Sunday, March 09, 2008

المسيرى

ولعل سيتي ستارز في مدينة نصر، التي يحج لها المصريون والعرب وكأنهم يدخلون إلى إحدى المعابد العلمانية، هي قمة انتصار الإمبريالية النفسية علينا، ولذا لم يعد الغرب في حاجة لإرسال جيوشه لاستعمارنا، كما كان يفعل في الماضي. والله أعلم . اقرأ المقال

.........................

وتتناول قصة "في مواجهة الغابة" التي كتبها الروائي الإسرائيلي أبراهام يهوشوا في النصف الأول من الستينيات الحالة النفسية لطالب إسرائيلي عين حارسا لغابة غرسها الصندوق القومي اليهودي في موقع قرية عربية أزالها الصهاينة مع ما أزالوه من قرى ومدن.

ورغم أن هذا الحارس ينشد الوحدة، فإنه يقابل عربيا عجوزا أبكم من أهل القرية يقوم هو وابنته برعاية الغابة، وتنشأ علاقة حب وكره بين العربي والإسرائيلي، فالإسرائيلي يخشى انتقام العربي الذي أصيب بعاهته أثناء عملية التنظيف العرقي التي قام بها الصهاينة عام 1948.

ولكن ورغم هذا يجد نفسه منجذبا إلى العجوز العربي بصورة غير عادية، بل يكتشف أنه يحاول، بلا وعي، مساعدته في إشعال النار في الغابة.

وفي النهاية، عندما ينجح العربي في أن يضرم النار في الغابة، يتخلص الحارس من كل مشاعره المكبوتة، ويشعر براحة غريبة بعد احتراق الغابة، أي بعد نهاية إسرائيلاقرأ المقال !......

26 comments:

Alexandrian far away said...

يا سلام يا رامز
بسم الله ما شاء الله
أيه الخصوبه التدوينيه دي كلها
ربنا يحميك للبلد وللتدوين
أيه بقى سر اعجابك بالمسيلري يا رامز
مش فاهم الصراحه

^ H@fSS@^ said...

نفسي مرة
مرة واحدة قبل ما اموت افهم انت بتحاول تقول ايه
ابوس ايدك مرة واحدة مضطرش اني اعصر نخاشيش مخي التعبان و افضل اجري من خلية لخلية عشان كل واحدة تتمخض عن معنى مساوي لما بعده من منطقية في المعنى و لكنه مضاد له في الاتجاة
انت متخيل انت بتعملي ايه في تلافيف مخي المزدانة بالجيوب الفكرية؟؟

يعني هل قصدك تقول
بصوا المسيري لسه بيتكلم عن نظرية المؤامرة و مع ان العدو نفسه بينهار و متوقع فشله بفشله
و لا قصدك تجيب بمنتهى البساطة مقطعين من حاجتين عجبوك و يستحقوا القراءة و التفكير و التحليل
بس لأ
انت عباس
مش بتجيب الحاجات على عواهنها كده
و لا قصدك بصوا ازاي هما خلاص حينهاروا بس بعد ما حققوا هدفهم و هدوا مجتمعنا بدخولنا معابد العلمانية المتمثلة في ستي ستارز و مطبات العقاد
ولا قصدك
بينما ما تزال الامبيرالية تنتشر في معابدنا فانها تتناقص في مقر حكمها؟؟
شفت بقى انت بتتعبني ازاي
دي مبقتش غواية
دي بقت تغشيل مخ و بتضيع عليا الراس المغوية اللي علمتها

حرام عليك يا اخي
اتقى الله في الولايا اللي زيي

m.sobhy1990@gmail.com said...

وأنا بضم صوتى لصوت حفصة

مش هتبقى إنت وناءل الطوخى

إرحمونا
ده إحنا ولايا

محمود المصرى said...

بسم الله الرحمن الرحيم

انا بصراحة لا استغرب اتفاقك مع الدكتور عبد الوهاب المسيرى ( هذا على افتراض انك تتفق معاه لكن هذا ظنى ) لكن الدكتور عبد الوهاب المسيرى يحذر من الامبريالية الاقتصادية المتمثلة فى تحويل المجتمعات الى اسواق استهلاكية ويحذر من الامبريالية العسكرية بصفة عامة , لكن المشكلة الاكبر هى السقوط فى الامبريالية الفكرية , يعنى لما يتشكل فكرك وتصورك ومنهجك فى قالب امبريالى فأنت سقطت فى الفخ بجدارة , والكلام عن المجتمع الاستهلاكى والتمحور حول الانثى والانجرار للأثارة الغريزية وكل هذه الامور هو كلام عن اعراض للمرض وليس عن أصل الداء .
والدكتور عبد الوهاب المسيرى اينعم يقرر ان الدين له دور فى تشكيل الفكر والهوية والثقافة لكل انسان , لكن لا يرى انه يعدو حدود الدور الذى قد يلعبه الدين فى الغرب , فهو ينظر للعالمانية بمعناها الجزئى وليس الكلى , وهذا ان جرى على المسيحية لا يجرى على الاسلام , لأن الاسلام يرسم الاطار الاوسع الذى يشتمل على كل النشاط الانسانى بدءا من طريقة الاكل والشرب حتى حكم الدولة , فكيف برأيك يا باشمهندس نتجنب السقوط فى الامبريالية الاعلامية ونحن واقعون فى الامبريالية الفكرية الايديولوجية ؟

محمود المصرى said...

