Thursday, July 24, 2008

مشكلة بسيطة

لا يعتقد الله فى صنيعة يديه , الأنسان , المخلوق من روحه . لا يعتقد الله أن الإنسان المخلوق الحر  سيختار بحريته الخير , لذا فقد صنع جهنم .

لا يعتقد الأنسان فى الله , عز و جل . لا يعتقد أن خالقه قد جبله روحاً حرة , لذا فقد صنع الأنسان الشر لكى يؤكد لخالقه انه حر فى فعل الخير .

---

ملحوظة :

إذا أردت أن تكون مؤمناً عليك أن تحل تلك المعضلة : أن تكون حراً فى صنع الخير دون أن تكون " مؤمناً " .

---

15 comments:

بنت القمر said...

قلنا كتير في الكلام ده في بوست نقاش مش ها اعيد ه تاني
يقيني الاخير
انا مش مؤمنه
انا خايفه منه بس
لاني مؤمنه بيه
!!

Nsreen Bsunee said...

ممممممم
انا مش عارفه فيه فرق بين الذنوب والشر ولا مفيش بس الاكيد انى لو مش مؤمنه كنت حاعمل ذنوب كتير يعني-اكتر من اللى باعملها دلوقتى-بس انا مش شايفه انى لما اعمل ذنوب ده حيتعارض مع انى اعمل خير برضه

على باب الله said...

عادي .. براحتك بس مش ها تخش الجنة

طيب السؤال هنا

ها تخش النار أزاي و أنت عامل الخير ؟

على باب الله said...

غالباً ها تقف ع الناصية تشرب بيرة و تعاكس الشياطين الحريمي

الصارم الحاسم....يوما هل أكونه said...

معضلة مالهاش وجود

زي ما قال لك...اعمل براحتك...هتجازى عليه في الدنيا ولن تجازى عليه في الآخرة..طالما لم تؤمن بالله..وعلى الايمان الصحيح كما يريده الله

Anonymous said...

فيه تفسير بيقول ان جهنم معمولة أصلا لإبليس مش للانسان و لكن ابليس لأنه مش عاوز يضيع لوحده بيحاول يجذب أكبر عدد من الصحبة

و ده من حقه لأن ربنا خلقه حر زي ما خلقني و خلقك أحرار بشرط تحمل نتيجة حريتنا

The Innocent said...

الخير مش الفعل اللي تاخد من وراه ثواب، او تفلت بيه من عقاب.
الخير إن سعادة الآخر تكون من سعادتك، وحريته من حريتك، وهكذا.
الخير إن التواصل الإيجابي مع الآخر يكون هدف مش وسيلة
الخير اني احبك لأنك تستاهل دا، مش لتنفيذ وصية.

تحياتي

karakib said...

الذين ليس لهم ناموس هم ناموس لأنفسهم
-------
فعل الخير غير مرتبط بالدين .. الطبيعة الانسانية الحقيقية النقية .. في رأيي تحب الخير
كل الاديان تدفعك الي فعل الخير و لكن ليس معني هذا ان الملحدين لا يفعلون الخير
هم ايضا يفعلون الخير بدافع انساني لأنهم يؤمنون بالانسان
و لكن يبقي شيء ربما يكون غير مرتبط بالموضوع بشكل مباشر
----
ان احببتم الذين يحبونكم فقط .. فأي فضل لكم في ذلك

DantY ElMasrY said...

إذا وجدت نفسك تفعل الخير لوجه الخير ولا تنتظر ثوابا فأنت مراد الله مراد الله من خلقه
إذا وجدت فى نفسك القدرة على فعل الشر ولم تفعل لا خوفا من عقاب فأنت مراد الله من خلقه

ومراد الله من خلقه لا من صلى وصام ولكن من ادرك القيمة المطلقة للخير التى هى الله

Anonymous said...

