Wednesday, January 23, 2008

وحيا يوحى


المحرر ابن المحرر

..........

د. عايد المناع – مفكر كويتى

يصف جورج بوش الابن و الاب

فى حلقة الاتجاه المعاكس على قناة الجزيرة

الحلقة بعنوان

هل كان بوش يستحق كل هذا الترحيب

فى زيارته الاخيرة للمنطقة ؟

..........

7 comments:

^ H@fSS@^ said...

المرة دي بدل ناس اتغوت
نقول ناس اتغمت
حنقول ايه
كويتي معفن يموتوا هما في الامريكان و حركاتهم
بس يعني اسمحلي اقولك
صورة بوش و وراه سيدنا عيسى فيها اساءة لسيدنا عيسى انك تجيبه مع واحد قلبه اسود زي ده
ايش جاب لجاب يا حاج
متخلنيش اكفرك و اطلع انا اللي على حق و ان غلط
هو انت ناقص تكفير
مش كفاية الغواية اللي انت بتعملهالنا؟؟
اللعنة
بس تحياتي في الاخر برضو

بنت القمر said...

رامز
مش فاهمه بصراحه
وعشان مش بحب ادلق تعليق من غير ما اكون فاهمه
يعني ايه وحيا يوحي
وايه علاقه ده بالبوست
وصورة بوش دي منين؟؟
وليه ابيض واسود؟؟
وياتري هو كان من ايام الابيض والاسود اللي انتهي من العالم في السبعينات ايام بوش ما كان في العشرينات مش بالملامح الخمسينيه اللي في الصورة
ويا تري الاسود والابيض هنا ليه رمزيه؟؟
ولا تقصد تشبيه بوش بالمحرر وعاوز تربطه بالمخلص في الفكر المسيحي اللي هو المسيح؟؟
وهل كان دكتور عابد مناع الذي اعتقد ويتهيألي انه معارض كويتي ومعارض للوجود الامريكي في كافه الدول العربيه لو كان فعلا الراجل اللي في بالي
ومش الخطوط داخله في بعض يبقا قال الكلام ده كله ساخرا من الترحيب ببوش ومتمنيا له وجود اقل ترحيبا
طيب يمكن ...نرجع مرجوعنا..ايه بقا وحيا يوحي؟؟
مفهمتش والنعمه اي حاجه تحياتي لما تفهمني

أحمد said...

طبعا محرر ابن محرر
واللى مش عاجبه يخبط دماغه في الحيط
---
لو حضرتك كنت كويتى وصحيت في يوم لقيت صدام حسين مدخل الجيش العراقي محتل بلدك وبيسطو على محلات الدهب ، والبيوت والعربيات
وبعدين بصيت للاخوة العرب لقيت الفلسطينين ونص بقية الدول العربية واقفه مع صدام
ولقيت مفيش امريكا هى اللى دخلت انقذتك وعلى راسها جورج بوش
فلازم بوش يبقي هو بطل التحرير

هذه هى الحقيقة السيئة التى قد لا يريد البعض استيعابها
--- ---
الاخت حفصه
الكويتى مش معفنين ابدا
البيوت والاماكن كلها فيها تكييف وفيه شركات زبالة محترمة، وشبكة صرف صحفي جيده
ليسوا مثل المصريين يقضون نصف عمرهم مزنوقين مكدسين في المترو والاتوبيسات وعرقانين
كما ان شوارع الكويت خالية من الزبالة وليست مثل ميدان الجيزة مثلا الذي يمكن اعتباره بمثابة مقلب زبالة كبيرة

اظن كدا واضح من المعفنين اوى

^ H@fSS@^ said...

و تاعب نفسك ليه بقى و كاتب الاخت
و بعدين العفن اللي اقصده مش عفن مادي يا فندي
عفن الاخلاق الشاذة و سفالتهم و قلة ذوقهم و بمناسبة ما انت ذكرت الاحتلال
يا ريت كمان تفتكر هما عملوا ايه في مصر لما جم
اخلاق واطية مافيش احسن من كده يا ريتك كنت كويتي كنت فهمت
مغزى كلامك

عباس العبد said...

