Friday, November 23, 2007

ولاد فقرية




.....................

هذه الحملة وجدتها
فى المدونات و على الميل
و هى ترد على تصريحات ساويروس
بخصوص الحجاب و التحول الايرانى للشارع المصرى

..........

انا انضميت الى الحملة
و حغير خط الموبايل
و مش حروح الجونة
مش حشرب بيرة
مش حتكلم من القلب
و لا حبقى من اجدع ناس
.........

انا مكنتش اعرف انه كافر و الهى
هم الى قالولى
الله ينور طريقكم
ربنا يهديكم
ربنا يجعل بيت المحسنين عمار
الحمد لله
الذى انقذ عبده من الضلال
و اهدانى الطريق القويم
.......

شارك معايا فى الحملة
يمكن نخرب بيته

.............

يا ولاد الفقرية
هههههههههههههههههههه
غلبونى فى البانرات
و
الحملات
ولاد فقرية صحيح

10 comments:

bluestone said...

انا مش هقاطع الله يقطعهم

وهشوف
OTV

قال عايزين يخربوا بيته قال بالمقاطعة
العالم دي هبلة ..

ده كل استثماراته في مصر ما تجيش واحد على عشرة من استثماراته في العالم ..
ده بيستثمر في مصر من باب العشم مش اكتر ..

قال مقاطعة هذا الكافر قال

وواحد تاني عبيط كان بيقول لازم الكنيسة توقفه
ده على اعتبار ان خريطة برامج أو تي في بتطلع من الكنيسة

وبرنامج تسويق موبينيل بيتعمل في اسقفية الشباب
هيهيهيهيهي

Gemyhood said...

شاهدت الحملة الكوكبية دى

بصراحة حاجة رائعة تحسسك قد ايه خلية ميم اصبحت قويه لتناطح الكفرة و الرأسماليين المتحكمين بسلطة المال و خطوط المحمول

الى الامام ايها التنظيم الكوكبى

الى اللانهائية و مابعدها

فوووووووووووووووووو

mary victor said...

هههههههههههههه
ما هما عايشين حالة فراغ
و بعدين مابقوش يقدروا يعيشوا من غير ما يقاطعوا حاجة
سنتين كمان و هيقاطعوا نفسهم
مش عارفة ازاى بس هما جديرين بإنهم يلاقوا طريقة
على فكرة او تى فى احسن قناة فضائية حاليا

Anonymous said...

ههههههههههههههههههههههههههه

طب في مشكلة خطيرة بتواجهني دلوقتي ممكن تسألي حد يفتي كده موقفي يبقى عامل إزاي
أصل انا الخط اللي معايا فودافون أصلا فأقاطع ساويرس إزاي ينفع أشتري خط موبينيل و أرميه

Anonymous said...

طيب يا عم رامز أنا جايب لك هدية
دوس ع اللينك ده و قول لي رأيك
دوس هنا

ههههههههههههههههه

لأ ده بيقول لك كمان عايزين يقاطعوا الشركات اللي بتعلن على
OTV

karakib said...

زمااااااااان
اتقال
قاطع اريال و اومو و ماكدونالدز و بيتزا هت و مارلبورو وميريت و بيبسي و كوكاكولا

كان النتيجة ايه ؟؟ ازدادت مبيعاتهم
اصل دي اعلانات ببلاش كده

بنت القمر said...
This comment has been removed by the author.
بنت القمر said...

مرة شفت ساويرس علي انترفيو في او تي في
بيقول انه مره جالو واحد مسيحي طالب يتوظف وحط صوره العدرا في وسط اوراقه من باب البركه او من باب اعلان هويته اقطع طلبه واحتفظ بصورة العدرا في جيبه
المعني انه راس المال لايعرف الا مصلحته موظف غير كفؤ لا يقبل طلبه ولكن العدرا علي العين والراس
الحقيقه اني احترمته ليه عشان مكدبش ولاقال كلام ملاوع ولا متعصب برضه
المقاطعه سلاح مهم بس الحمله دي لا اتوقع لها النجاح عشان اسبابها مش مقنعه مش متفقه مع بلو انه بيستثمر في مصر من باب العشم بالعكس ليه هنا ارضيه وتقل كبير وصلات سياسيه قويه وعلي اعلي مستوي ويقال انه صديق جمال مبارك الشخصي وانه كان معزوم علي فرحه من ضمن رجال اعمال قلائل
اسباب الحمله بالنسبه لي مش مقنعه ليه؟؟
اقولك
افلام او تي في جريئه فعلا وبيجيبوا دروس رقص شرقي وحاجات ممكن اتحفظ انا عليها
ولكنلو نظرت الي الضفه الاخري من البحيره
هاله سرحان في دريم كانت بتجيب بلاوي من الهيافه والتفاهه وهي مسلمه واحمد بهجت متدين!!المفروض يعني!!
ليله راس السنه مره جابت فيفي عبده وشعبان عبد الرحيم واسمهان الراقصه البرازيليه
ودا من راي المتواضع تغييب للعقول برضه وتقديم رموز السخف والابتذال قدوة في ليله تعتبر الاعلي مشاهده
طب ماهم دول مسلمين
انا معرفش قال ايه علي الحجاب
ولكن في علمانيين وملاحده وفئات كتير ترفض الرموز الدينيه ومنها الحجاب وهم مسامين
طب لو كان فرضا رافض للحجاب مش من باب اولي نحاسب المسلم بدل المسيحي
الوليد بن طلال بيقدم كليبات مبتذله جدا علي روتانا كليب من هيفا ونيلي مقدسي ووغيرهم
اشرف مروان الابن بيقدم دانا ودومينيك بتاع مزيكا محسن جابر بيقدم عربي واجنبي ناس كتير تتحفظ عليه
اشمعني ساويرس
اقولك برضه اعتقد هو نوع من الحسد الطبقي بجد والله
حسد ان ناس في مصر تملك المليارات وساويرس يصنف 250 اغني علي مستوي العالم واخرين مش لاقيين اللضي
ولما يكون الجو طائفي ومحتقن يقوموا يقولوا شوفوا المسيحي الكافر عاوز يبوظ ولاد المسلمين
بس
عموما انا فودافون وبشوف او تي في
اللي بيرضي عقلي بعمله بدون حساسيات ولا غباء ولو ها اقاطع انا قاطعت هاله سرحاان من زمان
لاني مش بحترمها
وقاطعت روز اليوسف
وقاطعت بيبس عشان عندي قرحه معده
ومقاطعه الفيس بوك
عادي بشوف مصلحتي
تحياتي

^ H@fSS@^ said...

ايه ده يا عبس
تقاطع نجيب
لا لا لا متخلنيش اتهور و اعمل حملة مضادة حاكم الحكاية بقت لذيذة و بيتحرق فيها اعصاب ناس تانيين كتار
ما انا عندي او تي في و زي العسل اهو مش بشوف فيه اي قلة ادب
طيب ده انا حتى نفسي يغلطوا و اشوف منظر مش و لا بد
لا يا راجل لا

بعدين مقاطعة ايه يروحوا يتلهوا
عالم موتورة
طيب انا حغير خطي بلموبينيل و عني ما سمعت اللي بيتصل كويس
:D

The Alien said...

أنا فودافون
مقاطعة إلي اﻷبد .........

فعلا ولاد فقرية
تحياتي