خطاب سماحة السيد حسن نصر الله الذى القاه فى الأحتفالية التى أقيمت بمناسبة نجاح عملية تبادل الأسرى ( عملية الرضوان ) , و خروج سمير القنطار عميد الأسرى العرب ! من المعتقلات الأسرائيلية , خطاب مستفز لأقصى درجة , سواء على الصعيد العربى أو الدولى أو الداخل اللبنانى أو حتى بالنسبة للعدو الأسرائيلى .
--
و الخطاب المستفز , أى خطاب مستفز , بيحوى معنى من أتنين , أما ثقة مفرطة زائدة أو بداية الغرور .
لو ثقة مفرطة زائدة , فأن لكل جواد كبوة , يعنى فى كبوة للمقاومة فى الطريق !! و حتعدى .
اما بداية الغرور أو الغرور نفسه , فهو سقطة بلا قومة .
ربنا يستر .
--
ملحوظة أسرع :
56 comments:
لا معلش الخطاب كامل عندي
ممكن تشاور لي على الحتة المستفزة؟
إستفز مَن !
واحد ادى دولة بحالها زى اسرائيل على قفاها و مش عاوزه يبقى مغرور؟؟
ربنا يعجل من اجلك ياأولمرت انت و كل مدعمى الارهاب
لالا
يا ريت عندنا واحد مغرور تاني
انهارده في تعليق لعبدو باشا عند نوارة بيقول الراجل وسط الكاميرا ووسط اتباعه كنت ها ارد وبعدين كنت مستعجله ونزلت
يتغر يا سيدي
يحق له
حزب ديني
وماله يا سيدي خدنا ايه من الخيبه القويه اللي علي الكراسي لا ادونا حريه ليبراليه ولا قاوموا بمرجله زي حزب ديني
شيعي ومش زينا وها يهيمنوا علي المنطقه مش ها يجوا انيل من الامريكان واليهود
شفت انهارده صور لشهيده اسمها دلال المغربي وباراك بيمثل بجثتها
حاول تدور علي الموضوع
صورة رهيبه كماله صور جوانتانامو وابو غريب
يحق له يا سيدي
انا معجبنيش انه اول شهيد قال عليه القنطار هو عباس الموسوي لكن الراجل اكيد بيدين بعمره وحياته لحسن نصر الله فانا اعتبرتها مجرد مجامله واجبه
يحق له يا رامز
مفيش انيل من الخيبه اللي احنا فيها
مفيش صدقني مش ها نقعد خايفين من المقاومه المصبوغه بصبغه دينيه والطراطير علي الكراسي مش بيعملوا حاجه لحد ما نلاقي الامريكان والاسرائليين تحت بيوتنا
لازم مشروع المقاومه يعيش باي تمن
علي الفكرة الكلام ده ها اقوله وابصم عليه لو حزب شيو عي او جماعه او تنظيم مسيحي او اي كان تولي مشروع المقاومه
ليس المهم لون القطه لكن ان تأكل الفئران
طبعا انا طلعت بره الموضوع بس صلب تعليقي
يحق له
تحياتي
بسم الله الرحمن الرحيم
كلامك يا باشمهندس يطرح عدة اسئلة .
اولا انت بتقول مستفز لكنماوضحتش مستفز لمين؟ هل مستفز لاسرائيل ولامستفز لجمهور المقاومة ؟ ولا مستفز لينا كأمة ؟ ولا مستفز لحلفاء امريكا فى الداخل اللبنانى ؟
ثانيا هناك فرق بين الغرور والثقة , فالغرور ليس مسألة ظاهرية بل هو مسألة تتغلغل فى داخل الانسان فيتخلى عن حذره وحرصه ويفقد قدرته على ادارة الامور , اما الثقة فهى ان تظهر للعدو انك متمكن وقادر على ان تواجهه كنوع من انواع الردع النفسى , ولا يحمل خطاب نصر الله او القنطار على الغرور بل على الثقة او حتى اظهارها .
ويحك يافتى
.. أتجرء وتنتقد ولو بحرف السيد نصر الله ألا تعرف من هو
هذا بافتى من أجمعت عليه العرب العاربه والمستعربه
هذا من خرج يهتف بأسمه المبارك
القوميين والناصريين واليساريين والموارنه واﻷرثودكس والسنه والشيعه والليبرالين والعلمانين واﻷهلويه والزملكاويه ومشجعى فريق البطه الدايخه كمان
********
..أه ياأمه أدمنت ألغاء عقلها
من عبد الناصر ﻷبو عمار ﻷبو عدى...
هوايه ياباشمهندس نغمض وننط ورا بطل..
ولو تجرء واحد وقال
طب بس ياجماعه"..
. يتقال له "ويحك يافتى.."
تحياتى وبلح أمهاتى..خالد
ابو فارس
=============
طب ليه كده يا استاذ
جهلنا!! ضحكت من جهلنا الامم
ماشي يا استاذ
:(
تقصد طبعا المعلقين عاليه
يعني اللي مش متفق معاك في الرأي يبقا جاهل
متشكرين اوي لفرط زوقك
بس يعني مادام حضرتك عايش في العالم الاول
وبتعلم ولادك هناك وها تعيش وتموت هناك وتاخد كمان معاش الدوله الكنديه الكريمه
طب ما تخلينا احنا هنا في بلاد النمنم
بجهلنا عمالين نصارع الجهل والتخلف والبطاله والفساد وكملت بالاحتلال
تقريبا منطقتنا الوحيده اللي فيها كل الموبقات دي ما تسيبنا احنا نحل مشاكلنا
نجيب ابو عمار نجيب ابو عدي
احنا وحظنا بقي
اهو يمكن مرة تظبط ويجي واحد صح
انت مش معايا برضه يا استاذ خالد انه مش عدل تقعد انت تحكي لنا عن الحضارة اللي انت عايش فيها والمدنيه واحداث يوم كندا وتمطرنا ببوستات عن التخلف اللي احنا فيه وتتهمنا بالجهل بدون وما تقدم لنا حل او تقترح بديل
يعني انت مش ايدك في النار زينا.. يبقا بليز بلاش تطلع لنا لسانك من بعيد وتتهمنا بالجهل
وبعدين رامز اصلا مقالش طب بس يا جماعه وكمل
هو قال مستفز وخلاص
اعتقد كالعاده{عادته} انه بيرصد ردود الافعال علي الحدث دون التورط في جمل واضحه ومحدده
.. تحياتي ابو فارس
=============
رامز
every body respects the gun.
مش يمكن انت غيران منه والله مش تهريج
السيد حسن طلع الجان لاكبر جان في المنطقه
يبقا اكيد انت غيران منه
صح:)))
تحياتي...
جبهتى المفضلة
الخطاب كله يا نوارة , مش حتة واحدة و لا نص حتة و لا جملة و لا فقرة , اللغة و اللهجة و الأسلوب خطاب نصر الله بقى أكثر عدائية ,
حقولك مثلاً , ايه لازمة الترحيب العلنى و بكل بجاحة بوفد أيرانى رفيع المستوى " رسمى " جى يحضر الأحتفالية بتحرير أسرى لبنانيين و فلسطيين ؟ , لو كان أحتفال دينى شيعى مكنش حد أتكلم , لكن ده استفزاز رسمى , و انت فاهمه قصدى .
ايه لزمة الخطاب الى وجه لأسرائيل عن جهل العدو و عدم معرفته مصير الجنديين , و خوفه من أن حزب الله ممكن يعيد الكّرة تانى , ده أسمه تنطيط . ( لأن مفيش حد بيكشف عن استراتيجيته و وسائل التنفيذ و أساليبه , الا لو بيتنطط ) , و ده ملوش معنى .
إيه لزمة الهجوم على الدبلوماسية العربية , و أتهامها بأتهامات التقصير فى التفاوض ؟ و أنها مش حتعمل حاجة ؟ , هو فى دبلوماسية فى العالم كله مش العربى بس بتعمل حاجة تانية غير التفاوض ؟ ازاى يقارن بين الدبلوماسية و العمل العسكرى , و لا هو بياكلنا الأونطة ؟ , فى دبلوماسية فى الدنيا بتعمل حاجة غير التفاوض ؟ , انا الحتة دى بالذات حسيت بأنه بيهاجم من اجل أظهار " عظمة " ما فعله , و الحتة دى مش حسن نصر الله خالص .
و بعد كده راح واخد وش حنان على الداخل الفلسطينى !!!!!!!!!!!!!!!!!!!!!!!!!! ( انا مش فاهمه خالص لزمته إيه ؟) , و وش خشب و حديد و غضب على الرؤساء و الملوك العرب , هم فعلاً عمرهم ما حيعملوا حاجة , و له حق فى احراج الأنظمة السياسية العربية .
بس كده بقت بزيادة , لانها بقت تسلية الجميع , و فقدت معناها , هم مش حيعملوا حاجة , و انت عارف انهم مش حيعملوا حاجة , و احنا عارفين انهم مش حيعملوا حاجة , يبقى أنت بتخاطب مين ؟ , و لا ده بقى من ثوابت الخطاب المعارض , أصطباحة و دماغ و تسالى يا عرب ؟
الراجل فى خطاب واحد استعدى كل القوى فى المنطقة , و استفز كل القوى المعارضه له و لحزب الله عالمياً و عربياً و داخلياً , هم كده كده مش مستنين خطابه , لكن ده أسمه تنطيط و اضح بيقولهم " انا بتنطط عليكم , عايزين حاجة ؟ " ... و دى حاجة مش مفهومة السبب .
خدى بالك انه عمل 7 رجالة فى خطاب تأبين عماد مغنية , و سب للجميع برضه , و هدد إسرائيل , و طلع فى الأخر الموضوع برانى .
النصر الى حققه نصر الله مفيش 2 يختلفوا عليه , لكن خطابه , اساساً مفيش 2 اتفقوا عليه .
انا معترض و بشدة , فى فرق رهيب بين رصانة خطاب " الوعد الصادق " و بين " المنظرة و العنجهية و الفشخرة و التنطيط " بتاع خطابه الأخير .
يا أما حاجة من تلاتة :
يا أما فى قوى خارجية بتحركه حسب الظرف الدولى و بالتالى هى الى بتتحكم فى خطابه ( و انتى فاهمه دلوقتى دور الضرب جى على مين – الى بعتوا الوفد الرسمى – علشان كده كان فى ترحيب ليهم و وش خشب للى ساكتين على ضربهم ) ,
يا أما فى كبوة فى الطريق ,
يا أما بداية الغرور .
