Saturday, December 15, 2007

ولاية

معاوية

حينما أراد أن يأخذ البيعة و ولاية العهد لابنه قبل أن يموت،

جمع الناس في المسجد وقام أحد رجاله "يزيد بن المقنع العذري"

فقال : "هذا أمير المؤمنين" وأشار إلى معاوية

"فان هلك فهذا" وأشار إلى يزيد

"ومن أبى فهذا" وأشار إلى سيفه،

فقال معاوية "اجلس فأنت سيد الخطباء…"

31 comments:

HafSSa said...

بص
انا طبعا ولا ممكن افهم انت ليه اخترت المقطع ده بالذات
لو على بيان البلاغة فالامثلة كتير
بس اللذيذ ان المقطع ده بيوريك شغل المعلمين بتاع زمان
قمة الفصاحة مش زي اليومين دول اللغة متشلفطة و مش باين لها ام من اب و كمان الاسلوب بمنتهى الشياكة و حسب اصول الأتيكيت
يعني بياخد بيعة و هي مقررة اصلا رايحة لمين لكنه برضه بيديهم الفرصة الاخيرة في اعادة تقييم اختيارهم
يا انا
يا ابني
يا الموت يا ولاد الكلب
عن نفسي حقولك ملعون يا معاوية انت و سلسالك الباطل من قبلك و من بعدك
تحياتي
و الله يخرب بيت شيطانك على ده اختيار
:D

Innocent said...

معاوية مثال، ومن قبله الخلفاء الراشدين أمثلة. بالرغم من قربهم جميعا لعصر الرسول، الا انه ولا واحد منهم يكفي لاثبات نجاح الدولة الدينية.
ان حادثة مقتل عثمان بن عفان بكل ملابساتها لهي اوضح مثل على فشل فكرة الدولة الدينية.
وهي حادثة موثقة في تاريخ الطبري وغيره من الكتب
ومع ذلك لازال شعار الاسلام هم الحل مرفوعا

m5m said...

مش فاهم بصراحة الهدف "الغير برىء " وراء اختيار ذلك النص ولا أرى داعيا لاقحام الخلفاء الراشدين فى الأمر..يا عباس..احترس....منطقة ألغام

بنت القمر said...

عزيزي عباس
اذا كانت الحكايه اسقاط علي الواقع السياسي الحالي يبقا جميل
ولا فض فوك بس معاويه الحالي مش بياخد بيعه لابنه ولا ابنه يقدر ياخدها بعد موت ابوة
دا رايي
تانيا اذا تقصد كيفيه انتقال الحكم في الخلافات الاسلاميه
فدي طريقه قبليه اما الرسول نفسه فلم يترك خلفه رجل حكم
فقط امر ان يتولي ابو بكر الامامه في الصلاة يعني منصب ديني مش حكم دنيوي
اما كيفيه اختيار ابو بكر خليفه
اكتب في الجوجل سقيفه بني ساعده
وها تدلك كيفيه ان الامر كان شوري بين المسلمين مش فرض لاختيار الاصلح
تحياتي

بنت القمر said...

سقيفه بني ساعده

Alexandrian far away said...

أيه الحكمه دي يا عم ؟
التدوينه بتنقط حكمه وبلاغه والله
أزاي أنا كنت حارم نفسي من فيض الحكمة ده كله
مساك عسل
هو تقريبا كده التاريخ بيعيد سخافته من جديد والمره دي مع العاهتين الاب وأبنه
أما بقى السقيفه
وما أدراكك ما السقيفه
فلا حدث في التاريخ كله أكثر غموضا وضبابية من تلك السقيفه
مصيبه
كل سنه وأنت طيب

Alexandrian far away said...

رامز على فكره
معاويه مش خلفاء راشدين ولا دياولو
والحادثه مثبته في أمهات الكتب
كل سنه وأنت طيب تاني برضه

Ragi said...

