Tuesday, April 17, 2007

ولاد الناس


مانشيت جريدة الكرامة هذا الاسبوع

ولاد الكلب باعوا البلد

يشعرنى بالفخر بأنى من المعارضة

يملأنى بالسعادة

يدغدغ طموحى الوطنى

و يدفع بقواى الانسانية الى مداها

عزيز صدقى ... ولاد الكلب

الكرامة

عبد الحليم قنديل ... يتقيأ

مهدى عاكف ... طوز فى مصر

العربى ... قضايا مرفوعة من الاعضاء ضد الاعضاء

التجمع ... السعيد يقبل الشاذلى

و نعم المعارضة

زغرتى يالى انتى مش غرمانة

الحمد لله عندنا بش وتس

بالاحضان يا حزب يا وطنى بالاحضان

لا اعلم لماذا تصر المعارضة على دفعى باتجاه

الحزب الوطنى

عيطى يا ام فاروق ... عقبال ما اهدى و اروق

صوتى يا ام ناجى ... عقبال ما اروح و اجى

ولاد الكلب ... ولاد الكلب

مانشيت جريدة

و ولاد الناس

عنوان هذه التدوينة

........................................

La plus belle ruse du Diable est de nous persuader qu'il n'existe pas

الخطة الماكرة للشيطان اقناعنا بأنه غير موجود

3 comments:

fadydodo2004 said...

mesh fahem 7aga

محمد المصري said...

رامز اسمح لي أقولك إني مبقتش فاهم حضرتك ، مش معنى كده إني كنت فاهمك الأول ودلوقتي لأ ، بس حالياً مبقتش فاهمك أكتر ..

حضرتك مش عاجبك أسلوب المعارضة في التعبير عن غضبها من أسلوب النظام الحاكم وشايف إن كلمات مثل القيء وولاد الكلب تقطر بضع نقط حمراء على ثوب المعارضة الأبيض ، مش هختلف مع حضرتك ومش دي المشكلة ، المشكلة إن حضرتك معندكش نموذج واحد شايف إنه بيمثل نقطة نور أو حتى شخللة نور وسط العاتمة اللي إحنا فيها ، ممكن يكون الواقع أكثر قسوة وميكونش فيه ده فعلاً بس على مدار الشهور اللي فاتت اللي تابعت فيها مدونتك موجدتش النموذج أو الأسلوب أو الطريقة - سميها زي ما تحب - اللي ممكن تكون مناسبة للمواجهة أو التعبير عن الغضب ، من حقك طبعاً تكون غاضب على كل شيء وأكيد عارف برضه إن أغلبنا غاضبين زيَّك ، بس كل واحد مننا بيدوَّر على حاجة يحتفل بيها وشايف إنها نموذج للي المفروض يكون .. ولو مكنتش على أرض الواقع .. بيخلقها ، اسمح لي أسأل حضرتك : فين النموذج اللي انتَ شايفة أو متصوَّرة ؟؟

الناس بتموت في الشوارع وكلاب البني آدمين وكلاب الحيوانات بتنهش فينا واحنا لسه بنختلف في ( الكلام ) اللي ممكن نواجه بيه أو حتى نفضفض بيه عن الغضب اللي جوَّانا ، يا ترى نقول ( ولاد الكلب باعوا البلد ) ولا ( الحكومة باعت البلد ) ، هل من المناسب إن قنديل يقول ( قيء ) ولا يقول ( غضب ) .. هل إسحاق لما يبوس هلال يبقى ده بشكل شخصي ولا تصالح بين كفاية والحكومة !!

خليني أقول لحضرتك ملعون أبو المعارضة على أبو الحكومة ، مفيش حد فينا عنده قدرة حقيقية على إنه يبص للناس اللي في الشارع قبل ما يبدأ يتكلم ويكتب ويتصرف ويقول !

زي ما قلتلك أنا مش مختلف معاك في إنك تكون شايف المعارضة زي الزفت أو متفرقش عن الحكومة أو أسلوبها فوضوي - ودي حاجات خرجت بيها من البوست بتاعك - ، لكن بتمنَّى فعلاً تعبَّر عن الأسلوب اللي انتَ شايفة منوَّر ومناسب وسط الضلمة اللي إحنا فيها !

( بدلاً من أن تلعن الظلام حاول أن تضيء شمعة )

fadydodo2004 said...

اه فعلا.....شرقاوى بقت كل كتاباته عاملة زى افلام يوسف شاهين بالظبط

متعرفش منين يودى على فين