Saturday, January 19, 2008

فى انتظار معرض الكتاب

فى انتظار معرض الكتاب ....

....

طبعا كلنا منتظرين معرض الكتاب

و كلنا ناويين نشترى كتب

فا انا عندى طلب

اى حد يخش المدونة

اى عدد من المرات

كل مرة يخشها

يرشحلى اسم كتاب او رواية او ديوان

و يقولى اسم الكتاب و مؤلفه و يا سلام لو دار النشر كمان

نعرف ترشيحات بعض

يمكن يكون عنوان فاتنا و لا نسيناه

او عنوان جديد مسمعناش عنه

نتعرف على تيارات فكرية جديدة

كتابات جديدة

و اهو كله يستفيد

....

نفس الحكاية دى حتلاقيها عند

مختار العزيزى

بالاتفاق معاه

.....

و دى الحاجات الى انا جبتها السنة الى فاتت

الزيارة الاولى

الزيارة التانية

............

11 comments:

Alexandrian far away said...

طيب عاوزين تغطية جامده عن المعرض يا رامز
ما تنساش

Anonymous said...

hwa i am waiting for ahmed khaled tawfeeq's novel ,
http://bp3.blogger.com/_GpZR9J6gTGU/R5A-mqMLRkI/AAAAAAAAAjY/_e47gw8tZ_E/s1600-h/n573390090_775647_1661.jpg
merit hwa...
7assah kal 3ada, msh 7ayeb2a ay kalam.. ;)
7atabe3 mawqefak mel ma3rad ;)

أبو عمر - الصارم الحاسم said...

السلسلة والغفران لعلي احمد باكثير
دي عن التوبة الى الله

وطالما عايز اتجاهات متعددة يبقى ايضا ..."الملحمة الاسلامية الكبرى-عمر بن الخطاب" لعلي احمد باكثير


الاتنين اصدار مكتبة مصر


و"الدولة العثمانية" لعلي محمد الصلابي

لو ليك في الروايات ...باكثير اراه - والله اعلم - أفضل كاتب روايات عربي...رحمه الله

عين فى الجنة said...

ثلاثة روايات من اجمل ما قرأت فى 2007
واحة الغروب لبهاء طاهر -روايات الهلال
حيوانات ايامنا لمحمد المخزنجى-دار الشروق
التلصص لصنع الله ابراهيم - دار المستقبل العربى

باسم المليجي said...

ايه رجعتني لأيام زمان
أيام الجنيه الجبس .. الواحد مش عارف هيجيب ميزانية للكتب دلوقت إزاي
خلينا في المفيد
نبتدي بقسم الكتب الممنوعة
لو لقيت كائن لا تحتمل خفته لميلان كونديرا ابقى قوللي فين لأنهم منعوه السنة اللي فاتت ونفسي أقرا الرواية دي.. أساسا بحب شغل كونديرا
لو مكنتش قريت فالس الوداع هتلاقيها في دار الهلال نسخة شعبية للغلابة
ومن اجمل شغله في النقد كتاب الوصايا المغدورة عن دار لبنانية مش فاكر اسمها دلوقت.. بس ترجمتها ممتازة. وده مش بس نقد ده حاجات كتير في بعض.. تقدر تقول عليه كتاب منعش
وبرضك معتقدش تلاقي مذكرات الشاذلي عشان كان اتحاكم واتسجن بسببها
هي موجودة على النت وقريتها من هناك
وكانت تحفة بالنسبة لي.. كل التفاصيل اللي كان نفسي فيها واكتر عن الحرب لقيتها فيه
بالنسبة للكتب العادية ممكن تضيف ايام الإنسان السبعة لعبد الحكيم قاسم من ميريت
مجموعة البستان لمحمد المخزنجي والنسخة اللي كنت قريتها صدرت عن دار سعاد الصباح
ذاكرة التيه رواية عن دار ميريت
كوفية صوف للشتا لبهاء جاهين عن دار ميريت.. ودي بذكرها على سبيل الرخامة لأنها خلصانة من زمن ومش لاقي لها طبعات تانية
بالنسبة لقلة الأدب
من ميريت عندك لصوص متقاعدون لحمدي ابو جليل ومن الشروق عتبات البهجة لإبراهيم عبد المجيد
ولو ليك في التاريخ
كتاب كان ادهشني هو حرب النهر عن الثورة المهدية اللي كتبه هو ونستون تشرشل اللي كان مراسل حربي وقتها
وسمعت خير اللهم اجعله خير انه خد جايزة نوبل في الأدب- حتى الكوسة طلعت بره
بس هو اسلوبه جميل واستعماري
الكتاب صدرت له طبعة جديدة في الشروق
وبرضك في سكة التاريخ من دار الشروق انصحك نصيحة اخوية برواية قطعة من أوروبا لأم تميم البرغوثي الست رضوى عاشور
الرواية تحفة
وكفاية دلوقت لحد كده عشان فجأتني

karakib said...

طيور العنبر
لابراهيم عبد المجيد
دار الهلال
الرواية دي لازم لازم تقراها يا رامز
الراجل ده فعلا مجرم حرب

اقرا له كمان


لا أحد ينام فى الأسكندرية
دار الهلال

الصياد واليمام
دار المستقبل العربى


مئة عام من العزلة
الحب في زمن الكوليرا
جابرييل جارسيا دي ماركيز


مواطنون لا ذميون
فهمي هويدي
دار الشروق


شخصيات من التاريخ
ونستون تشرشل
دار الفاروق


عارف انك ممكن تكون قريت معظمهم
ما انا شفت المكتبه
بس قولت يمكن افيدك بحاجه يا هندسه

^ H@fSS@^ said...