حفصة
انتى كمان عايزة تكفرينى ؟
هى ناقصة
حرام عليكى يا شيخة
عجبك الكليب ؟
جامد مش كده
انا عارف ان البنت الى اسمها باسمة دى حتولع فى الجرجير
مبروك الدى اس ال
...........
بنت القمر
ححكيلك علشان القصة طويلة
سيدنا بوش قال قبل كده انه تلقى رؤية فى المنام انه يذهب الى الشرق الاوسط و يحرره من الديكتاتورية و انه الى بيعمله فى المنطقة ده نتيجة وحى من المسيح رأسا على حسب كلامه
و لما السيد مناع قال انه محرر فى الحلقة
افتكرت علطول
قلت بس يبقى ده وحى بجد بقى
هههههه
فدورت على الصورة دى
هى كانت عندى من زمان و لما نزلتها قلت اكيد حييجى يوم و استعملها
و فعلا هو ده الى حصل
حطتتها مع البوست
اما ليه ابيض و اسود فنوع من الوقار
راجل قديم بيجيله وحى
مينفعش يبقى بالالوان بلاش خلاعة
ده وحى يا جماعة مش حاجة سهلة
و بصى كويس فيها حتلاقى ايد المسيح اليمين فى ضهره بتسنده يعنى
زى السيدة فى ضهرك كده
هههههههه
الاخ مناع ده لو سمعتيه قعد يمدح فى بوش و فى ابو بوش
لدرجة انه قال ان ال95 فى المية الى صوتوا ضد بوش جهلة و مبيفهموش و مغيبيين و بعدين ده مش معارض كويتى خالص
ده مؤيد اعمى للسياسة الامريكية فى المنطقة و دى مش اول حلقة اشوفهاله و هو بيتكلم كده
.....
احمد
محرر يا باشا
محرر
بس بدل هم بق كده و عندهم سلاح بالهبل و بفلوس قد كده و مش عارفين يستعملوه
يلموا نفسيهم شوية و يتخرسوا
يعنى بلاش نظام متقدرش الى هم عايشين فيه ده
انما زى ما انت شايف
محرر , يبقى محرر علطول
نورت المدونة

بنت القمر said...

عزيزي رامز
طيب متشكرين
وعموما بمسيح ولا من غير مسيح بوحي ولا مش بوحي هو مش محتاج ابدا يبرر
حق القوة تواجه قوة الحق
الاحتلال بتاع الكويت اللي قعد سنه تلاه احتلال العراق اكتر من خمس سنين وضرب افغانستان لحد التراب والجبل ما اتحرقوا
مش عارفه انت يا اخي ليه مستنير كده؟
وليه احيانا بتقول الحق الذي يرفض الاخرين واحيانا الاخريات الاعتراف بيه
عشان تغوينا نرجع نزورك تاني وتاني
اتناقشت مرة مع صديقه مصرة ان افعال المقاومه هي الارهاب المطلق وزعمت ان لها تفسير ورؤيهاخري لاحتلال فلسطين..ولم تري العالمالا حلقات متتاليه من الارهاب الاسلامي!!!!لم تري له سببا ولا تفسيرا غير اننا كده جيناتنا كده
مولودين كده خلقتنا كده
ويمكن كلنا عفوا يعني في اللفظ_عالم وسخه....
بس انت صحيح داهيه بتطلع صور وتركنها زيي
انا كمان بعمل كده
اما بخصوص الكويتي ممكن اكون انا لخبطت في الاسامي ولما ها اشوفه تاني ها اقولك اسمه
وتتابع مقالاته هو راجل علماني جدا
ولكن معارض جدا للوجود الامريكي
علي فكرة صورة البصل خنيقه قوي
وخصوصا لما الواحد يكون لسه صاحي وحاطط البراد علي النار ومش طايق نفسه ومصطبح علي المدونه عندك يلا قي بصل!!ا
الله يكرمك صورةعصافير ورد اي حاجه
عشان النفس

هههههههههههههههه
معلش عشم البيت بيتنا بقه
تحياتي

Anonymous said...

وحيٌ وليست وحيا