احب اضيف نقطة توضيحية
هى ان الدكتور عبد الوهاب المسيرى لا يزعم تهاوى المنهج الامبريالى فى معاقله , انما يبين مظاهره واعراضه فى الممارسة والنشاط الانسانى هناك , وبالتالى يقيس حال مجتمعاتنا على حال مجتمعاتهم وبالقياس هذا نعلم مدى نجاح المد الامبريالى فى مجتمعاتنا .
يعنى ماحدش يأمل ان الامبريالية هاتنهار من ذاتها , الامبريالية لازم تهزم خارجيا وليس داخليا , وللعلم مسألة الانقياد الاعمى للأعلام فى الغرب وامريكا تحديدا تكلم فيه ناعوم تشومسكى من قبل .

عباس العبد said...

اسكندرانى
انت عايز ايه يا عم انت
انا اخصب براحتى
و بعدين مين قالك انى معجب بالمسيرى ؟
و بعدين انت عايز تفهمنى ؟
القطة كلت عيالها يا ولاد
========
حفصت
و لا تعصرى و لا تفعصى نخاشيش مخك و الف سلامة عليكى
انا الى بنشره مش لازم اكون متفق معاه
انا مبنشرش غير الى بيستفزنى
يا اما استفزاز ايجابى
زى ما حصل مع المجموعة القصصية " بجوار رجل اعرفه " لأنها عجبانى جدا
يا اما استفزاز سلبى زى المقالتين دول
و بعدين انا اتغاظ ليه لوحدى
ما كلنا مع بعضينا
..........
انا اقولك بقى بصراحة
سواء اتفقنا او اختلفنا مع المسيرى
انا مش بفهم الراجل ده عايز يقول ايه
قريتى العلمانية الجزئية و العلمانية الكلية , طيب قريتى " دراسات معرفية فى الحداثة الغربية "
فى مقال له
اسمه " الدياسبورا " و بيقول فيه ان الاقباط ليسوا دياسبورا
لو لقيت المقال حبعتهولك
المقال رمانى على الارض من الضحك هو التلات كتب الى فاتوا
المسيرى عايز يفهمنى انه بيفهم فى الاسرائيليات و الفكر الدينى اليهودى افضل و احسن من الاسرائليين و اليهود
كان فى لقاء فى البيت بيتك مع الاصتاذ طامر امين
و السيد المسيرى قاعد قعدته المشهورة
متزحلق نص زحليقة على الكنبة كده و شابك ايديه و حاططهم و ساندهم على بطنه و بيتكلم بصوت رخيم
فطامر امين بيسئله و بيقوله عن رأى الاسرائيلين و الفكر اليهودى فى بعض المواضيع
رد عليه رد خلانى اعيد التفكير من اول و جديد
طامر امين بيسئله
رد عليه لأ لأ لأ كلامهم غلط
هم مش عارفين يقصدوا ايه , و راح مصلح الى بيقولوه عن نفسيهم
عايز يفهمنا انهم مش عارفين نفسيهم و لا عارفين هم قاصدين ايه و انه هو الوحيد الى عارف الى هم ميعرفهوش عن نفسيهم ,
زى الامريكان كده لما يقولوا انهم عارفين احنا عايزين ايه بس احنا مش واخدين بالنا
او
لما حد يدعى انه عارفنا اكتر من نفسينا
تخيلى
......
بالنوسبة للمقالتين
احوب اقول
الاولانى
الصراحة له حق
انا لما شفت قائمة شندلر الى اتكلم عن محارق اليهود , يخليك تتعاطف معاهم لدرجة انك ممكن تتدمعى فى بعض المشاهد
لكن فكرة التسليع و الكلام ده
متخشش دماغى لحاجات كتير
مش مكانها دلوقتى
اما موضوع نهاية اسرائيل
ما تخلص يا سيدى
ما تولع بجاز يا عم
ما تتنيل على عين امها و تنتهى ان شالله يولعوا فيها
يعنى هى مشاكل المنتئة العربية وجود اسرائيل بس
يعنى قبل انشاء دولة اسرائيل
كانوا سمن على عسل
و لما تزول حيبقوا سمن على بتنجان اسود
نافوخى يا ناس ناوخى

عباس العبد said...

محمد صبحى
شرفت المدونة و متخفش
========
محمود المصرى
فى نقطة مهمة لأجابة سؤالك
الامبريالية الفكرية
هى نتيجة ان المليان يصب على الفاضى
او الاقوى يسيطر على الضعيف
الحضارة الى بيحط عليها الشرق الف علامة تعجب و رفض , انتجت كل حاجة بنسميها سلعة و هو خايف منها
لكن خد بالك من الى حقوله
الكمبيوتر الى احنا بنستخدمه بالنسبة للغرب مش سلعة ده بقى زى الميه و الهوا
لكن بالنسبة لينا سلعة , لأننا معملناش فيه مسمار
طرق الاستهلاك فى الغرب مش نتيجة تسليع دى نتيجة انهم كده ,,
نمط الحياة و طريقة التفكير و كل حاجة
هى نتاج و مسبب للتقدم الى هم فيه
فطبيعى تبقى اغراء للشعوب الى متنيلة على عنيها
اما مصطلح الامبريالية الفكرية
فمصطلح شائك
لأنى ممكن اوصفه على اى فكر
ممكن اقول
ان الاخوان و السلفيون ليهم تأثير امبريالى فكريا على عقول المصريين المتدينيين البسطاء
او
ان اليسار له تأثير امبريالى فكرى على المصريين الفقراء,
الفكر الاقوى بيفرض نفسه.
و ده نتيجة التقدم الى بيصبح نوع من انواع جلد الذات للمتخلف فبيجرى وراء اسباب التقدم
فلو كانت فى نظر المتخلف ان العالمانية هى طريقة تقدمه فمرحبا بالعالمانية !!!!؟؟؟؟؟؟؟
فاهم قصدى
مش ذنب الامريكان ان احنا فى التراوة
لكن ذنبنا ان احنا الى فى التراوة
-----

أبوفارس said...

