Wednesday, November 21, 2007

نداء هام

فى نقطة فى الموضوع مهمة جدا

و هى انى قربت اتحول

و ابقى مجنون

فى حاجة غلط و الانه اكبر من قدراتى العقلية

كريم بقردونى و سليمان فرنجية

و البنى ادم الى اسمه عون دول فى كفة

و الاستحقاق و اقليم التفاح و عام الرماد

و بتوع منظمة التحرير و مخيمات اللاجئين

دول فى كفة تانى

و مزز لبنان و قنوات ال ال .بى . سى

الفراغ و شو و نسم علينا و ابلج و بيير لجميل

و رئيس مارونى و سنى و شيعى و سوريا

و اخيرا ميشيل اده

و الواد غسان و البت بشرى عبد الصمد بتوع الجزيرة

و حروب عالمية على الاراضى اللبنانية

و ايران و امريكا و جنوب و شمال و الغربية و الشرقية

و هيفاء و هبى و البطريرك صفير و الجبل و صوت فيروز

و ثورة الارز و كوشنير و فرنسا

و توافق التوافق

و بتوع 14 و بتوع 8 و سمير جعجع

و جنبلاط

انا بقالى اسبوعين قاعد اقرأ اى حاجة مكتوب عليها

لبنان .... كتب و مجلات و جرائد و حتى مدونات

و كل قنوات لبنان على الدش مكنتش بتفرج غير عليها

ال . بى . سى و المنار

مش فاهم اى حاجة

دروز و شيعة و سنة و مارون و ارمن و ارتودوكس

و خمسين زائد واحد و التلتين

حتى اسرائيل معتقوهاش و ليها يد

مفيش حد غلطان و مفيش حد صح و حاجة اخر ضلال

دول عايشين ازاى

انا مش فاهم بالظبط دول بيفكروا ازاى ؟

عون كان مع دول بقى مع دوكهم و الى اسمه صفير

مقلش كلمة مفهومة فى الوعظة

و جعجع و جنبلاط سفاحين بيتكلموا على سلام لبنان

و سعودية و سعد و حريرى

حد من الاخوة .... ممكن يدلنى على مجموعة كتابات

اقراها تريحنى و تبتدى تحطينى على اول الطريق

فى المناخوليا اللبنانية

دول مجانين

مفيش معسكر تقدر تثبته

كلهم بيتنططوا ... مرة مع ده و مرة كدا و مرة دوكها

حد ممكن يفهمنى ؟

واحد صديقى من اهم 5 مثقفين فى مصر و الشرق الاوسط

قال لى حكمة

صديقى عكاشة قال لى

لا يمكن انك تفهم لبنان كويس

الا لو كنت

يا اما

مثقف لبنانى من الغطيس اللبنانى

يا اما

تكون مزة بتعرف تغنى و تقلع و ترقص

فى لبنان ... بيحبوا الحياة

بيغنوا و يرقصوا فى كل مناسبة

بيغنوا لكل حاجة و بيرقصوا على كل حاجة

و بيقروا فى كل حاجة و بيترجموا كل حاجة

لبنان .... هى مزة العرب و حرمة الحريم

و بدل ما العرب ما يحافظوا على حريمهم

حولوا مزتهم لواحدة ماشية فى الحرام

لست ملعب وشها ملطخ بالمكياج

بتبيع نفسها لأى حد و لأى حاجة

علشان تكسب اى حاجة

فاهم حاجة ؟




2 comments:

Nani said...

السلام عليكم
في لبنان اختلط الحابل في النابل
انا تابعت برنامج حرب الطوائف على الجزيرة
وحاولت ربطه مع اي حدث على ارض الواقع او بما كنا نسمعه
فما زادني الا حيرة
للان ما زلت لا اعرف من مع من
لكني اعلم يقينا ان الشعب اللبناني
يعرف هيفاء واليسا ونانسي

Ragi said...

هى لبنان كده ، طول عمرها كده ، وده احلى حاجة فيها ان الناس بتكره بعضها لكن عايشين مع بعض فى تعاون علشان لقمة العيش
بس فعلا احلى نسوان من لبنان