--
انا مبحبش التخوين و العمالة و الكلام ده , و نظريات المؤامرة و الحاجات دى , فأستبعدت الأحتمال الأول
و فضل الأتنين الى انا كتبتهم ,
و خدى بالك انا قلت فى كلامى فى أخره انى خايف عليه " ربنا يستر " .
الاهلاوى
عرفت بقى استفز مين ؟
استفز المستمع , المتلقى , استفزنى انا على الأقل .
===
بسطاويسى
لأ مش من حقه يبقى مغرور , لأن فى الغرور نهايته و لو حزب الله جاب نهايته , حتبقى مسخرة ملهاش حل فى العالم العربى .
===
بنت القمر
يحق له إيه ؟
يحق له يفرح بالنصر و لا يتنطط على قفانا ؟
يحق له يفرح بالنصر و لا يسخر مننا ؟
ده خطاب سخرية من الى بيحبوه و بيتابعوه , ده بيتريق عليهم , بيقولهم خضرا يا قوطة , يقولوا أمين , هو فى قوطة خضرا ؟
بصراحة انا مبحبوش و لا بكرهه , انا بتعامل معاه رسمى " بمنتجه النهائى " , الراجل له أعظم منتج نهائى فى الوطن العربى , تحرير أرض و تحرير أسرى , محدش عملها , رجل يستحق كل الأحترام , و انا بحترمه جداً , و بقدر مواقفه , حتى فى أزمة شبكة الأتصالات الأخيرة , لكن مش معنى كده , أنى ابيع له دماغى .
الراجل فى اول صدام سياسى فى الداخل البنانى , رضخ للحلول الدبلوماسية فى قطر بديل للصراع , يقوم يسخر من الدبلوماسية العربية , دى هى الى لحقتك و لحقت لبنان , من هبل داخلى ,
خضرا يا قوطة
===
محمود المصرى
أعتقد وصلت فكرتى فى شرحى لنوارة و بنت القمر ,
يا ريت تبقى ثقة , احسن لو غير كده حتبقى مصيبة .
و بعدين أنا قلت " ربنا يستر " فى أخر كلامى ,
كل الى عجبنى فى الخطاب الصراحة كلمة سمير القنطار , مقلش أنا كنت محبوس فى إسرائيل و جيت من إسرائيل و لا مرة , قال " أنا جى من فلسطين " .
هى دى بس الى عجبتنى فى ساعتين الخطابات .
===
أبو فارس
حسن نصر الله حتى الأن , عمل خير كتير , محدش يقدر ينكره , لكن مش معنى كده نبيع دماغنا , الراجل أبتدا يتحول .
سيدتى بنت القمر..أنا كنت فى مصر أيام حرب ٢٠٠٦ وشفت حالة الهيستيريا الجماعيه التى أنتابت المصريين كعينه من الشعوب العربيه كلها..وحضرت حروب من ٦٧ كده وأنت جايه..وكلها تبدء كده أهازيج وأغانى وأنتصرنا أنتصرنا..وبعدين مصيبه..واللى يتلسع م الشربه ينفخ ف الدولسى ..وسوء الظن من حسن الفطن
..صح..
وفى التاريخ القريب جدا وأتعمل فيلم عشان واضح أن الناس مش غاويه قرايه..أن الرئيس اﻷمريكى اللى أسمه جونسون..أشتكى لوزير دفاعه اللى أسمه مكنمارا من مستشار اﻷمن القومى بتاعه واللى نسيت أسمه..ﻷنه ياسبدتى عامل زى حالاتى وزى رامز كل شويتين يطلع ويقولهم اللى بتعملوه ده غلط..فرد عليه مكنمارا بحكمه وقال "هذا أدعى أن تستمع أليه..".. أيه بقى مغزى الحدوته دى..أن اﻷنسان الحكبم بستمع أولا لمن يخالفه ف الرأى..ويفهم..ويعيد تقدير الموقف
..كلام حضرتك فيه مغالطات كتير جدا وهو نموذج للسائد
أولا منطقتنا مش أسوء من غيرها..أمريكا اللاتينيه..شرق أسيا..الهند ..كلها مناطق بها مشاكل والناس فيها دفعت تمن عالى جدا
أدى أحنا بنحاول
مش قلنا قبل كده أن الغباء هو تكرار الفعل نفسه وأنتظار نتيجه مختلفه.
.واحد ياخد فيا ثواب ويقوللى أيه الفرق بين عبد الناصر وصدام وأبو عمار واﻷن نصرالله.
.أيه الحل؟؟
أننا نتحول لدول ونبنى مجتمعات صحيحه..نغير نظام التعليم البايظ..نغير قيم الناس ونحط ف دماغهم تقدير لقيمة العمل واﻷنتكار..أننا نفرمل عواطفنا شويتين ونفكر بدماغ بارده..
.أنى ف كندا ده أختيار شخصى..مش عدل أنى أحكى لكم عن الحضاره اللى هنا..؟؟بلاش تيجى عندى ياستى أعملى جوجول وشوفى مدونين من مالاوى أو اليمن عشان تحسى بالتقدم اللى أنت عايشه فيه..وبالمره أحرقى كتاب تلخيص اﻷبريز للطهطاوى ومستقبل الثقافه فى مصر لطه حسين وأخيرا ماكتبه د.زويل..ويادار مادخلك شر..وتحياتى سيدتى..خالد
معلهش أنا تانى..بنت القمر أنا قلت فين أن المختلفين معايا جهله..ياريت تشاورى على الجمله دى..والا ده مفهوم من السياق..؟؟
بالمناسبه العالم كله بيحتفل بعيد ميلاد "نيلسون مانديلا" التسعين..هذه اﻷيام..أممم مش ده دليل على قدرة زعيم حقيقى على تغيير خطابه وتوجهاته..والا أنا غلطان؟؟؟
يا سلااااااااااااام
لا بصراحة يا رامز انت اللي استفزيتني
ناس متهمة انها مغامرة وانها جرت اسرائيل على حرب اسرائيل بتقول انها اتهزمت والعرب باصرار بيقولوا اسرائيل انتصرت
وبيقولوا له خربت لبنان وبيقولوا له سمير القنطار ده قاتل - على فكرة العرب هم اللي قالوا كده - وعمالين يقولوا له انت مش عاقل
بيقول لهم طب انا اللي مش عاقل عرفت اعمل حاجة
وروني بقى عقلكوا ح يعمل ايه يا بضان
متهيالي من حقه
وانت لو مكانه ح تعمل كده
ثم فيها ايه لما رحب بالوفد الايراني
احا
مااحنا حاطين خدنا مداس لامريكا ومش احنا يعني الحكام العرب احنا يعني مثقفينا ونخبتنا وكتير من الشعب كمان
جبهتى المفضلة
انا استفزيتك ؟
انا مقلتش ان حسن نصر الله وحش و لا حلو , و لا قلت انه حبيب النظم العربية و لا قلت انه صديق قديم لأمريكا و لا بيروق نفسه مع إسرائيل , و لا اتهمته بأنه خرب لبنان , كل الى قلته ان ده مش خطاب , ده تنطيط
خطاب الوعد الصادق مش كده , و مش معنى ان اعدائه كتير و بيضايقوه انه لما يعمل حاجة كويسة يتنطط , دى مش دبلوماسية , نسيب بيوتنا و أشغالنا و نلف وراهم بقى
ده مستفز و ده أهبل و ده عميل و ده عبيط و ده بيعمل و ده مبيعملش حاجة ,
فى ثبات على الفكرة و الخطاب علشان اعرف اقدر الموقف و افهمه
انما مرة شمال و مرة يمين و حاجة علة
مثال
انتى معروف طريقتك فى الكتابة
يعنى لو شلت اسمك من التدوينة حعرف انك برضه انتى الى كاتبه
انما كل مرة بطريقة تفكير و طريقة خطاب
مرة شمال و مرة يمين
و حلينى بقى على ما حد يفهم حاجة
سلومة الأقرع معرفش اخوه
---
عذرا كلامك هو المستفز فعلا
حزب الله هو حركه مقاومه يعنى كيان ثورى و عسكرى يعنى مش من المتوقع اساسا انه يتكلم زى الدبلوماسيين و بعدين مش مطلوب انه يتكلم زيهم لانه بيحقق اهدافه بطرق مختلفه
الكلام لا يعبر عن ثقه زائده بل هى الثقه بالله و بالنفس و بالنتيجه التى يحققها العمل الدائب و الاصرار و الايمان
و عشان ما اكونش باقول كلام انشا ...اذا استطاع حزب الله ان يحقق ما وعد رغم العقبات و قله الامكانيات فمن حقه هذه الثقه و لا يمكن اعتبارها غرور
لا داعى لسرقه الفرحه...يا اخى ده اللى بينجح بيقول هيه
بنت القمر
أنا بصراحة مش فاهم هجومك علي أبو فارس.. هو احنا لحد امتي هنفضل نتعامل مع أي حد عايش برة مصر انه البلد مش فارقة معاه و انه اعد بيطلعلنا لسانه؟؟
فيها ايه اما واحد وبقي عايش بره و يكتب عن تجربته و عن الحاجات الي عجبته في البلد دي و الي بيتمني تبقي موجودة في بلده؟؟ ليه دايماً عاوزين نهمشه و نقوله خليك في المعاش الكندي و سيبنا في حالنا؟؟
اعتقد يا اخي ان العين الحمراء لازم تظهر لولاد الكلب دول من اسرائيل لأمريكا لوليد جنبلاط للحريري كلهم عالم معفنه ولازم ياخدوا بالجزمه
وبعدين شفت امريكا الشمالية لما اعترفت انها دوله نوويه وعملت عرض عسكري في الشارع امريكا عملت ايه
عملت بسبوسه طبعا
طول عمرنا ساكتين وبنقول علشان نعلي ونعلي ونعلي لازم نطاطي نطاطي نطاطي مش عارف اخرة المطاطيه دي ايه اكيد اخرة المطاطية ركوب
طول عمرنا بناخد علي قفانا علشان نكبر للاسف كل يوم بنصغر عن اليوم اللي قبله
كفايه قفايا ورم
عباس العبد
=========
انا مش بحبه ولا بكرهه
انا بتعامل معاه بمنتوجه النهائي وهو ليه اكبر منتوج
؟؟؟؟؟؟!!!!
بحترمه لكن بتعامل معاه رسمي
؟؟!!