الله ياباشمهندز مأنت زى الفل أهو بسم الله ماشاء الله عليك..فاهم وواعى للفوله..والعالم اللى بتسترزق م الهوا..والعلمانيه الكليه والنص نص..والعالم الهبله اللى ماشى تحدف طوب,,وتجرى ورا عربيات الرش..أمال حاطط نقرك من نقرى ليه..ومصمم على مبادره لتعريف الشباب على بعضهم...أضم صوتى لصوت حصفصف وأقولك مش فااااهم..بس الكلمتين اللى فوق دول ميه ميه..تحياتى وبلح آمهاتى..خالد

Alexandrian far away said...

يا عم الملك النعمان بتاع الأقاليم
هو أنا برضه أتوصل لفهمك؟!!!
بقى دي معقوله ياولاد
أنا أفهم عبقرية فصاحة عمق أتساع عملقة أنتفاخ جدلية بنيوية فلسفية عماميق أبداعات نوايا قداستك
ده حتى تبقى المعزه كلت ولادها مش القطه
وربنا يزيدك خصوبه كمان وكمان لما الأنترنت تعطل من كتر تدويناتك يا قادر يا كريم


الأستاذه العزيزه حفصه
مره أستاذي رحمه الله قال لي: لما تدور على معنى حاجه ومتلاقيهوش ليه تفترض أنك عاجز عن إيجاد المعنى، ما يمكن الحاجه دي مالهاش معنى أساسا، ما تحاولش تبص على الفيل بميكروسكوب

وأصدقائي الأثريين كانوا بيقولوا لي أنهم بيستمروا في الحفريات الأثريه لحد ما يوصولوا للمياه الجوفيه يبطلوا على طول بحث
أول ما تطلع الميه يبقى مافيش فايده نبطل بحث

تحياتي!!

محمود المصرى said...

بسم الله الرحمن الرحيم
يا باشمهندس انا لا احمل الامريكان ولا الغرب مسئولية الانهزام الفكرى الذى يصاب به مفكرى عالمنا , لكن اقصد ان اقول اننا لا يمكن ان نبنى حضارتنا الذاتية الفاعلة على المستوى الانسانى والتاريخى الا اذا وضعنا افكار تستلهم من الافكار الاصيلة لهويتنا , وليس بالبناء على افكار وتصورات الغرب , لأن الفكر الغربى مبنى على جذور فكرية خاصة به تصل للحضارة الرومانية والاغريقية , ونحن يجب ان نستلهم افكارنا من حضارتنا الاسلامية التى تتجه بالاساس نحو الافكار وليس نحو الاشياء .
اما قولك ان الغرب لم يتم تسليعه انما يتعامل مع ما نسميه سلع على انه شىء اساسى فى حياته فهذا هو عين التسليع , ولا اتكلم هنا عن الكمبيوتر كمثال , لكن على ابسط الامور مثل ادوات المكياج مثلا او البيبسى كولا وغيرها , والتقدم المادى التقنى فى الغرب لا اتفق معك على انه تطور حضارى انما هو انحراف نحو المغالاة فى المادية التى يقوم عليها الفكر الغربى , واتمنى ان حضرتك تقرأ هذه التدوينة هاتفهم قصدى .
http://misr-islamiya.blogspot.com/2008/02/blog-post_20.html

Alexandrian far away said...

مساء الخير قداسة باشمهندس رامز
عم شباب الأقاليم كلهم
أسمح لي أطلع طلعه صغيره كده في السريع عشان كلام الأستاذ محمود المصري هرش مخي ولو ما ردتش عليه مش حأعرف أنام

الأستاذ محمود المصري
قرأت مداخلتك بتمعن حقيقة وأكثر من مره، وأسف أن أقول أن كلام حضرتك مبني أساسا على أكلشيهات مكرره تمت إعادتها مرارا وتكرار حتى أكتسبت مصداقيه لا تستحقها، مثل أكليشيه أن الحضارة الغربيه ماديه أساسا
تعبير غريب لا أصل له في الواقع
فلا حضاره دون أنتاج مادي، والحضارات تقاس بأنتاجها المادي والفكري معا والحضاره الغربيه كما أنتجت مادة أنتجت الكثير من الفكر والأبداع
أما عن التسليع فهو منتج رأسمالي وليس منتج غربي وهناك فارق ما بين الرأسماليه والحضاره الغربيه

الفكر الغربي فعلا مبني على جذوره الأغريقيه الرومانيه
أي جذوره ما قبل المسيحيه
ممكن أفهم ليه التأكيد على أن الحضاره الأسلاميه فقط هي المرجع الوحيد
كأننا كنا قرود مثلا قبلها؟
ثم ما معنى حضاره تتجه فقط نحو الأفكار وليس نحو الأشياء؟
وهي حضاره لا تقارن فكريا بعمق الفلسفه الأغرييقيه مثلا أو بأتساع التشريع القانوني الروماني أو برسوخ التأمل المصري القديم


تحياتي

^ H@fSS@^ said...