اولا شكرا على الاغنية الخاصة بالحج واعتبرها مشاركة جميلة فى عيدنا الكبير واحب ان اعيد عليك بمناسبة الكريسماس وراس السنة فكل عام وانت طيب ياباشمهندس

أبوفارس said...

هع هع هع
خلفاء راشدين..
وده تبع شارع "هارون الرشيد" بمصر الجديده..
معاويه من الخلفاء الراشدين..؟؟!!ويزيد بن معاويه كمان ..ياحلاوه ياولاد
حقيقى العلم لايكيل يالبدنجان..
ﻷ وبيقولك منطقه ألغام..ياأخ قول منطقه تخلف عقلى..مساء البانجو..خالد

m5m said...

الأخ بتاع التخلف العقلى اللى اسمه أبوفارس...هو و الاسكندرانى..أقروا تعليق اننوسينت (تانى تعليق) وانتوا تعرفوا ايه اللى جاب سيرة الخلفاء الراشدين..التخلف ده عندك انت وابنك فارس

أبوفارس said...

طب ياأم ياأبن أم..طلع صباعك من مناخيرك وروح أقرا..وقل لى ياشاطر..أسم الجنى اللى قتل الصحابى الوحيد اللى رفض بيعه "عمر بن الخطاب" وهو فى طريقه للشام قالك أيه عشان تبول واقفا..وبالمره عدد المسلمين اللى ماتوا فى واقعه الجمل..وعشان الحبايب عثمان عمل أيه ف أبو ذر الغفارى..أقرا وأفهم وشغل الماده الرماديه اللى ف جمجمتك..وبطل والنبى تقدس كل شئ وكل حد واﻷهم بطل تاخد معلوماتك من كاسيات التوك توك..وقوم أقف وأنت بتكلمنى..وماتفتكرش أنك حاتخوفنى لما تقوللى راشدين ولا خلفاء..أما الواد فارس فهو ١٠ سنين ويتقن ٣ لغات زيك كده بالظبط..بتتكلم صعيدى وأسكندرانى وشبراوى..روح ..روح ألعب بعيد..ملحوظه..صاحب التدوينه مالوش دعوه بالكلام ده خالص..وله الحق طبعا فى حذفه..لكن أنا مفقوع م الخلق اللى بتوزع حسنات وسيئات.. وأجدعهم لايجد مؤخرته ف الظلام...تحياتى..خالد

spellz said...
This comment has been removed by the author.
spellz said...

ana wbny mn ba3dy wlad l.....
lol

Nice!

HafSSa said...

انا قريت الرابط بتاع سقيفة بني ساعدة
و مش عارفة اقول ايه
بالنسبة لي ده اكبر دليل على عدم وجود اي نوع شورى في حكم المسلمين و من اول الخلفاء الراشدين
اولا اهتموا بموضوع الخلافة قوام قوام من اول يوم مات فيه الرسول اللهم صلي وسلم عليه
و ثانيا طريقة عمر بن الخطاب في بته للامور مافيهاش حل تالت
يا اما يوافقوا كلهم على راي معين يا اما القتل
و ثالثا و ده بالنسبة لي غريبة شويتين
هو اختفاء علي بن ابي طالب اختفاءا تاما في مجرى هذه القصة و حاجات كتيرة صعب سردها كلها هنا في التعليق بس و ان دلت فانها تدل على عدم وجود اي نوع شورى في تحديد الحاكم و في قصة تانية كنت قراتها عن عمر بن الخطاب من كتاب بيحكي سيرته و القصة دي عن وقت توليه هو للخلافة بعد موت ابو بكر الصديق
و تلخيصا يعني للموضوع انه اقام مجلس شورى من 6 صحابة و سالهم اذا كانوا يوافقوا يبياعوه كخليفة للمسلمين و لا لأ و هما قبلوا و خلصت الحدوتة
بس مش عارفة ازاي تتم البيعة ب 6 بس و مين هما عشان يمثلوا الامة الاسلامية و ازاي عمر ابن الخطاب المعروف بعدله انها تعدي عليه الحركة دي و ميحسش انها قمة الظلم و عدم اعتبار الراي الاخر و تغطية للراي العام وقتها؟؟؟؟؟؟؟؟

قال صحيح يا ابو فارس
هو حد من تبول و هو واقف القتل؟؟
امال سابوا ايه للقاتل و مغتصب و غيرهم؟؟
دي تبقى موووووووصيبة

m5m said...

