Wednesday, December 19, 2007

فى الفداء


الى الله

الذى لم يعد يستمع الى صلواتنا

لأننا اصبحنا منافقين

.......

كنت جالس امامه نتحدث عندما فاجئنى بالسؤال

لماذا فشل الله فى ان يجعل البشر جميعا يحبونه و يتبعونه ؟

لم اجب

تأمل قسمات وجهى التى تجمدت

حاول ان يستشف رد فعلى و لكنى صمت

فأجاب هو

هو احتمال من ثلاث

اما

انه غير موجود و بالتالى لم يفشل

اما

اما انه ضعيف و لا يستطيع ان يجعل احد يحبه

اما

انه جبار و خبيث .... مش عايز تؤمن انت حر .... بس بعد ما تموت ... حولع فيك

............

لم اقتنع بألاولى

و لم استسيغ الثالثة

و لكنى ارتحت للثانية

نعم ... الله ضعيف

لا يستطيع ان يجبرك على الشىء

فأنت الذى تختار

اما ان تختار الجنة .... او تختار النار

انت

تعرف طريق الجنة ..... و تعرف طريق النار

نعم ... الله ضعيف

ضعيف

لأنه كلى القدرة

القادر على كشىء

لأنه لم يرضى ان يذبح اب ابنه

لأنه احب ابراهيم

و فدى ابنه

نعم ... الله ضعيف

لأنه يحب خليقته

ففداها

فدى نسل ابراهيم

........

" فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانْظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِنْ شَاءَ اللَّهُ من الصابرين 102 فلما أَسْلَمَا وَتَلَّهُ لِلْجَبِينِ 103 وناديناهُ أن يا إبراهيم 104 قد صدقت الرؤيا . إنا كذلك نجزي المحسنين 105 إنَ هذا لهوَ البلاءُ المبين 106 وفديناهُ بِذِِبح ٍ عظيم 107 "

سورة الصافات


..........

شكرا

لك ... يا الله

لأنك .... ضعيف

..........

نعم

اشكرك

فنحن ... نسل اولاد ابراهيم

نحن ... احفاد الذبح العظيم

نحن ... ابناء الفداء العظيم

..............

كل سنة و انتم طيبين

يا اولاد ابراهيم

كل سنة و انتم طيبين

يا من تتبعون

الاله .... القوى الضعيف

23 comments:

African Doctor said...

جميل قوي
ثنائية الضعف / القوة في الله و الإنسان و الطبيعة مبهرة
بوست رائع

^ H@fSS@^ said...

عارف
لسه النهاردة الصبح شفت المانشيت في الجرنال و بيقول
ابصر مش عارف كام مليون مسلم يدعون الله في عرفات لنصرة المسلمين
كنت بفتح الباب و خارجة اصلي النهاردة شغل بعيد عنك
وقفت للحظة و فكرت انه يا ربنا بقالنا كام مليون سنة بندعي و مافيش فايدة؟؟ للدرجة دي دعانا فشنك؟؟ ايه الغلط اللي ممكن نكون عملناه عشان ربنا مش راضي يستجيب لنا لغاية دلوقتي؟؟
و لقيتك انت كاتب ان احنا بقينا منفاقين و ده صح مليون الميه
و الظاهر برضو ان مافيش حاجة بتيجي بالدعا خلاص ربنا زهق مننا هو ادانا القرار و الاختيار و احنا لسه عاملين زي العيال مستنيين اللي يحضر لنا الرضعة و يرضعهالنا
من فترة كنت نقلت مقطع من قصة باولو كويلهو اسمها الجبل الخامس مفاداه ان ربنا مش بيحب غير الناس العنيدة اللي بتاخد حق قرارها من نفسها و يتحملوا عواقبه ابقى اقراه بس يا ريت لو تقدر تقرا القصة نفسها
حاجة عاملة زي الشاكوش لما ينزل عالراس يبعترهاو مع اني ضد الشعر الساميني بس مش لاقيه تعبير احسن من ده
و اخيرا تحياتي على كلماتك الاخيرة الرائعة
كل سنة و انت بالف خير يا عباس يا خويا
تحياتي

bluestone said...

just thank you .... THANK YOU !!

nourita said...

not da3if but HALIM

Allah is alhalim , alrahim

Unknown said...