حفصت؟؟ تاني؟؟ طيب ماشي بس بتحسسني اني رجعت لعصر جدتي ولا حاجة
بص يا سيدي
انا اشتريت العلمانية الجزيئة و الشاملة لكن لسه متوفرليش الوقت اني اقراهم و بما اني بثق في ذوقك الكتابي و انت قلت انهم اي كلام او مش مفيدين
فانا عيطت على الفلوس اللي راحت في الوبا مع هنادي

بس نيجي بقى لكلمة الديسابورا
يعني البوست بتاع الشقاق اسكندراني قال النسطوريين و لا ابصر مش عارفة ايه وا نت دلوقتي بتقلي الديسابورا
ايه النوضوع؟؟
انتوا يا مؤمين بسيدنا المسيح لكيوا اسماء ايه عشان لما اشوفها اعرفها و اشاور عليها
انا اعرفكم مسيحيين
يسوعيين
نصارى
و بتوع مصر اقباط
بس ايه الكلمات الجديدة اللي بعرفها من بوست للتاني
هل يا ترى ممكن تتحفنا ببوست معقد المسالك من بتوعك تشرح فيه كل كلمة و معناها و لماذا قيلت
مشكور يا قداستك
مقدما
انا عارفة اني بتعبك لكن يقال ان العلم نورن

شكرا لاستاذ ابو فراس
و استاذ اسكندراني حلفتك النبي اذا كان ينفع احلفك بيه متقوليش استاذه انا مبقتش مدرسة خلاص و الكلمة دي بتكبرني
اهئ اهئ اهئ

تحياتي

Alexandrian far away said...

يا أستاذه حفصه
(بأطلع لساني)
هو مش موقع جوجل بييجي على النت عندك برضه؟
طيب ما تحطي أي كلمه وتعملي بحث عليها
يا ستي أدي موضوع في الويكبيديا العربي عن النسطوريه

http://ar.wikipedia.org/wiki/%D8%A7%D9%84%D9%86%D8%B3%D8%B7%D9%88%D8%B1%D9%8A%D8%A9

أما الديسابورا فهي تيه بني أسرائيل بعد خروجهم من مصر وأصبح اللفظ مصطلح في حد ذاته فيقال مثلا: الديسابورا الفلسطينيه علامة على الشتات والتشرد واللفظه تترجم للعربيه : الشتات

وعلى فكره ولو أنه مش موضوع مركزي
أنا لست مسيحيا يا حفصه يا أختي
ولم أكن ولن أكون

تحياتي يا أستاذه حفصه
(بأطلع لساني تاني).

Alexandrian far away said...

للأسف يا حفصه اللينك مش بيظبط لكن الكلمه موجوده على الويكيبيديا العربيه
وهي عموما فصيل مسيحي يعتبر مهرطق
خارج عن صحيح الدين يعني

تصبحي على خير

محمود المصرى said...

بسم الله الرحمن الرحيم

استاذ اسكندرانى

الانتاج المادى لا يمكن ان يكون غاية فى ذاته , بل يجب ان يكون خادما للرسالة الفكرية التى تقوم عليها اى حضارة , والحضارة الغربية الحالية حولت هذا العامل المساعد الى ناتج نهائى , فتحولت لمجتمع مادى منحرف عن المسار الحضارى الذى يجب ان تحكمه الافكار .
اما قولك انه نتاج الرأسمالية وليس نتاج الحضارة الغربية فهذا لا يتعارض مع ما قلته , فالرأسمالية هى الصورة الحالية المسيطرة على الحضارة الغربية .
اما قولك لماذا نستمد افكارنا من الحضارة الاسلامية , فهذا لأننا مسلمين بالاساس وهويتنا هى الاسلام قبل ( تفيد الاولوية المعنوية وليس الزمنية ) اى هوية اخرى , فنحن نتعامل مع حضارتنا على انها نتاج للاسلام وليس الاسلام هو نتاج للحضارة .
اما القول ان الحضارة يجب ان تتجه للأفكار بالاساس فهذا مقصدى فيه هو ما بدأت بقوله ان الماديات يجب ان تكون خادمة للنشاط الفكرى الحضارى وليس العكس .
اخيرا احب اوضح ان الفلسفة الاغريقية والتشريع الرومانى والتأمل المصرى كلها نشاطات بشرية تضل اما الاسلام فهو التنزيل الالهى فلا يمكن ان نقارن نتاج بشرى بتعليم الهى , اما لو كنت تنكر هذا الامر فتلك قضية اخرى .
تحياتى لك

أبوفارس said...