بس ... اربط فرمل يا سواق
حاسب انت وهو وهي

عيب لما ننجح في تورية المعاني الاصلية للامور وسحب قضايا استثنائية لغاية ما يتوه المعني وبعدها نبدأ التخريف

...محدش منكم هيسمح لنفسه يتكلم عن قضية السباكة وتسليك البلاعات لأن محدش يعرف حاجة عنها
لكن ...
لما نبدأ الكلام عن الدين والعقيدة تلاقي كل الناس تحولوا الي أئمة فقه وعقيدة وفلسفة

المقصود من كلامي ... ان الدين هان علينا واصبح اقل من السباكة

عيب أوي

MERO said...

عندى حساسية
زهقت

عباس العبد said...

بنت القمر
فعلاً اتكلمنا كتير قبل كده
بس دى مش كلامى , ده جملة أتقالتى من واحد و قلت اعرضها عليكم
أما رأى فحتقريه فى ردى على الصارم كمان كام تعليق
اما حكاية الخوف , فده المقصود من الجملة , ان الأنسان بيتقى شر " جهنم " فبيعمل الخير , مش بيحب ربنا فبيعمل الخير , أو بيحب البنى ادمين الى زيه فبيعمل الخير , فى رادع هو جهنم , مش فعل الخير لأنه الصح
===
نسرين
مفيش فرق بين الذنب و الشر , و الشر أو الذنب ملوش دعوة بأذا كنتى متدينة او لأ , الشر شر , ملوش دعوة بالملة أو بالدين
===
على بابه
لأ السؤال غلط
تخش الجنة ليه و أنت عامل خير و شر ؟ هل علشان أنت مؤمن و لا علشان خيرك اكتر من شرك ؟
لو خيرك أكتر من شرك , ممكن ملحد يخش و أنت لأ
===
الصارم
منورنى بعد طول غياب
ده كان ردى عليه فعلاً , إن مفي مشكلة أصلاً غير للى عايز يتفلسف و يعمل من الحبة القبة
ما تعمل خير و لا تعمل شر , هو لى و لا ليك
===
البرىء
حكيم , ده رأيى فعلاً
الخير هو ما تراه فى عيون الأخرين من سعادة
===

عباس العبد said...

كراكيب
الله يسامحك
جبت طيور العنبر لى أنت فالقنى بيها , عارف لو طلعت وحشة
حوريك شر مشفتهوش فى حياتك
و مش حتفرق بقى أروح فين
===
دانتى
تمام
===
ميرو
لو زهقان منى , متجيش تانى و ريح نفسك
لو زهقان من الدين , الحد .. تستريح و تريحنا منك

جبهة التهييس الشعبية said...

لا يا رامز

الواحد بيعمل الخير لوجه الله

بس مش ممكن يعمل الخير لوجه البلالة عشان يبقى مؤمن

ايه الكلكعة دي يا رامز
انت عايز تتفزلك وخلاص؟
:)
الناس يا بتعمل الخير لسبب دنيوي يا بتعمل الخير عشان مستنيين اجرهم في الاخرة
يا بيعملوه عشان بيحبوا الدنيا يا بيعملوه عشان بيحبوا ربنا ومنتظرين منه مقابل

طبعا منتظرين من ربنا مقابل

انت لما بتحب انسان بتستنى منه مقابل مش بتحبه وتتوقع انه يكرهك او حتى يبقى لا مبالي بيك والا تبقى مازوخي

اللي بيعمل الخير عشان هو خير في حد ذاته يبقى بيحب نفسه

ويبقى لوجه ذاته مش لوجه الله

انتوا بتصعبوا ربنا على الناس ليه حرام عليكوا الناس كفرت في عيشتها

عباس العبد said...

جبهة
شوفى , لو كنتى قريتى التعليقات كنتى عرفتى أن الجملة مش لى
فبلاش تتهمينى بالفذلكة و كنتى حتعرفى ردى الى قلته للصارم أنها لا أشكالية و لا احاجة
و قلت ما تعمل خير و لا شر انت حر هو لى و لا ليك
و لا أنت علشان راجعه من لبنان و محدش قدك خلاص , حتكبرى على صغار المدونين
ماشى يا جميل