Sunday, April 01, 2007

اعتذار

اعتذار

حيث ان البوست السابق

المسمى فعل فاضح

لم يلق استجابة من الكثيرين

و اخرون علقوا

انه غير مفهوم

و برضه

لان البوست ده

جبلى الشتيمة و الاهانة

على يد احمد ... بيسو

خيال الظل

فقد قمت بمسحه

شكرا لكل من علق

و لكل من شتم

ملحوظة

كل ما كنت اقصده

هو القهر و الاجبار على فعل اشياءك الطبيعية

فانت تفعل ما انت مجبر على فعله لكى تظل انت

لتحافظ على صورتك المصنوعة امام الجميع

هو لم يلمسها

و الاخرون اسقطوا

قذارتهم على اى ضحية

و فشلهم على الفتى

حتى الشاب ذو المسطرة الذى راها جسد فقط

غير اقواله ... لأنه مرغم على ان يظهر بمظهر

الشاب المحترم

الجميع ارتكب نفس الفعل

حتى هو اجبر على ان يكون متهم و لم يقاوم

حتى هى اجبرت على ان تكون ضحية و لم تقاوم

بس

الرجل الملتحى مجبر على ان يكون متدين و ان

يدافع عن الفضيلة ... فبحث عن فسق غير مرئى ليهاجمه

المرأة و الموظف

الجميع مجبر على فعل ما هو مجبر على فعله

9 comments:

ألِف said...

و مسحت التدوينة ليه؟ علشان ما حدش فهمها!

علشان اتشتمت؟ طب ما أنت ممكن تكتب عن رفض التوريث و تتشتم برضو!

لو كنت مسحتها علشان مش عاجباك فمافيهاش حاجة، لكن ما تلومش ال ما فهمش و ال شتم. فهمت قصدي؟ يعني أنت بتعتذر عن ال ما فهمش و للشتم.

و بعدين دالوقت التدوينة دي ما لهاش أي معنى لأن ال ما شافش ال فاتت مش هيفهم حاجة.

SPRING said...

انت ماسمعتش المثل اللي بيقول ، اللي بيسو يشتمه ربنا هايكرمه
و المثل المعروف ، اللي ماهو مفهوم ، مهضوم
يا عم انشرها تاني ، عشان أقراها و مافهمهاش و اشتمك و بعدين الغيها

Ahmed Shokeir said...

البوست الملغي أهه

ولو مسحته هانشره عندي ومالكش حقوق نشر

ياراجل ده كنت هاختاره بوست اوف ذا داي لولا غن الريدي عندي كان بايظ

1:34 AM (15 hours ago)فعل فاضح
from غواية...مجرد غواية by عباس العبد

هل مارست الجنس من قبل ؟

سؤال غريب

طبعا اذا كنت متزوج ستجيب بالنفى

بلا

اما لو كنت اعزب

فستهز رأسك بفحولة

بأن نعم

...................................

جميع التحقيقات اثبتت ان البنت عذراء

و انه لم يعتدى عليها ... فلماذا تصر- انت

على انك اغتصبتها .... لماذا تعترف بما لم يحدث ؟

.............................

جميع التحقيقات اثبتت انك عذراء

و انه لم يفعل شيئا .... لم يقربك و لم يلمسك ؟

فلماذا فى اعتقادك يعترف بما لم يحدث ؟

...............................

قد يبدو وقع الكلام غريب فى رأسك

هل انت مجنون

هل تظن نفسك احدى انبياء العهد

ام راقصةالمعبد

تعترف بالخطيئة قبل ان تقع

حتى تستحق مطهرك

حتى يغفر لك الهك افعالك المستقبلية

تعترف الان بما تنوى ... كعربون لمغفرة

ما سيتقدم من ذنوب ؟

فكرة جميلة .... ربما افعلها يوما

..............................

الفتاة

لماذا ذهبت معه الى القسم لتحرير المحضر

لم يحدث لها شىء

هل تشتهيه فى داخلها

تبغيه ... تتمناه

تتمنى لو فعلها

تتمنى ان على يديه تخرج من عالم

العذارى الى عالم السيدات ؟

فكرة جميلة ... ربما افعلها يوما

................

البداية

الاحتكاكات تحدث يوميا

عفوية من دون قصد

من اول حبوب اللقاح انتهاء بسرير يجمعكما

فلا داعى للحرج

فلولا تلك الاحتكاكات ...

لما كتب الكاماسوترا و لما شاهدنا تلك الافلام

نعم !!؟ .... الكاماسوترا

الم تقرأ الكاماسوترا .... الكاماسوترا يا رجل

......................