بعد أذنك ياباشمهندز..أنا اللى مش حأعرف أنام -مع فارق التوقيت-قبل ماأسأل اﻷخ محمود المصرى..ماذا يعنى بالرساله الفكريه..وياريت يدينا مثل لما يقصده..الكمبيوتر -مثلا- هو تجسيد مادى لفكره مجرده جدا هى نظريه الكم..المسجد هو تجسيد مادى لفكره مجرده أخرى هى الصلاه للتقرب الى الله..أساس الحضاره الغربيه فكره محدده جدا هى قدره اﻷنسان على أخضاع الطبيعه..أى فكره لها معنى تجد تجسيد مادى لها..الحضاره اﻷسلاميه بالغت فى يناء المساجد وأبدعت فيها..ده كان زمان..اﻷن لانفعل أى شئ..ولا أفكار ولاتجسيدها المادى..الرأسماليه -زى ماقال أسكندرانى-بالغت فى أنتاج السلعه..وده كلام مش جديد على فكره وأفضل من تكلم فيه -وأمسك نفسك- كان كارل ماركس..الذى شُرح السلعه ووصل منها لفكره مجرده أخرى هى فائض القيمه..حكايه الغرب المادى والشرق الروحانى دى حدوته خيبانه جدا مالهاش أى معنى دلوقت..الصين والهند واليابان يزاحمون الغرب فى اﻷنتاج المادى..وهوده المعيار للرقى والنضوج اﻷنسانى..أكثر المجتمعات روحانيه وبعد عن الماديات هم البوذيين بتوع التبت أتباع الدلاى لاما..وهم بالمناسبه أفقر من دود اﻷرض..حاجه أخيره..حضرتك تتحدث عن الغرب حديث الواثق العارف..ممكن أسأل سؤال سخيف..سعادتك عشت فى أى مجتمع غربى..؟؟ولمدة كام سنه حتى تصل لهذه القناعات..والا هى برضك سماع..عن فلان عن علان أنه قال..أنا شخصيا عشت ف الشرق والغرب..وأكثر مجتمع مادى عشت فيه ولمدة سنوات..-وأمسك نفسك تانى- هو السعوديه..أذا كنت لم تعش ألا فى مصر فأنت لم ترى من الثقافه والحضاره الغربيه ألا قفاها -معلهش مشيها قفاها-وزى ماقال باشمهندز رامز..هما مش مسئولين عن خيبتنا التقيله..أحنا المسئولين عنها..والمسئوليه تبدء من أفكار باليه لامحل لها من اﻷعراب نلوكها كاللبان لتخليص مسئوليتنا عن خيبتنا..
.وعاش الزمالك قاهر الجواسيس...خالد

عباس العبد said...

ابو فارس
منور يا ريس
انا مش حاطط نقرى من نقرك ولا حاجة
انت الى ورطت نفسك
و لو مكنش انا الى قلته كان حيقوله غيرى
لازم تقيس على الزمن التاريخى
مش على الواقع الحالى
هى جت كده بقى عندك فى المدونة
متزعلش
اما حكاية مش فاهم
انا حطيت المقالين علشان نافوخى ما يضربش بس
لا قاصد حاجة و لا محتاجة
لكن ده ما يمنعش ان المسيرى له حاجات فعلا قوية
قريت المقال الى مكتوب عن الفيديو كليب و عن تسليع روبى و هيفاء
الصراحة منطقى جدا فى العالم التالت , يعنى لما يتكتب الكلام ده عن مصر , انا موافقه
لأن دى مش قيمنا و لا كنا بنفكر كده .
طول ما انت بتتكلم على الخصوصية المصرية انا معاك . اى حد بيتكلم عن الخصوصية المصرية انا معاه .
و بعدين مش لازم تعيش فى الغرب علشان تدركه , سيد قطب راح بعثه لأمريكا فى الخمسينات , قبل الانفجار المادى و الجنسى فى امريكا و رجع كفر خلق الله , و أحمد زويل راح هناك بعد الانفجار المادى و الجنسى و راجع بيمدح فى الفكر و التنظيم و روح العمل و الانضباط و دفء المشاعر و محبة الجميع , مفيش مقياس يعنى
بالنوسبة لموضوع الدالاى لاما و فقرائه .... فى الرهبنة بتاعتهم بيندروا الفقر , بأرادتهم .
لكن انا مؤيد تماما لأن فكرة الغرب المادى و الشرق الروحانى , دى خدعة تصبرنا على ما بلانا , ما هو اصله برضه ما ينفعش نصيع , لازم يبقى فى حاجة متفوقين فيها ,, و لا أيه ؟
==========
اسكندرانى
انت لازم تتخانق مع اى حد و خلاص
مينفعش تقعد يومين من غير ما تسكت ابداً
ربنا يسترها عليك
عامة مفيش معنى مستغلق ولا حاجة و لا انا قاصد حاجة
نظرية المؤامرة بوظت نافوخ الناس
و متشكرين يا سيدى على شرح كلمة نسطور و دياسبورا
========

عباس العبد said...

