Friday, November 07, 2008

الحمل طلع كاذب 4




مدينة الله


" ثم رأيت سماء جديدة وارضا جديدة لان السماء الاولى والارض الاولى مضتا والبحر لا يوجد فيما بعد . و رأيت المدينة المقدسة نازلة من السماء من عند الله و سمعت صوتا عظيما من السماء قائلا هوذا مسكن الله مع الناس وهو سيسكن معهم وهم يكونون له شعبا والله نفسه يكون معهم الها لهم و سيمسح الله كل دمعة من عيونهم و الموت لا يكون فيما بعد ولا يكون حزن ولا صراخ ولا وجع فيما بعد لان الامور الاولى قد مضت.  وقال الجالس على العرش ها انا اصنع كل شيء جديد "

--

تصريح للقبطان بعد ان عرف بحادثة نهى و القبض على المتحرش :

انت عارف ليه هى بلغت عن الواد ؟ علشان مكيفهاش . علشان هى عايزة القبطان هو اللى يتحرش بيها . هى مستنيانى انا .. انا اللى حوريها التحرش الأوريجنال اللى يكيف بجد .

--

فذلكة : الجسد عطية ألهية أم غواية حية ؟

طبعاً انا لا أدعى اننا نعيش فى مدينة الله . فمازلنا أسرى حرب .. نعانى من الأحتباس الدينى . عندما شاهدت نهى فى العاشرة مساءاً , تذكرت نص الغواية " 1 " ..

محامى المتهم كان يملك من شجاعة أبونا أدم أن يقول للقاضى أن المتهم فعل ما فعله ل- " ان نهى كانت ماشية تتقصع \ المرأة التى أعطيتنى هى أغويتنى فأكلت " ..

و لأن جسد المرأة مربوط فى الذهن المتدين ب" الحية " ( جسد المرأة عورة ) , فلما تكلمت نهى عن ثقافة الجسد و حمايته \ عطية ألهية , اتصل احدهم و اخبرها انه اذا كان يحمل المتهم الخطأ كلية , فهو يحملها نسبة من الخطأ " نقول 30 فى المية على حد قوله " *  , نهى فى نظره مخطئة لأنها أرادت حماية الجسد \ الحية هى غرتنى .

--




--

مقال مهم : 

" ... والفكرة الأساسية عن جسد المرأة هنا هى أنه غير مساو لجسد الرجل. وهى فكرة محورية ترتبط باعتبار الجسد بالأساس موضوعا جنسيا، بتركيز الاهتمام على نشاطه الجنسي، تليه كل الأنشطة الأخرى. وهو أمر غريب حتى من الناحية البيولوجية، فكما هو معروف النشاط الجنسي آخر ما يصل إليه الإنسان في النمو، بل إن الفسيولوجيا تختار أن تُعَلِّم به بوادر انتهاء النمو، كما أنه، ومعه النشاط الإنجابي، أول ما يفقده الإنسان في حالات الضغط أو المرض أو أية أزمة جسمية ... "

و ماذا عن الجسد .. مقال لزبيدة \ الحرملك .. نشر بالعدد الرابع بالبوصلة .

--

كتبت ان نهى كسرت النمط و خرجت عن المألوف و ارتكبت فعل " طبيعى " فى مجتمع أصبح يقدس كل ما هو " غير طبيعى " .. و لكن الهيصة ؟

اما عن الهيصة التى حدثت فهى تعبر عن رغبة المرأة فى ممارسة العنف , فالمرأة تريد ان تمارس ما ترفضه من الرجل او ما تطلق عليه " عنف الرجل " ...

 

يتبع ..

 

---------

* المتصل بيحمل نهى 30 فى المية من الأزمة , يعنى شريف اخد 3 سنين و يدفع 5001 جنيه , و المفروض نهى تاخد سنة و تدفع 1667 جنيه 

8 comments:

زمان الوصل said...

اما عن الهيصة التى حدثت فهى تعبر عن رغبة المرأة فى ممارسة العنف , فالمرأة تريد ان تمارس ما ترفضه من الرجل او ما تطلق عليه " عنف الرجل " ...


ما فهمتش دى .. يا ريت تبقى توضّحها ولو فى التدوينه التاليه ..

عم مينا said...

يا رامز
أنا بس حبيت أشكرك لأني فعلاً بستمتع و أنا بقرالك

hartaka said...