فى الاوتوبيس ... ذاهب الى العمل

زحام شديد

تلك الفتاة تصعد ... تفسح لها الطريق

و لأن الكمسرى قد اعلن ان الاوتوبيس فاضى قدام

تمر من امامك ... تصطدم بالرجل الممسك المسبحة

يرتل كلمات من الذكر الحكيم

ينظر اليك بغضب

كيف مرت من امامك

الاوتوبيس مزدحم ... و انت ممتلىء

المسافة ضيقة ... كيف سمحت لك

او كيف سمحت لها بالعبور

صوت سيدة بدينة يبدأ فى العلو

رجل بجوار النافذة يبدأ فى التململ و هو يقرأ الجريدة

شاب ممسك بالمسطرة حرف تى ينظر الى جسدها الشهى

تفكر – انت – فى امك المريضة

اول الشهر ... اول الاسبوع

الغسيل ... المرتب

الديون

تبدأ السيدة بالصراخ فى وجهك

ينعتك الرجل بالخنوثة

عديم الدين ... عديم الاخلاق

هكذا اعلن الرجل الملتحى

بت ملعب تمام ... كلمات اقرها الشاب ذى المسطرة

لم تفق ... لم تنتبه الا و الايدى تنهال عليك ليبعدوا عنك الفتاة

التى لم تقترب منها

سمحت بعبورها و انت سارح فى ما قدره الله لك

امام الضابط اعترفت بأنك الفاعل

الاهانات و الضربات اقوى من ان تقول الحقيقة

تريد التخلص منهم

السافل ....المنحط ... عديم التربية

يعلنها موظف الحكومة و السيدة البدينة موظفة التليفونات

و يؤكد كلامهم الشاب الصغير ذى المسطرة

اهو شاهد اهو يا بيه ... واد صغير و كان واقف فى حاله

هكذا اكد الرجل الملتحى على شهادة الولد

......................

الضابط يسألك للمرة الاخيرة

انت لم تفعلها ... فلماذا تعترف ؟

تجيبه

و هى ايضا لم يحدث لها شيئا ؟

فلماذا تصمت...؟

نعم ... انت لم تغتصبها

و هى لم تغتصب

انت لم تنكر الواقعة

و هى لم تنفها

لم تفتح – هى - فاها

..................................

يعلن القاضى براءتك

قبل ان تترك قاعة المحكمة

يسألكما للمرة الاخيرة

لماذا لما لم تنفيا الواقعة ؟

تجيب انت ... بصمتك

اما هى .... فتجيب بضحكة عالية

...................

هل مارست الجنس من قبل ؟

اذا كنت متزوج ستجيب بلا

اما

لو كنت اعزب

فستهز راسك مرارا

مؤكدا ... ان نعم

ستجيب بنعم

................

Bella said...

هذه اول مرة اعلق فيها عندك
ولكني متابعة لاغلب كتاباتك

ولااوافق على مسحك للتدوينة هذا طبعا اذا كان لموافقتي او رفضي اهمية

الحقيقة عندما قرأتها فهمت كل ماشرحته واعجبتني الفكرة جدا

ولو لم ينشرها احمد شقير لنشرتها لك مرة اخرى


ياللا رجعها بقى لو سمحت

احنا كمان لنا حقوق عندك

ولا مالناش

ماداهية لايكون مالناش اي حقوق في اي حتة حتى عند بعضنا البعض بعد التعديلات الدستورية

ههههههههه

أحمد said...

ايه البتاع دا ؟
فيها ايه يعنى لما انقدك او تنقدنى... هو لازم الكلام كله يبقي مدح مدح مدح
مفيش شتيمة؟

انت غريب يا اخى

-----------
دى اخرة اللى يقرأ كتب صنع الله إبراهيم كتير، يبقي مشغول طول الوقت بأن الناس تفهمه وتفهم الرسالة الاخلاقية والتربوية لللي بيكتبه

ودا مش شرط
مش شرط كل كاتت وهو بيكتب يبقي بيحس انه بيشخ الحكمة الالهية من طيزه زى صنع الله ابراهيم و يبقي زعلان لو الناس مش فهمته

اكتب على مزاجك وعيش وفرفش

عباس العبد said...

يا استاذ احمد
ان مقفشتش
ولا حاجة
كل الموضوع ان حضرتك بدا ما تنقدنى
شتمتنى
و ده مش نقد
و بعدين حضرتك عارف انى متابعك و حاطط لينك لمدونتك
لكن انا مش عايز شتايم فى المدونة
و لما لقيت شتيمة
مسحت البوست
انا مبكتبش الفاظ فى المدونة
بس
فهمت قصدى

الف
و
spring
ادى التدوينة تانى اهه
بس بلاش شتايم

احمد شقير
ادينا نشرت اهه

يا ست بيلا
انا متشكر جدا

يا سيد احمد
ده
اسبوع العيد
و لسه كنت راجع من الكنيسة
لقيت قفش
فأترفزت
بس
على العموم كل سنة و انت طيب
بمناسبة مولد النبى
و كل سنة و كلكم طيبين

هبة said...

كل سنة وانت طيب يا شرقاوي بمناسبة الاعياد
أنا متابعة مدونتك واول مرة أعلق ، أنا ماعرفش غير لقبك ( شرقاوي ) وفي بداية المدونة كنت متخيلة أنك محمد الشرقاوي ، وبعدين لقيتك بتتكلم عن المسيحية وصلاتك في الكنيسة فاتلخبط
:)
أنت طيب وجميل جدا ، ممكن اعرف بقى أنت مين
:)
هبة

نبيــذ said...

أنا مش هازيد على اللى قالوه

وبعدين انت يعنى مش عارف بيسو

مصيبه قدريه
تحولت اللى مصيبه مسلم بها فى الحياه البلوجيه

sandrill said...

يعني اشتمك أنا دلوقتي علشان أخليك تبطِّل حركاتك دي ؟

واحد عمل كومنت شتمك فيه تقوم سيادتك بدل ما تحذف الكومنت تحذف التدوينة بتاعتك ,, إيه الحلاوة دي

متعملش كده تاني