محمود المصرى
انا مقلتش ان الامريكان اصحاب حضارة
انا قلت متقدمين تكنولوجياً
الحضارة الغربية بأعتراف الغرب ( الى هو اوروبا مش امريكا ) بنيت على الحضارة العربية , و ممكن تسأل محمد عمارة علشان الموضوع ده عامله نوع من انواع الانبساط الشخصى و السعادة النفسية , و الحضارة العربية بنيت على الحضارات السابقة , النقل و الترجمة , و ده معروف فى تطور الحضارات و ان كل واحدة بتستمد تطورها و تقدمها من الحضارة الى قبلها .
و ده مش عيب او مشكلة معينة فى تطور الحضارة , لكن بناء الحضارة الاوروبية الحالة تتطور الى مدى ابعد من تطور الحضارة العربية فى البعد المادى , لكن محدش قال ان الحضارة العربية مع تطورها مكنش ليها بعد مادى و مادى سلعى جدا ( الجوارى و القيان و الطعام و الشراب و ........ ) و فى مليون حاجة ممكن نذكرها عن عصور بعينها ( الاموى و العباسى و العثمانى ) , لكن احنا مش هنا للتدليل على فساد حضارة او لأ .
......
لكن فى نقطة مهمة
المحتوى الثقافى للحضارة ( و ده اعتقد اننا متفقين عليه )
فى حاجات احنا مش متعودين عليها و بنعتبرها زيادات .
هم حضارتهم بتعتبر ان الماكياج و الحاجات دى مهمة بالنسبة ليهم , التخسيس , الجسم النحيف , الرشاقة و الجمال , و الاغانى و الاستهلاك المادى عامة
هم بيفكروا كده , لكن احنا لأ , مكناش كده من خمسين سنة , و لا كانت دى اهتمامتنا من يومنا و لا كان عندنا سعار استهلاكى و لا اى حاجة من الحاجات دى . مش مشكلتهم انهم ماديين , هم عايزين كده هم احرار , لكن احنا مش متعودين على كده و لا احنا عايزين نبقى كده .
فهمت قصدى
المشكلة الرئيسية ان احنا عاملين زى التلميذ الخايب الى عمال يسقط بسبب قلة مذاكرته و هو مقتنع ان الاستاذ مستقصده و انه شاطر , اول خطوة لأصلاح المصيبة دى انه لازم يعترف انه فاشل و ما بيذاكرش و يبتدى يذاكر و هو حيثبت لنفسه انه كويس و ممكن ينجح
اوروبا لما اعترفت انها فاشلة و ذاكرت و نجحت و تفوقت و اصبحت فى شكلها الحالى من التقدم اول حاجة عملتها انها اعترفت بفضل استاذها , الحضارة العربية .
احنا فى الغالب مش عايزين نتقدم و نفضل فى الى احنا فيه , علشان مش عايزين نعترف بتقدم الغرب التكنولوجى و ان احنا لازم نأخذ منهم طرق تفكيرهم العلمى
بالنسبة تانى لموضوع الماكياج ., على قناة دينية اسلامية , لقيت البرنامج قطع و فى فقرة اعلانية, علبة ماكياج تناسب الاخت المحجبة للأستخدام المنزلى كاملة من مجاميعه ( صنعت فى الصين ) , و طبعا انت عارف محلات اللبس للمحجبات و احدث صيحات الحجاب !!!!!!!!!!!!!!؟؟؟؟؟؟؟؟؟؟؟؟؟؟
قصدى ان حتى الى بيعارضوا بيتأثروا نتيجة معارضتهم بالسلبيات الثقافية لتقدم الاخر , يبقى الواحد منهم قاعد قدام لاب توب اختراع امريكانى و صنع صينى و بيكتب بلغة برمجة هندية و فى استوديو انجليزى قدامه ميكرفون هولندى و قاعد بيسب فى الغرب و المادية الغربية و يكفره كمان … فين العقل الى يقول كده ؟
المسيرى نفسه استخدم كل الوسائل و الطرق البحثية الى اتعلمها فى الغرب فى تحليل معلوماته و تصنيف موسوعته اليهود و اليهودية , و استعان بمؤسسات بتعتمد على تكنولوجيا الغرب , حتى طريقة التفكير المنطقى المرتب المتسلسل , علشان يثبت ان الغرب مادى سلعى !!!!!!!!!!
انا مبحبش الغرب و بقرف من اخلاقه و من قيمه بس مقدرش انكر انه متقدم و انى غصب عنى لازم احترمه لأنى مش عايز اعترف انى تلميذ فاشل
على فكرة , الولايات المتحدة الامريكية من اكثر الدول الغربية تديناً و بشدة و كل المدارس الفرنسية فى مصر الى الناس بتحلف بعلمها و بجودتها و بانضباتها , رهبانها فرنسيون و متدينون بشدة
الغرب ابن كلب اخلاقيا , انا معاك و هم كمان معترفين بده و قرفانين منه , لكنه عرض نتيجة الحرية
عرض مش مرض
لكن احنا عندنا امراض و بنقول عليها " بوادر اعراض انفلونزا خفيفة حتروح مع كوباية لمون سخن "
ده كفاية مصيبة التعليم عندنا بس
انا مهموم بالتجربة المصرية و عايز يبقى لينا خصوصيتنا و انا معاك
اى حد بيتكلم عن الخصوصية المصرية انا معاه و انا قلت كده لأبو فارس
يلعن ابو الغرب ,,,
بس كمان يلعن اب و جد و عم و خال الشرق
=============
حفصت
احنا ملناش غير اسم واحد
المسيحيين المصريين , بس كده
المقال بتاع المسيرى بتاع دياسبورا
كان بيتكلم عن ان المسيحيين فى مصر لم يأتوا الى مصر نتيجة شتات و بالتالى هم لا يصنعوا جيتوهات اى اننا جزء اصيل من التكوين المجتمعى المصرى , هو كان بيطمن الاقباط انهم مش دياسبورا زى الدياسبورات اليهودية الموجودة فى العالم كله
دياسبورا معناها فى المقال , تجمعات بشرية فى دولة ما حدثت نتيجة شتات , يعنى فى دياسبورا قبطية فى امريكا او دياسبورا اسلامية فى الدانمارك و كده و بتاع و دياسبورا بالنعناع
المهم انه مقلش الكلام ده بصراحة و فهم كده
لأ ده حط كل المصطلحات الممكنة لدرجة انى مفهمتش المقال الا لما سئلت الناس عن يجى كده خمشاشر عشرين مصطلح و بعد ما فهمته مت من الضحك
طيب ما تقول من الاول و اتكلم عدل و لا انت بتكلم ناس تانية غيرنا
===========

أبوفارس said...