بص يا رامز
انا هاعلق علي نقطتين :
واحدة الي ذكرت فيها اخوانا العلمانيين في التدوينة 2 الي شايف فيها ان الي قالوة دة يعتبر مسخرة بعد ما اقتطعت جزء من البوست عندي بصفتي واحد اسطوري منهم حسب كلامك

انا اهم حاجة ركزت عليها لما كتبت , الثقافة والدين والعادات ودول اكثر ثلاثة بيوجهوا الانسان في حياتة , مش الحجاب وبس
البنت كانت مثقفة وعارفة حقوقها كويس وتصرفها كان نتيجة لدة علشان كدا قولت هي انسانة طبيعية
مش متدروشة ولا مغيبة دينيا واجتماعيا باقحام نصوص من زمن فات في عقلها من نوعية انتي بنت مترديش لتتبهدلي او عورة , عيب تعلي صوتك في الشارع او ناقصة عقل ودين , او علشان مشمحجبة وخلافة كتير , فانت اقتطعت جزء من التدوينة وعممتها علي انها مش محجبة فاصبحت جدعة وناصحة مش متخلفة زي ما ناس تانية بتقول , وكأن القضية قضية حجاب مش ثقافة عامة

اما استشهادك بصورة الدفعة الاولي لخريجات جامعة فؤاد كونهم انهم بيفكروا واهم لابسين حجاب

الصورة دي متاخدة سنة كام عندك ؟؟؟ وقتها كان مصر بتخرج من مرحلة لمرحلة وكان وضع الست مختلف تماما , وكان فية تغير اجتماعي كبير بيحصل علي مستوي الافكار والعقائد والدين ,
وبعدها باقل من ثلاثين سنة الحجاب كانت نسبتة قد اية بين الطبقة الوسطي ؟؟ تقريبا منعدمة
دول علشان يخشوا الجامعة اصلا كان بطلوع الروح , وبالمناسبة , سهير القلماوي الي وسط الناس في الصورة قلعت الحجاب بعد كدا
الموضوع مش دول مبيفكروش ودول بيفكروا , الفكرة ان الحجاب تخلف ومش مظهر حضاري ولا جمالي ولية ابعاد اجتماعية قديمة ودينية مش صح

مع احترامي للمحجبات ومش شايف اني قولت حاجة غريبة ولا غلط , الحجاب ضد الحياة المدنية تماما لانة بيفرق في المظهر بين مسلم ومسيحي واحنا مش في دار عبادة , ضد الفنون , زي السينما والمسرح وحاجات كتير احنا في غني عن ذكرها دلوقت , مش عايز اخش في جدل ديني لانة مش موضوعنا اصلا , ووصم المحجبة بانها متخلفة فدة مش شتيمة لو ركزنا في المعني اللغوي للكلمة
انها تخلفت او ارتدت للوراء
لسة كلامي غريب ؟


رقم 2 تعليق علي كلام كراكيب لما قال انة قال قبل كدا للبنات ان الي يتحرش بيها تبلغ عنة القسم ووقتها البنات اتريقوا علية وبعدها هتفوا وهللوا للبنت بعد الي عملتة

فية نقطة برضوا البنات معذورة جدا لان مش كل مرة هتبلغ الموضوع هيمشي في صالحها وممكن ينقلب لضدها وافتكر موضوع هند وشيماء واهو حصل بعدها علي طول شوف دي وانت هاتفهمني اكثر
http://www.almasry-alyoum.com/article2.aspx?ArticleID=184760&IssueID=1211

الذهاب للقسم مش حل وحيد للمشكلة لان الدولة عندها اوامر غير رسمية , مش اي حد يروح يبلغ عن حد في القسم الموضوع يمشي كدا بسهولة , لان الموضوع لو هيمشي كدا قضايا كتير هتتفتح ودة مش من مصلحة ناس كتير فوق , علشان كدا بتلاقي حالة من اللامبالاة والتطنيش المقصود لما تيجي تخش اي قسم علشان تعمل اي حاجة , وعندك اخر حاجة البنت الغلبانة الي اتحرش بيها سواق الميكروباص , اية الي حصلها في الاخر , لبست قضية ,

انا شايف ان اثارة قضايا زي دي اعلاميا شىء كويس جدا ودي اهم نقطة لان دة بيشكل راي عام ممكن يمثل ضغط عند اصحاب القرار , بس المهم يفكروا صح كيفية طرحة

عباس العبد said...