مش قضيتي طبعا مشاعرك الخاصه ايه لكن ها نكلم في المفيد
انت بتقول رحب بوفد ايران وانا اسالك هو الراجل انكر ولاءه لايران امتي
هه امتي؟
الراجل قال دولتين بيساعدوني سوريا وايران
يبقا ولائه لمين
هما اللي بيدعموه مخابراتيا ولوجستيا يبقا ولاءه ها يكون لمصر مثلا!؟ طبعا ولاءه لهم مع الولاء المذهبي
زي ما واحد سني يعتبر ان ولاءه لازم يكون للسعوديه او واحد يحس ان ولاءه لاي حته تكون مركز لمذهبه
علي فكرة ايام تحرير الكويت ناس كوايته سموا اولادم بوش
:))
سب للجميع... في تأبين عماد مغنيه
والله حربه النفسيه ويكسبها براحته والطريقه اللي يشوفها مناسبه واعتقد انه في خبراء بتساعده في كده والتلفزيون الاسرائيلي شهد له بده
ولو عندك وقت فاضي ابقا بص علي المنار
ده باراك نفسه طلع في تابين الجنود قال للجنود الواقفين ان اسرائيل لن تتخلي عنكم في حال وقعتم في الاسر!!
يبقا حربه النفسيه هو ادري بيها مش احنا
هو كسب بالمقاومه اللي مصر مخدتوش بالسلام تلاتين سنه
انت عارف يا رامز ان المعتقلين المصريين ولا الاردنيين الوحيدين اللي مخرجوش من سجون اسرائيل عشان دولهم متفقه باتفاقيات سلام مع اسرائيل
!!!!
يعني السلام جه علي دماغنا
نقطه تانيه
بتقول هو بينتقد الديبلووماسيه العربيه
ها اقولك يحق الله يقولوهم بلوها واشربوا ميتها هو عارف انه مسنود علي حيطه مايله
هو عارف حجم قوته وبيتصرف فرضا بغرور لانه عارف انه العالم كله بينتظر كلمته
زهو الانتصار مش مشكله
لكل جواد كبوة وها يقع
يقع مش مشكله المهم انه في المرحله دي من الصراع هو عمل دورة بكل شرف وبطوله
تحياتي...
كيفك يا رامز ..
عذرا ما قدرت استنى لما اقرأ كل التعليقات لأن تعليق أبو فارس استفزني كما استفزك خطاب السيد حسن .
لكن بطريقة أخرى طبعا .
ـ طريقة كلام السيد حسن لمن يعرفه و يتابعه ..و مضامين كلامه ..لم يكن فيها أي جديد لنقول انه مستفز فجأة ..الرجل طول عمره يتكلم بهذا المنطق و بهذه اللغة ..من يوم ما عرفناه حتى هذه اللحظة ..بل على العكس تماما ..هذه المرة و هو في نشوة النصر وجّه رسائل دافئة جدا جدا للداخل اللبناني خاصة و للعرب عامة ..أما عن اسرائيل ..فهو يستفز اسرائيل منذ عشرين عاما ..و هو يعرفها جيدا أكثر مني و منك ..الرجل ليس ساذجا و ليس عاديا أيضا يا رجل و يزين كلامه بشكل لا يتصوره البعض
ـ أما أبو فارس ..أنا أوافقك تماما في حكاية يا أمة ضحكت من جهلها الأمم ..أنا عندما قرأت كلامك لم أجد ما أقوله لك سوى نفس الجملة ..يا أمة ضحكت من جهلها الأمم ..بل ضحكت من موتها الأمم ..لكن الحمد لله ما في منكم كتير ..يعني الضحك صار خفيف ..كل الناس جهلة برأيكم و أنتم العباقرة ..لماذا ؟ لأن حسن نصرالله شيعي ؟؟حسنا ..عاش الشيعة ..و ليسقط كل المؤمنين الخانغين في الطوائف و الأديان الأخرى ..ليسقط العباقرة و عاش الجهل الذي نرزح تحته نحن ...
ابو فارس
==============
ازيك يا استاذنا يار ب كلامي ميكونش مصدر ضيق ليك لان كلامك ضايقني
:))
==============
انا مش عاوزة اضيع الوقت في العتب
مين قال ومين عاد
==================
شوف يا خالد انا مقولتش اننا في تقدم
ادور ليه علي مدونين من ملاوي ولا من سنغافورة.. انا متأكده اننا نغرق في بحور الظلمات من جهل وفساد ووانظمه عشش عليها العنكبوت واحتلال
طيب نعمل ايه لما يكون عندنا احتلال؟؟
ونبني مجتمع صحيح متقوليش التعليم
في مشروع مقاومه في اي دوله في العالم
من اول فيتنام لحد الرهبان بتوع التبت اللي شالوا سلاح
واكيد انت مش ها تختلف معايا علي جدوي واهميه المقاومه صح؟؟
طيب لو صح ندخل علي المرحله التانيه لما تكون كل المشروعات نايمه في الادراج ولسه بنتسول السلام
ولسه امريكا بتفكر تسحب جيوشها من العراق ولا متسحبهمش رغم الخمس سنين اللي مروا حسب مزاج المرشح الفائز كمان
يبقا انا ليه ما ادعمش مشروع مقاوم زي ده حقق نجاح ميداني واضح ليه انفخ في الدولسي زي ما بتقول؟؟
هو انا معنديش رفاهيه البديل
ولا اختيار من متعدد
يعني اقعد استني حركه ليبراليه بديله تشيل السلاح وترضي عنها جميع الطوائف والاطياف عشان ادعمها؟؟
معنديش الرفاهيه دي
لازم ادعمه واؤيده والا البديل يا خالد
اني انبطح واخد وضع مريح للذبح
ها تقولي الاحزاب الدينيه فاشيسته
ونكلم بصراحه
ها اقولك ماشي ده مش حزب حكم..ده مشروع مقاومه ما احملوش اكتر من ما يحتمل بالعكس لازم نكون اذكياء وونوظفه في الغرض المناسب ليه.. وهو صد اسرائيل
ولما نوصل للدوله المدنيه يبقا في كلام تاني
واعتقد انه حزب الله ليه دور ودور مهم جدا ولسه ما انتهاش
هو بيقوم بالدور ده نيابه عن اليساريين والاسلاميين السنه والمسيحيين وكل الاخري
يعني زي ما بتقول بيعملهم مصلحه
مصلحه للجميع
يبقا لازم ادعمه
يتبع
عفوا انا لغيت التعليق السابق لانه ورد فيه جملة غط :
يا عم مينا ..هو من حق أبو فارس
عشان عاش يومين برة يجي يقول لنا يا امة أدمنت إلعاء عقلها ؟؟؟
هي دي خلاصة تجربته العبقرية ؟؟
كمان نحن من حقنا نشوف ان هو لاغي عقله تماما ..و يا ريته لا راح و لا تغرّب
نلسون مانديلا يا سيد أبو فارس ..انشال اسمه عن لائحة الإرهاب عند أصحابك أسياد الديمقراطية في أمريكا قبل عشر أيام بس .
مع انه صار عجوز و بيحتفل بعيد ميلاده التسعين متل ما حضرة جنابك عم تقول ..لو كان نلسون مانديلا عربي انت كنت أول واحد حا تقول عنه نفس الكلام اللي بتقوله عن حسن نصرالله ..
هم ليه كانوا حاطينه هو و حسن نصر الله في قائمة واحدة؟؟
ـ معليش ..عقلنا و نحن حرين فيه ..نلغيه ..ما نلغيه ..هيدا شي بيخص كل إنسان ..خليك انت بذكائك ..ما حدا طالب منك تلغي عقلك
يغيّر خطابه ؟؟ لسّه في عنصرية في جنوب افريقيا ؟؟ و لو كان لسه في عنصرية كان مانديلا غير خطابه و راح باس رجلين العنصريين ؟ و ليش ما بقى في عنصرية في جنوب اقريقيا ( أقصد نظام عنصري ) ..لأنه البيض في النظام هناك فجأة نزل عليهم الوحي و قاموا الصبح من النوم و قالوا للسود نحن اسفين ..خدوا حريتكم ؟؟ أو لأنه كان في نضال طويل و زعماء متل مانديلا ..و شهداد و معذبين ؟؟ يا أخي ليش مش عاجبكم شي ؟؟ شو بدكم قولوا ؟ شو الصح ؟ نحن أغبيا .. تفضلوا قولولنا شو الصح ؟ عندنا أرض محتلة و بلدنا صار فيها عشرات المجازر الوحشية على إيد اسرائيل و عندنا أسرى في السجون من تلاتين سنة ..و كل حكوماتنا الرسمية ما قدرت تجيب سجين واحد منهم ..و لا واحد ..أصلا و لا عمرها طالبت فيهم ..لما تجي مقاومة أو رجل متل نصر الله ..نقول له عيب عليك ؟ و نقول للي بيحبه انت ألغيت عقلك ؟ انت عايش في كندا ؟ اوكي .. أنا كل أقربائي في كندا ..و أعرف عن طريقهم ناس كنديين ..كنديين مش من صول عربية ..لا .. حضاريين أبا عن جد يعني مش من أصول متخلفة عربية متلنا ..و بعرف انهم بينظروا للمقاومة اللبنانية و لحسن نصر اله نظرة احترام كبير .. ليش حضرتك جاهز تحترم مانديلا و ما عندي أي استعداد تحترم نصر الله و لا عبد الناصر و لا غيرهم ..و بالاّخر جاي تشبههم بصدام كمان ..
و ليش من حق بعض اليهود الكنديين أو من أي مكان كان يجوا يحاربوا في صفوف الجيش الإسرائيلي و نحن مش من حقنا نحترم واحد بيحارب عشان يرجع أرضه و أسراه ؟؟ شو اللي عمله حسن نصر اله غلط ؟ ليش ما بتقول حضرتك انه اسرائيل صار لازم تغير حطابها الحقير معانا ؟؟ أو اسرائيل من حقها ؟
قول لحكومتك اللي عاملة سلام مع اسرائيل انه في أسير مصري اسمه إياد أبو حسنة لازال في السجون الاسرائيلية منذ عشرين عاما .. خليها تطلعه أو تطالب فيه .إذا كانت ما قدرت تسجن جاسوس اسمه عزام عزام ..و عملت مسرحية مع اسرائيل اللي خطفت اتني طلاب عشان تبادلهم بالكلب عزام عزام ..قول للحكومة الاردنية اللي شغالة عند الاسرائيليين انه في اسرى اردنيين في السجون الاسرائلية خليها تطلعهم ..مش بينهم سلام و غيروا خطابهم ؟؟ مش صاروا معتدلين و بريئين و من أحلى الناس ؟؟؟
يا أخي انتم حرين بدكم تحبوانصر الله او ما تحبوه ..هيدي حرية شخصية ..لكن الله يخليك لا تتفلسفوا علينا ..نحنا كمان عشنا برا و منعرف ليش صارت الدول الغربية دول حضارية ..لأنها حررت نفسها بالقوة بادئ ذي بدء ..و خاضت ثورات و مات لها شهداء كتير ..و نحن من حقنا نختار الطريق اللي شايفينه فيه كرامة لنا ..