بص يا فندم
انا عندي مشكلة مع الكتب و ناس حكتلي ان انت عندك نفس المشكلة قداستك
الا و هي ان اي مجموعة ورقة محطوطة بين كرتونتين و يطلق عليهم كتاب بتشتريه
اغواء ما بعده اغواء يعني
و للاسف انا اي كتاب بشوفه بشتريه لكن بديت اتعالج دلوقتي والحمدلله
انا من شهر لما كان عندنا هنا معرض الكتاب نشرت تدوينه بكل الكتب اللي جبتها
بس انصحك بكتابين هما المجالس المحفوظية و الكاس المقدس الدم المقدس
تفاصيل دار النشر و المؤلفين تجدها كاملة حضرتك في المدونة ابقى اقراها
في رايي كتاب الكاس المقدس الدم المقدس مهم جدا و بيقلب موازين كتيرة فوق بعضها
لسه مخلصتوش بس اسلوبه شيق جدا و حرفيته عالية اوي في انه يجذبك لقرايته مع انه مليان معلومات و وثائق كتيرة و تفاصيل غائرة التعقيد
ليا تعليق بس انه بلاش تشتري مئة عام من العزلة
لو تقدر تصبر و ابقى اديك نسختي لاني قرفت من الرواية دي و اول مرة في حياتي اتنازل عن كتاب لحد تاني
محصلتش الى الان
رواية فقيعة لابعد حد و ربنا يشهد اني حاولت اقراها و مقدرتش اكتر من مرة
اخر حاجة اقولك عليها لازم تجيب كل حاجات باولو
اذا عندك ناقص دور عليه المهم لازم تجيبه
http://elnaswiel3alam.blogspot.com/2007/12/blog-post_08.html
تحياتي

The Alien said...

تغريدة البجعة - مكاوي سعيد
وهات أي حاجة لباولو كويلهو

تحياتي

زمان الوصل said...

يا جماعه بلاش إذلال بقى
"تغريدة البجعه" ألاقيها فى أى دار نشر

أنا عاوزه أشترى ديوان "منطق الكائنات" بتاع "مريد البرغوثى" و عرفت ان دار النشر اللى نشرته هى "دار المدى" بس غالبا توقفوا عن طباعته لهذا ربما اشترى له الاعمال الكامله لو كان فيها هذا الديوان
و الأمر لله
:(

ملحوظه يا عباس : أنا جيت مخصوص عشان أسمع "لا والنّبى يا عبده" و عملت حسابى و حطّيت الهيد فون عشان ماتفضحش فضيحة الطشت قال لى :)

بالمناسبه انت ماقلتش ايه اللى عجبك فى الحاجات اللى اشتريتها السنه اللى فاتت عشان نستفاد .. مش عارفه ليه بقيت اقول نستفاد مش نستفيد مع انّى باتغاظ أوى م الأوّلانيه !!

عباس العبد said...

اسكندرانى
صدقنى ححاول و ممكن ابقى مراسل
رامز شرقاوى من امام معرض الكتاب ... المدونة
,,,,
نيشو
الكتاب اسمه يوتوبيا
دار ميريت
انا عامة بشترى اصدارات ميريت كلها كل سنة و ربنا يسهل حقولك انطباعاتى
,,,,
الصارم الحاسم
انت تأمر
حبص عليهم فى المعرض
....
راجى
انا قريت التلاتة افضلهم التلصص
انا مدمن صنع الله ابراهيم و مستنى روايته الجديدة الى اسمها العمامة و القبعة الى بتتنشر فى الدستور اليومى مسلسلة
....
باسم المليجى
و انت كمان فجاتنى
انا حبص على حاجات كونديرا و المسئولية عليك
و ربنا يستر
....
كراكيب
فى حاجات مقريتهاش
و فى حاجات قريتها
بس مة عام من التخلف العقلى
رواية بنت كلب مملة و مستعد و على اتم استعداد انى اوزعها
....
حفصة
هولى سان هولى جريل
قديم
المجالس المحفوظية --الغيطانى
اقدم
كويلهو
اقدم و اقدم
زى ما قالوليلك بالظبط
اى خرابة ورقية بتاكلنى فى نافوخى و لازم اشتريها
.....
اليان
قرأتهم
......
زمان
تغريدة البجعة
دار الدار
توزيع دار الشروق و مدبولى
اى خدعة
الا مقلتيش
عجبتك لأ و النبى يا عبده ؟
علشان لو عجبتك نستفاد كلنا مش نستفيد
هههه

زمان الوصل said...

نبتدى ب "لا و النبّى يا عبده"
أوّل مرّه أسمع أغنيه أشعر أن من تغنّيها لا تغنّى فقط بأحبالها الصوتيه بل بجسدها كلّه !! محدّش وصّل لى هذا الإحساس من قبل .. أنا حسّيت إن الست بتردح بقدر ملحوظ من الدلال
:)))))

باقول لك إيه طالما ليك فى الفرنساوى .. رواية "صباح الخير أيها الأحزان" موجوده فى أى داهيه مترجمه؟