أبو فارس:-

بص يا شاطر...أنا مش حاقلبها ردح معاك أو مع غيرك..انت علقت أول تعليق من غير ماتفهم سبب كلامى وضحت لك أنا باقول ليه الخلفاء الراشدين...قليت أدبك وقلت تخلف عقلى وبانجو رديت عليك وقلت لك أهو انت...أكتر مش كده مش حاطول معاك فى أى سفالة .....

ورجاء ليك وللأخت حفصة بالعقل كده ماحدش فينا مؤهل اته يقيم خدام عمر بن الخطاب اللى مش عاجب حفصة ولا عثمان ذو النورين وأحد المبشرين بالجنة اللى مش عاجبك.....ياخوانا فوقوا بقى أنا لاوزعت حسنات ولا سيئات على حد بس برضه ما ينفعش كل اللى اتعلم كلمتين و قعد ع النت شوية يفتكر نفسه أتى بما لم تأتى به الأوائل...ولما نختلف على ديننا ننقى المكان اللى نختلف فيه مع شديد احترامى لصاحب المدونة

أخيرا يا خاج خالد: أنا عمرى ما ركبت توك توك للأسف..ولما عربيتى بتعطل باركب تاكسى....خللى التوك توك للننوس اللى عنده 10 سنين

HafSSa said...

المدون ام فايف ام
اولا: متقوليش الاخت عشان انا مش اخوان مسلمين و بكره اوي اللقب ده ممكن تقلي حفصة حاف مش حزعل منك او اقيم الحد يعني

ثانيا: اذا انت شايف بالعقل انك انت اللي مش قادر على تقييم حد من الخلفاء يبقى ده شئ انت تفرضه على نفسك مش عليا و لان الخلفاء دول ناس مش قديسيين و بالتالي مافيش اي مانع اسلامي يقول انه ممنوع الحديث عنهم و اذا انت بتقدسهم بالشكل ده فخد بالك ممكن كمسلمة اعتبره اشراك بالله و يبقى فيها رقاب طايرة

ثالثا: انت قلت مينفعش كل اللي اتعلم كلمتين او قعد عالنت شويه يفتكر نفسه اتى بما لم تاتي به الاوائل
و انا احب اسالك هو معنى ان احنا فكرنا و سالنا اسئلة او حابين نستفسر عن موضوع معين يبقى احنا كدا بنتعدى على حقوق حد ؟
هل احنا سبينا حد او شتمنا حد؟
احنا بنتسال عن اشياء حدثت و من حقنا الالمام بتاريخنا و بديننا و مش شايفة اي مبرر منك انك تتهمنا ان احنا محدثين ثقافة او علم و دي اهانة ابشع من اي شتيمة لانك افترضت فينا الجهل و دي قلة ذوق و لا حضرتك شايف ايه؟؟

اخيرا
حكاية ننقي المكان اللي نختلف فيه دي مش مفهومة
ايه اللي يمنع ان احنا نتناقش هنا؟؟
ولا عشان صاحب المدونة مش مسلم فانت مكسوف تتناقش ادامه في شؤوون ديننا؟ مش شايفة اي شئ يدعو للاختباء
و كأن الشان المسلم قوي البنيان و خفاياه مخفيه عن عيون الاخرين و احنا هنا جينا فضحنا شئ لم يكن من المقرر اكتشافه
كل امورنا كمسلمين واضحة للعيان و مش حيقلل منها شئ لما نتناقش فيها هنا

بنت القمر said...