زمان الوصل
هى حتتشرح البوستين الجايين
===
عم مينا
الله يخليك , انا اللى سعيد ان حضرتك بتقرالى و ده شىء يشرفنى , يكفينى بس أعرف ان حضرتك بتقرالى من غير ما تعلق .

عباس العبد said...

هرطقة
اولاً انا ما أقتطعش جزء من البوست بتاعك , لأنى لو كنت أقصد البوست بتاعك كنت حطيت لينك علشان اشاور عليك و أقول انى اقصدك انت . انا اخدت فكرة موجودة فى أكثر من مدونة و كتبت فى اكتر من مقال و على منتديات . زى ما عملت مع اللى اتكلموا عن الحجاب , محطتش لينك أقصد بيه شخص معين . حتى لما أتكلمت عن تدوينة لمدونة صديقة اللى اتكلمت عن حادث تحرش مرت بيه , محطش لينك لأنى مقصدش شخص بعينه . انت كلامك أتكرر بصورة او بأخرى فى أكتر من نص مكتوب و كان المقصود الكلام على الحجاب مش حضرتك .
--
اما لو ركزت فى اللى انا كاتبه فحتلاقينى بتكلم على الأحتباس الدينى و العادات و التقاليد .
فى نقطة كمان فى كلامك غلط جداً , الفرق بين البنات هو العقل , مش الحجاب . فى بنات محجبة اكثر عقلانية من غير محجبات . كل المسيحييات غير محجبات بالطبيعة . لكن هل كل المسيحييات بعقلية نهى ؟ !!!! .
--
وصف المحجبة بانها متخلفة للعب باللفظ و ان المقصود هو انها أرتدت للوراء , ده نوع من انواع الخداع اللفظى , انت بتضحك على و لا على مين ؟
كل لفظ له دلالة , و الدلالة لمفردة " متخلفة " واضحة , لأن الناس مش حتمشى بقواميس علشان تعرف المعنى اللغوى الأصيل !!! .
ده زى ما تقول كده ان كل من هو على غير دينى كافر . كلمة كافر معناها اللفظى المباشر انه على غير الملة , لكن معناها فى الذهن العام أيه ؟
او زى ما تقول كده , ان كل من لا يفهم كيمياء هو جاهل بالكيمياء .
معنى كده انى جاهل بالكيمياء . بس لفظ جاهل لو دلالته غير اللى المقصود . فبلاش لعب بالألفاظ .
مفيش حاجة اسمها ضد المدنية و الكلام الكبير ده , لنه بيفكرنى بحاجة , حتقراها البوست الجى .
الجزء الخاص بهانى , هانى يرد عليه بقى .

karakib said...

هرطقة
كلامك اللي بتقول له عن ابلاغ الشرطة في جزء منه متفق معاك
لازم الاعلام يقوم بدوره
لكن في نفس الوقت كمان لازم المواطن يقوم بدوره و يبلغ
و يحصل اللي يحصل بعدها ... يفضل كل واحد يقوم بدوره سواء الاعلام او المواطن اللي تم التحرش به
مش معني انهم بيتسهينوا بمن يبلغ او حتي يتم أذيته انه يسكت او يقول للاعلام بس
لازم كل الناس من جواها تكون عايزه تاخد حقها

Alkomi said...

و هنا لا سعني عزيزي رامز الا ان اقول

ان اشارتك لبوست القبطان هو اكثر ما شدني

و انا بقراه حسيت مقولة بلال فضل

عندما تقرا للمرة الاولى ستضحك و لكن في المرة الثانية ستبكي بكاء مريرا

hartaka said...

الفرق بين البنات هو العقل جميل , وانا مش مختلف معاك
حلوة خداع لفظي دي بس يا صديقي انت بتسخدم خداع لفظي كتير
وخصوصا في اخر اربع تدوينات , الناس اتبرجلت يا راجل في الاول , حلال عليك وحرام علينا :)
بس ممكن اقولك حاجة , انت عارف احدي اهم مشاكل الناس مع النصوص الدينية كمثال مثلا هو المعني اللغوي للكلام زي ما انت ذكرت معني كلمة كافر الي الناس مثلا بتفهمها انة الي ينكر وجود الله مثلا وبتقيس عليها كلام كبير جدا
بينما هي معناها ممكن يكون مختلف تماما وخلافة كتير فكون ان الناس مشعايزة تتعب نفسها او مترسخ في ذهنا عادات او معاني غلط خلاف المعاني الاصلية للكلام فدي ثقافة مجتمع , ليست الاكثرية علي صواب دايما