Wednesday, July 30, 2008

الضربة الحادية عشر

1 ثم قال الرب لممدوح “ضربة واحدة ايضا اجلب على مصر, بعد ذلك أخرجكم من هنا." 2 و كان ممدوح رجلاً عظيما جدا في ارض مصر 3 وقال ممدوح : هكذا يقول الرب " اني نحو نصف الليل اخرج في وسط البحر. 5 فيموت كل من فى العبارة من القبطان الجالس على كرسيه حتى الطفل الرضيع. 4 ويكون صراخ عظيم في كل ارض مصر لم يكن مثله ولا يكون مثله ايضا.5 ولكن جميع بني ممدوح لا يسنّن كلب لسانه اليهم , لا الى الناس ولا الى البهائم.لكي تعلموا ان الرب يميّز بين المصريين و بنى ممدوح. 6 فينزل اليّ جميع الشعب  ويسجدون لك قائلين اخرج انت و جميع اهل بيتك .وبعد ذلك تخرج الى الخارج."  7 وقال الرب لممدوح " لا يسمع لكم أحد و لا تنفذ عليكم شريعتى لكي تكثر عجائبي في ارض مصر.  " 8 وكان ممدوح يفعل كل هذه العجائب امام شعب مصر و فرعونه . ولكن شدّد الرب قلب فرعون و نظامه فلم يرحم بني مصر و شعبها من حكم عجائبه .

--

و المجد للرب دائماً

--

سفر الهروب

الأصحاح رقم صفر .

--------

 

23 comments:

Anonymous said...

يخرب بيتك
ويخرب اللي بيحصل في مصر اليومين دول

ده ممدوح ده طلع شخصية بريئة بجد
كان الرب في عونه

The Alien said...

وستتوالي الضربات دون أن يفرج الرب عن شعب مصر
وسيظل يرينا العجائب والغرائب علي أرضها

تحياتي

Bella said...

الواحد ح يطق من الفرحة لبراءة ممدوح باشا

ظلمناه كتير ودعينا عليه طول الفترة اللى فاتت

يارب اغفر لنا ظلمنا له والهمنا الصواب لنكفر عن خطايانا تجاهه

وتجاه كل ممدوح في هذا البلد

mUsLiM said...

موضوع رائع بصراحه

بيعبر عن مدى الظلم والفساد الواقع فى بلادنا

نسأل الله أن يعم بلادنا بالخير والعدل والبركات

وأن ينتقم الله من الظالمين

وشكرا على هذا الموضوع الرائع

والله من وراء القصد

السلام عليكم

Samir Saad said...

عظيمة هي اعمالك يارب الجنون، لا لا اقصد الجمود، يوووه قصدي الجنود
حاجة تلخبط

mohamed hassan said...

شكرا بس بيقولوا ممدوح راجع

Anonymous said...

الله يخرب بيتك
و يخرب بيتي
و يخرب بيت ممدوح إسماعيل

عباس العبد said...

حمود
ظلمانه , ظلمانه يا حمود باشا
طلع مظلوم , لكن ربنا نصره علينا
أن ينصركم الله , فلا غالب لكم
خلاص يا حمود باشا
ظهر الحق و زهق الباطل أن الباطل كان زهوقاً
و الناس طلعت على باطل , ربنا يكون فى عونه فعلاً و يسدد خطاه
الظلم وحش يا حمود و إحنا ظلمانه
===
اليان
ربنا يرحمنا بجد و يغفر لنا خطايانا و ظلمنا الراجل ,
على الله يغفرلنا هو كمان
ممدوح , أغفر لهم يا ممدوح لأنهم لا يعرفون ماذا يفعلون
===
بيلا
كان لازم يظهر الحق
لأن الحق غلاب
و احنا ناس من جوانا قلوبنا سودا
واحدة زى جبهة دى قلبها أسود و حتخش جهنم علطول من سواد قلبها
و بعدين أحنا حنكفر و لا أيه ؟
الرب نصره علينا , نعترض على حكمة الرب
دى حتى حرام
و لا نكفر يا بيلا
نكفر أحسن بقى ؟
طبعاً احنا مؤمنين و موحدين
و ربنا يكرم الجميع
===

عباس العبد said...