عزيزي عباس العبد
الاخوة المعلقين
كل عام وانتوا طيبين
اولا لم اورد رابط السقيفه الا كي يستفيد منه الاخرين
ولا ان يتحول الموضوع الي شتيمه وتلقيح تانيا الحكايه برضه مش تقييم ابو بكر ولا عمر ولا اي خليفه ببساطه هم صحابه اجلاء وبرضه احنا معندناش قديسين في الاسلام يعني تصرفاتهم تحتمل الخطا فكل بني ادم خطاء
تالتا زعلت اوي ان البعض قرا اول سطرين من الرابط ودش تعليقه واذلك استئذن عم عباس في كتابه تلخيص الرابط وهو الجزء الرئيسي منه
***********************************
فالحجج التي تحتاجَّ بها المجتمعون هي حجج سياسية وقبلية والمكانة من الرسول الكريم والدور في نصرة الإسلام , واختيار أبو بكر كان حلاً وسطاً عملياً لا يستند إلى أي أسانيد دينية , فرغم ورعه لم يكن الأكثر ورعاً , ورغم علمه بالدين لم يكن الأكثر علما , ورغم دوره من نصرة الإسلام لم يكن الأعظم دوراً , ورغم صحبته للنبي عليه الصلاة والسلام فإنه لم يكن ينفرد بذلك . لقد كان المجتمعون في السقيفة ثلاث
فئات : الأوس والخزرج والمهاجرين , ونظراَ لحذر الأوس من الخزرج , وهؤلاء من أولئك نظراً للعدوات القديمة , لم يكن من الممكن أن يختار " الخليفة " من بين الأوس ولا من بين الخزرج , عندئذ انحصر الاختيار في المهاجرين . وإذا أخذنا في الاعتبار حرج الظرف الذي تمر به جماعة ناشئة , لا زالت محاطة بالأعداء من خارجها , وبقايا النعرات القبلية من داخلها , فإن الحكمة اقتضت سرعة حسم الموضوع , فما أن اقترح عمر بن الخطاب أبي بكر الصديق حتى تم الاتفاق .
إلا أن هذا الاجتماع , ما دار فيه , وما تمخض عنه يدل على عدم وجود إجماع كامل حول أسلوب الحكم , بل وحول فكرة الدولة نفسها , وهو الاختلاف الذي سوف يستمر في وجهات النظر بخصوص الخلافة والإمامة .

لقد تولى المهاجرين السلطة الفعلية في الوقت الذي ابتعد الأنصار عنها كثيراً دون أن يكون للتسوية التي طرحها أبو بكر في السقيفة " نحن الأمراء وأنتم الوزراء " أي نصيب من التنفيذ باستثناء مشاركة تمت لهم في عهد عمر بن الخطاب الذي قرب منهم جماعة على حساب قريش ومشاركة أكثر فعلية في عهد علي إذا اعتمد عليهم في إدارته وحروبه نتيجة موقفهم المؤيد له في تولي الأمور في السقيفة رغم أن هذا الأمر يشوبه الإبهام وذُكر فقط عند الطبري واليعقوبي
اشكركم وكل عام وانتو بخير

بنت القمر said...