لا ترجع تقول لي يا أمةأدمنت إلعاء عقلها .. على فكرة ..أنا عقلي بيقول لي انه أي انسان ما بيشوف حاجة يحترمها في حسننصر الله و المقاومة ..هو انسان بدون عقل تماما ..انت حر و انا حر نقول اللي مقتنعين فيه و من حقك تغضب و من حقي اغضب من كلامك
ابو فارس
==========
مليش اي علاقه باي حوارات وتلاسنات جانبيه
مسئوله عن محتوي تعليقاتي فقط
=====================
ابو فارس
===========
احترامي لحضرتك ولاختيارك الهجرة ومن حقك والف حق تختار ليك ولاسرتك حياه افضل
لكن يا عزيزي انت مهما جيت مصر ها تكون ضيف
لانه مصيرك بقا مرتبط انت واسرتك بجزء اخر من العالم
انت مش مهدد ولا انت ولا ولادك بانه اسرائيل تجنن وتضرب السد العالي الكندي
ولا مهدد بحرب واسعه النطاق لا امريكا وايران اشتبكوا
انت تراقب الاحداث وانت بتشرب بيرة وتسمع باخ وبيتوفن وموتسارت وتنهي النهار بانك تودي فراس يلعب رياضه ولو حصل لا قدر الله باسبورك تحت باطك ويا فكيك
اذن يا عزيزي انت لا ترتبط بوحده المصير مع الاخرين اللذين بتضحك علي جهلهم
عارف الفرق ايه يا عزيزي رغم اننا متفقين علي تردي الاوضاع بتاعتنا
ان تردي الاوضاع والجهل بيؤلمنا يا عزيزي
لكن انت شايف انه مدعاه للضحك
عرفت الفرق يا خالد
انت مش كابش النار زينا ولولاد سارة بكرة يجوا مصر يقطعوا تذاكر سياحيه عشان يتفرجوا علي بلد جدو وياخدو شويه تذكارات من خان الخليلي ويمشوا
عرفت الفرق ايه؟؟
احنا بقا من حقنا لاننا غرقانين نتعلق بقشه!!
ممكن تخمينك يكون صائب ونصر الله يطلع فاشيست وطاغيه وانقح من صدام
ممكن رغم ان مشروعه مختلف عن الاخرين
بس ها ارجع اقولك معنديش اختيار من متعدد
لازم ادعمه ما ينفعش وانا عساكري واطفالي بتموت علي الحدود كل يوم
اقوله مش مطمنه ليك اذهب انت وربك انا ها هنا قاعدون
عارف ياخالد انت قلت خطاب عاطفي
انا لو تسمح لي ها اقولك ده منتهي العقل مش العاطفيه ان نظرتي تكون اوسع وابعد واشوف المصلحه ليه ببراجماتيه شديده
الكتب اللي اشرت اليها ها احاول الحصول عليها واشكر ترشيحك الذي اعتقد انه ربما لا يكون عن صادق موده
تحياتي
ياعم حنا ياسكران..أغضب أو أتفلق أيش يخصنى..أنت عملت زى أحمد سعيد أيام حبيبك عبد الناصر ولا كلمه من اللى قلتها يمكن الرد عليها..ﻷنها رص شعارات جنب بعض..اﻷحتلال ..المأومه..الشرف..
**********
أنا أقول ببساطه شديده..مش لازم كل كام سنه يطلع شخص كاريزمى..يعمل بالصدفه أو بالتخطيط حاجه صح..نروح كلنا من المحيط للخليج قالعين عقولنا ومغمضين عبونا وماشين نرقص ونهلل وراه..لغايه مانقع فى حفره..حصلت أيام عبد الناصر..وأبو عدى ضبع المنطقه لعقود قادمه..وأبو عمار لخبط المسائل..
ورغم النجاحات اﻷولى لنصرالله لابد من تذكيره كل شويتين بحجم القوى اللى أمامه..وأنه مجرد قطعة شطرنج فى ملعب أستراتيجى مهم جدا ومش كل خيوط اللعبه ف أيده..وبلاش ياسيدى تفتح صدرك قوى كده..ولم الدور دى مش خناقه ف مولد..كفرت أنا كده ياعم حنا ياسكران ولا كغرت..واضح طبعا أنى كفرت
.التدمير الشامل للبنان ف حرب ٢٠٠٦ وتزايد النفوذ اﻷيرانى فى المنطقه وتحول حلبه الصراع لصراع دينى وطائفى..وبدايه تشقق محتمعات ودول حولنا..أشياء أنا أعتقد أنها خطيره..على قلب سعادتك زى العسل أنت حر ياسكران..ده رأيى ياأخى..هو لازم أمشى وراكم مغمض وأهتف والا أبقى أبن ستبن ف سيعين.
.وعن أذنك عندى شغل هنا بنشتغل يجد هبل يقى تعمل أيه....فرصه سعيده..خالد
حاجه أخبره شيعى بوذى عابد للبقر دى حاجه ماتهمنيش على اﻷطلاق..أنا خارج لعبه الدبن-الهويه دى تماما ومن سنين طويله
نفسي أعرف.. سمير بيه القنطار يساوي كام لبناني مات على إيد الإسرائيليين؟
وليه بنسمع عن مبادلات بعشر آلاف أسير فلسطيني أو لبناني بعشر إسرائيليين؟
ما بين مبادلات الأسرى المهينة .. والتصريحات المستفزة الوقحة في حوادث القطارات والسيارات في مصر.. كلنا في الهم ملاليم.. من المحيط إلى الخليج وبالعكس..
أو كما قال زميل لنا..
مهرة
لا عذراً و لا حاجة , ده رأيك و انتى حرة فيه , و انتى منورانى حتى لو انا مستفز .
بس فى نقطة , انا معنديش مشكلة مع الى عمله , اكيد انا مبسوط باللى عمله , واحد رجع الناس لأهاليها , دى كفاية جداً , بس انا عندى و مازلت مشكلة مع الكلمة الّى القاها , و دى حاجة مش حقدر اتراجع عنها , لأنى مبحبش الخطابات الثورية و الكلام الكبير و الحاجات الضخمة .
و بعدين انا سرقت فرحة مين ؟ هو اهالى المعتقلين و لا " حبايب حسن نصر الله " مستنيين رأيى أنا مثلاً , و لا أنا رأيى هو المرجعية الأخيرة قبل أتخاذ القرار , حرام عليكى تكبرى الموضوع , ده يدوبك رأيى المتواضع .
==
مخلوف
انا مقلتش نطاطى , مين قال نطاطى ؟
انا قلت انه خطابه مستفز لكل القوى الى فى المنطقة , صحيح هم مش مستنيين خطابه علشان يبقوا أعدائه , انما خطابه كان مستفز برضه .
==
بنت القمر
شوفى بقى , انا عندى مشكلة مع كلامك . بس قبل ما أبتدى أرد حقولك حاة
انا مقلتش انه فشل أو ما أنجزش , و بعدين انا بتفرج على المنار , و عارف ان العدو قبل الصديق عارف مقداره , و إن المجانين بتوعنا هم بس الى عمالين مقتنعين بأنه أنهزم فى حرب تموز , على الرغم من إعتراف العدو بنفسه بأنه هُزم , و عارف ان دبلوماسيتنا العربية العظيمة مش حتعمل حاجة من دلوقتى للسنة الجاية , عارف كل الكلام ده .
لكن
فى نقطة مهمة , احنا شعوب تحترف التخوين و أسهل حاجة عندها الأتهام بالعمالة , و كله بيكره بعضه , و مش طالبه وجع دماغ مع حد , هو عميل , لأ ده خاين , لأ ده بتاع بلده , و لما حتحصل حاجة أو تتسبب الظروف فى توريط حزب الله فى أزمة داخلية , او خارجية , حتنط كل الحاجات القديمة , ده شيعى , ده عميل , ده بتاع إيران , ده بتاع منظره , ده بيشتم , ده بيغلط , ده نسى نفسه , و مش حنخلص من وجع دماغ كل الى بيحبوه , و حيطلع علينا نصراليين جدد زى الناصريين الجدد . و نعيده من الأول بقى .
أما حكاية الحرب النفسية , هو أدرى بيها , طبعاً انا معاكى انه أدرى بيها , بس ما يمنعش انى أقول رأيى , و وجهة نظرى , و مش علشان مخالفة لرأى الجميع يبقى لازم أقتنع برأى الجميع ؟؟
و بعدين انا قلت ربنا يستر عليه , أنا مش ضده , بس معجبنيش الخطاب أعمل إيه ؟
==
حنا باشا
لأ معلش مكنش كده , عندك خطاب الوعد الصادق و خطاب النصر , و الحوار مع تلفزيون المنار , خطابه و إن كان هجومى برضه , بس مكنش كده , مخبطش كده .
==
قلم جاف
هههههههه
انت كتبت الجملة الوحيدة الى حذفتها من البوست علشان لا يقال انى بولع فى الناس و بهزئهم , لما قريت تعليقك ضحكت , لأن اول حاجة كنت حاططها فى البوست هى دى :
رفات جنديين اسرائيليين = مئات من الأسرى الفلسطينيين و اللبنانيين .
و بعد كده كنت حبتدى البوست .
الله يسامحك
حنتفهم غلط خالص دلوقتى .
تفتكر كده مين أغلى من التانى و مين بيهتم بشعبه و جنوده اكتر من التانى .
ربنا يسامحك .