الله...الله..الله

قد ايه تدوينة جميلة يا عباس..وبسيطة..وصادقة

تعرف..أنا أول ماقريتك بتقول "نعم..ان الله ضعيف" اتخضيت وقلت يا نهار اسود..ده احنا لسه طالعين من خناقة..بس لما كملت للأخر قلت الله عليك ياواد يا عباس...جميلة وملعوبة

كل سنة وانت طيب يا قمر ياجميل

Anonymous said...

ضعيف ازاي يعني
قصدك رحيم
رجاء بص للامور من منظور دينك انته
لما تقول الله ضعيف
هات من ديانتك ما يثبت ويؤيد رايك
لكن احنا عندنا في الاسلام الله القوي الرحمن الرحيم
يعني ياريت ما تخلطش الديانتين علي بعض
ماتجبليش ايه دليل علي قوة الله المطلقة للتحكم في مصير العباد وانصياع المؤمنين لتلك الاوامر ثم تاتي رحمته سبحانه وتعالي وتيجي حضرتك تقولي الله ضعيف ما قدرش يستحمل
عاجبك الاسلام ومؤمن باياته اللي ضربت بيها المثل اهلا وسهلا
مرتاح زي امتنه برده اهلا وسهلا وخليك زي ماانته
بلاش النعومة الزايدة عن اللزوم دي لان هو دة النفاق اللي انته تقصده

عمر بوك ستورز said...

ا((لا مـؤاخـذة ))ا

فاصـل إعلاني :)

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

عباس العبد said...

شوف يا سيد انونيموس
هو حل من اتنين
علشان انا مبحبش
اكلم مجهولين
التدوينة دى
انا مكنتش ناوى ارد فيها
لأنها مفهاش حاجة للرد
لكن انت قلت حاجة مهمة
منظور دينى انا
مفهوش ضعيف
ثانيا انا متكلمتش لا عن عقيدة و لا
شريعة
ثالثا
انا استعملت لفظ " تأملى " مش دينى
و لو انت قريت للحلاج و بن عربى او اى حد صوفى
حتقرا حاجات
اكتر من كده
و اقوى من كده
فمتجيش تمسكلى على لفظ انت عارف قصدى منه كويس و واضح
و لو انت عايز تتكلم عن " المصطلح " متكلمتش ليه عن مصطلح الفداء الى هو مش اسلامى اساسا
مصطلح " يهودى " فى المقام الاول
.......
ده الكلام الاول
التانى
انى الغى تعليق
اى مجهول و اريح دماغى
.....
انا مش منافق و لا ناعم
دى رؤية دينية مباشرة
امال لو قريت عن لا نفعية الاله من منظور دينى
حتعمل ايه
حتكفرهم
او الجنس المقدس
او الفناء فى الاله والتوحد بيه
و دى كلها حاجات صوفية
حتولع فيهم
اقرأ لأبن عربى
ملحوظة اخيرة
خد بالك
ان ده كان حوار بين اتنين
واحد منهم ملحد
فأكيد مش حيستعمل مصطلح دينى
.....
" ماتجبليش ايه دليل علي قوة الله المطلقة للتحكم في مصير العباد وانصياع المؤمنين لتلك الاوامر ثم تاتي رحمته سبحانه وتعالي وتيجي حضرتك "
خد بالك التحكم فى مصير العباد دى من الجبرية
و فى ناس مفكرين ضد الجبرية
و كل سنة و انت طيبة
.........................
النبى الافريقى
مشرفنى يا باشا
و متشكر
و خد بالك
الثنائية دى قديمة قوى
......
حفصة
منورانى
.......
بلو ستون
اى خدمة
....
نوريتا
انا عارف يا نوريتا
بس انا مستعملتش لا لفظ اسلامى الى هو رحيم
و لا مسيحى الى هو محبة
كل سنة و انتى طيبة
......
م5 م
كل سنة و انت طيب
.......
عمر بووك ستورز
فاصل ايه و بتاع ايه
مع نفسك انت

عين فى الجنة said...

باشمهندس
الله سبحانه وتعالى له الاسماء الحسنى كما وردت فى القران الكريم او فى الاحاديث النبوية الشريفة ووهى اسماء لصفات الله الكبير المتعال والقوى العزيز اى التى تصف قوة وجلال وعظمة الله سبحانه وتعالى واسماء تصف رحمة الله ورفقه بعباده وليس من ضمنها ولا ينبغى ابدا باى حال من الاحوال ان نصف الله فى الشريعة الاسلامية بصفة الضعيف فهذا يندرج تحت باب الهرطقة والذندقة فلله الاسماء الحسنى فادعوه بها تقدست اسماؤه جل فى علاه الواحد الاحد الذى لم يلد ولم يولد ولم يكن له كفوا احد
ولا يجوز كذلك ان نتقول على الله وندعى بغير علم انه لايسمع للدعاء فهو السميع العليم وهو يعلم الخبء فى السوات والارض ولكن نقول ان الدعاء لا يستجاب له حسب علمنا المحدود وهذا اقرب للصحة
واعتقد انه يوجد مايقارب ذلك عندكم فى العقيدة المسيحية
كل عام وانت بخير بمناسبة راس السنة وعيد ميلاد السيد المسيح عليه وعلى محمد افضل الصلاة والسلام

Anonymous said...