مسلم
شرفت المدونة
و منورها
===
البرىء
تصدق لا أنت برىء و لا حاجة
و شكلك كده من عبده الرب الى نصر ممدوح
أغفر لهم يا ممدوح لأنهم لا يعرفون ماذا يفعلون
و انت من جواك مش صافى
===
محمد حسن
طبعاً لازم يرجع
يرجع علشان يسامحنا و يرضى عنا
يرجع علشان يغفر لنا و بعد ما يغفر لنا , يكمل نبواته و أحلامه و رؤاه
يمكن يخلص على 3 و لا 4 مليون كمان و يحل أزمة السكان
ربنا يكرمه , أصيل و أستحمل الغربة و بعد عن عياله و بيته و أهله
و بعد ما ربنا نصره لازم يرجع بقى , لبيته و حضن عياله
و يجمع الشمل
ربنا ما ينساش عبده الصالح أبداً
يمهل و لا يهمل
===
يحيى المصرى
طيب يا عم , بتدعى على ممدوح أسماعيل ليه ؟
ده منصور , و الى ربنا ينصره , مفيش عبد يقدر يرده
يخرب بيتك و بيتى , ده العادى
لكن بيت المحسنين عمار
و ممدوح , طلع محسن , و محسن كبير
ربنا يخرب بيوتنا كمان و كمان

Hypatia said...

الله يخرب بيتك
وبيتى وبيت يحيي المصري
وبيت مانويل خوسيه
وينصر ممدوح اسماعين على مين يعاديه
هاي هى

^ H@fSS@^ said...

يخرب بيتك
يا قداستك
و كمان كام سنة حيبقى نبي و له رسالة
مش كده برضو؟؟

عباس العبد said...

نسرين بسيونى
اللهم أمين
ربنا ينصره على كفار قريش الى هم أحنا
===
حفصت
نبى الرب الجبار
نبى السيد المختار
و مش حيبقاله رسالة واحدة
حيبقاله رسالتين و جواب و 3 ظروف
و الله ولى التوفيق
فيروا أعمال ممدوح الصالحة فيمجدوا اباه الذى فى الحكومة
===

ابو احمد said...

هذه اسوأ عصور الممليك ياعزيزى
للمماليك رب يحميهم
اما نحن فد خلقنا لنكون طعاما للأسماك
او وقودا لقطار
أو لتخليص البييئه من الحمير الميته
تحياتى

حـنــّا السكران said...

المجد للربّ في الأعالي ..ولممدوح على الأرض
ـ الله يخرب بيوتكم كلكم ..و بيتي انا كمان ( لأنه ما عندي بيت )انا شو اللي بيجيبني لهون ما بعرف

شادى زلط said...

روح منك لله
ضحكتنى وانا ماليش نفس اضحك
خلاص
سيبنى اعيط براحتى بقى

bluestone said...
This comment has been removed by the author.
bluestone said...
This comment has been removed by the author.
Unknown said...

هاي عباس

يمكن الجو مش ملائم بس في موضوع يهمني وجهة نظرك فيه،عشان عارفك دايما مثير للجدل

http://nostaliga.blogspot.com/2008/07/blog-post_30.html

عباس العبد said...

ابو أحمد
أسوء عصور المماليك
و لا أزهى عصورهم ؟
أنا أعتقد أنها أزهى عصور المماليك
===
حنا السكران
المجد للرب فى الأعالى -و للممدوح على الأرض - و للناس العبارة
===
ابو زيكاس
عيط براحتك يا باشا
===
بلو
أقرى أسكندرانى كاتب إيه
و الشعر من عند مدونة بنت عادية جداً
قريته
و كل عام و أنتم بخير

Abdulrahman Mansour said...

لينصر الرب ممدوح
علي الأعداء
ولتعم سفن السلام98 البحار
ويركبها الأعداء
لينتقلوا للعالم الآخر
ويعيش القديس ممدوح
ليرقص فوق جثث الأعداء

African Doctor said...

فين بقية الإصحاحات؟

عباس العبد said...

افريكان دكتور
لم يأتى بها الوحى بعد

أميرة جمال مصرية الديانة والجنسية said...

حقيقي .انت عبقري .فكره .الطرح ..اكثر من هايله ...ملهمه جدا جدا .......
حكايه سفر الهروب والفرعون .........
اه منه ......
علي فكره هو غلبه بكتيير جدا جدا
....هو والفراعين يتوعه الصغيرين ....

ربنا يرحم شعب مصر منه هو واتباعه المتفرعنين

اميره جمال