انت عارف يا رامز
أنا هي دي الحاجة الوحيدة الي بفكر فيها من يوم ما حصل التبادل
يعني بصراحة أنا ما وقفتش قوي عند خطاب حسن نصرالله بس الموضوع الي مجنني هو ليه جثتين اسرائليتين اتبدلوا بخمسة عرب عايشين + ٢٠٠ جثة فوق البيعة؟؟
هل هو فعلاً انتصار للمقاومة و لا هم بيورونا سعرنا الحقيقي؟؟
أنا معاك علي فكرة انه خطاب سمير القنطار أخطر بكتير من خطاب حسن نصرالله بس للأسف ما حدش ركز عليه
ده غير خطابه في بلده "عيبه" الي قال فيه ان لو الناس فاكرة انه دور حزب الله هينتهي مع تحرير الأسري أو حتي مع تحرير مزارع شبعة يبقي غلطان و قال بالنص: "ان سلاح المقاومة هدفه شبعة و ما بعد شبعة و ما بعد بعد شبعة!"
يعني من الاخر حزب الله أعد بسلاحه في لبنان حتي لو اسرائيل اتمحت من علي الخريطة
أبو فارس
يعني فكرك أكلت راسي بالكلمتين تبعك ؟؟
و عندك شغل كمان ؟
معليش .. ما تواخذنا .. احنا ما عندنا شغل و قاعدين نلعب ببيضاتنا كل الوقت .. روح على شغلك الله يخليك ..و لا تتلفسف على سمايي ..
وبطريقتك الساخرة دي .. عندما أريد أن أسخر منك ..سأسخر بطريقة لن تقدر عليها أنت .. بما انك عبقري و بتشتغل و بتفهم يعني ,,,
أنا عملت متل أحمد سعيد ..و انت عملت متل ..و لا حد ..,و لا شيء
انت كلامك اللي ينرد عليه ؟؟ مش مستفز كلامك لما تقول يا أمة ألغت عقلها ؟ و كأنك قاعد بتخطب من أعلى السموات السبع و تحتك مجموعة بهايم .. انت عملت زي حبيبك السادات ..اللي قطف تعب عبد الناصر و الجيش المصري و حارب بيهم .و انتصر بالجيش المصري و بصدور المصريين و بالاّخر ما فكر غير بنفسه و بمجده الشخصي ..و بان الدنيا كلها ..و بالاّخر كان تمنه رصاصة من عسكري مصري .. مش عسكري اسرائيلي .
و بالاّخر حتى كارتر بيسخر منه و بيقول انه كان رجل فاضي ..
حنا باشا..أنت ياعزيزى أثبت كل ماأريد قوله ..!!شكرا.
.وبجد وبصدق مش فاضى لك..ولالدى رغبه فى "النقاش".
.لو يسعدك ويهدى أعصابك ويخفض ضغطك..أنت صح ياعم وفاهم الفوله وقشطه عليك.
.تمام كده.
.تحياتى وفعلا فرصه سعيده..خالد
طيب يا خالد
شكرا .. و يعطيك العافية
لم أرد إثبات وجهة نظري ..فأنا مؤمن بها لأسباب كثيرة و ليس عن عبث ..إنما كان من حقي أن أردّ ..و هو حقك أيضا ..
الأمر ليس فيه ضغينة شخصية .
تقول يا كومة الغبار
أن خطاب السيد :
ده مش خطاب , ده تنطيط
نفسي أعرف منك حضرتك كنت بتنتط على إيه لما كتبت الكلام ال=هايف بتاعك
يا راجل
روح
ربنا يشفي الكلاب و يضرك
و أنت أيضا أثبت لي صحة كلامي ..و أثبت لي أنه يجب أن نعمل و نعمل و نكتب كل ساعة ..لأن بيننا أخوة لا يقلّون خطرا عن العدو الذي يقتلنا .. هو يقتلنا بالسلاح و هم بالكلمة .
يا استاذ حنا
الراجل ما كتبش حاجة تستاهل الرد عليها بهذا التحليل
هو رمى كلمتين و مشي
يعني التجني على السيد نصر الله صار فرصة للإقزام من أجل الشهرة
لأنه واحد هايف زي صاحب الدونة لو شتم واحد من مستواه ما حدش حياخد باله منه
بس لما يقترب من مقام السيد حيلاقي كتير ناس قرفانه منه و نفسها تمسح فيه الأرض
و كدة حيشتهر الراجل المدون الخطير
و حيشتهر و لو على الهبل و الشتايم
يلا حنديه فرصة يلعب
هو لا حوار ولا حاجة
كلام جهلة يا حنا سيبك منهم حتلاقي كتبر زيهم
هيافة
أنا قلت رأيي و حاسس في جو مقرف هِنا
زي أيا عيال قاعدين عالشيشة
و يقحوا من فوق ومن تحت
كنت جيت هنا بالغلط و أديني طلعت
جالكم القرف
معليش يا أخ تلفان
صاحب المدونة قال رأيه و تحليله الشخصي ..لم يقل أن كل الاخرين في هذه الأمة عبارة عن ناس ألغت عقولها .. حمير يعني .. من حق صاحب المدونة أن يحلّل كما يقرأ هو الأحداث برؤيته الشخصية ..نتفق و نختلف معه ..هذا أمر طبيعي ..هو على الأقل يحترم عقل الاّخر ..و هذا ما لا يزعجني في أي شخص أختلف معاه ..
ما أزعجني ..ليس تحليل الأخ رامز .. أبداً .. الأمر لدي أنا ليس تقديس أعمى لشخص السيد حسن ..و أعتقد أنك تدرك ذلك ..السيد حسن إنسان ليس فوق النقد أبداً ..لكن النقد شيء ..و التشويه المتعمّد و غير المبرر شيء اّخر ..و كأنه ليس من حقنا أننقول أن لدينا ما نحترمه .. سيكون الأمر ز كأننا غنم نتبع صدام حسين أو غيره في خطأهم و صوابهم .. بالنسبة لي .. حتى هذه اللحظة و حتى يتغيّر السيد نصر الله إلى شخص اّخر غير الذي عرفته حتى الان ..هو بالنسبة لي ..أكثر شخصية تستحق الإحترام في هذا العالم العربي الذي يأكل نفسه ..بل هو شخصية العصر ... عندما يتغير .. سأغيّر موقفي منه .بدون أي تردد .
يا سلومة
انا ما قلتش انك بتقول عليه كده
انا باقول لك ان ده رد طبيعي في ظل المحيط السياسي
رامز
والنبي ياخويا مين ابو فارس اللي قاعد في كندا وعامل زي السفرجي اللي بيتقالط على البوابين بشياكة الباشا اللي هو بيشتغل عنده ده؟
اما بالنسبة لو شلت اسمي ح تعرفني
فمش كل الناس يا رامز ح تعرفني
انت بس عشان قلب الام
:)
يا عيني عليك يا أبو فارس.. كمان طلعت شخص مشبوه
شفت ياعم مينا..وتلاقينى بأقبض باليوان الصينى..والين اليابانى..واﻷشيا معدن..أرزاق..
سيبك أنت المهم رضا الوالدين
وتانى والله كل العك اللى فات ده أنا فعلا سعيد به -من ناحيه- ﻷنه أثبات لكل كلمه قلتها..وجزين من ناحيه تانيه ﻷنى كنت أطمع أن ولو واحد بس يحاول يفهم أنا عاوز أقول أيه..مهما أختلفنا..وأدى أحنا قاعدين..تحياتى ياشباب..خالد
انا رأيي إن حسن نصر الله عبارة عن قطعة شطرنج
ولما ينتهي حسن نصر الله هيطلع غيره
وإحنا هنفضل نهلل ونهتف وراه وورا غيره
هنفضل فاكرين إن الحل لكل مشاكلنا هو الإنتصار علي إسرائيل ونصرة الإسلام وهنفضل مستنيين اللي ينصرنا عشان نمشي وراه
تحياتي
عم مينا
كلام سمير القنطار اخطر لكذا سبب , أولاً انفعالى جداً لأنه مَوّتور , لسه خارج من المعتقل و عايز يرد القلم قلمين , و السبب التانى , انه تحول لرمز و بالتالى لازم يكون الرمز " على قد مستواه " , غير أنه سمير القنطار مش خطيب فالكلمات طالعة زى الدبش .
فى ناس مؤمنة بما تقوله , و بتسعى لتنفيذ ما تقول , و هو ده الكمال ... تطابق القول مع الفعل , و منهم حسن نصر الله , الى بيسعى دائماً لتفعيل أقواله , لكن خطابه الأخير – بالنسبة لى على الأقل – مستفز , لأن مفيش حد يخبط فى كل أعدائه و ينطح فيهم مرة واحدة الا لو مجنون أو نطيط أو نشوة النصر اكلت دماغه , او عميل رسمى بيقبض من السفارة , فعارف أن ضهره محمى .
عارف المصيبة فى الردود المتشنجة لحسن نصر الله , انهم فاكرين ان فى ناس ضد حسن نصر الله أو على الأقل , شايفين أنى ضد حسن نصر الله , أنا مش ضد حسن نصر الله لأنى مش مجنون أكون ضد " قوى وطنية " , بس الخطاب فى أستعداء غير مبرر لناس أحنا عارفين انهم مش حيعملوا حاجة , و بالتالى " تظرية تسالى يا عرب " تنطبق عليهم , و انا مبحبهاش , فى حد قال أن خروج أسرى من سجنهم و عودتهم لأهلهم " حاجة وحشة " , محدش قال كده , ده حتى لو أسير واحد , يبقى عمل خير , انا مش عاجبنى الخطاب , أعمل أيه طيب ؟
==
تالفان
شكراً على وصف كومة التراب , الله يكرمك
بس ممكن قولى كلامى هايف أزاى ؟ , احب اعرف وجهة نظرك .
اما حكاية الهجوم من " الأقزام " الى قصدك أكيد أنى واحد منهم , علشان الشهرة , ممكن أعرف أو تقولى أنا عايز أشتهر ليه ؟ و حيحصل أيه لما أبقى مشهور ؟ لما أبقى مشهور مين حيعلق عندى ؟
الناس الى بتعلق عندى , هى هى متغيرتش , لا زادت و لا قلت , حنا السكران , و ابو فارس , بنت القمر , جبهة , مهرة , و ناس تانية كتير ... هم دول الى بيعلقوا عندى , أنا مش فاهم حكاية مشهور , انا لا حطلع فى الجرايد و لا فى التلفزيون , و لا التدوين أكل عيش , و لا أنا حد يعرفنى , و لا المدونين ليهم أتحاد و حيحطونى فى مجلس ادارته , الصراحة أنا مش فاهم أنت عايز تقول إيه ؟
و بدال أنت قرفان , متجيش تعلق عندى تانى و قول لكل الناس الى تعرفهم ميجوش عندى تانى , و لا تخشها تانى , و تريح نفسك و تريح الناس , و تبقى أنتصرت لحسن نصر الله ضد اعدائه من التافهين الى زىّ يا عم الوحش الجامد المثقف المريع , الى فاهم الحاجات الى إحنا مش فاهمينهاه .
