Tuesday, December 11, 2007

كتابة

حسنا .... لقد نجحتم

و اسمحوا لى ان انحنى لكم

فأنتصاركم هو جل ما ابغيه

كل ما اريده الان

ان اضع سبورة سوداء على صدرى

و الف حبلها جيدا حول عنقى

و اكتب عليها

كل ما اطلبه منكم بعد اذنكم

هو ثلاث وجبات من الطعام يوميا

و امرأة اضاجعها مرة كل خميس

سأسير عاريا صيفا

و استلم كل شتاء بطانية

و اردها مع نهايته

و اعدكم بأنى

لن اطلب شيئا اخر

.............

تركت منزلى و خلعت ثيابى

و نزلت عاريا لأنام على الرصيف كما وعدتكم

و بحثت و بحثت

و لكنى لم اجد سبورة

لأكتب عليها

او حتى طباشير لأكتب به

5 comments:

أبوشنب said...

ايه الطمع ده

بني ادم طماع بجد

تلات وجبات في اليوم

ومضاجعة كل خميس

عشان كدة عمرك ما هتلاقي السبورة

يا طماع

عين فى الجنة said...

رامز بيه
كل ده من تحت راس البصل الخزين ، اشتريت بكل فلوسك بصل ومستنى سعره يعلى وبعدين تطلع لنا لسانك
صح؟
بس مين دى اللى ترضى لامؤاخذه ( ---) على الرصيف وانت ريحة بقك بصل؟
كل سنة وانت طيب

^ H@fSS@^ said...

و حتى اذا ارتديت السبورة و كتبت مطالبك المشروعة فلن تجد من يقراها لان الناس نوعين
اما ان كل شئ متوافر له فلن يضيع وقته قراءة معاناتك
و اما مثلك تماما يبحث عما لا تجدوه نحن في انتظار ملاك او حتى شيطان المهم هو الخلاص
تحياتي

بنت القمر said...

يعني لازم تلات وجبات مش اتنين ولادي لكل خميس بس
اصعب الاحلام ياعزيزي ابسطها طيب والست مش ها تقولك انت واخدني من بيت ناس شوف لنا خيمه ايجار جديد الناس بتبص علينا
وكمان تلات وجبات هي كمان ولا انت ها تاكل وهي تفضل علي لحم بطنها وبعدين ها تقعد بوزك في بوزها السهره كلها ها تقولك زهقت شفلنا تلفزيون صغنن ووصله دش من الخيمه المجاوره اقصد البتاع الوصلات المجاور
عاوزة اشوف الفيلم يا عبس
او عاوزة اشوف ميلودي
تقوم تتخانق معاها عشان مش عاجباك ميلودي تقوم تجيب كمبيوتر صغنن ووصله نت تطمن علينا وتطمنا عليك منها

لحد ما تخلص هي فرجه
ووبعد ما تنصب الخيمه تيجي البلديه تعملك غرامه اشغال طريق
ههههههههه
وتضطر تطلب واسطه عشان البوكس ما يشيلش الخيمه
وطبعا وبعد 9 شهور يشرف عبس صغير يجيله التهاب رئوي من برد الشارع وعاوز مضاد حيوي ودكتور اطفال وتطعيم ولازم يروح حضانه عشان يبقا اجتماعي ولا هتشرد ابنك
يا لهووووي
وعلي ايه الصداع ده ارجع بيت اهلك وهات لهم العيش
جنه بابا ولا نار الرصيف
تحياتي
بجد تداعي الافكر ضحكني جدا

karakib said...

و لا الهوا
هي وجبه واحده في اليوم
يوم زيتون اخضر
و يو زيتون اسود
علشان ما تزهقش
و مافيش بطانيه
اتحرك و انت ما تبردش
يا رامز يا حبيبي
اذا اردت ان تطاع
فاقعد ساكت و ما تطلبش حاجه خالص