سلام لو نقطع فروتهم كمان
ايوا
انا قريتهم كلهم
...
كراكيب
للأوسف مبسلفش يا ولدى
و كل عام و انتم بخير
...
م5م
انا مش مطنشك
انا قريت الى انت كاتبه عندك
كلهم 17 تدوينة
اول ما احس انى عايز اقول حاجة
حقول
انا لما احس انى عايز اعلق بعلق
عند اى حد اعرفه او لأ
....
يحيى
جبتها فى المعرض
كانت بحاجة و عشرين
دا انت كبرت الصورة و قعدت تتفرج
يا لئيم
...
ساندريل
عايز ايه ؟
انت لو فهمتنى مضطر اقتلك