أصل فى ناس كده , الى يختلف معاها يبقى ميفهمش , و باين أنك واحد منهم , محسسنى ان الى ما يحبش حسن نصر الله يبقى كفر بالله , أنا مش فاهم الناس الى زيك أبداً , محسسنى انك كنت شغال دبلوماسى سابق , و محلل سياسى حالى , و سفير متفاعد ,.
حاجة الصراحة أخر قرف .
جبهتى المفضلة
علشان تعرفى بس أنك فى القلب يا نوارة .
شوفى , انتى ليكى حق , و انا عارف أنتى بتحبى حسن نصر الله قد إيه , أنا مش بحبه و لا بكرهه , عادى يعنى , الراجل عمل أنجاز مهم , سنة ال2000 و سنة 2006 و تحرير الأسرى , أبقى مجنون لو قلت انه عميل و لا حاجة , او مقصر فى حق بلده , بس مفيش خطاب كده .
طيب أعمل أيه معجبنيش , اسمعى ده تانى , و اسمعى خطاب الوعد الصادق , الوعد الصادق أخر جمال و شياكة و دبلوماسية , اسمعى الحوار الى أتعمل مع قناة المنار بعد النصر , اخر جمال , لكن ده , عالحامى قوى , و بعدين أنا قلت انا خايف عليه , با أما من الغرور , با اما من كبوة , قلت ربنا يستر , الى بيقع عند العرب ملوش قومه تانى .
أبو فارس
لو زعلان من حد أمسحها فىّ انا , و بعدين حنا السكران لى وجهة نظر برضه و لازم تحترم , احنا مختلفين فى تفاصيل صغيرة , فبلاش نكبر الموضوع .
==
حنا السكران
متعلش من حد , و لو زعلان من حد أمسحها فى , كل واحد له وجهة نظر و لازم تحترم , مش معنى اننا مختلفين , يبقى نعض فى بعض , و منورنى .
==
اليان
لازم حيطلع واحد غيره طبعاً , و غيره و غيره , و حيجيبوا أنتصارات عظيمة , و لازم هنحبهم و الناس حتهتف لهم , لأن الدنيا مش حتقف , و لأنه اكيد حيموت و لازم واحد غيره حيطلع , هو مش مخلد , انا معنديش مشكلة ان يطلع علينا ورا بعض الف حسن نصر الله , و يملوها انتصارات ورا بعض , بس ربنا يستر متبقاش خاتمى كل واحد بمصيبة كبيرة , علشان مصر جربت عبد الناصر و الناصريين , عبد الناصر فشخنا , و الناصريين مطلعين ميتين أبونا , و محدش فاهم منهم حاجة و لا هم عايزين أيه .
==
رامز
انت مدونتك مسكونه بعفريت ابن كلب على فكره بخرها ولا شوف حتعمل ايه عشان تطلع العفاريت ديه
ده انت لو كتبت ريان يا فجل حمرا يا قوطه حتدخل التعليقات تلاقي الناس بتقطع فى بعض يا تري هى قوطه ولا طماطم ولا بندوره
________
بصراحه انا محستش ان خطاب نصرالله مستفز باي شكل خالص بالعكس الخطاب عجبني جدا وكنت سعيده اليوم ده عامه لولا حادث القطار بتاع مطروح اللى عكنن عليا فى اخر اليوم
اه احنا امه بتحب التهليل واتعودنا اننا لما ننبهر بتعمي عيوننا بس حسن نصرالله يستحق والانجازات اللى بيعملها فى الوقت الزباله اللى مفيش فيه اى انجازات يستحق عليها انبهار الناس بيه فعلا
فى 2006 كان يستحق ودلوقتى بعد صفقه الاسري يستحق ويستحق
الراجل فعلا ذكي جدا ومناضل ومؤمن بقضيته بشكل رهيب ,وصادق فى كل ما يعد ويقول ياريت اى حد عنده قضيه يكون مؤمن بيها بقدر ايمان نصرالله باهدافه وقضيته وعلى نفس قدر صدقه وايمانه
_____________
والنبي ايه دخل السادات فى الموضوع يا جوو يا صديقي الراجل ماله اليومين دول كله بيقطع فيه ليه
الله يرحمك يا سادات ويبشبش الطوبه اللى تحت راسك
انت يا جوو طلعت كل خنقتك من ردود الافعال الغريبه ناحيه نصرالله فى مستر خالد ابوفارس حظه بقي ويارب متتكررش
حاولو بس متتقابلوش هنا غير وكل واحد معاه سبحه زرقا واعملو نجمه بالشموع وحطو اللاب توب فى وسط النجمه وطفو النور وبعدين ادخلو صفحه التعليقات برجليكو اليمين
:))
لا بجد بجد يا رامز انت صفحه التعليقات عندك مسكونه من عفريت اهلاوى
الحل ان الزمالك يكسب انهارده ساعتها العفريت ده حيروح لحاله نبقي نبعته مدونه محمد المصري اهو اسمعلاوى ويتعاركو على حسني عبدربه براحتهم
:))
ممكن اسال سؤال و اعلق ولا الموضوع اتقفل خلاص؟؟
لو اتقفل مافيش اي مشكلة لكن لو لسه فمتوح حد يرد عليا عشان اتكلم
شكرا
الامر امرك و الشورة شورتك يا قداستك
ان كانت اسرائيل حققت اى انتصار فى الحرب الاخيرة فهو الاختلاف على حزب الله.فهى نجحت فى ذلك عن طريق التدمير والتخريب والتشريد ووضعت حزب الله فى موضع المسؤلية عن كل ذلك الخراب.
الامر الثانى استغلال بعض الاغبياء و الطائفيين فى العالم العربى وعلى راسهم مملكة ال زفت سعود وماتملكه من ترسانة اعلامية بقنوات بصحف ببترول.
والنبى بس زعلان أيه يارامز ياولد عمى
هو أحنا عيال بنلعب كوره شراب ف الحاره..
وبعدين حد برضك يزعل من أشاوس النت ومناضلى الكي بورد..
ابطال الفضاء السيبرى ومثقفى ملخصات ويكابيدا برضك..
ابقى أهبل..
طب تصدق وتأمن بالله أن "المناقشه" اللى كانت عندك كانت تسليتى طول الويك أند..
السبت شغال ف صيدليه طحن ٩-٥ واﻷحد عقبال أملتك كنت مع الشباب هنا أعضاء الحزب الليبرالى وأتنين أعضاء البرلمان من الحزب..
مجموعه عمل..
وكل شويتين أبص من اللاب توب بتاع زميل على اﻷميل بتاعى والبلوج بتاعك
..
بالمناسبه أحد الناشطين جدا ف المجموعه دى شاب سورى زى الفل..وعضو فى القومى اﻷجتماعى بتاع أنطون سعاده..وبرضك أختلفنا ف نفس الموضوع..وكل واحد قال رأيه ف أقل من دقيقتين وخلاص..لاأنا قلتله يابن الغساله ولاهو قاللى يابن البواب..!!!ورجعنا للى كنا فيه..
دلوقت واحد أو واحده
for the best of it..
يقلك الله مادام عندكم سياسه أجدع م اللى عندنا قارفنا وبتطنط على أهلنا ليه..ماتخليك ياعم هناك ناقشوا مشاكلكم ومالكش دعوه بالتخلف بتاعنا..الرد بسيط جدا لو حد فاكر أن نضال النت ده له أى نتيجه آسف أقول له أو لها دى أوهام أقصى ماتفعله النت تعارف سواء بالسلب أو اﻷيجاب...تحياتى ياوحش..خالد
نسرين بسيونى
لازم أبخرها فعلاً
ربنا يستر
--
شقتى إزاى انا متنرفزتش عليكى لما قلتى أن الخطاب عجبك إزاى ؟
براحتك
كل واحد حر فى رأيه
كل الناس الى بتعلق عندى فى المدونة حرة فى رأيها الا واحد بس
عارفه مين ؟ ... صاحب المدونة الى هو أنا
كل المعلقين اجمعوا على حريتهم فى الرأى الا انا مش من حقى أقول رأى
كلهم قالوا ة تركوا تعليقاتهم , الى هم أحرار فيها , و دليل حريتهم أن مش من حقى اقول رأى
حتى أبقى اسئلى تالفان
و عجبى
===
ميرو
إسرائيل لم تنتصر فى الحرب الأخيرة بشهادتها
و محدش مختلف على حسن نصر الله , اقرأ عند حنا السكران تدوينة " الوجه الأخر للمعجزة " و انت حتعرف الناس بتقدروا قد إيه ... العدو قبل الصديق
الموضوع مش عن اختلافنا على حسن نصر الله لأن كلنا مش مختلفين عليه
===
حفصت
لأ , طبعاً براحتك و فى الوقت الى انتى عايزاه
و لو الموضوع اتقفل , نفتحهولك تانى
افتح يا ولد انت و هو , ستكم جايه
اتفضلى
===
أبو فارس
طمنتنى , و لقاء قريب
==
فيه سؤال بحب اوجهه لاخونا حنا السكران
اذا السادات الله يخرب بيته مطرح ما راح و يوريني فيه يوم سرق تعب و شقى ناصر، طيب ليه ناصر مكسبش ولا حرب من اللي دخل فيهم مصر من اول 56 حتى وكسة 67 مرورا بحرب اليمن
والغريب ان اغلب الحروب المصرية الاسرائيلية تمت بنفس الاسلوب
و هو ضرب الطيران المصري بكامله فور بدء الحرب لسه الطيارات بتكون موجوده على الارض؟؟
يعني ناصر كان عنده 18 سنة يكسب فيهم مليون حرب مش بس واحدة و مع ذلك خسرهم كلهم و بهدل دين ام مصر و دين ام الدول العربية كلها؟؟
اما عن خطاب السيد نصر الله
فحقول كلمتين
اولا مشفتش الخطاب و لا عارفة اوصله عالنت
لكن لهجة السيد معروفة و هي دائما ثورية
كونها مستفزة او مش مستفزة فمقدرش احدد بنفسي
لكن عندي شعور و عندي تساؤل
الشعور هو و مع اختلافي مع ايديولوجية السيد نصر الله و ريبتي في مصادر حاجات كتيرة بس منكرش انه لما بيضرب صواريخ صح على الكيان الصهيوني
بفرح
حد حيقلي ما هو كده بيموت فلسطينيين في النص حقوله ما هما كده كده ميتين ميتين
لكن على الاقل صواريخه مش فشنك و لا بمب عيد زي كتاكيت المقاومة الفلسطينية الاسلامية المسماة بحماس و الاقصى و لعب العيال ده
يعني دي حاجة لا انكرهاو الاعتراف بالحق فضيلة
التساؤل بقى
هل رجوع القنطار يساوي كل دم الناس البريئة اللي راحت هدر في حروب حزب الله ضد اسرائيل؟
انا متاكده ان حد فيكوا سال السؤال ده بس مش فاكرة مين بالظبط
و انا مش مستنية اجابه ، هو سؤال مجازي يعني
لاني اللي بلاحظة ان احنا دايما بنضحي بكميات هائلة من شعوبنا في سبيل شخصية واحدة وقع عليها الاختيار كي تكون مقدسة سواء كانت زعيم
او بطل او غيره
فانا بجد مستغربة، هل لابد اني اكون رمز عشان تبقى ليا قيمة؟؟ يعني كوني انسان عادي ده ميدنيش قيمة و حق اني اعيش من غير ما يجيي زعيم او رئيس و يضحي بيا انا والاف غيري عشان واحد بس؟؟
تاني انا مش بقول ان رجوع القنطار مكنش مهم او كان مهم
بس لاني فعلا في حيرة من امري
و بتكلم بشكل عام
مش على الموقف ده بس
و كل اللي حصل ده بس عشان القنطار
، طيب و الباقي؟؟
كام واحد لازم يموتوا عشان القنطار و غيره يرجعوا؟؟
و عبال ما يرجعوا مش حيلاقوا حد يستقبلهم
يا فرحتي
لا يا عم رامز ..النقاش يحتمل الصراخ كمان ..بس لا يحتمل الزعل ..يعني لا يحتمل الشخصنة ..و أنا و الأخ خالد لا يمكن نتفاهم في نقاش ..لأنه حتى لو قلتله الان انه كل كلامه صح ..رح يجي و يقول كلمتين .أولاً عنده شغل ..و كأن ان احنا قاعدين بطّالين و بنجيب أخونا خالد غصب عنه و بقوة السلاح لهنا عشان يحاور ..و بنعطّله عن شغله ..و تانيا رح يقول انا مبسوط لأنه كلامهم بيثبت اني أنا صح .. انت صح الصحّ يا عم خالد ..انت أصحّ واحد على الكرة الأرضية و في الكواكب المجاورة ..و أكيد كلامي ده رح يأكدلك من جديد انه انت صح ..