انا مبحبش الغرب و بقرف من اخلاقه و من قيمه
***********************
ممكن ياباشمهندز تكون اكتر
تحديدا وتدينى امثله محدده لاخلاق الغرب وقيمه اللى قرفاك

Alexandrian far away said...

عزيزي أبو فارس
حقيقي الكبير كبير
تحياتي وأحترامي ومودتي ومتابعتي الشغوفه

عباس العبد said...

ابو فارس
انا احب الى يسئل و الى يسئل ما يتهوش
و انا دكتور و بقول لأى حد
اسأل استشير
و دى حاجة مريحة للنفس و للروح
و مش عيب تبقى مش عارف و تسئل
العيب انك متبقاش عارق و متسألش
و دى أفة البلد
و انا هنا علشان اجاوبك و اريحك
شوف يا سيدى و ما سيدك الا انا
معلش لو طولت عليك , قول طول
هه عرفت و لا لسه ؟
و لا اجاوبك تانى
اجاوبك تانى
........
ممكن تقول على كسول او صعيدى او قفل
او مش مفتح
بس انا محبش الجنس السداح مداح
محبش العنف الغير مبرر
محبش العرى و سب الاديان
معنديش مشكلة مع الالحاد لكن بكره سب الاديان
محبش الانحلال الاخلاقى
حتقولى ما دا موجود هنا فى مصر
حقولك ما انا مبحبوش فى مصر برضه
لكن هنا و ان كان متغطى فهو مرفوض كمنظومة قيمية
لكن هناك سداح مداح
و مقنن
فهمت انا بتكلم على ايه ؟
كل حضارة و تقدم و ليه اثاره الجانبية
فى عصر الحضارة العربية
كان فى الجوارى و القيان و الاطفال و انت فاهم قصدى و كانت متقدمة
انا مبحبش الانحلال ده و بشمئز منه
تقول صعيدى
تقول قفل
قول الى انت عايزه
بس دى نفسيات
فى ناس تقبل و ناس متقبلش
=========
هم صحيح بيشتغلوا زى ما الكتاب ما بيقول
لكن فى اعراض جانبية
انا مش بقبلها
انا كنت بشتغل فى فترة و لمدة 3 سنين
14 ساعة فى اليوم
و لما اتعرض علىٌ اشتغل فى حركة معارضة فى مجموعة تنظيمية تحت قيادة واحد عواطلى
رفضت
انا كده
و لما كانوا عايزين يدونا دورة تثقيفية على ايد واحد مخلصش جامعة و معجب بانه فاشل و بيقارن نفسه باحمد عبد الله رزة
رفضت اكمل فيها
فما بالك بانحلال انت فاهمة
دى نفسيات و انا كده
و مش مكسوف انى اقول كده
العيب انى اقول غير كده و اكدب و ادعى انى متفتح
انا متكسفش من تربية ابويا و امى
لأنى بحبهم و احترمهم
و هم ربونى على كده
و انا فخور بيهم و بتربيتهم لىٌ
=============

أبوفارس said...

أنت كده جبت التايهه ياهندزه
..بص مادام بنتكلم بصراحه
..سيبك من سحابه الدخان بتاعه العنف وسب اﻷديان دى.
.هى دى التايهه
اﻷنحلال اﻷخلاقى=الحريه الجنسيه=الجنس سداح مداح.
.وبعدين ولاصعيدى ولاقفل ولاحاجه..أنت راجل محترم جدا وعلى اﻷقل عندك شجاعه أدبيه تقول أن اللى مزعلك من الحضاره الغربيه هى مفهومها للجنس
..ناخدها واحده واحده عشان الشباب
الحلو اللى مستنى.
.هل الحريه الجنسيه قيمه أخلاقيه فى حد ذاتها؟؟؟أم هى جزء متٌضمن فى قيمه أخرى هى الحريه الفرديه والمسئوليه الفرديه..يعنى لما نحط سلم القيم فى مجتمع غربى كده ..نقول الجديه فى العمل..أهميه العمل التطوعى والعام..اﻷمانه..حمايه الملكيه الفرديه..حق اﻷعتقاد..وبالمره حقك تنط ع البت اللى جنبك..!!!والا مافيش دى.
.لكنها تأتى فى مضمون حريتك كفرد ومسئوليتك عن أختياراتك.
.دى نقطه.
.النقطه التانيه هل الحريه الجنسيه مفهوم لايوجد ألا فى الثقافه الغربيه فقط..؟؟أم موجود فى ثقافات أخرى..؟؟أعتقد أن سعادتك لو بحثت شويتين حاتجد أن أهل الشرق اﻷقصى (اليابان..الصين..كوريا..والى حد ما الهند) وأمريكا اللاتينيه ومعظم القاره اﻷفريقيه لديهم حريه جنسيه تساوى أن لم تفق ماهو موجود فى الثقافه الغربيه.
.ولكن الثقافه الغربيه هى السائده ولذلك عليها العين.
.نقطه أخرى.
.ماحجم الجنس فى الثقافه الغربيه.
.يعنى بالبلدى كده المساحه الزمنيه التى يقضيها الشاب الغربى اللى ف عمر سعادتك كده يوميا للتفكير ف الجنس بكافه أشكاله تساوى كام بالميه من وقته..؟؟

أبوفارس said...