عزيزي عباس العبد
الاخوة المعلقين
كل عام وانتوا طيبين
اولا لم اورد رابط السقيفه الا كي يستفيد منه الاخرين
ولا ان يتحول الموضوع الي شتيمه وتلقيح تانيا الحكايه برضه مش تقييم ابو بكر ولا عمر ولا اي خليفه ببساطه هم صحابه اجلاء وبرضه احنا معندناش قديسين في الاسلام يعني تصرفاتهم تحتمل الخطا فكل بني ادم خطاء
تالتا زعلت اوي ان البعض قرا اول سطرين من الرابط ودش تعليقه واذلك استئذن عم عباس في كتابه تلخيص الرابط وهو الجزء الرئيسي منه
***********************************
فالحجج التي تحتاجَّ بها المجتمعون هي حجج سياسية وقبلية والمكانة من الرسول الكريم والدور في نصرة الإسلام , واختيار أبو بكر كان حلاً وسطاً عملياً لا يستند إلى أي أسانيد دينية , فرغم ورعه لم يكن الأكثر ورعاً , ورغم علمه بالدين لم يكن الأكثر علما , ورغم دوره من نصرة الإسلام لم يكن الأعظم دوراً , ورغم صحبته للنبي عليه الصلاة والسلام فإنه لم يكن ينفرد بذلك . لقد كان المجتمعون في السقيفة ثلاث
فئات : الأوس والخزرج والمهاجرين , ونظراَ لحذر الأوس من الخزرج , وهؤلاء من أولئك نظراً للعدوات القديمة , لم يكن من الممكن أن يختار " الخليفة " من بين الأوس ولا من بين الخزرج , عندئذ انحصر الاختيار في المهاجرين . وإذا أخذنا في الاعتبار حرج الظرف الذي تمر به جماعة ناشئة , لا زالت محاطة بالأعداء من خارجها , وبقايا النعرات القبلية من داخلها , فإن الحكمة اقتضت سرعة حسم الموضوع , فما أن اقترح عمر بن الخطاب أبي بكر الصديق حتى تم الاتفاق .
إلا أن هذا الاجتماع , ما دار فيه , وما تمخض عنه يدل على عدم وجود إجماع كامل حول أسلوب الحكم , بل وحول فكرة الدولة نفسها , وهو الاختلاف الذي سوف يستمر في وجهات النظر بخصوص الخلافة والإمامة .

لقد تولى المهاجرين السلطة الفعلية في الوقت الذي ابتعد الأنصار عنها كثيراً دون أن يكون للتسوية التي طرحها أبو بكر في السقيفة " نحن الأمراء وأنتم الوزراء " أي نصيب من التنفيذ باستثناء مشاركة تمت لهم في عهد عمر بن الخطاب الذي قرب منهم جماعة على حساب قريش ومشاركة أكثر فعلية في عهد علي إذا اعتمد عليهم في إدارته وحروبه نتيجة موقفهم المؤيد له في تولي الأمور في السقيفة رغم أن هذا الأمر يشوبه الإبهام وذُكر فقط عند الطبري واليعقوبي
اشكركم وكل عام وانتو بخير

HafSSa said...

مين يا بنت القمر اللي قرا الرابط و دش تعليقه؟
يا ريت تقولي الاسم عشان ميحصلش لبس عند بعضنا
الى الان انا و اعوذ بالله من كلمة انا اللي قالت انها قرات فلو قصدك عليا منين حكمتي اني مقرتش غير اول سطرين؟
ده لو على اساس اني انا المعنية بنقطة رقم تلاتة من تعليقك و لو مش انا يا ريت برضو توضحيلي
شكرا

عباس العبد said...

كل سنة و انتم طيبين
و تعود علينا الايام بخير
.......
يعنى اسافر و ارجع الاقى معركة
مش مشكلة
نخش فيها
......
اولا
انا عايز اقول حاجة مهمة
انا ليه حطيت البوست ده
انا حطيته لأن
يزيد بن المقنع العذرى " صنايعى " لو حد فاهم قصدى
معلم قفلها ضبة و مفتاح
و محدش من الى قاعدين عرف يرد عليه
و بما انى انا تعجبنى اللعبة الحلوة
فحطيت البوست
يعنى لو الرئيس بتاعنا ورث لأبنه بلعبة حلوة حتعجبنى حتى لو انا مش عايز توريث
المهم الصنعة
و اهم من الشغل ... ظبط الشغل
شغلتى مهندس بقى اعمل ايه
بس خلاص
..........
ثانيا
سقيفة بنى ساعدة
انا قريتها كويس و حافظها تمام
و قارى تاريخ الدولة الاسلامية من اول ابو بكر حتى سقوط العثمانيين
كأى مصرى عادى بيقرأ و بيحب المعرفة
لكن انا كغير مسلم
بعتبر ان الدولة بعد موت الرسول خاضعة للتقييم
لأنها فى المباشر "دولة "... اى تخضع للنقد المدنى
دولة كان فيها مسيحيين و مسلمين و يهود
كانوا مبسوطين و لا مضطهدين ... عايشين كويس و لا لأ
و بالتالى نشوف الحقوق و الواجبات و التعامل و الاقتصاد و الفكر و الثقافة و نقييم
غير كده معرفش
........
عامة انا بحب عمر بن الخطاب و على بن ابى طالب و مبحبش ابو بكر و لا عثمان بن عفان
يمكن علشان كانوا بيطلعوا عمر و على فى صورة كويسة و جميلة فى كتب المدرسة احسن من صورة ابو بكر و عثمان
تأثر بكتب المدرسة مش اكتر
............
يكفى عمر انه نام تحت شجرة لأنه عادل