ـ عمّ مينا .. هو مين اللي قال عن الأخ خالد ..مشبوه و بيقبض كمان زي ما أضاف حضرته ؟؟ يعني ممنوع نناقش من غير ما نطلع بنخوّن الناس ؟؟ أنا ما قلت عنه انه بيقبض و لا قلت عنه انه مجرم و لا خاين ..بعد شوية حا تعملوا منه بطل ومظلوم و يحتاج مؤازرة من منظمات حقوق الإنسان عشان ناقشناه ..
أنا لي وجهة نظر من حقّي أقولها متل ما هو من حقه يقول ..
ـ الأخت الكريمة حفصة
تحياتي لك أولاً ..
بعد ما كنت شكّيت بنفسي اني أهوج و قادم من القرون الوسطى بعد كلام أخونا خالد ..هلّئ عرفت اني الحمد لله لسه ذكي شوية ..عارفة ليه ؟ عشان أنا عارف انك من متابعي مدونة رامز و بقرالك كتير ..و عارف موقفك من السادات و انك بتزعلي لما حد يكتب عنه كلام مش حلو.., بعد ما كتبت كلامي ونشرته ..قلت ..أنا فتحت عليّ أبواب جديدة ..أقل حاجة حفصة رج تجي و تكتب كلام ليّ هههه و طلع معاي حق ..و الله مش بمزح ..
على كلّ .. أنا لا أكره السادات كشخص و لا أكره محبّي السادات بكل تأكيد ..إنما أنا عندي موقف من اللي قام بيه السادات ..دي كل الحكاية ..و يمكن كان غلط إقحامه في الحديث هنا ..
ـ ناصر لم تتح له الظروف لينتصر يا حفصة ..و أيوه صحيح ..السادات لم يأت من العدم ..و قدرة الجيش المصري على الإنتصار في حرب تشرين لم تأت من العدم ..و لم تأت من حنكة السادات و تدبيره فقط .. حنكة السادات و تدبيره شفناها اّخر الحرب .. أكيد انت قرأت مذكرات الشاذلي ..و أعتقد انه ما في إنسان ممكن يشكك بوطنية و قدرات الشاذلي القيادية كعسكري محترف .
ـ نسرين .. هههه طيب يا ستـّنا أنا اّسف ..
نفس الرد السابق .. من حقّ كل إنسان يكون له وجهة نظر في الأمور العامة ..حين نتكلم عن السادات أو ناصر أو أي قائد سياسي أو شعبي ..نتكلّم عن المواقف و القرارات و الأفعال و ليس عن الشخص كشخص ..و الأور العامة تحتمل النقد و المخالفة في الرأي ..لأنه تأثيرها بيكون على كل الناس و ليس على الشخص المقصود نفسه بس .و من هنا أنا قلت و مؤمن تماما انه من حق رامز ينتقد و يسأل و يحط ملاحظات على كلام السيد نصرالله ..بس طبعا مش من حقه يقول لناان احنا مجموعة من الهمج و الأغبيا ..و طبعا هو لم يقل ذلك ..رامز شخص محترف ..لما يكتب حاجة يعرف كيف يكتبها بأحسن وجه ..حتى نقده القاسي بيكتبه بطريقة مقبولة .تجعل القارئ يحترمه .
في الرد على سؤال الأخت حفصة :
كم واحد لازم يموتوا عشان القنطار و غيره يرجعوا ؟
ممكن توجهي هذا السؤال لإسرائيل أولاً و للأنظمة العربية التي لا تسأل عن أبنائها ثانيا ..
ـ كم واحد لازم يموت في لبنان عشان اسرائيل ترجّع أسراها الإثنين ؟ اّه نسيت ..اسرائيل من حقها بس احنا لا ..احنا بنطلع قتالين قتلا ..لما نعمل حاجة عشان نجيب أسرانا ..
ـ أريد أن ألفت نظرك إلى أن اسرائيل هي التي قتلت الشعب اللبناني و ليس حزب الله .وطائراتها هي التي كانت تقصف و ليس طائرات حزب الله ..و كانت تقصف في أقصى الشمال حيث لا وجود لشخص واحد من حزب الله .
ـ كمان سمير القنطار جاوب على نفس سؤالك في مقابلته مع عمرو ناصيف ..و قال زي ما قال تقرير فينوغراد انه الحرب كان معدّ لها قبل ما ينأسروا الجنديين ..( طبعا انتم لازم تصدٌّقوا تقرير فينوغراد ..عشان الجماعة مش عرب ) و قال كمان انه انتم قاعدين بتتكلموا عن حقوق الإنسان و تبيعوا و تشتروا فينا بحقوق الإنسان ..و تاركين أسراكم تلاتين سنة ما بتسألوا فيهم و لا بتفكروا بحقوقهم الإنسانية و لما يجي واحد يطالب فيهم تقولوا عنه انه سبب القتل و الدمار ..
ـ مين اللي قتل الناس في لبنان يا حفصة ؟ و ليش؟؟ أوعك تقوليلي اسرائيل جت قتلت عشان ليها عندنا اتنين أسرى و تعطيها كل الحق انها تعمل ده ..نحنا ما رحنا قتلنا حد في شوارع القدس ..نحنا أسرنا جنديين من أرضنا اللبنانية عشان نبادل فيهم أسرانا اللي ما حدا سائل فيهم من تلاتين سنة ..و ده من حقنا ..ده أبسط حقوق أي شعب محتلة أرضه وأبنائه في الأسر و مش عارف يرجعهم . ده طبعا إذا كان شعب بيحترم نفسه و أبنائه لهم قيمة كبشر .