لأ يا أستاذ عباس .... الله مش ضعيف...الله عادل ( قوى حسب وصفك ) و محب ( ضعيف حسب وصفك)... عادل + محب = الفداء
محب لابن ابراهيم فلم يتركه يذبح .
عادل لأنه لم يتراجع عن أمر الذبح فأحل الخروف مكان ابن ابراهيم ....بس ....هى دى7 المعادلة.

عباس العبد said...

يا سيد راجى
كل سنة و انت طيب
و يعود عليك الايام بخير
انا مقدرش استعمل مصطلح دينى
لأنى غير متخصص
و بعتذر لو اتفهم كلامى غلط
و ان كان غير مقصود
و فعلا مصطلح ضعيف غير مسيحى اساسا زى ما هو غير اسلامى
لكنها رؤية شخصية
....
انا قلت
" منظور دينى انا
مفهوش ضعيف
ثانيا انا متكلمتش لا عن عقيدة و لا
شريعة
ثالثا
انا استعملت لفظ " تأملى " مش دينى "
.....
فهمت قصدى
كل سنة و انت طيب

عباس العبد said...

السيد كاتب
صدقنى
انا فاهم كويس كلامك
و عارفة و متنساش ان احنا كمان عندنا فداء
مبنى على العدل و المحبة
لكن انا استعملت مصطلح بشرى
و قلت فى الاخر
القوى الضعيف المحب
انا قلت كده
و بعدين انا كنت بتكلم مع ملحد
.....

Anonymous said...

على فكرة يا رامز البوست ده عالي أوي
التمازج بين الضعف و القوة حلو جدا
و كلمتك الأخيرة القوي الضعيف عالية أوي

كل سنة و إنت طيب يا باشا

Hypatia said...

تحياتى ليك على مدونتك الجميله اللى اكيد حازورها كتير
وكل سنه وانت طيب ويعود علينا الايام بخير ان شاء الله
التدوينه عجبانى جدا جدا ومش محتاجه اى تعليق بس حاقولك حاجه من غير زعل
انا اتضايقت من كلمه"ضعيف"انا فهمت قصدك كويس بس الكلمه قبضتنى وضايقتنى مش عارفه ليه ومش حاقول انها اختيار غير موفق لانك زى ما قلت مش متخصص فى الدين وليك كامل الحريه فى انك تعبر عن اللى جواك بس كل القصه ان الكلمه مضيقانى
تحياتى ليك وكل سنه وانت بخير

مصطفى اسماعيل said...

يا أخى حرام عليك
لسانا اتدلدل علشان نقولك كفاية
يعنى ينع كدة بالذمة


















جمع حاجاتك بقى وانشرها

بنت القمر said...

عباس يا عباس
ولو اني مبحبش اقرا تعليقات قبل ما اقرر انا ها اكتب اقول ايه
ولكني عملتها بص يا سيدي
ولو ان كلمه ضعيف مش مريحهوتخض انا
انا عارفه انك بتتكلم علي احساس شخصي وكلنا مهما علت درجه ايمانا بنقع في البير ده
نفسك تلحد صح؟؟
بس مش قادر ولا عارف
حاسه كده هاتموت وتلحد
زي بوست بتاع مرات صاحبك اللي ماتت
بس يا عزيزي
دي مشاعر طبيعيه بشريه
في احاديث وايات كتير انه كلما زاد ايمان الانسان زاد ترصد الشيطان له
وغوايته
واخدلي بالك انت من كلمه غوايته
ههههههههههههه
عشان يبعده
ويضله لكن هل وجد الملحدين راحتهم في عالم لا يحكمه الا الشر المطلق؟
بص
بمر بحاله كدة من فتره
يعني زي ما تقول كده حبه لسعان علي حبه تشويش
كتبت بوست ما قبل السابق اسمه هلاوس
ابقا بص عليه
وحسيت بنفس شعورك لو ربنا عاوزنا نعمل الصح بيخلينا نعمل الغلط ويزينه لينا ليه؟؟
وازاي نقاوم ؟
والغوايه من كل ناحيه والفتن من كل جهه ووقت
دي الخلاصه بتاعته لو مبصتش
المهم
لو انت بقا بتكلم عن الفداء
وشايف انه رحمه ومحبه
يمكن رحمه لابراهيم ولكن
طب يعني احنا استفدنا ايه لما عشنا وجينا من نسل ابراهيم
جينا نعاني في الحياه
ونتخانق ونقتل ونسرق ونعصي وفي الاخر نموت
ومتعذب لكن ارجع اقولك من لا يرضي بقضائي فليهرب من تحت سمائي
احنا مش بنختار
اهو يا نرضي يا نرضي
ونعيش علي امل الجنه يا نخسر كلشي
ويبقا عليه العوض دنيا واخرة
لانه كده مفيش سكه تانيه
هبقا ارد علي التدوينه السابقه
بس وقتي ضيق حبه
تحياتي