عباس العبد said...

حفصة
ازيك
كل سنة و انت طيبة
اخبارك ايه ؟
لو نزلتى مصر حجيبلك الكتاب
انا بؤيدك تمام
شغل معلمين صحيح
.......
البريء
انا معترض على نقطة بسيطة
لا يوجد ما يسمى الدولة الدينية
لأن تعريف الدولة الدينية
ان يكون كلها و اكرر كلها من نفس الدين
يعنى لو فى واحد بس من بره الدين ده
حيطبق عليه ما يريده سواء شريعته او حتى القانون الى عايزه و ده من ايام الرسول
سموها دولة اسلامية على اساس الاغلبية مثلا
لكن دينية لأ
يمكن تكون الدولة الدينية الوحيدة فى العالم هى الفاتيكان
لكن غير كده هات لى دولة من ايام الرسول طبقت شريعة المسلمين على غير المسلمين
و لو احنا قبلنا بالمصطلح
يبقى ليه زعلانين من ان اسرائيل بطالب بأنها تكون دولة دينية يهودية ؟
ليه اعترضت الدول " الاسلامية الدينية " المجاورة لأسرائيل على كده ؟
.......
م5م
اظنك فهمت قصدى دلوقتى من اختيار النص
و على مناطق الالغام
اسئل عنى بنت القمر و اسكندرانى
انا تخصص الغام
و عامة انا عمرى ما اسىء لأحد علشان مقبلش لنفسى الاساءة

m5m said...

المدونة حفصة :-

أولا كل سنة وانتى وكل الناس طيبين وعيد سعيد على الجميع ان شاء الله

ياستى أنا كمان مش اخوان مسلمين بس كل الناس أخوة فى الله وفى الوطن...فلو مزعلاكى الأخت يبقى بلاش منها..ده أولا

ثانيا:-طبعا الخلفاء مش قديسين ولاقداسة أو كهنوت فى الاسلام والحمدلله..وشايف انك مبالغة شوية فى تفسير كلامى..لو حاتطيرى رقاب روحى طيرى رقاب الشيعة مثلا اللى بيقدسوا الامام على...ده رد على كلامك مش دعوة منى لقتال الشيعة عشان يبقى مفهوم صح

ثالثا :- أنا ما قلتش عليكى حاجة ياستى فى موضوع القراية..الأستاذ خالد أبو فارس هو اللى ابتدا بالغلط فيا وقال لى روح اقرا واتعلم ..الخ من روائع كلماته البذيئة....فكلامى فى نقطة ثالثا عندك كان ردا عليه وليس عليكى....واذا كان فيه قلة ذوق تبقى منه هو..وعلى فكرة أنا مش متعود أغلط فى بنات أو أرد الغلط على بنات فياريت تحترمى ده فى كلماتك

أخيرا...
جربى تدخلى منتدى قبطى و تناقشى حاجة فى دينهم أو كنيستهم وشوفى رد فعلهم...أنا باحترم الأخ عباس و متابعه وعارف انه مثقف ومستنير..لكن مش فاهم زى مانتى قلتى فى أول تعليق هو ليه بالذات مختار ده..ولما يدخل يعلق الأستاذ اننوسينت - وهو غير مسلم أيضا- ويغمز ويلمز فى الخلفاء الراشدين ولو روحتى مدونته حاتلاقيها كلها هجوم على الاسلام و حاطط بانر بيؤيد الدنمارك لتطاولها على رسول الله...يبقى من حقى أقول ننقى المكان ولا لأ؟

