Sunday, March 01, 2009

عشوائيات


يعنى مصر اللى هى أم الدنيا و بلد الريادة , يوم ما يحصل فيها تفجير يكون ضحيته شخص واحد بس ؟!!! . ده العراق اللى معندهاش لا ريادة و لا هى أم الدنيا يوم ما بيحصل فيها تفجير بيروح فيه 40 و لا 50 واحد . قوم احنا اللى مصريتنا وطنيتنا حماها الله , بلد الريادة , بلد صفر المونديال , بلد الميت مليون شاب , بلد الكنبلة , بلد اللوبيا أم عين سودا دى , لما يحصل فيها تفجير , واحد بس اللى يركب الصاروخ !!! . عيب عليكى يا مصر . اخس عليكى , اخس بجد . فعلاً , دى من دلائل انحطاط العصر اللى احنا عايشين فيه . حياة عشوائية , تخطيط عشوائى , مناطق عشوائية .. كله كله عشوائى .. حتى الأرهاب فيكى بقى عشوائى , و غير منظم . فعلاً نحن نعيش عصر الأنحطاط , حتى فى الأرهاب .

--

وبعيدًا عن طريقة التنفيذ، وما إذا كانت القنبلة زُرِعت تحت مقعد حجري وفجرت عن بعد، أو ألقيت من على سطح الفندق المجاور، أو رماها أحد راكبي الدراجات البخارية، يبقى السؤال الأهم في هذا الحادث، والذي لايزال يحير الكثيرين هو: من وراء هذه التفجيرات وماذا يريد؟!

موقع "بريزون بلانيت" الإلكتروني المعروف بتغطيته لأنباء "نظرية المؤامرة"، حاول الإجابة عن هذا التساؤل عن طريق طرح بعض المؤشرات التي وإن لم ترقَ لمستوى الدلائل، إلا أنها تصلح لتكون نواة للبحث والتنقيب، وخيطًا لفك هذا اللغز.

وبحسب الموقع فإن هناك اشتباه على تورط الـ سي آي إيه والموساد في عملية الحسين الأخيرة بهدف الإطاحة بالرئيس مبارك، خاصة وأن الدولتين (أمريكا وإسرائيل) يشهدان في هذه الفترة حكومتين جديدتين، يشتركان في عدم التوافق مع النظام المصري، وإن تفاوت مستوى هذا الاختلاف، وهناك بعض المؤشرات التي تقوي هذا الاحتمال، وتوضح أن زعزعة الاستقرار المصري في هذه المرحلة من مصلحة هذين البلدين .... اقرأ الخبر كامل .

 


12 comments:

Che_wildwing said...

مش ركبة معايا حكاية السي أي ايه والموساد
وكل دماغى في قصة قانون الطوارئ
ويمكن عشان الأمر عشوائي
فد يرجح موضوع الطوارئ
قال عايزين يلغوا قانون الطوارئ قال

Shimaa Gamal said...

Hmmm ... a bomb with only one killed would threaten Mubarak's regime?!
I doubt. The regime wasn't threatened by more serious attacks directed towards the government. There were times when ministers were targets for bombs, even Mubarak himself was a target for assassination and none of this threatened the regime.
I like conspiracy theories but the CIA and a home made bomb, they could have done better.

Unknown said...

يارامز
ده أكيد واحد مسيحي حابب يفجَّر الحسين

Alexandrian far away said...

ليك حق فعلا لازم نعمل دورات تدريبيه لصناعة المتفجرات للأرهابيين
وياريت الباشمهندس جيمي الكبير وجمعية ضياع المستقبل بتاعته يتبنوا القضيه دي وربنا يساعدهم لما فيه خير مصر ولتكن لنا الريادة في الإرهاب كما هي لنا في كل شىء أخر

أنا رأيي أن واحد رافضي كافر مجوسي هو من فجر الحسين

Anonymous said...

ده انا سمعت ان مخلوقات فضائية لها يد فى الموضوع ده

بس على فكرة القونبلة اترمت من فوق لان لو اتحطت تحت مقعد حجري ماكانتش عنلت الخساير دي كلها لان الحجر بتاع المقعد كان هايحوش

dr.lecter said...

بص ممكن تكون الحكومه الفلسطنيين الجن الازرق المفتش كرومبو

بس النتيجه ايه؟

ولا حاجه احنا اللي اتضرينا في الاخر

عم مينا said...

هاهاها
أحلي حاجة في البلد دي اما تحصل مصيبة تتفرج علي رد فعل الناس و تشوف ازاي كل واحد عاوز يلبسها في حد..
الناس بتوع الموقع الجميل ده يقولولك الموساد و أمريكا و بتاع
الحكومة قبضت علي واحد ايراني و قالتلك تبقي فكرة حلوة لتثبيت فكرة الخطر الإيراني في المنظقة
شوية شباب علمانيين علي الفيسبوك قالولك دول أكيد حماس
المدونين المعارضين قالولك ده النظام هو اللي عملها علشان يقنع الشعب بمد قانون الطواريء
بلد بتاعة شهادات صحيح

mohra said...

طب و يشيلوه ليه و همه هيلاقوا احسن و اطوع من كده و بعدين من امتى احنا موضوع القلاقل ده بيشيل رؤساء عندنا
احنا الرؤساء عندنا ربنا وحده اللى بياخدهم

ذو النون المصري said...

اصبحت اشك في كل شيء يحدث في مصر بانه من تدبير خارجي
لاني لا اعتقد ابدا ان هناك اي مصري ممكن يتقدم للايذاء بعد التوعيه و التجربه المريره مع الارهاب طوال هذه السنوات الماضيه

Unknown said...

عشوائى

هو اكيد عمل عشوائى

ممكن مثلا يكون طالب فشل فى تعلم اللغه الفرنسيه

؟؟؟؟؟؟؟؟؟

Hend.feps said...

http://www.almasry-alyoum.com/article2.aspx?ArticleID=201616&IssueID=1336

على باب الله said...

أحلي حاجة في البلد دي اما تحصل مصيبة تتفرج علي رد فعل الناس و تشوف ازاي كل واحد عاوز يلبسها في حد..

--

شوف أنت بتكره مين و لبسهاله