تــسنيـم said...

بل هو رحيم عطوف
رفيق بنا وبحالنا

حقق غرضه وتأكد من طاعة سيدنا إبراهيم وانصياعه لأوامره عندما استجاب له وقرر ذبح ابنه الذي ظل كثيرا وكثيرا يناجيه ليهبه له

لم يكن ضعفا منه بل شفقة بنا

عباس العبد said...

انا مش فاهم حاجة
هو الاعتراض على البوست و لا على اللفظ ؟
لو على البوست انا مهنديش مشكلة
قولوا و انا اشيله
انا محبش اخسر او ازعل اى شخص
........
اما لو على اللفظ
فالناس كلها فهمه انا قصدى ايه من اللفظ
ثم انا كنت بتكلم مع ملحد و اكيد مش حيستعمل الفاظ دينية
( الحوار ده حصل بجد --- بس انا الى كملته بعد كده )... تمام لحد كده
اما الى محموق قوى على اهمية الالفاظ
معترضش ليه على لفظ فداء و هو مش اسلامى من الاساس و لا وارد حتى فى الفكر الاسلامى
و لا علشان مصطلح كويس نسيبه
و نقفشله على اى حاجة و خلاص
نرخم و خلاص
هييييييييه
اى حاجة
هييييييه
بجد مش فاهم

عباس العبد said...

تسنيم
مشرفانى و كل سنة و انت طيبة
.......
بنت القمر
بما انك انتى الى رديتى بموضوعية
فعندى ليكى مفاجأة

^ H@fSS@^ said...

لا بقى اسمح لي يا عباس
لو حد متضايق من اللفظ نعتذرله بس مش تشيله
مش معقولة اكون لسه بتكلم عن الختان الفكري اللي احنا فيه و تقوم تيجي انت كمان تشيل بوست بالجمال ده عشان ناس معترضين على لفظ
يبقى متكتبش احسن و ميكتبش كل واحد حنروح نعترضله على لفظ ولا شوية حروف
مع احترامي لكل التعليقات المعترضة
بس مش طريقة
الفكرة هنا واضحة
تحياتي
سلام

Hypatia said...

انت اخدت الموضوع بعصبيه جدا وكمان عاوز تشيل البوست وحتى مردتش التحيه والتهنئه بالعيد
على العموم اقرا الكومنت بتاعى تانى واكيد مش المفروض انك تشيل التدوينه حتى لو مش عاجبه حد
تحياتى

عباس العبد said...

نسرين
انا اسف يا ستى
كل سنة و انت طيبة
و يعود عليكى الايام بخير
الفكرة مش انى متعصب
انا قلت انا مش فاهم بس
كل واحد داخل
محسسنى
انى مبفهمش و انه داخل يفهمنى و كأنى تلميذ و بيصححلى معلومة
و يلا من عنده كده حيسامحنى المرة دى
بس المرة جاية ... ها
بس يا ستى
صحيح فى ناس قالت بأمانة
زيك و زى بنت القمر و حفصة و غيركم
ان المشكلة ان اللفظ مش مريح
لكن القصد مفهوم
.......
كل سنة و انتى طيبة مرة تانى

Nani said...

السلام عليكم
ان الله ليس بضعيف بل رحيم
اشعث اغبر ماكله وملبسه وطعامه حرام رافعا كفيه لله فانى يستجاب له
بل النفاق ان اتخذناه مهنة وهواية
اللهم ارحمنا من شر انفسنا