ههههههههه
ولا يهمك يا جو حتتأسف على ايه ولا ايه بس
بقي المسؤول يا جو رايح السينما عشان فيه انقلاب
:))
ماشي يا جوو ماشي
_______
رامز
مفيش حد يار امز حجر على رأيك خالص انا شخصيا مش شايفه ان فيه حاجه غلط انك تقول ان الخطاب استفزك
ولا فيه مشكله حتى ان حد يشوف الخطاب كوميدي ولا حد يعيط من التأثر
كل واحد حر
مش معنى انى معجبه بنصرالله انه لازم رامز يعجب بيه بس انا ممكن اتضايق اوى من رامز لو مش بيعترف بانجاز نصرالله اللى اسرائيل نفسها معترفه بيه
وازعل اوى من رامز لو مش عاجبه نصرالله لمجرد انه شيعي كافر ابن كلب
ديه الاراء اللى ممكن تضايقني
بس نصرالله مستفز نصرالله بقي مغرور ديه حاجه متزعلش
بخرت المدونه ولا لسه
________
حفصه
يا بنتي الخطاب موجود عند نواره
احبك وانت عاقل وبتتكلم براحه يا تقيل
نوارة و النبي اديني لينك الحوار لاني اللهم لا حسدبفتح عندك كل ساعة بتكوني منزلة 5 بوستات و بتوه
**************************
لا احب او اكره شخص لكن بكره جدا تدليس المعلومات و نسبها لغير صحابها
بالظبط زي السرقة الادبية
***********************
بص يا حنا
اوعدك اول مرة انزل مصر بعد دلوقتي حروح عند قبر السادات و اتف و العن في سلسفيل اللي جابوه مش عشان حاجة بس ده شرح يطول
لكن ان نقاشك معايا و تفسيرك لسقوطنا الشنيع كدولة مصرية و كامة عربية تلخصه انت في جملة ان ناصر لم تتح له الفرصة للفوز ده هد اي اساس للنقاش العلمي عن موضوعنا
اولا:
تحب السادات او تكره مالياش دعوة
انا كنت بحكي عن انجازات و افعال
و لعلمك انا سني 31 سنة يعني ملحقتش اقعد مع السادات و اضرب لي حجرين شيشة معسل
فمافيش بيني و بيني اي علاقة شرعية او محرمة
ولا حتى قرابة
حتى هو اسمر و انا بيضا
و مقربش لجيهان كمان هي انجليزية و انا مصرية فلسطينية عربية من قريش
و لما يكون مصدر معلوماتك مصدر واحد و هو مذكرات الشاذلي فدي مش كويسة في حقك يا حنا
و كمان مش معقولة تستشهد بواحد كانت بينه و بين السادات مشاكل
الشاذلي على عيني و على راسي
بس يا ريت تروح تسمع شهادات لناس تانيين كانوا معاصرين للحرب بيحكولك و قت الثغرة الشاذلي كان حيعملها على روحه مع ان الموقف كان كويس اوي و ميخوفش الا اذا الشخص كان فاقد الثقة في نفسه
و دي عيبة كبيرة وي انها تحصل في واحد لمقام الشاذلي
ثانيا:
كل نقطتي اللي انا من الاول كنت عارفة انك حترد بيها هي حكاية ان ناصر ملحقش، طيب ما انا بقولك قعد على قلوب الناس 18 سنة
كووووول دول مكفوش؟؟
يعني يا حب عيني يا سواد ليلي فضل هو يحضر و يحضر ثم اخذ يحضر و يحضر
و مات لحظة ما كان حيضغط على زر الحرب قام السادات مسك بداله و نسب الموضوع ليه؟؟
هو انا بقلك السادات راح بنفسه فجر خط بارليف و كسب اللعبة لوحده و الجنود المصريين كانوا قاعدين بيراهنوا عليه على الضفة مثلا؟؟
ثالثا: فكرك مثلااني مكنش ليا قرايب شاركوا في كل حروبك يا مصر و هما بلسانهم يحكولك حالة الجيش كانت عالمة ازاي وقت ديكهوا
و ازاي فرقت عن وقت ديكهوا اللي بعده؟؟
بس كمعلومة بسيطة
ديكهوا الاولاني مكنش فيه جيش وقتها
وكان جهده متوجه نحو قمع الناس و البشر حضرتك و الشعب المصري بالاساس
و ياما ناس اتسجنت
بالظلم ومن غير وجه حق
و مش بس اخوان مسلمين
لا يسار واشتراكيين و شيوعيين و وفديين يعني اي حد يقله انا يقلشه عالسجن طوالي
الحرب حضرتك فيها اكاذيب كتيرة زي بالظبط كذبة ان الجيش السوري هاهاأو شارك بل و انتصر معانا في حرب تشرين المجيدة
زائد الاخفاء المتعمد لدور العراق الحقيقي البطولي اللي قامت بيهو روح اقرا كتاب الغيطاني حراس البوابة الشرقية
فلك ان تتخيل حجم حاجات كتيرة تانية في الاعلام تم تكذيبها و تهويلهاو اخفاء معلوماتها و تمييعها كل حسب هواه
لكن تبقى الحقائق حقائق
كان نفسي بما انك متابعني من فترة كده انك ترد عليا الرد اللي يفحمني و يحولني لقطعة الماس من شدة الضغط لكن زي ما انت توقعت اني حخش انط في كرش اللي يجيب سيرة السادات بالسوء، و ده طلع غلط لاني بقلك ناوية العن سلسفيل اللي جابوه بعد كده، فانا كمان توقعت انك حتقلي شبة جملة زي ناصر لم تتح له فرصة الانتصار يا حفصت
و انااسفه اني خليتك مستني بوست بحالة ردودي و خناقاتي و بينما لم يحدث ذلك و مكنتش اعرف اني بخوف كده
:D
تحياتشي
حفصة
أنا مش عارف ليش كل ده ؟؟ كلامك انك خليتيني استنى بوست بحاله و ما بعرف شو ؟؟و تنطي في كرش اللي يجيب سيرة السادات ..ما في داعي أبدا لهالطريقة في الحوار ..أنا أخدتها بعفوية و من باب المزح و قلتها بكل احترام و فكري ما راح للنط في الكروش و انتظار بوست ..فكرة و جات لي بلحظة و ابتسمت ..فقط لأني عارفك انكك متلي متابعو رامز ,,و كوني اني عارفك و تذكرتك ..ده يعني اني بحترمك ..مش العكس ..على كلّ مش ده موضوعنا ..بس انا مش عارف ليش التلميحات العصبية ..و لا طالب منك تتفي على قبر السادات ..السادات له اخطاؤه و له حسناته متل أي مسؤول في التاريخ .
أما اني ما اقنعتك ..فأنا و بكل صدق ..ما كنت بكتب عشان اقنعك ..لأني عارف انك مش رح تقتنعي ..لو بدك تقتنعي بوجه النظر التانية كنت اقتنعتي فيها من زمان و ما انتظرتيني ..أنااخدت هذا الأمر في الحسبان لما جاوبتك على سؤالك ..يعني أنا كنت بجاوب أولا و أخيرا ..كمان زي ما انا عارف انك مش ممكن تقنعيني لأني لو عايز اقتنع كنت اقتنعت من زمان ..و لعلمك أنا قريت كتب كتير عن الحرب و عن السادات ..قضت نص عمري بقرأ في السياسة ..يا ريت تقرأي مذكرات وزير خارجية السادات اللي استقال أثناء محادثات كامب ديفيد ..و الله راح اسمه عن بالي الان ..أنا قريت الكتاب سنة واحد و تسعين يمكن ..أعتقد ان اسمه كمال أو كامل ..و كيف السادات خدع حتى وزير خارجيته و كذب عليه لاّخر لحظة ..
ـ أما قولك انه الجيش السوري ما حارب في حرب تشرين ..دي بصراحة أكبر من استيعاب أي متابع للأحداث ..المعلومة دي حتى لو قلتيها أمام التاريخ لو كان التاريخ رجل ..كان انتحر ..
أما كون الجيش السوري ما انتصر ...دي فيها مناقشة ..طبيعي ما ينتصر ..لأنه السادات تركه وحده بنص المعركة بعد ما خدعهم و كذب عليهم و تركهم لقمة سائغة بعد ما أعلن وقف إطلاق النار من جانب واحد ..و الظاهر حضرتك مش قارية غير الكتب اللي بتمجّد الشادات و بتذمّ كل الناس اللي خدعهم و بتطلعهم أبشع ناس و هم اللي خانوا و هم اللي كانوا ضعفاء ..زي قصتك عن الشاذلي ..أنا اول مرة بحياتي اسمع حد يذم في الشاذلي كعسكري ..
ـ و كمان ما حدّ قال انه الجيش العراقي ما حارب ..نعم حارب و بشجاعة و أيضا كتائب من الجيش المغربي ..و من بعض الجيوش العربية الأخرى ..حاربت على الجبهة الشمالية ..وكلهم ..تركهم السادات في قلب المعركة و اعطى الفرصة لإسرائيل تنقل كل قواتها و معداتها على الجبهة الشمالية بعد ما اطمنوا انه السادات صار خارج الحرب ..
ـ ملاحظة أخرى : صحيح انه ناصر سجن ناس من كل التيارات و ما حدا قال انه ناصر كان أبو الديمقراطية ..لكن السادات سجن كل الناس ..حتى بياعين الفول و الطعمية ..في السبعينات كاد السادات أن يضع مصر كلها في السجن بعد مايو الشهير .
ـ معليش ..أرجو إن أردت النقاش ..أن يكون ذلك بدون تلميحات تريقة ..
تحياتشي أيضا
نسرين ..ههه انت لقطيها يا بنت ..يخرب بيتك
هو انا انسحبت من التعليقات
بعد ما قلت الي انا عاوزاه ومن غير ما اغلط في حد او اهين حد ولا لازم حد يقتنع ولا يغير فكر بس هو تبادل
افكار مش اكتر
وانا مين يعني عشان اغير فكر حد لا سمح الله لا نبي ولا ولي.. مجرد احد مثقفات ملخصات الويكيبديا
:))))
المهم بعد ما الموضوع كبر وتشعب وكان في الاصل عن نصر الله
فاحب اقولك يا رامز طول الصبح بفكر في موقفك ووصلت الي الاتي
انت بتكرهه يا رامز عشان هو شيعي وانت السعوديه بتدفعلك وبتمولك وغسلت لك دماغك
عشان انت وهابي
يا وهابي يا رامز!!
شفت ازاي ممكن الاضداد يتفقوا في خانه واحدة!!!!!!في مواقفهم
انت وهابي مخلجن رجعي سلفي
وبتكره سماحته عشان هو متشيع لال البيت ادي غضب ال البيت حل عليك يا وهابي... يا صحراوي
والمدونه ولعت
مدد يا نفيسه
بركاتك يا حسين
مدد يا ال البيت
:)))))
سلام
حفصت
علشان القنطار يرجع لازم يموت ناس كتير ؟
بس هم كده كده كانوا حيموتوا يا حفصت
و كان لازم حتحصل حرب , فينوغراد بتاعهم هو الى قال كده
ده رأيى
حسن نصرالله مقاوم مفيش كلام , له ايديولوجيته الى ماشى عليها , حقه برضه
لكن لازم تقرى الخطاب
اما موضوع السادات و عبد الناصر
فده قصة طويلة تانية , نبقى نتكلم بيها بعدين
لكن الأفعال تقاس بالنتائج , قدموا إيه فى الأخر
عبد الناصر قدم لمصر إيه ؟
السادات قدم لمصر إيه ؟
حسن نصر الله قدم للبنان إيه ؟
فهمتى قصدى
مش كان حلو و كان عسل و طيب و ابن ناس و كان " نيته خير " بس باظت منه , انما من جواه قاصد خير
مفيش الكلام ده
كلنا مع المقاوة طبعاً
بس الخطاب , سامحينى
==
حنا
مفيش حاجة تحتمل الصراخ
صدقنى
و ... ولا يهمك
==
نسرين
انا مالى انا إذا كان شيعى و لا سنى
إحنا خلينا فى الحاجة التانية
بخرتها , بس تقريباً البخور شغال عكوسات
هههههه
==
بنت القمر
أيون انا وهابى
سلفى متطرف كمان
و ربنا يكرم الجميع
-
الحمد لله حد قاللى سبب يخللينى أكره نصر الله
مشكرين يا بنت القمر
الحقيقة كانت تايهة منى
Post a Comment