نبص للموضوع من زاويه تانيه.
.هل أنت وحدك فى الفزع من مفهوم الحنس والممارسات الجنسيه عند الغرب أم أن تلك ظاهره عامه فى ثقافتنا كلها...نظره سريعه كده نجد أن من أول الجبرتى ماأبدا تعجبه لتقديم الفرنسيس لنسائهم وتأدبهم معهم.."حتى أن لو الواحده منهن ضربته بتاسوماتها ماأجفل" واضح أن تاسومه دى نوع من اﻷحذيه الحريمى..طبعا أيامها وليومنا هذا الراجل مفروض هو اللى يدى الست بالبلغه..للطهطاوى..لتوفيق الحكيم فى عصفور من الشرق..لعمنا يحى حقى فى قنديل أم هاشم..لسهيل أدريس فى الحى اللاتينى..للعظيم الطيب صالح فى موسم الهجره..لحد شيكاغو علاء اﻷسوانى..هناك حاله فزع عامه من الحريه الجنسيه فى الغرب..فزع يصيب الشرقى المسكين بالعمى..فلا يرى فى الغرب ألا نساء جائعه وأرجل بيضاء مشرعه...ويصل به الحد الى تكفير المجتمع كله ألم يكن هذا هو مافعله سيد قطب ألم يصبه الفزع من مشهد رقصه سلو بين أولاد وبنات فى قاعه كنيسه يعد القداس...وسب للمجتمع اﻷمريكى كله ميت مله وميت دين وقالك دى عالم كافره..وبالمره العالم اللى عندنا كفره هم كمان...فهى مشكله أو ظاهره متكرره فى الثقافه -أسميها أيه العربيه ..المصريه.. اﻷسلاميه- ثقافتنا وخلاص..الفزع من الحريه الجنسيه.
.نظره فاحصه أخرى..تقولك أيه ده مش فزع من تحرر الرجل فى ممارسه الجنس..الفزع اﻷساسى هو من تحرر المرأه فى ممارسه الجنس..ﻷن الراجل عندنا مايعيبوش ألا جيبه..ومش مهم يهنكر والا يبرطع هنا وهناك..أنما الرعب الحقيقى ﻷى رجل شرقى هو حريه المرأه التى يعتقد أنه أمتلكها -بنته ..زوجته.. أمه..عشيقته حتى ـ أن تمتلك نفس الحق فى ممارسه الجنس خارج أطار محدد..سفت بقى ياهندزه أنك جبت التايهه..وعلى فكره مش السيد الوالد والست الوالده بس هما اللى ربوك على كده..أبونا ف الكنيسه..والشيخ الشعراوى..ومدرس العربى واﻷحياء..والتليفزيون..والجرايد كلهم تحالفوا عشان يخلوك تفزع من اﻷنحلال اﻷخلاقى ف الغرب=الحريه الجنسيه=الحريه والمسئوليه الفرديه..لأنهم مبسوطين قوى كده..وتصبح على خير..مع مراعاه فارق التوقيت...خالد

عباس العبد said...

ابو فارس
اولا
انا لا افزع
لأنى رامز شرقاوى
و عائلة شرقاوى لا تفزع
دى معروفة و مذكورة فى التاريخ على مر العصور اساسا و راجع كده و انت تعرف
ده ثابت من ثوابت الامة
بتدرس فى المدارس زى العلوم و الرياضة
مادة شرقاوى لا يفزع
مش فاكرها و لا ايه ؟
باين انك مكنتش شاطر فيها
ثانيا
انا قلت ما نصه الاتى
" كل حضارة و تقدم و ليه اثاره الجانبية "
انا قلت كده
مأنكرتش انهم بيشتغلوا كما يجب
و ان الحرية الجنسية دى عرض جانبى
مقلتش انها مرض
قلت أثر جانبى
الاهم انهم بيشتكوا منها
هم بيشتكوا
من الانحلال الاخلاقى و الجنس خارج مؤسسة الزواج و تفكك الاسرة مما ادى الى قلة الانجاب و بالاخص فى اوروبا
فأذا كان اهل البيت نفسهم بيشتكوا
و لكن لأنها حرية فميقدروش يعملوا حاجة
يبقى احنا حندافع عنهم
======
تذكر
انا لا افزع

أبوفارس said...

الاهم انهم بيشتكوا منها
هم بيشتكوا
من الانحلال الاخلاقى و الجنس خارج مؤسسة الزواج و تفكك الاسرة مما ادى الى قلة الانجاب و بالاخص فى اوروبا
فأذا كان اهل البيت نفسهم بيشتكوا
و لكن لأنها حرية فميقدروش يعملوا حاجة
يبقى احنا حندافع عنهم
************
بالظبط هو كده واحسن م الشرف مافيش

أبوفارس said...
This comment has been removed by the author.