Monday, November 19, 2007

المجد للتوك توك

الصراحة انا مفقوع
من الحكومة
سيبوا التوك توك و دلوقتى عايزين يلموه
حاجة تعل


.......

اقرأ معالجة كاملة عند
مختار
........

شارك فى حملتى المتواضعة
اشمعنى انا معملش حملة
...............

حملة
المجد للتوك توك

...............

الصراحة التوك توك حل ازمة مواصلات جامدة
و خصوصا فى الارياف
للمناطق الى مبتخشهاش الميكروباصات و العربيات
و دى مهمة جدا
و فرقت جامد فى الصعيد
و وسيلة دمها خفيف و لذيذة للسياحة

.....................

فمفيش اى مبرر
للحكاية دى
غير حاجة من اتنين
يا اما مختار بيكدب
يا اما
الحكومة مخها ضرب
و بما ان الحكومة مخها ضارب اصلا
و مختار مبيكدبش

يبقى اللعنة
على الابراج
و
المجد كل المجد للتوك توك
.....................

طبعا
فى ناس احسن منى فى الحملات دى
و ممكن يعملوا تصميم احسن منى
فانا منتظر التصميم
علشان اغير الى انا عمله

8 comments:

HafSSa said...

الله كده انت عاوزني اوقع على حملتين
مش كتير كده؟؟ حتفقد مصداقيتك يا عباس
على العموم الحرية للتوك توك اللي بصراحة عمري ما ركبته لغاية دلوقتي و برضك حنادي باعلى حسي لحرية اصابع قدميك الكريمتين
تحياتي

عمرو عزت said...

أنا معكم

GEMYHOoOD said...

يا عبس

انا شايف اننا فعلا مقصرين و الاخوة هاينعتونا بكارهى الحملات و انا شايف ان حملتك العظيمة دى لازم ندعمها و نقف وراها بكل باناراتنا

انا معاك فى الحملة و ربنا يستر

مختار العزيزي said...

ونهيب بالسادة أمناء الشرطة وجميع رتب وزارة الداخلية القيام بحملة مضادة .

هو الشروع في حملات أو المشاركة فيها أو عمل البانرز بيسبب زعل لمعظم المدونين ليه؟ ما البلوجز ببلاش والكي بورد الكويسة بخمسة وتلاتين جنيه يبقي ليه ما تكتبش اللي في نفسك.

Nani said...

السلام عليكم
يعني لو جيت مصر مش رح اركب توك توك؟
انا معك

بنت القمر said...

يعني مش كفايه حمله كلنا
سي السيد اللي كانت ردا علي كلنا ليلي وبائت بالقشل الذريييييع
هاهاها
احسن
تاني حمله للتوك توك
غموما فر ماي اوبينيان التوك توك احسن من الحناطير اللي في بلاد كتير مش صغيرة تعتببر وسيله مواصلات رسميه عن نفسي شفتها في كفر الشيخ ببشاعه طبعا اقصد الحناطير
بالنسبه لسؤالك السابق
مدح ولاذم؟؟ لما ترد علي سؤالي السابق حسن نصر الله عميل ولا لا؟
خخخخخخخخخخخخخ
بس عموما يا عزيزي انا ما بعلقش الا علي موضوع بيشدني ويعجبني واظن انا قلت مع وافر الاحترام في تعليقي السابق
ما بحبش ابرر كتير ولا حد بسوقني عشان امدح فيه
بس
بوست سي اوف بيس انا لطعته علي ماي ريدر
يبقي ازاي ذم
بس دا برضه مش مدح
خخخخخخخخخخخخخخ
بلاش نظريه المؤامره يا عزيزي
انا كان شعوري يغلب عليه الاندهاش اكتر
من طريقه التفكير
والاندهاش والاستغراب مش معناه رفض
معناه اندهاش وعجب
تحياتي

mohamed h. said...

لاتبكي يا عفشة انه عصر الانفتاح

http://kenooz.blogspot.com/2007/11/blog-post_07.html

Innocent said...

كثير ما كرهت وجود الباعة على الأرصفة والحق أنهم يشغلون الطريق ويعطلون حركة المشاه. ولكن حين أتأمل واقعهم أجد انه على كل من يطالبهم بترك الرصيف أن يدعهم بعمل أخر أو بكشك في مكان محترم.
ببساطة، لماذا التوك توك في شوارعنا؟ إنها حاجة إقتصادية لأصاحبه وخدميه لمستخدميه.
المشكلة أعمق من مجرد توك توك. والحكومة لا تزال سطحية.
تحياتي