زعلانين انى بادافع عن الخلفاء الراشدين؟ يا عالم ده شنودة بابا الكنيسة الأرثوذكسية لما عادل امام الممثل عرض عليه فكرة انه يمثل دور قسيس يتنكر فى زى شيخ و يخطب الجمعة رفض وهاج عليه وماج وصمم على تعديل قصة الفيلم...يا نهار أسود ؟ بقى شنودة بيدافع عن هيبة قسيس تمثيل وانتوا عايزينا نسيبهم يطعنوا فى خلفائنا الراشدين وكمان نمد ايدنا معاهم ونقطع فى لحمهم؟

ياريت نفكر ياجماعة

وكل سنة وانتم طيبين مرة تانية

عباس العبد said...

بنت القمر
كل سنة و انتى طيبة
انتى بتختبرينى فى المعلومة و لا حسيتى انى مش قارى كويس
كده انا زعلت منك
على فكرة
انا بعد العيد جى اسكندرية
و حتبقى بزعل لو متشرفتش بالمقابلة
نرتب على الميل
ماشى
..........
اسكندرانى
فينك يا عم
و ايه البوست الغريب الى بتهاجم فيه الاخوان ده
على فكرة انت كنت عصبى قوى
و يؤسوفونى و يحوز فى نوفوسى
انى اقولك انك خسرت المعركة عن جدارة
فين البرود يا معلم
انت مكتبتش و لا كلمة فى سياقها بسبب العصبية
راجع كده و انت حتعرف
اول معركة تنهزم فيها
انت خسرت معركة لكن مخسرتش الحرب
شد حيلك
.......
راجى
كل سنة و انت طيب
و يا رب يعود عليك الايام بخير
......
ابو فارس
انت الى ابتديت بالهجوم
خد بالك
على العموم شكرا لتشريفك المدونة
........
كل سنة و انتم طيبين
و مصر كلها بخير

m5m said...

عباس :

شكرا على التوضيح..أنا كنت باكتب تعليقى أثناء نشر تعليقك فما قريتش غير بعدها...عموما أنا كده فهمت قصدك بوضوح

وعلى فكرة اللى استفزنى هو الأخ اننوسينت مش انت..ده من الأساس

عتاب صغير :-
بلاش حكاية باحب ومباحبش دى عشان حساسة حبتين...وكل عام وانت بخير بمناسبة العيدين

عباس العبد said...

محدش له دعوة بحفصة و لا بنت القمر
دول تبعى انا
و الى حيقربلهم
حيتروق
و حظبطه
قولى يا حفصة زى ما انتى عايزه
قولى يا بنت القمر
و ربنا يقدرنى
.......
فاهمنى يا م5م
ملكش دعوة بيهم
:)
..........
الى زعلنى منك يا م5م
انك عملت عملية تصنيف و تفرقة
على اساس دينى
ده مسيحى و ده مسلم
و خد بالك فى ناس كتير عايزة كده
فأوعى تقع فى المطب ده
..
اما حكاية بحب و بكره
فأنا قلت السبب
تأثر بكتب المدرسة مش اكتر
و اظنك اتعلمت من نفس الكتب
انا بتكلم على المستوى الشخصى ... انا
مش المستوى الدينى او النقدى
زى ما بتحب واحد او ما بتحبوش
كده يعنى
........

m5m said...

خالص يا عباس...احنا اخوات مسلمين و مسيحيين..بس نبعد عن أدياننا لأن مالوش لزمة نتكلم فيها خالص...ماتزعلش وحقك عليا..انت انسان محترم وناضج

ياريت نبقى صحاب...أنا كمان مهندس على فكرة

تحياتى و تقديرى

bluestone said...

:))))))))
بس

أبوفارس said...

معلهش فرق التوقيت..زائد أنى فعلا مشغول لشوشتى موسم أعياد كل سنه وأنتوا طيبين..هناكا على كريسماس على عيد أضحى..بأطبق ورديتين ف الشغل..واضخ أن اﻷخ عبس عاوز يسك ع المواضيع..مدونتك وأنت حر فيها لاأستطيع ألا اﻷنصياع..ولذلك لن أزيد حرفا..المقدس أم فور أم ربنا يرزقك بالذريه الصالحه أو يخليلك أبنك لو عندك..وعموما حنتقابل فى مكان أخر أستطيع الرحرحه ف الرد عليك..لسه جاى من عند مالك وشفت العجنه اللى كانت هناك..ربنا يعينك على ميكانيكيه العربيات ويحنن عليك قلب سائقى التاكسى..بس بصراحه عنيا دمعت من منظر الوحده الوطنيه اللى عملتوه ده..ربنا يجعل أحداث أسنا بعيد عنا..مش أسنا دى برضك قرب الفالوجه ف العراق والا هى نواحى البصره ..معلهش أصلى طول عمرى خايب ف الجغرافيا..تحياتى..خالد

عباس العبد said...

السيد ابو فارس
انا مبسكش على مواضيع
انت استعملت لفظ تخلف عقلى و هو اعتبره اهانة
ده الى كان قصدى
عامة هما 100 شخص الى بيحتفلوا بالهانوكا فى مصر
يا لئيم
انت شرفت المدونة
و لو عايز تهاجمنى انا معنديش مشكلة
بس علشان انا عندى خبرة سيئة فى الهجوم المتبادل مع اخرين فى مدونات اخرين
فخفت بس
لكن عايز تولع فيها برضه ولع
ده البيت بيتك
ولع براحتك

بنت القمر said...

حفصه
ليكي عندي حق التوضيح
مقصدكيش خالص انا اول من جاب سيره السقيفه
ودا اللي فتح الجدل عن الخلفاء ووجه الحوار اللي الدوله الدينيه وتقييم الخلفاءواللي يقولك حدث غامض وضبابي ومعرفش ايه
وبما ان البعض يحبون مناكفتي
ونفسهم يستفزوني
بيستعملوا اسلوب بلدي وبيئه وهو التلقيح
والتنطيط علي الفاضي
فخلوني ارد كده
وقلت لو مقريتوش الرابط الي اخره يمكن مش هتوصولو الي نفس قناعتي

او ما اردت قوله
يعني انتي مش مقصودة تحديدا
وانتي صديقه عزيزة
واحترمك وانتي عارفه ولو غلطت معنديش
اي مشكله خالص اني اعتذر
تحياتي

بنت القمر said...

عباس
يا عباس
بص يا عزيزي هو انا لما اهديك رابط يبقا بستقل بمعلوماتك
ليه؟مفيش حد عارف كل حاجه واحنا بنتعلم من بعض وانا عن نفسي بتعلم من الجميع
بس زي ما تقول فخامتك اني واحدة من الاف بتدلقهم الجامعات المصريه من دارسي التاريخ بعيد عنك 4 سنين اشي فرعوني علي اوروربي علي وسيط وزي مت تقول كدا الكبر الانساني
صورلي انه يمكن عشان سياددتك مهندس ومسيحي
متعرفش السقيفه ولم ينمو الي علمي مدي اتساع وعمق ثقافه حضرتك معلش يا عبس اصلي ادبي بقا
اه نسيت تقولك طب تنكر كدا ان الرابط بتاعي اثري الحوار
والتعليقات وجيت لقيتها والعه
انا بس حطيت القش وهما ولعوا
هي هي هي
اما بقا حكايه زيارتك اليكس بعد العيد يا سلاااام بس كده تنور اليكس
بس انا بقا اروح انور كايرو
ههههههههههههه
اه نسيت
انا مستنيه المفاجاة بس اوع تكون بتفرقع في اوش هاهاهاها